لماذا يبقى السيسي بالخرطوم .. وله منزل ومقر للسلطة الإقليمية

السياسيون الحاكمون والمعارضون المسلحون وحلفاؤهم، كلهم متمردون.. إذ يبددون مال البلاد، فيما لا طائل من ورائه.
وقد سبق أن «استثمرت» الحركة الشعبية ثروة السودان أربع مرات:
- اكتنز قادتها المال، إبان فترة الوحدة ، بعد تنفيذ الإتفاقية وقبل الإنفصال.
- دربوا كوادرهم على الخدمة العامة، وزارات وسفارات..!.
- إنفصلوا بالبترول الذي اخرجته الحكومات الوطنية، من لدن مايو وحتى الإنقاذ.
- إحتضنوا «قطاع الشمال»، وجماعة «الجبهة الثورية»..!.

وأُم «إستثمارات» السياسيين، الآن هي «أزمة دارفور».
المتمردون في الخارج «يتبضعون» في مزادات العالم والأقاليم، باسم الفقراء والمساكين من أهلنا في دارفور.. لقد استفاد مناوي مرتين.. حينما كان متمرداً.. وبعد أن دخل للقصر «مساعداً كبيراً»..!.
and#1645;and#1645;and#1645;
نتساءل، الأن ونسأل: التيجاني السيسي، وغيره من الموقعين.. ماذا فعلتم من أجل مواطن دارفور الفقير أو النازح..؟!.


د.التيجاني السيسي.. لماذا تبقى بالخرطوم، إذ لك مقر للسلطة الإقليمية بالخرطوم، ومنزل ، ايجارهما في الشهر نحو «100» مليون جنيه سوداني.. دا غير المرتب والبدل والنثرية والموبايل، والحرس والعربات..!.
ما علاقة السلطة الإقليمية بالبقاء في الخرطوم؟..
معقولة..!.
الخواجات في الـ«Field» يقبعون بدارفور.. فيما يشبه الاستعمار«Colonization» أو الوصاية «Mandate» أو الحماية «Protectorate»..فلو ذهبت إلى أي شبر في الفاشر، تجد أصحاب القبعة الزرقاء.. يمثلون قوات الـ«UNAMID»..!.

لماذا أنت معنا هنا، د. تيجاني السيسي..?!.. إذ كان بالإمكان أن يكون هناك «مكتب تنسيق».. وأن تسخر، هذه الدولة المنهكة أموال البلاد «المبددة»، من أجل لقمة جائع أو حقنة مريض أو مأوى لنازحي دارفور..!.

ألم أقل لكم، ليس افظع من «الجبهة الثورية وفجرها» إلا المؤتمر الوطني..!.

الأزمة أزمة نخب.. والحاكمون والمعارضون، وجهان لعملة واحدة.

عادل سيداحمد
رئيس تحرير صحيفة الوطن

Quote: وأُم «إستثمارات» السياسيين، الآن هي «أزمة دارفور».

وين الناس البتاجر بالقضية دى ؟؟؟ ولا كلام (عادل سيد احمد )دة ما ياهو ؟

انا ما عااااااارف يا د/ جمال ناس دارفور ديل قاسمين البحر بانص (الجوة )ياكل من ناس الحكومة والبرة دعم ومؤتمرات زول يخش فى اختصاص زول مافى وخاصة الجماعة الدكاترة فى شنو انا ما عارف (والساعة بربع جنية والحسابة تحسب ) بعتو القضية.وبير ما اتحفرت ولا مستشفى اتفتحت (لاندكروزرات دوشكات بيرة باااااااااااردة )

Quote: وين الناس البتاجر بالقضية دى ؟؟؟

تعرف اخي ايمن انا واحد من الناس التاجرو بالقضية دي.
يا اخي انا لمدة خمس سنين كنت ساكن في فندوق و قروشو مدفوعة مقدما و كان كل المطلوب مني انو امشي في مؤتمرات حسب الطلب و اقول ليهم ناس دارفور قاعدين يموتو بسبب حكومة الكيزان.
في الاخر بعد ما الليبين في ظرف شهور طقطقو القذافي الخواجة زعل مني و قال لي "You are not reliable"
يعني بمعني اخر احنا قاعدين نكلفهم لكن هم عايزين ناس جادين يحاربو و يهزمو المؤتمر الوطني و عشان هم يجو و يستثمرو في وجود حكومة تحترم حقوق الانسان.

يا Ayman Khalifa .. مرّ مسطول بشحّاد (البعض يكتبها شحّات) .. و يشحد المارة مرددا في تنغيم التالي:
أجري من الله ... يا محسنين أجري من الله
أجري من الله ... يا محسنين أجري من الله
و المسطول عجبتو النغمة ... فتوقف عند الشحّاد .. و بدأ يطق يطق أصابعو في شكل إيقاع مع كلام الشحّاد .. و يردد بعد الشحّاد في ثنائية:
الشحّاد : أجري من الله ... يا محسنين أجري من الله
المسطول (مع طقطقة الأصابع في إيقاع): تجري تمشي وين ... تجري تمشي وين

يا Ayman Khalifa : تجري تمشي وين .... تجري تمشي وين

أضبط ! Ayman Khalifa عنصري جديد بالبورد.

(حتي كان فتحت مليون بوست .... بعد سقطتك العنصرية في إفتتاحية عضويتك في سودانيزأونلاين ... تجري تمشي وين؟؟!!)
...

..

بعدين موضوعك ده زاتو نحن الدارفوريين ما عندنا فيهو إنترست ... لأنّو بضاعة قديمة و كاسدة ...
نحن دايرين الزيّك ده يعلمنا تجارة جديدة بالنسبة لينا .. مربحة جد جد ... تجارة الزيّك ده وارثا و عارفا كويّس ... زي تجارة الرقيق و بيع أراضي الوطن.








ء

Quote: (حتي كان فتحت مليون بوست .... بعد سقطتك العنصرية في إفتتاحية عضويتك في سودانيزأونلاين ... تجري تمشي وين؟؟!!) ... .. بعدين موضوعك ده زاتو نحن الدارفوريين ما عندنا فيهو إنترست ... لأنّو بضاعة قديمة و كاسدة ... نحن دايرين الزيّك ده يعلمنا تجارة جديدة بالنسبة لينا .. مربحة جد جد ... تجارة الزيّك ده وارثا و عارفا كويّس ... زي تجارة الرقيق و بيع أراضي الوطن.

مرحب يا Mohamed Suleiman

يا اخوى مالك نفسك حاااااااااار كدة طرف (الكلام)هبشك ولا شنو الموضوع ما شخصى ولا حاجة انا بسأل اهل القضية فى ما كتب (عادل سليمان ) وشماعة العنصرية دى قديمة شوف حاجة تانية

روق الموضوع نقاش عندك رد وتبرير اسمع وبكل الاحترام ما عندك موضوع (نسوى ليك شنو ) ؟


نحنا ما قااعدين برة السودان دة وعارفييييييين الحاصل

الكلام دا كلللللللو لو بتاع عادل خليفة لو بتاعك اسمو دس السم فى العسل
منو القال انو السيسى مشكلتو دارفور ؟؟؟
السيسى مشكلته مشكلة قومية افرزت ماساة فى دارفور
الاتفاق الوقعو كان اتفاق قومى ما متعلق بى دارفور بس ..
البلف بتاع حلها هنااااك فى الخرطوم .. وليس فى دارفور ...
السياسات الخربانه البتغذى ازمة دارفور تخيط وتلتق من الخرطوم
دار فور ما فيها مشكلة ... المشكلة فى الخرطوم ...
واى زول يقول داير احل مشكلة دارفور من الفاشر دا بكون فاشل ...

لكن دى خطة قديمة ملعووبة ومكشوفة ....
بعدين هى يعنى الـ 100 الف بتاعة السيسى هى الفنقلت الريكا ؟؟؟؟
اشمعنا فساد ناس دارفور بس البطفو على السطح وبالارقام ؟؟؟
السلطة الاقليمية مقرها يجب ان يكون فى الخرطوم وليس دارفور
وهذا للمعلومية ....









ـــــــــــــــــــــــــــــ
ولماذا لا يبقى السيسى فى الخرطوم ؟؟؟؟ وله منزل ومقر بالخرطوم ؟
منزلين كتار عليه ؟؟؟ مش كفاية انو قروشو جايبه بى يدو من قطر
الدور والباقى على البياكلو فى مال الشعب .. وبيوتهم ومقارهم بلا عدد
ولا ارار ومعلوماتهم تحت الشمس ....

والله عين
عادل سيد احمد خليفة يكتب عن السيسي ودارفور
كان يمشي يسأل بالدرب عديل بدل لعب العيال ده

غايتو جنس عنصرية ... حتي الخرطوم مادايرين فيها السيسي

فعلا كلام حقيقي و واقع وده ما بنفي انو في معارضين همهم الوطن لكن للاسف ديل لسه ما شفنا ليهم حاجة او ما اختبرناهم على الاقل
لكن الجربناهم اكدوا لينا كده
الحركة الشعبية
مناوي
الحاج ادم
السيسي
الحركات الدارفورية المركلسة في قطر
ناس اللجوء السياسي و المعونات
معارضة الداخلة ناس المناصب الوزارية و المؤتمرات
كل زول عايز نصيبو من المأكلة دي بس
تحياتي يا ايمن واصل وما تشتغل بزول قول رايك وبس

Quote: عادل سيد احمد خليفة

معليش يا دفعة سؤال ما عندو اي علاقة...او قد يكون هو كل العلاقة


عادل دا هو ابن الصحفي الراحل سيداحمد الخليفة؟


غايتو...في السوادن بقت كل المواهب وراثة

غناء
كورة
صحافة
الخ


تخ

Quote: انت عارف يا ايمن خليفة حكومات المركز (حكومات الجلابة) اليوم تدفع ثمن عنصريتها وإقصاءها للأقاليم الطرفية في الخدمات والبنيات التحتية مع سبق الاصرار والترصد. فالتجاني سيسي لو جلس في مقر السلطة الإقليمية في اياً من مدن دارفور لن يستطيع التواصل حتى أفراد طاقمه في السلطة ألإقليمية، ناهيك عن مركز اتخاذ القرار وتوزيع السلطة والثروة في الخرطوم حيث الرئيس بنوم. التجاني سيسي لكي يصل من الفاشر لأي مدينة في دارفور حتى لو كانت على بعد 50 كلم منه إلا يسافر إليها عن طريق الخرطوم. فإلى جانب وعورة الطرق بين هذه المدن، فهي في الوقت الراهن غير آمنة وغير سالكة وحتى حركة المواطنين تتم عبر أطواف أسبوعية محروسة بكتائب عسكرية ضخمة. أضف إلى ذلك ضعف الاتصالات الهاتفية والالكترونية، حتى لو توفرت الشبكة فأن الكهرباء اللازمة لتشغيل أجهزة الاتصال لن تكون متوفرة . أكيد لن تقارن بين إمكانيات ولاة الولايات والسلطة الإقليمية، لجهة أن ولاة الولايات لديهم إيرادات يسخرونها لتأمين احتياجاتهم وتغطية نفقاتهم من حرسات أمنية وخطوط ساخنة مع المركز ومولدات طاقة احتياطية تعمل على مدار الساعة

دة رد عن حكومات الجلابة يعنى حكومة دارفور حالفين الا يمشو فى زلط يا اخوى انتا قلتا (الزيت )مركز اتخاذ القرار وتوزيع السلطة والثروة في الخرطوم حيث الرئيس بنوم ما قلنا الموضوع تجارة الجوة والبرة ناس بتاجر بارواح الناس من اجل راحتها لا احد يعلم ما يجرى فى ارض الواقع (إلا بعض القابضين على جمر الغضا)