تعال راجع

وين يازول ومشتاقين بعادك طال

وشهرك عدا بعده هلال وجرا هلال

وحاتك ماقصدنا نلوم..لكن الولف كتال

تقول راجع يفوت الليل وبعده نهار..ومنتظرين

لا ملينا من الشوق..ولا عانينا قصر البال

نقول راجع..

كل ما يهبشوا بابنا اطفال..نقول راجع

كل ما يرف طرف لي زول نشيل الفال..نقول راجع

وكل ما تقوقي قمريه..تقول في السكه جاي رحال

نقول راجع..

تعبنا عديل وكل ماانخط نفس وانشال..نقول راجع

وفي الآخر نلاقيك ماف وكلو خيال..

وتاني نعود وتاني يجر سؤالنا سؤال

نسّند راسنا بي وساده ونسنده قليبنا بالآمآل

نغمد عينا في منامنا بتجينا ظلال

ونجري عليك ونناديك كفايه تعال..

ورغم الاه ونار الشوق وكل البينا من اميال

بحّّّّّس انو..كضب القالو في الامثال..

لمن قال ..بعيدعن عين بعيد عن بال..

لانك رغم بعد العين..محلك في القليب مازال..

.....................................................تعال راجع