Post: #1 Title: بنات الزمن ده ! Author: أيمن محمود Date: 02-03-2013, 07:39 AM
Post: #2 Title: Re: بنات الزمن ده ! Author: أشرف الرحال Date: 02-03-2013, 07:52 AM Parent: #1
الاخ ايمن محمود ،،، تحياتي
الصورة مدخل كبير جدا مقرونة بالعنوان
وبما انني على يقين بأن قلمك يجيد تطويع العنوان مع الصورة ليمنحنا قراءة شاملة لبنات الزمن ده
عكســة :- قلمك مدهش يا ايمن وبفتش عليهو صباحا ومساء لاقرأ واستمتع به في كافة الضروب التي تتناولها .. لا ازيد غير ان اقول انت صاحب فكر ناضج ومتقد
مودتي
الرحـــال
Post: #3 Title: Re: بنات الزمن ده ! Author: أيمن دياب Date: 02-03-2013, 08:06 AM Parent: #2
مش كويس إنهم محافظين على العصيدة.. أسه كنت متوقع أشوف فرن كهربائي وصينية بيتزا..
سلام يا أيمن..
Post: #6 Title: Re: بنات الزمن ده ! Author: أيمن محمود Date: 02-03-2013, 08:32 AM Parent: #3
أيمن دياب
Quote: مش كويس إنهم محافظين على العصيدة.. أسه كنت متوقع أشوف فرن كهربائي وصينية بيتزا..
اللهم اجعل كلامنا خفيف عليهم سلام يا أيمون
جميلات برضو
Post: #4 Title: Re: بنات الزمن ده ! Author: أيمن محمود Date: 02-03-2013, 08:11 AM Parent: #2
أشرف الرحال
Quote: الصورة مدخل كبير جدا مقرونة بالعنوان وبما انني على يقين بأن قلمك يجيد تطويع العنوان مع الصورة ليمنحنا قراءة شاملة لبنات الزمن ده عكســة :- قلمك مدهش يا ايمن وبفتش عليهو صباحا ومساء لاقرأ واستمتع به في كافة الضروب التي تتناولها .. لا ازيد غير ان اقول انت صاحب فكر ناضج ومتقد
هلا يا اشرف - يا أخي كتر خيرك على المديح الذي اراه اكثر مما يستحق شخصي الضعيف !
فرح
منال - يا شينة يا كعبة يا وحشة ، الاجازة كلها ما بتتصلي مالك ؟ مني - انا الكعبة والا انتى المستغنية ؟! تلفونك الاجازة كلها مقفول ! منال - اي والله ! - انا نسيت - اصلو كنا انا وماما وبابا وحمودي في اجازة بره السودان !
زعل
منى - اسمعي يا حبيبتي: انا الكلام من ورا الناس اصلا ما بحبو - دي اول حاجة - والحاجة التانية انا ما طبعى كده ! الحمد لله مربيه كويس ! وما بتاعة حركات زي دي ! منال - اسمعي ياروحي: القالت ليكي الكلام ده كذابة وانا اصلا ما بعرفك كويس عشان اجيب سيرتك ! والعملتيهو بخصك براكي ، انا ما لي بيهو دعوه - شفتي كيف ؟!
Post: #5 Title: Re: بنات الزمن ده ! Author: الزنجي Date: 02-03-2013, 08:31 AM Parent: #4
أيمن محمود ان رحبت بوجودك فى البورد ،،،، خير وان لم ارحب بك سابقا فمرحبا بوجودك بيننا وحتمااضافاتك نيرة فى هذا الفضاء الاسفيري
مع كامل الود
محمد عبدالله ـ الزنجي
Post: #7 Title: Re: بنات الزمن ده ! Author: أيمن محمود Date: 02-03-2013, 08:51 AM Parent: #5
الزنجي
Quote: ان رحبت بوجودك فى البورد ،،،، خير وان لم ارحب بك سابقا فمرحبا بوجودك بيننا وحتمااضافاتك نيرة فى هذا الفضاء الاسفيري مع كامل الود محمد عبدالله ـ الزنجي
حبابك يا الزنجي - العتب على زحمة الاحداث الاخيرة وهجمة الروم المجيدة
Post: #8 Title: Re: بنات الزمن ده ! Author: عثمان دغيس Date: 02-03-2013, 09:03 AM Parent: #7
التحية ليك يا أيمن ولي قلمك الفنان .. بس شكلك كده إستعنت بمحترفات في التمثيل للجمال ... الزولة دي دحين ماها حبشية ...؟
Post: #10 Title: Re: بنات الزمن ده ! Author: أيمن محمود Date: 02-03-2013, 09:43 AM Parent: #8
عثمان دغيس
Quote: التحية ليك يا أيمن ولي قلمك الفنان .. بس شكلك كده إستعنت بمحترفات في التمثيل للجمال ... الزولة دي دحين ماها حبشية ...؟
يا عثمان احنا والحبشة حته وااحدة وبناتنا كده واحلى من كده - انزل ليك صورة (الجو) والا شنو
Post: #9 Title: Re: بنات الزمن ده ! Author: سامى عبد المطلب Date: 02-03-2013, 09:08 AM Parent: #5
يا هندسه الصوره التانيه دى ما تبعنا ديل جيرانا الحبش واظنها عارضه ازياء مشهوره ..... شيل قبل ما يجوك ناس الاستلاب الثقافى ....! بوست جميل وبنات الزمن ده زى ما قال عمنا ود الرضى " الله يكبرن الكبرنى وسمحن "....!
Post: #11 Title: Re: بنات الزمن ده ! Author: أيمن محمود Date: 02-03-2013, 10:01 AM Parent: #9
سامي عبد المنطلب
Quote: يا هندسه الصوره التانيه دى ما تبعنا ديل جيرانا الحبش واظنها عارضه ازياء مشهوره ..... شيل قبل ما يجوك ناس الاستلاب الثقافى ....! بوست جميل وبنات الزمن ده زى ما قال عمنا ود الرضى " الله يكبرن الكبرنى وسمحن "....!
هلا يا سامي - بنات الزمن ده - واولاد الزمن ده زي ما قال الفسباكي Mohammed Ali
للمزيد من الاستلاب
Post: #12 Title: Re: بنات الزمن ده ! Author: أيمن محمود Date: 02-03-2013, 10:04 AM Parent: #11
سلمى ! .......عايزاك ؛ عن ازنكم يا جماعة ! سلمى - عن ازنكم يا جماعة ،،، اشوف دي عايزة شنو كمان ! .... خلود - اسكتي ... اسكتي ! سلمى - في شنو ؟!... في شنو ؟! خلود – منى قالو فسخت خطوبتا سلمى - اصصصلو ما بصدق ! ... عليكي الله ؟! خلود - آى والله ... هسا مناهل كلمتني ، قالت قالت ليهم: ارتحت منو ! ولما سألوها حصل شنو – قالت ليهم انفصلنا وكل واحد مشى في حالو سلمى - اها وما قالت السبب شنو ؟ خلود - والله مناهل قالت قالت ليهم هي الرجعت ليهو الدبلة وقالت ليهو خلينا نكون زملاء واصدقاء وقالت هي صرفت النظر عن الموضوع من اساسو ! سلمى - اصصصصلو ما بصدق ! خلود - والله زي ما بقول ليكي كده ، بس مااا اظن الموضوع بالبساطة دي ، الموضوع فيهو ... ان ! سلمى - ان كيف يعني خلود - منى دي لي فتره شايفاها مااا ياها ، حتى هو ما كان بيتصل بيها الايام الفاتت دي كلها – ما لاحظتي للحاجة دي ؟! سلمى - صحى والله ، التلفونات الكتيرة ديك فجأة انقطعت ! خلود - شكلو هو السابا ، لانو ما حصل جابت لينا سيرة انها ما عايزاه او حاجة زي دي ! دايما – حسن عمل وحسن سوى ، حسن قال لى ومشينا انا وحسن ، حتى سيرتو الايام الفاتت ما كانت بتجيبها ! سلمى – كدي خلينا نمشي كافتريا آداب – كن لقينا عواطف بتم لينا باقي الشمار ده !
Post: #13 Title: Re: بنات الزمن ده ! Author: هشام كمال عبادي Date: 02-03-2013, 10:25 AM Parent: #12
والله يا ايمن يا حبيب دايما بتتحفنا ببوستات فلتة .. بالله سبك لينا الحتة البتاعت الشمارات دي .. بنات الزمن ده الله يعرس ليهن ..
Post: #17 Title: Re: بنات الزمن ده ! Author: أيمن محمود Date: 02-03-2013, 08:56 PM Parent: #13
هشام عبادي
Quote: والله يا ايمن يا حبيب دايما بتتحفنا ببوستات فلتة .. بالله سبك لينا الحتة البتاعت الشمارات دي .. بنات الزمن ده الله يعرس ليهن ..
هلا يا هشام - ربك يعين ، والحلة ما تحرق !
Post: #14 Title: Re: بنات الزمن ده ! Author: أيمن محمود Date: 02-03-2013, 10:25 AM Parent: #12
شديدات ولضيضات
Post: #15 Title: Re: بنات الزمن ده ! Author: Bahaeldin Khairi Date: 02-03-2013, 10:31 AM Parent: #12
منتظرين باقى الشمار ده أو أي شمارات أخرى مفيده
Post: #16 Title: Re: بنات الزمن ده ! Author: عباس الدسيس Date: 02-03-2013, 10:54 AM Parent: #15
Post: #18 Title: Re: بنات الزمن ده ! Author: أيمن محمود Date: 02-03-2013, 10:01 PM Parent: #16
الأمم المتحدة تحدد «10 نوفمبر» يوماً عالمياً لملالة.. تقديراً لشجاعتها في مواجهة قوى الجهل والتطرف.
كانت ملالة يوسف زاي (15 عاما) تعرضت لاعتداء مسلح من قبل طالبان في التاسع من أكتوبر الماضي وأصيبت هي واثنتان من زميلاتها. وبعد أن تلقت علاجاً مبدئياً في باكستان من رصاصات غادرة أصابتها في الرأس والرقبة، جرى إرسالها بطائرة إماراتية خاصة إلى مستشفى الملكة إليزابيث في بيرمنغهام وسط بريطانيا، حيث تتعافى. وهددت "طالبان" بمهاجمة التلميذة الصغيرة مرة أخرى وقتلها بسبب انتقاداتها للحركة وتشجيعها لما تصفه ب"الآراء الغربية"-على حد زعمها !!
Post: #19 Title: Re: بنات الزمن ده ! Author: أيمن محمود Date: 02-03-2013, 10:16 PM Parent: #18
كن راجل تمها ...... وشيل همها الكلام ليك يا زهير عثمان
