Post: #2 Title: Re: يا دكتور Ahmed al Qurashi (إعتلاقي) يعني شنو !! Author: saadeldin abdelrahman Date: 02-06-2013, 07:11 AM Parent: #1
سلام يا جنابو، غايتو لغاية ما يجيك د.أحمد قبل كدا سألت نفسي سؤالك ده، خمنت انو الشاعر نجرها من (تعلق) و الله اعلم تحياتي
Post: #3 Title: Re: يا دكتور Ahmed al Qurashi (إعتلاقي) يعني شنو !! Author: omer osman Date: 02-06-2013, 07:16 AM Parent: #2
Quote: قبل كدا سألت نفسي سؤالك ده، خمنت انو الشاعر نجرها من (تعلق)
يعني مابراي ههههه اجابتك معقولة برضو لحدي مايجي دكتور احمد تحياتي سعد الدين ...
Post: #4 Title: Re: يا دكتور Ahmed al Qurashi (إعتلاقي) يعني شنو !! Author: محمد إبراهيم علي Date: 02-06-2013, 07:38 AM Parent: #3
Quote: للفطن الوسيم عرج يانسيم بلغُه إشتياقي حبي وإعتلاقي روح يانسيم أستقبل هلالُه في غُرفُه وظلالُه ومن ترفه ودلالُه بين ذويه وآلو بي حكمة ورويِّه في قامته الروية اتأمل شوية وقول ليه التحية ولو سألك علىَّ قولُيه منامُه قلَّ أصلُه شكايته عله بالحب ليس إلاَّ ومهما طال فراقي أو عزَّ التلاقي أنا على عهدي باقي للفطن الوسيم أنا عاشق مثالي في حبي وعواطفي لايوجد مثالي وللهوى إمتثالي نفسي كريمْ خصالها بى نُبل العواطف أمتازت أصاله أشتاق للمحاسن وأتهيب وصالها من فاتكات لحاظك ومن حدة نصاله وهاك بعض الملامح إني وديع مُسامح وحبي رقيق وجامح يبعد عن نطاقي ولى أحبابه شاقي………
Quote: ولا تفوتنى جزئية اختيار بعض الشعراء لكلمات عربية اصيلة يندر استخدامها وقد تبدو كالغريب او اللحن من اللغة,,ففى نفس القصيدة ونفس المقطع وردت كلمة (اعتلاقى),,وايضا ظننتها (اعتلالى) ولربما اخطأ المؤدى او شئ من هذا القبيل,,لكننى واثناء قراءتى لبعض الشعر العربى فى العهد الاندلسى الزاهر قد وجدت الكلمة بحرفها ورسمها !! وهى تعنى شدة الحب والتعلق والوجد,,وهى على وزن افتعال وتأتى على افتعل ايضا,,لكن استخدامها قليل _ينظر لسان العرب لابن منظور والمعجم الوسيط_
Post: #5 Title: Re: يا دكتور Ahmed al Qurashi (إعتلاقي) يعني شنو !! Author: المسافر Date: 02-06-2013, 07:42 AM Parent: #4
الدكتور مشغول إذا كنت ترغب في الوصول إلى أحد موظفي خدمة العملاء علق الخط
إعتلاق ولا ما إعتلاق يا فاهمين يا بتوع المدارس
Post: #7 Title: Re: يا دكتور Ahmed al Qurashi (إعتلاقي) يعني شنو !! Author: omer osman Date: 02-06-2013, 07:58 AM Parent: #5
الدكتور مشغول إذا كنت ترغب في الوصول إلى أحد موظفي خدمة العملاء علق الخط
إعتلاق ولا ما إعتلاق يا فاهمين يا بتوع المدارس
<<<<<<<<<<<<<<
المسافر انت لسه ما وصلت هههههههه اصلك مسافر وووووين طيب ياااخ قول للدكتور في عملية مستعجلة والجماعة منتظرنك
Post: #6 Title: Re: يا دكتور Ahmed al Qurashi (إعتلاقي) يعني شنو !! Author: omer osman Date: 02-06-2013, 07:55 AM Parent: #4
الف شكر ياهندسة على المجهود والتوضيح فعلاً كلمة محيرة وفي الأول برضو كان بفتكر انو نطق غلط من الفنان لكن استمعت ليها من اكتر من فنان بنفس النطق .... وفي إنتظار المرجع دكتور احمد القرشي لتأكيد المعني
Post: #8 Title: Re: يا دكتور Ahmed al Qurashi (إعتلاقي) يعني شنو !! Author: aosman Date: 02-06-2013, 08:39 AM Parent: #6
من عقدتُ بحبِّهِ ... دونَ الورى حبلَ اعتلاقي فأخذتُ منه بموثقِ الأك? ... ?راب مشدود العراقي لم يرقْ جارُ أبي دؤا ... دٍ معقلاً، أنا منكَ راقِ أجني بهِ ثمرَ المنى ... غضَّ الجنى عذب المذاقِ في حين أمَّنني الرَّدى ... ووقى من الحدثانِ واقِ قيَّدتَ مطلقَ همَّتي ... وملكتَ لي رقَّ اشتياقي فالقلبُ موقوفٌ عليكَ ... الدَّهرَ وهو إليكَ تاقِ وافى كتابكَ مشرقاً ... بحلى معانيهِ الدِّقاقِ وأنا في الجّوابِ مقصرٌ ... عن رومِ أسباب اللِّحاقِ ولو أنَّ مطبوعَ الحجازِ ... يمدُّ مصنوع العراق وملكت ذاكَ فسقتُهُ بقريحتي خيرَ المساقِ لسعيتُ مرخى الذيلِ بالتقص? ... ?ير محلولَ النطاقِ لا أستقلُّ مشمراً ... أجري إلى قصبِ السباقِ ليس الرقيقُ من الرَّكيك ... ولا الزُّلالُ من الزُّعاقِ
Post: #9 Title: Re: يا دكتور Ahmed al Qurashi (إعتلاقي) يعني شنو !! Author: omer osman Date: 02-06-2013, 09:19 AM Parent: #8
Quote: من عقدتُ بحبِّهِ ... دونَ الورى حبلَ اعتلاقي
ده تأكيد للشرح الجابو الباشمهندس محمد ابراهيم علي الف شكر aosman
Post: #10 Title: Re: يا دكتور Ahmed al Qurashi (إعتلاقي) يعني شنو !! Author: omer osman Date: 02-06-2013, 09:39 AM Parent: #9
Post: #11 Title: Re: يا دكتور Ahmed al Qurashi (إعتلاقي) يعني شنو !! Author: دينا خالد Date: 02-06-2013, 09:49 AM Parent: #8
اعتلق بالشىء اى تلازج فيه .. او اتلاييق عليه ... نظام عكليته يعنى ... عشان افسر اكتر : الاعتلاق هو التعلق بالشىء من طرف واحد ... التعلق داك .. ذى العناق بكون مشترك انت متعلق والتانى ماسكك من طرفين .. او تلاته .. لكن لو اتعلقت براك بدون ما تشاور المتعلق به فهدا هو اعتلالالالاق بالغنة !! يعنى مثلا اللبلاب والليف والاشجار المتسلقة دى دا اعتلاق ساى منها .. ومن طرف واحد ....
ــــــــــــــــــــــــــــــــــ ننتهز فرصة انشغال الجماعة بتاعين اصلاح الكتابة فى المنبر بالنبوة وكدا .. وندلى بدلونا الذى سيجبرهم على الرجوع !!
Post: #12 Title: Re: يا دكتور Ahmed al Qurashi (إعتلاقي) يعني شنو !! Author: omer osman Date: 02-06-2013, 09:56 AM Parent: #11
Quote: اعتلق بالشىء اى تلازج فيه .. او اتلاييق عليه ... نظام عكليته يعنى ... عشان افسر اكتر : الاعتلاق هو التعلق بالشىء من طرف واحد ...
يعني نظام هي ما شغالة بيهو ههههههههههه والله يا دينا في شواهد في باقي القصيدة بتأكد كلامك ده شوفي هنا قال شنو :
Quote: ولو سألك علىَّ
يعني احتمال يسال واحتمال لا شخيت شديييييييييد
وبرضو هنا شوفي قال شنو :
Quote: ومهما طال فراقي أو عزَّ التلاقي
Quote: وحبي رقيق وجامح يبعد عن نطاقي
Post: #13 Title: Re: يا دكتور Ahmed al Qurashi (إعتلاقي) يعني شنو !! Author: aosman Date: 02-06-2013, 10:50 AM Parent: #8
أنا مابين مقامين مقيم* أورثاني شجا في فؤادي من دموعي كلوم* قلما ترتجى واعتلاقي بجناب الكريم* مشعر بالنجا ها أنا في الحالتين في خطر* والفؤاد سليم سلك التوحيد فيه بالنظر* سبل نهج قويم
Post: #14 Title: Re: يا دكتور Ahmed al Qurashi (إعتلاقي) يعني شنو !! Author: aosman Date: 02-06-2013, 11:10 AM Parent: #13
Quote:
اعتلق بالشىء اى تلازج فيه .. او اتلاييق عليه ... نظام عكليته يعنى ... عشان افسر اكتر : الاعتلاق هو التعلق بالشىء من طرف واحد ... التعلق داك .. ذى العناق بكون مشترك انت متعلق والتانى ماسكك
يعني يا دينا إتشعلق فيهو ساي, زي الواحد يتشعلق ليهو في شجرة أو لوري
Post: #15 Title: Re: يا دكتور Ahmed al Qurashi (إعتلاقي) يعني شنو !! Author: aosman Date: 02-06-2013, 11:52 AM Parent: #14
أستاذ عمر ممكن تشوف لينا معاك معنى إعتلاج كمان؟ وبارك الله فيك
Post: #16 Title: Re: يا دكتور Ahmed al Qurashi (إعتلاقي) يعني شنو !! Author: احمد الأمين على إدريس Date: 02-06-2013, 11:57 AM Parent: #14
غايتو اعتلاقاً كدا بجنابو عمر وبى دينا برضو اقول انو المعنى البتبادر للذهن عند سماع الكلمة هو شدة التعلق بغض النظر عن رغبة وموافقة المتعلق به علق يتعلق تعليقاً فهو عالق ثم معتلق وهى للامعان فى التعلق ..
نجر ساااااى يا جنابو لحدت دكتور القرشى يدينا النجيضة
Post: #17 Title: Re: يا دكتور Ahmed al Qurashi (إعتلاقي) يعني شنو !! Author: Ahmed al Qurashi Date: 02-06-2013, 12:45 PM Parent: #16
شكر ا جنابو عمر عثمان على حسن ظنك
اسف للتأخير فلقد عدت متاخرا من المستشفي حيث اتصل بي العزيز محمد المرتضى لافتا نظري لهذا البوست
أغنية الفطن الوسيم هي من اغاني الشاعر محمد بشير عتيق التي نظمها في سنة 1974
ولقد لحنها الفنان محمود فلاح وتغنى بها الفنان كمال ترباس
وكلمة اعتلاقي هي من اللغة العربية الفصحي واعتلق بمعني أحب كما اورد الاخ محمد ابراهيم علي والاخ عثمان
وللتأكد من معناها ذهبت الى قوقل فوجدت معنى ( اعتلق بالشئ اي انتشب به ) انتشب دي براها داير ليها شرح يا جنابو ،
وهذا ذكرني هذا الشرح الحديث الذي نسب للبوفيسور عبدالله الطيب عندما شرح (الساق البخنداة ) بانها الساق الخدلج والمعنى واضح كما قال .
ولقد شرحت ايضا كلمة اعتلق بمعني استمسك وتعلق وارتبط بالشئ ، وهي كلمة مستعملة في الشعر العربي ولكنها غير مطروقة في السودان
وأظن ان الشاعر محمد بشير عتيق أجبرته القافية عليها فالرغم من معناها الرقيق فهنالك فظاظة في نطقها .
قال الشاعر علي الحصري القيراوني مستعملا كلمة اعتلق ..
Post: #19 Title: Re: يا دكتور Ahmed al Qurashi (إعتلاقي) يعني شنو !! Author: omer osman Date: 02-06-2013, 01:11 PM Parent: #17
Quote: اسف للتأخير فلقد عدت متاخرا من المستشفي حيث اتصل بي العزيز محمد المرتضى لافتا نظري لهذا البوست
اعفي لينا يادكتور عذبناك وبلغ مولانا محمد المرتضي التحايا والاشواق
Quote: وهي كلمة مستعملة في الشعر العربي ولكنها غير مطروقة في السودان وأظن ان الشاعر محمد بشير عتيق أجبرته القافية عليها فالرغم من معناها الرقيق فهنالك فظاظة في نطقها .
لقاها وووين !! صراحة ما عندي معلومة عن المستوي التعليمي لشاعرنا المبدع عتيق والسؤال هل اجبرته القافية ام ربما اعجبته الكلمة فصنع قصيدة خصيصاً ليستخدم فيها تلك الكلمة !!! ياريت يادكتور لو تتبحر لينا اكتر في مناسبة القصيدة ربما تكشف سر هذه الكلمة الغريبة على الشعر السوداني
Quote: وكلمة اعتلاقي هي من اللغة العربية الفصحي واعتلق بمعني أحب كما اورد الاخ محمد ابراهيم علي والاخ عثمان وللتأكد من معناها ذهبت الى قوقل فوجدت معنى ( اعتلق بالشئ اي انتشب به ) انتشب دي براها داير ليها شرح يا جنابو ،
كده بقينا متأكدين 100% الف شكر يادكتور لاعدمناك
Post: #18 Title: Re: يا دكتور Ahmed al Qurashi (إعتلاقي) يعني شنو !! Author: النور يوسف محمد Date: 02-06-2013, 12:58 PM Parent: #16
بسم الله الرحمن الرحيم
سيد عمر .. اسعد الله أوقاتك ..
جاء فى كتاب فقه اللغة للثعالبى ، أول مراتب الحب الهوى ، ثم العلاقة وهى الحب اللازم للقلب ثم الكلف والعشق ........ الى أن يهيم المحب على وجهه ..
وإيراده على وزن إفتعل يفيد التأكيد والله أعلم ..
تحياتى
Post: #21 Title: Re: يا دكتور Ahmed al Qurashi (إعتلاقي) يعني شنو !! Author: omer osman Date: 02-06-2013, 01:17 PM Parent: #18
Quote: جاء فى كتاب فقه اللغة للثعالبى ، أول مراتب الحب الهوى ، ثم العلاقة وهى الحب اللازم للقلب ثم الكلف والعشق ........ الى أن يهيم المحب على وجهه ..
وإيراده على وزن إفتعل يفيد التأكيد والله أعلم ..
سيادتو النور حبابك ... توضيح شافي من شاعر واديب لبسه للكاكي كان من حسن حظ البوليس
Post: #20 Title: Re: يا دكتور Ahmed al Qurashi (إعتلاقي) يعني شنو !! Author: omer osman Date: 02-06-2013, 01:13 PM Parent: #16
Quote: غايتو اعتلاقاً كدا بجنابو عمر وبى دينا برضو اقول انو المعنى البتبادر للذهن عند سماع الكلمة هو شدة التعلق بغض النظر عن رغبة وموافقة المتعلق به علق يتعلق تعليقاً فهو عالق ثم معتلق وهى للامعان فى التعلق ..
نجر ساااااى يا جنابو لحدت دكتور القرشى يدينا النجيضة
ما مشيت بعيد يا احمد ... نجيضة الدكتور قريبة من المعني ده ...
Post: #22 Title: Re: يا دكتور Ahmed al Qurashi (إعتلاقي) يعني شنو !! Author: Ahmed al Qurashi Date: 02-06-2013, 01:43 PM Parent: #20
Quote: لقاها وووين !! صراحة ما عندي معلومة عن المستوي التعليمي لشاعرنا المبدع عتيق
الأخ العزيز / عمر عثمان
تحياتي
الشاعر محمد بشير عتيق نشأ في منزل علم ومعرفة
حيث كان والده معلما للغة العربية والقران الكريم ، اما الشاعر
فلقد أكمل تعليمه الأولي ولم يوفق للدخول الى الوسطى ، فالتحق بالمدرسة الصناعية فتعلم حرفة البرادة مما أهله للعمل في السكة حديد لاحقا
كانت مكتبة والده ذاخرة بكتب الأدب العربي حيث قرأ شعر البرعي وابن الفارض
والمجموعة النبهانية وجواهر الأدب والأغاني لأبي الفرج الأصفهاني
ولقد كان من زملائه في المدرسة الاولي بالدويم محمد أحمد المحجوب ونصر الحاج علي وأحمد بشير العبادي .
وهذا يعني ان الشاعر نشأ في بيئة مهتمة باللغة العربية والأدب ، فأختزنت ذاكرته الكثير من المفردات التي ساعدته
في بناء قصائده وأغنياته بناءا محكما وموزنا .. ولا أشك ان كلمة الاعتلاق كانت من ذخريته فاستدعاها عند حوجته لها
لك كل الود عزيزي عمر
Post: #23 Title: Re: يا دكتور Ahmed al Qurashi (إعتلاقي) يعني شنو !! Author: Osama Mohammed Date: 02-06-2013, 02:53 PM Parent: #22
ازييكم كلكم معاي واحد (مبسوط شوية كدة( قاعد يقرأ معاي في سودانيز و اثناء ما بنقرأ في العناوين قال لي - بي زهجة كدة- : كدي خش هنا - واشر بي زهج كدة-. بعد بدينا نقرأ شوية - صاحبي دة مرضان حقيبة ومن اهل حلة ود البصير- قام قال لي اوعا يكونو مفتكرينها مشتقة من (عل**نة)). التحية لعمر ود نمرة اتنين وجميع من شارك .
Post: #24 Title: Re: يا دكتور Ahmed al Qurashi (إعتلاقي) يعني شنو !! Author: دينا خالد Date: 02-06-2013, 03:52 PM Parent: #23
Quote: حيث اتصل بي العزيز محمد المرتضى لافتا نظري لهذا البوست
وهو مولانا مالو ما بدخل براهو ... محنن !!
ـــــــــــــــــــــ سجن سجن غرامة غرامة !
Post: #25 Title: Re: يا دكتور Ahmed al Qurashi (إعتلاقي) يعني شنو !! Author: صديق الموج Date: 02-06-2013, 04:19 PM Parent: #24
جنابو ما اورد الاخوان هنا هو عين الصواب وهو التشبث بالمحبوبة والعرب وخصوصاً هل الشام يسمون النبات الذى نسميه فى السودان السلعلع بالعلق وهو نبات متسلق يحيط عادة بالقصب ويشاركه السماد والماء وهو نبات ضار وعمك عتيق ده اصلو زول خطير وهو من شعراء الحقيبة القلائل الذين ادخلو حتى كلمات باللغه الانجليزية فى شعر الحقيبة وجعلوها مستساقة ومبلوعه لا تحس بالنشاز فيها ففى قصيدته الرشيم الاخضر يقول:
مين سواك يتجسر في فؤادي وحسنك ليه عامل ( سِنسر ) فتأمل يا رعاك الله الى كلمة Sensor كيف ان عمك وضعها بحذاقة فايقة فى هذا الموضع؟ شفت السنسرة دى؟ رحم الله عمنا محمد بشير عتيق فهو واحد من الذين كونو وجدانياتنا،،،
Post: #31 Title: Re: يا دكتور Ahmed al Qurashi (إعتلاقي) يعني شنو !! Author: omer osman Date: 02-07-2013, 06:12 AM Parent: #25
Quote: وعمك عتيق ده اصلو زول خطير وهو من شعراء الحقيبة القلائل الذين ادخلو حتى كلمات باللغه الانجليزية فى شعر الحقيبة وجعلوها مستساقة ومبلوعه لا تحس بالنشاز فيها ففى قصيدته الرشيم الاخضر يقول: مين سواك يتجسر في فؤادي وحسنك ليه عامل ( سِنسر ) فتأمل يا رعاك الله الى كلمة Sensor كيف ان عمك وضعها بحذاقة فايقة فى هذا الموضع؟ شفت السنسرة دى؟ رحم الله عمنا محمد بشير عتيق فهو واحد من الذين كونو وجدانياتنا،،،
موبالغة لكن ياصديق بالجد عمك عتيق ده عندو قدرات خيالية اتخيل الزول ده لو كان كمل تعليمو كان قال شنو !!!
Post: #26 Title: Re: يا دكتور Ahmed al Qurashi (إعتلاقي) يعني شنو !! Author: Afraa Sanad Date: 02-06-2013, 04:22 PM Parent: #24
يا سلام عليك يا جنابو والله فكيت لي زهجت العدو ألما ببقي صليح،،قاعدة براي زي القرد لكن الأغنية وقعت لي في جرح...تسلم ياخ
Post: #27 Title: Re: يا دكتور Ahmed al Qurashi (إعتلاقي) يعني شنو !! Author: حمزه بابكر الكوبي Date: 02-06-2013, 04:39 PM Parent: #26
Quote: الشاعر محمد بشير عتيق نشأ في منزل علم ومعرفة
حيث كان والده معلما للغة العربية والقران الكريم ، اما الشاعر
فلقد أكمل تعليمه الأولي ولم يوفق للدخول الى الوسطى ، فالتحق بالمدرسة الصناعية فتعلم حرفة البرادة مما أهله للعمل في السكة حديد لاحقا
كانت مكتبة والده ذاخرة بكتب الأدب العربي حيث قرأ شعر البرعي وابن الفارض
والمجموعة النبهانية وجواهر الأدب والأغاني لأبي الفرج الأصفهاني
ولقد كان من زملائه في المدرسة الاولي بالدويم محمد أحمد المحجوب ونصر الحاج علي وأحمد بشير العبادي .
وهذا يعني ان الشاعر نشأ في بيئة مهتمة باللغة العربية والأدب ، فأختزنت ذاكرته الكثير من المفردات التي ساعدته
في بناء قصائده وأغنياته بناءا محكما وموزنا
تسلم يادكتور احمد القرشي على هذه النبذة عن الشاعر الكبير عتيق طيب الله ثراه
وياجنابو اضافة الى كلام الدكتور عن الشاعر واهنمامه بالفصحى امشي كدي اسمع قصيدة ( غير شادن الارام) وشوف الدرر الفيها وبفضل انك تسمعها بصوت الفرجوني
Post: #28 Title: Re: يا دكتور Ahmed al Qurashi (إعتلاقي) يعني شنو !! Author: طارق جبريل Date: 02-06-2013, 04:41 PM Parent: #27
يا جنابو بقت عندك أسئلة كدة ما ياها
Post: #34 Title: Re: يا دكتور Ahmed al Qurashi (إعتلاقي) يعني شنو !! Author: omer osman Date: 02-07-2013, 06:24 AM Parent: #28
Quote: يا جنابو بقت عندك أسئلة كدة ما ياها
ههههههههههههه ما اصلو شغل البوليس كلو اسئلة
Post: #33 Title: Re: يا دكتور Ahmed al Qurashi (إعتلاقي) يعني شنو !! Author: omer osman Date: 02-07-2013, 06:19 AM Parent: #27
Quote: وياجنابو اضافة الى كلام الدكتور عن الشاعر واهنمامه بالفصحى امشي كدي اسمع قصيدة ( غير شادن الارام) وشوف الدرر الفيها وبفضل انك تسمعها بصوت الفرجوني
غير شادن الآرام كلمات: محمد البشير عتيق كتبت فى كسلا سنة 1930م غير شادِنْ الآرامْ لا شكَّ عيشى حَرامْ يا نفسى ذُوبى غرامْ زيدْ يا فؤادى ضِرامْ ما بين شوقْ وصِرَامْ أصبح هواكْ إجرامْ تعشِقْ خُشَّيفْ رامْ هل فى الثريا مُرامْ كل ما خطر نسّامْ أو لاحْ بِريقْ بسّامْ أشجانى تضْحى جِسامْ عُمرى العزيزْ ينسامْ اصلهُ الغرامْ أقسامْ ما الفى تهامهْ وشام مرعاهُ نالْ وبشامْ ده المابينا لو غشَّامْ والبين شلوخ ورشامْ يسبى "الوليد" و"هشام" عدْ ما نظمت كلامْ فى شعرى من آلامْ أو عاذلى أبدى مَلامْ ما لاحْ بريقْ فى ظلامْ مليون تحيّة سلامْ ____________ الخشيف هو الظبى الصغير الوليد وهشام هما إبنا عبد الملك بن مروان
الف شكر حمزة ... بمشي افتشه بصوت الفرجوني
Post: #37 Title: Re: يا دكتور Ahmed al Qurashi (إعتلاقي) يعني شنو !! Author: ALWALEED ALSHEIKH Date: 02-07-2013, 06:45 AM Parent: #33
الأخوان عمر عثمان و أحمد القرشي و المتداخلين الأعزاء من الأبيات التي رسخت في ذهني من سنوات الصبا الأول قول قيس بن الملوّح و تعلقت ليلى و هى ذات ذؤابة و لم يبد للأتراب من ثديها حجم صغيرين نرعى البهم يا ليت أننا الى اليوم لم نكبر و لم تكبر اليهم و كما سبق أن ذكر أحد الأخوة أن العلاقة مرحلة من مراحل الحب و على حسب قول إمامنا قيس بن الملوّح فهي من البدايات و لذلك فإن أصل الكلمة هو التعلق إلا أننا في لهجتنا الدارجة كثيراً ما نقدم حرفاً علي آخر فعلى سبيل المثال لا الحصر فإن كلمة ملعقة ننطقها معلقة و هكذا و عوداً الى بيت الشعر أعلاه ففي فترة صبانا بالجامعة كانت الفتاة الجميلة يطلق عليه أحياناً كلمة فرسة و لكن بعض الشباب من الأقاليم كانوا يسمونها بهمة و لست أدري هل لذلك علاقة ببيت الشعر أعلاه أم لا
Post: #38 Title: Re: يا دكتور Ahmed al Qurashi (إعتلاقي) يعني شنو !! Author: omer osman Date: 02-07-2013, 07:07 AM Parent: #37
Quote: من الأبيات التي رسخت في ذهني من سنوات الصبا الأول قول قيس بن الملوّح و تعلقت ليلى و هى ذات ذؤابة و لم يبد للأتراب من ثديها حجم صغيرين نرعى البهم يا ليت أننا الى اليوم لم نكبر و لم تكبر اليهم و كما سبق أن ذكر أحد الأخوة أن العلاقة مرحلة من مراحل الحب و على حسب قول إمامنا قيس بن الملوّح فهي من البدايات و لذلك فإن أصل الكلمة هو التعلق إلا أننا في لهجتنا الدارجة كثيراً ما نقدم حرفاً علي آخر فعلى سبيل المثال لا الحصر فإن كلمة ملعقة ننطقها معلقة و هكذا
الوليد الشيخ تحياتي من خلال مداخلات الاخوين احمد القرشي وصديق الموج وضح بأن شاعرنا عتيق كان واسع الاطلاع ولديه ذخيرة واسعة من المفردات العربية بل حتى الأجنبية وكل ذلك شكل انتاجه الشعري المميز وبالتأكيد يكون قد اطلع على الابيات التى اوردتها
Quote: عوداً الى بيت الشعر أعلاه ففي فترة صبانا بالجامعة كانت الفتاة الجميلة يطلق عليه أحياناً كلمة فرسة و لكن بعض الشباب من الأقاليم كانوا يسمونها بهمة
هههههههههههههه دي ذكرتني شاعر قصيدة (عـيون الـمها بين الرصافة والجسر ....... جلبن الهوى من حيث أدري ولا أدري) والتي قال قبلها عندما كان بدوياً يمدح احد الخلفاء (أنت كال###### في حفاظكـ للود ....... و كالتيس في قراع الخطوب)
Post: #32 Title: Re: يا دكتور Ahmed al Qurashi (إعتلاقي) يعني شنو !! Author: omer osman Date: 02-07-2013, 06:15 AM Parent: #26
Quote: يا سلام عليك يا جنابو والله فكيت لي زهجت العدو ألما ببقي صليح،،قاعدة براي زي القرد لكن الأغنية وقعت لي في جرح...تسلم ياخ
هههههههههههه ياعفراء .. ياسلام على عتيق وياسلام على ترباس هم من منحونا هذا الجمال الف شكر ....
Post: #30 Title: Re: يا دكتور Ahmed al Qurashi (إعتلاقي) يعني شنو !! Author: omer osman Date: 02-07-2013, 06:09 AM Parent: #23
Quote: معاي واحد (مبسوط شوية كدة( قاعد يقرأ معاي في سودانيز و اثناء ما بنقرأ في العناوين قال لي - بي زهجة كدة- : كدي خش هنا - واشر بي زهج كدة-. بعد بدينا نقرأ شوية - صاحبي دة مرضان حقيبة ومن اهل حلة ود البصير- قام قال لي اوعا يكونو مفتكرينها مشتقة من (عل**نة)). التحية لعمر ود نمرة اتنين وجميع من شارك .
ههههه يا اسامة صاحبك ده قول ليهو معاك معلمين ما تخاف على حقيبتك دي هنا في الحفظ والصون مع ناس دكتور احمد القرشي تحياتي ليك ولي صاحبك الزهجان ده هههههه
Post: #29 Title: Re: يا دكتور Ahmed al Qurashi (إعتلاقي) يعني شنو !! Author: omer osman Date: 02-07-2013, 06:06 AM Parent: #22
Quote: الشاعر محمد بشير عتيق نشأ في منزل علم ومعرفة حيث كان والده معلما للغة العربية والقران الكريم ، اما الشاعر فلقد أكمل تعليمه الأولي ولم يوفق للدخول الى الوسطى ، فالتحق بالمدرسة الصناعية فتعلم حرفة البرادة مما أهله للعمل في السكة حديد لاحقا كانت مكتبة والده ذاخرة بكتب الأدب العربي حيث قرأ شعر البرعي وابن الفارض والمجموعة النبهانية وجواهر الأدب والأغاني لأبي الفرج الأصفهاني ولقد كان من زملائه في المدرسة الاولي بالدويم محمد أحمد المحجوب ونصر الحاج علي وأحمد بشير العبادي . وهذا يعني ان الشاعر نشأ في بيئة مهتمة باللغة العربية والأدب ، فأختزنت ذاكرته الكثير من المفردات التي ساعدته في بناء قصائده وأغنياته بناءا محكما وموزنا .. ولا أشك ان كلمة الاعتلاق كانت من ذخريته فاستدعاها عند حوجته لها
الف شكر يادكتور ، كده الصورة اكتملت ولاغرابة في ان يستخدم شاعرنا المبدع عتيق هذه الكلمة فمن الواضح انه تأثر بالاجواء التى عاش فيها يااااخ بس شوف زملائه في المدرسة كان منو ...
Post: #35 Title: Re: يا دكتور Ahmed al Qurashi (إعتلاقي) يعني شنو !! Author: يحي قباني Date: 02-07-2013, 06:25 AM Parent: #29
جنابوعمرعثمان ...
وكل الأخوة والأخوات ...
طبعا بعد د. القرشي وود الموج صعب الولوج في بحرالبوست ده
لكني أتيتكم بشي آخر
قال المولي عز و جل " بسم الله الرحمن الرحيم
اقرا باسم ربك الذي خلق * خلق الإنسان من علق
العلق هنا هي نقطة الدم العالقة بالرحم
تظل هذه النقطة عالقة بالرحم (بقوة ) حتي يخلق منها الإنسان
هؤلاء الشعراءامثال عتيق كانوا من رواد الخلاوي و حفظةالقران
ولا يستغرب منهم اقتباس كلمات من كتاب الله ...
وهذا اجتهاد شخصي وقد أكون مخطئا
Post: #36 Title: Re: يا دكتور Ahmed al Qurashi (إعتلاقي) يعني شنو !! Author: omer osman Date: 02-07-2013, 06:31 AM Parent: #35
Quote: لكني أتيتكم بشي آخر قال المولي عز و جل " بسم الله الرحمن الرحيم اقرا باسم ربك الذي خلق * خلق الإنسان من علق العلق هنا هي نقطة الدم العالقة بالرحم تظل هذه النقطة عالقة بالرحم (بقوة ) حتي يخلق منها الإنسان هؤلاء الشعراءامثال عتيق كانوا من رواد الخلاوي و حفظةالقران ولا يستغرب منهم اقتباس كلمات من كتاب الله ... وهذا اجتهاد شخصي وقد أكون مخطئا
اجتهادك اجتهاد خبير يايحي ... ربما تفسير الأخ احمد القرشي وبقية الأخوة هو الأقرب لكن في نفس الوقت وكما اسلفت هولاء الشعراء لديهم الكثير من الاقتباسات من كتاب الله الكريم وذاكرة الشاعر بلاشك تختزن مزيج مابين هذا وذاك لتخرج لنا هذه الدرر او كما يقول اخونا قيقراوي (المافي شنو !!)
Post: #39 Title: Re: يا دكتور Ahmed al Qurashi (إعتلاقي) يعني شنو !! Author: الطيب عثمان يوسف Date: 02-07-2013, 07:36 AM Parent: #36
