ثنائية سناير و برالمة قصّة عاضّة جدا ..

شنو يا خوانا !!
دينا وملاسي دوّروكم كدا بالبساطة دي
عمرنا كلو في البورد دا معروف تصنيفات الثنائيّات كيفنّها و شكل الصراعات عامل كيف
بدت بي مستنيرين و ظلاميين
شوية شوية بقت موالاة و معارضة
اها المعارضة اتخرّتت لي هامش ومركز
و الموالاة بقت بدريين و طلقاء ما بعد الفتح
ثم جاء حين من الدهر التصنيفات بقت علمانيين وسلفيين
و شيعة ووهابية
ثم شيوعيين و حقّاوية
ثم حقاّوية باقرون و حقّاوية حليمون
وحركة شعبية vs تراجي وناسها
و اميّون و ليبراليّون
و اميّون سيدي الإمام و أميون سيد مبارك
و إتحّاديون أصل و اسامة خلف الله
ثم ظهرت ثنائية غرابة و جلاّبة
ثم ظهر الرماديّون - أجدع ناس - ضد الجميع :)
وجبهة ثورية و مهمشيها
وأخيرا و ليس آخرا خدر آمنون و خدر فتحيّون
ولفترة محدودة كانت هناك ثلاثية مبدعين و باقين وما بينهما- ديل يا قول محمد عثمان الراقصون على السلالم لا لمّو في الفوق لا نزلوا تحت ههههههههههه
وطبعا كانت ولا زالت ثنائية اسياد البلد و الوصيفاب
و جات عليها البرشلوناب و الأقلية الريالاب
أها الثنائيّات دي كلها ما سمعنا بي سناير ضد برالمة
ثم انها لا تستقيم كثنائية فالسناير ما اتولدوا سناير ولا البرالمة سيظلون كذلك
فالله يهديكم ما تعملوا خوتة بصراع متوهّم ساي
ملاسي بدوّر فيكم ما تدّوه راسكم الله يرضى علينا وعليكم

يا ود البشري نسيت مناضلين وأمنجيه..

وأخيرا سودانيزاونلاينين وفيسبوكية..

هلا يا كابتن وحبابك يا عمك
ويا عمك ده السيستم بتاع سودانيز والميكانيزم بتاعو
وثنائية برالمة سناير دي خلاص دشت السيتسم
فعشان كده الحراك الاسفيري ح يلوتها كده ويقلبها بجاي ويوديها بجاي علي قولة زيدان لحدي ما دورة حياة (الحدث تنتهي) او يجي حدث تاني يخطف الاضواء..
وبدخول ملاسي ودينا بهناك ثم دخول اماني العجب ودكتور بلة بهنوووووك
خلاص الحدث اخذ اشارة المرور والباصوريد للانطلاق ونتوقع كركبات هنا او هنووك ايضا

وعموما سنتابع او كما يقول الشهير الصادق اسماعيل حياه الغمام

يا ود البشرى ياخى انت زول كخبير " اكشن " وكيكى كخبير " تفكيكى " مفروض تستمتعوا بالحاصل ده وتضروا عيشكم ....
الخاسر الوحيد فى هذه المعركه هى مكانه دينا فى نفوسنا فقد كنا نكن لها الكثير من التقدير
اما صبيها الجديد فهنيئاً له بالدور الذى ارتضاه لنفسه ....!

Quote: بدت بي مستنيرين و ظلاميين شوية شوية بقت موالاة و معارضة اها المعارضة اتخرّتت لي هامش ومركز و الموالاة بقت بدريين و طلقاء ما بعد الفتح ثم جاء حين من الدهر التصنيفات بقت علمانيين وسلفيين و شيعة ووهابية ثم شيوعيين و حقّاوية ثم حقاّوية باقرون و حقّاوية حليمون وحركة شعبية vs تراجي وناسها و اميّون و ليبراليّون و اميّون سيدي الإمام و أميون سيد مبارك و إتحّاديون أصل و اسامة خلف الله ثم ظهرت ثنائية غرابة و جلاّبة ثم ظهر الرماديّون - أجدع ناس - ضد الجميع :) وجبهة ثورية و مهمشيها وأخيرا و ليس آخرا خدر آمنون و خدر فتحيّون

هههههههههه
أحلّى ما فيك بتجيبو من الآخر
قلنا استراحة محارب ومافي زول عبرنّا
الكُتال بقى سمة الإثارة في المنبر

تعرف مرة بكري حول الإنجمامة لمكتبتي في الربع الأخير لسنة 2012 واخوك ما جايب خبر انو أي بوست يفوت
60 صفحة بمشي للمكتبة .. انا كتبت لبكري في بوست الأرشفة رجاءً نقل البوست للربع القادم
المهم يا سيدي فتح الربع الاول لسنة 2013 واخوك يفتش وبعد ما تكمل الصفحات ابدأ من جديد وما خليت بحث ولا خليت فيسل هليل
دليلي في المنبر واخيراً كتبت لبكري بوست
اذكر عنوانه كان
هل كانت عملية مقصودة ولا سقط سهواً بوست الإنجمامة
يا ود البشرى بس15 دقيقة كان عدد الفتحوا البوست 213 شخص
بكري إتلافى الموضوع وشرح لي في مداخلة ان افتح بوست جديد بنفس الاسم
وقفل مكان الرد وبرضوا الناس تتداخل وانا إقتنعت ومشيت لكن الناس ما قتعّت

هسي قلت لي الموضوع بقى موضوع عاضي شديد .. ما انت ميكانيكي حل العضة دي
بركاتك يا ودالبشرى
تحياتيومودتي

يا هندسة نسيت ثنائية مهندسين وغير مهندسين

وإنصرافيين و وطنيين

تعرف يا ود البشري قبل كم سنة كتبت لي بوست في احد الأسافير السودانية بعنوان(آل البيت والقادمون الجدد) وكنت برلوم جديد وكانت المشكلة الأساسية هي التخوف من المشاركة في بوستات البرالمة وموضوع الشلليات

لكن الحسادة دي جديدة علي الصراحة

اللذيذة أنه فعلا في برالمة كده يخوفو وناس سطرين تلاته ديل ما بياكلو معاهم فتريتة خلي العيش :)

تحياتي يا هندسة

أبو حتوت وكيكى
طيب لو تجاوزنا المنبر الخرطوم نتجاوزا كيف؟

سلام محمد البشرى ولك كل التحايا الطيبة

تعرف والبشرى نخلى البساط احمدى معاك دخولى للمنبر دا اصلوا داخل عشان استفيد اولا ولو الشئ الكتبتوا الناس استفادت منو دا خير كتير !!!
اهاا العصبية ما معاى !!!
حكومة ومعارضة دا ينبز اهل دا ما معاى !!!
تخوين بدون دليل ما معاى !!!
زول بكهرنى ساي كدا برضوا ما معاى!!!
المنبر فيهو كل المشارب السياسة والتنوع ودا اجمل مافيهو !!!
بحترم اى متداخل لا (است###### )اى مدخلة مهما صغرت لى لانها زى السلام لازم تردو !!!!!





كلمة استوساخ :- خاصة باامين بالبروف .

لاشكو لكم يعض اعمامنا وأخوانا البرالمه يا شباب ..
الجماعه ديل طلعو حساسين شديد ..
والله صحى !!

Quote: الخاسر الوحيد فى هذه المعركه هى مكانه دينا فى نفوسنا

يا سامى دينا دى اصلها مابتخسر ,,, كسبانه طوالى يا اخوى .





ود البشرى سلامات

ثنائية دينا وملاسى ظاهره من زمان فى حاجاااات كتيره
وبالرغم من ذلك حسين ملاسى عامل متملص منها ( من الثنائيه ) .
هى لو مافى ثنائيه دينا ماتستنجد فى البورد ده كلو الا بملاسى ؟؟!!
ليه ما قالت مثلا وواااا كمالاه ؟
المحبه دى قسم ياخ !

Quote: نسيت مناضلين وأمنجيه.. وأخيرا سودانيزاونلاينين وفيسبوكية..

ايوة يا منى و كمان نسيت معيار آه ومعيار لأ
كتار هن الثنائيّات بس دايما فيهن حاجة مشتركة انو ما يجمع بين اهل كل تصنيف شي ثابت و يعوّل عليه*

هلا هلا كابتن كيكي وشايفك في الفين وطلطاشر ماشاء الله نازل الملعب باللياقة و ذات الألق القديم:) نتباشر بموسم طيب كان كدا
تعرف يا كابتن حراك برالمة سناير حدو قريب, بداية الربع الجاي و قبول الدفعة الجديدة من مجتازي فحص الحمل AKA مبرزي صورة الجواز مع صفحة الإقامة ناسنا الأسي محمبكين ديل ببقوا سناير بالتالي ينتفي الرابط البجمعهم اسي كبرالمة, اسّي قريبات دي مش كان ابو الروض الوهيط ومنو ومنو برالمة موقّفين البورد على رجل, اسي ياهوداك ليهن سناير يقدلوا زي العجب :)
فالكركبات الحاليّة و المتوقعة ما في ليها داعي اصلا إذ انّها كركبات في غير معترك حقيقي
عموما سنتابع برضك و التحية و الإمنيات للصادق اسماعيل

يا سامينا
خبير آكشن أي نعم عشان كدا بفرز الآكشن النضيف من الصيني
الشغلة دي ما مستاهلة, او على الأقل ما بالصورة و التكتّلات دي
بعض البرالمة اكيد ما يجمعهم بملاسي مثلا اكبر و اقوى مما يجمعهم بباقي الدفعة
و تصنيف برالمة بصراحة ظالم ليكن, فيكم الشيوعي و الوهابي و الشيعي و المونسّاتي و المناضل و سائر الوان الطيف و الما طيف
كونوا تنساقوا كدا وراء حشركم في بوتقة برالمة بتلغي استقلاليّتكم
كذا الحال بالنسبة لقولة سناير مستحيل تجمعوا الناس هنا وتصنّفوهم تحت راية واحدة و البعض هنا في الشرق و الآخر في الغرب
وكدا كدا حدّها قريب مسالة برالمة دي فما تاخدوها بجديّة اكتر من اللازم

هلا هلا يا منسي
يازول وينك مالك ما جيت العين؟
الجايات اكتر من الرايحات ان شاء الله
في المسألة العاضة دي براها بتفك اصبر لها شوية

Quote: هلا هلا يا منسي يازول وينك مالك ما جيت العين؟ الجايات اكتر من الرايحات ان شاء الله في المسألة العاضة دي براها بتفك اصبر لها شوية

ههههههههههههههههه
وعدت صاحبك ولابس وقاعد في حجر من الصباح منتظرو
لكن زي الله عارف وانت عارف وانا عارف
عربتو ما بركب في ( ذكور ) قال لي
هي اسمها عربية ( مؤنث )

الجايات أكتر من الريحات وبشوفك يا جميل الروح

.......كوجانتين....

ايك يا مصعب ولسّة الثنائيات كتيرة لو حاولنا نحصرها ما بنخلص البورد دا مدوّر هرجي زي دا قريب العشرة سنة كل ربع بكون في ثنائيتين تلاتة
مسالة المشاركة و التخوّف دي طبيعية إلى حدما, ما انت ما عارف الزول دا بقبل المزاح مثلا أو ممكن يفهمك غلط وانت عارف انو هنا لغة جسد مافي ياها الكتابة دي
و سهل انو يخونك التعبير و تتفهم غلط, لكن الناس بعد فترة بتفهم بعض و بتبيّض النيّة و الامور بتسلك
وما في حسادة ولا حاجة ملاسي سطرينه ديل من شدة ما عاجباتنه عملبهن قيد صحفي و بقن يتنشرن جمب اعمدة تقول أنا انا مرات تحتهن ومرات لا فوق :)
فالعايز اقولوا شنو ما تقروا كلام ملاسي و غيره من الأعضاء على غير صورته الحقيقية المسالة لا تعدو تدوير و تهكّم عادي هنا في سودانيز
وعمرها ما قصة برالمة ضد سناير

يا بلّة ياهو ملاسي وياها تدويراته وما غريبة عليك
تتقري في سياقها و يترد عليها كذلك في نفس السياق
لكن ما تصنيف و ثنائية

وعليكم السلام علي رفاي و لك مثل تحاياك الطيبة و اكثر
تمام يا قريبك الموتو بتاعك مثالي و اي شي
لكن النحدّسك
مااااااا تاخدو بالجدية الشديدة دي, مرة مرة كان جاك مزاج استوساخ ما تحرم رقبتك :)

اي و الله يا مشرف الحساسية الأخدوا بيها البعض الموضوع ما عجبتني

تحية طيبة

ود البشرى اسعد الله اوقاتك بكل خير

و

ما بين الفجر الجديد والعضو الجديد ........ضل المداد

فخور لكوني هنا ...

كل امنياتي أن نقدم ما يشفع لنا امام القادمين من رحم الغيب

مرحب بيك يا جنيد
كلامك سمح بالحيل لكن الأسمح تقدّم ما يشفع لك أمام نفسك و يرضيك انت أولاً


بمناسبة الفجر الجديد

آخر ثنائية كانت بين الفجراب و النصلاب :)

وعليكم السلام ابو كمال

Quote: ليه ما قالت مثلا وواااا كمالاه ؟ المحبه دى قسم ياخ !

ههههههههههههههه
اقعد دردق لي في رقبتك , اسي دي ما هاك جيب قون عديل كدا

باعك يا منسي
يا حليك صحي اسم على مسمى المنسي :)


يا برالمة اي بوست ترحيب اتفتح بعد بوست ملاسي ما يدخل زمّتكم بنكلة

من زمان وين ههههههههههه

___________________________________________

فوق عملت نجمة على عبارة لا يعوّل عليه و نسيتها
المهم مهداة للبروف أمين

Quote: و اميّون سيدي الإمام و أميون سيد مبارك

أميون دي يا عمك دايرة ليها ( حاشية ) وتوضيح نسبة
لو أخدنا المعنى القريب - على قول أخوانا الجمهوريين - ح تبقى الحكاية حكاية

كلها اسقاطات لثنائية هلال مريخ السودانية :)

ملاسي سغيل يا ود البشرى

بقنطر في البرالمة وعاوز يهز الغربال عشان ينفرزهم من بدري
ما عاوز يستنى للطبيعة وقوانين المنبر تفعل فعلها بتلقائية

وبالمناسبة الراكزين من غيرهم حقيقي ظهروا في بوست ملاسي
والمنبر موعود بشباب حلوين وزي الورد واضافات حقيقية
وكمان موعود بكوارث

Quote: بقنطر في البرالمة وعاوز يهز الغربال عشان ينفرزهم من بدري ما عاوز يستنى للطبيعة وقوانين المنبر تفعل فعلها بتلقائية

يا هندسة صباحاتك بيضا
الإتنين احبابي و مبيّضين النية معاي وما بمشوا على المعني الما ياهو
بعدين كان قلتها امويون الشيعة بقوموا علينا ساي :)

حتى اسقاط ثنائية هلال مريخ ياهاني لا يستقيم هنا في حالة برالمة وسناير
الليلة يوم واحد تلتين, يعني شهرين و ح يتم قبول الدفعة الجديدة فا البرالمة الحاليين ح يبقوا سناير وكدا و ينتفي سبب الثنائية الحالية

سلام ياود البشرى

ثنائية سناير برالمة دي حسب تقديري لابد منها
وهي موسمية زي ماقلت لكن اضافة كمية من البرالمة دفعة واحدة كده بتعمل ميلان حقيقي في البورد
عشان كده لازم يحصل الصدام ده عشان تترتب الحاجات

انا غايتو بصراحة عاجـباني الفكرة جدا وشايفها ممتعة لحد ما
واظنها طريقة صحية للتعارف ومعرفة المعادن

نحن بنعرفكم طبعا ومامحتاجين لاحتكاك وعارفين من الاول بنتعامل مع منو ونتعامل معاهو كيف
انتو مابتعرفونا وعشان تعرفونا ياهو الدواس ده وبعد داك كل حاجة بتقعد في محلها
فماتقلق وماتكون رومانسي شديد :)

تحياتي

ياود البشرى ..ماكسّرنا ليك تلج شكلّو ماجاب همو
في ثنائية صفوة (ناس الحلة البي هناك) وعوّام..شايفك جلّيتها
أها دي برضو قصّة عاضّة...شايفها سخنّت بـ ناس كتّار هنا في حنان حنانهم
( )

هييي نسيت و..الوصيّة في الذمة
لو لاقاك قيقراوي بيتونس ماركسيا"
أو كـــماركس إسفيري بالله بلّغوا حبنا
وإنو الكلام الكبار كبّار دا العوام ديل شعرا" ماعندهم ليهو رقبة
و..حقّو يبدأ يتونّس من مبدأ النقد والنقد الذاتي ..عسى ولعل يجيب نتيجة
ولا ياربّي المبدأ دا خرّفهو عندهم.. وعلى قولك لحقهو الزيّنين

هلا يا محمد

تعرف المناكفات دي في المنبر هي اساسو وعضمو ياخي نحن في الأول ما كانوا بردوا على مداخلاتنا

تلقى بوست فيهو 100 مداخلة وإنت مفطوط براك في نص الـ 100 ديل بس دي طبيعة أي مجتمع خصوصا الأسافير لأنها مبنية على تسلسل وتاريخ أحداث بعينها ومواقف محددة
والجديد بيكون معزول لأنو خارج الخريطة التاريخية الموجودة لحدي ما يثبت

تبقى المسألة بتعتمد على الشخص ووسع أفقه الزول صاحب التجربة بمتص الصدمة وبينتظر دورة الحياة تأخذ مجراها

أما الزول المعقد والمضطرب نفسيا بيأخد الأمر وكأنو استفزاز وبتبقى ليه المسألة شخصية

مشكلة كبيرة لما يكون الواحد مغلق الفهم وما يقدر يفرق بين الجد والمزح

كتير جدا من البرالمة مستوعبين الحتة وإندمجوا فيها باريحية مفرطة وأصبحوا مألوفين جدا

عدا الأقلية القليلة جدا المعقدة دي وديل ياهم البخلقوا أزمات في البورد وبتجي منهم الألفاظ النابية وعدم الإحترام للآخرين .

يا شفت ما عشان سغالة ملاسي دي قنا ليهم ما تقروها غير كدا
وملاسي سغالته مع اي زول ما مع البرالمة تحديدا
اسمع انت مالك بقيت حنيّن ومسكين كدا ههههههههههههه
هرشوك البرالمة خلّي بالك

يا خالد يا عزيزي الصدام ما بناباه عادي وياها سنة الكون
لكن الما طبيعي خلق رابطة و اصطفاف من غير اشياء مشتركة حقيقية
يعني لو قلنا بورداب الجهة الفلانية أو الهلالاب أو الشيعة مثلا دي كلها روابط حقيقية
لكن انتو البجمعكم شنو؟ انو بكري اختار التوقيت دا بالتحديد لمنح فلان وعلان العضوية فماهو الشي المشترك بين فلان وعلان عشان يصطفّوا سوا و يصاموا تحت اسم واحد
كنت افضّل كل واحد ياكل نارو ويخوض صدامو براهو بشخصيته المستقلة و يصادم كان ملاسي ولا غيرو بشخصياتهم المحددة ما يجمعهم كسناير او برالمة
بعدين الرومانسية مالها عيبها لي في الحر دا

وينو يا امير تلجك يعميني فيه وريني محلو اخوك بحب التلج زي عيونو
و ثنائية الصفوة البهناك مع عوام هنا رغم انها موجودة لكن لا تتناسب والأمثلة الفي صدر البوست لأنو ينتفي فيها اهم شرط و هو المناقرة المباشرة
الكان بحصل كالآتي مرة مرة المعلم حسن بطرد واحد و بليّس ليه و بليّس لينا معاه بقوم يجينا يشد صيوانه هنا
ومرات جماعتنا الهنا بجيبوا لنكات من هناك يقزقزوا بيها
فمافي ثنائيتن كدي لامن ينضموابها
كان تكون اقرب لو قلت ثنائية العوام العديل و العوام الماشايفين رقبتهم عوام لكن حسن موسى شايفن عوام :)
والله ونسة قيقرا الماركسية رغم اني ما بفوّت ليه بوست لكن النصيحة ليك يا الله غلبتني بي الله واحد
حتى التحت الخط ابو وشوش بقى لي معسّم كيف كيف
يا برلوم شكلك ماااااا هيّن ههههههههههههههههههه

حمدنا يا حمدنا
المناكفة في رقبتنا اوكي ما قلنا فيها حاجة
لكن لمليم الناس كدا على اختلاف قدراتهم و نفَسهم تحت صفة برالمة فيها ظلم لبعضهم الناس ديل فيهم فنّانين عديل كدا وفيهم كرور برضك! نفس المنطق في مسالة السناير وكدا
كل واحد يناكف بي رقبته و يورّينا ههههههههههههه