Post: #5 Title: Re: موسيقى مقدمات برامج التلفزيون والراديو زماااان... Author: احمد سيد احمد Date: 02-09-2013, 11:06 PM Parent: #4
عالم الرياضة بتاع الرادي @2:30 ظهراً
Post: #6 Title: Re: موسيقى مقدمات برامج التلفزيون والراديو زماااان... Author: احمد سيد احمد Date: 02-09-2013, 11:10 PM Parent: #5
برنامج كوميديا
Post: #7 Title: Re: موسيقى مقدمات برامج التلفزيون والراديو زماااان... Author: احمد سيد احمد Date: 02-09-2013, 11:22 PM Parent: #6
عالم السينما
Post: #8 Title: Re: موسيقى مقدمات برامج التلفزيون والراديو زماااان... Author: احمد سيد احمد Date: 02-09-2013, 11:25 PM Parent: #7
دي قالوا موسيقى برنامج "صحتك" للدكتور ابو عبيدة المجذوب..
Post: #9 Title: Re: موسيقى مقدمات برامج التلفزيون والراديو زماااان... Author: احمد سيد احمد Date: 02-09-2013, 11:26 PM Parent: #8
دي تعرفوها كانت حقة ياتو برنامج؟
Post: #10 Title: Re: موسيقى مقدمات برامج التلفزيون والراديو زماااان... Author: احمد سيد احمد Date: 02-09-2013, 11:35 PM Parent: #9
الحقيقة انو البوست دا فتحت واحد بنفس الفكرة في قروب "صور السودان القديمة" ع الفيسبوك والشباب بهناك ما قصروا...خصوصا الاخ ياسر عوض والاخ هيثم احمد والاخ محمد جمال الدين
وانا بطلب من الناس العندها خبرة....موسيقى مقدمة برنامج "جريدة المساء" بتاع التمنينات.....تكونوا ما قصرتو لو لقيتوهو لينا
Post: #11 Title: Re: موسيقى مقدمات برامج التلفزيون والراديو زماااان... Author: احمد سيد احمد Date: 02-09-2013, 11:39 PM Parent: #10
دي موسيقى احدى مقدمات البرامج وضعتها الاخت ابتهال ابوحراز ولكنها لا تتذكر تبع اي برنامج كانت....فلو اتذكرتوها ورونا بالله
Post: #12 Title: Re: موسيقى مقدمات برامج التلفزيون والراديو زماااان... Author: محى الدين ابكر سليمان Date: 02-09-2013, 11:58 PM Parent: #1
الاخ احمد سلامات دى كانت مقدمة برنامج عالم الرياضة التلفزيونى, منتصف الثمانينيات على ما اعتقد. Eagle مقدمة لبرنامج سهرة لو ما الخرف اقول سينما او نادى السينما.... بس بفتش من سنين لمقدمة برنامج عالم الرياضة التلفزيونى نهاية السبعينيات اواوائل الثمانينيات, لو عترت فيها ينوبك ثواب.
تحيتى
Post: #13 Title: Re: موسيقى مقدمات برامج التلفزيون والراديو زماااان... Author: احمد سيد احمد Date: 02-10-2013, 00:26 AM Parent: #12
الاخ محي الدين
اول مقطع في البوست هو موسيقى عالم الرياضة بتاع التلفزيون في التمنينات
استمتع
هو للامانة وضعه الاخ الرائع ياسر عوض في قروب صور السودان القديمة
وفعلا اغنية ايقل كانت مقدمة برنامج سينما سينما في التمنينات
Post: #14 Title: Re: موسيقى مقدمات برامج التلفزيون والراديو زماااان... Author: مصطفى توفيق Date: 02-10-2013, 05:43 AM Parent: #13
شلالالا اواواو دى على ما اعتقد مقدمة لسهرة لقطات التى كان يقدمها فريد عبد الوهاب
Post: #15 Title: Re: موسيقى مقدمات برامج التلفزيون والراديو زماااان... Author: احمد سيد احمد Date: 02-10-2013, 10:02 AM Parent: #14
Quote: شلالالا اواواو دى على ما اعتقد مقدمة لسهرة لقطات التى كان يقدمها فريد عبد الوهاب
شكرا اخونا توفيق على الافادة والمقطوعة وضعها لينا الاخ سيف اليزل احمد عبر مشاركات الفيسبوك...وهذه هي
Post: #16 Title: Re: موسيقى مقدمات برامج التلفزيون والراديو زماااان... Author: احمد سيد احمد Date: 02-10-2013, 10:08 AM Parent: #15
اخونا Yassir Awad في صور السودان القديمة وضع لينا دي
اغنية مقدمة مختارات الاحد باذاعة( الوحدة الوطنية)
برضو الاخ ياسر وضع دي...ما قال عنها حاجة...العارف يورينا
Post: #17 Title: Re: موسيقى مقدمات برامج التلفزيون والراديو زماااان... Author: احمد سيد احمد Date: 02-10-2013, 10:16 AM Parent: #16
هنا اغنية مقدمة برنامج جنة الاطفال
بمناسبة جنة الاطفال...........هدية
Post: #18 Title: Re: موسيقى مقدمات برامج التلفزيون والراديو زماااان... Author: معاذ حسن Date: 02-10-2013, 10:29 AM Parent: #17
يا اخي شكرا ليك على البوست دا
Quote: عالم الرياضة بتاع الرادي @2:30 ظهراً
دي بالذات لما اسمعها بحس اني جيعان لتزامنها مع مواعيد الغداء
ممكن تشوف لينا مقدمة برنامج ركن الاطفال يقدمه عمكم مختار في الرادي
Post: #19 Title: Re: موسيقى مقدمات برامج التلفزيون والراديو زماااان... Author: احمد سيد احمد Date: 02-10-2013, 11:36 AM Parent: #18
صح يا اخونا معاذ...السودان كلو زمان كان بخش البيت مع نشرة 3 ونحنا لمن كنا اطفال كنا بنوزن رجوعنا للبيت مع موسيقى عالم الرياضة عشان نجي قبل الحاج وما يقولينا كنتو حايمين وين واليوم كان طويل طويل عييييك من 3 للمغرب تقول 12 ساعة ...حتى كنا بنمشي درس العصر ونرجع نلحق جزء من الدافوري بتاع الحلة حتى بعداك المغرب ياذن
Post: #20 Title: Re: موسيقى مقدمات برامج التلفزيون والراديو زماااان... Author: مصطفى توفيق Date: 02-10-2013, 01:13 PM Parent: #19
الاغنية الاولى النزلها ياسر عوض للفنان السواحيلىتورى كوندا وكانت تستخدم شعار لبرنامج فى اذاعة الوحدة الوطنية اما الاغنية التانية فهى ظهرت ايام مؤتمر القمة الافريقية زمن نميرى واستخدمت الاغنية كواحدة من الشعارات المصاحبة لفرقرات الاذاعة للتوريج عن مؤتمر لقمة الافريقى اما شعرا برنامج الرياضة فهو مرتبط بالغداء وتوقيت دخول الوالد الى البيت وايضا يذكرنىبالاستعداد للذهاب الى درس العصر بعد الغدا
ياريت كمان لو فى طريقة تنزلوا موسيقى شعار نشرة الاخبار فى الاذاعة والتلفزيون
Post: #21 Title: Re: موسيقى مقدمات برامج التلفزيون والراديو زماااان... Author: احمد سيد احمد Date: 02-10-2013, 02:37 PM Parent: #20
سلامات يا مصطفى وماشاء الله على الذاكرة شكرا للتفاصيل الوافية وحليل ايام درس العصر
Post: #34 Title: Re: موسيقى مقدمات برامج التلفزيون والراديو زماااان... Author: مبارك محمداني Date: 02-15-2013, 11:18 PM Parent: #19
كلامك دة كان كلة حاصل أخ/سيد احمد لسبب واحد ، كان في بركة في الوقت وفي كل شي مصداقاً لقول رسول الله ان من امارات الساعة او علاماتها ان ترفع البركة من الوقت . خليك من الوقت في عدم بركة في كل شي . نسأل الله اللطف .
Post: #22 Title: Re: موسيقى مقدمات برامج التلفزيون والراديو زماااان... Author: احمد سيد احمد Date: 02-10-2013, 02:48 PM Parent: #1
كتب الاح Aboubakr Elmahi في قروب صور السودان القديمة
موسيقى مفكرة الصباح... نايلة ميرغني العمرابي... بنت الشلبية فيروز... وما عارف دا اللحن الأصلي وللا الرحبانية ركبو الكلمات في لحن قديم فيروز ـــــ البنت الشلبية
هنا
Post: #23 Title: Re: موسيقى مقدمات برامج التلفزيون والراديو زماااان... Author: ثروت سوار الدهب Date: 02-10-2013, 10:53 PM Parent: #22
اغنية ايقل لفرقة اباهي فعلا مقدمة برنامج سينما سينما اما في حلقة؟ الحلقة الاولى و منها اتسمرت الاغنية كمقدمة تحياتي
Post: #24 Title: Re: موسيقى مقدمات برامج التلفزيون والراديو زماااان... Author: سامى عبد المطلب Date: 02-10-2013, 11:09 PM Parent: #23
بوست جميل اخونا احمد فنحن مولعون بالنستلوجيا لان ماضينا جميل وواقعنا ومستقبلنا مظلم ياخى انا بفتش لى مقدمه برنامج الصيد والطبيعه الذى كان يقدم فى تلفزيون الجزيره ود مدنى فى نهايه الثمانينات وبدايه التسعينات يا ريت لو زول متذكرا يبرنا بيها
Post: #25 Title: Re: موسيقى مقدمات برامج التلفزيون والراديو زماااان... Author: مصطفى توفيق Date: 02-11-2013, 05:37 AM Parent: #24
قطوع المروج الخضراء للموسيقار برعى محمد دفع الله ولكن بتوزيع موسيقى جديد السهرة سجلها تلفزيون السودان قبل اربعةسنوات واتذكر ان هذه المقطوعة كانت تستخدم فى الفواصل بين البرامج تصحبها بعض الصور للمناظر الطبيعية
Post: #26 Title: Re: موسيقى مقدمات برامج التلفزيون والراديو زماااان... Author: زول ساكت Date: 02-11-2013, 07:01 AM Parent: #25
ياسلام عليك ياسلااااااااااااااااااام الف شكر
Post: #27 Title: Re: موسيقى مقدمات برامج التلفزيون والراديو زماااان... Author: Zakaria Fadel Date: 02-11-2013, 07:15 AM Parent: #26
شكرا على البوست الجميل لو سمحت ..كنت ابحث بشدة عن الاغنية الغربية التي اتخذها علي الريح شعارا لبرنامجه (عالم النجوم) وهي لفرقة غنائية جماعية ...
Post: #28 Title: Re: موسيقى مقدمات برامج التلفزيون والراديو زماااان... Author: احمد سيد احمد Date: 02-11-2013, 07:50 AM Parent: #27
السلام عليكم كلكم وشكرا لكل زول عبر هذه الساحة....والبوست حقكم كلكم طلبات واجبات....انا صراحة العندي كملت لكن طمعان برضو في الشباب يمدونا بالمقطوعات...ويامصطفى توفيق والله لو قدرت تجيب لينا بتاعة "جريدة المساء" تكون ما قصرت نهائي...
شكرا كبير للاخوة والاخوات عبر مشاركات الفيسبوك...بالجد اثريتو الموضوع شديد ويلا تعالوا لينا تاني بالمزيد من المقطوعات ونحنا في انتظاركم
Post: #29 Title: Re: موسيقى مقدمات برامج التلفزيون والراديو زماااان... Author: Mohiedin Sir El Khatim Date: 02-11-2013, 08:21 AM Parent: #28
السلام عليكم ...
لو واحد منكم يقدر ينزل الموسيقى الفى بالى دى، حأكون رجعتكم زى أربعين سنة
وهى شعار برنامج إعتقد " إشراقات الصباح" و الذى كانت تقدمه المرحومة ليلى المغربى
Post: #30 Title: Re: موسيقى مقدمات برامج التلفزيون والراديو زماااان... Author: احمد سيد احمد Date: 02-14-2013, 11:44 PM Parent: #29
الاخ معاذ حسن كتب :
Quote: ممكن تشوف لينا مقدمة برنامج ركن الاطفال يقدمه عمكم مختار في الرادي
Post: #35 Title: Re: موسيقى مقدمات برامج التلفزيون والراديو زماااان... Author: احمد سيد احمد Date: 02-16-2013, 10:21 AM Parent: #29
دي نزلها الاخ هيثم احمد في قروب صور السودان القديمة....وبيقول انها تقريبا موسيقى مقدمة احد برامج الاستاذة المرحومة ليلى المغربي....فالرجاء من لديه معرفة الافادة
وصدفة ببحث في قوقل وجدت بوست قديم للاخ عادل عوض بلال بعنوان:
موسيقى مقدمة برامج .. للعجايز فقط ... المطلوب معرفة في أي برنامج كانت تستخدم ...
Post: #42 Title: Re: موسيقى مقدمات برامج التلفزيون والراديو زماااان... Author: hassan bashir Date: 02-19-2013, 08:31 PM Parent: #41
الأخ العزيز أحمد سيد أحمد
Quote: دي نزلها الاخ هيثم احمد في قروب صور السودان القديمة....وبيقول انها تقريبا موسيقى مقدمة احد برامج الاستاذة المرحومة ليلى المغربي....فالرجاء من لديه معرفة الافادة
الأغنية عزف منفرد للمقطوعة الرئيسية لفيلم الأب الروحي The Godfather وأعتقد فعلاً أن الراحلة ليلي المغربي استخدمتها في أحد برامجها، ولا أذكر اسمه ولمنها كانت تبدأه بتلاوة هذه الحكمة بصوتها المميز: يضيف التواضع للإنسان بعداً ثالثاً من التواضع والعذوبة والصفاء ....
ربنا يرحمها ويجعل مثواها الجنة
Post: #43 Title: Re: موسيقى مقدمات برامج التلفزيون والراديو زماااان... Author: احمد سيد احمد Date: 02-19-2013, 10:12 PM Parent: #42
سلامات يا اخونا الكريم حسن بشير
شكرا ياخ كتير على الاضافات المميزة وشكرا على معلومة ليلي المغربي....
ولو ممكن تفتش لي موسيقى مقدمة برنامج جريدة المساء....كان في التمنينات
Post: #44 Title: Re: موسيقى مقدمات برامج التلفزيون والراديو زماااان... Author: أحمد محمد عمر Date: 02-19-2013, 11:20 PM Parent: #43
Quote: ياخى انا بفتش لى مقدمه برنامج الصيد والطبيعه الذى كان يقدم فى تلفزيون الجزيره ود مدنى فى نهايه الثمانينات وبدايه التسعينات يا ريت لو زول متذكرا يبرنا بيها
الله عليك يا سامي أنا دخلت عشان أطلب الطلب دة برضو
Post: #45 Title: Re: موسيقى مقدمات برامج التلفزيون والراديو زماااان... Author: احمد سيد احمد Date: 02-20-2013, 07:09 AM Parent: #44
الان يتحفنا الاخ محمد كدكي -على قروب صور السودان القديمة- ببعض موسيقى مقدمات البرامج....هنا ما وضعه مشكورا
شعار عالم السينما الاول
موسيقى هذا المساء (تقديم فريد عبد الوهاب ) .. مقطوعة يوساكو اليابانية من أداء جيمس لاست
موسيقى برنامج لإدمون منير (أعتقد خد وهات )
موسيقى شعار الكاميرا الخفية لصالح مطر (إبتداء من الدقيقة 1:30) وهى للموسيقار هرب ألبرت فى تنويع خلاق للأصل الأسبانى.
كامل شريط موسيقى برنامج مفكرة الصباح السبعينات والثمانينات
Post: #46 Title: Re: موسيقى مقدمات برامج التلفزيون والراديو زماااان... Author: احمد سيد احمد Date: 02-20-2013, 12:56 PM Parent: #29
كتب الاخ محي الدين ابكر سليمان :
Quote:
بس بفتش من سنين لمقدمة برنامج عالم الرياضة التلفزيونى نهاية السبعينيات اواوائل الثمانينيات, لو عترت فيها ينوبك ثواب.
اتكرم علينا الاخ صديق حمدتو في قروب صور السودان القديمة بانزال هذا المقطع الذى قال انه مقدمة برنامج عالم الرياضي التلفزيوني في السبعينات
Post: #47 Title: Re: موسيقى مقدمات برامج التلفزيون والراديو زماااان... Author: tabaldy Date: 02-22-2013, 02:24 PM Parent: #46
سيظل هذا العالم عالياً رفرافاً .....
كلام هادر بي صوت أب عاج مما تسمعو تعرف إنو الساعة سبعة ونص وخمسة، ولو لحقت سمعت باقي الكلام لي نهايتو معناتو طابور الصباح بدأ وحتبدأ يومك بي جلدة
أتمنى لو يرجع الزمن ويقيف هناك
بوست حلو شديد
دي حالتو كانت قناة تلفزيونية واحدة وإذاعة واحدة تنفصل (يا للمفارقة) لبث برنامج إذاعة الوحدة الوطنية.
شكرا ليكم
Post: #48 Title: Re: موسيقى مقدمات برامج التلفزيون والراديو زماااان... Author: محمد حيدر المشرف Date: 02-22-2013, 03:28 PM Parent: #47
يا سلاااااااااااام ياخى ..
Post: #49 Title: Re: موسيقى مقدمات برامج التلفزيون والراديو زماااان... Author: محمد امين مبروك Date: 03-08-2013, 02:15 PM Parent: #48
بوست جميل وممتع العزيز الغالي/احمد سيد احمد عليك الأستاذ محمد صلاح الدين العاقب طلب مني ان ابلغك اعجابه بالبوست وبسأل من موسيقى برنامج جريدة المساء فى التلفزيون زمان وموسيقى برنامج المايكروفون كان هنا فى الاذاعة
ودمت مبدعا ومبتكرا
Post: #50 Title: Re: موسيقى مقدمات برامج التلفزيون والراديو زماااان... Author: وليد فتح الرحمن Date: 03-08-2013, 03:07 PM Parent: #49
احمد يا رائع
يا ريت لو تعيد انزال الروابط تانى وتكون من اليوتوب مباشرة يعنى تدينا بس رابط اليوتوب لانو الفيديوهات حلفت ما تفتح معاى
Post: #55 Title: Re: موسيقى مقدمات برامج التلفزيون والراديو زماااان... Author: tmbis Date: 03-09-2013, 09:12 AM Parent: #47
Quote: كلام هادر بي صوت أب عاج مما تسمعو تعرف إنو الساعة سبعة ونص وخمسة، ولو لحقت سمعت باقي الكلام لي نهايتو معناتو طابور الصباح بدأ وحتبدأ يومك بي جلدة أتمنى لو يرجع الزمن ويقيف هناك
هههههههه .. والله لكن يا تبلدي لقيتك فقري جدا .. تخيل الكلام دا قلتو للمدام قبل كم يوم .. .. يا سلالالالالالالالام ياخ .. تخيل من حبي لي اب عاااج كنت مرات كتيرة قاعد اتمحرق لحدت ما اسمع صوت السيد الرئيس وانا ماشي المدرسة .. ومرات بكرشوني ليك باخد دقتي في البيت .. واتم باقي الدقـة في المدرسة .. غايتو الله يرحمو ويغفر ليهو السيد الرئيس .. لكن مفروض كان يديني اي حركة كدا في فرع التوجيه المعنوي حسع دي الواحد كان عمل ليهو بهايم في ضهر بيتو .. بوست ممتع جدا .. وكنت عمر يدا كلو بفتش لي في حاجات .. كنت بتمها خيال وتأليف من راسي دا
Post: #54 Title: Re: موسيقى مقدمات برامج التلفزيون والراديو زماااان... Author: عباس محمود Date: 03-09-2013, 08:54 AM Parent: #29
التحية والشكر لصاحب البوست
نفس الموضوع كان بوست في قروب الصور القديمة في الفيس بوك وانزلت فيه شعاري المفضل
لبرنامج من ربوع السودان...وبرضه بنزل رابط للشعار هنا
Post: #51 Title: Re: موسيقى مقدمات برامج التلفزيون والراديو زماااان... Author: الصادق عز الدين Date: 03-08-2013, 03:47 PM Parent: #1
ما بعرف اقتبس لكن اول واحدة على ما اذكر لبرنامج الرياضة
Post: #52 Title: Re: موسيقى مقدمات برامج التلفزيون والراديو زماااان... Author: احمد سيد احمد Date: 03-08-2013, 08:30 PM Parent: #51
محمد الامين الله يديك العافية ويدي استاذنا العاقب برضو الف عافية وبالله بغلوا شكري ليهو وانا الفضل برجع لاخوانها بهناك في قروب صور السودان القديمة فانا فقط كان لي ابتدار الموضوع وهم ما قصروا نهائي. اما بالنسبة لموسيقى جريدة المساء فوالله انا ما فتحت البوست دا الا عشانها وعشان حقة عالم الرياضة واتحققت بانو اخونا ياسر عوض جابلينا موسيقى عالم الرياضة التلفزيون في التمنينات...اما جريدة المساء فانا والله برضو متمنى يلقاهو لينا احد الاخوة وتكون اكتملت الفرحة.
استاذنا الصادق...كلامك صح هي فعلا كما قلت موسيقى عالم الرياضة
Post: #53 Title: Re: موسيقى مقدمات برامج التلفزيون والراديو زماااان... Author: طاهر قرشي Date: 03-08-2013, 09:14 PM Parent: #52
فترة المنوعات في رمضان زمان
جبنا ليكم الموسيقى بس كان جبنا الفيديو بطردونا من الحوش
Post: #56 Title: Re: موسيقى مقدمات برامج التلفزيون والراديو زماااان... Author: وضاح عبدالرحمن جابر Date: 03-09-2013, 10:29 AM Parent: #53
يا سلااااااام ياخى براكج طفولتنا وبداية الشباب سنما سنما الفترة الرياضية ركن الاطفال الصلات الطيبه وووووووو
ايام ...
Post: #57 Title: Re: موسيقى مقدمات برامج التلفزيون والراديو زماااان... Author: محمد جنقول Date: 03-10-2013, 07:18 PM Parent: #52
السلام عليكم الاخ سيد احمد احيك على هذا المجهود الرائع انا عندى بعض الاغانى والموسيقى القديمة بس ما عارف كيف اعمل ليها اب لوود هنا فلو ممكن تشرح لى كيف الطريقة تحياتى
Post: #58 Title: Re: موسيقى مقدمات برامج التلفزيون والراديو زماااان... Author: احمد سيد احمد Date: 03-10-2013, 09:10 PM Parent: #57
بعد يكتمل التحويل ...الناتج بطلعليك رابط بتاع يوتيوب ...ممكن تفتحو اول في اليوتيوب وفي نص شاشة اليويتيوب تعمل كليك يمين ولو متصفحك بالعربي اختار "انسخ شفرة التضمين" ولو بالانجليزي اختار "copy embedded code " وتجي تلصقها هنا بظهر الفيديو عادي زي الموجدات هنا
وفي خيار تاني ممكن تستخدم موقع www.4shared.com وهو موقع بتاع رفع ملفات من اي نوع ما بفرق بعد ترفع فيهو الفايل بخلقليك لنك بتاع التحميل..تجي تلصقو هنا
ولو دا كلو ما نفع رسلها لي في الايميل دا وانا بجيها ليك تب
Post: #59 Title: Re: موسيقى مقدمات برامج التلفزيون والراديو زماااان... Author: محمد جنقول Date: 03-11-2013, 07:14 PM Parent: #58
تسلم كتير يا حبيبنا يديك العافية
Post: #60 Title: Re: موسيقى مقدمات برامج التلفزيون والراديو زماااان... Author: بابكر قدور Date: 03-11-2013, 09:07 PM Parent: #59
الأخ احمد سيداحمد
بوست رائع جداً .. رجعنا لأيام جميلة .. كان فيها الذوق رفيع جداً .... هذه خامسة بيتهوفن ..... كانت مقدمة لبرنامج لاأذكره تحديداً ولكن يبدو أنه لفريد عبدالوهاب .. تحياتي ....
Post: #61 Title: Re: موسيقى مقدمات برامج التلفزيون والراديو زماااان... Author: احمد سيد احمد Date: 03-18-2013, 04:03 PM Parent: #60
موسيقى برنامج منوعات من الاخ محمد جنقول عبر الايميل
Post: #62 Title: Re: موسيقى مقدمات برامج التلفزيون والراديو زماااان... Author: احمد سيد احمد Date: 03-19-2013, 07:58 AM Parent: #61
تاني عبر الايميل من اخونا محمد جنقول جاءنا ما يلي:
الاولى نشيد العمل لاحمد شاويش كانت شعار برنامج العمل فى الاذاعة والتانية مقطوعة موسيقية المهيرة للموسيقار ابراهيم محمد الحسن والاخيرة مقطع من دراما القناة 10 لفرقة الاصدقاء المسرحية سنة 85
Post: #63 Title: Re: موسيقى مقدمات برامج التلفزيون والراديو زماااان... Author: طاهر قرشي Date: 03-24-2013, 09:30 PM Parent: #62
الأخ بابكر قدور، موسيقى المقطوعة الخامسة لبيتهوفن كانت مقدمة لبرنامج "حياتك" للراحل د.أبوعبيده المجذوب
.. يا سلالالالالالالالام ياخ ..