بشاشا كسح ..

بشاشا كسح ..


02-01-2013, 06:14 AM


  » http://sudaneseonline.com/cgi-bin/sdb/2bb.cgi?seq=msg&board=420&msg=1359695692&rn=9


Post: #1
Title: بشاشا كسح ..
Author: محمد حيدر المشرف
Date: 02-01-2013, 06:14 AM
Parent: #0

و"بشاشا كسح" هذه ..
عبارة مصكوكة منبريا وبمثابة إعلان بالإبتعاد عن المنبر لأيام معدودة .. تطول أو تقصر ..
وكان أول من صكها الأخ بشاشا بحسب معرفتى !..
وهذا صحيح الم يتبين أن حسن موسي أول من صكها بطبيعة الحال !!!..
وهى من الكلم الطيب الاسفيري لا السلح ..
مصكوكه بعناية شديدة تشير وبسخرية محببة لخطورة صاحب العطله الاسفيري ..
فكل من يأنس فى نفسه شيء من تلك الخطورة ..
وأزمع إنقطاعا مؤقتا عن المجال ..
ما عليه الا كتابة هذا البوست "بشاشا كسح" ..

تحياتى يا شباب ..

Post: #2
Title: Re: بشاشا كسح ..
Author: Mohammed Alhasan Mohammed
Date: 02-01-2013, 06:25 AM
Parent: #1

كسحا حميدا يادكتور ..

وما تطول ...

مع التحية ...

Post: #3
Title: Re: بشاشا كسح ..
Author: خالد عبدالوهاب
Date: 02-01-2013, 08:38 AM
Parent: #2

عارف يامشرف

وعلى الرغم من عدم ورود اسمك ابدا في قائمة السناير المتزمرين من وجود البرالمة الا انك كنت من عتاة الغاضبين !!

في بداية دخول البرالمة انت كنت من المرحبين وكنت حريص على دخول بوستات الترحيب ووضع كلمات مرحبة لطيفة ..
العدد زاد وبقى كتير .. وبدأ موقفك في التحور!

المشكلة انك ما استخدمت طريقتك المعهودة في الكلام عن الظاهرة بشكل موضوعي
انت بقيت تطاعن يامشرف !
ايوة والله المطاعنة الواحدة دي .. ومابتشبهك
واسي كسحتك دي مطاعنة

تعال ياخي اتكلم .. ناقش الموضوع .. قول رايك فيهو وشوف منو اليتلام في القصة دي
مطاعنتك بتصيب الناس الجدد الماليهم ذنب زي ماعارف .. طلبوا باسويرد من بكري وبكري اداهم
ماذنبهم انو بكري اداهم كلهم في وقت واحد

على كل حال انا حزين ..
ماحزين عشان انت كاسح
حزين على موقفك الغريب .. ليتك طاعنت بهظار زي دينا والآخرين

ماعارفك اذا كنت حاترجع ترد .. لكني متاكد انك حا تقرا
فلمن تقرا عليك الله فكر بتجرد .. واوزن بي ميزانك انت ذاتك .. خليهو ميزان العقل والمنطق والعدل

احترامي

Post: #5
Title: Re: بشاشا كسح ..
Author: محمد البشرى الخضر
Date: 02-01-2013, 09:19 AM
Parent: #3

حملت الموضوع اكثر مما يحتمل يا خالد

Post: #6
Title: Re: بشاشا كسح ..
Author: خالد عبدالوهاب
Date: 02-01-2013, 10:35 AM
Parent: #5

ياريت والله ياود البشرى اكون حملتو اكتر من مايحتمل

لكن المشرف ليهو كم يوم يشكو من تغير حال المنبر
ولاينفك يعبر عن اشتياقه لاصدقاءه القدامى ويعبر لهم عن سعادته برؤية حروفهم وسط هذه الشنو ماعارف

اتمنى اكون فهمت غلط يا ود البشرى

Post: #7
Title: Re: بشاشا كسح ..
Author: Amir Omer
Date: 02-01-2013, 10:52 AM
Parent: #6

Quote: حملت الموضوع اكثر مما يحتمل يا خالد

عبّرت عني تماما يا ود البشرى!

يا خالد اول حاجة مرحب بيك
Quote: اتمنى اكون فهمت غلط يا ود البشرى

وانا أتمنى عليك الخروج من دائرة السنيرية والبرالمة المغلقة حتى تستطيع تقديم ما يفيدك والأخرين!
تذمُر الآخرين أو رضاءهم عن وجودكم لا ينبغي أن يكون هو شغلكم الشاغل ..! (وش مبتسم)

ــــــــــ
في إنتظار إسهاماتكم المفيدة لدفع مسيرة هذا المكان يا خالد
ويا د. المشرف ... عطلة سعيدة

Post: #8
Title: Re: بشاشا كسح ..
Author: خالد عبدالوهاب
Date: 02-01-2013, 11:12 AM
Parent: #7

يا امير انا دائرة سناير برالمة دي اصلو ما حاصر نفسي فيها ولا عاملة لي اي حاجة

انا كتبت في منتديات كتييرة واتعرضت للموقف ده كتير وشفت بي عيني ناس كتار اتعرضو ليهو
وحضرت وشاركت في معركة برالمة سناير دي كمية من المرات وفاهمها كويس وماعندي معاها اي مشكلة او عقدة

حتى هنا القصة دي في اطارها العادي ماعندي عليها اعتراض واحتمال اكون من اوائل الناس الاشاروا لانها لابد ان تحصل
وشاركت فيها ولسة حا اشارك

واطمئنك بعد فترة تاني حاتظهر مشكلة شلّتي وشلّتك .. وده بعد ماجزء من البرالمة يذوبوا في السناير ويبقى جزء لسة مامعروف وماف زول بيتداخل في بوستاتهم

وزي ماقلت في مكان ما هي طريقة مناسبة لانكم تعرفونا .. نحن اولردي بنعرفكم وبنعرف منو منكم البالو طويل ومنو الكويس ومنو البطال وبنعرف كيف نتعامل معاكم
انتو المابتعرفونا

اها انا اسي ظننت واتمنى ان اكون آثم انو ود المشرف كسح احتجاجا على ان وجه البورد اتغير والى الابد !

وما عارف لو كانت اجازتو في التوقيت ده ممكن قرايتها بغير الطريقة دي
خاصة اني ولامرة ماشفت ليهو بوست اعلان كسحة

تحياتي

Post: #4
Title: Re: بشاشا كسح ..
Author: محمد على طه الملك
Date: 02-01-2013, 08:44 AM
Parent: #2

إن كان الأمر في رمته استراحة مؤقتة ..
سأربت على ذاتي حتى لا تجزع ..
:
عطلة سعيدة.

Post: #9
Title: Re: بشاشا كسح ..
Author: هشام كمال عبادي
Date: 02-01-2013, 11:27 AM
Parent: #4

ود المشرف وضيوفه الكرام ..
أن كان قد كسح بشاشا - لشيء في نفسه - فقد سبقته اقدام متباطئة..
وهذه الأحجية قد تجر ما قبلها ..
ولن تكن الأمور كسابقاتها ..
فهذا إدمان أخي المشرف إدمان ولا أزيد ..

Post: #10
Title: Re: بشاشا كسح ..
Author: كمال سالم
Date: 02-01-2013, 11:28 AM
Parent: #4

يا دكتور الماجستير وانتهينا منو ,,, تانى كاسح ماشى وين ؟

Post: #11
Title: Re: بشاشا كسح ..
Author: محمد حيدر المشرف
Date: 02-01-2013, 12:19 PM
Parent: #10

الاعزاء:

محمدالحسن .. "سميٍي" ولا يعلم الكثير من الناس أن اسمى "محمدالحسن "
الأمير "ودالملك" ..
ود البشرى "غنى عن التعريف"
أمير "إزيك يا امير"
عبادى شخصيا ..
كمال سالم .. جارنا و "ود" حلتنا الجديد .. والمقامات محفوظة يا كبير

كتر خيركم واحد واحد ..
ويا كمال فى التزام أكاديمى جديد .. وده السبب تحديدا
ولعل "بشاشا كسح" بوست للحنين المبكر جدا قبل المغادره ذات الأجل المحدود دى ..


الأخ العزيز خالد عبدالوهاب ..
كيفك وكيف كيفك آ زول !

موضوع "المطاعنة" ده غير صحيح وعلى وجه الإطلاق ..
مداخلتى اليتيمة ببوست ملاسي كانت نحو ملاسي .. نحو مناكفات جميلة أمارسها نحوه .. وبيننا مثل هذه المناكفات
نستبطن فيها .. أو أستبطن أنا فيها الكثير من الود الإنسانى
وملاسي .. أو د. حسين ملاسي أحد الذين أخطأت بحقهم كثيرا ..
ولم يخطيء هذا الملاسي فى حقى يوما !!
وبعد كل هذا الزمن فى هذا المكان ..
وجدت سبيلى للاختلاف الجميل مع زول زى ده ..
وأنا راضى جدا بمناكفتى إياه ...
وقد رد عليها بأجمل منها نحو العزيز قاسم مهداوى ..
حتى أنى هتفت سرا ب "كاااااااااك"

هذا المشهد بكامله أرى فيه شيئا من الصوره الجمالية العامه بهذا المنبر ..
وبالتأكيد """" أنتم"""" غير ملزمين بالمسأله دى ..
وعليه .. ودونما مواربات
أنا أعتذر منكم واحدا واحدا ..
مع التأكيد على السياق ..

وبوصولنا الحته دى دعنى أقول ليك كلام يا خالد ..
أنا وطيلة وجودى فى هذا المنبر لم أشهد نشاطا ايجابيا لمجموعة "برالمة" كما أنتم ..
وحتى أن الكثير من الأسماء علقت بذاكرتى سريعا .. وقد لا أذكر بعض أسماء القدامى !!
أيمن .. فوراوى .. فريدة "موضوع السدود" .. سامى .. أشرف .. هوارى .. درديري وآخرين

هذا جانب ..
الجانب الآخر أرى أن على إدارة المنبر "تقرأ بكرى" إنجاز عمل كبير فى سبيل المحافظة على هوية المنبر ..
وهوية المنبر دى ذاتها كانت الدافع بتاعكم للمجيء هنا بداهة ..

على سبيل المثال ..
لا نريد أن تعلق الادارة "تقرأ بكرى" لنا وبحسب مزاجنا العام -أزعم- بوستات "الملك" وحده لا شريك له ..
ولكن الحفاظ على جودة ونوعية ومحتوى عناوين المنبر مسأله مهمة جدا ..
والأمر لا يصل وبأى حال من الأحوال لتعليق الأحلام الشخصية ..
مع كامل الاحترام للاخت العزيزه مها وبوستها الشيق جدا ..

هل أوصلت فكرتى ؟!
هل كان المثال جيدا ويخدم الفكرة ؟!..
لا أعلم ولكن ..
أنا أرى أن "البرالمة" إضافة كبيرة ..
وفيهم نسبه أعلى من الاقلام الممتازه والجيده والكويسه ثم النشطه ..
وتبقى مسألة المحافظة على هوية المنبر ..
وده رأى شخصى يقبل الخطأ والصواب ..


تحياتى للجميع ..

Post: #12
Title: Re: بشاشا كسح ..
Author: خالد عبدالوهاب
Date: 02-01-2013, 03:15 PM
Parent: #11

مساء الخير يامشرف

ماقصدت مداخلتك في بوست حسين ملاسي وحدها

لكن قريت ليك كم مداخلة في عدة محلات متفرقة

قلت في مرة مامعناهو انك حسيت وجه المنبر تغير والى الابد

ومرة اخرى قلت لاحدهم انك سعيد جدا برؤية حروفه وسط الزحام او نحوه

المهم ارجو ان لانحتاج الى الانجرار الى افة المنبر بتاعة جيب لي الدليل واجيب ليك كوتات وصور كابشرات الخ الخ

قلت اظنني رايت لك مداخلات بالنحو ده وان قلت لم تقصدها كمافهمتها انا او اي حاجة ساصدقك طبعا

اصلا سبب الكلام كلو زعلتني فكرة انك ممكن تتضايق لوجود اعضاء جدد كتيرين

فاذا قلت انك مامتضايق خلاص يكفيني جدا


بخصوص آلية رفع المواضيع وكل اجراءات بكري فدي لايسأل عنها ولاحتى بكري نفسو وانت سيد العارفين
ولادخل (لينا ) بها وهي طريقة متبعة من زمان جدا

يهمنا استمرار مسار المنبر وقوّتو طبعا .. لكن لانتحمل مسؤلية انحرافه على الاطلاق

على كل حال لم لاتكتب عن الموضوع وتشركنا في النقاش ؟

Post: #13
Title: Re: بشاشا كسح ..
Author: هيثم طه
Date: 02-01-2013, 11:24 PM
Parent: #12

سلامات يا مشرف

Post: #14
Title: Re: بشاشا كسح ..
Author: kamal omer
Date: 02-02-2013, 06:29 AM
Parent: #13

تحياتي يا دكتور
و ما تطول الغيبة ، و كمان مرة مرة كدا أدينا طلة .




تهنئة متأخرة ، بحكم ( التسجيل ) مبارك عليك الشهادة و مزيد من ( العلام ) إن شاء الله

Post: #15
Title: Re: بشاشا كسح ..
Author: عبدالمنعم الطيب حسن
Date: 02-02-2013, 07:33 AM
Parent: #14

هذه الاسافير ، وجودها ، فعاليتها ، ومن ثم استمرارها المتوهج ،
مرتبطاما زال ، باسباب موضوعية ، اكثر منها ذاتية ....
الاسباب الموضوعية الان ، منها واهمها ، الهم العام في الوطن الام ،
وسبل الخلاص وافاقه ، واستشراق المستقبل لهذا الوطن الهمام ،
ثم ان السوداني ، لا ينفصل عن وطنه الام ، وان عاش في اخر الدنيا ،
وهذا المنبر بالذات خير رابط بالوطن الجميل واصدق رابط ، واسرع ،
لهذا فطن العبقري بكري ابوبكر ، باكرا وانشأ وطور ما زال ، هذا الصرح العظيم ،
اذن في خضم هذا الموضوعي جدا تتلاشى الذات او تكاد ، الا ان هناك بصمات مشرقات ،
لكتاب رائعين هنا منهم بلا حصر بشاشا ، ومحمد المشرف ،
نرجع ونقول ان وجودهم فاعل ومهم ،
ولكن غيابهم لا ينسف رساله هذا المنبر ، ولا يضعفها ،
............................................
محمد المشرف نتمناك بخير ، وفي انتظارك يا جميل ،

Post: #16
Title: Re: بشاشا كسح ..
Author: حمد عبد الغفار عمر
Date: 02-02-2013, 11:46 AM
Parent: #15

شنو ياخ بدري يا دكتور

بعدين بشاشا لما يكون عندو نية رجعة بقول تنفسوا الصعداء بشاشا كسح

هسة انت شكلك الصعداء دي ما عايز تدينا ليها

أضغط على نفسك شوية وواصل