|
Re: يا مُغتربين .. مكان العضّة وين ؟ (Re: صبري طه)
|
عندي صاحبي شابكني تعال الإمارات ...
قُلت ليهو قالوا ما بتقدر توفّر فيها قروش كويسة ...
قال لي ياخ الرواتب عالية وحتقدر توفّر فيها .. ولو جيت من بدري هسّي كان بقيت أرباب
قُلت ليهو لا خلااااااص أهو شايفك بقيت جلال إدريس (إسمو جلال)
| |
|
|
|
|
|
|
Re: يا مُغتربين .. مكان العضّة وين ؟ (Re: kamal omer)
|
وعليكم السلام أخي كمال عُمر ...
Quote: يا خي أنا مغترب ، فبالله لو عرفت ورينا معاك |
توقعاتي عشرة سنة أقل أو أكثر الخليج سيتغيّر وما أظن يستوعبنا .. عشان كدا الهجرة أو الصبر على ضنك العيش في السودان ...
والأخيرة أنا شايف أحسن .. على الأقل بتكون عشت سنوات عُمرك وسط أهلك وأصحابك ...
| |
|
|
|
|
|
|
Re: يا مُغتربين .. مكان العضّة وين ؟ (Re: صبري طه)
|
كان للخليج ياها سعوديتك دي الصرف قليل و الاسعار معقولة وما عندهم الخوتة الاستهلاكية الفي دبي مثلا بس مشكلتهم مستوى الرواتب عموما ضعيف عايز تستفيد منها تبدا ليك شغل جانبي أو تجارة بالإضافة للوظيفة تاني الكويت ممتازة لكن مقفولة على السودانيين وعايزة واسطة زي الواسطة أو حظ عجيب حتى تلقى فيها فرصة البحرين وعمان انسى الإمارات و الدوحة معقولات لو بتسيطر على صرفك مع المغريات و الغلاء, بالنسبة للسودانيين في مشاكل و تضييق في الفيز الجديدة بصورة غير رسمية لكنها موجودة المكسب الحقيقي في الإمارات تبدأ أو تشارك في بزنس خاص بيك مع الفاسيلتس المتوفرة وعدم الضرايب المباشرة و طبيعة السوق الزلم و الهنود عملوا ملايين عديل كدا
اوروبا و امريكا دي بلد هجرة يابا ما بتوفر نعم لكن بتعيش كويس و ميتينك بطلع من الضرائب ناس النرويج السويد حاجة تمام لكن باب اللجوء قفل اسي إلاّ تشوف ليك قراية وتعرّس ليك واحدة من مواطنات البلد
| |
|
|
|
|
|
|
Re: يا مُغتربين .. مكان العضّة وين ؟ (Re: محمد البشرى الخضر)
|
Quote: كان للخليج ياها سعوديتك دي الصرف قليل و الاسعار معقولة وما عندهم الخوتة الاستهلاكية الفي دبي مثلا بس مشكلتهم مستوى الرواتب عموما ضعيف عايز تستفيد منها تبدا ليك شغل جانبي أو تجارة بالإضافة للوظيفة تاني الكويت ممتازة لكن مقفولة على السودانيين وعايزة واسطة زي الواسطة أو حظ عجيب حتى تلقى فيها فرصة البحرين وعمان انسى الإمارات و الدوحة معقولات لو بتسيطر على صرفك مع المغريات و الغلاء, بالنسبة للسودانيين في مشاكل و تضييق في الفيز الجديدة بصورة غير رسمية لكنها موجودة المكسب الحقيقي في الإمارات تبدأ أو تشارك في بزنس خاص بيك مع الفاسيلتس المتوفرة وعدم الضرايب المباشرة و طبيعة السوق الزلم و الهنود عملوا ملايين عديل كدا
اوروبا و امريكا دي بلد هجرة يابا ما بتوفر نعم لكن بتعيش كويس و ميتينك بطلع من الضرائب ناس النرويج السويد حاجة تمام لكن باب اللجوء قفل اسي إلاّ تشوف ليك قراية وتعرّس ليك واحدة من مواطنات البلد
|
ود البُشرى كلامك كلام زول عارف
ــــــ عشان كدا غُلاط نهي هي :)
| |
|
|
|
|
|
|
Re: يا مُغتربين .. مكان العضّة وين ؟ (Re: صبري طه)
|
الاخ صبري طه تحياتي
بالنسبة لدول الخليج اعتقد انو السعودية هي افضل دولة ممكن توفر فيها ..
خاصة انو مستوى الرواتب فيها لاصحاب الخبرات اعلى من بقية دول الخليج ..
وفرصة الحصول على وضع مميز فيها اكبر ..
الاسعار فيها gلسكن والاكل والشرب ارخص ..
وكلامي دا من خلال بحث واتصالات قمت بها من قبل بحثاً عن التغيير ..
| |
|
|
|
|
|
|
Re: يا مُغتربين .. مكان العضّة وين ؟ (Re: عمار محمد ادريس)
|
اول يجب تعريف معنى قروش كويسه لان القروش فى حد ذاتها ما غايه ومع تأمل اغلب الاحوال نجد مغتربين حالتهم اسوء من المقيمين ونرى العكس ونرى فى دول الفرنجه ناس حياتها اسوء من العايشين فى الدول العربيه يعنى هى فى الاخر رزق انت بتسعى فى حدود معطياتك يعنى حسى لو قالوا ليك كندا ماشى بكره تسافر كندا طوالىىىىىىىىىىىىىىىىىىىى :))))
| |
|
|
|
|
|
|
Re: يا مُغتربين .. مكان العضّة وين ؟ (Re: رانيه محمد الشيخ)
|
Quote: اول يجب تعريف معنى قروش كويسه لان القروش فى حد ذاتها ما غايه ومع تأمل اغلب الاحوال نجد مغتربين حالتهم اسوء من المقيمين ونرى العكس ونرى فى دول الفرنجه ناس حياتها اسوء من العايشين فى الدول العربيه يعنى هى فى الاخر رزق انت بتسعى فى حدود معطياتك يعنى حسى لو قالوا ليك كندا ماشى بكره تسافر كندا طوالىىىىىىىىىىىىىىىىىىىى :)))) |
يا رانية لمّا أكون عايز أبني لي بيت .. يعني حأبنيهو بالغاية ولاّ الوسيلة ؟ القروش نعم ما غاية ولكن وسيلة بتوصّلنا لي حاجات عايزين نحقّقها ...
ونعم هي أرزاق .. ولكن توجد أسباب بتوصّلك لي رزقك .. ولو ما الأسباب دي ما كان اغتربنا من أصلو ...
| |
|
|
|
|
|
|
Re: يا مُغتربين .. مكان العضّة وين ؟ (Re: عمار محمد ادريس)
|
سلام صبري وضيوفه
كل المذكور بالنسبة لدول الحليج صحيح تقريبا بالنسبة لمستوى الدخل والصرف
لكن في مسألة التوفير دي في عوامل تانية كتيرة ما عندها دخل بمكان الإغتراب ومن أهمها الطبيعة التكافلية اللي معظم الشعب السوداني عايش بيها
يعني مساهمتك في علاج أحد الأقارب أو سفر مريض للأردن أو تكملة رسوم جامعة لولد فلان من الناس وهلما جرا
أنا ما بنتقد وضع حاصل لكن دي حقيقة لازم تختها في بالك
في شعوب تانية إلتزاماتم العائلية مقتصرة على الزوجة والأبناء وكل ستة سنة أحد الأبوين :) إلا ما ندر
يعني المصري كمثال لو جا سودانا ده زاااتو بيوفر ...فتأمل :)
| |
|
|
|
|
|
|
Re: يا مُغتربين .. مكان العضّة وين ؟ (Re: Musab Osman Alhassan)
|
وعليكم السلام أخي مصعب ...
Quote: كل المذكور بالنسبة لدول الحليج صحيح تقريبا بالنسبة لمستوى الدخل والصرف
لكن في مسألة التوفير دي في عوامل تانية كتيرة ما عندها دخل بمكان الإغتراب ومن أهمها الطبيعة التكافلية اللي معظم الشعب السوداني عايش بيها
يعني مساهمتك في علاج أحد الأقارب أو سفر مريض للأردن أو تكملة رسوم جامعة لولد فلان من الناس وهلما جرا
أنا ما بنتقد وضع حاصل لكن دي حقيقة لازم تختها في بالك
في شعوب تانية إلتزاماتم العائلية مقتصرة على الزوجة والأبناء وكل ستة سنة أحد الأبوين :) إلا ما ندر
يعني المصري كمثال لو جا سودانا ده زاااتو بيوفر ...فتأمل :) |
عشان كدا كل ما كبرت العضّة بتقدر توفّر .. وكل ما صغرت العضّة قروشك حتمشي مصروفات فيما ذكرته أنت في المُقتبس أعلاه ...
| |
|
|
|
|
|
|
Re: يا مُغتربين .. مكان العضّة وين ؟ (Re: احمد حمودى)
|
وعليكم السلام يا أحمد حمودي ...
Quote: خليك قزقز فى البد دى وواصل LOTTEY وقدم فى جميع الدول يعنى ما امريكا بس وربنا يتمم مقصدك يارب |
الكسل يا أحمد ...
ثمّ حتّة الهجرة دي أنا شايفها مفروض تكون للناس ما دون الثلاثين ...
| |
|
|
|
|
|
|
Re: يا مُغتربين .. مكان العضّة وين ؟ (Re: علي محمد الفكي)
|
تحياتي أخي علي محمد الفكي ...
Quote: بالنسبة لدول الخليج اعتقد انو السعودية هي افضل دولة ممكن توفر فيها ..
خاصة انو مستوى الرواتب فيها لاصحاب الخبرات اعلى من بقية دول الخليج ..
وفرصة الحصول على وضع مميز فيها اكبر ..
الاسعار فيها gلسكن والاكل والشرب ارخص ..
وكلامي دا من خلال بحث واتصالات قمت بها من قبل بحثاً عن التغيير .. |
أبشر طال عُمرك ... عشان كدا حأقول لي صاحبي بتاع الإمارات دا .. شوف ليك فارة غيري عشان يجيك بي غادي ...
| |
|
|
|
|
|
|
Re: يا مُغتربين .. مكان العضّة وين ؟ (Re: الشفيع وراق عبد الرحمن)
|
Quote: صبري يا خوي غايتو ود البشرى اداك النجيضة وحقو تعرش على كده
التقول شغال مستشار بتاع ركروتنق، عيني باردة
بس حكاية السعودية رواتبها ضعيفة محتاجة اعادة نظر
اجتهاد + لحلحة + مجازفة + شوية حظ وتمهابالدعاء،،،،،، و بحول الله بتظبط |
فعلاً يا الشفيع ود البُشرى كلامو فيهو النجيضة ... وإنت كلامك ما فيهو نجيضة :)
| |
|
|
|
|
|
|
Re: يا مُغتربين .. مكان العضّة وين ؟ (Re: صبري طه)
|
Quote: بس حكاية السعودية رواتبها ضعيفة محتاجة اعادة نظر
اجتهاد + لحلحة + مجازفة + شوية حظ وتمهابالدعاء،،،،،، و بحول الله بتظبط |
يا شفيع مسالة تقييم الرواتب على المتوسط العامو طبعا توجد الوظائف ذات الرواتب العالية لكنها قليلة و نوعيّة خش الرابط دا واختار كاتيقوري معيّن engineering مثلا و قارن بين السعودية و الإمارات و قطر http://www.bayt.com/en/salaries/
لكن انخفاض الصرف عموما بجيب الفرق في السعودية تعرف سعر البترول مثلا في الإمارات اربعة او خمسة اضعاف سعره عندكم و الإجارات نفس الحكاية وقس على ذلك
بالنسبة للحلحة القلتها دي اسهل حاجة تبدو بيها هي التدريس الكيري اتحرك يا صبري و جيب صبرية و خليها تبدا تدريس الاطفال وهو ما اكتر من حل الواجبات اليومية لكن عائده كويّس
| |
|
|
|
|
|
|
Re: يا مُغتربين .. مكان العضّة وين ؟ (Re: صبري طه)
|
Quote: يا مُغتربين .. مكان العضّة وين ؟ |
قريت العنوان وجيت جاري عايز اقول ليك العضة التمام في مطعم (اصحاب ذو اليد) في غبيره لكن الموضوع طلع serious .. ..
عارف يا صبري أخوي أنت بالذات من حقك تفتش على فرص أحسن ببساطة لأنك لسه زول صغير ومسؤولياتك قليله زي أنا وأبو حسين بالانجليزي ناس الاربعينات ديل خلاص قنعنا من انو الزول ممكن يعمل ليهو قروش زي الرجال بقينا في كيف توفر لأهلك وناسك عيشه كريمه تحفظهم بيها من بعدك يا زول أسعى أصلو ما تقيف يا صبري
تحياتي
| |
|
|
|
|
|
|
Re: يا مُغتربين .. مكان العضّة وين ؟ (Re: الامين موسى البشاري)
|
Quote: .... مكان العضّة وين ؟ |
صبري أخوي
Quote: الامين البشاري قريت العنوان وجيت جاري عايز اقول ليك العضة التمام في مطعم (اصحاب ذو اليد) في غبيره |
متل أخونا الامين بالضبط، أخذت الموضوع من قصير والدنيا أصلها خميس، فكرت في محل عضة والأحباب فيهم الخير، هنالك دعوة كده بالمناخ (مخرج 18) ضربتها في راسي ولكن تذكرت عنوان وصل لبريدي صباح اليوم من أحد أعزائي في حفر الباطن ولم أتردد أبداً في نفحك به، فإلى اللقاء هناك إن أستحسنت وإستوثقت الفكرة ... وعانية (كشف) مافي.
| |
|
|
|
|
|
|
Re: يا مُغتربين .. مكان العضّة وين ؟ (Re: الطيب عبد الرحيم خلف الله)
|
Quote: كان للخليج ياها سعوديتك دي |
Quote: بالنسبة لدول الخليج اعتقد انو السعودية هي افضل دولة ممكن توفر فيها .. |
Quote: بس حكاية السعودية رواتبها ضعيفة محتاجة اعادة نظر |
صبري
ومتل متل ما ذكر الإخوان محمد البشري وعلي الفكي ووراق، البلد دي تب ما في متلها، أمسك فيها قوي
وخلينا نسألك، هسي بالله عضة متل الفي صورة دي، لاقتك في بلد تاني؟
وبرضو خلينا نتاوق من وكت لآخر أو بالرقراق على السودان...
| |
|
|
|
|
|
|
Re: يا مُغتربين .. مكان العضّة وين ؟ (Re: هشام كمال عبادي)
|
ياصبري السعودية مكان العض ، لو جيت بمؤهل كويس ( اقل شي بكالريوس ) تعال ونطط من وظيفة للتانية وح تصل لمستوي معقول البلد كل ماليها ماشة تفتح في المشاريع والشركات ، وكأنهم بادين من الاول وبترولهم دا اصلو ابي يخلص ، والرواتب الصغيرة موجودة ، لكن برضو الرواتب الكبيرة والحلوة موجودة وتكلفة الحياة معقولة ناس البحرين بيجو بشترو مقاضيهم وبنزينهم من الدمام ، سواقين الشاحنات السودانيين بيهربو البنزين والجاز للامارات وببيعوها هناك باسعار اعلي ، واتمني لك التوفيق
| |
|
|
|
|
|
|
Re: يا مُغتربين .. مكان العضّة وين ؟ (Re: محمد عبد الله الامين)
|
Quote: فعلا لازم في اي مكان يكون في دخل جانبي غير الراتب
وصراحه كده شغل الراتب ضياع عمر والشغل الخاص هو المكسب في اي مكان وزمان |
تُشكر يا عزيزي ...
ولكن وبكل صراحة .. وقناعة وصلت ليها وهي:-
بلادي وإن جارت عليّ عزيزة .. وأهلى وإن ضنّوا عليّ كرام
ورزقك مكان تمش معاك .. والعُمر كلو دقائقٌ وثوان
| |
|
|
|
|
|
|
Re: يا مُغتربين .. مكان العضّة وين ؟ (Re: صبري طه)
|
Quote: تُشكر يا عزيزي ...
ولكن وبكل صراحة .. وقناعة وصلت ليها وهي:-
بلادي وإن جارت عليّ عزيزة .. وأهلى وإن ضنّوا عليّ كرام
ورزقك مكان تمش معاك .. والعُمر كلو دقائقٌ وثوان |
كان زمان ياصيري كان زمان
ووووتاني شنو تحياتي
| |
|
|
|
|
|
|
|