ذكاء طفلة مغربية مفيش حاجة إسمها إسرائيل ( فيديو)

سئلت من بعض عواصم العالم وكانت تجاوب وعندما
سئلت من عاصمة إسرائيل زكرت فيما معناها مفيش حاجة
إسمها إسرائيل

سلام يا ود الباهي
ما شاء الله الامورة دث اريتها بتي
نبيهه وحاضرة ما شاء الله
بتقول عواصم الدول العالمية بتقة عالية
لاحظ بسألوها بشكل ما مرتب
وبتجاوب صاح بحضور ذهني قوي
من اسع اتوقع ليها مستقبل كبير
ربنا يحفظها

ميادة كمال سلام
أخبارك وأحوالك

بلاهي شفتي الطفلة دي رهيبا كيف وبالجد
منتظرها مستقبل بارع لو لقيت الرعاية الكاملة
وأكثر حاجة عجبتني مسحت ليك إسرائيل عادي من
الخارطة يعني الاسرائيليين مهما يطبعو مع بعض
حكام الدول العربية غير معترف بيهم حتي من أطفال
في عمر الثالثة فخليهم يبشروا بطول عذاب .

ماشاءالله عليها دي موهبة يجب رعايتها خاصة من الاسر ....

وعندنا نمازج ليها فى السودان ومثال لذلك اطفال اليوسي ماس وتفوقهم الواضح فى ماليزيا
ولكن يحتاجون الى من يقف خلفهم ويشجعهم لكي يحققوا نتائج اكثر من التي حققوها سابقاً

ماشاءالله عليها دي موهبة يجب رعايتها خاصة من الاسر ....

وعندنا نمازج ليها فى السودان ومثال لذلك اطفال اليوسي ماس وتفوقهم الواضح فى ماليزيا
ولكن يحتاجون الى من يقف خلفهم ويشجعهم لكي يحققوا نتائج اكثر من التي حققوها سابقاً

محمد الحبيب ياعزيز
والله أطفال السودان مظلومين ظلم الحسن والحسين
لا ينقصهم الذكاء ولا الحضور الذهني لكن ينقصهم
من يكتشفهم ويشد من أزرهم وزي ما تفضلت وزكرت
بس ربك يعين ساي .

Quote: الحاجة المحزنه يا استاذ عادل انو طفله بريئة وذكيه زي دي يربوها على اوهام ويزرعو فيها كراهية بالشكل ده..:(

العزيز Samy Sami Sam من الفيس بوك
حياك الله

دي ما كراهية ولا أوهام الدنيا كلها بتعرف
إسرائيل مغتصبة لارض فلسطين ،ودا تاريخ لازم
كل أطفالنا يعرفوا هذا .

دا كلام عاطفي ساكت
لا بودي ولا بجيب

اسرائيل موجودة و الدليل على ذلك
جات و ضربتكم في بيوتكم (مصنع اليرموك) و دلدلتو راسكم

أمبارح دي ضربت سوريا....ما في عربي ساكت رفع راسو

و حا تضرب ايران بكرة و ما في حد حا يقول حاجة....

ياخ عليكم الله أمشوا أحفظو الشعر الجاهلي و أمشوا نوموا و أحلموا
يا عناتر بنو شداد

فخفخة في الفاضي ساكت

Quote: دا كلام عاطفي ساكت لا بودي ولا بجيب اسرائيل موجودة و الدليل على ذلك جات و ضربتكم في بيوتكم (مصنع اليرموك) و دلدلتو راسكم أمبارح دي ضربت سوريا....ما في عربي ساكت رفع راسو و حا تضرب ايران بكرة و ما في حد حا يقول حاجة.... ياخ عليكم الله أمشوا أحفظو الشعر الجاهلي و أمشوا نوموا و أحلموا يا عناتر بنو شداد فخفخة في الفاضي ساكت

يا كوستاوي ياعمك أنت مفتكرين كوز ولا شنو جايني حامي كدة
أعصابك يأخ .أها ضربة مصنع اليرموك دي مفترض أي سوداني غيور
علي بلدو يزعل بغض النظر عن هو موالي أو معارض لان البشر ذاهبون
والحكومات ذاهبة ويبقي تراب الوطن .نعم إسرائيل موجودة ولكن لا
أنا ولا أنت بننكر أنهم مغتصبون لارض فلسطين ولا بنقدر نزايد في
إنتفاضة الشعب الفلسطيني وحقوقهم المشروعة في عودة اللاجئين وعودة
أراضيهم .

دي مشاركة من الاخ صديق الصديق من الفيس بوك له التحية

يا عادل كلامي دا ماعندو دخل بالكيزان و لا خلافو

كلامي دا بقصد بيه الوهمة بتاعة إنو فلسطين دي نحن مهتمين بيها أكتر من دارفور
...و الوهمة التانية إنو الفلسطينين ديل ما معترفين بيك إنو إنتا عربي
و بنتعامل معاهم إنو نحن (أعرب) منهم
ياخ ما معقول يا عادل

نضف بيتك في الأول قبال ما تنضف بيت جارك العاشر

ولا شنو

Quote: يا عادل كلامي دا ماعندو دخل بالكيزان و لا خلافو كلامي دا بقصد بيه الوهمة بتاعة إنو فلسطين دي نحن مهتمين بيها أكتر من دارفور ...و الوهمة التانية إنو الفلسطينين ديل ما معترفين بيك إنو إنتا عربي و بنتعامل معاهم إنو نحن (أعرب) منهم ياخ ما معقول يا عادل نضف بيتك في الأول قبال ما تنضف بيت جارك العاشر ولا شنو

ياكوستاوي لو كنت أملك المال ودعمت بيهو الفلسطينيين
تاركا أهلي في دارفور وجبال النوبة إحتمال يكون كلامك
مبلوع لانهم الاولي بدعمي ولكن لا أنا ولا أنت نملك سوي الادانة
والدعم المعنوي الغير محدود ، فأذا دعمت معنويا الانتفاضة
الفلسطينية هذا لا ينقص من دعمي معنويا للاهل بدارفور أوجبال
النوبة ولا كجبار وغيرها من المناطق المشتعلة بالسودان ومن غير
المنطقي أشوف ناس بتموت في فلسطين أو سوريا أو أي منطقة آخري
في العالم ولا أدين ولا أشجب ولا أدعمهم معنويا بحجة نحن برضو
عندنا ناس بتموت في السودان، مادام ماعندي غير السلاح دا ما
أدعم بيهو الجميع وهذا أضعف الايمان . ولو أصلا الشغلانية بالمنطق
بتاع نظف بيتك في الاول وبعدها شوف جارك العاشر ماكان في منظمة
أوربية أو أمريكية دعمت الفقراء ومناطق الكوارث بأفريقيا برضو
عندهم ناس فقراء في أوربا الشرقية حق الدكوة ماعندهم هم أقرب لهم
في المعتقدات ةالعادات واللون ولكن الدنيا لا تؤخذ بمثل هذا المنطق .