حاسي كده انو الايام دي بنفع معاها البيت ده. خصوصا انو الجنيه السوداني -الشقيق- شكلو داير ينتحر منو و فيهو وناس السودان عاملين ميتين ، لوسألتهم : ياجماعة الحكومة دي راضين بيها كيف ؟ يقولو ليك والله عمر البشير بفرق بينا وبضحكنا ، عشان كدة بننتظر خطاباتو بفارغ الصبر. اها ده موش مدعشر؟
وتكملة البيت : وتفشخت الفشخات في شخت الحفا وخرّ في روكة البعبعبل.
الله يطراك بالخير استاذنا عبد القادر السراج ( من اشهر المشاركين والفائزين بجائزة المطارحة الشعرية في برنامج فرسان في الميدان) هو من كتب لي الابيات فحفظتها ولاادري هل صحيحة أم لا بهذه الصورة.
اخي اسامه تحيات طيبات، الابيات هي للشاعر ليث القضنفري وهو من الهمباتة علي الارجح تنقل في الديار واخذ غير المألوف من اللغة وهاك تكملة الابيات وهي تصف الهكيذوب وحالة المسكنه والاستعفان الحاصلة لينا في بلادنا السودان
Quote: تدفق في البطحاء بعد تبهطل *** وقعقع في البيداءغير مزركل
وسار بأركان العقيش مقرنصا *** وهام بكل القارطات بشنكل
يقول وما بال البحاط مقرمطا *** ويسعى دواما بين هك وهنكل
ما شاء الله زوار من الوزن التقيل .... استاذنا يحيى قباني والدكتور السنوسي بدر لكما التحية ويا استاذنا يحيى ذكر لي الاستاذ عبد القادر السراج تلك الطرفة و (مخارجة) الراحل عبد الله الطيب منها وطبعا ساعده تمكنه من اللغة لمعرفة اين يقع (الجعلبط) . لكن اسي الجماعة الحايمين ديل بعرفو ليك الجعلبط ده شنو زاتو؟ بما فيهم الاديب الحايم في التلفزيونات مرشح جائزة نوبل وكاتب مسلسل مصري . دكتور السنوسي كيف الحال وانت حططت رحالك في بلاد العرب وخليت ليفربول لي scousers وناس ميرسي سايد الابيات متناولة باكثرمن رواية ولكن الشئ الغريب انو لا توجد ولا كلمة من الابيات في اي معجم اذكر اني بحث عن المعاني ولم اجد ما يقابلها في اي معجم. اما
Quote: وحالة المسكنه والاستعفان الحاصلة لينا في بلادنا السودان
ناس الحكومة ولا هاميهم عشان كدة بسفروا في الناس بالالاف ويصعــبو الرجوع للبلد لانهم (مشحطفحين في شحط الحفا ) لحدي ما حالتهم بقت (يكاد على فرط الحطيف يبقبق). والشعب شكلو زي البيت ده : اذا اقبل البحراط طاح بهمة *** وإن أقرط البحطوش ناء بكلكل والله اعلم. أ. محمد
Post: #5 Title: Re: ومدعشر بالقحطلين تحشرمت شرآفتاه فخرّ كالقربحطل Author: Osama Mohammed Date: 01-31-2013, 00:48 AM Parent: #4
90 جنيها استرلينيا تساوي مليون جنيه .
Quote: يقول وما بال البحاط مقرمطا *** ويسعى دواما بين هك وهنكل
Quote: سلام يا أسامة وفعلا حال السودان يحير وما مفهوم زي قصيدتك الكملا السنوسي .. فشكرا ليكم الإتنين ...
بالفعل يا إبراهيم فشكراً لهما وشكراً لك على الفيديو وشكراً لكل من مرّ من هنا على خفة الظل التي خففت علينا أثقال الظلمات
Post: #12 Title: Re: ومدعشر بالقحطلين تحشرمت شرآفتاه فخرّ كالقربحطل Author: Osama Mohammed Date: 02-01-2013, 00:48 AM Parent: #11
استاذي ابراهيم نتكلم بالدارجي احسن واسهل ياخ انت جبت قصيدةالاصمعي الادب بيها الامير - متذكر عندنا استاذ حكى لينا القصة بتاعت القصيدة دي - وبعدين وراهو يعمل شنو لمن قطع عيش الشعراء ( الشعراء ديل كانو زي الصحافة في العالم الحر يعني سلطة رابعة وكدة). وبعدين دي قصيدة صوت صفير البلبل دي موش توصف حال السودان وبس ديجابت خبرو زاتو. ده حال الشعب فولولت وولولت فلي ولي يا ويلا لي
ودي فيها كلمة بستعملوها بعض السودانيين وفتية سقوانني قهوة كالعسل لي ( العسللي ّ) وكان ما اخاف الكضب شفتها في حافلة ولا رقشة ما عارف.
الاستاذ أحمد ابكر لك الشكر على المرور والكلمات الظريفة.
Post: #13 Title: Re: ومدعشر بالقحطلين تحشرمت شرآفتاه فخرّ كالقربحطل Author: تبارك شيخ الدين جبريل Date: 02-01-2013, 06:03 AM Parent: #12
انت كمان ماتبالغ يا حبيبها ...
"اللمبي" دا دابر ليهو قصيدة براهو .. تكون من بحر "الحامض" ...
... المهم ....
Post: #14 Title: Re: ومدعشر بالقحطلين تحشرمت شرآفتاه فخرّ كالقربحطل Author: Osama Mohammed Date: 02-01-2013, 09:57 AM Parent: #13
طيب يا تبارك بعد شكري لردك اذا كان اللمبي عاوز قصيدة من بحر ( الحامض ) السودان كلوعاوز قصيدة اوقصائد من بحر ( الغامض).
عندنا موضوع زمان اشرنا ليهو انا وانت وما جات فرصة نعمل ليهو بوست ، صدف انو كان عندي وقت فاضي وقريت عنو بس ما لقيت فرصة اكتب حاجة لكن لو ربنا هون حا اجيهو وهو موضوع عن : The Illuminati متذكرو؟؟؟