Post: #1
Title: جنابو عمر عثمان .. لماذا انت خارج اجهزة الشرطة ؟!
Author: خالد العبيد
Date: 02-10-2013, 09:21 AM
Parent: #0
بعد عودتي من الخرطوم الى استراليا ، وفي مطار ابوظبي
مد لي ضابط التفتيش ورقة بيضاء وطلب مني ان اوقع اسمي !
قمت بالتوقيع ثلاث مرات حسب الاوامر
سألته لماذا التوقيع .. فقال لي ان صورتك في الجواز تختلف عن شكلك الحالي
الحقيقة فقد صدق الرجل ! فصورة الجواز يظهر شعري كثيفا وغزيرا
على الفور تذكرت سعادة الضابط عمر عثمان
دخلت عليه في مكتبة نون الانيقة بشكلي الحليق الذي يختلف عن صورة البورد
او مظهري الذي اعتاد معارفي ان يروني فيه
بمجرد ان راني – وهي المرة الاولى - التي التقيه فيها ..
حياني الرجل بابتسامة وذكاء لماح :
اهلين خالد العبيد !!
|
Post: #2
Title: Re: جنابو عمر عثمان .. لماذا انت خارج اجهزة الشرطة ؟!
Author: خالد العبيد
Date: 02-10-2013, 09:22 AM
Parent: #1
عمر لسه شباب بل وفي عز الشباب
يتحدث بهدوء وذكاء وثقافة عالية وتركيز يحسد عليه
هذا الرجل تحتاج اليه اجهزة الشرطة بكافة مستوياتها
لا اجد مبرر واحد يجعل من امثال عمر عثمان خارج الشرطة
هذا مع احترامي لكل اختياراته ان استقال هو بمحض ارادته
|
Post: #3
Title: Re: جنابو عمر عثمان .. لماذا انت خارج اجهزة الشرطة ؟!
Author: خالد العبيد
Date: 02-10-2013, 09:26 AM
Parent: #2
وهبة وخضر حسين
وبورداب الخرطوم
رجاء الترفق بي !!
حاولت المستحيل الحضور اليكم في بيوتكم
ولكن لم استطع على الاطلاق
السماح !
-------------------
الله يحلني من غادة مكي واحسان فقيري !!
|
Post: #4
Title: Re: جنابو عمر عثمان .. لماذا انت خارج اجهزة الشرطة ؟!
Author: خالد العبيد
Date: 02-10-2013, 09:45 AM
Parent: #3
الاجازة شهر واحد
اديها يومين ماشي ويومين راجع
عشرة ايام في القاهرة
الباقي باقي ليكم بحوق في السودان بعد غياب طويل
|
Post: #5
Title: Re: جنابو عمر عثمان .. لماذا انت خارج اجهزة الشرطة ؟!
Author: محمد علي البصير
Date: 02-10-2013, 09:50 AM
Parent: #3
Quote: عمر لسه شباب بل وفي عز الشباب
يتحدث بهدوء وذكاء وثقافة عالية وتركيز يحسد عليه
هذا الرجل تحتاج اليه اجهزة الشرطة بكافة مستوياتها
لا اجد مبرر واحد يجعل من امثال عمر عثمان خارج الشرطة
هذا مع احترامي لكل اختياراته ان استقال هو بمحض ارادته |
أتفق معك تماماً أستاذ خالد
خسارة كبيرة للشرطة ان ضباط بمثل ذكاء وثقاافة وفهم عمر يسرحوا أو حتى يتم قبول إستقالتهم
أمثال عمر عثمان يساهموا في تحسين صورة الشرطة الكالحة السواد
لكن أوؤكد لك أن الشرطة الأن تحرص على إبعاد الأنقياء والشرفاء والناس النضاف
هذا الصنف أصبح قليل جداً في صفوف الشرطة
|
Post: #6
Title: Re: جنابو عمر عثمان .. لماذا انت خارج اجهزة الشرطة ؟!
Author: أيمن محمود
Date: 02-10-2013, 10:07 AM
Parent: #5
مراحب يا خالد العبيد ، محمد علي
أتفق معكما تماماً
Quote: خسارة كبيرة للشرطة ان ضباط بمثل ذكاء وثقاافة وفهم عمر يسرحوا أو حتى يتم قبول إستقالتهم
أمثال عمر عثمان يساهموا في تحسين صورة الشرطة الكالحة السواد |
راودني هذا التعجب والاستفهام واضم صوتي الى صوتك - جنابو عمر عثمان وامثاله مفخرة للشرطة وخسارة كبيرة للمجتمع والبلد
-------------------------------------------------------------
* ربما اتته هذه الثقافة الجميلة وحسن التعامل بعد ان ترك البوليس 
|
Post: #16
Title: Re: جنابو عمر عثمان .. لماذا انت خارج اجهزة الشرطة ؟!
Author: دينا خالد
Date: 02-10-2013, 11:15 AM
Parent: #6
شوف الطنقعة
يعنى انت يا خالد عايز الشرطى العربى الخليجى دا يعرفك ؟؟
لو بى شعرك برضو كان مضاك واخد بصمة من جوة عينك ...
ياخ الناس ديل ما بقدروا يعرفوا اشكالنا دى فاعذروهم ...
عمر عثمان كان جيتو فى الضلمة بعرفك
مجبوووره خادم الفكى على الصلاة ...
السؤال دا انت عارف اجابتو لكن بتتغاباها ...
حرييف عايزه تجيك منو ..
خلينى احاول اجابة دوب ما جنابو مافى ...
اجهزة الشرطة ضاقت مواعينها فى ظل التمكين
عن استيعاب شباب فى استنارة جنابو وعلى سر الختم وفيصل
وكل تلك القامات والاقلام التى نستمتع بها فى دفتر احوال البوليص ...
ضاقت مواعينهم عن مهنية مجرده وحكمة وصواب راى
ضاقت مواعينهم حتى عن النزاهة وعفة اليد وقولة الحق ...
فما وسعت جنابو والذين معهم ...
الما مشى بى كشوفات الصالح العام اضطروه ان يذهب بغيرها ...
وكان نتيجة كل ذلك انها لم تصبح اجهزة شرطة
فاصبحت اجهزة ومليشيات للمؤتمر الوطنى ...
فهل تتسائل لمادا لا يخدم جنابو بكل امكانياته التى ذكرتها لماذا
لا يخدم فى تلك الاجهزة ؟؟؟؟ ولا انت بتتكلم عن شرطة تانية ؟
بتاعت الزول المضاك داك مثلا ؟؟
|
Post: #7
Title: Re: جنابو عمر عثمان .. لماذا انت خارج اجهزة الشرطة ؟!
Author: سليمان القرشي
Date: 02-10-2013, 10:13 AM
Parent: #5
تحياتي اخي خالد
جنابو عمر من الناس الانقياء
وهو خير مثال للظابط المؤهل
الذي يعرف عمله تماما ولكن
مين يقدر ودا حال دولتنا في
كل المرافق .
تسلم خالد
|
Post: #8
Title: Re: جنابو عمر عثمان .. لماذا انت خارج اجهزة الشرطة ؟!
Author: فايزودالقاضي
Date: 02-10-2013, 10:14 AM
Parent: #5
خالد ..سلامات ...
عندما يصبح الحزب دولة فكل اجهزة الدولة هي للحزب وده واقع الحال في السودان ..
الجيش والشرطة والامن وكل مؤسسات الدولة العسكرية والمدنية هي إدوات مسخرة لخدمة الحزب الحاكم
واى شريف يدخل هذه الاجهزة سيكون إما محسن لصورة السوء والاجرام اوانه سيكون مشارك لهم ..
لذلك اى دعوة لعودة الاخ عمر في ظل هذا الوضع هو غير موفق في نظري ..
اذا اسلمت وحسن اسلامك فتعال لينا عمرة او حج ياخالد ..
|
Post: #9
Title: Re: جنابو عمر عثمان .. لماذا انت خارج اجهزة الشرطة ؟!
Author: الامين موسى البشاري
Date: 02-10-2013, 10:24 AM
Parent: #8
لأنو السودان دا بلد هاااامل وما عنده وجيييييييييع
لو كان زي جنابو عمر دا في الشرطة لأنصلح حالها
ولو كنت مسؤولاً لما ترددت لحظة في تعيينه وزيراً للداخلية
أو على أقل تقدير مديراً عاماً للشرطة
وبعدين يا خالد ما ياهو حال البلد الولاء قبل الكفاءة
أمثال جنابو عمر كثيرين وفي كافة المجالات
|
Post: #10
Title: Re: جنابو عمر عثمان .. لماذا انت خارج اجهزة الشرطة ؟!
Author: خالد العبيد
Date: 02-10-2013, 10:39 AM
Parent: #9
خسارة كبيرة للشرطة ان ضباط بمثل ذكاء وثقاافة وفهم عمر يسرحوا أو حتى يتم قبول إستقالتهم
--------------------------------------------
الاخ البصير
سلام
بالفعل اتفق معك الشرطة السودانية هي الخاسرة في ابعاد عمر عثمان
|
Post: #11
Title: Re: جنابو عمر عثمان .. لماذا انت خارج اجهزة الشرطة ؟!
Author: خالد العبيد
Date: 02-10-2013, 10:43 AM
Parent: #10
من الذين التقيتهم العزيز احمد موسى
بالصدفة!
لقيت يافطة مكتبو في حلتنا
التقول الباطنية بعيدة !
ياهو زاتو نفس الزول الجميل
|
Post: #12
Title: Re: جنابو عمر عثمان .. لماذا انت خارج اجهزة الشرطة ؟!
Author: خالد العبيد
Date: 02-10-2013, 10:50 AM
Parent: #11
ربما اتته هذه الثقافة الجميلة وحسن التعامل بعد ان ترك البوليس
------------------------------------
انا متاكد انو ثقافتو دي تربية من الابتدائي
عمر ود الخرطوم!
|
Post: #13
Title: Re: جنابو عمر عثمان .. لماذا انت خارج اجهزة الشرطة ؟!
Author: خالد العبيد
Date: 02-10-2013, 10:54 AM
Parent: #12
صديقي اللدود الفكي اسحق
الله يعلم سالت عنك بشدة
اخدت تلفونك واتصلت عليك عدة مرات
ويشهد جنابو بذلك
|
Post: #14
Title: Re: جنابو عمر عثمان .. لماذا انت خارج اجهزة الشرطة ؟!
Author: مزمل خيرى
Date: 02-10-2013, 10:55 AM
Parent: #9
ياخالد والله كنا نفسنا نشوفك ونلاقيك
|
Post: #15
Title: Re: جنابو عمر عثمان .. لماذا انت خارج اجهزة الشرطة ؟!
Author: حيدر بشير
Date: 02-10-2013, 11:15 AM
Parent: #14
الاخ خالد و ضيوفك الكرام
لكم التحايا
جنابو عمر لم ألتقيه و لكن عرفته خلال كلماته فى هذا المنبر الجميل
و هو كما قلت انسان فى غاية النقاء و الصفاء و مهذب لدرجة قف تأمل
عيبه الوحيد انه من اتباع الوصيف و هو لا يشبههم و قد يأتى يومآ يعود الى صوابه
و يرجع الى دياره الزرقاء
لك و له التحية و الاحترام
|
Post: #17
Title: Re: جنابو عمر عثمان .. لماذا انت خارج اجهزة الشرطة ؟!
Author: omer osman
Date: 02-10-2013, 12:00 PM
Parent: #15
تحياتي خالد العبيد والف شكر على حسن ظنك في وللأسف ما قدرنا قابلناك تاني
يوم انا ووهبة اتصلنا على تلفونك عرفنا من زوجتك انك سافرت وان شاء الله لينا
اكثر من لقاء في ساعات خير ،،،
| Quote: جنابو عمر عثمان .. لماذا انت خارج اجهزة الشرطة ؟! |
هذا السؤال يحتاج مني الى بوست كامل لانه طرح أكثر من مرة في هذا المنبر او غيره
والقصة طويلة حفزني بوستك هذا لتناولها قريباً جداً ان شاء الله لشرح ملابسات كثيرة
احاطت بهذا الموضوع لكن المؤكد ان هناك ايدي خفية كانت تعمل في الظلام كتبت لبعضنا
تأشيرة خروج من الشرطة ودفعت بعضنا لترك الشرطة قسراً وسدت كل السبل والمنافذ التى
كان من الممكن ان نعود عبرها للعمل بالشرطة ولسان حالهم يقول نحن ما صدقنا انكم اتخارجتو
عاوزين تجونا تاااااااني !!!!
الشكر لكل الاخوان والاخوات الاعزاء الذين مروا من هنا اشكرهم على احرفهم الانيقة بحقي واسأل
الله ان يجعلني دائماً عند حسن ظنهم ولي عودة كان ربنا هون ....
|
Post: #18
Title: Re: جنابو عمر عثمان .. لماذا انت خارج اجهزة الشرطة ؟!
Author: عبدالوهاب علي الحاج
Date: 02-10-2013, 12:18 PM
Parent: #17
Quote: وهبة وخضر حسين
وبورداب الخرطوم
رجاء الترفق بي !!
حاولت المستحيل الحضور اليكم في بيوتكم
ولكن لم استطع على الاطلاق
السماح ! |
يا خلودي يا حبيب
معليش يا حبيب والجايات اكثر من الرايحات إن بقينا حيين
لكن السبب شنو الخلانا ما نتقابل حقو تخليك واضح
السبب هو الماسورة الانت فاتح ليهو بوست باسمو دا 
____________
يا جنابو امس مالك قافل تلفونك ؟
|
Post: #19
Title: Re: جنابو عمر عثمان .. لماذا انت خارج اجهزة الشرطة ؟!
Author: omer osman
Date: 02-10-2013, 12:24 PM
Parent: #18
| Quote: السبب هو الماسورة الانت فاتح ليهو بوست باسمو دا |
ههههههههههههههه
جنابو في شكل وارغو 
| Quote: يا جنابو امس مالك قافل تلفونك ؟ |
ليهو اسبوع مقفول رجالة ساكت هههههههه
تعال بالدرب بكرة بنتظرك بالفطور ...........
|
Post: #21
Title: Re: جنابو عمر عثمان .. لماذا انت خارج اجهزة الشرطة ؟!
Author: عبدالوهاب علي الحاج
Date: 02-10-2013, 12:34 PM
Parent: #19
| Quote: تعال بالدرب بكرة بنتظرك بالفطور ........... |
Deal
_____________
بركاتك يا شيخ خالد
جابت ليها فطور
|
Post: #20
Title: Re: جنابو عمر عثمان .. لماذا انت خارج اجهزة الشرطة ؟!
Author: محمد علي البصير
Date: 02-10-2013, 12:30 PM
Parent: #18
| Quote: لكن أوؤكد لك أن الشرطة الأن تحرص على إبعاد الأنقياء والشرفاء والناس النضاف |
Quote:
المؤكد ان هناك ايدي خفية كانت تعمل في الظلام كتبت لبعضنا
تأشيرة خروج من الشرطة ودفعت بعضنا لترك الشرطة قسراً وسدت كل السبل والمنافذ التى
كان من الممكن ان نعود عبرها للعمل بالشرطة ولسان حالهم يقول نحن ما صدقنا انكم اتخارجتو
عاوزين تجونا تاااااااني !!!!
|
لم أقل كلامي من فراغ ـ وهاهى مداخلة جنابو عمر تؤكد ما ذهبت اليه
|
Post: #22
Title: Re: جنابو عمر عثمان .. لماذا انت خارج اجهزة الشرطة ؟!
Author: عبدالكريم أحمد الامين
Date: 02-10-2013, 12:47 PM
** ود العبيد..
** سلام وصباحك خير..
## وحمداً لله على سلامة العوده من دولة التوجه اللاحضارى..
## ابو عبدالرحمن هو اول دفعته فى كلية الشُرطه ... وبالرُغم من ذلك هو خارج الخدمه .... عــجـــبـــى !!!!!(ودام الود بين الجميع)
(ابو محمد فؤاد) - الماكيكى..
|
Post: #23
Title: Re: جنابو عمر عثمان .. لماذا انت خارج اجهزة الشرطة ؟!
Author: احمد حمودى
Date: 02-10-2013, 01:06 PM
Parent: #22
الاخ الفاضل خالد العبيد
اولا حمدا الله على سلامة العودة فعلا الاخ الفاضل سعادتو عمر عثمان رجل دو اخلاق عالية
لكن اتلومت فى عدم مقابلة الدكتورة الفاضلة احسان فقيرى
مودتى
|
Post: #24
Title: Re: جنابو عمر عثمان .. لماذا انت خارج اجهزة الشرطة ؟!
Author: nabielo
Date: 02-10-2013, 01:48 PM
Parent: #22
Quote: ولو كنت مسؤولاً لما ترددت لحظة في تعيينه وزيراً للداخلية
أو على أقل تقدير مديراً عاماً للشرطة |
علي كدا اتفقنا علي شخص وزير الداخلية بعد سقوط الانقاذ
نشوف باقي الوزارات
بصراحة الواحد كان مكجن اي حاجة عندها علاقة بالشرطة قبل معرفة جنابو عمر من خلال المنبر
بس يتم لينا قصة كرستينا 
لك التحية استاذ خالد
|
Post: #25
Title: Re: جنابو عمر عثمان .. لماذا انت خارج اجهزة الشرطة ؟!
Author: حيدر حسن ميرغني
Date: 02-10-2013, 03:11 PM
Parent: #24
سلامات خالد
دينا دي تنفع بوليسة عدييل
-
مرة جابت صورة شرطية شرط كده
قلت اكيد قفلت على الكاكي
|
Post: #26
Title: Re: جنابو عمر عثمان .. لماذا انت خارج اجهزة الشرطة ؟!
Author: خالد العبيد
Date: 02-10-2013, 10:09 PM
Parent: #25
Back soon
|
Post: #30
Title: Re: جنابو عمر عثمان .. لماذا انت خارج اجهزة الشرطة ؟!
Author: أيمن محمود
Date: 02-10-2013, 11:18 PM
Parent: #29
|
Post: #66
Title: Re: جنابو عمر عثمان .. لماذا انت خارج اجهزة الشرطة ؟!
Author: إدريس محمد إبراهيم
Date: 02-12-2013, 10:34 AM
Parent: #30
خالد العبيد ...
لمثل جنابو ترفع القبعات .... وتنحنب الهامات ....
شكراً يا خالد ...
مع خالص الود والتقدير ؛؛؛؛
* خارج النص :
Quote: تعال بالدرب بكرة بنتظرك بالفطور ...........
|
أم فتفت بالشطه المولعه والدكوه يا جنابو .....
ياخ وهبه ده زاغ مني عدييل في الخرطوم ... ههههههه .....
|
Post: #31
Title: Re: جنابو عمر عثمان .. لماذا انت خارج اجهزة الشرطة ؟!
Author: خالد العبيد
Date: 02-10-2013, 11:20 PM
Parent: #29
السؤال دا انت عارف اجابتو لكن بتتغاباها ...
حرييف عايزه تجيك منو ..
----------------------------------------------
يا دينا
ادونا فرصة واااحدة اعمل رايح
شكرا لمرورك
|
Post: #32
Title: Re: جنابو عمر عثمان .. لماذا انت خارج اجهزة الشرطة ؟!
Author: خالد العبيد
Date: 02-10-2013, 11:22 PM
Parent: #31
ولكن
مين يقدر ودا حال دولتنا في
كل المرافق .
------------------------------------
الاستاذ القرشي
سلام
نعم عمر كما قلت
لكن اكيد حال الدولة سيتغير ومحال الحال يدوم
شكرا لك
|
Post: #33
Title: Re: جنابو عمر عثمان .. لماذا انت خارج اجهزة الشرطة ؟!
Author: خالد العبيد
Date: 02-10-2013, 11:35 PM
Parent: #32
اذا اسلمت وحسن اسلامك فتعال لينا عمرة او حج ياخالد ..
---------------------------------------------
ود القاضي
كيفك يا ادروب !
لو قلت ليك حجيت وعمرت ثلاثة مرات بتصدق ؟!
بعدين انتو يا ادروبات خلاص حسنتو اسلامكم ؟!
اسمع دي :
ادروب موظف في وزارة التربية والتعليم
قالوا ليهو المدارس بنسميها بي اسامي الصحابة
مدارس الاولاد مثلا عمر بن الخطاب ، علي بن ابطالب
مدارس البنات : خديجة بنت خويلد ، خولة بنت الازور
بعد كم يوم جابو ليهو مدرسة مختلطة !
قالوا ليهو سميها
قال ليهم نسميها مدرسة عيسى بن مريم !
---------------------
حسنو اسلامكم وبطلو زيارة الشيخ برغوث !
|
Post: #34
Title: Re: جنابو عمر عثمان .. لماذا انت خارج اجهزة الشرطة ؟!
Author: خالد العبيد
Date: 02-10-2013, 11:41 PM
Parent: #33
طبعا كان لازم افتش لي بورداب البراري
قابلت ويكليكس السودان العزيز ماضي ابوالعزائم
قضينا وقتا جميلا وممتعا في حضرة صديقنا الدكتور محمد مصطفى الامين
الناقد السينمائي الرائع بعد غيبة طويلة
شكرا ماضي على كل مساعداتك القيمة لي في موضوع الصور
عذبتك فيها عذاب قبورة
لك احترامي
|
Post: #35
Title: Re: جنابو عمر عثمان .. لماذا انت خارج اجهزة الشرطة ؟!
Author: خالد العبيد
Date: 02-11-2013, 00:37 AM
Parent: #34
لو كان زي جنابو عمر دا في الشرطة لأنصلح حالها
ولو كنت مسؤولاً لما ترددت لحظة في تعيينه وزيراً للداخلية
أو على أقل 0 مديراً عاماً للشرطة
---------------------------------
اتفق معك في كل كلمة سطرتها هنا
شكرا لك
|
Post: #36
Title: Re: جنابو عمر عثمان .. لماذا انت خارج اجهزة الشرطة ؟!
Author: خالد العبيد
Date: 02-11-2013, 00:57 AM
Parent: #35
ياخالد والله كنا نفسنا نشوفك ونلاقيك
مزمل خيري
سلام
الزمن ده كلو انا مفتكرك من بورداب السعودية
وفي السعودية من جدة
وفي جدة ساكن بني مالك !!
ليه ما عارف !!
لكن ثق اكيد بنتلاقى لو ربنا مد في العمر والايام
احترامي
|
Post: #37
Title: Re: جنابو عمر عثمان .. لماذا انت خارج اجهزة الشرطة ؟!
Author: خالد العبيد
Date: 02-11-2013, 01:00 AM
Parent: #36
عيبه الوحيد انه من اتباع الوصيف و هو لا يشبههم
-------------------------------------------
سلام يا حيدر بشير
انا زاااتو مريخابي
وجميل انو جنابو يشجع الاحمر
تسلم
|
Post: #38
Title: نايمة مع الأفاضل مع الأرامل قايمــــــــــــــــــــــــــــــــــة
Author: elhilayla
Date: 02-11-2013, 01:20 AM
Parent: #37
الدنــــــــــــــــــــــــــــــــــــــــــــيا أم قدود ال ما ها دايمـة
نايمة مع الأفاضل مع الأرامل قايمــــــــــــــــــــــــة
غرقت التماسيح جات الورايل عايمـــــــــــــــــــــــة
يا جنابو
معليش يا أم أبوك الدنيا جات بالعكسي
ناقصين العقول كان طمبرولك أرقصي
____
الحليلة
|
Post: #39
Title: Re: جنابو عمر عثمان .. لماذا انت خارج اجهزة الشرطة ؟!
Author: بشرى مبارك ود السقاى
Date: 02-11-2013, 01:28 AM
Parent: #37
التواجد لأمثال الاخ والزميل عمر عثمان خارج قوات الشرطة أملته ظروف الانقاذ (التى لاتقبل الزول الدغرى ) لاشك أن عمر عثمان وكثيرين غيره من أبناء الوطن والشرطة فى وجودهم الان خارج منظمومة قوات الشرطة فيه الكثير من الخير وسوف تتضاعف خبراتهم من خلال التواجد مع كل القطاعات (من غير لبس وإستعداد ومناطق عمليات !!) وبما أننا (هرمنا ونحن خرج السودان وخارج الشرطة ) فأوصى عمر عثمان ومن يصغرنا من صغار الضباط أمثال فيصل عثمان وإنت نازل أن يكثروا من الحراك الاسفيرى وتوطيد العلاقات بكل قطاعات المجتمع والساسه والمفكرين وغيرهم بل وأنصحهم بأضافة دراسات قانونية وغيرها عليا (ماجستير دكتوراة ) فى شتى الضروب لأن يوم (الحبوبه لهم لاشك قريب فالذهب لا يصدأ ولا يرخص إن شاء الله ) ونحن نقول لايكبر برضو وعلى العموم يا عمر عثمان واصل (فى التابلوهات ) بس ما تحاول تقليد (سيدا ) فربما رجع الى الهلال مثلما نتوقع رجولك للشرطة إن شاء الله تحياتى وشكراً خالد العبيد .
كنت فى العام 1988م فى زيارة للكويت وكنت فى رتبة النقيب شرطة ومسافر بالجواز السودانى وعليه صورتى بالرسمى مع الرتبة نقيب شرطة والعنوان جوازات مطار الخرطوم ، وعند ختم الجوازات طلب منى الضابط وكان فى رتبة الملازم أول أن أساعده !! فقلت له فى أى شىء فقال لى تعال معى الى المكتب وفى مكتبة وجدت سودانى فى الستينيات من العمر وكان معانا فى الطائرة الكويتية من الخرطوم وأخرج الضابط الكويتى الجواز من الدرج وقال لى هل هذا الجواز والصورة لهذا الرجل السودانى ؟؟ فقلت له هل تسمح لى بالتحرى معه فى حضورك ؟؟ فقال جداً فجلسنا وبدأت فى تقليب الجواز وعرفت تأريخ الاصدار ومكان الاصدار ولا حظت كثرة التأشيرات فى الجواز فسألته عن الامكنه والتأشيرات فجاوب وسألته من تأريخ إستخراج الجواز فجاوب عليه بدقة شديدة ولا حظت دخوله الكويت أكثر من مره !! سألته من أين أنت فقال لى أساساً من الجيلى وأسكن الخرطوم فقلت له هل تعرف الدكتور محمد الخاتم يوسف المصطفى فقال لى هو قريبى ونسيبى وأنا سوف أنزل معه وسألته من سكنه فى أى حى لاننى زرته فى بيته فى إجازتى الاولى وزريارتى للكويت فى 1984م وهو من بلدياتنا وقرابة بعيده وأخوانة زملاء شرطة ودراسة ، فجاوبنى إجابات كلها صحيحة فقلت للضابط أنا متأكد 100% أنا هذا الجواز يخص هذا المواطن ولو حصل أى شىء على مسؤليتى فشكرنى وأعطانى كرته وأعطيته تلفون دفعتى ضابط الجوازات فى السفارة السودانية بالكويت الذى سوف أنزل معه الاخ النقيب عماد سعيد سيد صالح وقد قابلت الرجل فى منزل الدكتور محمد الخاتم عليه الرحمة وشكرنى على موقفى وطريقة التصرف الحكيمة من الضابط الكويتى .
|
Post: #40
Title: Re: جنابو عمر عثمان .. لماذا انت خارج اجهزة الشرطة ؟!
Author: خالد العبيد
Date: 02-11-2013, 02:34 AM
Parent: #39
فايز ودالقاضي جيتك تاني !!
في قسم من اقسام شرطة بورتسودان كتب احد المتحريين ما يلي:
(أن الشاهد ذكر أنه كان قد رأى المتهم عندما كان يصلي(أي الشاهد)
وهذا يعني أنه قد رأى المتهم في واحدة من ثلاث:
إما في حالة السجود وهذا غير ممكن، وإما أنه رآه عندما كان راكعاً وذلك غير ممكن أيضاً
وإما أن يكون قد رآه وهو واقف وذلك يعني أن صلاته باطلة لأنه كان يتلفت..
وعلق الضابط : (الزول ده بتحرى في البلاغ ولا في صحة صلاة الشاهد؟!.
----------------------------------------------
حسنوا اسلامكم ما تتلفتو !
|
Post: #41
Title: Re: جنابو عمر عثمان .. لماذا انت خارج اجهزة الشرطة ؟!
Author: Mohamed Suleiman
Date: 02-11-2013, 03:06 AM
Parent: #40
من أجمل فوائد السايبر ... أن للمنبر ذاكرة لا تنسي .....
يا نابيلو ... وزير داخلية عديييل كدة ... لزول يتحدي أوكامبو إنّو يجي يقبض المجرم البشير لو بيقدر؟؟!!
البوست ده حقّو يضعو فيهو علامة تحذيرية للمتداخلين و المتداخلات: إنتبه .. أمامك مزلقان ..
Warning ... slippery path a head !!!! x
|
Post: #42
Title: Re: جنابو عمر عثمان .. لماذا انت خارج اجهزة الشرطة ؟!
Author: خالد العبيد
Date: 02-11-2013, 03:23 AM
Parent: #41
التحية لجنابو عمر
انت تستحق كل كلمة جميلة كتبت في حقك هنا
الف مرحب بيك
|
Post: #43
Title: Re: جنابو عمر عثمان .. لماذا انت خارج اجهزة الشرطة ؟!
Author: خالد العبيد
Date: 02-11-2013, 04:05 AM
Parent: #42
معليش يا حبيب والجايات اكثر من الرايحات إن بقينا حيين
---------------------------------------
سلام يا وهبة
حزنت جدا لمن اخبرني عمر بانك عقبتني في المكتبة بـ دقائق
واكيد بنتلاقى
مع احترامي
|
Post: #44
Title: Re: جنابو عمر عثمان .. لماذا انت خارج اجهزة الشرطة ؟!
Author: ود الباوقة
Date: 02-11-2013, 05:59 AM
Parent: #43
التقيته في عزومة قندهار
رجل نقي وشهم وبشوش
وايضا من المداومين على قراءة بوستاته
خسارة ان يكون اخونا عمر خارج منظومة شرطة السودان
خسارة والله ....
لا بد ان نزجي التحايا عبره للاخ وهبة
شكرا خالد
|
Post: #45
Title: Re: جنابو عمر عثمان .. لماذا انت خارج اجهزة الشرطة ؟!
Author: خالد العبيد
Date: 02-11-2013, 10:34 AM
Parent: #44
هو اول دفعته فى كلية الشُرطه ... وبالرُغم من ذلك هو خارج الخدمه ....
---------------------------------------------------
شكرا يا عبدالكريم على المعلومة الهامة
طيش الدفعة لو كوز اكيد بيكون في موقع قيادي !!
|
Post: #46
Title: Re: جنابو عمر عثمان .. لماذا انت خارج اجهزة الشرطة ؟!
Author: خالد العبيد
Date: 02-11-2013, 10:40 AM
Parent: #45
الاستاذ احمد احمودي
ما قلت الا الحق
لكن بيني وبينك احسان هينة
انا مشكلتي خضر .. خضر .. خضر
بديت معاو ونسة دقاقة في الماسنجر
مفروض نتمها في اجتماع سري بيني وبينو
لكن .. السفر !
|
Post: #47
Title: Re: جنابو عمر عثمان .. لماذا انت خارج اجهزة الشرطة ؟!
Author: محمد جبره
Date: 02-11-2013, 10:51 AM
Parent: #46
ود العبيد
سلامات وحمدالله على السلامة
جنابو دا في اجازة مفتوحة والرتبة محفوظة
و التحية موصولة لعمر البوليس
|
Post: #48
Title: Re: جنابو عمر عثمان .. لماذا انت خارج اجهزة الشرطة ؟!
Author: nabielo
Date: 02-11-2013, 01:15 PM
Parent: #47
| Quote: يا نابيلو ... وزير داخلية عديييل كدة ... لزول يتحدي أوكامبو إنّو يجي يقبض المجرم البشير لو بيقدر؟؟!! |
محمد سليمان
بصراحة لم اطلع علي مداخلة لجنابو عمر بهذا المضمون
و اذا الكلام دا حصل بعتذر عن مداخلتي
لانو موقفي واضح و صريح و اؤيد القبض علي البشير و محاكمته
و يظل الاحترام بيننا
|
Post: #49
Title: Re: جنابو عمر عثمان .. لماذا انت خارج اجهزة الشرطة ؟!
Author: أحمد قلوب
Date: 02-11-2013, 03:59 PM
Parent: #48
سلام يا خالد وحمدا لله على السلامة وبركة الجيت طيب ...
حال اي بلد يقاس بمستوى وحالة المدرسين ورجال الشرطة اذا صلح حالهم صلح البلد واذا ساء سأت البلد...بعديين يا اخوى الداخلية دى مما بقى وزيرها اللمبى حكايتها باظت وعمر عثمان ربنا رحمو من شغل البوليص فى زمن فيه مدير عام الشرطة ( شرطى فنى )ووصل للمنصب بسبب النسب ...والشرطة فى زمن الطفابيع فى خدمة النظام وليس الشعب ....
|
Post: #50
Title: Re: جنابو عمر عثمان .. لماذا انت خارج اجهزة الشرطة ؟!
Author: هشام هباني
Date: 02-11-2013, 09:15 PM
Parent: #49
Quote: Quote: كتب الكاذب عبدالوهاب يخاطبني :
Quote: ياخ انت شنو واخوانك شنو ؟
انت قايل نفسك حاجة مهمة لحدي ما اباريك واعرف ليك اخوانك
انت موهوم ولا شنو ؟
واحد كان ماسك السكيوريتي بتاع الحدائق يعني امنجي عديل
والتاني مدير اكبر شركة نظافة بتاعة كيزان
والاتنين كيزان ومعتقين كمان شفت كيف ؟
كدا خلاص ولا اكتب ليك الاسماء كمان
_____________________
عبدالوهاب الكذاب
انت غير جدير بالاحترام على الاطلاق
ولاتعرف اشقائي من قريب او بعيد
ليس لي اشقاء بهذه المواصفات يا كاذب
اتحداك امام كل اعضاء هذا المنبر
ان تحدد لي باالاسماء بأن:
.... شقيقك ماسك السكيورتي " امنجي " بتاع الحدائق وكوز!
..... مدير شركة نظافة وكوز !! |
|
Post: #51
Title: Re: جنابو عمر عثمان .. لماذا انت خارج اجهزة الشرطة ؟!
Author: Mohamed Suleiman
Date: 02-11-2013, 09:40 PM
Parent: #49
الأخ الفاضل نبيلو
لك التحية و الإحترام
Quote:
Quote:
يا نابيلو ... وزير داخلية عديييل كدة ... لزول يتحدي أوكامبو إنّو يجي يقبض المجرم البشير لو بيقدر؟؟!!
|
محمد سليمان
بصراحة لم اطلع علي مداخلة لجنابو عمر بهذا المضمون
و اذا الكلام دا حصل بعتذر عن مداخلتي
لانو موقفي واضح و صريح و اؤيد القبض علي البشير و محاكمته
و يظل الاحترام بيننا
|
في يوم 4 مارس 2009 ... أصدرت المحكمة الجنائية الدولية بلاهاي أمر القبض علي عمر حسن البشير بتهم إرتكاب الإبادة الجماعية و جرائم حرب و جرائم ضد الإنسانية بدارفور.
يوم 5 مارس 2009 ( اليوم التالي ) .... فتح العضو ( ضابط الشرطة سابقا و ممثل القانون ) عمر عثمان بوست التالي يسخر فيه من أوكامبو و يتحداه:
بكل وقاحة قال Al-Bashir Shall be arrested. تعال اقبضوا انت !!!!!
و كتب في أول مداخلة فيه:
Quote:
اوكامبو الذي اخذ موضوع الرئيس البشير موضوع شخصي ولوى عنق العدالة ليقدم ادلته المزورة احس
امس بزهو انتصاره الزائف وقال Al-Bashir Shall be arrested
طيب من الاخر تعال اقبضوا انت !!!!!!!!!!!!!!!
|
ده يا نبيل (يمجدونه بجنابو) .. رجل يمثل القانون .. و درس القانون ....
كان يكون مقبولا لو أتي في ذلك البوست من الحجج القانونية و المرافعات البينيّة تبرهن خطل المحكمة و اوكامبو في فنيّات التهم قانونيّا ....
أوكامبو قبل أن يكلفّه مجلس الأمن بالنظر في أمر دارفور .. لم تكن هناك أي قواسم مشتركة أو شئون تجمعه بالبشير .. حتي يصبغ جنابو علي الأمر بأنه شخصي ...
البشير بعضمة لسانه .. إعترف أن من قتلوا بدارفور ليسوا بأكثر من : عشرة ألف
هذه الجرائم حدثت في السودان ... و لمواطنين سودانيين .....
ما سجّله جنابو بيده هو إدانة أخلاقية له هو في المقام الأول ..... لا تؤهله حياديّا أن يكون من الأجاويد في أي نزاع مهما صغر ... دع عنك أن يكون مرشحا لوزير داخلية لبلاد فتكت بها الحروب العنصرية.
مشكلة البورد و منذ زمن ... هذه الشللية السطحية التي تتبادل أدوار تلميع البعض بصورة مشمئزّة .... و بكلمات تكاد تكود مأخوذة من ثقافة الواسطة: ده زول أخلاقو عالية كان ختيتو في الجرح يبري .. ده ود ناس ... ده إنسان كتاباتو عظيمة ...
أوكي ... أعلاه من الكتابات "العظيمة" التي يحفظها تاريخ المنبر ....
كتابات تبين هذيان عنصري يدوس علي مشاعر ضحايا مجرم هارب من العدالة ....
لا يهمني إن كان جنابو عضوا في حزب المؤتمر الوطني أو الحزب النازي و خرج منه....
تهمني مواقفه التي جلس يوما و بكامل قواه العقلية و الأخلاقية ... و سطّر للدهر مثل هذه الكلمات التي أسقطت القناع عن رجل القانون و الأخلاق .... كما يسوّق له هنا خالد العبيد و بقية KKK السودان الفضّل ....
|
Post: #52
Title: Re: جنابو عمر عثمان .. لماذا انت خارج اجهزة الشرطة ؟!
Author: خالد العبيد
Date: 02-11-2013, 11:13 PM
Parent: #51
هشام هباني
محمد سليمان
قمتم بتحريف مسار البوست
رجاء الابتعاد من هنا
حقيقة لا ارغب في مشاركتكم هنا
مع الشكر
|
Post: #54
Title: Re: جنابو عمر عثمان .. لماذا انت خارج اجهزة الشرطة ؟!
Author: Mohamed Suleiman
Date: 02-11-2013, 11:51 PM
Parent: #52
Quote:
هشام هباني
محمد سليمان
قمتم بتحريف مسار البوست
رجاء الابتعاد من هنا
حقيقة لا ارغب في مشاركتكم هنا
مع الشكر
|
شوف يا خالد العبيد ..... ده منبر عام للرأي و الرأي العام
ما تطرحه هنا يقرأه الجمهور العام .....
إن أردت أن تقول لعمر عثمان كلام لا يناقشك فيه أحد ... فدونك التلفون و الإيميل و المنزل .. أو حتي جلسة في قهوة ...
أنا حتي الآن ملتزم بقوانين المنبر و لائحة المنبر ....
لم أتعدي الي خصوصياتك أو خصوصيات جنابك عمر عثمان ....
ما كتبه هو يعد إستفزازا لكثير من الضحايا .. ضحايا الإبادة الجماعية بدارفور ... الذين حتي الآن ينتظرون القصاص و هم هناك في العراء ...
ما عايز تقرأ كلامي ده .... أطلب من بكري سحب بوستك هذا بكامله ....
إلّا ... غصبا عنك نكتب ما نعتقده رأبنا ... و ليكن الجمهور هو الحكم.
إن كنت لا تحتمل الرأي الآخر ... كيف تحتمل المختلف عنك في وطن يقال له السودان؟!!!
|
Post: #55
Title: Re: جنابو عمر عثمان .. لماذا انت خارج اجهزة الشرطة ؟!
Author: أسامة البلال
Date: 02-12-2013, 01:06 AM
Parent: #54
للأسف يا هباني ومحمد سليمان مداخلاتكم هنا لا يمكن تفسيرها سوي محاولة تشويهة وإغتيال شخصية وإفساد لبوست لا يحمل سوي مودة وعرفان بين أصدقاء
الأخ عمر عثمان لم نعرف أو نسمع عنه عنه إلا كل خير ولو كان الأمر علي الشأن العام فكل أصدقائكم في النضال الآن تقلبوا ما بين السلطة والمعارضة
|
Post: #56
Title: Re: جنابو عمر عثمان .. لماذا انت خارج اجهزة الشرطة ؟!
Author: ABDALLAH ABDALLAH
Date: 02-12-2013, 01:21 AM
Parent: #54
Quote:
هشام هباني
محمد سليمان
قمتم بتحريف مسار البوست
رجاء الابتعاد من هنا
حقيقة لا ارغب في مشاركتكم هنا
مع الشكر |
الأخ خالد العبيد
لا أوافقك الرأى في هذه النقطه بالذات
هذا منبر عام ولا بد من مناقشة كل ما يطرح فيه من آراء سلبا أو إيجابا.
|
Post: #57
Title: Re: جنابو عمر عثمان .. لماذا انت خارج اجهزة الشرطة ؟!
Author: خالد العبيد
Date: 02-12-2013, 03:25 AM
Parent: #56
الاخ نبيلو
تشكر على المرور
فقط تاكد ان الاستاذ عمر عثمان رجل نبيل بكل ما تحمل الكلمة من معنى
|
Post: #58
Title: Re: جنابو عمر عثمان .. لماذا انت خارج اجهزة الشرطة ؟!
Author: خالد العبيد
Date: 02-12-2013, 03:28 AM
Parent: #57
الاستاذ حيدر
تحياتي
شكرا يا سيدي
ودينا صاحبة قلم جميل لها استايل متفرد في البورد
|
Post: #59
Title: Re: جنابو عمر عثمان .. لماذا انت خارج اجهزة الشرطة ؟!
Author: خالد العبيد
Date: 02-12-2013, 03:32 AM
Parent: #58
معليش يا أم أبوك الدنيا جات بالعكسي
ناقصين العقول كان طمبرولك أرقصي
-----------------------------------------------------
العزيز الحليلة
بالفعل .. ومثل ما قال حميد : مافي عديلة راكبة محلتها
شكرا لمرورك
|
Post: #60
Title: Re: جنابو عمر عثمان .. لماذا انت خارج اجهزة الشرطة ؟!
Author: عاطف فارس
Date: 02-12-2013, 04:14 AM
Parent: #59
Quote: لو كان زي جنابو عمر دا في الشرطة لأنصلح حالها
ولو كنت مسؤولاً لما ترددت لحظة في تعيينه وزيراً للداخلية
أو على أقل 0 مديراً عاماً للشرطة
---------------------------------
اتفق معك في كل كلمة سطرتها هنا
شكرا لك |
يا اخوي خالد العبيد بعد التحية والسلام
كدي فسر لي بس كلام الزول ده عن الانتخابات الجاية الفتح بيها بوست وقال نرجى 2015 عشان نغير الانقاذ!
انا رديت ليهو في بوستيهو هذا ولم ولن يرد! وان كان يستطيع الرد ما زال البوست امامه وانا موجود. ودايرك يا رفيق تبرر لي الزول ده بتوافق كيف انو مؤهل يكون
وزير الداخلية يا اخي وقف طبيل.شيل الدلوكة ساي ما كويس.
بلا جنابو بلا كلام فارغ وهو نحن في شئ ضيعنا غير جنابو!
|
Post: #61
Title: Re: جنابو عمر عثمان .. لماذا انت خارج اجهزة الشرطة ؟!
Author: omer osman
Date: 02-12-2013, 07:03 AM
Parent: #60
| Quote: بلا جنابو بلا كلام فارغ وهو نحن في شئ ضيعنا غير جنابو! |
قليل من الاحترام لايضر يافارس !!!
وما انت براك الما رديت ليك في البوست داك !!!
وما رديت مش عشان خايف من الرد بس لأني انشغلت بي بوست تاني
وظروف أخري ......... لكني من هنا ولي قدام كان رديت ليك اضحك علي
|
Post: #62
Title: Re: جنابو عمر عثمان .. لماذا انت خارج اجهزة الشرطة ؟!
Author: محمد عبد الله الامين
Date: 02-12-2013, 08:35 AM
Parent: #61
أصبت يا خالد العبيد
فجنابو زول اخلاقو عالية
ومشاركاتو قيمه ومفيدة
التحية لكما الاثنين ...
|
Post: #63
Title: Re: جنابو عمر عثمان .. لماذا انت خارج اجهزة الشرطة ؟!
Author: خالد العبيد
Date: 02-12-2013, 10:13 AM
Parent: #62
الاستاذ ودالسقاي
مرحب بيك ومشكور على المرور
|
Post: #64
Title: Re: جنابو عمر عثمان .. لماذا انت خارج اجهزة الشرطة ؟!
Author: خالد العبيد
Date: 02-12-2013, 10:15 AM
Parent: #63
ودالباوقة
مرحب بيك
طيبة ونبل جنابو عمر لمستها بعمق من زيارة واحدة
تشكر على الزيارة
|
Post: #65
Title: Re: جنابو عمر عثمان .. لماذا انت خارج اجهزة الشرطة ؟!
Author: خالد العبيد
Date: 02-12-2013, 10:18 AM
Parent: #64
محمد جبرة
سلام
لك كثير الشكر على التعليق والمرور
|
Post: #67
Title: Re: جنابو عمر عثمان .. لماذا انت خارج اجهزة الشرطة ؟!
Author: عاطف فارس
Date: 02-12-2013, 04:06 PM
Parent: #65
| Quote: قليل من الاحترام لايضر يافارس !!! |
اخي عمر عثمان
اولا ليك كل الاحترام والتقدير
لم اقصدك بالعبارة شخصيا واعتقد انني لم اوفق في صياغتها، بي مثل كثير من السودانيين عقدة تجاه كلمة (جنابو)، ووالله العظيم ليست لها علاقة بك،
واضح انو من غير اقصد حاولت افكها فيك!! لم الحظ الحدة في كتابتي الا بعد ان رأيت ردك الغاضب عليها. ليك الاعتذار الكامل يا اخي ولا انفي انني احبطت من طرحك
خصوصا انني كنت اتابع ما تكتب باستمرار ولم اكن اراك تميل الى مثل تلك الاراء، وانا لم اتحداك في الرد علي الا لانني مقتنع من وجهة نظري ومستعد
للدفاع عنها وهو تحدي حججي ومنطقي وليس عدواني او شخصي. ومن ثم افاجأ بطرح الرفيق خالد هنا مما زاد من الاحباط الى درجة السخط
والذي ما كان ينبغي ان يؤثر في ردي على رأيه حول شخصك الكريم لكما الاثنين كامل المودة والاحترام والتقدير،ومرة اخرى كامل اعتذاري
ويا رب نتقابل في ساعة خير جميعا كسودانيين محبين لهذا الوطن.
مع خالص ودي
عاطف فارس
|
Post: #68
Title: Re: جنابو عمر عثمان .. لماذا انت خارج اجهزة الشرطة ؟!
Author: Mohammed Sedeq
Date: 02-12-2013, 04:20 PM
Parent: #67
لو كان الناس يجمعون على احد لاجمعوا على فضل الانبياء
لكن الناس بينهم الجاهل و الغبي و الاحمق والحاسد والحاقد و الغيران و المكابر
جنابو عمر لم اعرفه الا من خلال بوستاته وهو من القليلين الذين ادخل جميع بوستاتهم بقلب قوي
وانا اعلم انني كمن يدخل حديقة مليئة بالزهور ان لم اخرج منها بزهرة فسوف اخرج منها بريح طيب وصدر منشرح.
وانه ليس كمن ادمنوا العناوين الرنانة الجذابة ومواضيعهم خاوية على عروشها لا يشاركهم فيها الا من ادمنوا التطبيل لهم.
ولجنابو عمر اقول
لو كل كــلب عوى القمته حجراً لاصبح الصخر مثقال بدينار
فطالما انك واثق انك على حق فلا تهتم باصحاب العقول الخاوية و الحناجر الكبيرة
وانك مهما فعلت فلن ترضي الناس جميعا
تحياتي
|
Post: #69
Title: Re: جنابو عمر عثمان .. لماذا انت خارج اجهزة الشرطة ؟!
Author: الصادق صديق سلمان
Date: 02-12-2013, 08:47 PM
Parent: #68
تعرف يا خالد العبيد كأنك قرأت ما في قلوب الكثيرين من سكان هذا المنبر، ياخي جنابو عمر من أحب أعضاء المنبر إلى قلبي وقلوب الكثيرين، والزعلان خلي يطرشق
|
Post: #70
Title: Re: جنابو عمر عثمان .. لماذا انت خارج اجهزة الشرطة ؟!
Author: بشرى مبارك ود السقاى
Date: 02-13-2013, 00:40 AM
Parent: #69
الاخ خالد العبيد شكراً لك على ذكر مرورى وفى إنتظار صاحب البوست للتعبير وذكر أخبار عديله دفعتى .
|
Post: #71
Title: Re: جنابو عمر عثمان .. لماذا انت خارج اجهزة الشرطة ؟!
Author: إدريس محمد إبراهيم
Date: 02-13-2013, 06:40 AM
Parent: #70
خالد العبيد ...
لمثل جنابو ترفع القبعات .... وتنحني الهامات ....
شكراً يا خالد ...
مع خالص الود والتقدير ؛؛؛؛
* خارج النص :
.| Quote: تعال بالدرب بكرة بنتظرك بالفطور ........... |
Quote: Quote: Deal
أم فتفت بالشطه المولعه والدكوه يا جنابو .....
ياخ وهبه ده زاغ مني عدييل كده في الخرطوم ... ههههههه ....
|
|
|