بس مين يفهم.......

حلاتو فى إنو احلى برنامج إنت ممكن تعيشو فى الدنيا الزايله دي, بتكون فى حاله بتاعت تبصر دائم يعني اي موضوع تفكر فيه بتكون فيه عميق بشكل كبير جداً كميه المعلومات المتوفره عندك حوله سواء كانت وصلت ليك بأي طريقه - زول حكاها ليك, عايشتها بنفسك, مصدر موثوق, مصدر غير موثوق, شوية زائد التوم والشمار - كل المعلومات دي بتتداخل فى تفكيرك وبكون الموضوع زي الماخد شكل البازل Puzzle وكل شويه بيظهر ليك جزء منها - اللي هي المعلومه - وبترصو فى مكانو الصاح

يبقى هنا لمن تكتمل الصوره مبدياً طوالي فى حاجات بتكون مختفيه أو ناقصه ودي هي الحاجات المفروض تتعلمها بي نفسك وتسعى لي معرفتها عشان تكمل الباقى وبالمره كمان بيظهر ليك نشاز المعلومات الغلط الواصلاك بشكل باهت فى الصوره, يعني النشاز ده هو المعلومات العندك وصلت ليك بطريقه ما سليمه زي المصادر الغير موثوقه إحساس مافي محلو وساويس وعلى ذلك قس, دي بقى براها بتلاقاها غصباً عنها اتبدلت بي قطع أوضح ومتلائمه عشان تنزل فى حتتها الصاح فى البازل وتكتمل ليك الصوره

وده هنا بقى المنطق

وبما إنو حياتك ماشه فبالتأكيد المواضيع برضو ماشه فى واحدات لي فتره زمنيه معينه وبنتهو, بنتهو من ناحيه عمليه لكن تأثيره حيكون موجود وملازمك وماشي بكبر معاك و كبره هنا علي حسب اهميته لما كان عملي, يلا كده توماتيكي توماتيكي وبالتمرين حيبقى منهج التفكير ده واللي هو المنطق ديدنك فى الحياه لأنك بتلقى إنك كل ما تتبعو بكون هو الصاح والأمثل والأنسب ويا سبحان الله جل وتعالى فى ملكوته رب العزه والجلاله الواحد الأحد القهار المنزه من كل عيب خالق كل شئ - وبما إنو الخالق فهو اعلم بخلقه وادرى - ربنا خلقنا فى الدنيا دي وهو اعلم بها منا ; كيف لا وهو موجدها من العدم؟؟ وسبحانه وتعالى ارحم الراحمين هدانا إلي سواء السبيل اللذى هو الإسلام

سبحان الله منهج التفكير المنطقى بتلقاه متناسق تماماً مع تعاليم ديننا الحنيف لدرجه مذهله درجه بتخليك متيقن تماماً إنو ده هو المنهج الصاح الأمثل عشان تعيش حياتك كبني ادم فى الدنيا الزايله دي,لو اتخيلت إنو الكون ده كلو عباره عن مخلوق واحد متماسك - منطقياً ممكن تكون صاح - حتلقى إنو روح المخلوق ده العايش بيها الإسلام لأنو ماشي بتناغم وتناسق فى منتهى الإحكام لدرجه إنك ممكن تخطر فى بالك إنو الإنسان هو النشاز الوحيد فيه ولكن هيهات سبحانه الخالق المدبر العليم

كل شؤن حياتك الخاصه والعامه لو إتعاملت معاها بالمنهج الصاح اكيد كل نتائجها حتكون صاح فكيف يستقيم الظل والعود أعوج, بس حاشا عودنا الميلان

يا رب أسالك عفوك ورضاك لا مقتك حين نقول ما لا نعلم

والله من وراء القصد

Quote: وسبق وكشف تحقيق للصحفي عبد الباقي الظافر أن وزير الأوقاف أزهري التيجاني أخذ نثرية شهرية من هيئة الحج والعمرة تبلغ 200 مليون جنيه للاستخدام في "سبيل الله"! وأوقفت الهيئة النثرية بعد عدة أشهر، الأمر الذي شكل أحد أسباب الخلاف بين الوزير ومدير الهيئة أحمد عبد الله

إنا لله!!!!

كما تكونو يول عليكم


ليه لأ ....
فى نفس الوقت البتزاد فيه جرائم الإغتصاب لدرجه طفحت بيها الجرايد, وكمية المحرمات الأصبحت فى حكم العادي و الممكن ليه
هو نفس الوقت الأولياءكم فيه يقتلونكم, يسرقونكم, يغتصبونكم ولا يرف لهم طرف

هم مش برضو سودانيين؟؟


أقتبس بتصرف من كلام جورج كارلين ملك الكوميديا الواقعيه

Quote: " من اين أتى سياسونا, بالطبع لم يهبطو من السماء, اليسو هم نتاج مجتمع اميركي ولد فى تربه امريكيه وتلقى تعاليمه من مؤسساتها, هذا هو افضل ما فى نظامنا garbage in garbage out"

*

سؤال إلي هيئة علماء السودان

قال رسول الله صلى الله عليه وسلم آيَةُ الْمُنَافِقِ ثَلَاثٌ إِذَا حَدَّثَ كَذَبَ , وَإِذَا وَعَدَ أَخْلَفَ , وَإِذَا اؤْتُمِنَ خَانَ

نعلم جميعاً بأن الدين الإسلامي نهى عن إتهام الكفر للمسلم وشدد علي ذلك, و (لا أعلم) عن رأية فى إتهام النفاق, وهو درجه اعلى من الكفر الصريح وجزائه الدرك الأسفل من النار, جهنم VVVVVVVIP
وقياساً علي ذلك استصحب قصة إعتراض سيدنا عمر إبن الخطاب علي نبي الرحمه المهداه فى الصلاة علي جنازة عبدالله إبن سلول, - بالرغم عن اللغط الدائر حولها - ولكني اخذ منها فقط المفهوم العام.

فالتشديد والمنع من إتهام الكفر للمسلم , مع - ما يمكن تسميته - التهاون فى ذلك فى حاله النفاق
مع إستصحاب لعقاب وجزاء المرتد عن الدين الإسلامي - أي كفر - والذى يصل للإعدام

فما رأيكم يا سيادة الهيئه فى من تحدث للناس كثيراً ودائماً بل وسريعاً ما يتضح كذب وزور وبهتان ما يقول, وكم من موعد ضرب أضحى امامه عرقوب خواجه وساعتو مظبوطه, ومن اؤتمن - ننسى حكايه الإنقلاب - علي بلد بحالها فأحالها ممزقه جائعه مريضه جاهله ميته فما بعد هذا من خيانة لأمانه احق بها الرفعه
والسمو فى كل مناحي حياتها بما فيها من خيرات حبانا بها الله.

الا يجوز لنا شرعاً قياساً علي كل ما سبق من حديث وقياساً علي عقوبه الكافر المرتد
أن تصلب هذه الطغمه فى الميادين العامه ليموتوا من الجوع والعطش.

فإن كنتم بحق ورثة الأنبياء فى الأرض اجيبوني
أو صححوني إن اخطأت

مواطن سوداني مسلم
والله أكبر

هذا الفلم يمثل صفعه فى وجه ما يسمى بالربيع العربي فى اي دولة كانت أو سيكون, يستعرض هذا الفلم قصه الأسطوره لنكون
رئيس الولايات المتحده فى اثناء فتره الحرب الأهليه الأمريكيه, يركز الفلم علي المسببات الرئيسيه للحرب وإدارة لنكون لها
والتي هي عصب الفلم.
صفعه فى وجه الربيع العربي بكل المقاييس لأن الوضع فى الولايات المتحده قبل الحرب كان مستقراً سياسياً بدرجه كبيره
وكل ما يحلم به ثوار اليوم كان يومذاك واقعاً ملموساً ومعاشاً, وما الحرب الأهليه إلا لإرساء اخر لبنه فى طريق التقدم لأن
هدفها كان يعد الاسمى فى زمنه - إلغاء العبوديه - أما من ناحيه النزاهه وحكم الشورى وكل مفاهيم الحكم الصحيحه كانت
محققه ولا خلاف عليها فى نهايات القرن الثامن عشر, فأين هم الأن؟؟ بل أين أنتم؟؟؟

بون شاسع

باعو التلفزيون........

ناهيك عن إنو الموضوع لسه ما تم, بس كون إنو الفكره ذاتها تخطر علي بال المسؤول دي المصيبه, لا يعني تاني اي مسؤول يبيع
التحت يدو؟؟؟؟؟؟

إعلان حكومي
تعلن حكومة جمهورية السودان عن طريق جهاز الأمن الوطني عن بيع اكثر من 60 مليون لباس مختلف المقاسات والألوان
مناسب لجميع الأعمار والفئات السكانيه.
ملحوظه: يوجد مواطن هديه مع كل لباس

1\1\2017

السلام عليكم وحللت سهلا عزيزي عماد

ومبروك الباسويرد


حبذا كان للبوست موضوع واحد حتى تسهل المتابعه والمشاركة

خصوصا من برلوم لم يعرفه خاله على الاقل!

مرحب بسيد الفاهمين خالي العزيز ود الخليفه, بكري غايتو ما قصر معانا فى حملة باسوورد لكل مواطن وبقينا من ناس الحوش اخيراً

بالنسبه للفهم السانتكاوي فى الحته دي انو الناس ما واحد ممكن تكتب حاجه ما كل الناس تهتم بيها و عادي سطر يقلب الدنيا
يعني اعتبر البوست ده زي شوبنق مول خش واكيد حتلقى البعجبك.

وبعدين من الموضوع استايل وكده واي شيخ بي طريقتو اهو دي طريقتي, مجموعة اراء فى امور الحياة بمختلف انواعها
اتفضل علينا وشوف الراي الكويس معاك وثني عليه, الضدك ورينا, ويا حبذا الغلط تصلحو.

تحياتي

"اللهم حبب إلينا الإيمان وزينه في قلوبنا، وكره إلينا الكفر والفسوق والعصيان، واجعلنا من الراشدين"
صدق المصطفى الذى لا ينطق عن الهوى

إن الفاتح بهذا الدعاء لا يود من الناس إلا ترديده وإتخاذه منه سنه لعلم المصطفى الأهميه البالغه لحب الإيمان فى قلب العبد
, ووالله لو تتبعت ادعية الرسول لوجدتها تخاطب صميم القلب واساس علاقه المخلوق بالخالق من الجانب الروحي البحت
, بجانب الأحاديث التي توضح وتبين وتنهى وتأمر فى امور الدنيا, و سبحان الله لاحظ ان الرسول يدعي بهذا الدعاء وهو يعلم
بأن الله غفر له ما تقدم من ذنبه وما تأخر, أي افعل ما شئت فهو مغفور هكذا غفران لا يتأتي إلا لمن لمس حلاوة الإيمان فى قلبه
فأصبح الإيمان منهجه فى الحياة يسمو فوق كل شئ دنيوي مهماً كان, هنا تصبح نفسك ساميه فوق الدنيا بما فيها من زخرف
وملذات مهما كانت.

من تجليات مراحل حب الإيمان حديثه صلوات الله وسلامه عليه لسيدنا بلال إبن رباح امراً به رفع النداء للصلاة بقوله
"أرحنا بها يا بلال"

بالله عليك وبينك وبين نفسك فقط تساءل هل جربت يوماً حلاوة الصلاه أو حلاوة اداء العبادات؟؟؟

صدقني...
هناك مرحله من حب الإيمان وقوته تجعلك تنظر إلي الدعاء فى اعلاه بأنه دعاء من ضعيف يرجو أن يسمو إلي مستوى
من قوة الإيمان بالله واليقين به يملأ قلبه وينور دنياه, هناك درجه عزيزي يمكنك وصولها بحيث تستغفر الله العلي العظيم
بعد أن تجامع إمرأتك حلالك لا لشئ ولأنما وجدت نفسك متعه فى الحياة الدنيا نافست متعه العباده من صلاه أو دعاء
أو تسبيح فى قلبك.

إنا لله

استغفر الله العلي العظيم وأتوب إليه
اللهم حبب إلي الإيمان وزينه فى قلبي وقلوب المسلمين يا الله