Post: #1
Title: ....وهكذا تنحدر الحركة النسائية السودانية الى حركة أنثوية!!
Author: Balla Musa
Date: 02-07-2013, 05:04 PM
Parent: #0
تربط المرأة بالرجل فى تكوين المجتمع ودور كل منهما فيه ولهذا عملت فاطمة احمد ابراهيم.. ترتبط الأنثى بالرجل بالجنس ولهذا تعمل بعض "قيادات" المرأة السودانية اليوم..
|
Post: #2
Title: Re: ....وهكذا تنحدر الحركة النسائية السودانية الى حركة أنثوية!!
Author: Balla Musa
Date: 02-07-2013, 05:14 PM
Parent: #1
وعلى هذا المنوال الأنثوى لابد أن نذكر البويضة التى تمشى الهوينى وحيدة كل شهر لتجلس على بلكونتها فى قناة فالوب.. وملايين الملاقيف من الحيوانات المنوية مستعدون للتسابق فى أى وقت وبذات العدد واقفين على بابها لينال أحدهم الرضى.. ثم تقفل البويضة غرفة نومها دون الباقين!!
|
Post: #3
Title: Re: ....وهكذا تنحدر الحركة النسائية السودانية الى حركة أنثوية!!
Author: Balla Musa
Date: 02-07-2013, 05:21 PM
Parent: #2
إن كان القصد من التعدد الانتاج: فرجل واربع نساء احتمال الناتج من العمل الجنسى أربعة أطفال.. إمرأة وأربعة رجال فلا احتمال لأكثر من واحد الا التوأمة التى ان حسبناها ستنطبق ايضا على الرجل مع الاربع نساء.
|
Post: #4
Title: Re: ....وهكذا تنحدر الحركة النسائية السودانية الى حركة أنثوية!!
Author: Balla Musa
Date: 02-07-2013, 05:29 PM
Parent: #3
لو خلق الله الرجال بقابلية اشتراك امرأة لوافقت أن أكون ضمن أربعة أتمسك بحقى فى النفقة وأتبرع بنصيبى فى المبيت "لضرى" إن لم يكن لدى مزاج أو مقدرة. وإن كنت لاعبا حريفا لاستغليت تلك الحرفنة لزيادة نصيبى من النفقة!!
|
Post: #5
Title: Re: ....وهكذا تنحدر الحركة النسائية السودانية الى حركة أنثوية!!
Author: Afraa Sanad
Date: 02-07-2013, 05:43 PM
Parent: #3
يا بلة ما عذبتنا...إختزال مخل ومقارنة غير موفقة بين موقف فاطمة والقيادات النسائية الحالية...إرتباط المرأة بالرجل في تكوين المجتمع لا يتنافي مع ارتباطها معه بالجنس بل هو نفس الارتباط فلكي تكون مجتمع لا بد من وجود أفراد وحسب علمي فان الطريقة الوحيدة لذلك هي الجنس...تكوين وبناء المجتمع ليس بالضرورة في الانتاج الكمي للجنس البشري -أحيانا الافراط في الانتاج قد يعيقه- علي مر التاريخ الانساني كان التندر بغباء وجهل المرأة مقبول ومبرر فلماذا الولولة الآن من مجرد مزحة...ولم لا تكون علاقة الرجل الخاصة بالمرأة إنسانية يعني واحد لواحد...وعلاقة بناء المجتمع جمعية يعني كل الرجال وكل النساء ...ده طبعا بعد تكوينه- المجتمع - برجل واحد وإمراة واحدة...
|
Post: #6
Title: Re: ....وهكذا تنحدر الحركة النسائية السودانية الى حركة أنثوية!!
Author: حيدر حسن ميرغني
Date: 02-07-2013, 05:51 PM
Parent: #5
بوست "لغم" بطعم " الزين والعديل المنقى "
- لاجريد نخل لافأل على شيئ
|
Post: #7
Title: Re: ....وهكذا تنحدر الحركة النسائية السودانية الى حركة أنثوية!!
Author: Balla Musa
Date: 02-07-2013, 05:59 PM
Parent: #5
ياعفراء
الجنس ضمن الاطار العلائقى الاجتماعى نعم والعلاقة الجنسية أبدا لم تتعرض لأى حيف. لكن المرأة بمفهوم فاطمة لم تناضل من أجل الأنثوية التى تنحصر فى العلاقة الجنسية بل ناضلت من أجل الحقوق المهضومة والأهداف السياسية والاجتماعية السامية.. أما الحركة الأنثوية فقد تحولت بفضل الرأسمالية لعملية تسليع لأنوثة المرأة. بعدين ليس فى مثل هذه المواضيع مزحة لأن مثل هذه المزحة ينطوى عليها سخرية ضمنية باعتقاد مقدس لدى آخرين..
وموضوع التعدد خضع على مر القرون لعادات وتقاليد دون التمعن فى القرآن نفسه, وسلمنا ولازلنا نسلم ونحارب من أجل تفاسير صارت هى فى ذاتها مقدسة مع أن من أتى بها بشر!
|
Post: #8
Title: Re: ....وهكذا تنحدر الحركة النسائية السودانية الى حركة أنثوية!!
Author: Afraa Sanad
Date: 02-07-2013, 06:19 PM
Parent: #7
يا بلة ليس في هذه الأمور مزحة بامر من؟؟؟؟؟؟؟أنا شخصيا لا قدسية لدي لاي فكر...كله قابل للنقد والنقاش وحتي عتاولة الفقه ناقشوا موضوع التعدد وبعضهم أفتي بحرمته...المرأة السودانية ما زالت بخير وما زالت مصادمة...في الوقت الراهن ألاولوية لتحرير الوطن والمرأة السودانية تدفع ثمن ذلك يوميا فقر ومسقبة وتقهقر في المكتسبات التي حققتها علي مر السنين...بس أنا مطمئنة لان هذا وضع موقت متي مع زالت مسبباته أمكن علاجه...أما موضوع التعدد فمن غير مزاح أنا ضده ولم أسلم باي تفاسير تدعمه..ومستعدة للوقوف ضده مهما كلفني ولن تثنيني التهديدات بقداسته...
|
Post: #9
Title: Re: ....وهكذا تنحدر الحركة النسائية السودانية الى حركة أنثوية!!
Author: Balla Musa
Date: 02-07-2013, 06:30 PM
Parent: #8
سلام ياحنين خليك قريب يامواطن
|
Post: #10
Title: Re: ....وهكذا تنحدر الحركة النسائية السودانية الى حركة أنثوية!!
Author: Balla Musa
Date: 02-07-2013, 06:40 PM
Parent: #9
يا عفراء شتان مابين المزاح من ناحية والنقد والنقاش من ناحية أخرى فيما يختص بالامور التى يقدسها آخرون ( لأخرجك أنت من التقديس)..
بعدين ياعفراء فى سياق التقديس من عدمه ماشفنا علمانية من بيئة مسلمة تزوجت خارج سياق الزواج الاسلامى بما فيه من عقد نكاح وصداق وشهود وولى عروس.فاعتقد إن كان الحال كذلك فعلى العلمانيات أن يبدأن النضال ضد هذه الطريقة فى الزواج.
نعم المرأة ناضلت وقاست القهر والظلم فى ظل هذا النظام والأنظمة التى سبقته مع اختلاف درجة الظلم, ولكن المرأة السودانية فى اتجاه والقيادات الأنثوية فى اتجاه آخر إذا شفينا من نضالهن شحم الكلام و وصفينا دسم استغلال مواقف القرويات المهمشات.
|
Post: #11
Title: Re: ....وهكذا تنحدر الحركة النسائية السودانية الى حركة أنثوية!!
Author: Afraa Sanad
Date: 02-07-2013, 06:49 PM
Parent: #10
إنت يا بلة بس عايز العلمانيات ديل يصارعن في مجتمع هن فيه أقلية تسعي لتثبيت اقدامها فقط من أجل الصراع؟؟؟ماذا يضير العلمانية في الزواج الاسلامي ولماذا تفترض انهن ضده!!!!!!!!!!!!أو حتي ضد الأديان!!!يا بلة كدي شوف أي مظاهرة اليوم وشوف عدد النساء إن لم يكن يفوق عدد الرجال فهو مساوي له
|
Post: #12
Title: Re: ....وهكذا تنحدر الحركة النسائية السودانية الى حركة أنثوية!!
Author: Balla Musa
Date: 02-07-2013, 07:02 PM
Parent: #11
ياعفراء رسينا على بر انت مثلا كيف تكونى ضد قدسية دين وفى نفس الوقت لاترفضينه.. فى فرق بين أنك تختلفين فى تفسير بعض المفاهيم القرآنية وبين ألا تؤمنى بقدسيته.. فأنا لم أقل أنهن ضد الاسلام ولكن قلت إن كن كذلك فليقررن طريقة زواجهن وتضمين ذلك فى قائمة الأمور التى تحتاج لتغيير..
يعنى هسع لو جيتى للمنطق وخلينا الدين وما أتى به.. شنو البخلى الناس يقتلوا أو يحاولوا قتل من مارس الجنس مع بنتهم, ثم يرضون بل ويحتفلون بذات الممارسة بعد ورقة مكتوبة بحبر.. من أين أتت قوة هذه الورقة؟
|
Post: #13
Title: Re: ....وهكذا تنحدر الحركة النسائية السودانية الى حركة أنثوية!!
Author: Balla Musa
Date: 02-07-2013, 07:08 PM
Parent: #12
الصديق Mohamed Abdelrahman من الفيس بوك
تحياتى ياعزيز وشكرا على التواصل
|
Post: #14
Title: Re: ....وهكذا تنحدر الحركة النسائية السودانية الى حركة أنثوية!!
Author: Afraa Sanad
Date: 02-07-2013, 07:14 PM
Parent: #12
يا بلة إنت براك ما داير ترسي...أنا لا أرفض هذه النصوص ولا أقدسها...احتفي بالقيم الموجبة ولا أقدسها..بعدين أنا وين قلت أنا لا أمن بقدسية الأديان...أنا قلت فكر...وأقصد تحديد فيما يخص الأديان- التفسير والتأويل...أتت قوة الورقة من قبول القانون لها وما تمثله من إلزام أخلاقي للطرفين بما يحفظ للجميع حقهم بما فيهم المجتمع..من وجود أطفال مجهولي النسب أو ميراث وإنفاق وخلافه
|
Post: #15
Title: Re: ....وهكذا تنحدر الحركة النسائية السودانية الى حركة أنثوية!!
Author: عبد الله فقير
Date: 02-07-2013, 07:19 PM
Parent: #12
Quote: يعنى هسع لو جيتى للمنطق وخلينا الدين وما أتى به.. شنو البخلى الناس يقتلوا أو يحاولوا قتل من مارس الجنس مع بنتهم, ثم يرضون بل ويحتفلون بذات الممارسة بعد ورقة مكتوبة بحبر.. من أين أتت قوة هذه الورقة؟ |
شكرا يادكتور بلة
|
Post: #16
Title: Re: ....وهكذا تنحدر الحركة النسائية السودانية الى حركة أنثوية!!
Author: Balla Musa
Date: 02-07-2013, 07:58 PM
Parent: #15
Quote: أنا لا أرفض هذه النصوص ولا أقدسها... |
أى نصوص تقصدين يا عفراء؟
|
Post: #17
Title: Re: ....وهكذا تنحدر الحركة النسائية السودانية الى حركة أنثوية!!
Author: Balla Musa
Date: 02-07-2013, 08:01 PM
Parent: #16
عبد الله فقير مرحب بيك وخالص الشكر
|
Post: #18
Title: Re: ....وهكذا تنحدر الحركة النسائية السودانية الى حركة أنثوية!!
Author: قيقراوي
Date: 02-07-2013, 08:06 PM
Parent: #17
ياهو دا (الرغم) يا بلة
Quote: أنا قلت فكر...وأقصد تحديد فيما يخص الأديان- التفسير والتأويل
|
----------
العفش داخل (النص) على مسئولية مفسره
|
Post: #19
Title: Re: ....وهكذا تنحدر الحركة النسائية السودانية الى حركة أنثوية!!
Author: Balla Musa
Date: 02-07-2013, 08:14 PM
Parent: #18
قيقراوى كدى بالمرة شوف لينا موضوع النصوص.. أى نصوص لاترفض ولا تقدس؟
|
Post: #21
Title: Re: ....وهكذا تنحدر الحركة النسائية السودانية الى حركة أنثوية!!
Author: قيقراوي
Date: 02-07-2013, 08:38 PM
Parent: #19
Quote: قيقراوى كدى بالمرة شوف لينا موضوع النصوص.. أى نصوص لاترفض ولا تقدس؟
|
انا ول عفراء؟
عفراء قالت ليك (الفكر) اقرأ (الفقه) اذا بتريد
------------
انا برضو لا برفضا كل الرفض .. ولا قداسة لها عندي البتة فهم رجال .. ونحن رجال ونساء ... لهم زمانهم (الكان فيو وأد المرأة شرف) .. ولنا زماننا .. ونحن ادرى بشئون زماننا
|
Post: #20
Title: Re: ....وهكذا تنحدر الحركة النسائية السودانية الى حركة أنثوية!!
Author: أحمد أبكر
Date: 02-07-2013, 08:26 PM
Parent: #17
Quote: شتان مابين المزاح من ناحية والنقد والنقاش من ناحية أخرى فيما يختص بالامور التى يقدسها آخرون |
يا سلام يا دكتور بلة ياخي تصدق إقتباسك دا ياهو My motto في هذا البورد دائماً قاعد أكورك واقول للناس : يا ناس إبتعدوا لينا من الإستهزاء بقيم الآخرين ، لكن لكم الحق في أن تنتقدوها نقداً قاسياً كيفما يحلو لكم حتى نستفيد ونفيد ونثري العقول
|
Post: #22
Title: Re: ....وهكذا تنحدر الحركة النسائية السودانية الى حركة أنثوية!!
Author: Afraa Sanad
Date: 02-07-2013, 09:31 PM
Parent: #20
كتر خيرك يا قيقراوي يعلم الله أنا الكتابة عندي معاناة...طبعا كل المبدعين عندهم المشكلة دي..هههة...بالنسبة لي لاني ما عندي كيبورد عربي وبلقط الحروف بي كيبورد بكري،،،المهم بكتب لمن افتر بقيف..
النصوص يا بلة الغير مقدسة عندي هي الفقه إذا كان ده بغير حاجة في الموضوع الأساسي...
|
Post: #23
Title: Re: ....وهكذا تنحدر الحركة النسائية السودانية الى حركة أنثوية!!
Author: Balla Musa
Date: 02-07-2013, 10:14 PM
Parent: #22
طيب ياعفراء ماهو موقفك من هذه الآية:
( وإن خفتم ألا تقسطوا في اليتامى فانكحوا ما طاب لكم من النساء مثنى وثلاث ورباع فإن خفتم ألا تعدلوا فواحدة أو ما ملكت أيمانكم ذلك أدنى ألا تعولوا)
|
Post: #24
Title: Re: ....وهكذا تنحدر الحركة النسائية السودانية الى حركة أنثوية!!
Author: Balla Musa
Date: 02-07-2013, 10:23 PM
Parent: #23
خودك الكيبورد دا يا عفراء: http://www.branah.com/arabic
مجرد ماتفتحى الصفحة ممكن تستعملى نفس مفاتيح كيبوردك الانجليزى ليكتب عربى فى الممساحة أعلا الكيبورد ثم تعملى كوبى آند بيست.
|
Post: #26
Title: Re: ....وهكذا تنحدر الحركة النسائية السودانية الى حركة أنثوية!!
Author: Afraa Sanad
Date: 02-07-2013, 10:39 PM
Parent: #24
شكرا يا بلة على الكيبورد السحري اما بعد استعنا علي الشقا بالله رائ في الاية دي انها كانت مناسبة جدا لزمانها وظروف اهلهاand#1632;and#1632;and#1632;برضة ممكن اقول ليك الاية نصت علي استحالة العدل الذي هو شرط التعددand#1632;and#1632;and#1632; يلا انت جاوب علي سؤالي ده رائك شنو فى الجزء الاخير من الاية (أو ما ملكت أيمانكم ذلك أدنى ألا تعولوا)
|
Post: #25
Title: Re: ....وهكذا تنحدر الحركة النسائية السودانية الى حركة أنثوية!!
Author: Balla Musa
Date: 02-07-2013, 10:26 PM
Parent: #20
أحمد ابكر
مرحب بيك فى بيتك وساعدنا على العلمانيات ديل وفى رواية (كل) النسوان!
|
Post: #27
Title: Re: ....وهكذا تنحدر الحركة النسائية السودانية الى حركة أنثوية!!
Author: Balla Musa
Date: 02-07-2013, 10:50 PM
Parent: #25
أظنك تسألين عن ماملكت أيمانكم صح؟
أماإجابتك توحى بأن عدم القدسية عندك يمتد للقرآن نفسه, واقصد الجزء الذى يجعل القرآن محكوم للزمان والمكان والظرف..
|
Post: #29
Title: Re: ....وهكذا تنحدر الحركة النسائية السودانية الى حركة أنثوية!!
Author: Afraa Sanad
Date: 02-07-2013, 11:03 PM
Parent: #27
صحand#1632; اما ما يخص الشق الثاني من اتهامك فقد جاوبت عليه في المداخلة السابقة واعني ثبات النص ودينماكية التفسير يا عزيزي يلا جاوب سؤالي الفرد واحد
|
Post: #28
Title: Re: ....وهكذا تنحدر الحركة النسائية السودانية الى حركة أنثوية!!
Author: قيقراوي
Date: 02-07-2013, 10:52 PM
Parent: #25
Quote: رائك شنو فى الجزء الاخير من الاية (أو ما ملكت أيمانكم ذلك أدنى ألا تعولوا)
|
سؤال في التنك
----------
عاوزين نكمل دينا دا كمان .. يادوب كملنا النص .... الاول المافي شنو!؟
|
Post: #30
Title: Re: ....وهكذا تنحدر الحركة النسائية السودانية الى حركة أنثوية!!
Author: أحمد أبكر
Date: 02-08-2013, 00:21 AM
Parent: #28
بعد إذنك يا دكتور بلة نحاول نجاوب على العزيزة عفراء الآية: (أو ما ملكت ايمانكم ) ملكت فعل ماضي ،، فالآية كانت تعالج وضعاً قائماً مثل فك رقبة ،، لم تصرح الآية بأن يستمر الإستعباد ، لكن الذين كانوا قيد العبودية قد تم إقتناءهم مقابل ثمن ، فلابد من معالجة متدرجة كتعويض للحقوق وكذا الحال في ما ملكته الأيمان ، لم تقل الأية : وأمتلكوا من الأيامي ، أو : ولتملك أيمانكم ، مثلما قالت : وأنكحوا ، التي تفيد الأمر أو الإذن بإستمرارية الفعل والله أعلم
|
Post: #31
Title: Re: ....وهكذا تنحدر الحركة النسائية السودانية الى حركة أنثوية!!
Author: Afraa Sanad
Date: 02-08-2013, 00:53 AM
Parent: #30
شكرا أخ ابكر..بس مع احترامي لوجهة نظرك أنا بخالفك الراي لانه ممارسة الرق ظلت لزمن طويل بعد نزول الوحي وحتي الفتوحات الاسلامية كانت تغذيها بالسبايا...لم أورد هذا المثال للتدليل على عدم انسانيته بل للتدليل على أن ما كان مقبولا وقتها لم يعد قانوني اليوم أها نعمل شنو؟؟؟نستمر في السبي والجزية ونقاتل الناس حتي يشهدوا أن لا إله ألا الله ولا نقر ونعترف أن ما كان ممكنا صار مستحيل...مع الأيمان بقداسة القران وتغير التأويل..
|
Post: #32
Title: Re: ....وهكذا تنحدر الحركة النسائية السودانية الى حركة أنثوية!!
Author: قيقراوي
Date: 02-08-2013, 01:04 AM
Parent: #31
سلامات يا احمد ابكر
ممكن سؤال:
Quote: مثل فك رقبة ،، لم تصرح الآية بأن يستمر الإستعباد ، لكن الذين كانوا قيد العبودية قد تم إقتناءهم مقابل ثمن ، فلابد من معالجة متدرجة كتعويض للحقوق وكذا الحال في ما ملكته الأيمان ، لم تقل الأية : وأمتلكوا من الأيامي ، أو : ولتملك أيمانكم ، مثلما قالت : وأنكحوا ، التي تفيد الأمر أو الإذن بإستمرارية الفعل والله أعلم
|
هل فرصة (العبد) هي نفسها فرصة (السيد) في الجنة ؟
----------
اها لو (العبد) اتى ما يوجب الكفارة .. ما العمل!؟
|
Post: #33
Title: Re: ....وهكذا تنحدر الحركة النسائية السودانية الى حركة أنثوية!!
Author: أحمد أبكر
Date: 02-08-2013, 01:38 AM
Parent: #32
يا عفراء تحياتي مرة أخرى الكلام القلتيه دا ما عندو علاقة بي الكلام الأنا قلتو خالص أنا اتكلم عن المعنى الذي فهمته من منطوق الآية وانت تتحدثين عن أفعال الناس هو سؤالك كان في ما شرعته او ما هدفت إليه الآية أم في ما فعله الناس؟ باقي الأسئلة كلها من ذات الشاكلة .. موضوعها مختلف
ثم أنني أعتقد أن الخلاف الأساسي الذي كان بينك وبين دكتور بلة لم يكن حول التفاسير إنما لإشارة دكتور بلة إلى ا أن لسخرية من التعدد (تعدد الزوجات) الوارد به نص قرآني يسيئ إلى من يقدسون تلك النصوص القرآنية وبالتالي فعلى الذين لا يقرون التعدد أو الذين يعتقدون أن التعدد لم يشرع أصلاً ، عليهم أن يعرضوا أفكارهم بعيد اً عن التهكم كما في بوست مجاور وأنت رفضت ذلك وإعتبرت أن النصوص ليست مقدسة ، فلفت الدكتور نظرك إلى أن ذلك يشمل النصوص القرآنية لأن القرآن قال بالتعدد ثم عدت أنت وأوضحت أنك تقصد النصوص الفكرية والتفسيرية هنا إنتهت المسألة الخلافية بينكما ، على ما أعتقد ، ويبقى التنبيه والمناشدة والنقد قائماً لمن يري عدم قدسية النص القرآني من المؤمنين به لكنك بعد ذلك إستفسرت عن الفهم من آية معينة وأنا جاوبتك بما أرى
|
Post: #34
Title: Re: ....وهكذا تنحدر الحركة النسائية السودانية الى حركة أنثوية!!
Author: أحمد أبكر
Date: 02-08-2013, 01:45 AM
Parent: #33
وسلامات يا قيقا عفواً لم أفهم سياق الأسئلة؟ وما هي مناسبتها؟ وشنو الجاب سيرة الجنة والنار هنا؟ لسه بنعافر لمعالجة معضلاتنا الدنيوية ، لكني شايفك إنت وديتنا للآخرة و بدون مناسبة وبديت في توزيع الرواتب في الجنة الحكاية شنو؟
|
Post: #35
Title: Re: ....وهكذا تنحدر الحركة النسائية السودانية الى حركة أنثوية!!
Author: أحمد أبكر
Date: 02-08-2013, 02:15 AM
Parent: #34
نرجع ليك يا عفراء بمناسبة الغبش الذي ورد في مداخلتك أنا قلت لك القرآن لم يأمر بأن تستمر العبودية وإستعباد الناس فكيف تعودين وتسأليني هل نستمر فيها أفعال الناس شيئ والامر القرآني شيئ آخر ثم إن حتى أفعالهم تلك من جزية وسبي لم تكن بغرض إمتلاك العبيد إنما هي قوانين الحرب القائمة يومئذٍ
|
Post: #36
Title: Re: ....وهكذا تنحدر الحركة النسائية السودانية الى حركة أنثوية!!
Author: Hisham Osman
Date: 02-08-2013, 03:55 AM
Parent: #35
المراة في الاساس كائن انساني تماما كالرجل, قد تختلف الادوار, وربما المهمات, في بعض المراحل والحالات, لكن محاولة تمييزها وتتخصيصها يمثل بداية الوقوع في الفخ وبداية المعالجة الخاطئة.. ففي مجتمع متخلف ويخضع للقمع المتدرج, من الطبيعي ان يكون استعباد المراة ووضعها في مرتبة ادني, امرا طبيعيا, هذه حالة وصفية, خاصة وان هذا المجتمع يملك ارثا من ناحية الدين والتقاليد, يعزز مثل تلك النظرة ويكسبها مومنتم مستمر. فالمراة غير العاملة في مجتمع متخلف, وفي المدن اكثر من الريف, تصنف في اغلب الاحيان في خانة العطالة, لان عملها غير قابل للقياس, وهذه واحدة من اهم اسباب استمرار استعبادها, وتحويلها لمخلوق للمتعة ولاستمرار النوع, وبالتالي لايجري العرف في التعامل معها كانسان له حق الاختيار وحق التمرد من اجل تغيير هذه الصيغة المجحفة.. ان المراة حين تساهم في الدورة الانتاجية , وحين تكون اساسية في هذه الدورة, تنظر لنفسها, وينظر اليها بطريقة مختلفة, لان الانتاج يولد الدخل, ولكل مساهم في الدخل حقوق وواجبات لايمكن انكارها من حيث المبدا. وان كان يجري دائما اعادة نظر في حجم مايستحقه كل طرف تبعالمجموعة من الاعتبارات ولطبيعة العلاقات السائدة.. فحين تكون المراة ضمن دورة اقتصادية مغلقة,اي مهمتها القيام بالاعباء والواجبات البيتية اليومية, ورغم ثقل هذه الاعباء, والتي لايمكن الاستغناء عنها, فانها لاتعتبر منتجة, بالمقاييس السائدة, وبالتالي توضع في مرتبة ادني . المراة القروية كمثال , ورغم المظاهر الصعبة التي تعاني منها باعتبار الريف اكثر تخلفا من المدن, من حيث الخدمات , فانها اكثر استقلالا من المراة المدينية, لان القروية غالبا تساهم في الدورة الانتاجية الزراعية, وتساهم في تساهم في تامين الدخل الذي يمكن قياسه ضمن الاعراف السائدة,في حين ان مساهمة المراة المدينية تعتبر واجبا اولا, وغير قابلة للقياس ثانيا وخاضعا بالتالي لاعتبارات الاجتماعية المسيطرة.... نواصل
|
Post: #37
Title: Re: ....وهكذا تنحدر الحركة النسائية السودانية الى حركة أنثوية!!
Author: Hisham Osman
Date: 02-08-2013, 06:33 AM
Parent: #36
في ظل المجتمع المتخلف يقع القمع والاضطهاد والاستغلال علي الانسان بغض النظر عن كونه ذكرا او انثي, كبيرا او صغيرا, وبالتالي يعاني من هذه الحالة الجنسان, وان كان باشكال ومظاهر متفاوتة, لكن هذا الفرق في النسبة والمقدار يجب الا يجزئ النظرة او يغيب جوهرها وطبيعتها, بحيث يحولها لصراع بين الرجل والمراة.. ان شعار تحرير المراة, في ظل مجتمع مقموع ومتخلف, وبمعزل عن تحرير المجتمع ككل, يؤدي الي افتعال معارك وهمية تستنزف الكثير, وتؤخر التحرير الحقيقي للمراة, وتقود الي توهم الخصم , بدلا عن تحديده حقيقة وفعلا, الامر الذي يقود الي دفع فواتير مدفوعة سلفا. لذا يجب مواجهة المجتمع المتخلف ككل, واعتباره كلا لايجوز اختصاره بعدد من الشعارات مهما بدت مغرية,كما لايمكن تجزئة المجتمع وافتراض امكانية الوصول لتحرير المراة بمعزل عن الرجل او بمناواته, اذ من خلال مواجهة التخلف ومقاومة القمع , عن طريق الرجال والنساء معا يمكن تحرير المراة من خلال تحرير المجتمع, والعكس غير ممكن...
|
Post: #38
Title: Re: ....وهكذا تنحدر الحركة النسائية السودانية الى حركة أنثوية!!
Author: Hisham Osman
Date: 02-08-2013, 07:04 AM
Parent: #37
الحركات النسوية, السياسية منها علي وجه التحديد, والتي تعتبر هدفها تحرير المراة, تعاني هي نفسها من عشي ليلي, اذ هي في الاغلب تضم النساء فقط,وتتوجه للمراة وحدها, هذه الحركات بالاضافة, لقصور منطلقاتها, لم تستطع ان تحقق مكتسبات حقيقية للمراة, كما لم تستطع الاستمرار والمحافظة علي زخم انطلاقتها الاولي, لانها تضع المراة في مواجهة الرجل, فتخلق حالة استقطابية لا لزوم لها, كما انها تقسم المجتمع بشكل جنساني, مغيبة او متجاهلة, طبيعة القمع المتدرج,الذي يقع علي الضفتين بصرف النظر عن النوع, بالتالي تخطئ هذه الحركات في تحديد الخصم, وتعجز عن الوصول للهدف الذي تدعيه, والمحصلة, حالة ثورة عمياء...
|
Post: #39
Title: Re: ....وهكذا تنحدر الحركة النسائية السودانية الى حركة أنثوية!!
Author: قيقراوي
Date: 02-08-2013, 11:47 AM
Parent: #38
Quote:
وسلامات يا قيقا عفواً لم أفهم سياق الأسئلة؟ وما هي مناسبتها؟ وشنو الجاب سيرة الجنة والنار هنا؟ لسه بنعافر لمعالجة معضلاتنا الدنيوية ، لكني شايفك إنت وديتنا للآخرة و بدون مناسبة وبديت في توزيع الرواتب في الجنة الحكاية شنو؟
|
رفض تاريخانية النص (المقدس) هو الجرانا للسؤال ..
لابد من مراعاة وقت وسبب النزول
------------
طيب معليش غلطاني وسافي التراب اني فتلت موضوع البوست ..
رايكم شنو في " اضربوهن“؟
نبدأ الخبت طوالي .. صراحة مقصرين في حق القرآن
|
Post: #40
Title: Re: ....وهكذا تنحدر الحركة النسائية السودانية الى حركة أنثوية!!
Author: أحمد أبكر
Date: 02-08-2013, 01:21 PM
Parent: #39
Quote: رفض تاريخانية النص (المقدس) هو الجرانا للسؤال ..
لابد من مراعاة وقت وسبب النزول |
برضو ما صحيح منو اللى رفض تاريخية النص المقدس؟ قلنا النص المقدس دا قدسوهو وبعد داك فسروهو زي ما عايزين ، مراعين لكل المستجدات العصرية والتقديس دا ذكرنا بيهو للتأدب مع النص في أسلوب التناول علشان ما يجي واحد أو واحدة ويقول الناس ديلاك الكانوا نفذوا كلام الآية حرفياً ديلك كانوا بهائم لا يعقلون وكانوا وما زالوا لا يحترمون المسلّمات العلمية وتعميم غريب وكمية من السخرية المنافية للعلم الرزين والذوق السليم دا كل ما في الأمر
|
Post: #41
Title: Re: ....وهكذا تنحدر الحركة النسائية السودانية الى حركة أنثوية!!
Author: Balla Musa
Date: 02-08-2013, 01:52 PM
Parent: #40
ياعفراء
شكرا للأخ أحمد أبكر فقد أجابك من وجهة نظره على سؤالك..
أما إجابتى فمعنى ملك اليمين فى الآية هو الزوجة غير المسلمة.
|
Post: #42
Title: Re: ....وهكذا تنحدر الحركة النسائية السودانية الى حركة أنثوية!!
Author: Balla Musa
Date: 02-08-2013, 02:04 PM
Parent: #41
قيقراوىسلام
موضوع البوست ينحصر فى تحول نضال المرأة السودانية من women movement الى feminists movement وهذا خلاف كان دائرا بين فاطمة وفاطمة الى عهد قريب
جاءت عفراء وقالت الموضوع كان مزحة قلنا ليها مافى مزاح فى مقدسات الآخرين (ودا من باب التنبيه) فحاليا انت رأيك شنو فى women movement و feminists movement والفرق بينهما..
وبعد داك ممكن نفتح بوست تانى نناقش فيه أنا و أنت والعلمانيات موقفكم من القرآن فيما يختص بحقوق المرأة والحريات عموما.
وسنبهار كدا بقول ليك أنا كمسلم مؤمن بأى حرف بل أى نقطة فى القرآن.
|
Post: #43
Title: Re: ....وهكذا تنحدر الحركة النسائية السودانية الى حركة أنثوية!!
Author: قيقراوي
Date: 02-08-2013, 02:42 PM
Parent: #42
النسوية ليست الانثوية
------
لك وسي سي لاحمد ابكر
مداخلتو الاخيرة تعبر عني تماماً الايمان ليس موضوع للبحث والنقاش والاقناع والاقتناع . الاديان نصوص مقدسة
لكن حلو لينا التعارض بينكم .. تؤمن بيها انها من عند الله دي حاجة او ما تؤمن بيها وتحترما .. اما فرض تأويل محدد .. بقراية واحدة أحد فدي فيها نظر لانها دين جديد ... غير مقدس كلو كلو
|
Post: #44
Title: Re: ....وهكذا تنحدر الحركة النسائية السودانية الى حركة أنثوية!!
Author: Balla Musa
Date: 02-08-2013, 02:46 PM
Parent: #43
سلام دكتور هشام وشكرا على الكلام المرتب
ملخص كلامك هو حرية المرأة مقابل أن تكون منتجة وضمنيا الانتاج فى تعريفك هو الانتاج المادى بما يجعل لها مشاركة فى الاقتصاد..
إذن هى ترس فى آلة اقتصادية هذا الترس يظل حرا ماظل يتحرك ويساعد فى تحريك الآلة يفقد حريته بفقد فاعليته..
من وجهة نظرى أن المرأة خلقت بدورها والرجل خلق بدوره فى الحياة الدوران متكاملان ومتساويان فى رأيى التناسل دور مهم حتى بالمفهوم الاقتصادى المادى وتربية هذا النسل مهمة والتنشئة مهمة والتعليم مهم من ناحية اقتصادية بحتة لو كان لديك منتج وعايز تطويره للأفضل فستوكله لمن هو مؤهل لذلك الدور. وهذا فى أى منتج مادى فمابالك بالنسل..
مع ذلك المرأة حرة فى أن تدخل فى شراكة مع الرجل تسمى الزواج, ممكن ترفضها كلية وممكن ترفض حتى تجد شريك بالمواصفات التى تتمناها..
و من حقها أن تعمل وأن يكون لها دور فى تمثيل المجتمع وقيادته ومن حقها أن تفعل ذلك وهى زوجة وأم إن استطاعت أو تتفرغ له مضحية بالزواج والأمومة.
|
Post: #45
Title: Re: ....وهكذا تنحدر الحركة النسائية السودانية الى حركة أنثوية!!
Author: Afraa Sanad
Date: 02-08-2013, 02:55 PM
Parent: #44
Quote: جاءت عفراء وقالت الموضوع كان مزحة قلنا ليها مافى مزاح فى مقدسات الآخرين (ودا من باب التنبيه) |
يا بلة الله يرضي عليك إنت فتحت البوست وطوالي بديت تتكلم عن زواج الرجل باربعة وايجابياته مقابل زواج المراة باربعة وسلبياته...في نفس الوقت كانت في واحدة فاتحة بوست عن زواج المراة باربعة...عليه أنا ذكرت المزحة وفي بالي ذلك البوست...قمت إنت طوالي حولت النقاش لاستجواب أقرب للتكفير منه للنقاش...وبس
|
Post: #46
Title: Re: ....وهكذا تنحدر الحركة النسائية السودانية الى حركة أنثوية!!
Author: Balla Musa
Date: 02-08-2013, 02:59 PM
Parent: #43
Quote: اما فرض تأويل محدد .. بقراية واحدة أحد فدي فيها نظر
|
ياقيقا
أصلا مافى نص مقدس غير القرآن ماعدا ذلك من تفسير أو تأويل أو حديث مروى يعرض على القرآن إن اتفق معه يؤخذ به وإن اختلفمع القرآن يترك.. لا قداسة لأى كلام مصدره بشر..
هنالك الآن ثورة حقيقية فى فهم القرآن يقودها المهندس السورى عدنان الرفاعى.. لقد عرضت موقعه فى هذا المنبر لمن يريد أن يسمعه ويقرأ له.. وهو الآن فى مصر وقد زعزع ثقة كل علماء الاسلام والشيوخ فى مصر. طرح أشياء فيها الكثير الذى ينافى ماجاء به السلف بما فيهم الصحابة والأئمة الأربعة والبخارى ومسلم ومابعدهم من المفسرين.. أسمعه ولن تندم (ماضرورى تتفق معاه) وعنده حوالى 8 كتب مجانية يمكن أن تحملها من النت وتقرأها..
وله تسجيلات فيديو ومقابلات تلفزيونية أسمع رأيه فى العبودية فى الاسلام وتعدد الزوجات وكل ما يدور بذهنك والشرح من داخل القرآن.
|
Post: #47
Title: Re: ....وهكذا تنحدر الحركة النسائية السودانية الى حركة أنثوية!!
Author: أحمد أبكر
Date: 02-08-2013, 03:35 PM
Parent: #46
Quote: لكن حلو لينا التعارض بينكم .. |
يا قيقا إنت شكلك متأثر شديد بنظام الشلليات في المنبر ليه إفترضت إنو أنا ودكتور بلة متفقين أو لازم نتفق ؟ ليه عايز تكوم ليك جبهة موازية وتقوم تتخندق إنت في جبهتك وهاك يا مباريات وكمان لازم تنتصر حتى ولو تترك اللعبة القدامك وتجر من يحاورك إلى لعبة غيرها زي كلامك التحت دا والذي لم أجد له مناسبة وعلاقة بمداخلاتي
Quote: هل فرصة (العبد) هي نفسها فرصة (السيد) في الجنة ؟ |
هو بالله في نص مقدس بيتكلم عن حقوق العبيد في الجنة ؟ وين دا ؟ ممكن ترشدنا ليهو ؟ مش نقاشنا كلو كان حول كيفية التعامل مع النصوص المقدسة (القرآن) وطيب؟
نفس مشكلة عفراء لما حاولت تقولني كلام أنا ما قلتو علشان المباراة تستمر بأي شكل والكورة تتشتت في الهواء
|
Post: #48
Title: Re: ....وهكذا تنحدر الحركة النسائية السودانية الى حركة أنثوية!!
Author: Balla Musa
Date: 02-08-2013, 03:51 PM
Parent: #47
Quote: وطوالي بديت تتكلم عن زواج الرجل باربعة وايجابياته مقابل زواج المراة باربعة وسلبياته... |
ياعفراء
لاحظى للجمل الشرطية قبل ماتقولى أنا بديت أفاضل بين زواج وزواج..
أنا لحدى الآن ماقلت وجهة نظرى فى موضوع التعدد, والموضوع ماعن التعدد بقدر ماهو عن التقهقر من الدعوة النسوية العريضة للدعوة الأنثوية الضيقة.
وأساسا البوست دا كان ممكن يكون مداخلة فى البوست الانتى قاصداه, لكن صاحبة البوست بعد أن نالت الصنمية المنبرية وبعد تشكيكى فى بوست عن حقيقتها أصبحت تتجاهل مداخلاتى, وانا شعارى: المشتهى الحنيطير يطير, والحمد لله بكرى ماحجر الباندويدث على زول, عشان كدا فتحت هذا البوست.
|
Post: #49
Title: Re: ....وهكذا تنحدر الحركة النسائية السودانية الى حركة أنثوية!!
Author: قيقراوي
Date: 02-08-2013, 05:32 PM
Parent: #48
يا احمد ابكر ياخي اسف اني وجهت ليك سؤال .. اها يا اخوي بسحبو بعفيك من لوك الكلام انت معفي تماماً من قراية مداخلاتي
Quote:
بالفطرة السليمة رفضت التعدد... و كان الموضوع كالغصة بالنسبة لي. بحثت كثيراَ في الموضوع و ذلك لما فيه من ظلم لايقبل به إنسان لنفسه أو لأهله و هنا أقصد... للنساء الرأي للأغلبية معروف (لكل قاعدة شواذ) للرجال... ما رد فعلك لو قالت لك زوجتك... طلقني ... أنا أحب شخص آخر و أريد الزواج به! أو صرحت لك و الله فلان ده عاجبني ... تصريح و لم تطلب الطلاق. أيضاً للرجال... هل تقبل بالأمر لبنتك, أختك, أمك (ربما تنحاز لأبيك بعض الشئ إذا كان هنالك خلاف عائلي مثلاً) و أعنى القبول هنا... أن الأمر عادي و مابيهز شعرة فيك و لا يزعلك؟
الرجل لا يصرح فقط بل يفعلها و لسان حاله عرفتي ما عرفتي أقعي البحر آخذاَ من الآية أدناه ستراً وغطاء... دون آي جهد للإستبصار (ليه يستبصر ما دام في مصلحته أصلاً)
وَإِنْ خِفْتُمْ أَلاَّ تُقْسِطُواْ فِي الْيَتَامَى فَانكِحُواْ مَا طَابَ لَكُم مِّنَ النِّسَاء مَثْنَى وَثُلاَثَ وَرُبَاعَ فَإِنْ خِفْتُمْ أَلاَّ تَعْدِلُواْ فَوَاحِدَةً أَوْ مَا مَلَكَتْ أَيْمَانُكُمْ ذَلِكَ أَدْنَى أَلاَّ تَعُولُواْ{3}النساء
كم ممن أراد الزواج بأخرى راجَع تفسير الآية و ملابسات نزولها؟ فيا أشقاء الدموع ... المتذرعون بالآية, الله عدل ... هذا يتنافى ومنطقكم لشرعية التعدد!
أكثر تفسير منطقي وجدته للآية (لا أذكر المصدر لطول المدة ):
أن الآية نزلت بعد غزوة أحد وقد خسر المسلمون الكثير من الرجال. ترملت النساء وتيتم الأطفال و أصبحت الأسر من دون عائل. و لسماحة الإسلام في بث روح التكافل الإجتماعي وحماية الأسر من الضياع, كان لابد من وجود وسيلة لإعائلة هذه الأسر. و حتى تُحفظ كرامة الأرامل من تردد الرجال علي دورهم بغرض المساعدة نزلت الآية لتجعل للتكافل شرعية محدودة بحد الزواج. (يعنى عشان الناس ما يشيلوا حس الأرملة من دخول الرجال لبيتها بغرض المساعدة) نزلت الآية لتمنحهم حق شرعي في الكفالة و سد حوجة نساء الشهداء الإنسانية النفسية*. والقسط في اليتامى في الآية مَرَدُهُ إلى أن من يريد الإنفاق على هؤلاء اليتامي و يخاف كلام الناس عن شبهة علاقته بأم الأيتام و يخشى التردد علي بيتهم... أن يتزوجها. و الحد ... رُباع لأن العبء الإقتصادي يطال كل الأُسر إذا كان أكثر من "رباع" . أما "إن خفتم ألا تعدلوا فواحدة أو ماملكت إيمانكم" ... إن خاف الرجل ألا يعدل فعليه الزواج بواحدة فقط أو ماملكت إيمانه (في ذلك الوقت)
هنالك تفاسير مختلفة منها ما يصب في نفس مجرى أصحاب المصالح الشخصية ... بما أن الله خلق الرجل والمرأة وهو العدل ... كيف يستوى عدل الخالق و إعطاء الرجل الحق في الزواج (الخيانة العاطفية) بأخرى من أجل المتعة مثلاً أو مواكبة طبيعة الرجل البايولوجية **(إحدى الذرائع). الأدهى والأمر أن الكثير يجهل هذه الحقائق, وكثير جداً ممن حاورت من الرجال(المعددين وغير المعددين) عن سبب نزول الآية أو إكمال نص الآية (يقف حماره عند العقبة). المشكلة الكبرى في وجهة نظري قبول أنثى أخرى و إشتراكها في الجريمة*** ..........................................
*المجتمع آنذاك صغير جداً و تطبيق الآية الآن و زواج الرجل بزوجة شهيد(محل جدل) لا يستقيم و أسباب النزول... **في مناطق كثيرة من العالم تتزوج المرأة بأكثر من رجل (Polyandry) إذ أن الأمر جزء من ثقافة تلك المناطق. خلق الله هؤلاء النسوة كما خلقنا. فكيف تستقيم هذه الحقيقة (لايعرفها الكثير) و ذرائع مناصري التعدد بأن الله حلل التعدد ليواكب طبيعة الرجل البايولوجية؟ ***جريمة لتبعاتها الإجتماعية والنفسية علي الأسرة إبتداءاً من الأم الضحية الأولى... حيث إغتيلت وجدانياً (عاوزين محكمة للوجدانيات) :) وحتى إذا توفرت المادة... صعب توفر العواطف و جو المودة الصحي لتنشئة الصغار (و ليه يدفعوا ثمن نزوات أباءهم)...
Re: دعوة للحوار هل تعتقدون زواج الرجل المتزوج من امراة اخرى خيانة؟
فردوس جامع
|
|
Post: #50
Title: Re: ....وهكذا تنحدر الحركة النسائية السودانية الى حركة أنثوية!!
Author: بدر الدين احمد موسى
Date: 02-08-2013, 05:43 PM
Parent: #49
قيقراوينا
Quote: يا احمد ابكر ياخي اسف اني وجهت ليك سؤال .. اها يا اخوي بسحبو بعفيك من لوك الكلام انت معفي تماماً من قراية مداخلاتي |
هههههههه كلامك دا انسحاب غير مرتب! حقيقة مداخلاتك في البوست دا دايما كانت برة الجك, انت مجليها واقفة اليومين ديل يا اخوي, الحاصل شنو? بعدين شايفك اليومين ديل حامل على الدين شديد; مرة بتسألني السما وين و تعدد الاكوان بحساب منو, و هنا جايب "اضربوهن", مصاريف الحج اثرت على الميزانية و لا شنو? هههههههه
------ يا جماعة اقعوا كلام دكتور هشام عثمان, فيه السمن!
|
Post: #51
Title: Re: ....وهكذا تنحدر الحركة النسائية السودانية الى حركة أنثوية!!
Author: Afraa Sanad
Date: 02-08-2013, 06:04 PM
Parent: #50
غايتو يا بدر الدين أخوي البتجي من السما بتحملها الواطة لكن كلام قيقراوي كان أكتر كلام جوة الجك في البوست ده...و بعدين انتو شنو كل ما زول يجيب سيرة الدين تجوا تقولوا ليه حامل علي ألدين...يا شباب أنا وقيقراوي في البوست ده - معليش يا قيقا - قلنا القران مقدس لانه من الله لكن تفاسيره غير مقدسة لانها إجتهاد بشر...محاولة إخضاع التاريخ للدين محاولة فاشلة...ومحاولة فهم القران في سياقه الزمكاني تخرجنا من هذه الورطة...أها وين اسع ألتحامل علي أي شي!!!
|
Post: #52
Title: Re: ....وهكذا تنحدر الحركة النسائية السودانية الى حركة أنثوية!!
Author: قيقراوي
Date: 02-08-2013, 06:06 PM
Parent: #50
Quote: كلامك دا انسحاب غير مرتب! حقيقة مداخلاتك في البوست دا دايما كانت برة الجك, انت مجليها واقفة اليومين ديل يا اخوي, الحاصل شنو? بعدين شايفك اليومين ديل حامل على الدين شديد; مرة بتسألني السما وين و تعدد الاكوان بحساب منو, و هنا جايب "اضربوهن", مصاريف الحج اثرت على الميزانية و لا شنو? هههههههه
|
وانت اسي كلامك دا دخلو شنو بالبوست!؟
-------
بخصوص احمد ..
زول قال انو مداخلاتي ما عندها علاقة بالبوست - اعتذرت عنها- جاي تاني يلوك في الكلام دا لشنو!؟ ما عندي زمن للرهق دا
بعدين لا هو لا انت لا بلة ما دخلتو في راسي .. كيف عرفتوا انها ما في نفس فكرة البوست دا (في راسي بي جوة)!؟
اها والله جوة الجك .. لكن حسب راسي المكودس دا
بعدين ياخي البوست دا حسب ما عارف كان حق بلة (اجروا ليكم انتو جيتوا (تفتوا) شنو الجوة وشنو البرة؟)
|
Post: #53
Title: Re: ....وهكذا تنحدر الحركة النسائية السودانية الى حركة أنثوية!!
Author: قيقراوي
Date: 02-08-2013, 06:36 PM
Quote: طيب معليش غلطان وسافي التراب اني فتلت موضوع البوست ..
رايكم شنو في " اضربوهن“؟
نبدأ الخبت طوالي .. صراحة مقصرين في حق القرآن
|
|
Post: #54
Title: Re: ....وهكذا تنحدر الحركة النسائية السودانية الى حركة أنثوية!!
Author: Balla Musa
Date: 02-08-2013, 07:14 PM
Parent: #53
ياعفراء وقيقا
أنا أديتكم كنز إسمه عدنان الرفاعى http://www.althekr.net/ خليكم من بلة وشوفوا الزول دا
الزول دا أصلا علماء الدين مالقوا فيه فرصة عشان يخلصوا منو لا قال نبى لا ادعى رسالة تانية ولا لغى ماهو ثابت فى الدين وفى نفس الوقت كلامه منطقى ومقبول لكل إنسان متجرد عن فهم مسبق للدين
لايعترف بأى رواية تتنافى مع القرآن بما فى ذلك صحيح البخارى وصحيح مسلم.
|
Post: #56
Title: Re: ....وهكذا تنحدر الحركة النسائية السودانية الى حركة أنثوية!!
Author: Balla Musa
Date: 02-08-2013, 07:23 PM
Parent: #54
ياقيقا
فى الاقتباس الذى وضعته فى مداخلاتك أعلاه والذى تقول صاحبته أن الرجال برروا التعدد بالضرورة البيولوجية للرجل..
والله لو كانت الحكاية ضرورة بيولوجية كان ربنا أباح للمرأة عشرة..
________________ قصة شبه سفيهة لكنها حقيقية
قال ليك عمك عامل فيها ود الريس زاتو ويبدو أنه من جماعة الضرورة البيولوجية اتزوج بنت صغيرونة واجتهد بيولوجيا لما كمل الاسبوع شال لحافو ورقد برة غرفة النوم المراة فالت ليه: ياراجل ماتقوم على سريرك قال: لا لا والله الاوضة دى ضرتنى فى عيونى ديل!
|
Post: #55
Title: Re: ....وهكذا تنحدر الحركة النسائية السودانية الى حركة أنثوية!!
Author: أحمد أبكر
Date: 02-08-2013, 07:18 PM
Parent: #53
هههه والله يا قيقا بالغت فعلاً اليوم ما عارف الحاصل عليك شنو ؟ فترت من التنبيهات أنا ما قلت كلامك ما عندو علاقة بالبوست ، وإنت صادق البوست ما حقي علشان أعمل كنترول عليه أنا قلت أسئلتك ما عندها علاقة بي كلامي الأنا قلتو وكلامي هداك قاعد وأسئلتك قاعدة ولما نبهتك إعتذرت بالباب لكنك جيت راجع بالشباك وأديتني أسئلة بديلة بدل تقول رأيك في كلامي الأول الإستوقفك ، موافق عليه أم لا وما دام داير تعمل لي إستجواب من سؤال لسؤال بديل ، كأنما أنت عليك الأسئلة وأنا على الإجابة ثم تواصل الأسئلة والتصحيح وكشف التناقضات بيني وبين بلة دون أن تقول رأيك فيما نقول أنت من يضع الإختلافات المفترضة وأنت من يضه الأسئلة حولها ، بالله إنت قبل ما تسأل الأسئلة الأرأييتية دي ، هل كنت قلت لينا أين تختلف معي ؟ أبداً ما حصل طبعاً ولما أرفض طريقتك دي وأذكرك باللولوة بتاعتك الإنت مستمر فيها من البداية تقوم تقول أرهقناك يعني إنت عايز تجي داخل توش تسأل أي سؤال من غير ما تقول حتى أين نختلف ولما نقول ليك السؤال دا معناه شنو؟ ومناسبتو شنو ، تقوم تسحبهم وتقول : خلاص جربوا السؤال دا ، وكمان عايز الكلمة الاخيرة لازم تكون عندك
والما عاجبو توقفو عن التواصل معك حاضر يا أخوي
|
Post: #57
Title: Re: ....وهكذا تنحدر الحركة النسائية السودانية الى حركة أنثوية!!
Author: Balla Musa
Date: 02-08-2013, 07:36 PM
Parent: #55
أحمد أبكر يازول خليك ضاغط
كدى بالمرة شوف لى هشام عثمان داك فوق بالنسبة لفهمى ملخص كلامو: المرأة أنتجت ماديا حرة ما أنتجت ماديا وقاعدة فى البيت مضطهدة!!!! والله انا بستغرب فى الشيوعيين والاشتراكيين البتبنوا نظريات رأسمالية تحول الانسان الى تور فى ساقية, مجرد مايعجز عن أداء دوره يسجنوه فى الزريبة وربما يخلصوا منو. مع إنى الزمن دا كلو أنا فاهم أن الشيوع والاشتراك جاء لتحرير انسانية الانسان وفك ارتباطها بكونه منتج ماديا أم لا!! (شكلى كدا فهمى للشيوعية والاشتراكية مشوه)
أما فى الاسلام فنجزم بأن المرأة خرجت أو بقيت فى البيت حقها محفوظ وفوق رقبة الرجل الذى لاعذر له فى الاسلام أن يتخلى عن مهمته الانفاقية على عائلته.
|
Post: #58
Title: Re: ....وهكذا تنحدر الحركة النسائية السودانية الى حركة أنثوية!!
Author: Hisham Osman
Date: 02-09-2013, 02:00 AM
Parent: #57
Quote: كدى بالمرة شوف لى هشام عثمان داك فوق بالنسبة لفهمى ملخص كلامو: المرأة أنتجت ماديا حرة ما أنتجت ماديا وقاعدة فى البيت مضطهدة!!!! |
بلة يا بلة/ تحياتي يادوبك دخلت البيت , لقيتك رشيتني بقفزة اكروباتية.. التطور التاريخي يا عزيزنا بدا بالاعتراف بالقوة العضلية اساسا, ثم انتهي لاعتبار القوة الاقتصادية والايدولوجيا التي ترافقها , الاساس في الهيمنة والتمييز, هذه احكام لها دلالة وصفية واخبارية من جانبي.. فالمراة محكومة بالمجتمع , قوة ووعيا واتجاها, ((بداية)) تحرر المراة يعتمد بالدرجة الاولي , علي ان تكون منتجة بالمعني المتعارف عليه, اي ان يكون لها دخل, لان هذا يمكنها من اتخاذ الموقف بحرية و (بمسئولية) , اذا كان تحررها الاقتصادي مقرونا بالوعي الذي يجنبها العزلة, ويحشد اكبر القوي لصفها من اجل التحرر الفعلي, والذي يعتبر في النهاية كسبا للمجتمع كله...
Quote: أما فى الاسلام فنجزم بأن المرأة خرجت أو بقيت فى البيت حقها محفوظ وفوق رقبة الرجل الذى لاعذر له فى الاسلام أن يتخلى عن مهمته الانفاقية على عائلته |
(الرِّجَالُ قَوَّامُونَ عَلَى النِّسَاءِ بِمَا فَضَّلَ اللَّهُ بَعْضَهُمْ عَلَى بَعْضٍ وَبِمَا أَنْفَقُوا مِنْ أَمْوَالِهِمْ) (النساء: من الآية34 شوف اثر العامل الاقتصادي وتاثير الانفاق وقوة العمل في الاية القرانية اعلاه,ترتبت عليه قوامة, اي ولاية وقيادة , وهذا باب قد تلج منه كل ضروب الهيمنة الزكورية.... برجع ليك لموضوع المراة في الاسلام....
|
Post: #59
Title: Re: ....وهكذا تنحدر الحركة النسائية السودانية الى حركة أنثوية!!
Author: Hisham Osman
Date: 02-09-2013, 08:13 AM
Parent: #57
[QUO نعرج سريع علي موضوع المراة في الاسلام( تقرا الفقه+ الخطاب القراتي) TE]أما فى الاسلام فنجزم بأن المرأة خرجت أو بقيت فى البيت حقها محفوظ وفوق رقبة الرجل الذى لاعذر له فى الاسلام أن يتخلى عن مهمته الانفاقية على عائلته |
هنالك تمييز بين الرجل والمراة في القران علي مستوي الخطاب الاجتماعي بمعني ,في الزواج والطلاق مثلا الخطاب للمذكر وليس للمراة, مثلا اذا طلقتم النساء ,فانكحوهن هذا خطاب للرجل وهذا يفترض ان يكون مفهوم في سياقه التاريخي وتكمن المشكلة هنا في عدم وجود قراية عميقة مدركة لمستويات الخطاب, ثم هنالك مستوي اخر للخطاب القراني ده فيهو مساواة اللهو الخطاب الماعندو علاقة بالمستوي الاجتماعي, قل للمؤمنين والمؤمنات يغضوا من ابصارهم ,ده خطاب متساوي.. المستوي الاجتماعي المافيهو مساواة ,احكامه متغيرة بتغير الظرف التاريخي ,لكين المشكلة وين?المشكلة في الفقه المتخلف, المفترض يعي ان مقاصد القران تغيير الواقع اي رفع المستوي الاجتماعي الي مستوي المثل الاعلي ,لكن في قضية المراة مارس الفقه الاسلامي التحيز فبدلا ان يرتفع بالنص الي اعلي خسف بالنص الارض لان هذا في صالح الرجل, بعكس ماحدث في موضوع الحدود حيث تجد مفارقة غريبة, حيث وضع الرجل الفقيه الشروط والمعوقات التي تكاد تلغي هذه الحدود, يعني الفقيه هنا حاول بقدر مااستطاع ان يرتفع الي المستوي الاعلي بينما فضل المستوي الادني في موضوع المراة, لذا ال مشكلة ليست نصوص القران او بعض احكامه المشكلة في ان اغلب معتنقي الدين الاسلامي هم مجرد افراد يحسنون اداء الشعائر التعبدية مع تدين اجتراري لفظي وضعف كبير في الادراك لذا قال فيهم امير الشعراء اغاية الدين ان تحفوا شواربكم...يامة ضحكت من جهلها الامم مودتي
|