Post: #1 Title: البرلوم احمد سيد احمد...مرات ابوك و لا الجو?? Author: smart_ana2001 Date: 02-01-2013, 09:43 PM
هدية مسرحية هالة حبيبتى كاملة....للبرلوم
Post: #2 Title: Re: البرلوم احمد سيد احمد...مرات ابوك و لا الجو?? Author: smart_ana2001 Date: 02-01-2013, 09:44 PM Parent: #1
فى مسرحية هالة حبيبتى...فؤاد المهندس رفض يجيبوا ليه بنت من الملجا عشان تحتفل معه بيعيد ميلاده. قال عاوز ولد. الطفلة هالة لما سمعت انه ما عاوز بنت قال ليه: هم الستات معقندك في ايه? مرات ابوك ولا جو ??? هسي انا بسال البرلوم....المعقدك شنو يا اخى من الستات???
Post: #3 Title: Re: البرلوم احمد سيد احمد...مرات ابوك و لا الجو?? Author: smart_ana2001 Date: 02-01-2013, 09:45 PM Parent: #2
Quote: الانسة "ج" تسكن الكلاكلة الوحدة..خريجة محاسبة....اتعسكرت وحسب شهاداتها ادوها رتبة رقيب فني واشتغلت بوليس بس في نفس مجال المحاسبة...لكنها بتلبس رسمي وعندهم تمامات خاصة يوم التلاتاء من كل اسبوع لازم يجمعوا بدري من 6 ص. فطبعا الكلاكلة بعيدة وعشان تصل الخرطوم 6 ص لازم تقوم مع اذان الصبح...اها اختنا "ج" دي حكت لي انو اخوها الصغير (يصغرها ب7سنوات) بوصلها لغاية محل المواصلات وهي لابسة لبس البوليس الرسمي...
Quote: أنّ ملايين من الكلمات قد كُتِبت عن كيف يحب الرجل المرأة,ولكنني اريد ان اعطيكم آرائي عن الامور التي لا ينبغي ان يمارسها الرجل في حبه للمرأة لا تتخل عن قيادتك - وهذا هو صلب المسألة. نعم لا تترك لنا معشر النساء مقاليد الامور فسوف نعد ذلك تنازلاً من جانبك,و سوف يحيّرنا و يزعجنا و يسوقنا الى الوراء بل واسرع من اي شيء آخر,فانه سيكون بمثابة الضباب الثقيل الذي يحول بيننا وبين امكان النظر بوضوح للحياة,وهو السبب الاول الذى من اجله احببناك. و مع ذلك فاننا سوف نحاول ان نجعلك تتخلى عن مركز الصدارة في البيت,وهذا هو التضارب المزعج فينا. و سوف نبدو كأننا نحاربك الى آخر الخنادق و الاستحكامات للتمكن من القبض على زمام السلطة النهائي في كل شيء.و لفترة من الزمن ستستمر الحرب,و لكن اعلم اننا في اعمق و احلك اعماق افئدتنا نريدك ان تنتصر.وأن عليك فعلاً ان تنتصر لاننا في الحقيقة لم نخلق للقيادة,و هذا امر بديهي و طبيعي. و اني اعتقد ان هذا الجهاد الاول منا لاستئناسك وجعلك تتخلى عن رياستك ان هو الا اختبار يتحتم علينا في بساطة ان نضعك فيه لتجتازه,لأننا في الاعماق نشعر شعوراً مخيفاً بعدم الامان,و نريد ان نعرف بلا ادنى ظل من الشك اننا في امان معك,وانك تستطيع الامساك بمقاليد الامور,وانك لا تدّعي القوة.و فوق كل شيء انك مهتم اهتماماً كافياً بالانتصار والفوز.
Post: #4 Title: Re: البرلوم احمد سيد احمد...مرات ابوك و لا الجو?? Author: smart_ana2001 Date: 02-01-2013, 09:48 PM Parent: #3
دى العناوين بس.... و مداخلات من بوستات انا كنت فيها. لو كان عندى مزاج و قعدتا بحتا كتر كان يمكن القي اكتر
شنو يا اخونا احمد سيد احمد..? شاكوش كبير لسه مصدع بيك? ام سلفى...و المشكلة اكبر من شاكوش????
Post: #5 Title: Re: البرلوم احمد سيد احمد...مرات ابوك و لا الجو?? Author: محمد جمعه الخير Date: 02-01-2013, 10:08 PM Parent: #4
اسمارت انتي جيت خاشي قايل الحنك اندرويد واي فون .
لقيت انو شعر ماعندي ليهو رقبة .
برلوم .
Post: #6 Title: Re: البرلوم احمد سيد احمد...مرات ابوك و لا الجو?? Author: محمد إبراهيم علي Date: 02-01-2013, 10:19 PM Parent: #5
والغريبة زميل (مهندس يعني) هههههههههه قلت الزول ده يمكن من انصار ان المرأة مكانها البيت تاني لقيتو بقول انو احسن الطباخين رجال واحسن مصممي الازاء رجال صراحة فيوزاتي بدت تطشطش شوية كدة قريت موضوع الطلاق والمرة البتخاف من الفار ضربت الفيوزات عديل كدة بالذات لما شيخ عماد موسى حاول يؤصل للموضوع ويديهو بعد ديني غايتو الزول ده ربنا ما يوليهو على ولايا هههههههههه
Post: #7 Title: Re: البرلوم احمد سيد احمد...مرات ابوك و لا الجو?? Author: احمد سيد احمد Date: 02-01-2013, 10:26 PM Parent: #6
shakoosh
D:
Post: #8 Title: Re: البرلوم احمد سيد احمد...مرات ابوك و لا الجو?? Author: smart_ana2001 Date: 02-01-2013, 10:35 PM Parent: #6
سلامات....محمد جمعه الخير يا اخى خلاص مواضيع التلفونات و التطبيقات دى...سبناها
كيف يعنى ما عندك ليه رقبة ??? عليييك الله تقول حاجه
محمد إبراهيم علي تعرف المهندسين ديل انا بقي عندى فيهم راى مما عرفت ان اسامة بن لادن مهندس^_^. حتى اسال محمد e سليمان بعدين ما تتخيل موضوع "احسن الطباخين رجال" ده بيزهجنى كيف !!!! اى زول تانى يقول الكلام ده يجى يورينا كدى احسن طباخ ده ذاتو اسمو منو ??? و لو سمحتو ما فى زول يقول ليك اسامة سيد...لان منال العالم احسن منه. ما فى زول فيكم سمع ب كوكو شنيل?? او Alberta Ferretti او Donatella Versace او Rebecca Taylor او Liz Claiborne
Post: #9 Title: Re: البرلوم احمد سيد احمد...مرات ابوك و لا الجو?? Author: smart_ana2001 Date: 02-01-2013, 10:37 PM Parent: #8
Quote: غايتو الزول ده ربنا ما يوليهو على ولايا هههههههههه
اميييين...و اللى بتعرسه سجم امها
Post: #10 Title: Re: البرلوم احمد سيد احمد...مرات ابوك و لا الجو?? Author: smart_ana2001 Date: 02-01-2013, 10:39 PM Parent: #9
يا اخونا احمد سيد احمد...ده لكن شكله شاكوش كبير شديد. اها ما تاخد بريك من المواضيع دى واحكى لينا قصة الشاكوش
Post: #11 Title: Re: البرلوم احمد سيد احمد...مرات ابوك و لا الجو?? Author: احمد سيد احمد Date: 02-01-2013, 10:54 PM Parent: #10
والله يا اخت سمارت ماعندي اي مشكلة مع ارق الكائنات
والشاكوش كان اصلا معروف من اول يوم في العلاقة
القطعة كان فيها شهادة بحث اصلا
ههههههههههههههههههه
Post: #12 Title: Re: البرلوم احمد سيد احمد...مرات ابوك و لا الجو?? Author: smart_ana2001 Date: 02-01-2013, 11:04 PM Parent: #11
خلاص.... عفونا عنك. __________________ " ارق الكائنات" دى دس سم فى العسل برضو??? تانى خلى امك و اخواتك يشتروا ليك قطعة الارض
Post: #13 Title: Re: البرلوم احمد سيد احمد...مرات ابوك و لا الجو?? Author: أمير عثمان Date: 02-01-2013, 11:09 PM Parent: #11
اسمارت ... سلامات ...
احمد كيفك ..
Quote: القطعة كان فيها شهادة بحث اصلا
وطيب الوداك تتشالق شنو؟
Post: #14 Title: Re: البرلوم احمد سيد احمد...مرات ابوك و لا الجو?? Author: أمير عثمان Date: 02-01-2013, 11:09 PM Parent: #11
....Oops
Post: #15 Title: Re: البرلوم احمد سيد احمد...مرات ابوك و لا الجو?? Author: احمد سيد احمد Date: 02-01-2013, 11:21 PM Parent: #14
شكرا للعفو يا ست سمارت....وانا منتظر يرجع ليّ نور عيني والدنيا تضحك لي تاني.....
يا امير....القطعة لكن ما كانت عجيبة ياخ...ناصية و1000 متر وفاتحة في ميدان وكدا هههههههههه
الموضوع طويل وجميل وداير شرح كتير
اييييييييه ادعي لينا بس انت انو الله يعوضنا بالاحسن
Post: #16 Title: Re: البرلوم احمد سيد احمد...مرات ابوك و لا الجو?? Author: smart_ana2001 Date: 02-01-2013, 11:32 PM Parent: #15
سلامات يا امير....شفتا كلامى طلع صح. طلع الجو.
احمد سيد احمد...احكى و فضفض...يمكن ربنا يفتح عليك و يرجع ليك نور عينك. بدل ما تمكن السلفيين -امثال عماد- من رقابنا
Post: #17 Title: Re: البرلوم احمد سيد احمد...مرات ابوك و لا الجو?? Author: Afraa Sanad Date: 02-01-2013, 11:49 PM Parent: #16
يا سمارت ياخ انتي اسمك سماااارت....الشاب قال ليك بتعاطف مع التيارات السلفية ده ذاتو ما كتير منه...عليك أمان الله بطلع أربعة صباحا وبسوق تلاتة ساعات عشان أوصل الشغل وبوقف رجالة بشنبات وعيونهم خدر بين يدي الله...الله لا وقفك قدامي....
Post: #18 Title: Re: البرلوم احمد سيد احمد...مرات ابوك و لا الجو?? Author: Kostawi Date: 02-01-2013, 11:51 PM Parent: #17
شوفوا ليه برلومة زيو عشان تعدل ليه راسو المدوقس دا
لوووووووب
Post: #19 Title: Re: البرلوم احمد سيد احمد...مرات ابوك و لا الجو?? Author: Raja Date: 02-02-2013, 00:46 AM Parent: #18
هههههههههه يا سمارتي.. عمرك أطول من عمري.. لي يومين بحلل في الشخصية البتكتب جنس الكلام ده.. لكن اصلو ما ختيتو في (الجو). لأنه لو زميلنا البرلوم العزيز ماخد شاكوش جامد. إحنا مال أهلنا (إحنا دي باقي النسوان)
غايتو... كل دفعة فيها (زهير).. هههههههههه (معليش يا أبو الزهور)
ـــــ مرحب بيك أحمد سيد أحمد وإستهدى بالله.. كده حتطيًر البلوم
Post: #20 Title: Re: البرلوم احمد سيد احمد...مرات ابوك و لا الجو?? Author: وليد زمبركس Date: 02-02-2013, 01:28 AM Parent: #19
تحياتي للجميع . الواحِد فى المنبر دا يكون داخل البوستة يلقى نفسو فى السنما، شكرًا على هالة حبيبتى و القفشات الأوسكار .
Post: #21 Title: Re: البرلوم احمد سيد احمد...مرات ابوك و لا الجو?? Author: Rawia Date: 02-02-2013, 03:34 AM Parent: #20
أنا زي زمبريكس بالظبط لقيت السينما وقهيت وجات ذكريات حلوة المسرحية دي كانت بتبدا بدري وتنتهي بدري عشان الاطفال الفيها
____ عندي نظرية ياسمارتي للان ماوقعت واطة إي زول متطرف شديد يحمل داخله قلب مرهف وروح حساسياتها عالية شديد يبقى الدور والباقي في كيفية التعامل معاهو الاخ احمد سيداحمد ماحصل قريت ليهو مداخلة ولا شفت بوستاته ليس ترفعا ولكن المعايش والمشغولية
Post: #22 Title: Re: البرلوم احمد سيد احمد...مرات ابوك و لا الجو?? Author: أمير عثمان Date: 02-02-2013, 04:52 AM Parent: #21
Quote: يا امير....القطعة لكن ما كانت عجيبة ياخ...ناصية و1000 متر وفاتحة في ميدان وكدا هههههههههه الموضوع طويل وجميل وداير شرح كتير اييييييييه ادعي لينا بس انت انو الله يعوضنا بالاحسن
يا احمد أحس من كده ؟؟؟ رأيك شنو فى برج العرب؟؟ والله اسمارت ليها حق تشرشحك كده
Quote: سلامات يا امير....شفتا كلامى طلع صح. طلع الجو.
يا اسمارت ... انتى لكن اديتيهو نفس ؟؟؟ جيتى جاهزه بقضك وقضيضك ومسلحة to your teeth وعايزاه يفرفر؟؟؟؟ البرلوم طلع مفتح ورفع الراية البيضا ولملم الموضوع بسرعة ... وزى ما شايفه ... راويه طلعتو ً يحمل داخله قلب مرهف وروح حساسياتها عالية شديدً ههههه وتحياتي لكم جميعا ...
Post: #23 Title: Re: البرلوم احمد سيد احمد...مرات ابوك و لا الجو?? Author: محمد عوض السيد Date: 02-02-2013, 05:45 AM Parent: #22
اسمارت يقع في يدها العدو
انت يا احمد سيد احمد ماكان تنبرش سريع كده يااااخي
خذلت توقعات مؤلفي افلام بوليووود ظاااتو
وصباحكم خير بتوقيتنا
..
Post: #24 Title: Re: البرلوم احمد سيد احمد...مرات ابوك و لا الجو?? Author: smart_ana2001 Date: 02-02-2013, 06:30 AM Parent: #23
عفراء سند، كيفك؟ بالله قال بيتعاطف مع التيارات السلفية؟ ما فيها مشكلة، يتعاطف طي ما عاوز. يبقي سلفي عديل كده. ما مشكلة. بس يخلي الجكس في حالهم.
كوستاوي، نلقي ليه برلومة من وين؟ خليه يتعافى من الشاكوس الأول و بعدين نشوف.
جوجو، مشتاقين. و الله انا شكيت في مرات أبوه في الأول. ^_^ لكن طلع الجو. و جات راوية كتر خيرها طلعته مرهف و حساس!!!! الله يسامحك يا راوية.
سلامات أخ وليد. تعرف انا من امس عاوزه اكتب ليك انك إضافة حقيقة البورد. شكرًا ليك انت علي تواجدك بيننا.
راوية، هسي ده شنو ده؟ الكلام ما عن أخونا احمد سيد احمد، لكن أي زول متطرف زول ما عاوز يفكر. لانه لو فكر كان عرف انه ما في خير مطلق او شر مطلق. أخونا احمد سيد احمد ما تطرف، شكله بس متضايق لسه من الشاكوش.
أمير عثمان، طبعا انا كتبنا البوست و ما فكرتا أصلا انه أخونا احمد ح يجي يقول شنو. لكن آخر حاجه كنتا أتوقعها انه يجيب آخره من اول مداخلة. طلع واااااعي البرلوم.
محمد عوض السيد، كيفك؟ الموضوع لو شاكوش بياخذ زمنه و يبقي كويس. عشان كدا عفونا عن أخونا احمد.
Post: #25 Title: Re: البرلوم احمد سيد احمد...مرات ابوك و لا الجو?? Author: يحي قباني Date: 02-02-2013, 07:30 AM Parent: #24
Quote: يتعاطف طي ما عاوز
انجليزي كاليفورنيا ده ؟
نكلم عوض الكريم عبدالله تاني يقول
" جمال ( طي ) ده ... اصلو ما معقول "
Post: #26 Title: Re: البرلوم احمد سيد احمد...مرات ابوك و لا الجو?? Author: احمد سيد احمد Date: 02-02-2013, 09:33 AM Parent: #25
سلام عليكم كلكم
كلام راويه صح خاصة الشق الثاني ....لكن الشق الاول مهائي ما صح انا زول معتدل ما متطرف ابدا
مرات مواضيع النساء والرجال بتكون من اكثر الكواضيع البتحرك النقاش في المنتديات عشان كدا الزول بيثرها ومرات بكون زي مقدم برنامج حواري يتبنى وجهة نظر خصوم ضيفه
ومافي انبراش يا دفعة دا اسمو "الانحناء للعاصفة" هههههههههه
والزول برلوم لازم يثبت حسن النوايا وما يناصب الجكس العداء من اول شهر
Post: #27 Title: Re: البرلوم احمد سيد احمد...مرات ابوك و لا الجو?? Author: حيدر حسن ميرغني Date: 02-02-2013, 09:48 AM Parent: #26
Quote: والزول برلوم لازم يثبت حسن النوايا وما يناصب الجكس العداء من اول شهر
دي حكمة والله يا أحمد كيف يقولو عليك برلوم ياخي انت معتَق تب
Post: #28 Title: Re: البرلوم احمد سيد احمد...مرات ابوك و لا الجو?? Author: محمد حسن العمدة Date: 02-02-2013, 11:06 AM Parent: #27
Quote: احمد سيد احمد...احكى و فضفض...يمكن ربنا يفتح عليك و يرجع ليك نور عينك.
منتظرين ...
Post: #29 Title: Re: البرلوم احمد سيد احمد...مرات ابوك و لا الجو?? Author: مرتضى احمد عبد القادر Date: 02-02-2013, 12:08 PM Parent: #28
شنو يا أحمد قبل ما يجيبو الصوت قمت تصلي
Post: #30 Title: Re: البرلوم احمد سيد احمد...مرات ابوك و لا الجو?? Author: Mohamed E. Seliaman Date: 02-02-2013, 01:11 PM Parent: #29
تعرف المهندسين ديل انا بقي عندى فيهم راى مما عرفت ان اسامة بن لادن مهندس^_^. حتى اسال محمد e سليمان
----------- السلام عليكم ورحمة الله يسألني عن المهندسين ؟ أم عن (تبلور) رأيك فيهم بعد أن صححت المعلومة للدكتور أمجد سليمان في خيطه عن العقول العلمية الصماء ؟ ______________ رحم الله ابن الجوزي
Post: #31 Title: Re: البرلوم احمد سيد احمد...مرات ابوك و لا الجو?? Author: محمد عوض السيد Date: 02-03-2013, 02:32 AM Parent: #30
Quote: ومافي انبراش يا دفعة دا اسمو "الانحناء للعاصفة" هههههههههه
انت ياكافي البلاءاتاري نفسك مخموم من سكه اسمارت
واضانك تقلت كمان وماخلتك تسمع فرفور وقت غني :
عاين لتاريخ انضمامي وراعي عامل السن
..
وتعال النديك وصفة للعلاج :
خت ليك سبعة حبات ترمس في نقاع زير لمدة 3 يوم واعطنهم بعد داك في جردقة لستة ساعات
واتناولهم براس كل ساعة حبة ترمساية
اكيد كل احساس رومانسي بنقتل فيك وبتكون محصن من الشواكيش .. سمح
مع ودي واحترامي
Post: #32 Title: Re: البرلوم احمد سيد احمد...مرات ابوك و لا الجو?? Author: smart_ana2001 Date: 02-07-2013, 00:38 AM Parent: #31
Post: #33 Title: Re: البرلوم احمد سيد احمد...مرات ابوك و لا الجو?? Author: smart_ana2001 Date: 02-07-2013, 00:49 AM Parent: #32
مستر قبانى
Quote: انجليزي كاليفورنيا ده ؟
عااارفه انا البرد كاتلكم فى كندا و حاسدين ناس كلفورنيا على الاجواء الربيعية طوال العام
حيدر حسن ميرغني
Quote: كيف يقولو عليك برلوم ياخي انت معتَق تب
البرلوم فعلا واااعى
محمد حسن العمدة اديه شوية كده ...براه ح يجى يحكى عن الشكوش
مرتضى احمد عبد القادر
Quote: شنو يا أحمد قبل ما يجيبو الصوت قمت تصلي
شنو يا مرتضي يا اخى. ما تعقدوا البشمهندس. ما ناقص....
محمد e سليمان و عليكم السلام و رحمة الله تعالى و بركاته. 1- ما قادرة اقرا الاقتباس اللى انت خاتيه 2- مين للدكتور أمجد سليمان ??? عضو معانا هنا?? 3- اين خيط {العقول العلمية الصماء} ? فى الربع ده? هل شاركتا فيه انا?? 4- هل انا قلتا قبل كده ان عندى راى (تبلور) عن المهندسين? 5- رحم الله ابن الجوزي...وكل موتى المسلمين
محمد عوض السيد....سلامات. يا جماعة براحة على ولدنا
Post: #34 Title: Re: البرلوم احمد سيد احمد...مرات ابوك و لا الجو?? Author: smart_ana2001 Date: 02-07-2013, 01:02 AM Parent: #33
اخونا محمد e سليمان oppps . طبعا بعرفه د. امجد ابراهيم يا اخى. و الان لقيت البوست المعنى العقول العلمية الصماء!! الخرطوم عام 2015 عاصمة لطالبان السودان خلينى اقراه و ارجع ليك. على العموم تعليقى عن المهندسين و اسمك ...لانى سامعة فى البورد انه عندك راى فيهم. انا ذاتى عندى فيهم راى
Post: #35 Title: Re: البرلوم احمد سيد احمد...مرات ابوك و لا الجو?? Author: غباشي Date: 02-07-2013, 05:31 AM Parent: #34
سلام يا اسمارت ابو حميد ده معرفة و كنا دفعة في الكلية لكن اتفارقنا .... فبالله بالراحة عليهو كان من الناس الما عندها قضية مع الجيكس ومن النوع البيتخارج بدري بدري من الجامعة لا بحضر كورة لهندسة و لا حفلة في الاندرلاب ولا بقعد في شارع المين ...... ولا بتكل في كافتريا جيولوجيا عشان كدة ما اظنو يكون اتعرض لي شاكوش ...... شكلو بيعمل تيستات عشان يتأهل اصلو بقى من السادة المغتربين اما حتتة انو متعاطف مع السلفيين شكلها صاح لاني زمان كنت قايلو سلفي لكن استغربت لما لاقيتو مرة في واحدة من اجازاتي (بعد زمن سحيق) في افطار بتاع المساحين اكتشفت انو لسة عزابي و بعد داك من الفيسبوك اتضحت لي الرؤية هسي لو لقا جكسوية بوردابية بيروق في علبو شوية و يملاكم بوستات رومانسية حالمة ابو حميد يا دفعة سودانيز دي ما تقوم فيها بنمرة اربعة (هدي اللعب شوية)
Post: #36 Title: Re: البرلوم احمد سيد احمد...مرات ابوك و لا الجو?? Author: غباشي Date: 02-07-2013, 05:39 AM Parent: #32
Quote: العلاقات الجنسية قبل الزواج...وجهة نظر امريكية لو حصل اتشوكشت..يمكن تلقى العزاء هنا ماذا تفعل اذا عاد حبك الاول بعد ان وجدت الثاني؟ حوار ممتع بين شيخ وفتاة جميلة كانت تجاوره في الطائرة الحنين الى العزوبية ماذا تفعل اذا عاد حبك الاول بعد ان وجدت الثاني؟
يا ابوحميد انت كمان خت الكورة واطة
Post: #37 Title: Re: البرلوم احمد سيد احمد...مرات ابوك و لا الجو?? Author: smart_ana2001 Date: 02-07-2013, 06:25 AM Parent: #36
Quote: كان من الناس الما عندها قضية مع الجيكس ومن النوع البيتخارج بدري بدري من الجامعة لا بحضر كورة لهندسة و لا حفلة في الاندرلاب ولا بقعد في شارع المين ...... ولا بتكل في كافتريا جيولوجيا
خلاص يا جماعة، عشان خاطر البشمهندس الدكتور غباشي ح نجدد العفو عن احمد سيد احمد. لكن كمان يا غباشي دفعتك ده اتخرج من هندسة كيف من غير ما يكون حافظ أغاني التشجيع!!!! شكلها هندسة دي بقت فوضي. :(
-------- طلعتا مساح يا احمد سيد احمد ؟؟ ما سمعتا ب ( لن ترتاح يا مسّاح) ؟؟؟
Post: #38 Title: Re: البرلوم احمد سيد احمد...مرات ابوك و لا الجو?? Author: غباشي Date: 02-07-2013, 06:53 AM Parent: #37
Quote: والشاكوش كان اصلا معروف من اول يوم في العلاقة
ده كلام شنو يا أحمد انت انحرفت بعد ما اتخرجت و للا شنو ؟ انا من الصباح بترافع عشان اطلعك براءة من موضوع الشاكوش اتاريك بالجد متشوكش
Quote: خلاص يا جماعة، عشان خاطر البشمهندس الدكتور غباشي ح نجدد العفو عن احمد سيد احمد
غباشي حاف ,ما معانا القاب يا اسمارت ..... ربنا يسهل الامور تسلمي يا اسمارت لكن البرلوم ده انا اتخميت فيهو ..... فممكن تشوفي شغلك معاهو
Quote: لكن كمان يا غباشي دفعتك ده اتخرج من هندسة كيف من غير ما يكون حافظ أغاني التشجيع!
بكون حافظها ....... بعد ما اعترف بالشاكوش تاني ما تستبعدي حاجة
Post: #39 Title: Re: البرلوم احمد سيد احمد...مرات ابوك و لا الجو?? Author: احمد سيد احمد Date: 02-07-2013, 09:16 AM Parent: #38
السلام عليكم يا سمارت وغباشي
سمارت.....في مواضيع من الختيتي روابطهم هنا ديل عادية ....زي موضوع العفة دا...الغرض منو اصلا ما جندري ...بس وجهة نظر غربية مسيحية ترى خطورة العلاقات خارج اطار الزواج وهي رؤية تطابق رؤية الاسلام. تاني موضوع الحنين الى العزوبية..كاتباهو داليا الياس وموضوع جميل جدا جدا ومافيهو اي بعد جندري برضو ونزلتو فقط لانو في ناس مرات بالجد بحنوا لايام العزوبيه رغم اني عايش في جحيمها ولا نعيمها ما عارف تاني الباقيات ممكن تقولي من اثر الشاكوش ههههههههههه....
ابو حميد الصحة والاخبار....وشكرا ليك ياخ كتير على تولى امر الدفاع عن البرلوم .....ووالله قبل سنتين جرت مياه تحت الجسر وغيرت جزء من القناعات وخلتني اندم على الزمن الفات في الجامعة بدون استثمارو عاطفيا....والرومانسية ولا الحب لمن يجي على الكبر ببقى مشكلة زي مرض الحصبة لمن يجيك وانت كبير....ههههههههههه ماتخلي دفاعك عن دفعتك ياخ مالك نطيت منو ههههههههههه....وتسلم كتير ياخ للموقف النبيل رغم التراجع
.
اصلو بقى من السادة المغتربين