فلاش كى ...

Post: #1
Title: فلاش كى ...
Author: ماجدة عوض خوجلى
Date: 01-30-2013, 03:17 PM
Parent: #0

وفى رواية أخرى فلاش كى ... لكن قبل هدا وذاك ... ميمورى فلاش

Post: #2
Title: Re: فلاش ميمورى
Author: osman righeem
Date: 01-30-2013, 03:20 PM
Parent: #1

اها فيهو شنوووووو؟؟؟

Post: #3
Title: Re: فلاش ميمورى
Author: ماجدة عوض خوجلى
Date: 01-30-2013, 03:22 PM
Parent: #1

الله يرحمك يامحمود عبدالعزيز .... ويطول فى عمرك يامحمود تاور ...

Post: #4
Title: Re: فلاش ميمورى
Author: ماجدة عوض خوجلى
Date: 01-30-2013, 03:26 PM
Parent: #3

Quote: اها فيهو شنوووووو؟؟؟

فيهو كل الحصل ...

Post: #5
Title: Re: فلاش ميمورى
Author: القلب النابض
Date: 01-30-2013, 03:37 PM
Parent: #4

هاها والله يا بت الخليفة ياهو ذاتو البيحير

كل الحصل ماااا مني ...من الفلاش ميموري ....
والله مااااا مني .....من الفلاش ميموري

مع تحياتي

وما ضاع حق وراءه مطالب معاه ( فلاش ميموري)

Post: #8
Title: Re: فلاش ميمورى
Author: ماجدة عوض خوجلى
Date: 01-30-2013, 04:39 PM
Parent: #5

Quote: هاها والله يا بت الخليفة ياهو ذاتو البيحير

كل الحصل ماااا مني ...من الفلاش ميموري ....
والله مااااا مني .....من الفلاش ميموري

مع تحياتي

عليك الله مش ياهو زاتو الشى البحير ويمحن
بس ياهو زاتو على قول الشاعر الكبير ... فلاش ميمورى انا مابديه...وهو البياخد لى حقى ...
تسلمى يارب من كل شر ...

Post: #6
Title: Re: فلاش ميمورى
Author: ماجدة عوض خوجلى
Date: 01-30-2013, 03:38 PM
Parent: #4

Quote: الله يرحمك يامحمود عبدالعزيز .... ويطول فى عمرك يامحمود تاور

مافى زول يسالنى العلاقة ... شنو بين الفلاش ميمورى واله فى الحكاية الاخرى فلاش كى ...عن العلاقة بينم
ده اسمو حمدو فى بطنو ... الناس تتعب تفتش علشان تعرف ... والعندو فلاش كى يحافظ عليهو شديد ...

الظروف مامعروفه

Post: #7
Title: Re: فلاش ميمورى
Author: خالد عبد الله محمود
Date: 01-30-2013, 03:41 PM
Parent: #4

لحد أمس كنت أظن أن سودانيزأونلاين فلا ش من لا فلاش له

Post: #9
Title: Re: فلاش ميمورى
Author: ماجدة عوض خوجلى
Date: 01-30-2013, 04:55 PM
Parent: #7

Quote: لحد أمس كنت أظن أن سودانيزأونلاين فلا ش من لا فلاش له

وانا ذاتى كنت اظن لحد الساعة كم كده بالليل المتاخر هناك ... والليل البدرى هنا... ان الفلاش كى هو مجرد فلاش كى
تسلم يارب من كل اذى ...

Post: #10
Title: Re: فلاش ميمورى
Author: الطاهر عثمان
Date: 01-30-2013, 05:00 PM
Parent: #9

كان علي الاقل يضع خيارات اخرى

برنت اسكرين

اوفلاين بيج

اي حاجة يحسسنا انو فاهم

Post: #14
Title: Re: فلاش ميمورى
Author: ماجدة عوض خوجلى
Date: 01-30-2013, 09:43 PM
Parent: #10

Quote: كان علي الاقل يضع خيارات اخرى

برنت اسكرين

اوفلاين بيج

اي حاجة يحسسنا انو فاهم

كلو كلو مابينفع بس فلاش كى اليك ...كيفك الطاهر انت ليك مده ماموجود كنت وين

تسلم يارب

Post: #18
Title: Re: فلاش ميمورى
Author: الطاهر عثمان
Date: 01-30-2013, 10:22 PM
Parent: #14

Quote: كلو كلو مابينفع بس فلاش كى اليك ...كيفك الطاهر انت ليك مده ماموجود كنت وين

تسلم يارب

تسلمي يا ماجدة والتحايا عبرك للاخت منال

والله كنته في الصامت سنتين كده ورجعوني ^_*

Post: #11
Title: Re: فلاش ميمورى
Author: احمد محمد احمد عتيق
Date: 01-30-2013, 05:00 PM
Parent: #9

بيخرب بي مرور الزمن ..برضو اعملي حسابك ..
مع تحياتي

Post: #13
Title: Re: فلاش ميمورى
Author: انعام حيمورة
Date: 01-30-2013, 05:48 PM
Parent: #11

يا خسارة ورقي وحبري وهلاك طابعتي وكان اخير فلاشي .... اغنية جديدة للفنانة احلام بري :)

Post: #21
Title: Re: فلاش ميمورى
Author: ماجدة عوض خوجلى
Date: 01-31-2013, 10:43 AM
Parent: #13

Quote: يا خسارة ورقي وحبري وهلاك طابعتي وكان اخير فلاشي .... اغنية جديدة للفنانة احلام بري :)

اعتذارك مابيفديك ودموعك مابتعيدك ...الفلاش كان فى ايدك ليه فرطت فيه ... اغنية قديمة جديدة للفنان زعبولا :)
نعوم ياخى طلعتى اى كلام انتى ...ورق شنو وحبر شنو وطابعة شنو ... الفلاش مش كان معاك

مع تحيات الفنان الصاعد زعبولا ...

Post: #16
Title: Re: فلاش ميمورى
Author: ماجدة عوض خوجلى
Date: 01-30-2013, 09:56 PM
Parent: #11

Quote: بيخرب بي مرور الزمن ..برضو اعملي حسابك ..
مع تحياتي

يعنى برضو بعد شوية فلاش كى بيكون مافى ... اها تانى انا اكتب اقول شنو ...
تسلم يارب ...

Post: #12
Title: Re: فلاش ميمورى
Author: ماجدة عوض خوجلى
Date: 01-30-2013, 05:13 PM
Parent: #9

Post: #15
Title: Re: فلاش ميمورى
Author: د.محمد حسن
Date: 01-30-2013, 09:50 PM
Parent: #12

فلاش باك

Post: #17
Title: Re: فلاش ميمورى
Author: محمد البشرى الخضر
Date: 01-30-2013, 10:02 PM
Parent: #15

والله يا ماجدة وكيل النيابة دا كان اخير يقول غلبنا عديل كدا نلقى مادة في القانون نصيغ بيها اتهام لوائل أو القانون فيه ثغرات أو اي شي منطقي
لأنو عذر الفلاشة دي عيب يصدر من شخص في منصبه

Post: #19
Title: Re: فلاش ميمورى
Author: عبدالكريم أحمد الامين
Date: 01-30-2013, 10:30 PM
Parent: #17

Quote: فلاش ميمورى

** بت الخليفه..
** سلام وصباحك خير ..
## شر البليه مايُضحك ..
## فلاش الجن دا مُش لازم يحـصـل ليهو تفريغ لما يحتويه من معلومات !!!! ولى يكون الفهم عـايز يشوف شكل الفلاش ؟؟؟ عــــــجـــــــــبـى !!!!
## إحتمال يكون ماسمع ببينة الخبير !!! فى سودان الإنقاذ كل شئ جائز !!!!
## إحتمال لو الفلاش موجود ,, كان يقول ليكم جيبو الزووووول الإشتريتو من الفلاش عشان يسألو الفلاش دا مُهرب ولى دخل بصوره قانونيه وتم تسديد جماركو....
(ودام الود بين الجميع حتى تتحقق العداله)
(ابو محمد فؤاد) - الماكيكى...

Post: #20
Title: Re: فلاش ميمورى
Author: محمد عوض السيد
Date: 01-30-2013, 11:11 PM
Parent: #19

ولو الموضوع فيه فيديو يعني الا تجيب ليك فلاش من 4 قيقا ولي فوق

...

Post: #30
Title: Re: فلاش ميمورى
Author: ماجدة عوض خوجلى
Date: 01-31-2013, 11:41 PM
Parent: #20

Quote: ولو الموضوع فيه فيديو يعني الا تجيب ليك فلاش من 4 قيقا ولي فوق

...

تصدق نفسى اعرف حكايه الفيديو دى بيحلها كيف ...تاريهو الفلاش كى ده ماهين ياجماعه
تسلم يارب ...

Post: #29
Title: Re: فلاش ميمورى
Author: ماجدة عوض خوجلى
Date: 01-31-2013, 11:22 PM
Parent: #19

Quote: ** بت الخليفه..
** سلام وصباحك خير ..
## شر البليه مايُضحك ..
## فلاش الجن دا مُش لازم يحـصـل ليهو تفريغ لما يحتويه من معلومات !!!! ولى يكون الفهم عـايز يشوف شكل الفلاش ؟؟؟ عــــــجـــــــــبـى !!!!
## إحتمال يكون ماسمع ببينة الخبير !!! فى سودان الإنقاذ كل شئ جائز !!!!
## إحتمال لو الفلاش موجود ,, كان يقول ليكم جيبو الزووووول الإشتريتو من الفلاش عشان يسألو الفلاش دا مُهرب ولى دخل بصوره قانونيه وتم تسديد جماركو....
(ودام الود بين الجميع حتى تتحقق العداله)
(ابو محمد فؤاد) - الماكيكى...

انشالله انت بالف خير ...عليك الله شفت محن الدنيا قال ماجابت فلاش ... يعنى البرنت اسكرين باقى الادوات البتحفظ بيها المستندات
فى لحظه واحدة بس انتهى منها ...وزى ماانت قلت فلاش الجن مابيتفرغ ...واضح انو عندهم مابيتفرغ لانو زى ماواضح انهم مااعتبرو كل المستندات
البتثبت الشكوى كفاية بالرغم من انها كانت برنت اسكرين ... ومافى اى مجال انها ممكن تكون ماحقيقية ...
لسه لمن نشوف الحلقة الجايه هتكون العبارة شنو ...
تسلم يارب ...

Post: #25
Title: Re: فلاش ميمورى
Author: ماجدة عوض خوجلى
Date: 01-31-2013, 01:02 PM
Parent: #17

Quote: والله يا ماجدة وكيل النيابة دا كان اخير يقول غلبنا عديل كدا نلقى مادة في القانون نصيغ بيها اتهام لوائل أو القانون فيه ثغرات أو اي شي منطقي
لأنو عذر الفلاشة دي عيب يصدر من شخص في منصبه

كيف يامحمد البشرى عايزو يعترف ويقول غلبنا ...كمان انت ماتبالغ لازم تراعى للبرستيج والمكانه وكده ...الناس تخسر القضية بدون وجه حق مامهم ...تخسر الوظيفه يعنى شنو ... يتم اشانه سمعتا... ولا تتعرض حياتا للخطر ... العداله ماتاخد مجراها والظلم مابترفع كلو ده مامهم ...المهم هو عدم الاعتراف بانو فى ظلم واجحاف وعدم عداله حصلت بسبب الجهل ...وبرضو عدم الدرايه والاهتمام
تخيل بس لو فى قضيه معقدة اكتر من قضيه منال دى ...(لانو قضيه منال كانت واضحه زى الشمس ) النتيجه هتكون شنو مع الحال الشفناهو قدامنا ... قال ليك منال ماجابت فلاش كى ...يامحمد منال فى الاسنئناف قدمت شاهد عديل كده شاف وائل طه وهو بيتسعمل اسم محمد ناصر وقدم شهادة
مؤثقه مشفوعة باليمين ... ده يقول فلاش كى ...
تسلم محمد يارب ..

Post: #28
Title: Re: فلاش ميمورى
Author: أحمد قلوب
Date: 01-31-2013, 03:55 PM
Parent: #17

Quote: والله يا ماجدة وكيل النيابة دا كان اخير يقول غلبنا عديل كدا نلقى مادة في القانون نصيغ بيها اتهام لوائل أو القانون فيه ثغرات أو اي شي منطقي
لأنو عذر الفلاشة دي عيب يصدر من شخص في منصبه

وكيل النيابة ده ما ذاكر للحلقة كويس ما كان جاهز او قد تكون دى امكانياته شكلوا ركز على اختيار البدلة .
حكمة اليوم :
( فلاشك سلاحك )

تحياتى يا بت الخليفة .....

Post: #35
Title: Re: فلاش ميمورى
Author: ماجدة عوض خوجلى
Date: 02-02-2013, 03:12 PM
Parent: #28

Quote: وكيل النيابة ده ما ذاكر للحلقة كويس ما كان جاهز او قد تكون دى امكانياته شكلوا ركز على اختيار البدلة .
حكمة اليوم :
( فلاشك سلاحك )

تحياتى يا بت الخليفة .....

واضح فعلا انو ركز على البدله شديد خالص .... التقول ماشى يتصور بس مش مستضاف قى برنامج ...
نعم فلاشك سلاحك حفظتو صانك ... فقدتو خانك ...
تسلم احمد يارب ....

Post: #22
Title: Re: فلاش ميمورى
Author: ماجدة عوض خوجلى
Date: 01-31-2013, 11:16 AM
Parent: #15

Quote: فلاش باك

فلاش باك مابيخارج فلاش كى بس ...

Post: #23
Title: Re: فلاش ميمورى
Author: kamal omer
Date: 01-31-2013, 11:24 AM
Parent: #22

سؤال بس
هل ملفات القضايا عندنا بقت الكترونية ، عشان كل المستندات و الأدلة يتم تفريغها من الفلاش مباشرة ، عشان كده مطلوب الفلاش ده ؟
لأني لي خمستاشر سنة من محاكمنا .
و ما ضاع حق وراه مطالب بي فلاش و لا بدونو

والله العظيم خجلت من مستوى الناس ديل

Post: #36
Title: Re: فلاش ميمورى
Author: ماجدة عوض خوجلى
Date: 02-02-2013, 03:44 PM
Parent: #23

Quote: سؤال بس
هل ملفات القضايا عندنا بقت الكترونية ، عشان كل المستندات و الأدلة يتم تفريغها من الفلاش مباشرة ، عشان كده مطلوب الفلاش ده ؟
لأني لي خمستاشر سنة من محاكمنا .
و ما ضاع حق وراه مطالب بي فلاش و لا بدونو

والله العظيم خجلت من مستوى الناس ديل

ظنيت كده وبعض الظن اثم انو تانى كل انسان عندو قضيه لازم يجيب فلاش كى ...مافى فلاش كى تبقى مافى قضيه ...انا برضو ظنيت انو المحاكم
عندنا بقى مافيها مكان يتحمل الملفات والورق الكتير وكده ...وظنيت برضو انو علشان القضيه اكتورنية ... لاوم يتم التعامل معها بالفلاش كى
فقط لاغير ... حق شنو المابيضيع مع ناس الفلاش كى ديل ...
تسلم يارب ....

Post: #37
Title: Re: فلاش ميمورى
Author: ماجدة عوض خوجلى
Date: 02-02-2013, 03:44 PM
Parent: #23

Quote: سؤال بس
هل ملفات القضايا عندنا بقت الكترونية ، عشان كل المستندات و الأدلة يتم تفريغها من الفلاش مباشرة ، عشان كده مطلوب الفلاش ده ؟
لأني لي خمستاشر سنة من محاكمنا .
و ما ضاع حق وراه مطالب بي فلاش و لا بدونو

والله العظيم خجلت من مستوى الناس ديل

ظنيت كده وبعض الظن اثم انو تانى كل انسان عندو قضيه لازم يجيب فلاش كى ...مافى فلاش كى تبقى مافى قضيه ...انا برضو ظنيت انو المحاكم
عندنا بقى مافيها مكان يتحمل الملفات والورق الكتير وكده ...وظنيت برضو انو علشان القضيه اكتورنية ... لاوم يتم التعامل معها بالفلاش كى
فقط لاغير ... حق شنو المابيضيع مع ناس الفلاش كى ديل ...
تسلم يارب ....

Post: #38
Title: Re: فلاش ميمورى
Author: ماجدة عوض خوجلى
Date: 02-02-2013, 03:45 PM
Parent: #23

Quote: سؤال بس
هل ملفات القضايا عندنا بقت الكترونية ، عشان كل المستندات و الأدلة يتم تفريغها من الفلاش مباشرة ، عشان كده مطلوب الفلاش ده ؟
لأني لي خمستاشر سنة من محاكمنا .
و ما ضاع حق وراه مطالب بي فلاش و لا بدونو

والله العظيم خجلت من مستوى الناس ديل

ظنيت كده وبعض الظن اثم انو تانى كل انسان عندو قضيه لازم يجيب فلاش كى ...مافى فلاش كى تبقى مافى قضيه ...انا برضو ظنيت انو المحاكم
عندنا بقى مافيها مكان يتحمل الملفات والورق الكتير وكده ...وظنيت برضوانو علشان القضيه اكتورنية ... لاوم يتم التعامل معها بالفلاش كى
فقط لاغير ... حق شنو المابيضيع مع ناس الفلاش كى ديل ...
تسلم يارب ....

Post: #24
Title: Re: فلاش ميمورى
Author: ماجدة عوض خوجلى
Date: 01-31-2013, 12:22 PM
Parent: #12

حكمة البوست ...حجة ا ل ب ل ي د مسح التخته

Post: #26
Title: Re: فلاش ميمورى
Author: رانيه محمد الشيخ
Date: 01-31-2013, 01:16 PM
Parent: #24

حاولت افهم الحاصل وفشلت

Post: #27
Title: Re: فلاش ميمورى
Author: Muna Khugali
Date: 01-31-2013, 01:20 PM
Parent: #26

زيدني من فلاشك شوية
وكتر المعلومات عليا..

مع الإعتذار للأغنية

Post: #32
Title: Re: فلاش ميمورى
Author: Kabar
Date: 02-01-2013, 06:36 AM
Parent: #27

ماجدة.زحبابك يا صديقة..
كتبت المساهمة دي في بوست الصديقة منى بي هناك..
ياخي الجنبة الفيها الفلاش دي عجيبة خلاص..!!!

Quote:

الجنبة الفيها الفلاش: دخول من زاوية ثلاث غرائب..

منى..حبابك يا صديقة..
و حباب الضيوف هنا..
تابعت هذه القضية منذ بداياتها..و حتى هذا الخيط الذي كل ما اقو ل اجي اناغم فيهو.. القى لي عارض يبعدني..
ثلاث غرائب.. واحدة ما بعد القضية..واحدة في اثناء القضية..واحدة في بداية القضية..

غريبة ما بعد القضية:

مولانا عبد المنعم..زي ما حير استاذنا محمد على طه الملك (كما ذكر سابقا).. برضك حيرنا نحن في قانوننا ده دنيا و اخرى..!
سعادة المستشار نسى مركزه القانوني الأساسي..و المركز ده بيقول انو وكيل النيابة ممثل الإتهام.. يعني ممكن يكون الشاكي.. يعني مولانا عبد المنعم ، من ناحية مركز قانوني ، هو الشاكية المسكينة منال عوض خوجلي.. فككيف مولانا يتحدث باعتبارو محايد؟ الحياد المقبول هنا هو حياد القاضي..والنيابة هي المسئولة من تحضير البينات.. يعني لو منال جابت بينة ضعيفة.. النيابة من واجبها تشوف البينة الأقوى.. لأنو من ناحية مركز قانوني منال و النيابة حاجة واحدة..و كونو مولانا عبد المنعم يجي يتعامل بانو منال دي حاجة بعيدة عنو..و يتبرأ منها.. فهذا و الله تواطؤ بالباب العديل مع المتهم..!..واجب مولانا بتاع النيابة من قولة تيت انو يجيب المتهم و يحاجج عشان المتهم ده يتحاكم و يتعاقب باقصى ما يكون.. لكن حكاية نيابة تشتغل شغل اجاويد ..ده ما في في القانون..!!!
وين حكاية النيابة ولي المجني عليهو الما عندو ولي؟..وين النيابة ليها الحق و السلطة في مباشرة الإدعاء الجنائي..؟.. ده كلو مولانا ما يجيب ليهو خبر و يعمل رايح؟..
اما الأدهي و الأمر.. لو طلع مولانا عبد المنعم عبد الحافظ هو من باشر اجراءات التحري في بلاغ منال ضد محمد ناصر..فلو طلع هو من باشر البلاغ.. فنكون دخلنا في حيص بيص كبير خلاص.. لأنو مستشاري وزارة العدل (منهم وكلاء النيابات) محكومون بقواعد اخلاق المهنة ..و في الحتة دي قانون تنظيم عمل وزارة العدل في ذاتو نفسو.. قال ينطبق عليهم ما ينطبق على المحاميين.. يعني المحامين مقيدين بمادة اسمها سر المهنة..و يتخيل لي المادة 32 من قانون المحاماة..و بالتالي ما في طريقة يتكلم عن أي حاجة مرت بيهم اثناء مباشرتهم لعملهم بالصفة القانونية.. و الحكاية دي بتنطبق على وكلاء النيابة (و هم اساسا محاميين بتاعين المجتمع)..فككيف يسمح مولانا لنفسه أن تتم استضافتو في وسائل الإعلام العام و يتكلم عن قضايا باشر فيها التحري بصفتو الرسمية؟.. غايتو انا لو في محل منال.. اشتكي حكومة السودان/وزارة العدل..و اشتكي المحامي بتاعي (ده طبعا لو طلع استاذنا نبيل عبد الله هو محامي منال..و ما عندو تفويض مكتوب من منال انو يتكلم في قضيتها في وسائل الإعلام)..!!!

الغريبة التانية.. اثناء المحاكمة..

طبعا اكتر حتة اثارت دهشة الناس.. هي تركيز مولانا عبد المنعم في حتة الفلاش..و السؤال : ما هو جوهر الفلاش؟..الفلاش اساسا وسيط .. زيو زي الكربون..يعني ممكن يتفرغ لنسخة مقروءة..و المناط في جرائم النشر.. ان يكون الكلام مقروء..و كونه مقروء بالضرورة يعني مكتوب في وسيط تم تداوله بصورة عامة.. يعني تقليديا لو عندك مشكلة اشانة سمعة عبر وسيط النشر.. ح تقدم شنو؟.. مش ياها الجريدة.. طيب ما الفلاش ممكن يتفرغ و يبقى ورق..و بالتالي ممكن الإحتجاج بالورق زي الترتيب.. دي نقطة..
النقطة الثانية.. لو كنت مكان وكيل النيابة الذي تلقى البلاغ.. كنت ح اعمل حاجة جديدة في القانون..و اطلب من المحكمة تاخد علم قضائي بموجب المادة (14) من قانون الإثبات لسنة 1994 انو موقع زي سودانيز اونلاين.. هو عبارة عن وسيط اشبه بالصحف التي تصدر في الخرطوم..و عندو عنوان معروف ..و شخصية اعتبارية معروفة (عشان شنو علم قضائي؟.. عشان القصة تسبك شوية)..!
النيابة و القضاء اهملوا عملهم تماما في هذه القضية..يعني تحديدا في التعامل مع السيد وائل طه..و لو كانت النيابة شايفة شغلها صاح.. كان تقول لمنال زحي بعيد..و هي تواصل الشغل.. يعني وين حكاية الإشتراك الجنائي؟ و في القضية هناك قرائن تثبت حدوث اشتراك جنائي ما بين ناصر و طه..طيب نفرض مافي اشتراك جنائي.. وين حكاية التستر على الجاني (المادة 107) من القانون الجنائي؟..و قوانين السودان واضحة للغاية.. انو اذا اتفتح بلاغ بموجب نص قانوني..و اثناء مراحل التقاضي (من مرحلة توجيه التهمة.. لغاية مرحلة المحاكمة)..لو اكتشفت المحكمة بينات تثبت ارتكاب جريمة غير مشار ليها في البلاغ الأساسي.. ممكن يتم تعديل التهمة و اضافة الجريمة الجديدة.. حتى لو ثبت براءة المتهم من الجريمة الأساسية..فلا يزال هناك مجال لمحاكمته وفقا للعناصر الجديدة التي تم اكتشافها..و في هذه القضية طالما المحكمة سمحت لوائل طه ان يشتسهد بجامعة الخرطوم.. أو المحكمة من تلقاء نفسها اخذت علم قضائي من جامعة الخرطوم انو مافي كائن اسمو محمد ناصر.. فهنا كان يمكن توجيه تهمة التستر على الجاني لوائل طه..و مساءلته قانونيا عنها..فوائل طه قاصد حماية ناصر من المساءلة القانونية..
تستر وائل طه على الجاني الحقيقي محمد ناصر.. هو فعل يدخل في نطاق الجرائم المخلة بسير العدالة..فمثلما كان يمكن مواجهة طه بجريمة التستر على الجاني.. كان يمكن ايضا مواجهته بجريمة شهادة الزور (104)..و في هذه المادة عناصر عديدة توفرت..و كان يمكن للنيابة و المحكمة معا اجراء اللازم تجاه ذلك..و مثل هذه الجرائم ليس بالضرورة أن تكون جزء من عريضة شكوى منال..و انما الأمر هنا تجاوز منال و اصبح مشكلة المجتمع/الدولة/ السستم مع مواطن اسمو وائل طه..

الغريبة الثالثة..

و تتعلق ببداية القضية.. فحينما كتب محمد ناصر و نشر كلام عن منال خوجلي.. كانت الأخيرة موظفة في الأمم المتحدة..و ما نشر كان يتعلق بصورة مباشرة بجوهر عملها و تفويضها في الأمم المتحدة..و لا ادري لماذا تجابنت الأمم المتحدة..و كان يمكن أن تكون شاكيا اصيلا في القضية.. لأن السمعة التي تضار هنا هي سمعة المنظمة و الطعن في طريقة تعيين موظفيها و موظفاتها و طريقة عملهم..و سكوتها على الإتهامات الباطلة في حق موظفيها يعني مليون سؤال..!
قصدي الأمم المتحدة لها شخصية اعتبارية..و بهذه الصفة يمكن أن تمارس التقاضي ضد الأفراد.ز ضد الهيئات و المنظمات..و ضد الدول عديل..و كان يمكن ان تكون شاكية اساسية أو بالعدم شاكية بالتضامن مع منال باعتبارها احد موظفي المنظمة..و لو مارست الأمم المتحدة هذا الدور.. لكان سنت سنة جيدة..و لكنها اختارت دفن الراس في الرمال..و بالتالي من حق أي فرد ان يقول فيها ما يشاء..!
من ظلم منال عوض خوجلي في هذه القضية؟.. القانون لم يظلمها ..و هناك نصوص هبطرش كان ممكن تنصفها و تجبر ليها الضرر.. لكن محنة القانون انو لا يتحدث..و انما الرجال هم من يتحدثون.. فيحرفون الكلم كيفما شاؤوا..و مرات عدييل ممكن يعملوا رايحين من القانون الممكن ينصف..!
هل هذه جريمة معلوماتية؟.. لأ.. و مليون لأ..الوقائع تشكل عناصر جرائم مثل اشانة السمعة.. الكذب الضار.. الإشتراك الجنائي.. التستر على الجاني.. شهادة الزور..و كلها جرائم منصوص عليها في القانون الجنائي..!
نصيحتي لوزارة العدل: انها توقف مستشاري الوزارة في حدودهم.. و مفروض تنبهم انو القانون ما بيسمح ليهم اطلاقا يعلقوا على قضايا باشرتها الوزارة عبر وكلاء النيابات المفوضيين..صحيح ممكن مسشتاري الوزارة يتحدثوا في وسائل الإعلام.. من باب التعليم.. يتكلموا عن قوانين.. يشرحوها للناس.. لكن حكاية الكلام عن قضايا بعينها فهذه عوجة..و خرق لميثاق الثقة..
و ايضا السادة المحامين و المحاميات.. القانون ما بيسمحوا ليهم يتكلموا عن قضايا باشروها الإ بعد اذن مكتوب من موكليهم..و يتخيل لي ما فيها حاجة مضرة لو المحامي/ة اشار في وسيلة الإعلام المعينة انو عندو تفويض من الموكل/ة انو يتحدث عن قضية معينة..!!!

كبر

Post: #47
Title: Re: فلاش ميمورى
Author: ماجدة عوض خوجلى
Date: 02-05-2013, 06:19 PM
Parent: #32

حبابك كبر يارب انت بالف خير

Quote: سعادة المستشار نسى مركزه القانوني الأساسي..و المركز ده بيقول انو وكيل النيابة ممثل الإتهام.. يعني ممكن يكون الشاكي.. يعني مولانا عبد المنعم ، من ناحية مركز قانوني ، هو الشاكية المسكينة منال عوض خوجلي.. فككيف مولانا يتحدث باعتبارو محايد؟ الحياد المقبول هنا هو حياد القاضي..والنيابة هي المسئولة من تحضير البينات.. يعني لو منال جابت بينة ضعيفة.. النيابة من واجبها تشوف البينة الأقوى.. لأنو من ناحية مركز قانوني منال و النيابة حاجة واحدة..و كونو مولانا عبد المنعم يجي يتعامل بانو منال دي حاجة بعيدة عنو..و يتبرأ منها.. فهذا و الله تواطؤ بالباب العديل مع المتهم..!..واجب مولانا بتاع النيابة من قولة تيت انو يجيب المتهم و يحاجج عشان المتهم ده يتحاكم و يتعاقب باقصى ما يكون.. لكن حكاية نيابة تشتغل شغل اجاويد ..ده ما في في القانون..!!!

للاسف الشديد من الواضح جدا انو فى قصور كبير حدث فى القضية دى ... وكنت متمنية انو المتحرى فى القضية دى تتم استضافته ... واضح انو مولانا منو ده معليش نسيت اسمو ... استعجل فى قبول الدعوة لحضور البرنامج ده ... هو فعلا حاول يرمى
الغلط على الشاكى {منال عوض خوجلى ) ونسى انو مهمة التحرى هى محاوله الوصول ... لكل ماهو من شائنه ان يقود الى الوصول الى الحقيقة ... وان يسعى الى ذلك بكل الطرق المتاحه له .... والاستعانه بالخبراء المختصين فى هذا المجال ... لكن تقول شنو ... وبعدين فلاش كى شنو البيقول عليه
ماكان فى مايثبت الشكوى من شهود ونسخه مكبشرة حقيقية من البوست واضحه بمداخلات متسلسله وكلها بترد وتعلق على ماكتبه المدعو محمدناصر ( وائل طة )...واى مداخله فيها اقتباس لكلام محمد ناصر... بس الظلم نقول عليهو شنو ... على العموم احنا موضعنا اصلو ماهيتنهى الا المجرم الحقيقى
ياخد البيستحقو ...
تسلم يارب

Post: #44
Title: Re: فلاش ميمورى
Author: ماجدة عوض خوجلى
Date: 02-05-2013, 03:06 PM
Parent: #27

Quote: زيدني من فلاشك شوية
وكتر المعلومات عليا..

مع الإعتذار للأغنية

بكره فلاشك يبقى لى ...ويكسبنى القضيه
وبرضو مع الاعتذار للاغنية

تسلمى يارب ...

Post: #40
Title: Re: فلاش ميمورى
Author: ماجدة عوض خوجلى
Date: 02-03-2013, 02:00 PM
Parent: #26

Quote: حاولت افهم الحاصل وفشلت

كيفنك رانية انشالله تكونى بلغتى تمام الصحه
الحاصل انو قالو مافى فلاش كى وبالتالى ضاع الحق ... اقدم لكم مستر فلاش كى

Post: #41
Title: Re: فلاش ميمورى
Author: ماجدة عوض خوجلى
Date: 02-03-2013, 02:23 PM
Parent: #26

بالمناسبه فى فلاش كى تانى فى الحلقه... لكن انا هسة مافاضيه ليهو البوست ده مخصص للفلاش كى الاصلى

Post: #42
Title: Re: فلاش ميمورى
Author: ماجدة عوض خوجلى
Date: 02-03-2013, 02:47 PM
Parent: #41

قالو ليكم لازم ترفعو مستوى الوعى حقكم
فى كيفية استخدام تكنولوجيا المعلومات ومابيكون هذا الا بالفلاش كى...

Post: #31
Title: Re: فلاش ميمورى
Author: ماجدة عوض خوجلى
Date: 02-01-2013, 01:09 AM
Parent: #12

Post: #33
Title: Re: فلاش ميمورى
Author: Muna Khugali
Date: 02-01-2013, 03:31 PM
Parent: #31

وبما أن الفلاش قد غاب من القضية وسبب ما سبب بغيابه..
فإنني أهديكم أغنية الشمس غابت التي يصرخ الشباب طربا بها في شارع النيل كلما غناها الفنان محمود تاور...

بالله يا ماجدة حيبي الأغنية..

Post: #34
Title: Re: فلاش ميمورى
Author: أبوبكر أبوالقاسم
Date: 02-01-2013, 05:06 PM
Parent: #33

سلامات بنات خوجلى وضيوفكم الكرام

يُخيّل لى كان بيحلم بمثل هذا الفلاش !!!!!

لى عودة فى البوست الثانى برأيى حول إفادة المستشار والأستاذ نبيل أديب.

Post: #39
Title: Re: فلاش ميمورى
Author: فيصل محمد خليل
Date: 02-02-2013, 04:47 PM
Parent: #34

وفي رواية اخرى pendrive

الفلاش بيذكرني بهشام هباني
يا ربي دا من شنو !!!!!

Post: #43
Title: Re: فلاش ميمورى
Author: Muna Khugali
Date: 02-04-2013, 11:33 PM
Parent: #39

ياربي بكره بيجي ولا ما بيجي..
وإذا جه..بيجيب سيرة الفلاش ولا ما بيجيبها..
وإذا جابا بيشرحا احسن ولا ما بيشرحا..
وإذا شرحا..نحنا بنفهما ولا ما بنفهما...
و و و..

Post: #54
Title: Re: فلاش ميمورى
Author: ماجدة عوض خوجلى
Date: 02-06-2013, 02:11 PM
Parent: #43

Quote: ياربي بكره بيجي ولا ما بيجي..
وإذا جه..بيجيب سيرة الفلاش ولا ما بيجيبها..
وإذا جابا بيشرحا احسن ولا ما بيشرحا..
وإذا شرحا..نحنا بنفهما ولا ما بنفهما...
و و و..

اها انشالله تكونى ارتحتى وكده واواتك الكتير دى طفشت علينا العصفوره
حتى الفلاش كى زاتو بقى مابيخارج ...

Post: #49
Title: Re: فلاش ميمورى
Author: ماجدة عوض خوجلى
Date: 02-05-2013, 09:47 PM
Parent: #39

Quote: وفي رواية اخرى pendrive

الفلاش بيذكرني بهشام هباني
يا ربي دا من شنو !!!!!

فيصل محمد خليل جارنا العزيز تحياتى ليك
ياتو هشام هبانى انت بتقصدو حدد علشان نعرف ترد ... بعدين انت الفلاش مش كان معاك
تسلم يارب ...

Post: #48
Title: Re: فلاش ميمورى
Author: ماجدة عوض خوجلى
Date: 02-05-2013, 09:17 PM
Parent: #34

Quote: سلامات بنات خوجلى وضيوفكم الكرام

يُخيّل لى كان بيحلم بمثل هذا الفلاش !!!!!

وعليكم السلام والرحمه اهلا بيك كتير
غايتو التورته حقتك ام فلاشين دى حقيقة ماشيه مع الموضوع لانو جد جد فى فلاش كى تانى
بس قلنا نخلص من الفلاش الاصلى ونرجع للتانى ...
تسلم يارب ....

Post: #45
Title: Re: فلاش ميمورى
Author: ماجدة عوض خوجلى
Date: 02-05-2013, 03:38 PM
Parent: #33

Quote: وبما أن الفلاش قد غاب من القضية وسبب ما سبب بغيابه..
فإنني أهديكم أغنية الشمس غابت التي يصرخ الشباب طربا بها في شارع النيل كلما غناها الفنان محمود تاور...

بالله يا ماجدة حيبي الأغنية..

Post: #46
Title: Re: فلاش ميمورى
Author: ماجدة عوض خوجلى
Date: 02-05-2013, 05:26 PM
Parent: #33

Post: #50
Title: Re: فلاش ميمورى
Author: saif massad ali
Date: 02-05-2013, 11:05 PM
Parent: #46

بت الخليفة

ازيك

كبرو الفلاش

نبيل ذاتو يكبر فلاشو

ماتنسوني انا كمان

فلاشي مليان

بس

عندي اخو لي اسم شيخ صلاح فتشوهو وين تلقوهو يوم الجمعة وتصبح السبت مبيت في الخلاء

عند الشيخ ابراهيم ود بلال راكب البيضاء جنوب الغبش ابان مسوحا مي قولو ليهو القضية القالها ليك سيف فكها
سيف عفانا وعفي نبيل

Post: #51
Title: Re: فلاش ميمورى
Author: ALZOLZATOO
Date: 02-05-2013, 11:29 PM
Parent: #50

العزيزة ماجدة

خليكم جاهزين ماتضيعوا زمن الحكومة المرة الجاية شيلوا معاكم سي دي وفلوبي دسك بدون ماتسوا الفلاش طبعا

مهداة ليك اغنية الفلاش فلاشك ولي منال فلاشي مابخلي انا وين ياالاخدر لونو زرعي

تحياتي

زاتوووو

Post: #52
Title: Re: فلاش ميمورى
Author: Muna Khugali
Date: 02-06-2013, 12:41 PM
Parent: #51

شكرا يا ماجدة علي محمود تاور وأغنيته تلك التي أحبها كثيرا..
كلمات الأغنية مكتوبة بلسان إمرأة تحب وتنتظر حبيبها النهار والليل كله..هو كحال المنتظر لأمر هام لا يحدث..

أحب ه1ه الأغنية وأهديها الي كل من من ينتظر..

وأغني مع تاور..

الشمس غابت...
وينو الفلاش طيب

وكذلك أطلب إن أمكن أن تأتي للزول ذاتو بأغنيته المفضلة..

هذا مع الحب المؤكد..

Post: #53
Title: Re: فلاش ميمورى
Author: مصعب عوض الكريم علي
Date: 02-06-2013, 12:49 PM
Parent: #52

استاذه ماجدة

تحياتي

البوست السابق كنا متابعنو كويس .. بس اصبح كلام كبار ومصطلحات وبحر عميق .
القضية تستحق الدراسة والمتابعة ويا حبذا لو نشرتي كتاب في هذا الخصوص ..

فعلا هي سابقة مهمة .. واكيد الناس ح تتعلم منها الكثير .. وحتى الخفافيش ح يطورا الياتهم اكتر .

لو كانت المادة في فلاش .. هل كانت القضية ستحسم في صالحك؟

Post: #61
Title: Re: فلاش ميمورى
Author: ماجدة عوض خوجلى
Date: 02-07-2013, 08:01 PM
Parent: #53

Quote: استاذه ماجدة

تحياتي

البوست السابق كنا متابعنو كويس .. بس اصبح كلام كبار ومصطلحات وبحر عميق .
القضية تستحق الدراسة والمتابعة ويا حبذا لو نشرتي كتاب في هذا الخصوص ..

فعلا هي سابقة مهمة .. واكيد الناس ح تتعلم منها الكثير .. وحتى الخفافيش ح يطورا الياتهم اكتر .

لو كانت المادة في فلاش .. هل كانت القضية ستحسم في صالحك؟

اهلا بيك استاذ مصعب ..
البوست الهناك بتاع كلام قانونى كبير فعلا زى ماقلت ... القضيه بالنسبه لينا ماانتهت هنا ابدا ... بالعكس احنا فى راينا
انها يادوب ماشية تستعدل ... وانشالله منال حقها بيرجع ليها كامل ...
انا بوصل اقتراحك بتاع الكتاب لمنال وربنا يسهل ...
فلاش شنو البيحسم القضية ...القضية اوضح من الشمس غير كده الفلاش ده مش لازم برضو يتفرغ فى ورق...
قضية منال ضاعت بسبب اهمال الجهات المختصه بالامر ... وبسبب عدم الاهتمام والسعى لمعرفة الحقيقة ... وزى ماشفنا وسمعنا
جهل الجهات المختصه بتكنولوجيا المعلومات ...وعدم اعترافم بهذا الامر ...والحاجه المؤسفه جدا حاولو تحميل مسؤليه جهلهم للشاكية
نسلم يارب ....

Post: #59
Title: Re: فلاش ميمورى
Author: ماجدة عوض خوجلى
Date: 02-07-2013, 07:17 PM
Parent: #51

Quote: العزيزة ماجدة

خليكم جاهزين ماتضيعوا زمن الحكومة المرة الجاية شيلوا معاكم سي دي وفلوبي دسك بدون ماتسوا الفلاش طبعا

مهداة ليك اغنية الفلاش فلاشك ولي منال فلاشي مابخلي انا وين ياالاخدر لونو زرعي

تحياتي

زاتوووو

زاتو ازيك واخبارك انت وين ماظاهر يارب انت بخير
عليك الله شفت المحن محكمة مختصه ... وقانون جديد ونيابه متخصصه...ومتحرين وفى النهاية يطلع الفلاش قدس الله سره وابقاه اهم حاجه
وبعد ده كلو بيتشتكى مع الاعتذار لست الاغنية ...
تسلم يارب ....

Post: #58
Title: Re: فلاش ميمورى
Author: ماجدة عوض خوجلى
Date: 02-07-2013, 07:02 PM
Parent: #50

Quote: بت الخليفة

ازيك

بس

عندي اخو لي اسم شيخ صلاح فتشوهو وين تلقوهو يوم الجمعة وتصبح السبت مبيت في الخلاء

عند الشيخ ابراهيم ود بلال راكب البيضاء جنوب الغبش ابان مسوحا مي قولو ليهو القضية القالها ليك سيف فكها
سيف عفانا وعفي نبيل

كيفنك ياسيف

انت اظنك عايز تعمل غسيل مخ هنا... منو البيعفى منو انت الوقفت مع الظلم البتعفي عننا ... ولا احنا النعفى عنك حكمتو بالغه والله بس ياها زاتا اسمعو ده وبطلو ده البقولوها... وبعدين مااحنا البيخوفونا بالشيوخ ... نحمد الله سيدنا هو وكلينا ومابنخاف الا منو
امشى شوف ليك شغله تانية ... بلا تمشى الجمعه تصبح السبت فى الخلا معاك انت قايل دى جنة الاطفال هنا ولاشنو ...
تسلم يارب ...

Post: #62
Title: Re: فلاش ميمورى
Author: saif massad ali
Date: 02-07-2013, 09:53 PM
Parent: #58

ماجدة

ظالم منو الوقفت معاهو انا وقفت مع اللاجئ المسكين الراح فيها

جيبي كلامكم وجيبي كلامي

واخوفك بي شنو قلت ليك قضية مافي الكلام ده قلتو قبل كم سنة مش الليلة ونسيت الموضوع وتاني جاء مقلع

الزول القلتو ليك ده امشي فتشيهو

Post: #55
Title: Re: فلاش ميمورى
Author: ماجدة عوض خوجلى
Date: 02-06-2013, 02:55 PM
Parent: #46

الحقوق تضيع من اجل هذا الفلاش كى ...

Post: #56
Title: Re: فلاش ميمورى
Author: ALZOLZATOO
Date: 02-06-2013, 05:24 PM
Parent: #55

الملكة منى

اخبارك والاولاد
شاهدت الحلقة بالفيديو اعلاه مع انو شفت البرامج على التلفزيون وعلقت على لهجة السيد العقيد
بس انا سريع الخطوات لمن امسك الريموت

يبدو ان القانون في طور الانشاء وتنقصه اشياء كثيرة جدا وذلك لتعقيد الحياة الاسفيرية وتجديدها بشكل يومي
ويجب ان يواكب القانون كل هذه التطورات ولا ادري ان كان هنالك تعاون دولي مشترك لمثل هذه الجرائم لان معظم المواقع تكون ادارتها وملكيتها خارج حدود الدولة والقانون في الدولة المسجل فيها الموقع يختلف عن قوانين السودان كما في حال منبرنا هذا وليس كل مايعتبر جريمة في السودان يكون جريمة في الدولة المسجل فيها الموقع وهل قانون الموقع نفسه يبرئ صاحبه من المساءلة القانونية كما في منبرنا هذا نرى كتابة صاحب الحوش ان الاراء الموجودة على الموقع تمثل كاتبها فقط وهل يستجيب الموقع لاي طلب من محكمة في السودان مثلا وهل محاكم السودان يمكنها طلب اشياء او ادلة من موقع امريكي مباشرة من صاحب الموقع

اشياء شائكة ومعقدة يعني ممكن واحد يكتب ارائه في الدين او يقوم بتغيير دينه يعتبر هذا في بلد الموقع حرية وفي نفس الوقت بتجيب اجله في السودان مثلا

نتمنى ان تنال الاخت منال حقها كامل غير منقوص

تحياتي

زاتوووو

Post: #57
Title: Re: فلاش ميمورى
Author: علاء الدين صالح
Date: 02-06-2013, 05:29 PM
Parent: #55

مين علمك يا فلاش تعبد عيون القاش؟

ماجدة تحياتي

يعني نقدر نقول وداعاً للكبشرة.. ومرحباً بالفلشرة

مجرد تسجيل حضور بعد غياب طويل، بس أحضر الحلقة كاملة في الفيديو عشان أخش الشبكة.. وبجيكي صادي، سمح؟

Post: #63
Title: Re: فلاش ميمورى
Author: ماجدة عوض خوجلى
Date: 02-08-2013, 09:18 PM
Parent: #57

Quote: مين علمك يا فلاش تعبد عيون القاش؟

ماجدة تحياتي

يعني نقدر نقول وداعاً للكبشرة.. ومرحباً بالفلشرة

مجرد تسجيل حضور بعد غياب طويل، بس أحضر الحلقة كاملة في الفيديو عشان أخش الشبكة.. وبجيكي صادي، سمح؟

ياعلاء الدين كيفنك وانشالله تكون بلغت تمام الصحة والعافية اهلا بيك كتير بع طول الغياب
لازم تحضر الحلقه المهمة دى ... ومانسى فيها درس عصر مهم شديد تاريخى خاص باعلان بداية عهد الفلشرة وانتهاء عهد الكبشرة
تسلم يارب ...

Post: #60
Title: Re: فلاش ميمورى
Author: ماجدة عوض خوجلى
Date: 02-07-2013, 07:42 PM
Parent: #55

الحضور الان بالمنتدى العام لسودانيز أون لاين دوت كوم 830 شخص » (1 )عضو و (829) زائرا

»ماجدة عوض خوجلى
هذه الصفحة يعاد تحديثها كل 120 ثانية. بدون اى تعليق الساعة 6 ,41

Post: #64
Title: Re: فلاش ميمورى
Author: ماجدة عوض خوجلى
Date: 02-08-2013, 10:10 PM
Parent: #60

Quote
Quote: : ماجدة

ظالم منو الوقفت معاهو انا وقفت مع اللاجئ المسكين الراح فيها

جيبي كلامكم وجيبي كلامي

واخوفك بي شنو قلت ليك قضية مافي الكلام ده قلتو قبل كم سنة مش الليلة ونسيت الموضوع وتاني جاء مقلع

الزول القلتو ليك ده امشي فتشيهو

سيف مساعد انت لو بتكتب بدون تقرى يكون ده موضوع تانى
Quote: Quote: 23-03-2008, 11:18
Quote: ص

محمد ناصر

.

تاريخ التسجيل: 14-01-2008
مجموع المشاركات: 71
الأمن السوداني يعتقل أثيوبي ، موظفة سودانية بالأمم المتحدة تتسبب في ذلك

القت السلطات الأمنية القبض على مواطن أثيوبي لاجئ بعد أن طاردته سلطات الأمن في عدة أماكن إلى أن إستلاذ بأحد المنازل.
الأثيوبي إتصل بموظفة سودانية بمفوضية اللاجئين بالأمم المتحدة طالباً الحماية (UNHCR) ، وما كان من تلك الموظفة السودانية غير توفير الحماية الأبدية، وذلك بأن أخذته بعربتها وسلَّمته لمعتمدية اللاجئين التابعة للأمن ، تلك المعتمدية التي يشرف عليها مجرم الحرب أحمد هارون....
هكذا وفرت الموظفة الحماية لذلك اللاجئ البسيط...
الموظفة السودانية بجانب عملها بالمفوضية تعمل أيضاً بالمحاماه ...

دى ياسيف مساعد بدايه بوست محمد ناصر
واستلمت انت الموضوع من هنا
Quote: Quote: saif massad ali

.

تاريخ التسجيل: 10-08-2004
مجموع المشاركات: 8166
Re: الأمن السوداني يعتقل أثيوبي ، موظفة سودانية بالأمم المتحدة تتسبب في ذلك (Re: عبد المنعم سليمان)

هذه الموظفة لاتقل عن تلك التي اوشت بالمعلمة الانجليزية

يجب فضحها

Quote: ()
تاريخ التسجيل: 10-08-2004
مجموع المشاركات: 9061
Re: ليس دفاعاً عن منال (Re: Muna Khugali)

الاخت مني خوجلي

انا ما خائف من شئ

بموجب ماورد هنا منال مدانة الي ان ينجلي الامر

لماذا استعانت منال بهذا المحامي لتبرير غلطتها ولا كيف وهي محامية
وموظفة لدي الامم المتحدة
ثانيا لماذا لم تتصل منال بالمحامي نفسه لحماية هذا المسكين قبل حماية
نفسها.لانها هي قدمت نفسها لهذا العمل الجليل

وتانى رجعت ادنتها هنا
25
Quote: Quote: -03-2008, 12:30 PM

[saif massad ali

تاريخ التسجيل: 10-08-2004
مجموع المشاركات: 17842

تغيير كلمة السر
مكتبة الفساد
من اقوالهم
(مكتبة مفتوحة للتحديث)
للتواصل معنا
FaceBook
تويتر Twitter
YouTube
Google Plus

Re: ليس دفاعاً عن منال (Re: Hussein Mallasi)

لالا ياملاسي اذا منال هي التي اوصلت ناس الامن اليه وجب محاسبتها

قول اربعه
Quote: -03-2008, 02:54 PM
Quote:

saif massad ali

تاريخ التسجيل: 10-08-2004
مجموع المشاركات: 17842

تغيير كلمة السر
مكتبة الفساد
من اقوالهم
(مكتبة مفتوحة للتحديث)
للتواصل معنا
FaceBook
تويتر Twitter
YouTube
Google Plus

Re: ليس دفاعاً عن منال (Re: كمال علي الزين)

Quote:
على ضوء طبيعة عمل المفوضية ولم تكن منال في العربة التي أخذت اللاجئ للمفوضية ولكنها ذهبت إلى هناك حيث حضرت جزء من إجتماع بين موظفي المعتمدية وموظف الحماية التابعين للمفوضية بشأن ذلك اللاجئ وما تم في ذلك الإجتماع هو من شأن الوكالتين ولا يجوز نشره في الصحف العامة . إذا كان اللاجئ المعني قد تم إعتقاله فإن ذلك يكون تم فى مباني معتمدية شئون اللاجئين وهي الجهة المنوط بها حماية اللاجئين في جمهورية السودان .

عندنا قنابير يعني ولاكيف

وده بوست سحبو بكرى لكن موجود فى الحفظ والصون فتحتو انت بنفسك
منال عوض خوجلي مدانة يانزار حسين
Quote: 25-03-2008, 09:13 PM

Quote: saif massad ali

تاريخ التسجيل: 10-08-2004
مجموع المشاركات: 17842

تغيير كلمة السر
مكتبة الفساد
من اقوالهم
(مكتبة مفتوحة للتحديث)
للتواصل معنا
FaceBook
تويتر Twitter
YouTube
Google Plus

Re: ليس دفاعاً عن منال (Re: Muna Khugali)

يامني انا معي في المانيا الاثيوبين واتصلت قبل ساعة علي
تخستك وابراهام بملكك المعلومة كاملة

يعني انا ما خائف من نبيل ولا قانون الغش

ياخى انت بقيت ساكن فى بوستات محمد ناصر ...اكتر منو عايز تعمل فيها ماقلت غير بس انو قضيه مافى اها انا الكلام ده ماجبتو علشانك
جبتو علشان الناس البتقرى تعرف الحاصل وبالمناسبه ديل ولا حتى عشرة فى المية من مدخلاتك ... ولاحتى من كل البوستات البتخص الموضوع ده

Post: #65
Title: Re: فلاش ميمورى
Author: saif massad ali
Date: 02-09-2013, 03:45 AM
Parent: #64

يامنال

جيبي

كلامك انتي

وكلامي انا نقلا عن منظمة حقوق الانسان الاثيوبية

برضو جيبيهو انا كلو عندي بس الفلاش بتاعي كبير جدا مابضيع خاتيهو براهو

وجيبي كلامك لي وكلام نبيل م وكلام منال نفسها انا محتفظ بكل شئ

Post: #66
Title: Re: فلاش ميمورى
Author: ماجدة عوض خوجلى
Date: 02-09-2013, 12:54 PM
Parent: #65

Quote: يامنال

جيبي

كلامك انتي

وكلامي انا نقلا عن منظمة حقوق الانسان الاثيوبية

برضو جيبيهو انا كلو عندي بس الفلاش بتاعي كبير جدا مابضيع خاتيهو براهو

وجيبي كلامك لي وكلام نبيل م وكلام منال نفسها انا محتفظ بكل شئ

سيف مساعد منال ماقاعدة تكتب فى البوست هنا ده نمرة... واحد نمره 2 انت لو عندك كل شى ومحتفظ بيهو امشى اقرى كويس
وبعدين تعال قول انا قلت كده وانا ماقلت كده... انت هسه فاطى كل مداخلاتك الفوق دى وجاى لحقة ناس حقوق الانسان ... وبعدين البوست الفتحتو
باسم منال خوجلى مدانه يانزار حسين ....انشالله برضو تكون محتفظ بيهو علشان يرجع ليك الذاكرة شويه ...