يا ناس أمريكا استفسار وبالأخص القانونيين وناس البنوك ومرحب بالجميع

سلام يا شباب،

عندي شوية قريشات في الخليج وعايز أحولها لحسابي في أمريكا وبستفسر عن مقدار المبالغ التي يمكن تحويلها من خارج أمريكا إلى أمريكا،
لانو قبل كدا دخلت أمريكا ومعاي أكتر من عشرة ألف دولار زرزروني فيها لووووووووول، هسى المبلغ كبير شوية وعايز أحوله عن طريق البنك،
وبصراحة خايف على قريشاتي وشقى عمري في الخليج يحجزوا قريشاتي، والاستفسار باختصار هو:
هل توجد حدود معينة لتحويل الأموال من الخارج لأمريكا؟
هل إحتاج لإثبات من أين تحصلتُ على هذه الأموال؟
مع العلم بأنني بعمل "فايل" للـ "تاكس" كل سنة وفي أوراقي مثبته بأنني مغترب في الخليج.

أود أن اسمع منكم وبالأخص الصديقين:
الأستاذ سيف
الأستاذ حسين نوبوايتا

وشكري للجميع مقدماً

يا نذير دي فرصة العمر جات لحدي عندك. انت تشوف الناس الدايرين يحولوا لاهلهم في السودان
من الخليج وللا امريكا و اقبض منهم بالدولار و تسلم أهلهم بالسوداني. بالنسبة للعملة السودانية
حتوفرها عن طريق إرسال بضاعة من الخليج تفكها في السودان كاش و طبعا انت احرف
من انك تقبل شيكات و هكذا تكون زي المنشار طالع واكل نازل واكل هههههه
يا زول النجيضة عليك بنوباتيا بجيهك تب.

موش ممكن عادي يا النذير تفتح حساب في بنك ذي سيتي بانك و يكون الحساب ممكن الدخول ليه من أمريكا او من أي دولة أخري؟
يجو ناس البنوك يشوفوا ليك حل.
-----------
قلت لي الجماعة زرزروك! شكلك مريب يا صديقي. *_*

رسلهم لي في حسابي
و بعدين نتحاسب


ياخ إنتا أمريكي ما سوداني
حول في حسابك الأمريكي

اخي النذير سلام

نصيحة افتراضية

والله يااخوي كان خليتها في خليجك او دقشت بيها سودانك

احسن , مالك ومال البلاوي Bills وصرف متواصل وهلمجرا

خت ليك خميرة برا بلد العم سام.

ولك الود

الاخ النذير
عادي ممكن تحولها المهم تكون عندك اثبات مصدرهاولازم توضحها في التفييل السنوي بتاع الضرائب لانو البنك بيبلغ ال IRS بمجرد دخولها لحسابك..وبالتوفيق لك

لووووووووووووووول @ د. سيف
يا د. سيف شكلك كدا تأثرت بعرب الجزيرة لووول
والله يجيب لينا حسين نوبيتا

Quote: موش ممكن عادي يا النذير تفتح حساب في بنك ذي سيتي بانك و يكون الحساب ممكن الدخول ليه من أمريكا او من أي دولة أخري؟ يجو ناس البنوك يشوفوا ليك حل. ----------- قلت لي الجماعة زرزروك! شكلك مريب يا صديقي. *_*

العزيزة سمارت سلامات،
يا سمارت أنا فاتح حساب وبحول فيهو لكن بحول أقل من عشرة ألف دولار علشان ما تجيني مشكلة،
لوووووووووووووول @ مريب
يا سمارت في فورم بدوكي ليهو في الطيارة عندما تدخلي الاجواء الأمريكية وناس الجمارك الأمريكية بحددوا ليك وبقولوا ليك لو شايل
أكتر من عشرة ألف دولار وما سجلتها في الفورم واكتشفناها ح يصادورها منك
ودا الفورم وشوفي رقم 13:

Quote: رسلهم لي في حسابي و بعدين نتحاسب ياخ إنتا أمريكي ما سوداني حول في حسابك الأمريكي

لوووووووووووووول @ رسل ليهم في حسابي دي لوووووووووووول
يا كوستاوي أنا عارفك ما بتأكلها لكن ما مضمون ممكن تتبرع بيها لناس دارفور
وتقول المغترب المحنفل دا بقدر يعوضها لووووووووووووول

يا كوستاوي إذا كان المبلغ كبير لازم أثبت مصدرو من وين علشان ما أتهم بــــ:
1) غسيل الأموال
2) التهرب من الضرائب
3) الإرهاب

تحياتي

Quote: اخي النذير سلام نصيحة افتراضية والله يااخوي كان خليتها في خليجك او دقشت بيها سودانك احسن , مالك ومال البلاوي Bills وصرف متواصل وهلمجرا خت ليك خميرة برا بلد العم سام. ولك الود

العزيز مجدي،

تعرف يا مجدي كل أصحابي بقولوا لي نفس كلامك دا، لكن يا مجدي
تعرف إنو أمريكا بي بلاتها أرحم من الخليج والسودان، تعرف قطعة الأرض في
أمبدة سعرها أعلى من سعر فيلا في مدينة شارلوت نورث كارولاينا،
أمريكا رخيصة شديد مقارنة مع السودان والخليج وبعدين ما تنسى الحرية
والأمان في أمريكا.

تحياتي

Quote: الاخ النذير عادي ممكن تحولها المهم تكون عندك اثبات مصدرهاولازم توضحها في التفييل السنوي بتاع الضرائب لانو البنك بيبلغ ال IRS بمجرد دخولها لحسابك..وبالتوفيق لك

العزيز حافظ، ياخي تسلم على النجيضة، وفعلاً إتصل على واحد صاحبي أمريكي مغترب في السعودية
وقال لي نفس كلامك دا وبرضو قال لي لازم أبلغ الــ U.S. Department of the Treasury
بالمبلغ الموجود في حسابي في الخليج برضو،
والحمد لله أنا بفيل التاكس كل سنة ومن ناحية الضرائب ما عندي مشكلة بس أظن باقي لي أبلغ
الـ U.S. Department of the Treasury

تقبل تحياتي وتقديري

يا النذير أخوي
في زول في أمريكا بقول عندي قروش ؟
أخونا الكمشو جزمتو ماركة بوما بي كاتم الصوت ما سمعتبو ؟
يازول في البلد دي القانون كوم وسندوتشات النيم كوم .
خليك مفنجل الكشافات .
مع التحية

النذير حجازي

و الله ما عارف أقول ليك شنو
أنت سألت و نحنا جاوبنا

و بعد داك بطريقتك!

في كم أمريكي شغالين في السعودية و الخليج?
بتفتكر كيف بدخلوا قروشهم أمريكا?


أصحى يا جريش
lol

ايوه يا النذير، عارفه الكلام ده. و قبل اقل من شهرين ملينا الفورمات دي ذاتها.
الفورمات دي لما تجي شايل القروش في جيبك.
لكن ذي ما قال ليك كوستاوي، في كم أمريكي شغال في الخليج؟؟؟ كلهم بيحولوا قروشهم عادي عن طريق البنوك. أظن بيدفعوك رسوم تحويل بسيطة ( 40 او 50 دولار) بس.

عليك بحسين نوباتيا
غايتو أنا مرة قصدتو وخدمني
مع إني ماكنت بعرفو ولا بيعرفني
بس من حظي كان عندي حساب في بنكهم
دخل لي قروشي الحساب وإشترى لي العاوزاهو وزادو لي من عندو ورسلهم لي بالفيدكس ولغاية ما إستلمتهم
وإتأكد إني إستلمتهم بعدين سحب حقهم من الحساب
بالمناسبة من أكتر الناس السعدت بمعرفتهم
لما جيت مع أمي للعلاج سنة 2009 عرض علي عربية وشقة لغاية ما أموري تستقر
نعم الاخ ونعم المعرفة




________
هي أنا قروشي كانت شوية وعلى قدري
بي سايد قروشي كانت شيك من امريكا نفسها
لكن لو في طريقة يساعدك تأكد هيعملها

الأعزاء،
راوية و سمارت وهجام
يا جماعة أنا ما قلت القروش ما في طريقة إنها تتحول عن طريق البنك ممكن ونص وخمسة كمان،
وحولت مئات المرات عن طريق البنك لكن مبالغ صغيرة، والمبلغ الكبير برضو إتصلت على بنكي
وقالوا لي عادي زي الزبادي ممكن أحولو، لكن المشكلة ما في التحويل المشكلة الكبرى بعد التحويل لووووووووول
لو حجزوا قروشي أو صادروها ح أعمل شنو؟ (الدخول في الشبكات هينٌ ولكن التأمل في الخلاص)
علشان كدا لازم ألعب في السليم، والله يجيب لينا حسين نوبويتا، وزي ما قلتي يا راوية حسين دا راجل
ملك وأخو أخوان، ودائماً برد على استفساراتي، لكن شكلو بعيد من الكمبيوتر بتاعو، ولو عندك تلفونو
أديهو هزة عليك الله.
وبعدين يا هجام وسمارت اللي يدو في الموية ما زي اللي يدو في النار، أها تقولوا لي حول حول لحدي
ما يحجزوا قريشاتي وأقعد إتلفت؟! هاهاها ياخي أنا قبل كدا ناس الآي آر أس حجزوا مني ألف ونص دولار بس
والله إسبوع ما قادر أنوم وفي النهاية رجعوها لي وإعتذروا لي، ودي لو حجزوها ح يجيني سُكري عديل كدا لووووووووووووول

Quote: يا النذير أخوي في زول في أمريكا بقول عندي قروش ؟ أخونا الكمشو جزمتو ماركة بوما بي كاتم الصوت ما سمعتبو ؟ يازول في البلد دي القانون كوم وسندوتشات النيم كوم . خليك مفنجل الكشافات . مع التحية

لووووووووووووووول @ عثمان
العزيز عثمان، تعرف القروش دي لو دخلت أمريكا يومين ما بقعدوا
و ح يتلحسو طوالي لووول، لكن أخوك مفتح ما تخاف عليهو ما بشيل
كاش في جيبو إلا في الشديد القوي

تحياتي وتقديري

سلام النذير
من ناحيه استفسارك . مشكلتك مكونه من جزئين
الاول : انك لم تخطر ال IRS في الماضي بان لديك حساب في الخارج وهو ما يسمي ب Offshore Account وطبعا في كل سنه انت تقدم اقرارك الضريبي ولم تقر بان لديك حساب في الخارج وطبعا دي من اختصاص ال IRS
الثاني : هي من اختصاص الجهات الامنيه ( مكافحه الارهاب وغسيل الاموال ) عندما تود تحويل المبلغ الي حسابك. عندما يتم تحويل المبلغ الي حسابك – هم المسئولين من التدقيق في الحسابات واخطار ال IRS
ابدا من الجزء الاول
الرابط ادناه يفسر ويجاوب الجزء الاول:

http://www.irs.gov/Businesses/Small-Businesse...cial-Accounts-(FBAR)

ومن المستحسن الاتصال بال IRS وايجاد الراي الاكيد لان ايداع اي مبالغ في الحساب ربما تعرضك لاحقا للفحص والسؤال وخاصه اذا اردت شراء عقار مثلا.

بالتوفيق

الأستاذ عمر إبراهيم، ألف شكر ليك، و ياخي إن شاء الله نخدمك في الأفراح والليالي الملاح وجبت لينا النجيضة، وكدا البورد بقى فيهو استشاريين:
عمر إبراهيم و حسين نوبيتا
بس يا إبراهيم إن أسجل رقم حسابي البنكي دي صعبة شوية عايزة تفكير، لأنهم سوف يرصدون حسابي في الخارج

تقبل تحياتي وتقديري وما عدمناك وما عدمنا أمثالك في المنبر