Post: #1
Title: المرأه من مرحلة (الطِيبْ و الِعطِر) الي مرحلة (الفِكس و أبوفاس) .
Author: يحي قباني
Date: 01-31-2013, 06:40 PM
القصة الجابت القصة شنو ؟؟؟
ابدا بالقصة القديمة ...
في سنة 90 تقريبا ... كنت شغال في السعودية
وكان عندي مشروع في منطقة الخرج جنوب الرياض ...
مشروع فلل في داخل مزرعه من المزارع الملكية ... وكان مدير المزرعة
شخص جميل جدا ( سعودي ) اسمه ابو خالد ... الوقت داك ابو خالد كان عمره زي 100 سنة تقريبا
لكن نشيط يطلع النخله زى الولد العمره 12 سنه ...
مره من المرات بنشرب القهوة سوا قام سألني ...:
قال لي : يا مهندس كم عمرك
قلت ليه 30 سنه ...
قال لي وانت متزوج ؟ ...
قلت ليه نعم ...
قال لي كم عمرها ؟
قلت ليهو ده شنو كمان يابوخالد معناتو ...
قال لي ... لا تكون بس زوجتك من سنك ...
قلت ليهو ما قدري لكن ما بعيده خالص ... اها المشكله وين يا بو خالد ...
قال لي ...اسمعني يا مهندس ... و ( طِعْ ) شوري ...
روح اتزوج بنت 17 ... تري المرأه تكبر اسرع من الرجل ....
و انت الان شباب ... ما تفهم ...
يا مهندس خذ خبرة عمك ابو خالد الشيبه ...
يا وليدي ... المرأه وهي صغيره ما تشم منها الا ريحة الطيب و العطر و المسك ...
الي ان تدخل ال 40 ... بعدها ... وانا عمك ...ما تشم منها الا ريحة ( الفكس و أبوفاس ) ...
ضحكت كما لم اضحك من قبل ... و قلت بالله شوف الراجل الخرفان ده ...
و بقيت تلك القصة البديعة في الذاكره الي ان تذكرتها مؤخرا بسبب احد الاشخاص ...
|
Post: #2
Title: Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) .
Author: يحي قباني
Date: 01-31-2013, 06:50 PM
Parent: #1
اهااااا ...
الذكرني القصة واحد أخونا ...
انا ما بعرفه ...لكن شايفه ...
اشتكت لي احد الاخوات ...بانو فلان الفلان ده عينو طايره ...!!!
قلت ليها يا خي ما اظن ...انا عموما ما بعرفه ...لكن ده راجل متزوج و بي اولاده ...
وما صغير في السن ...يعني حتي لو كانت زمان ده عادته بيكون اتخطي المرحله دي ...
المهم فاتت الايام ...
وصدفه بحته كده جمعتني بيهو و بي نصفه ( الحلو ) ...
والمدام جات مكلفته كده ...
واشم ليك ريحة الفكس ...لما دايره تخنقني ...
فبادر الاخ بالاعتذار انو المدام عندها قحة ووجع صدر ...
والمدام طبعا طلعت دفعته ... وكانت زميلتو ... ومن دييييييك ...
طوالي قلت ليها ...لو عندك زول في السعودية خلي يرسل ليك ابوفاس ...
نتيجته اسرع ...
واتذكرت حكاية العين الطايره ...قلت في سري ...
والله مش عينه بس تطير انا المنو اطير ما ارك زاتو ...
الله يرحمك يابو خالد ...كنت راجل حكيم ...
1
|
Post: #3
Title: Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) .
Author: smart_ana2001
Date: 01-31-2013, 06:53 PM
Parent: #1
تاااانى يا مستر قبانى????
انت- مسؤل من الخير- حكومتك ما قاعده تقرا البورد ده???
|
Post: #4
Title: Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) .
Author: Balla Musa
Date: 01-31-2013, 07:04 PM
Parent: #3
ياباشمهندس يحيى قبانى
ليك تحياتى
وماتزعل منى
لكن بوستاتك أغلبها شناف!
|
Post: #53
Title: Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) .
Author: رحمه فضل المولى عجك
Date: 02-01-2013, 07:07 AM
Parent: #4
انا ذاتى كمان فهمت من الباشمهندس دا اى زول بعجبوا الصارو ولو بقى تمباك بعدين . ابو خالد من خلال تجربته وتسلقه للشجر كانه فى عمر ال12 سنه كان ذلك بفضل البنات الصغار اللاء كنا زوجات له وان كان لم تذكر ذلك ولكن يبدو واضح لكل واحد قرا البوست
|
Post: #5
Title: Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) .
Author: يحي قباني
Date: 01-31-2013, 07:06 PM
Parent: #3
| Quote: انت- مسؤل من الخير- حكومتك ما قاعده تقرا البورد ده??? |
سمارت ... دخلتي مرحلة ابوفاس ولا شنو ؟؟؟
بالنسبة للحكومة ... اكيد متابعه ... و بتقرا ...
|
Post: #7
Title: Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) .
Author: يحي قباني
Date: 01-31-2013, 07:08 PM
Parent: #5
| Quote: لكن بوستاتك أغلبها شناف! |
دكتور بله ...
كتر خيرك ياخي ...
علي الزياره اولا ...
و علي انك وجدت وصف دقيق لبوستاتي ...
اها انا ... لي سنين بقرا في المنبر ده ...
غلبني تب ... القي اسم لي بوستاتك ....
بس عارفك اذكي من مشي علي رجلين اتنين ...
تسلم يا حبيبنا ...
|
Post: #8
Title: Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) .
Author: Balla Musa
Date: 01-31-2013, 07:14 PM
Parent: #7
بالجد ياباشمهندس
تابعتك من بوست ناس المنبر الجوه بى وش وبره بى وش
وخليت المنبر كلوا يتلفت ويتضاير
لحدى البوست دا
خليت النسوان كلهن يشمن فى ريحتن
هههههههه
|
Post: #6
Title: Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) .
Author: كمال سالم
Date: 01-31-2013, 07:06 PM
Parent: #3
Quote:
الي ان تدخل ال 40 ... بعدها ... وانا عمك ...ما تشم منها الا ريحة ( الفكس و أبوفاس ) .. |
ابو اليا ... كيفك ياجميل
ياخ اربعين شنو ؟ هسه العروس بتشم فيها ريحة الفيكس خليط مع ريحة الطلح ,,, حاجه عجيبه كده !
لكن بينى وبينك هسه انت بعد ربع قرن من الزواج مره مره ما قاعد تشمها ؟ مافيها حاجه ياخ ,, كلنا قاعدين نشمها .
يا اسمارت ماتشيلى هم الحكومات ,,, حكوماتنا الكوامر ديل ناس مسلسلات بس .
|
Post: #9
Title: Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) .
Author: يحي قباني
Date: 01-31-2013, 07:24 PM
Parent: #6
Quote: ابو اليا ... كيفك ياجميل
ياخ اربعين شنو ؟ هسه العروس بتشم فيها ريحة الفيكس خليط مع ريحة الطلح ,,, حاجه عجيبه كده !
لكن بينى وبينك هسه انت بعد ربع قرن من الزواج مره مره ما قاعد تشمها ؟ مافيها حاجه ياخ ,, كلنا قاعدين نشمها .
. |
ابو كمال يا جميل ...
ههههه ... قلت لي من هي عروس القصة بقت بايظة ...
الله يديك العافية يا بديع ...
| Quote: يا اسمارت ماتشيلى هم الحكومات ,,, حكوماتنا الكوامر ديل ناس مسلسلات بس |
من نعمة الله علي العباد ان جاب ليهم المسلسلات التركية ... من ذوات المليون حلقه ...
اللهم اشغلهم بانفسهم يا رب العباد ...
|
Post: #10
Title: Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) .
Author: يحي قباني
Date: 01-31-2013, 07:29 PM
Parent: #9
Quote: بالجد ياباشمهندس
تابعتك من بوست ناس المنبر الجوه بى وش وبره بى وش
وخليت المنبر كلوا يتلفت ويتضاير
لحدى البوست دا
خليت النسوان كلهن يشمن فى ريحتن
هههههههه |
دكتور بله ...
والله ما شناف ... لكني راجل متفائل ...
بس تقول لي منو ...
اما موضوع ابوفاس ... والله بس ذكرني ليهو صاحبنا ( المسنفك ) ده ...
|
Post: #11
Title: Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) .
Author: smart_ana2001
Date: 01-31-2013, 07:52 PM
Parent: #10
| Quote: سمارت ... دخلتي مرحلة ابوفاس ولا شنو ؟؟؟ |
يا مستر قبانى يا اخى سنة 1990 دى (لو كان عمرك بالجد 30 سنة) انا عمرى (الزمن داك) كان اقل من نص عمرك . بس ما ح اقول ليك اقل بكم. :)
| Quote: يا اسمارت ماتشيلى هم الحكومات ,,, حكوماتنا الكوامر ديل ناس مسلسلات بس |
انا عاوزه رقم تلفون حكومة كمال سالم و الجائزة ipad
للقراء خارج المنبر الرجاء المرسلة على
[email protected]
__________________________________________
حكومة مستر قبانى برضو
|
Post: #13
Title: Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) .
Author: smart_ana2001
Date: 01-31-2013, 07:54 PM
Parent: #11
| Quote: لكن بينى وبينك هسه انت بعد ربع قرن من الزواج مره مره ما قاعد تشمها ؟ مافيها حاجه ياخ ,, كلنا قاعدين نشمها . |
رد يا قبانى ...رد....رد الله غربتك*
__________________________
* دى عاد ما عارفنها بالنسبة ليك سمحة ام كعبة
|
Post: #20
Title: Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) .
Author: يحي قباني
Date: 01-31-2013, 08:10 PM
Parent: #13
Quote: رد يا قبانى ...رد....رد الله غربتك*
__________________________
* دى عاد ما عارفنها بالنسبة ليك سمحة ام كعبة |
يعني اتغزل في الكريستيان ديور ؟؟؟
|
Post: #14
Title: Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) .
Author: يحي قباني
Date: 01-31-2013, 07:58 PM
Parent: #11
| Quote: يا مستر قبانى يا اخى سنة 1990 دى (لو كان عمرك بالجد 30 سنة) انا عمرى (الزمن داك) كان اقل من نص عمرك . بس ما ح اقول ليك اقل بكم. :) |
مسأله في الرياضيات ...؟؟؟
مسز اسمارت ...
نسيت حاجه ... المرأه العاملة مفروض تطرح 5 سنين من السن القانوني للفكس و ابوفاس
يعني مفروض تكوني بديتي المراسلات مع ناس السعودية ...
ابوفاس ده الا السعودية و ما جاورها ....
|
Post: #12
Title: Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) .
Author: سلمى تاور
Date: 01-31-2013, 07:53 PM
Parent: #10
إذا كانت رائحة الفكس المنبعثة من زوجة (مريضة) هي عذر ل(طيارة عين) الزوج
فماذا عن رائحة (التمباك و السجائر) التي لا تفارق بعض الازواج
دي ممكن تكون عذر لشنو ياربي ؟؟؟
|
Post: #15
Title: Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) .
Author: كمال سالم
Date: 01-31-2013, 08:01 PM
Parent: #12
Quote: فماذا عن رائحة (التمباك و السجائر) التي لا تفارق بعض الازواج
دي ممكن تكون عذر لشنو ياربي ؟؟؟ |
يا سلمى رائحة التمباك والسجاير برضو بقت تتشم فى بعض الزوجات .
|
Post: #16
Title: Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) .
Author: يحي قباني
Date: 01-31-2013, 08:08 PM
Parent: #15
| Quote: إذا كانت رائحة الفكس المنبعثة من زوجة (مريضة) هي عذر ل(طيارة عين) الزوج |
ما قريتي بين السطور يا سلمي ...
القصة ما بس الفيكس و ابوفاس ...
ال package كلها ... دفعته .. و كده ...
بعدين الرجل البسف و بيدخن ده ... العروس اخدته من يومه كده ...
عارفاهو حُقتو في جيبو و علبة البنسون كانت بتغني ليها ... ( البنسون حسابو علي ) ...
لكن هو ( العوير ) لما كيّسها في الجامعه ... وتوجوا الحب الخرافي بالعرس ...
ما قايل القصة حتصل لحد الاسنافيك ... ولكنها المقادير ....
|
Post: #18
Title: Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) .
Author: سلمى تاور
Date: 01-31-2013, 08:09 PM
Parent: #15
| Quote: يا سلمى رائحة التمباك والسجاير برضو بقت تتشم فى بعض الزوجات . |
و الفكس برضو بتشم في الكثير من الازواج
|
Post: #19
Title: Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) .
Author: Rawia
Date: 01-31-2013, 08:10 PM
Parent: #12
الجميلة في الرجال
لا بيعيوا ولا بيكبروا ولا بتتيبس مفاصلهم من قعدة الاوض المكيفة 24ساعة
|
Post: #17
Title: Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) .
Author: عاطف عمر
Date: 01-31-2013, 08:09 PM
Parent: #1
الحبيب د. حيدر بدوي صادق ( زميلنا في المنبر)
وزوجته الأخت الحبيبة أسماء
من ألطف البشر الذين يمكن أن تصادقهم أو تجالسهم
يمتاز حيدر ( ضمن حاجات كتيرة ) بـ شوتاته الضفارية التي تجعل جميع من الجلسة يتضايرون
كنا في جلسة أسر صديقة ذات مساء
تفرع الحديث لأحد معارفنا الذين تزوج حديثاً ( للمرة الثانية ) فتساءل د. حيدر ببراءة مطلقاً قنبلته
" هو الزوول دا إتزوج تاني مالو ؟؟ مرتو عدت التلاتين ولا شنو ؟؟ "
ضحك الرجال ( سراً ) وخبثاً و ( تضايرت ) النساء
الوحيدة التي كانت ( تقهقه ) كانت زوجته أسماء التي أردفت
" ياخوي كان التلاتين دي ياها السبب البرر ليهو عندك ، إنت زاااتك أمش حصلو ، أنا عديت التلاتين دي من زمااااان "
_____________________
سلامات يا دفعة
|
Post: #21
Title: Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) .
Author: يحي قباني
Date: 01-31-2013, 08:14 PM
Parent: #17
Quote: الجميلة في الرجال
لا بيعيوا ولا بيكبروا ولا بتتيبس مفاصلهم من قعدة الاوض المكيفة 24ساعة |
مش كده بالله يا راوية ...
فلسفة ساكت ...
|
Post: #22
Title: Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) .
Author: يحي قباني
Date: 01-31-2013, 08:16 PM
Parent: #21
Quote: " هو الزوول دا إتزوج تاني مالو ؟؟ مرتو عدت التلاتين ولا شنو ؟؟ "
ضحك الرجال ( سراً ) وخبثاً و ( تضايرت ) النساء
الوحيدة التي كانت ( تقهقه ) كانت زوجته أسماء التي أردفت
" ياخوي كان التلاتين دي ياها السبب البرر ليهو عندك ، إنت زاااتك أمش حصلو ، أنا عديت التلاتين دي من زمااااان " |
عاطف يا دفعه ...
نويت ولا شنو ؟
|
Post: #25
Title: Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) .
Author: سلمى تاور
Date: 01-31-2013, 08:39 PM
Parent: #21
| Quote: ما قريتي بين السطور يا سلمي ... |
قريت
لكن إستفزتني فكرة أنو دة ممكن يكون عذر لطيارة العين
العينه طايرة ما بحتاج لعذر
Quote: لكن هو ( العوير ) لما كيّسها في الجامعه ... وتوجوا الحب الخرافي بالعرس ...
ما قايل القصة حتصل لحد الاسنافيك ... ولكنها المقادير .... |
يا راجل !!!
حب خرافي عديل كدة !!!
حب خرافي تجهجهُ ريحة فكس_ بكل ما تحملهُ هذه الرائحة من دلالات !!!
الحب دة غيروه !!!
|
Post: #23
Title: Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) .
Author: عاطف عمر
Date: 01-31-2013, 08:26 PM
Parent: #17
صديقي - المهندس الميكانيكي - ( س ) رجل نادر المثال
أفنى سنوات عزيزة من شبابه متحملاً مسؤولية أسرته وتعليم أشقائه
لم ( يتذكر ) موضوع الزواج إلا بعد أن شارف الخامسة والأربعين من عمره
قلت له مداعباً ذات يوم من أيام زواجه
" بختك يا عم - الصبر جبر - إنت ح تتزوج من موديلات 2005 مش زينا نحنا إتزوجنا من موديلات الثمانينات "
تزوج الرجل زواج ( مرتب )
وبعد حضور الزوجة وشوية تعارف ،
بتعرفي فلانة ؟؟
أيوا بعرفا كانت الدفعة القدامنا في الثانوي العام
طيب بتعرفي فلانة ؟؟
أيوا بعرفا دي برضها كانت الدفعة القدام القدامنا في الثانوي العالي
وهكذا
وصاحبنا ( الذي يعرف فلانة وفلانة ) يشيل ويحسب ..
يجمع ويطرح
يطرح ويجمع إلى أن وصل للعمر ( الحقيقي ) لبعلته العروسة
إتصل على ذات يوم
" تقول لى موديل 2005 ؟؟ وحياتك لقيت ليك العروس زى ناسكم موديل الثمانينات لكن بس ( مصدرة ) في 2005 "
|
Post: #24
Title: Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) .
Author: عاطف عمر
Date: 01-31-2013, 08:29 PM
Parent: #1
Quote: عاطف يا دفعه ...
نويت ولا شنو ؟ |
تاااااااااااااااني ؟؟
|
Post: #26
Title: Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) .
Author: Balla Musa
Date: 01-31-2013, 08:51 PM
Parent: #24
اسمارت انا
وسلمى تاور
وراوية
غايتو ياباشمهندس باقى الرابعة
وتانى الشافك خلطت الفكس مع أبو فاس ماكذب!
|
Post: #27
Title: Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) .
Author: smart_ana2001
Date: 01-31-2013, 09:02 PM
Parent: #26
ابيت ترد يا مستر قبانى ???
شكلك ممسوك جامد
|
Post: #28
Title: Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) .
Author: يحي قباني
Date: 01-31-2013, 09:06 PM
Parent: #27
Quote: ابيت ترد يا مستر قبانى ???
شكلك ممسوك جامد |
سلامة النظر يا سمارت ...
الظاهر لازم تستعجلي كوتة ابوفاس بال UPS
|
Post: #29
Title: Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) .
Author: يحي قباني
Date: 01-31-2013, 09:09 PM
Parent: #28
| Quote: غايتو ياباشمهندس باقى الرابعة |
رابعة بس يا دكتور ؟؟؟
انت ما عارف تفسير
مثني و ثلاث و رباع
يعني 2+3+4
يعني تسعة ...
|
Post: #30
Title: Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) .
Author: يحي قباني
Date: 01-31-2013, 09:17 PM
Parent: #29
| Quote: " تقول لى موديل 2005 ؟؟ وحياتك لقيت ليك العروس زى ناسكم موديل الثمانينات لكن بس ( مصدرة ) في 2005 |
الحق عليكم يا دفعه ...
ما نورتو الراجل ...دايرين تشمتو فوقه ...
تعرف يا عاطف ...زمان محمود يس
كان عندو فلم بيقول فيهو بعد ما يسكر شديد كده و الظاهر كان الفكس في اعلي درجاته ...
يفول :
" انا زعلان من كل الرجال ...
زعلان من الاتزوجوا قبلي و ما قالوليش ...
و من الاتزوجوا بعدي ... وما سالونيش " ...
|
Post: #31
Title: Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) .
Author: Muna Khugali
Date: 01-31-2013, 09:21 PM
Parent: #29
الرسول كيب لي معاك فيكس من الشفخانة كرعيني واجعاتني دارات أنكسرن..
ومر علي سعاد بت يحي قولها الكركار وينو ماجبتي جسمي كلو إنشقق من الصقط..
وما تنسي تغشي في دربك تجيب لي سعوط معاك..(حوقتي) فاضية من الظهرية وغالباني القعدة..
|
Post: #32
Title: Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) .
Author: يحي قباني
Date: 01-31-2013, 09:28 PM
Parent: #31
Quote: الرسول كيب لي معاك فيكس من الشفخانة كرعيني واجعاتني دارات أنكسرن..
ومر علي سعاد بت يحي قولها الكركار وينو ماجبتي جسمي كلو إنشقق من الصقط..
وما تنسي تغشي في دربك تجيب لي سعوط معاك..(حوقتي) فاضية من الظهرية وغالباني القعدة.. |
مني ما تشاغليني بالله ..
انا قاعد اتفرج علي داليا حافظ ...
عقيبال ما نشوف اسمارت و دينا
|
Post: #33
Title: Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) .
Author: محمد عوض السيد
Date: 01-31-2013, 10:10 PM
Parent: #24
سلامات عوافي
قباني وكل زوار البوست
Quote:
والله مش عينه بس تطير انا المنو اطير ما ارك زاتو ... |
بنات الدفعة بالجامعة الكانن سمحات وبنضرب بيهن المثل بالله من ما عرسن خربن وبقن كيف كيف
لامن بقينا نفكر انو تاني الزول ياخد بمقياس الجمال من بعد الولدة الرابعة للنساء
مع ودي
|
Post: #34
Title: Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) .
Author: يحي قباني
Date: 01-31-2013, 10:30 PM
Parent: #33
مولانا ... أركز ...
|
Post: #35
Title: Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) .
Author: Raja
Date: 01-31-2013, 10:33 PM
Parent: #33
سلامات يحيي وضيوفو وضيفاته الما أظن ريحة فيكس حتجي منهن..
النديك النجيضة زي ما بيقولو.. الرجال البيعرًسو النسوان الأصغر منهم في العمر.. بيقصر عمرهم. والعكس صحيح.. لو النسوان عرًسن رجال أصغر منهن عمرهن وعمر العريس بيزيد.. والعهدة على المطربة صباح وجنيفر لوبيز.. لووووووول
ــــ
هو غير الواحدة تكون مع راجل ملجًن هو زاتو البيخليها تستعمل الفيكس شنو.. عليك الله خلي الطبق مستور.
نفسي أعرف ثقة الرجال في نفسهم دي جاية من وين؟!!!
الراجل أول ما يعدًي التمانية وعشرين المفروض يسكت بس. قال فيكس قال
|
Post: #36
Title: Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) .
Author: يحي قباني
Date: 01-31-2013, 11:10 PM
Parent: #35
| Quote: الراجل أول ما يعدًي التمانية وعشرين المفروض يسكت بس. قال فيكس قال |
اهااااا اشمعني 28
مره قاعدين يا رجاء مع واحد صاحبنا
اخوهو الاكبر منو عمره عمره 66 سنه وقتها
وكان قاعد معانا ...
والقصة كانت عمر الزوج و عمر الزوجة ...
قال ما تتفلسفو ...
الرجل اصلو مراحل ...
في التلاتينات شباب و قوة ...
وفي الخمسين ... خلاص يبدا العد التنازلي ...
واول ما يصل سن ال 66 خلاص موضوعه انتهي ...
( حِبَيْبِي ال 66 حقتو زاااتها ) ...
اها 66 حقتو دي زى 28 حقتك ...
يلا اشرحي لينا اشمعني 28 ؟؟؟
|
Post: #37
Title: Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) .
Author: Raja
Date: 01-31-2013, 11:27 PM
Parent: #36
| Quote: يلا اشرحي لينا اشمعني 28 ؟؟؟ |
Oooh, well...
صراحة أخدتا لاعبين الكورة مقياس. شفت ليك لعيبة بعد العمر ده عمًرو؟ إلا إستثناء (ناس ميلا والعجب حبيبي)
تعرف شنو؟ الحاجات البستعملها المرأة - إن وجدت - ريحتها فايحة، فيكس، ابو فاس.... يعني ما بتخجل منها. الدور والباقي على نصها التاني البيستخدم لبن العصفور عشان يبقى شباب وما بتتكتشف الحاجة دي إلا عند الطوارئ لما تجيهو أزمة قلبية
|
Post: #38
Title: Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) .
Author: يحي قباني
Date: 01-31-2013, 11:35 PM
Parent: #37
Quote: تعرف شنو؟ الحاجات البستعملها المرأة - إن وجدت - ريحتها فايحة، فيكس، ابو فاس.... يعني ما بتخجل منها.
الدور والباقي على نصها التاني البيستخدم لبن العصفور عشان يبقى شباب
وما بتتكتشف الحاجة دي إلا عند الطوارئ لما تجيهو أزمة قلبية |
والله ما عندنا كلام ...
خصوصا ( إن وجدت ) دي ...
|
Post: #39
Title: Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) .
Author: محمد عوض السيد
Date: 01-31-2013, 11:35 PM
Parent: #37
| Quote: البيستخدم لبن العصفور عشان يبقى شباب وما بتتكتشف الحاجة دي إلا عند الطوارئ لما تجيهو أزمة قلبية |
ضربة في الانكل ياقباني
وال 28 دي بمقياس بره والا كيف ؟
يادوب الواحد لو اتوفق بكون قبض ليه كم الف كملهم في شراء هدوم بدل المن زمن الجامعة ديك
يعرس كيف يعني
الا يبقي حاوي
و في رواية اخري كوز
مع ودي
واحترامي
|
Post: #40
Title: Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) .
Author: Raja
Date: 01-31-2013, 11:53 PM
Parent: #39
محمد عوض السيد.. سلامات
ما عشان كده قلنا ليكم أحسن يسكت. يعني هو داخل العرس وهو في المعاش (على حسبة الـ 28).
ـــ
لا.. الـ 28 دي مقياس عالمي.. زيو زي الريختر
|
Post: #41
Title: Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) .
Author: محمد عوض السيد
Date: 02-01-2013, 00:06 AM
Parent: #40
الله يسلمك يارجاء
هسي انا فت التلاتين
ولسه ما عرست
مالك عاوزة تجهجهي حساباتنا
|
Post: #42
Title: Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) .
Author: يحي قباني
Date: 02-01-2013, 00:44 AM
Parent: #41
| Quote: ما عشان كده قلنا ليكم أحسن يسكت. يعني هو داخل العرس وهو في المعاش (على حسبة الـ 28). |
منو الدخل العرس و هو في المعاش ده ؟
في حاجة فاتتني في البوست ده ولا شنو ؟؟؟
ولا ده زول عاطف عمر ؟
|
Post: #43
Title: Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) .
Author: يحي قباني
Date: 02-01-2013, 01:08 AM
Parent: #42
| Quote: مالك عاوزة تجهجهي حساباتنا |
مولانا
الوقت قدامك ما تشفق ....
ما تخلي رجاء تجهجهك ساكت ...
دي كلها نظريات ...
|
Post: #44
Title: Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) .
Author: Nagat Sid Ahmed Elshiekh
Date: 02-01-2013, 03:08 AM
Parent: #43
Quote: طوالي قلت ليها ...لو عندك زول في السعودية خلي يرسل ليك ابوفاس ...
نتيجته اسرع ...
|
قباني أبو فاس ههه يلحقنا وينجدنا....
لو العكس هو الصحيح استعمال أبو فاس في الصغر والعطور بعد الاربعين المافي شنو عملات قيقراوي.
ساخر قباني ،،
ضحكته والله شديد..
|
Post: #45
Title: Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) .
Author: يحي قباني
Date: 02-01-2013, 03:33 AM
Parent: #44
Quote: ساخر قباني ،،
ضحكته والله شديد.. |
بت الشيخ حبابك ...
معليش والله انا القصة كلها ذكرني ليها صاحبنا ( المسنفك ) ...
قمت اتذكرت قصة ابوخالد ...
يعني تاني الزول ما يتذكر ولا شنو ؟
و ابو فاس سره باتع ...
صداع يشيل...
وجع بطن ...يشيل ...
رشح و احتقان يشيل ...
|
Post: #46
Title: Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) .
Author: Rawia
Date: 02-01-2013, 03:40 AM
Parent: #45
في حاجة أنجع من أبوفاس والفكس لكن الريحة لامفر منها
أنا قبل كم أسبوع إتعسمت بعيد عنكم آها وصفوهو لي
الكمدة بالرمدة
إسمو زيت أوميقا
والله أقل من دقيقة
تنسى إنت زاتك عندك شنو كان
|
Post: #47
Title: Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) .
Author: يحي قباني
Date: 02-01-2013, 03:54 AM
Parent: #46
Quote: والله أقل من دقيقة
تنسى إنت زاتك عندك شنو كان |
اقل من دقيقة ؟؟
طيب ناس الشربه ما يجربوهو ده ...
بالله ارفعي صورة العلبه يا راوية ....
|
Post: #48
Title: Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) .
Author: Rawia
Date: 02-01-2013, 04:03 AM
Parent: #47
قباني إنت تأمر
_____
صراحة عندي مصلحة معاك
عاوزة أقضيها
|
Post: #49
Title: Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) .
Author: يحي قباني
Date: 02-01-2013, 04:07 AM
Parent: #48
Quote: صراحة عندي مصلحة معاك
عاوزة أقضيها |
من العين دي قبل العين دي يا بت العباسي ...
|
Post: #50
Title: Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) .
Author: عاطف عمر
Date: 02-01-2013, 04:37 AM
Parent: #49
Quote: في حاجة فاتتني في البوست ده ولا شنو ؟؟؟
ولا ده زول عاطف عمر ؟ |
أركز يا قباني
راجمات رجاء العباسي لا تصد ولا ترد
عاطف عمر بتاع فنيلتك
دا كلامك براك وكلام السعودي المخرف صاحبك دا
________________
عشان تاني تجى المولد بدون فكس
|
Post: #51
Title: Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) .
Author: يحي قباني
Date: 02-01-2013, 04:43 AM
Parent: #50
Quote: أركز يا قباني
راجمات رجاء العباسي لا تصد ولا ترد |
شنو يا دفعه ...
خلاص صحيت و داير تزوغ ؟
بنات العباسي ديل صاحباتي ... ما تخاف علي اخوك ...
عموما انا زول نوم بعد ده ...
والله الليله كنت ماجز و استمتعت ايما متعه بالبوستات ..
امنتك البوست ده بالذات يا هندسة ...
ما يفلت ....
|
Post: #52
Title: Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) .
Author: عاطف عمر
Date: 02-01-2013, 05:17 AM
Parent: #51
Quote: امنتك البوست ده بالذات يا هندسة ...
ما يفلت .... |
ياخوي الكضب خيبة والأمانة حاااارة
بوستيك دا لو قلت ليك بقرب منو أكون كضبت عليك
الأيام دي أيام ( زعمطة )
والله البرالمة بى هناك لمو ليك في دينا خالد بـ ( طولة لسانها ) لحدي ما قالت الرووب
أى والله قالت الرووب الروووب صراحة كدا
ومجموعة تاني لمت ليك في حسين ملاسي ( بكل تاريخه ) لحدي ما طفش خلى ليهم البوست
تاكل نارك براك يا حبة
______________
نوم وتعال
تلقى رجاء ( وأخواتها ) في إنتظارك
|
Post: #54
Title: Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) .
Author: Nagat Sid Ahmed Elshiekh
Date: 02-02-2013, 03:31 AM
Parent: #52
Quote: نوم وتعال
تلقى رجاء ( وأخواتها ) في إنتظارك |
صاحين يا عاطف وكل منا له زمن مختلف في النوم ..
|
Post: #55
Title: Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) .
Author: ihsan fagiri
Date: 02-02-2013, 06:36 AM
Parent: #1
والله ضحكت ضحك
لاني بصراحه كنت شايله الفكس في يدي
لكن الحاج زاتو اديناهم مسحه
تسلم يحي قباني
|
Post: #56
Title: Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) .
Author: يحي قباني
Date: 02-02-2013, 06:45 AM
Parent: #55
Quote:
Quote: امنتك البوست ده بالذات يا هندسة ...
تاكل نارك براك يا حبة
______________
نوم وتعال
تلقى رجاء ( وأخواتها ) في إنتظارك |
يخونك ملاح النجيلة الاكلناهو سوا في داخليات البركس يا عاطف !!!
|
Post: #57
Title: Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) .
Author: يحي قباني
Date: 02-02-2013, 07:11 AM
Parent: #56
Quote:
والله ضحكت ضحك
لاني بصراحه كنت شايله الفكس في يدي
لكن الحاج زاتو اديناهم مسحه
تسلم يحي قباني
|
احسان فقيري
مساءك جمال ...
يا زوله اتمسحوا ... الفكس و أبو فاس إكسير الحياه
بس الحاج دائر المسوح ده ولا مجبرا اخاك لا بطلا !!! هههه
|
Post: #58
Title: Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) .
Author: داليا حافظ
Date: 02-03-2013, 09:54 AM
Parent: #57
| Quote: انا قاعد اتفرج علي داليا حافظ ... |
انا اسمي مكتوب ..طيب ..
شكرا يااستاذ قباني على الفرجة ..
بالنسبة للفكس .. وغض النظر
عن المرحلة العمرية ياخ ده سخيف شديد ..ماعارفة فلسفة ريحتو القدر ده شنو ..هههه
يسقط ابوفاس ..لا للفكس ..نعم للشباب الدائم ..
|
Post: #59
Title: Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) .
Author: saidahmed shami
Date: 02-03-2013, 10:05 AM
Parent: #58
الحمد لله
لسه في مرحله الطِيبْ و الِعطِر
اللهم أدمها من نعمة واحفظها من الزوال
خارج النص مشتاقين يا قباني
|
Post: #60
Title: Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) .
Author: يحي قباني
Date: 02-04-2013, 01:26 AM
Parent: #59
| Quote: يسقط ابوفاس ..لا للفكس ..نعم للشباب الدائم .. |
ما شاء الله ...
والله شباب و نضاره ... ولا في زول قال لينا
شفناهو شفناهو وهل يخفي القمر في سماه
زارتنا كل البركة الليلة ... ونورتينا يا ست داليا ...
|
Post: #61
Title: Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) .
Author: يحي قباني
Date: 02-04-2013, 01:34 AM
Parent: #60
Quote:
الحمد لله
لسه في مرحله الطِيبْ و الِعطِر
اللهم أدمها من نعمة واحفظها من الزوال
خارج النص مشتاقين يا قباني |
يا عريس ...
انا لو منك احفظ البوست ده في ( الفيفورتز )
( إت مايت كم هاندي ون داي ). ....
مشتاقين بالأكتر يا جميل ...
|
|