Post: #1
Title: كلام فى منتهى الخطورة
Author: هجو الأقرع
Date: 02-05-2013, 08:27 PM
Parent: #0
> الآن أزمة الخبز تطل بقرونها.
> وإنتاج القمح يتدفق قبل شهرين بصورة مذهلة.
> وعربات السماسرة تتدفق.. وتحت الليل سعر القمح يتضاعف.. والأرباح الهائلة تتسلل إلى الخارج.
> وحتى يبقى «الاستيراد» تزعم الجهات التي تحتكر السوق أن المطاحن لا تصلح إلا للقمح الأجنبي.
> وبنك السودان يوفر للجهات هذه شراء الدولار «بنصف» سعره الحقيقي
> ومليارات الناس تذهب إلى جيوب تقتله وبدعم من بنك السودان..
> ومصرف آخر ومليارات تختفي.
> ودكتور المتعافي يتفق مع جهة لاستيراد جرارات بواقع «15» ألف يورو للجرار.
> ثم توقيع مع اتحاد الصمغ العربي.
> و... و...
> لكن الشركة التي تستورد الجرار بقيمة «90» مليونًا للوحدة تقوم ببيعه للدولة بواقع «115» مليونًا.. رغم الاتفاق.. والمتعافي بعيد.
> ونائب مدير مصرف ضكران يقسم بالله ألا يدفع مليماً ما دام في الأمر شيء غير مفهوم.
> الرجل يستحي من الله أن تطير من تحت أصابعه خمسة مليارات إلى جهة غير مفهومة.
> و... و
الكلام لاسحقاق احمد فضل الله
ولا تعليق غير ان نقول
الفساد
الفساد
الفساد
|
Post: #2
Title: Re: كلام فى منتهى الخطورة
Author: معاوية عبيد الصائم
Date: 02-05-2013, 08:38 PM
Parent: #1
شيخ هجو سلامات
يازول ما تستعجل ممكن يكون كلام اشاعات شيوعييييين
او اسحاق ده مهكر
بلاهى المصدر لو تكرمت ...
تحياتى يا ارباب
|
Post: #3
Title: Re: كلام فى منتهى الخطورة
Author: Mohammed Ahmed Saeed
Date: 02-05-2013, 08:42 PM
Parent: #2
يالشيوخ القمح دابوا انزرع الحصادو قبل شهرين دى الذرة القمح دابوا انزرع الشهر الفات ( حليل مشروع الجزيرة )
|
Post: #5
Title: Re: كلام فى منتهى الخطورة
Author: هجو الأقرع
Date: 02-05-2013, 08:47 PM
Parent: #3
| Quote: يالشيوخ القمح دابوا انزرع الحصادو قبل شهرين دى الذرة القمح دابوا انزرع الشهر الفات ( حليل مشروع الجزيرة ) |
و نحن معاك اخى محمد برضو نقول؟؟؟؟؟؟؟؟؟؟؟؟؟؟؟؟؟
|
Post: #4
Title: Re: كلام فى منتهى الخطورة
Author: هجو الأقرع
Date: 02-05-2013, 08:43 PM
Parent: #2
مرحب اخى الكريم معاوية عساك و الاسرة بخير
المصدر ، المصدر ، المصدر ، المصدر لكــن
اسحاق ده فى زول كمان بقدر يقول بغم.
|
Post: #6
Title: Re: كلام فى منتهى الخطورة
Author: هجو الأقرع
Date: 02-05-2013, 08:50 PM
Parent: #4
الاخ محمد ادريس اشكرك على التعليق و اتفق معك على ان إطلاق الكلام على عواهنه غير جيد
بس قالو اذا غلبك دليلو انظر فعلو
ما يحدث فى السودان لو انتظرنا الدليل
سوف نموت كمدا.
|
Post: #8
Title: Re: كلام فى منتهى الخطورة
Author: الطيب شيقوق
Date: 02-05-2013, 09:00 PM
Parent: #6
Quote: يازول ما تستعجل ممكن يكون كلام اشاعات شيوعييييين
او اسحاق ده مهكر
بلاهى المصدر لو تكرمت ... |
انت محيرك مصدر المعلومة يا معاوية ولا عفة ونزاهة سيد البوست قريبي ود الاقرع ؟
بالجد ود الاقرع دا انت ولا الهكر غطس حجرك ؟
|
Post: #12
Title: Re: كلام فى منتهى الخطورة
Author: هجو الأقرع
Date: 02-05-2013, 10:07 PM
Parent: #8
Quote: انت محيرك مصدر المعلومة يا معاوية ولا عفة ونزاهة سيد البوست قريبي ود الاقرع ؟
بالجد ود الاقرع دا انت ولا الهكر غطس حجرك ؟ |
الحبيب شيخ العرب ، و الله يا ودعمى ما نى مهكر
لكن ربنا يستر ، ليك وحشة بس اخوك غيايبو لظروف
تواجدى من فترة بالقرب من ابن شقيقتى بالمستشفى .
|
Post: #7
Title: Re: كلام فى منتهى الخطورة
Author: Mahjob Abdalla
Date: 02-05-2013, 08:56 PM
Parent: #2
سلام عليكم اخ هجو
هل الخطورة التي تراها في وجود فساد من اساسو ام عن حالة كونو القمح يتم تصديره ليستورد مرة اخري؟
اذا كان علي الفساد فهذا هو الحال. الكل شايف القطار ماشي علي الهاوية عايز ياخد البقدر عليهو و ينزل.
كونو انو وصلو مرحلة انهم يصدروها و يستوردوها فهنا يرمي الكاتب الي وجود ايادي خارجية تعمل بهذه الاستراتيجية و ده طبعا معناهو عايزين يجوك باللفة و يقولو سبب الازمة ما نحنا بل الخونة و المارقين و حينها الناس تبدا في سب الخونة و المارقين و ينسو الموضوع من اساسو.
|
Post: #9
Title: Re: كلام فى منتهى الخطورة
Author: محمد حامد
Date: 02-05-2013, 09:03 PM
Parent: #7
| Quote: كونو انو وصلو مرحلة انهم يصدروها و يستوردوها فهنا يرمي الكاتب الي وجود ايادي خارجية تعمل بهذه الاستراتيجية و ده طبعا معناهو عايزين يجوك باللفة و يقولو سبب الازمة ما نحنا بل الخونة و المارقين و حينها الناس تبدا في سب الخونة و المارقين و ينسو الموضوع من اساسو. |
سلامات محجوب وهجو
طبعا دي الحقيقة
إسحق دايما يكتب عن جهات
والجهات هذه
والجهات هذه
والجهات دي شنو ما معروفة
والمعروف الوحيد هو الأزمة محور الحديث
وتستمر الحكاية
بس نرجع ونقول
شعارنا العالي بيرفع
والعالم كلو بيسمع
فلنأكل مما نزرع
ولنلبس مما نصنع
حنشيد نحن بلادنا
وحنفوق العالم أجمع
والحمد لله الحضرنا نهاية فوتتنا للعالم أجمع حتى وإن الرجل من (آل البيت) ليصيح الفساد الفساد الفساد
|
Post: #10
Title: Re: كلام فى منتهى الخطورة
Author: محمد إبراهيم علي
Date: 02-05-2013, 09:22 PM
Parent: #9
سلام هجو
المطاحن الكبيرة في البلد ثلاثة (سيق وسين وويتا) الوثيقة ادناه نشرها الصحفي عثمان شبونة قبل ايام في الراكوبة
وهي خطاب من بنك السودان يلتزم فيه ببيع دولار القمح بـ2.9 جنيه تاريخ الخطاب في يوليو من العام الماضي
|
Post: #11
Title: Re: كلام فى منتهى الخطورة
Author: وليد زمبركس
Date: 02-05-2013, 09:46 PM
Parent: #10
أستاذ هجو و ضيوفه الكرام تحياتي .
يا أستاذ هجو لماذا تبدو عليك الدّهشة ؟ هل هى المرّة الأولى التى تسمع فيها بجرائم و فساد فى الدّولة ؟ أم أنّ القتل الدّائر فى هوامِش السودان أقلّ إثارَة من هذه المليارات التى تناوَلَها الخبر ؟. أم أنّك لا تصدّق البَتّة أنّ هناك قتل و إرَاقَة دماء ؟ .
ليس بعد القتل جريمة فلا تندَهِش و أنت تقرأ أخبار اسحق أحمد فضل الله ( الذى لا أثِق فى حديثه حتى هذا الذى يبدو فى ظاهِرِه الخير و المَوعِظة ) . فقط عليك أن تختار مكانَك و تحترق حيث انتهَيت و باعتقادى عَمَل الخير و تحصيل أموال لإعانَة المحتاجِين و عِلاج المَرضَى كان طريقًا أفضَل لك لمَسح ذنوب الإنقاذ التى أعتقِد أنّ مَن ناصَرَها و لو بكلِمَة فخير له أن يبحث عن المغفِرَة طالما أنّ الله يعَذّب على القَتل و إن كان بكَلِمة.
كن بخير و لا عَدَاوَة بيني و بين أحَد فقط أرَدت أن أذَكّرَك بالذين قَتَلَتهم الإنقاذ فهم أحق بالدّهشة من سَرِقَة أموالهم و أموال الأحياء المهزومين بعد يونيو 1989 لأنّ الدّم أغلى من الخبز .
|
Post: #13
Title: Re: كلام فى منتهى الخطورة
Author: هجو الأقرع
Date: 02-05-2013, 10:09 PM
Parent: #7
اخى الكريم محجوب سلام من الله ورحمة
و الله يا شيخنا امور كثيرة متداخلة
و ليس القمح وحدة / و اتفق مع تماما
|
Post: #14
Title: Re: كلام فى منتهى الخطورة
Author: هجو الأقرع
Date: 02-05-2013, 10:10 PM
Parent: #7
اخى الكريم محجوب سلام من الله ورحمة
و الله يا شيخنا امور كثيرة متداخلة
و ليس القمح وحدة / و اتفق مع تماما
|
Post: #15
Title: Re: كلام فى منتهى الخطورة
Author: زياد جعفر عبدالله
Date: 02-05-2013, 10:41 PM
Parent: #14
قريبنا هجو سلام عليكم
...
بالله!!!!
هي بالله دولة المشروع الحضاري الرسالية ممكن يكون فيها فساد زي دا يا أسحق أحمد فضل الله؟؟
بالسنين والدنين تشتم شتماً مقذعا في مقالاتك كل من يعارض الانقاذ او ينتقدها...الان أكتشفت وجود فساد؟؟
النور بصيرتك ينور بصيرة قريبنا ودالباوقة!!
..
| Quote: ومليارات الناس تذهب إلى جيوب تقتله وبدعم من بنك السودان.. |
انجليزي دا يا مرسي!
|
Post: #16
Title: Re: كلام فى منتهى الخطورة
Author: Dr. Ahmed Amin
Date: 02-05-2013, 10:51 PM
Parent: #15
تحياتي أخي العزيز شيخ العرب ..
الفساد ده بس هو من سيذهب بهذه الحكومة شاءت ام ابت ..
لسبب واحد (رباني) إن الله طيب ولا يقبل الأ طيب ...
ولم نسمع في التاريخ القريب والبعيد بأن المفسدين والظالمين قد سادوا ..
وما تسمع كلام مثل : الشريعة خط أحمر .. وهي لله ... إلخ ..
يا اخوي طريق الله وااااااضح ... وما داير لف ودوران
|
Post: #17
Title: Re: كلام فى منتهى الخطورة
Author: محمد عوض السيد
Date: 02-05-2013, 11:12 PM
Parent: #16
هذا جزء بسيط من مايحصل ببلادنا !!
والوجع راقد ..
|
Post: #18
Title: Re: كلام فى منتهى الخطورة
Author: صلاح عباس فقير
Date: 02-06-2013, 06:26 AM
Parent: #17
الإنقاذ من يومها تأسست على الظلم،
للأسف تحت رايات الشريعة والمشروع الحضاري!
نعم كان تحت خيمتها الكبيرة أناس والله شرفاء،
لكن ليتحملوا مسئولية أنهم سكتوا على إراقة قطرة دمٍ واحدة بريئة!
وأنهم غضّوا الطرف عن ظلم صريح يقع على قطاع عريض من الموظفين
باسم الصالح العام!
الإنقاذ على أي حال انتهت،
مسألة وقت بس،
المشكلة هي ماذا بعد الإنقاذ؟
|
Post: #19
Title: Re: كلام فى منتهى الخطورة
Author: يسرى معتصم
Date: 02-06-2013, 06:36 AM
الفساد
الفساد
الفساد
|
Post: #20
Title: Re: كلام فى منتهى الخطورة
Author: عبد الحي علي موسى
Date: 02-06-2013, 07:07 AM
Parent: #19
| Quote: الرجل يستحي من الله أن تطير من تحت أصابعه خمسة مليارات إلى جهة غير مفهومة |
شيخ هجو سلام
وممكن وبعض الظن اثم أن الرجل يريد أن تذهب هذه الخمس مليارات إلى جهته (هو) المعلومة.
تحياتي
|
Post: #21
Title: Re: كلام فى منتهى الخطورة
Author: omar altom
Date: 02-06-2013, 07:14 AM
Parent: #1
حكمتوا بالغة..............................
|
Post: #22
Title: Re: كلام فى منتهى الخطورة
Author: أيمن دياب
Date: 02-06-2013, 07:35 AM
Parent: #21
شيخ هجو سلام عليكم..
لا توجد أي خطورة فيما قلت..
فما حدث وما يحدث أصبح شيء لا يُستغرب له..
يعني عااااااااااادي جدا..
ربنا يولي علينا من يخاف الله فينا..
|
Post: #23
Title: Re: كلام فى منتهى الخطورة
Author: هجو الأقرع
Date: 02-06-2013, 08:01 PM
Parent: #22
تحية و تقدير لكل الاخوان مع بالغ الشكر
لمروركم الكريم ، ظروف اسريه صعبه ابعدتنى
عن الموقع و باذن الله سوف اعود.
|
|