Post: #1
Title: كيف تعرف انك فى السودان ؟
Author: عبدالغفار محمد سعيد
Date: 02-03-2013, 05:14 PM
وصلتنى هذه التعريفات الذكيه بحال البلاد والعباد من صديق بالإيميل فعجبتنى وزدتها من "عندياتنا"
|
Post: #2
Title: Re: كيف تعرف انك فى السودان ؟
Author: عبدالغفار محمد سعيد
Date: 02-03-2013, 05:16 PM
Parent: #1
لو أنت في بلد فيهو سنه سابعة
وسنة تامنه ابتدائي…
تبقى أنت أكيد في السودان
|
Post: #57
Title: Re: كيف تعرف انك فى السودان ؟
Author: منير عثمان
Date: 03-07-2013, 09:58 AM
Parent: #2
Quote: لو أنت في بلد فيهو سنه سابعة
وسنة تامنه ابتدائي…
تبقى أنت أكيد في السودان |
دي غايتو ما صاح لاننا هنا في هولندا الابتدائي 8 سنة برضو
يعني ممكن تتعدل كالآتي :
لو لقيت سنة سابعة وثامنة ابتدائي تعرف انك يا في الخرطوم يا في لاهاي
|
Post: #3
Title: Re: كيف تعرف انك فى السودان ؟
Author: Mohammed Sedeq
Date: 02-03-2013, 05:17 PM
Parent: #1
نلف ونجي ولا كيف؟!
ياخ لو الاكل اتأخر الضيف بجيبو ليه عصير ولا حاجة ما بخلوه ساي كده
|
Post: #4
Title: Re: كيف تعرف انك فى السودان ؟
Author: عبدالغفار محمد سعيد
Date: 02-03-2013, 05:22 PM
Parent: #3
Quote:
نلف ونجي ولا كيف؟!
ياخ لو الاكل اتأخر الضيف بجيبو ليه عصير ولا حاجة ما بخلوه ساي كده |
تلف وين يامحمد ، والله قلنا نأخر الشاى عشان مايسد نفسك من الاكل
كلها 10 دقائق والاكل يكون جاهز
يازول نحنا لاقينك
|
Post: #5
Title: Re: كيف تعرف انك فى السودان ؟
Author: عبدالغفار محمد سعيد
Date: 02-03-2013, 05:24 PM
Parent: #4
لو طالعت إعلانات لشركات (مسئول) كبير
وهو لا زال (في الخدمة)........
تبقى أنت أكيد في السودان
|
Post: #6
Title: Re: كيف تعرف انك فى السودان ؟
Author: Mohammed Sedeq
Date: 02-03-2013, 05:53 PM
Parent: #5
تسلم يا عبد الغفار
نساهم معاك
.
.
.
لو لقيت واحد موية الحمام بتاعو بتطلع في الشارع طوالي اعرف انك في السودان
لو لقيت مجاري في العاصمة ما مقفولة اعرف انك في السودان
لو كنت ماشي في السوق وعتر ليك كيس ولا حبل ولا كرتونة وقعتك اعرف نفسك في السودان
لو لقيت في الحديقة اكتر من سلة نفايات وبرضو الناس بترمي نفاياتها في مكانها القاعده فيه اعرف نفسك في السودان
تحياتي
|
Post: #7
Title: Re: كيف تعرف انك فى السودان ؟
Author: عبدالغفار محمد سعيد
Date: 02-03-2013, 05:53 PM
Parent: #5
لو (لبد) ليك شرطي (مرور) في نهاية شارع (اتجاه واحد )
وخلاك لمن دخلت وجاك بى (دفتر إيصالات)....
تبقى أنت أكيد في السودان
|
Post: #8
Title: Re: كيف تعرف انك فى السودان ؟
Author: عبدالغفار محمد سعيد
Date: 02-03-2013, 06:57 PM
Parent: #7
Quote: تسلم يا عبد الغفار
نساهم معاك
.
.
.
لو لقيت واحد موية الحمام بتاعو بتطلع في الشارع طوالي اعرف انك في السودان
لو لقيت مجاري في العاصمة ما مقفولة اعرف انك في السودان
لو كنت ماشي في السوق وعتر ليك كيس ولا حبل ولا كرتونة وقعتك اعرف نفسك في السودان
لو لقيت في الحديقة اكتر من سلة نفايات وبرضو الناس بترمي نفاياتها في مكانها القاعده فيه اعرف نفسك في السودان
تحياتي |
شكرا عزيزى محمد ومرحبا فى كل وقت بمساهماتك
|
Post: #9
Title: Re: كيف تعرف انك فى السودان ؟
Author: عبدالغفار محمد سعيد
Date: 02-03-2013, 07:24 PM
Parent: #8
لو لقيت نفسك في بلد ما فيهو (معينات البحث العلمي )
وكل يوم الجامعات تناقش (خمسين) رسالة دكتوراه
و(ميتين) رسالة (ماجستير )
تبقى أنت أكيد في السودان
|
Post: #10
Title: Re: كيف تعرف انك فى السودان ؟
Author: عبدالغفار محمد سعيد
Date: 02-03-2013, 07:50 PM
Parent: #9
كتب محمود كمال فى الفيس بوك:
| Quote: لو مشيت تتبرع ب دم ...و قالو ليك ادفع .. يبقي انت اكيد اكيد في السودان ... التحيه ليك استاذ عبد الغفار و زواره |
شكر ا عزيزى محمود على المشاركة ومرحبا بك وبمشاركاتك دائما
|
Post: #11
Title: Re: كيف تعرف انك فى السودان ؟
Author: عبدالغفار محمد سعيد
Date: 02-03-2013, 08:05 PM
Parent: #10
اذا وجدت نفسك فى بلاد تحكم فيها هيئة علماء مسلميها (نفاقا وارتهانا وطمعا فى رضاء الحاكم)
بخروج كل من وقع على وثيقة خلاص شعبها (الفجر الجديد) بالكفر
ومن ثم ينكص بعضها عن ذلك (حشفا وسؤ كيل ) حين توقيع احد اعضائها على نفس الوثيقة
ذلك انك اكيد ... اكيد ..... فى السودان
|
Post: #12
Title: Re: كيف تعرف انك فى السودان ؟
Author: عبدالغفار محمد سعيد
Date: 02-03-2013, 08:57 PM
Parent: #11
كتب الاخ محمود كمال فى الفيس بوك:
| Quote: لو مشيت بلد .. شعارا .. امريكا روسيا قد دنا عذابها .. و سفارة امريكا مساحتها 40 كيلو متر ... فا ما تستغرب .. انت كدا بسم الله ماشاء الله في السودان ... يديك العافيه استاذ عبد الغفار |
مرحبا بك وباسهاماتك يامحمود
|
Post: #13
Title: Re: كيف تعرف انك فى السودان ؟
Author: عبدالغفار محمد سعيد
Date: 02-04-2013, 02:15 PM
Parent: #12
لو كنت في بلد وزارة الصحة فيهو قالت
( الدواء) ده (فاسد) أحظروهو وبعد شويه قالت (ما فاسد) خلوهو......
وبعد شويتين قالت (فاسد) أمنعوه.....
تبقى أنت أكيد ... اكيد.... اكيد في السودان
|
Post: #14
Title: Re: كيف تعرف انك فى السودان ؟
Author: عبدالغفار محمد سعيد
Date: 02-04-2013, 02:58 PM
Parent: #13
كتب الاخ ماجد خليل فى الفيس بوك المشاركة التالية:
| Quote: تسلم اخونا عبد الغفار ......... لو حبيت تتنازل عن جنسيتك و قالوا ليك لازم تتدفع اكيد الجنسية سودانية |
مرحبا بك وبمساهماتك ياماجد فى كل الاوقات
|
Post: #15
Title: Re: كيف تعرف انك فى السودان ؟
Author: ناصر النعمان البدوي
Date: 02-04-2013, 03:34 PM
Parent: #14
لو عاوز تأكل في مطعم بيعمل فول كارب ومصلح لازم تساكك للظفر بصحن فاضي..
|
Post: #16
Title: Re: كيف تعرف انك فى السودان ؟
Author: فرحات عباس
Date: 02-04-2013, 05:10 PM
Parent: #15
لو قمت الصباح ولقيت نفسك في التشكيل الوزاري الجديد ... وعادي .. ما اندهشت .. اعرف إنك في السودان.
|
Post: #17
Title: Re: كيف تعرف انك فى السودان ؟
Author: معتز يوسف نجم
Date: 02-04-2013, 08:21 PM
Parent: #16
ولو صليت في الجامع الكبير وسرقو مركبوك أو جزمتك أكيد أنت في السودان
|
Post: #18
Title: Re: كيف تعرف انك فى السودان ؟
Author: عبدالغفار محمد سعيد
Date: 02-05-2013, 02:38 PM
Parent: #17
كتب الاخ ناصر النعمان البدوى:
| Quote: لو عاوز تأكل في مطعم بيعمل فول كارب ومصلح لازم تساكك للظفر بصحن فاضي... |
لاكين ماشهيتنا المدافره والفول المكرب ياخ
مرحبا بك ياناصر وبمشاركاتك ....
|
Post: #19
Title: Re: كيف تعرف انك فى السودان ؟
Author: عبدالغفار محمد سعيد
Date: 02-05-2013, 02:51 PM
Parent: #18
كتب الاخ فرحات عباس:
| Quote: لو قمت الصباح ولقيت نفسك في التشكيل الوزاري الجديد ... وعادي .. ما اندهشت .. اعرف إنك في السودان. |
شكرا فرحات على المشاركه ومرحبا بك دائما
|
Post: #20
Title: Re: كيف تعرف انك فى السودان ؟
Author: عبدالغفار محمد سعيد
Date: 02-05-2013, 03:44 PM
Parent: #19
كتب معتز يوسف نجم :
| Quote: ولو صليت في الجامع الكبير وسرقو مركبوك أو جزمتك أكيد أنت في السودان |
اتخيل يا معتز .... انت راجع من صلاة الجمعة فى الجامع الكبير حفيان فى نص النهار... و السخانة تلحم ، والمواصلات زحمـــــــــــــــــــــــــــــــــــــــــــــة لمن تأمين ......... حتلوم منو؟
الزول المسكين السرق الجزمة ، وله الظروف الخلت الزول الغلبان ده يعمل كده ، وله الناس الاتسببوا فى الظروف دى ؟
شكرا اخى معنز يوسف مرحبا بك وبمساهماتك دائما
|
Post: #21
Title: Re: كيف تعرف انك فى السودان ؟
Author: محمد الكامل عبد الحليم
Date: 02-05-2013, 04:10 PM
Parent: #20
تحية... عندما يقال للحرامي :( ياهو) ....وللمسئول الحرامي(من اين لك هذا)
|
Post: #22
Title: Re: كيف تعرف انك فى السودان ؟
Author: ولياب
Date: 02-05-2013, 04:38 PM
Parent: #21
مع التحية
من المفترض أن نمشي بالترتيب الأول ثم بعد داك رصوا على كيفكم
الأول دون منازع ، أو ما تدخل صالة القدوم بمطار الخرطوم وتحس بالعتمة من ضعف الاضاءة المتهالكة .
|
Post: #23
Title: Re: كيف تعرف انك فى السودان ؟
Author: شمس الدين التوم
Date: 02-05-2013, 05:11 PM
Parent: #22
بعد التحية
لو ماشي في الشارع في آمن الله
وناداك واحد يابو الشباب ايدك لزه بسيطة وتمشي تدافر وتعافر في السيارة اكيد انت في السوان
|
Post: #24
Title: Re: كيف تعرف انك فى السودان ؟
Author: عبدالغفار محمد سعيد
Date: 02-05-2013, 09:34 PM
Parent: #23
كتب الاخ محمد الكامل عبد الحليم:
| Quote: تحية... عندما يقال للحرامي: (ياهو) ....وللمسئول الحرامي (من اين لك هذا) |
مرحبا بك عزيزى محم الكامل ومرحبا بمساهماتك
لكن اقول ليك سر ، انت جهجت باكاتى زاتو ، لانو البلد البقولو فيها للمسئول الحرامى (من اين لك هذا ) دى ما السودان العارفنو ده
|
Post: #25
Title: Re: كيف تعرف انك فى السودان ؟
Author: عبدالغفار محمد سعيد
Date: 02-05-2013, 09:54 PM
Parent: #24
كتب الاخ ولياب :
Quote: مع التحية
من المفترض أن نمشي بالترتيب الأول ثم بعد داك رصوا على كيفكم
الأول دون منازع ، أو ما تدخل صالة القدوم بمطار الخرطوم وتحس بالعتمة من ضعف الاضاءة المتهالكة.
|
مرحبا بك وباسهاماتك دائما اخى ولياب
|
Post: #26
Title: Re: كيف تعرف انك فى السودان ؟
Author: النعمة عبدالرحمن
Date: 02-05-2013, 10:38 PM
Parent: #25
ياهو دا السودان - (منقول من: صفحة نهى النعمة فى الفيسبوك)
السودان، ذلك الكوكب الأحمر ... من ناحية إحصائية، أحببته مرةً واحدة، وكرهته عشر مرات، طلقته بالثلاثة، وغادرته بصورة نهائية أكثر من خمس مرات. كلما غبت عنه أصاب بحالة من الحنين الذي لاشك عندي أنه إدمان، كإدمان المخدرات والحشيش، حنين للشقاء والتعب، للحر والغبار، للخدمات المتردية، لحكومته العابسة المتجهمة، لصينية بري، وزحمة الصباح، لسجارة البرنجي، للنيل الأزرق الحبشي، لسوق أمدرمان، لرجل المرور الوحيد في استقامته، ببزته البيضاء وبوته الأسود، الذي لا يقبل الرشوة في العلن. لسيارة معطلة في كبري النيل الأزرق، يدفرها - بكل حماس - أربعة مواطنين بنطلوناتهم ناصلة، أحدهم أصلع، ل ك ل ب يمضي قيلولته تحت زير السبيل، للبضائع الصينية المقلدة يحملها الفراشة في برندات السوق العربي، لزوراق الحواتة المتعبة على صفحة النيل، لدخان المصانع، المتهالكة، للكهرباء المنقطعة، للماء العكر، لرائحة البن المدقوق. لبائع اللبن، وبائع البيض والسمك، لبائعة التسالي، لحلبي لئيم، يصلح السراير، جوار الزير الذي ينام تحته ال ك ل ب. لعربي غريب، يقود جملاً غريباً، ويعبران سوياً جسر القوات المسلحة. لزجاجة بزيانوس باردة، يبيعها صبي لا يذهب إلى المدرسة، لحفرة كبيرة في شارع القصر، لفتى وفتاة آياديهما مشتبكتان رغم أنف النظام العام، لمقاول صيني، إسمه وانغ شينغ. رغم موتك السريري، لازلنا نحبك ... نحب جثتك الطافية على بركة الماء، ونحب نيلك المستشري كالحمى في أعصابنا، نحب ترابك الأحمر، وإنسانك الأسمر، والعيش مرفوعي الجباه على صفحتك.
|
Post: #27
Title: Re: كيف تعرف انك فى السودان ؟
Author: محمد درار
Date: 02-06-2013, 10:08 AM
Parent: #26
لو إشتريت حليب إنتاج تاريخ اليوم وإكشتفت - في البيت- انو تقريبا اصبح جبنة! .... ما تستغرب فانت في السودان
لو بتاع الموتر السرق منك موبايلك جاء صلى معاكم الجمعة !.... ما تستغرب فانت في السودان ... وبعداك هو بيكون نسى
لو نزلت من شماعة الحافلة متعبا ووجدت طالب جامعة و صبي ورنيش و شيخ مسن و عسكري المرور
يتحلقون حول "طشت" صديء للوضوء وجلست بكل اريحية بينهم .... فاعلم انك بين ناس طيبين.
|
Post: #28
Title: Re: كيف تعرف انك فى السودان ؟
Author: محمد الكامل عبد الحليم
Date: 02-06-2013, 01:18 PM
Parent: #27
تحية...
عندما تبدأ بمشادة كلامية في القطار مع مسافر متمدد علي قفاه(تتخللها كلمة زح) وتنتهي بافتسام الزوادة معه...
تنشأ في بعض المرات بداية لقصة حب مع مسافرة تنتهي بانتهاء (مراسم وصولها)...داعيا في سرك(يا القطار تتدشدش)... فانت في السودان..
|
Post: #29
Title: Re: كيف تعرف انك فى السودان ؟
Author: عبدالغفار محمد سعيد
Date: 02-06-2013, 02:53 PM
Parent: #28
كتب الاخ شمس الدين التوم :
Quote: بعد التحية
لو ماشي في الشارع في آمن الله
وناداك واحد يابو الشباب ايدك لزه بسيطة وتمشي تدافر وتعافر في السيارة اكيد انت في السوان
|
اى والله ياشمس ناس هميمين وبساعدو طوالى ودى من الصفات الراقيه
شكر عزيزى شمس على المشاركة ومرحبا بك دائما
|
Post: #30
Title: Re: كيف تعرف انك فى السودان ؟
Author: عبدالغفار محمد سعيد
Date: 02-06-2013, 04:12 PM
Parent: #29
كتب الاخ النعمة عبدالرحمن:
Quote: ياهو دا السودان - (منقول من: صفحة نهى النعمة فى الفيسبوك )
السودان، ذلك الكوكب الأحمر ... من ناحية إحصائية، أحببته مرةً واحدة، وكرهته عشر مرات، طلقته بالثلاثة، وغادرته بصورة نهائية أكثر من خمس مرات. كلما غبت عنه أصاب بحالة من الحنين الذي لاشك عندي أنه إدمان، كإدمان المخدرات والحشيش، حنين للشقاء والتعب، للحر والغبار، للخدمات المتردية، لحكومته العابسة المتجهمة، لصينية بري، وزحمة الصباح، لسجارة البرنجي، للنيل الأزرق الحبشي، لسوق أمدرمان، لرجل المرور الوحيد في استقامته، ببزته البيضاء وبوته الأسود، الذي لا يقبل الرشوة في العلن. لسيارة معطلة في كبري النيل الأزرق، يدفرها - بكل حماس - أربعة مواطنين بنطلوناتهم ناصلة، أحدهم أصلع، ل ك ل ب يمضي قيلولته تحت زير السبيل، للبضائع الصينية المقلدة يحملها الفراشة في برندات السوق العربي، لزوراق الحواتة المتعبة على صفحة النيل، لدخان المصانع، المتهالكة، للكهرباء المنقطعة، للماء العكر، لرائحة البن المدقوق. لبائع اللبن، وبائع البيض والسمك، لبائعة التسالي، لحلبي لئيم، يصلح السراير، جوار الزير الذي ينام تحته ال ك ل ب. لعربي غريب، يقود جملاً غريباً، ويعبران سوياً جسر القوات المسلحة. لزجاجة بزيانوس باردة، يبيعها صبي لا يذهب إلى المدرسة، لحفرة كبيرة في شارع القصر، لفتى وفتاة آياديهما مشتبكتان رغم أنف النظام العام، لمقاول صيني، إسمه وانغ شينغ. رغم موتك السريري، لازلنا نحبك ... نحب جثتك الطافية على بركة الماء، ونحب نيلك المستشري كالحمى في أعصابنا، نحب ترابك الأحمر، وإنسانك الأسمر، والعيش مرفوعي الجباه على صفحتك.
|
ياسلام يا اخى النعمة ، البت دى شاعره عديل كده ، وفعلا لا شيئ يعادل الوطن ، ولا مكان يستطيع تعويضه رغم كل شيئ ، الشئى المميز فى هذا الحب للوطن هو انه ليس (نستولوجيا ) ، أى انه ليس "حنينا لماضى مفقود" ، بل ارتباط بالوطن رغم كل ما يلم به ويحدث له ، " رغم موته السريرى لا زالت متعلقة به" ، هذا شعور عظيم
دعنى اقول لهذه الشاعره الرقيقة عبرك ، رغم كل شيئ ، فهو لم يمت ولن يموت ، هو مارد سيهب وينتفض من معانته ووهدته وكمونه ذات يوم و يصنع المستحيل.
كلامها هذا الجميل يذكرنى بقول الشاعر المصرى أحمد شوقى :
وطني لو شغلت بالخلد عنه نازعتني إليه في الخلد نفسي
شكرا لك عزيزى النعمة عبدالرحمن ومرحبا بك وبمساهماتك دائما
|
Post: #31
Title: Re: كيف تعرف انك فى السودان ؟
Author: عبدالغفار محمد سعيد
Date: 02-06-2013, 09:08 PM
Parent: #30
كتب الاخ محمد درار:
Quote: لو إشتريت حليب إنتاج تاريخ اليوم وإكشتفت - في البيت- انو تقريبا اصبح جبنة! .... ما تستغرب فانت في السودان.
لو بتاع الموتر السرق منك موبايلك جاء صلى معاكم الجمعة !.... ما تستغرب فانت في السودان ... وبعداك هو بيكون نسى.
لو نزلت من شماعة الحافلة متعبا ووجدت طالب جامعة و صبي ورنيش و شيخ مسن و عسكري المرور
يتحلقون حول "طشت" صديء للوضوء وجلست بكل اريحية بينهم .... فاعلم انك بين ناس طيبين.
|
ده كلها حقائق وتبحصل يومى فى بلدنا
شكرا محمد ومرحبا بك وبمساهماتك دائما
|
Post: #32
Title: Re: كيف تعرف انك فى السودان ؟
Author: عبدالغفار محمد سعيد
Date: 02-09-2013, 08:25 PM
Parent: #30
كتب الاخ العزيز محمد الكامل عبدالحليم:
Quote: تحية....
عندما تبدأ بمشادة كلامية في القطار مع مسافر متمدد علي قفاه(تتخللها كلمة زح) وتنتهي بافتسام الزوادة معه...
تنشأ في بعض المرات بداية لقصة حب مع مسافرة تنتهي بانتهاء (مراسم وصولها)...داعيا في سرك(يا القطار تتدشدش)... فانت في السودان....
|
شكرا عزيزى محمد الكامل ، شعب طيب و حبوب ومسالم .. يستحق كل خير ، لكن تقول شنو...
مرحبا بك وبمساهماتك دائما
|
Post: #33
Title: Re: كيف تعرف انك فى السودان ؟
Author: عبدالغفار محمد سعيد
Date: 02-09-2013, 08:30 PM
Parent: #32
كتبت الاخت إلهام بله فى الفيس بوك:
| Quote: لو لقيت عتالي معرس and#1636; نسوان والand#1636; في ذمتو ومطلق and#1634; ,,,,اكيد إت في حبنا السودان |
يا اخت الهام لو كنت كتبت مساهمتك مستبدلة (عتالى) بى ( واحد) او (شخص ) او (رجل) ، كنت اتفاعلت معاك شديد
لانو بى صراحة "عتالى" دى مهنة شريفة وربط الكلام ده بالمهنة يعتبر اهانة لاخوانا العتالة
انا عارف انك ماقاصده لكن عشان مانتسبب فى اهانة ناس ارجوا ان تتجنبى التحديد وخلى الكلام مبنى للمجهول
وشكرا ليك كثير على المساهمة ومرحبا بك وبمساهماتك
|
Post: #34
Title: Re: كيف تعرف انك فى السودان ؟
Author: عبدالغفار محمد سعيد
Date: 02-17-2013, 04:26 PM
Parent: #33
لو لقيت نفسك في بلد ( الصحف) بتتقفل بى (مادة) في القانون
(معمولة اصلا للمطاعم.....)
تبقى أنت أكيد في السودان
|
Post: #35
Title: Re: كيف تعرف انك فى السودان ؟
Author: عبدالغفار محمد سعيد
Date: 02-18-2013, 02:07 PM
Parent: #34
كتب الاخ صابر مرجان، فى الفيس بوك:
| Quote: لولقيت ليك واحد مهيتو 600ج وعايش بيها الشهر كلو وبدفع منها يجار 600 اعرف انت في السودان |
زولك ده حاوى عديل ياصابر ... ، مرحبا بك ياصابر وبمساهماتك
|
Post: #36
Title: Re: كيف تعرف انك فى السودان ؟
Author: فرحات عباس
Date: 02-18-2013, 04:07 PM
Parent: #35
إذا ربطت ناموسية في الليل خايف من البعوضة والملاريا .. وما قدرت تطلع منها الصباح عشان " الضبان " فأنت أكيد في السودان ...
|
Post: #37
Title: Re: كيف تعرف انك فى السودان ؟
Author: ABDELMAGID ABDELMAGID
Date: 02-19-2013, 03:37 AM
Parent: #36
لو لقيت ناس بحتفلوا بعيد الإستقلال فى مارس !!!
|
Post: #38
Title: Re: كيف تعرف انك فى السودان ؟
Author: الفاتح التوم
Date: 02-19-2013, 04:25 AM
Parent: #37
لو لقيت ليك بلد كل أهله يتكلمون في السياسة و الساسة هم أنفسهم بأشخاصهم منذ بدأ الله الخليقة فاعرف أنو دا السودان
و لو لقيت ليك زول بحب وطنو رغم البعاد و الإبعاد و الإقصاء و المعاناة و الضنك فأعرف إنو دا سوداني
و لو لقيت ليك زول أوصى أن يدفن بعد موته في السودان فأعرف أن السودان في داخله وأن ذلك لا يحدث إلا من سوداني و للسودان
"بلادي و إن جارت علي عزيزة و أهلي و إن ضنوا علي كرام"
|
Post: #39
Title: Re: كيف تعرف انك فى السودان ؟
Author: عبدالغفار محمد سعيد
Date: 02-19-2013, 05:06 PM
Parent: #38
كتب الاخ فرحات عباس:
| Quote: إذا ربطت ناموسية في الليل خايف من البعوضة والملاريا .. وما قدرت تطلع منها الصباح عشان " الضبان " فأنت أكيد في السودان |
مبالغة لا كن ياخ ... خاصة فى الخريف .. فى الليل باعوضه والنهار ضبان لمن تأمن
بمناسبة البعوض ، نحنا فى النيل الابيض
عندنا كثير ، فى واحد من ظرفاء الخرطوم جاء قال يقضى عطلته معانا اليوم الثانى طوالى غير رايه وشرد
اهله فى الخرطوم قالوا ليه رجعت بدرى ليه ؟
قاليهم البعاوضه فى كوستى واحده ترفع الناموسيه والباقين يخشوا
شكرا عزيزى فرحات ، مرحبا بك دائما وبمساهماتك
|
Post: #40
Title: Re: كيف تعرف انك فى السودان ؟
Author: عبدالغفار محمد سعيد
Date: 02-20-2013, 04:39 PM
Parent: #39
كتب الاخ عبدالماجد عبدالماجد:
Quote: لو لقيت ناس بحتفلوا بعيد الإستقلال فى مارس!!!
|
لاكن مادقستنا عديل ياعبدالماجد
فى مارس ، معقوله .... ماقدر كده كمان ياخ
مرحبا بك ياعزيزى عبدالماجد وبمساهماتك فى كل الاوقات
|
Post: #41
Title: Re: كيف تعرف انك فى السودان ؟
Author: عبدالغفار محمد سعيد
Date: 02-20-2013, 07:58 PM
Parent: #40
كتب الاخ الفاتح التوم :
Quote:
لو لقيت ليك بلد كل أهله يتكلمون في السياسة و الساسة هم أنفسهم بأشخاصهم منذ بدأ الله الخليقة فاعرف أنو دا السودان
و لو لقيت ليك زول بحب وطنو رغم البعاد و الإبعاد و الإقصاء و المعاناة و الضنك فأعرف إنو دا سوداني
و لو لقيت ليك زول أوصى أن يدفن بعد موته في السودان فأعرف أن السودان في داخله وأن ذلك لا يحدث إلا من سوداني و للسودان
"بلادي و إن جارت علي عزيزة و أهلي و إن ضنوا علي كرام"
|
ياسلام عليك عزيزى الفاتح ياخ والله دا شعب عظيم لكن حاكمنوا ناس ماعندهم ضمير
مرحبا بك يافاتح و باسهاماتك دائما
|
Post: #42
Title: Re: كيف تعرف انك فى السودان ؟
Author: محمد جلال عبدالله
Date: 02-21-2013, 07:43 AM
Parent: #41
لو الكهربا بتقطع في الصيف عشان كثرة الاستهلاك
وفي الخريف عشان الطمي مغطي التوربينات
وفي الشتاء عشان ضعف المنسوب
يبقى اكيد ده في السودان
لو بلد اتعمل فيها سد مروي للاكتفاء من الطاقة الكهربائية وبعد اكتمال السد الكهربا بقت تقطع اكتر من اول واكتشفت انو الكهربا القديمة مشغلين بيها السد وانو بنستورد كهرباء من اثيوبيا .. يبقى اكيد انت في السودان
لو انت في بلد اول ما بترولها طلع جالون البنزين زاد يبقى اكيد انت في السودان
لو انت في بلد كل سنة قبل الخريف البلدية بتجي تحفر الخيران وتخلي التراب جنب الخور ويرجع التراب ويندفن الخور ولمن المطر تجي ما تلقى تصريف وتملا الشوارع يبقى اكيد البلد ده السودان
لو انت في بلد من اكبر بلاد العالم انتاجا للسكر والدولة بتبيع السكر في السوق المحلي بأربع أضعاف سعره البتصدرو بيهو يبقى انت اكيد في السودان
لو كنت ايام الحرب بتدفع دمغة جريح وبعد وقفت الحرب بقى اسمها دمغة سلام يبقى اكيد انت في السودان
لو انت مغترب في الخليج بتشتري اللحم الجاي من بلدك بأرخص من سعره البيتباع بيهو في بلدك يبقى اكيد بلدك هي السودان
لو دخلت بيت ناس لقيتهم خاتين التلاجة وحافلة العدة في الهول بدل ما يختوهم في المطبخ يبقى اكيد البيت ده في السودان
لو لقيت ناس خاتين كراسي الجلوس في البرندة وخاتين في الصالون سراير يبقى اكيد الناس ديل سودانيين وقاعدين في السودان
نواصل :)
|
Post: #43
Title: Re: كيف تعرف انك فى السودان ؟
Author: عبدالغفار محمد سعيد
Date: 02-24-2013, 11:09 AM
Parent: #42
كتب الاخ محمد جلال عبدالله:
Quote:
لو الكهربا بتقطع في الصيف عشان كثرة الاستهلاك
وفي الخريف عشان الطمي مغطي التوربينات
وفي الشتاء عشان ضعف المنسوب
يبقى اكيد ده في السودان
لو بلد اتعمل فيها سد مروي للاكتفاء من الطاقة الكهربائية وبعد اكتمال السد الكهربا بقت تقطع اكتر من اول واكتشفت انو الكهربا القديمة مشغلين بيها السد وانو بنستورد كهرباء من اثيوبيا .. يبقى اكيد انت في السودان
لو انت في بلد اول ما بترولها طلع جالون البنزين زاد يبقى اكيد انت في السودان
لو انت في بلد كل سنة قبل الخريف البلدية بتجي تحفر الخيران وتخلي التراب جنب الخور ويرجع التراب ويندفن الخور ولمن المطر تجي ما تلقى تصريف وتملا الشوارع يبقى اكيد البلد ده السودان
لو انت في بلد من اكبر بلاد العالم انتاجا للسكر والدولة بتبيع السكر في السوق المحلي بأربع أضعاف سعره البتصدرو بيهو يبقى انت اكيد في السودان
لو كنت ايام الحرب بتدفع دمغة جريح وبعد وقفت الحرب بقى اسمها دمغة سلام يبقى اكيد انت في السودان
لو انت مغترب في الخليج بتشتري اللحم الجاي من بلدك بأرخص من سعره البيتباع بيهو في بلدك يبقى اكيد بلدك هي السودان
لو دخلت بيت ناس لقيتهم خاتين التلاجة وحافلة العدة في الهول بدل ما يختوهم في المطبخ يبقى اكيد البيت ده في السودان
لو لقيت ناس خاتين كراسي الجلوس في البرندة وخاتين في الصالون سراير يبقى اكيد الناس ديل سودانيين وقاعدين في السودان
|
شكرا يا محمد للمشاركة الدسمة ، ومرحبا بك وبمشاركاتك دائما وواصل ونحن معك
|
Post: #44
Title: Re: كيف تعرف انك فى السودان ؟
Author: عبدالغفار محمد سعيد
Date: 02-24-2013, 11:15 AM
Parent: #43
لو كنت فى بلد حكومته عصابة ، والقريب والبعيد عارف انها (فاشية) و بتملك (مليشيات خاصة) ، (غير الدفاع الشعبى ) ، و بترسل (طائرات الانتنوف) بدل الرغيف و الدواء، عشان تحرق المواطنين فى ( جزء من الريف) بالبراميل المتفجرة ، ومليشياتها (بتحرق القرى فى جزء تانى من ريف البلد) ، فى نفس الوكت معظم ( السياسيين المحترفين) فى عاصمته بتكلموا عن تغيير النظام لا يمكن ان يتم إلا سلميا ، وبقولوا بى صوت عالى (وثقه غريبه).... لا ( إنتفاضه محمية بالسلاح ولا بطيخ...)
فانت اكيد ..... اكيد .... فى الاعجوبة و البلد المنكوبه الاسمها السودان
|
Post: #45
Title: Re: كيف تعرف انك فى السودان ؟
Author: محمد الكامل عبد الحليم
Date: 02-26-2013, 06:20 PM
Parent: #44
تحية...
لو لقيت حكواتي يحكي في النكات والجمهور يضحك قبل اكمال النكتة فاعرف ان النكتة عن المشروع الحضاري والمشروع في بلد تم تشطيره(لانها لله) فانت في السودان..
|
Post: #46
Title: Re: كيف تعرف انك فى السودان ؟
Author: عبدالغفار محمد سعيد
Date: 02-27-2013, 03:30 PM
Parent: #45
مرحبا عزيزى محمد الكامل عبدالرحيم :
Quote: تحية ....
لو لقيت حكواتي يحكي في النكات والجمهور يضحك قبل اكمال النكتة فاعرف ان النكتة عن المشروع الحضاري والمشروع في بلد تم تشطيره(لانها لله) فانت في السودان....
|
ياخى والله مشكلة ... ماعارفين الحيحصل فى البلد لى قدام شنو ... الجنوب مشى ، حيقيف التفتت على كده وله حيشمل حتات تانى؟
غايتو يامحمد ربنا يستر .
مرحبا بك يامحمد وبمشاركاتك دائما وفى كل الاوقات
|
Post: #47
Title: Re: كيف تعرف انك فى السودان ؟
Author: عبدالغفار محمد سعيد
Date: 02-27-2013, 11:52 PM
Parent: #46
لو كنت فى بلد نقيب الصحفيين حامل درجة الدكتواراه
بيصرح للاعلام بانو اسرائيل (رسلت الجراد) عشان يغذو السودان ،
فما تستغرب انت فى السودان....سودان المشروع الحضارى
|
Post: #48
Title: Re: كيف تعرف انك فى السودان ؟
Author: عبدالغفار محمد سعيد
Date: 02-28-2013, 04:10 PM
Parent: #47
لو لقيت نفسك فى بلد وزير الصحه بتاعها بملك جامعة وكم مستشفى و
بيقفل المستشفيات الحكومية العامة ويلجنها (من اجل منافعه ومنافع زمرته الشخصية)
ثم يتأمر مع (طبيب كبير ومشهور وموقوف) عن ممارسة مهنة الطب فى السودان بأمر من
(المجلس الطبى السودانى ) المؤسسة (المشرفة على امر الطب و الاطباء فى السودان)
ويخليه يعمل عملية فى مستشفاه الخاصة (مع سبق الاصرار والترصد وإستغلال السلطة)
ما تستغرب أو تستعجب يا مواطن لانك انت (لسؤ الحظ) اكيد .... اكيد فى سودان المشروع
المهبب العدمنا نفاخ النار ، اكلنا نيم، وقرض اهلنا قرض و طلع عينا .... المسمى زورا وبهتانا وتزويرا
(بالمشروع الحضارى ).
|
Post: #49
Title: Re: كيف تعرف انك فى السودان ؟
Author: Waleed Elnour
Date: 02-28-2013, 06:35 PM
Parent: #48
سلام. يا. عبد الغفار.
والله. سبقتنى. في موضوع. وزير الصحة ده. لكن برضه. نضيف
لو كنت في بلد. في إحدى ولاياتها. وزير الصحة. كان. ما طبيب. تعرف. نفسك. وين(وسجم. وزارة الصحة الوزيرها. ما طبيب كما قيل).
و برضو. و نحنا في زمن الايفون. و انت في دولة. وزير دفاعها. شغال باستراتيجية. الدفاع. بالنظر و بتعابط. لسه تعرف نفسك و ين.
والله. ناسي. لذكر. الماسئ. هذه. و لكن الله. يخلص السودان الوطن الشامخ. من هذه الشرذمة.
ويا. عبد الغفار. والله. شوقنا كثير. و إنشاء الله. لسة. تكون. متذكرنا
أخوك. وليد. محمد الأمين النور. شيكاغو
|
Post: #50
Title: Re: كيف تعرف انك فى السودان ؟
Author: عبدالغفار محمد سعيد
Date: 03-01-2013, 10:37 PM
Parent: #49
كتب الاخ العزيز وليد النور:
Quote: سلام. يا. عبد الغفار.
والله. سبقتنى. في موضوع. وزير الصحة ده. لكن برضه. نضيف
لو كنت في بلد. في إحدى ولاياتها. وزير الصحة. كان. ما طبيب. تعرف. نفسك. وين(وسجم. وزارة الصحة الوزيرها. ما طبيب كما قيل).
و برضو. و نحنا في زمن الايفون. و انت في دولة. وزير دفاعها. شغال باستراتيجية. الدفاع. بالنظر و بتعابط. لسه تعرف نفسك و ين.
والله. ناسي. لذكر. الماسئ. هذه. و لكن الله. يخلص السودان الوطن الشامخ. من هذه الشرذمة.
ويا. عبد الغفار. والله. شوقنا كثير. و إنشاء الله. لسة. تكون. متذكرنا
أخوك. وليد. محمد الأمين النور. شيكاغو |
كيفك ياوليد ، وين الحى بيك ، لا حولالالالا نحنا اتقابلنا اخر مرة متين ؟
شكر لهذه المساهمة الدسمة وما تغيب ياوليد
مرحب بك وباسهاماتك دائما
|
Post: #51
Title: Re: كيف تعرف انك فى السودان ؟
Author: عبدالغفار محمد سعيد
Date: 03-02-2013, 06:29 PM
Parent: #50
لو كنت فى بلد فيه (اطباء) بنفذوا تعليمات (بقطع اطراف مواطن ) مواطن
فى (مستشفى ) بحجة تنفيذ القانون ( حد الحرابة )
فانت اكيد .... اكيد فى السودان تحت سلطة
( المشروع الحضارى ) ... خالص .... خالص
|
Post: #52
Title: Re: كيف تعرف انك فى السودان ؟
Author: عبدالغفار محمد سعيد
Date: 03-03-2013, 10:15 PM
Parent: #51
لو بهدلوك بهدلة شديدة.. في مكان .. ما
ومشيت اشتكيت للشرطة
وقالوا ليك دا مش اختصاصنا
امشي اشتكي في الثروة الحيوانية ....
تبقى أكيد أنت في السودان
|
Post: #53
Title: Re: كيف تعرف انك فى السودان ؟
Author: عبدالغفار محمد سعيد
Date: 03-04-2013, 04:46 PM
Parent: #52
لو لقيت أنو وزارة الداخلية عندها مؤسسات (تعليمية)
ووزارة التعليم عندها مؤسسات (صحية)ووزارة الصحة عندها (شركات إنشائية) .... …
و وزير الكهرباء والسدود والموارد المائية طلعو ليه (قرار جمهورى) ... بحق التصرف فى (كل اراضى الولاية الشمالية)
فاشنو ...تبقى أنت... أكيد ...اكيد .... في السودان
|
Post: #54
Title: Re: كيف تعرف انك فى السودان ؟
Author: عبدالغفار محمد سعيد
Date: 03-06-2013, 09:46 PM
Parent: #53
لو دخلت (الوزارة) وأنت مؤجر في (زقلونا)
وطلعت وعندك عمارتين في (قاردن سيتى)
تبقى أنت أكيد ... أكيد في بلد (تمكين الطفيليين).. السودان
|
Post: #55
Title: Re: كيف تعرف انك فى السودان ؟
Author: Mohammed Mahdi
Date: 03-07-2013, 09:13 AM
Parent: #54
بصراحه السودان ده بقى زي العرس
الجوه عايز يتخارج
والبره عايز يجيهو تاني
حير2نا
مودتـــــــــي
|
Post: #56
Title: Re: كيف تعرف انك فى السودان ؟
Author: محمد بابكر محمد
Date: 03-07-2013, 09:18 AM
Parent: #55
لمن تشوف منظر زى دا اكييييد حاتعرف انك فى السودان
|
Post: #58
Title: Re: كيف تعرف انك فى السودان ؟
Author: عبدالغفار محمد سعيد
Date: 03-07-2013, 01:53 PM
Parent: #56
كتب الاخ محمد مهدى:
Quote: بصراحه السودان ده بقى زي العرس
الجوه عايز يتخارج
والبره عايز يجيهو تاني
حير2نا
مودتـــــــــي
|
لا كن يا محمد موبـــأأأأأأالغة عديل كده
والله الليلة ضحكته جنس ضحك ، الله يديك العافية
لكن بصراحة كده ... انت رباطابى ؟
لانو ده ذكاء فى التشبيه بيتميزوا بيه فى السودان الرباطاب بس
مرحبا بك محمد المهدى وبمشاركاتك فى اى وقت
|
Post: #59
Title: Re: كيف تعرف انك فى السودان ؟
Author: عبدالغفار محمد سعيد
Date: 03-12-2013, 10:45 PM
Parent: #58
كتب الاخ محمد بابكر محمد :
| Quote: لمن تشوف منظر زى دا اكييييد حاتعرف انك فى السودان |
لكن المشكلة يا محمد المنظر ما ظهر عشان كده ولسوء الحظ
ما عرفته الحاصل شنو ، ياريت تحاول تشركنا فى مشاهدة الصورة
شكرا لك ومرحبا بك دائما
|
|