قبائل السودان أصولها وتراثها

الأخوة والأخوات
دعونا نوثق هنا لكل قبائل السودان ولنفهم عاداتهم وتقاليدهم المختلفة.
فى البدء ياريت لو ذكرنا أسماء كل القبائل السودانية ، وبعدها فلنتناول
كل قبيلة على حدا ، حتى نغطى كل قبائل السودان.
من القبائل السودانية أو المجموعات السودانية
الحلفاويين - الدناقلة - المحس-الشايقية - المناصير - الرباطاب - الميرفاب
الزغاوة - الفور - الرزيقات - المسيرية
البجا - الهدندوة - الرشايدة
البديرية - الكواهلة - الحسانية
وفى انتظار مداخلاتكم حتى نوثق ونفهم اكتر عن اصولنا وتراثنا

بس دا حد قبايلك أي توثيق تعني !!


ولم تزكر ربع قبائل السودان

قبيلة الصوماليين
من احدث القبائل هجرة للسودان، و بأعداد قليلة جدا خاصة في شرق السودان في كسلا و القضارف
كانت اكبر هجراتهم في عهد الانجليز ابان الحرب العالمية الاولي، حيث حاربوا مع قوات الحلفاء
و العسكرية تجري في دمائهم و منهم قادة و جنرالات في العديد من دول العالم، كالعم اللواء احمد ورسمة غالب
و العم اللواء عبدالله عبده كاهن في السودان و وزير الداخلية الكيني و وزير الدفاع الاسبق الاثيوبي
و هم محاربين شجعان ياخي نحن لو ما لقينا زول نحاربوا ندور في بعض زي المافي حاجة لمن اخترعنا حاجة اسمها الصوملة ، سمعتا بيها هاهاهاها
تشهد علي شجاعتهم سفنجات الامريكان التي تركوها خلفهم يوم موقعة الهلكوبتر (Black hawk Down)،
واحد قريبي قال لي كان حظي من الغنائم بوت و خوذة جندي امريكي و قال كسر ريشة من مروحة الهلكوبتر و علقها سوفنير في باب بيتو
تصاهروا مع كل القبائل السودانية، الجيل الاول كان عنصري شديد، و ما بدو بناتهم لزول ما صومالي، لكن تم التصاهر بعد ذلك
و ناسبوا معظم قبائل السودان و علي المستوي الشخصي الفاضل الاخ الشهم الباقر حميدة الجعلي العمرابي متزوج من اختي زميلة المنبر الشاعرة فردوس جامع

اها يا ابراهيم قلنا نخلص ليك من سياسة السودان القبلية الخارجية مع دول الجوار عشان تركز في السياسة الداخلية لقبائل السودان

ههههههههههههههههههههههههههههههههههههههههههههههههههههههههههههه يابراهيم ماذكرتم اكثرهم ما سودانيين منهم الهكسوس والمصريين والانجليز والتشادين وبالتالى ايضا ربما انت من تلك المجموعة لان لاتعرف القبائل السودانية الاصيلة

اشكر الأخوة المتداخلين
فى البدء ماذكرت جزء قليل جداً من القبائل السودانية والغرض
أن هنا فى هذا المنبر أشخاص لا يستهان بهم فى المعرفة ولذلك
أرحب بمداخلاتهم القيمة.
الأخ ناصر جامع حقيقة أن هنالك تداخل وبصورة كبيرة من
الارتريين والاثيوبين والصوماليين والتشاديين والأتراك والمغاربة
ودخولهم وانصهارهم بالمجموعات الموجودة بالسودان كونت
مجموعات جديدة.وتسلم ياملك
الأخوة والأخوات الملمين بمعرفة القبائل السودانية والمجموعات
الرجاء التداخل لزيادة المعرفة.

أخونا ابراهيم حجازي،

السلام عليكم،
يا عزيزي هذا موضوع واسع وكبير ومتشعب. فاذا كان هدفك اكاديمياً، فعليك بالرجوع الى كل ما كتب المؤرخون في الحقب التاريخية السابقة امثال احمد ابن عمر التونسي مؤلف تشحيذ الاذهان في سيرة بلاد العرب والسودان، ونعوم شقير مؤلف تاريخ السودان، ود. سليقمان في كتابه عن قبائل السودان ولا ننسي ود ضيف الله وطبقاته والعلامة المرحوم بروفيسر عون الشريف قاسم وكتابه موسوعة الانساب السودانية وغيرها من الكتب التي لا علم لي بها.
بالاضافة للمراجع المكتوبة يلزمك الاستماع الى إفادات كبار السن من جهات السودان المختلفة فهم ادرى بأنساب الناس واصول القبائل من اي عالم اجناس يمشي علي رجلين. وبالتالي تكون جاهزاً للرد بحرفية.

كما تفضل الاخ انور آدم في مداخلته اعلاه، نريد ان نلقي نظرة جديده فاحصة لكل تاريخ السودان واعادة صياغته وتمحيصه واعطاء كل ذو حقٍ حقه. بالتالي هذا البوست قد يأخذ منك شهور عدة.
اما اذا كان الهدف دردشة ونقل اقوال سماعية، فأبشر بدواس بعجاجو كما يقول اهلنا في غرب السودان. فقد ياتيك من يلقي بالاقوال جزافاً وهذا قد لا يعجب بعض الناس وبالتالي يكون لهم ردود افعال قد لا تكون لطيفه، وقس على ذلك.
بدايتك طيبة، وذلك باعطاء امثلة من قبائل السودان الاكثر شهرة، وارجو ان لا يتحسس بعض الناس من ذلك، فلا احد منا عدا المتخصصون في هذا المجال يمكن ان يدَّعي معرفة كافة قبائل السودان. فالباب مفتوح لكل المتداخلين للاضافة والتعريف بالقبائل الاقل شهرة وفي ذلك فائدة للجميع.
مبادرة طيبة اذا فُهمت بطريقة صحيحة، وفرصة لنعرف بعضنا البعض بصورة افضل. ارجو ان لا تلتفت الي بعض الاصوات التي قد تحيد بك من هدفك وتفسد عليك بوستك
تمنياتي لك بالتوفيق.

لك الود

عثمان دُنقس

أستاذ حجــازي

التحيةوالتقدير

ما طرحته فيه منفعة للجميع ولقد بدأنا في التعريف بقبيلة المسيرية ( عرب البقارة)
ونتمنى أن ينبري عارف من كل قبيلة لتعم المعرفة وتبقى للأجيال القادمة في وقت بدأ يندثر فيه كل شئ

وحتى لا تكون معلوماتنا مبتورة عن طريق الأغاني المغلوطة :

في شندي تلقى بنات جعل ( والباقين وين ووين السناجك )
من النهود لبارا شوف جمال بقارة ( والمنطقة دي ما فيها بقاري واحد )
مين في الغرب أحلى من الحمر والبقارة ( من هم ) وما الغرب المقصود
وفي الشرق ما عارفين غير دبايوا وأدروب

نوباوي ولا نوبي

والحمدلله إرتحنا من ( المسافر جـــوبا )

وشكرا

سلام السيد ابراهيم حجازي الاصل فى السودان فى قبلتين النوبه فى شمال السودان والعنج فى وسط السودان

الأخوة المتداخلين
مشكورين على المداخلات القيمة وان دلت على شئ فإنها تدل على
اطلاعكم وثقافتكم الواسعة . سوف أعود لاحقاً للتفصيل فى ردودى
ولحينها نرحب بكل المتداخلين ذوى المعرفة والاهتمام.

هذة القبائل والمجموعات وجدتها فى شبكة البيت السودانى فلهم الشكر
الكواهلة
البديرية
البرتي
البقارة
الجعليين
البطاحين
الشايقية
النوبيين
البجة
الزاندي
الباريا
الشنابلة
الأشراف
الفونج
الحَمَر
الجوامعة
المعاليا
التعايشة
الميما
الحلنقة
الجموعية
الدناقلة
الكبابيش
الرزيقات
الحوازمة
الهدندوة
الشكرية
البني هلبة
البني عامر
الرباطاب
الفلاتة
الشلك
الحلاوين
المسلمية
المجانين
الرشايدة
كنانة
الباريا
الجعافرة
الفادنية
الكنوز
الكنجارة
العصامنة
العجايرة
النبابة
المدنيين
العوضاب
الركابية
العسيلات
البرقد
الداجو
المساليت
التكينة