Post: #1
Title: بسسسسسسسسسم الله ... جماعة الفيسبوك مشوا وين ؟؟؟
Author: عاطف عمر
Date: 01-30-2013, 01:03 PM
Parent: #0
يا بكري ياخ ما نوم يعني ؟؟
|
Post: #2
Title: Re: بسسسسسسسسسم الله ... جماعة الفيسبوك مشوا وين ؟؟؟
Author: عاطف عمر
Date: 01-30-2013, 01:04 PM
Parent: #1
أو في رواية أخرى ناس المساطب الشعبية
|
Post: #3
Title: Re: بسسسسسسسسسم الله ... جماعة الفيسبوك مشوا وين ؟؟؟
Author: osman righeem
Date: 01-30-2013, 01:05 PM
Parent: #1
بقو ي######و !!!!
الباب البيجيلك الريح سدو واستريح
|
Post: #5
Title: Re: بسسسسسسسسسم الله ... جماعة الفيسبوك مشوا وين ؟؟؟
Author: عاطف عمر
Date: 01-30-2013, 01:07 PM
Parent: #3
يا أبا رغيم
الكاروهات شنو في السخانة دي ؟؟
ثم
سلامات
|
Post: #4
Title: Re: بسسسسسسسسسم الله ... جماعة الفيسبوك مشوا وين ؟؟؟
Author: عاطف عمر
Date: 01-30-2013, 01:05 PM
Parent: #1
أو في رواية أخرى ( غير أخرى القبيل ديك )..
ناس السنترليق
|
Post: #7
Title: Re: بسسسسسسسسسم الله ... جماعة الفيسبوك مشوا وين ؟؟؟
Author: رانيه محمد الشيخ
Date: 01-30-2013, 01:09 PM
تصدق فقدتهم الصباح وقولت يكونش خلل فى جهازى والنت حقى انا
لكن كلامك دا اثبت ان بكرى كشحهم بره
:)))))))))))))))
|
Post: #11
Title: Re: بسسسسسسسسسم الله ... جماعة الفيسبوك مشوا وين ؟؟؟
Author: عاطف عمر
Date: 01-30-2013, 01:14 PM
Parent: #7
والله يا رانية جنس كشة ؟؟
ما أداهم أى فرصة
بكرينا وأجرك على الله
|
Post: #10
Title: Re: بسسسسسسسسسم الله ... جماعة الفيسبوك مشوا وين ؟؟؟
Author: Hussein Mallasi
Date: 01-30-2013, 01:11 PM
كدا أحسن يا باشمهندس .. إذ لا تستقيم القوانين المطبقة
على العضوية مع الحبل المتروك على غاربه لناس الفيسبوك!
|
Post: #12
Title: Re: بسسسسسسسسسم الله ... جماعة الفيسبوك مشوا وين ؟؟؟
Author: عاطف عمر
Date: 01-30-2013, 01:17 PM
Parent: #10
Quote: كدا أحسن يا باشمهندس .. إذ لا تستقيم القوانين المطبقة
على العضوية مع الحبل المتروك على غاربه لناس الفيسبوك! |
والله يا ملاسي الشغلانية من الأول كانت ظااااهرة لدرجة الغموض
خفنا نكلم حارسنا وفارسنا يقوم يلحقنا ليهم
يقول بنتدخل في شغل الإدارة و ( المادة الأولى من اللائحة )
|
Post: #14
Title: Re: بسسسسسسسسسم الله ... جماعة الفيسبوك مشوا وين ؟؟؟
Author: صبري طه
Date: 01-30-2013, 01:24 PM
Parent: #10
Quote: كدا أحسن يا باشمهندس .. إذ لا تستقيم القوانين المطبقة
على العضوية مع الحبل المتروك على غاربه لناس الفيسبوك! |
بالإمكان السيطرة على تعليقات الفيس بوك وعلى أصحابها بالحذف والحظر النهائي من المسؤول عن التطبيق وهو الذي يحمل رقم الـ ID
|
Post: #15
Title: Re: بسسسسسسسسسم الله ... جماعة الفيسبوك مشوا وين ؟؟؟
Author: أيمن محمود
Date: 01-30-2013, 01:28 PM
Parent: #10
| Quote: الحبل المتروك على غاربه لناس الفيسبوك!! |
دقسة الشاطر !
الفيس كان نفاج جميل لكثير من الناس - لا ادري ما هو السبب في الغاء هذا النفاج ؟!
كامل التضامن مع الفســـــباكة
|
Post: #16
Title: Re: بسسسسسسسسسم الله ... جماعة الفيسبوك مشوا وين ؟؟؟
Author: Hussein Mallasi
Date: 01-30-2013, 01:32 PM
Parent: #15
لم أدقس .. ولكنك - قطعاً - جاهل بصحيح العبارة!
|
Post: #22
Title: Re: بسسسسسسسسسم الله ... جماعة الفيسبوك مشوا وين ؟؟؟
Author: أيمن محمود
Date: 01-30-2013, 01:44 PM
Parent: #16
نعم يا ملاسي - هي فعلا الغارب وليس القارب - والا فما الذي اتى بالقارب الى عرب الصحراء ؟!
|
Post: #6
Title: Re: بسسسسسسسسسم الله ... جماعة الفيسبوك مشوا وين ؟؟؟
Author: عاطف عمر
Date: 01-30-2013, 01:08 PM
Parent: #1
والله برضو كانوا مونسننا
|
Post: #8
Title: Re: بسسسسسسسسسم الله ... جماعة الفيسبوك مشوا وين ؟؟؟
Author: osman righeem
Date: 01-30-2013, 01:10 PM
Parent: #6
قلبي مع عبد العزيز
الكاروهات = يوســـخـوا
|
Post: #13
Title: Re: بسسسسسسسسسم الله ... جماعة الفيسبوك مشوا وين ؟؟؟
Author: عاطف عمر
Date: 01-30-2013, 01:19 PM
Parent: #8
والله يا أبا رغيم فيك الخير
كلنا تعاطف مع عبعزيز
|
Post: #9
Title: Re: بسسسسسسسسسم الله ... جماعة الفيسبوك مشوا وين ؟؟؟
Author: عاطف عمر
Date: 01-30-2013, 01:11 PM
Parent: #1
غايتو يا بكري لوبقيت رئيس جمهورية ( في الزايلة دي )
يعلم الله لاك محتاج لى مجلس شعب ولا برلمان ولا مجلس وزراء و... و.....
بس محتاج لى شعب هدي ورضي زينا كدا
|
Post: #17
Title: Re: بسسسسسسسسسم الله ... جماعة الفيسبوك مشوا وين ؟؟؟
Author: Maawya Hussein
Date: 01-30-2013, 01:37 PM
Parent: #9
طالما باب التسجيل مفتوح في المنبر فالداير يجي بي الدرب العديل ..
|
Post: #20
Title: Re: بسسسسسسسسسم الله ... جماعة الفيسبوك مشوا وين ؟؟؟
Author: صبري طه
Date: 01-30-2013, 01:42 PM
Parent: #17
| Quote: طالما باب التسجيل مفتوح في المنبر فالداير يجي بي الدرب العديل .. |
تعليقات الفيس بوك يا معاوية مفيدة لأيّ موقع/منتدى حوار ...
تعليق هنا يعني أنّ كل قائمة أصدقائك في الفيس بوك سيمرون عليه ...
مما يعني كثرة الزيارات وكثرة الربح من إعلانات قوقل أدسنس ...
وتحسين ترتيب الموقع في أليكسا ...
|
Post: #18
Title: Re: بسسسسسسسسسم الله ... جماعة الفيسبوك مشوا وين ؟؟؟
Author: اسامة دفع الله ابوالحسن
Date: 01-30-2013, 01:40 PM
Parent: #9
انت عارف ياعاطف الفسباكة ديل طلعوا ناس مفتحين للطيش لمو ليك في الكاباتن الكبار بتاعننا زي تمبس وعادل الباهي ووليد الشفت باصات ون تو جهجهو باكتهم عشان كدا المدرب الكوري خاف علي المنتخب الاول بتاعه قال احسن يلغي دوري السنتر ليق والا كانت هزائم بالكوم وانت براك عارف سمعه الفريق الاول فوق كل شئ
دمت بالف خير
|
Post: #19
Title: Re: بسسسسسسسسسم الله ... جماعة الفيسبوك مشوا وين ؟؟؟
Author: محمد إبراهيم علي
Date: 01-30-2013, 01:41 PM
Parent: #9
تحيات يا زميل :)
اتفق مع حسين فلائحة المنبر التي تقيد الاعضاء يمكن الالتفاف عليها من خلال الفيس بوك
غايتو ناس الفيس ذنبكم يمكن يكون في رقبة عبد العزيز حسين كما اعتقد
اسي تلقاهو الليلة حاير بيهو الدليل ههههههههههههه
يجب الا يترك الحبل على (الغارب) فعلا
ــــــــــــــــــ
ايمن من اين للبدو بقارب ينسون حبالهم فيه فكل ما لديهم هو هو الغوارب
|
Post: #21
Title: Re: بسسسسسسسسسم الله ... جماعة الفيسبوك مشوا وين ؟؟؟
Author: هشام كمال عبادي
Date: 01-30-2013, 01:42 PM
Parent: #9
| Quote: بسسسسسسسسسم الله ... جماعة الفيسبوك مشوا وين ؟؟؟ |
بالله شختو ليهم ...
انا قلت ده يمكن خلل في كمبيوتري ولا محجوبين بصورة مؤقتة ..
الواحد اضانو بردت والله ..
|
Post: #23
Title: Re: بسسسسسسسسسم الله ... جماعة الفيسبوك مشوا وين ؟؟؟
Author: Maawya Hussein
Date: 01-30-2013, 01:47 PM
Parent: #21
Quote: تعليقات الفيس بوك يا معاوية مفيدة لأيّ موقع/منتدى حوار ...
تعليق هنا يعني أنّ كل قائمة أصدقائك في الفيس بوك سيمرون عليه ...
مما يعني كثرة الزيارات وكثرة الربح من إعلانات قوقل أدسنس ...
وتحسين ترتيب الموقع في أليكسا ... |
ايوة دا الجانب المضيء منها ياصبري ..لكن برضو فيها جانب مظلم ولو 1% ..في موقع زي الاون لاين لو جاتك اساءة او اتهام من تعليقات الفيس بوك (من حساب وهمي) المسؤوليه القانونيه البتحملا منو ؟ بكري ولا ادارة الفيس بوك ؟ وادارة الفيس بوك غير انها تقفل الحساب ما ظنيت انها تفيدك بي حاجة تانيه
|
Post: #24
Title: Re: بسسسسسسسسسم الله ... جماعة الفيسبوك مشوا وين ؟؟؟
Author: أيمن محمود
Date: 01-30-2013, 01:54 PM
Parent: #23
Maawya Hussein
| Quote: المسؤوليه القانونيه البتحملا منو ؟ بكري ولا ادارة الفيس بوك ؟ |
انا لاحظت كثير من المواقع الاجنبية فيها الميزة دي ومواقع محترمة - وهو مايرجح عدم وقوع المسئولية على صاحب الموقع !
|
Post: #27
Title: Re: بسسسسسسسسسم الله ... جماعة الفيسبوك مشوا وين ؟؟؟
Author: Maawya Hussein
Date: 01-30-2013, 02:00 PM
Parent: #24
| Quote: انا لاحظت كثير من المواقع الاجنبية فيها الميزة دي ومواقع محترمة - وهو مايرجح عدم وقوع المسئولية على صاحب الموقع ! |
اغلبا مواقع اخباريه والناس بتعلق علي الخبر ..هنا غير ..تناحر قبلي وسياسي واي زول راجي فرصة او معلومة او فضيحة عن التاني
|
Post: #25
Title: Re: بسسسسسسسسسم الله ... جماعة الفيسبوك مشوا وين ؟؟؟
Author: صبري طه
Date: 01-30-2013, 01:57 PM
Parent: #23
المسؤولية القانونية بتتحمّلها إدارة الفيس بوك .. لأنّ النافذة خاصة بهم والتعليق بحساب الشخص لديهم وهو مُرتبط بقاعدة بياناتهم يا معاوية أخوي !!!
|
Post: #26
Title: Re: بسسسسسسسسسم الله ... جماعة الفيسبوك مشوا وين ؟؟؟
Author: صبري طه
Date: 01-30-2013, 01:59 PM
Parent: #25
مثال لإمكانية تحكّم صاحب الـ ID بالتطبيق ...
ـــــــــــــــــ
|
Post: #29
Title: Re: بسسسسسسسسسم الله ... جماعة الفيسبوك مشوا وين ؟؟؟
Author: أيمن محمود
Date: 01-30-2013, 02:08 PM
Parent: #26
اذن الحبل حبل الفيسبوك و(الغارب) غارب الفيسبوك ،،،،
|
Post: #28
Title: Re: بسسسسسسسسسم الله ... جماعة الفيسبوك مشوا وين ؟؟؟
Author: Maawya Hussein
Date: 01-30-2013, 02:07 PM
Parent: #25
يعني انا في السودان وانت في امريكا قدمت شكوي لي ادارة الفيس بوك من اساءة منك ضمن تعليقات في موقع سوداني ..تفتكر الاجراء الممكن تتخذوا ادارة الفيس بوك شنو عشان ينصفني ؟ بالمنطق والواقع كدا ؟ كدي ادي طلة علي تعليقات اليوتيوب او الفيديوهات نفسها البتنزل هناك سمعت قوقل عاقبت شخص وودتو المحكمة قبل كدا بي تعليق ولا فيديو مسيء ؟ المواقع دي زوارا بي البلاييين في الدقيقه ما عندهم وقت وامكانيه يتابعوا نبزنا دا
|
Post: #30
Title: Re: بسسسسسسسسسم الله ... جماعة الفيسبوك مشوا وين ؟؟؟
Author: صبري طه
Date: 01-30-2013, 02:16 PM
Parent: #28
يا معاوية باختصار .. أنت كصاحب موقع ليست عليك أيّة مسئولية قانونية من تعليقات الفيسبوك من خلال هذه النافذة ...
|
Post: #31
Title: Re: بسسسسسسسسسم الله ... جماعة الفيسبوك مشوا وين ؟؟؟
Author: Muna Khugali
Date: 01-30-2013, 02:18 PM
Parent: #28
هي العضوية يا عاطف في سودانيزاونلاين بقت بتقديم الاوراق الثبوتية ومن ضمنهاالألكترونبك باسبورت
يبقي معقولة بس يخليهم يعلوقوا سااااكت كده حتي ولو في إخر الصفحة؟؟
وفي مقولة أخري الناس قالوا الوقفه بره قاعة الحفلة بتجيب المشاكل
والله أعلم!
إنت فاكر ساي؟
|
Post: #32
Title: Re: بسسسسسسسسسم الله ... جماعة الفيسبوك مشوا وين ؟؟؟
Author: الزبير صالح الزبير
Date: 01-30-2013, 02:26 PM
Parent: #31
| Quote: هي العضوية يا عاطف في سودانيزاونلاين بقت بتقديم الاوراق الثبوتية ومن ضمنهاالألكترونبك باسبورت |
المعلومة صحيحة يعني يا مني؟
|
Post: #33
Title: Re: بسسسسسسسسسم الله ... جماعة الفيسبوك مشوا وين ؟؟؟
Author: صبري طه
Date: 01-30-2013, 02:34 PM
Parent: #32
ثمّ ثانياً يا أخونا معاوية .. ألم تمر على هذا الشرط في شروط التسجيل لنسخة الفيبولتن ...
Quote: إن مشرفي وإداريي منتديات XXXX بالرغم من محاولتهم منع جميع المشاركات المخالفة، فإنه ليس بوسعهم استعراض جميع المشاركات. وجميع المواضيع تعبر عن وجهة نظر كاتبها
ولا يتحمل أي من إدارة منتديات XXXX أي مسؤولية عن مضامين المشاركات |
XXXX = اسم المنتديات
ــــــ
فيا عزيزي مافي صاحب منتدى بيتحمّل مسئولية مضامين مُشاركات ...
مثلاً لو غفل عن بعض المُشاركات المُسيئة .. أها هنا الدُبارة كيف ؟
|
Post: #34
Title: Re: بسسسسسسسسسم الله ... جماعة الفيسبوك مشوا وين ؟؟؟
Author: بكرى ابوبكر
Date: 01-30-2013, 03:00 PM
Parent: #33
شكرا يا حبيب ليك و لضيوفك الكرام
تعليقات الفيسبوك و fb spider عملت crash للسيرفا اكثر من 20 مرة لن نتخلى عنها لكن جارى البحث لحل لهذه المشكلة و العندو حل يساعدنا بيه
|
Post: #35
Title: Re: بسسسسسسسسسم الله ... جماعة الفيسبوك مشوا وين ؟؟؟
Author: أمير محي الدين محمد
Date: 01-30-2013, 03:29 PM
Parent: #34
يعني الموضوع كراش للسيرفا ليس الأ....أها ..لو الرّيس حلاهو
وجوكم جماعة الفيس بوك هجمة مرّتدة ..الناس القالت
ديل مصاطب شعبية وسنترليق وكشّوهم وكشحوهم برة ..الخ
وآآآآويلكم وسهر ليلكم ...من حسّي كامل تضامني معاكم
ولا ياربي أقول كامل شماتي عليكم والله ح تتبلوا جنس بّل واحد
و...الناس الإتغالطت قارب لا غارب والناس الفتت ...صبرا" يبّل آبريكم مافي
|
Post: #36
Title: Re: بسسسسسسسسسم الله ... جماعة الفيسبوك مشوا وين ؟؟؟
Author: صبري طه
Date: 01-30-2013, 04:05 PM
Parent: #34
| Quote: تعليقات الفيسبوك و fb spider عملت crash للسيرفا اكثر من 20 مرة لن نتخلى عنها لكن جارى البحث لحل لهذه المشكلة و العندو حل يساعدنا بيه |
حل مؤقت احتمال يمشّي الحال وهو:
توفير مساحة على سيرفر آخر ورفع صفحة html عليها ويكون بهذه الصفحة كود تعليقات الفيسبوك .. وفي كود الفيسبوك وضع متغير عنوان الموضوع ليجلبه آلياً .. ومن ثمّ إدراجها في قالب عرض المواضيع بنفس الشكل السابق لكن بكود iframe لصفحة الـ html التي تمّ إنشائها ...
وإذا استمرّت المُشكلة الاستغناء عن متغير جلب عنوان الموضوع آلياً بعنوان المنبر العام .. بمعنى بمجرد مشاركة صاحب حساب الفيسبوك سيتم نشر مُشاركته في الفيسبوك وسيكون رابط الانتقال لصفحة الموضوع الأصلية هو المنبر العام وليس الموضوع ...
وإذا اتضح أنّ المشكلة في متغيّر جلب عنوان الموضوع آلياً ففي هذه الحالة ربما لا تحتاج إلى مساحة على سيرفر آخر فقط يمكن الاعتماد على عنوان المنبر العام بدلاً عن عنوان الموضوع ...
ولك كل الود والتقدير ،،،
|
Post: #37
Title: Re: بسسسسسسسسسم الله ... جماعة الفيسبوك مشوا وين ؟؟؟
Author: عاطف عمر
Date: 01-30-2013, 04:42 PM
Parent: #1
معاوية حسين وصبري طه
واضح انكم تمتلكون ناصية كبيرة من المعرفة التقنية
لذلك تجدونني مستمتع جداً بمداخلاتكم التقنية العالية
|
Post: #38
Title: Re: بسسسسسسسسسم الله ... جماعة الفيسبوك مشوا وين ؟؟؟
Author: عاطف عمر
Date: 01-30-2013, 04:45 PM
Parent: #1
أيمن يا أبو الشباب
دي والله دقستك إنت
جيت لى ملاسي في ميدانو
|
Post: #39
Title: Re: بسسسسسسسسسم الله ... جماعة الفيسبوك مشوا وين ؟؟؟
Author: عاطف عمر
Date: 01-30-2013, 04:54 PM
Parent: #1
أهلين أسامة| Quote: انت عارف ياعاطف الفسباكة ديل طلعوا ناس مفتحين للطيش لمو ليك في الكاباتن الكبار بتاعننا زي تمبس وعادل الباهي ووليد الشفت باصات ون تو جهجهو باكتهم عشان كدا المدرب الكوري خاف علي المنتخب الاول بتاعه قال احسن يلغي دوري السنتر ليق والا كانت هزائم بالكوم وانت براك عارف سمعه الفريق الاول فوق كل شئ |
واستغلوا كذلك عنصر المباغتة
وجهل كباتن سودانيزأونلاين بأى معلومات عنهم
|
Post: #40
Title: Re: بسسسسسسسسسم الله ... جماعة الفيسبوك مشوا وين ؟؟؟
Author: عاطف عمر
Date: 01-30-2013, 05:02 PM
Parent: #1
سلامات يا هندسة
Quote: اتفق مع حسين فلائحة المنبر التي تقيد الاعضاء يمكن الالتفاف عليها من خلال الفيس بوك
غايتو ناس الفيس ذنبكم يمكن يكون في رقبة عبد العزيز حسين كما اعتقد
اسي تلقاهو الليلة حاير بيهو الدليل ههههههههههههه
يجب الا يترك الحبل على (الغارب) فعلا |
والله أنا من أول يوم إحترت عديل
معقول بكري يضبط العضوية ويسحب المداخلات والبوستات ويوقف العضوية المتفلتة
ويقوم في نفس الوقت يفك ليك ناس ما تعرف عنهم أى حاجة ؟؟
بعدين الكلام عن إمكانية الحذف والشكوى والمش عارف إيه
ياخي منو العندو وقت عشان يجري يسك ليهو ناس ما عارف عنهم أى حاجة
أهو أختنا منال خوجلي إستقالت من وظيفتها المرموقة وتابعت خصمها الموجود معاها في الخرطوم
حصلت على إيه في النهاية ؟؟
غايتو يحسب ليها أنها سجلت موقف مبدئي قوي
|
Post: #41
Title: Re: بسسسسسسسسسم الله ... جماعة الفيسبوك مشوا وين ؟؟؟
Author: عاطف عمر
Date: 01-30-2013, 05:04 PM
Parent: #1
مراحب هشام
Quote: بالله شختو ليهم ...
انا قلت ده يمكن خلل في كمبيوتري ولا محجوبين بصورة مؤقتة ..
الواحد اضانو بردت والله .. |
مع بكرينا
مش حتعرف تغمض عينيك
|
Post: #42
Title: Re: بسسسسسسسسسم الله ... جماعة الفيسبوك مشوا وين ؟؟؟
Author: عاطف عمر
Date: 01-30-2013, 05:12 PM
Parent: #1
الملكة يا ستهم
تحياتي وشوق
Quote: هي العضوية يا عاطف في سودانيزاونلاين بقت بتقديم الاوراق الثبوتية ومن ضمنهاالألكترونبك باسبورت
يبقي معقولة بس يخليهم يعلوقوا سااااكت كده حتي ولو في إخر الصفحة؟؟
وفي مقولة أخري الناس قالوا الوقفه بره قاعة الحفلة بتجيب المشاكل
والله أعلم!
إنت فاكر ساي؟ |
ما ياها دي زااااتا الحاجة الحيرتنا يا ملكة
بكرينا يدقق في العضوية وجيبو جوازات السفر والإقامة والمش عارف إيه
وفي نفس الوقت يفتح باب جانبي ( للناس الواقفة برة قاعة الحفلة ) ويخليهم يقاطعوا في ( الفنانين ) مرة بالصفافير ومرة بالإحتجاج ومرات يقررررربوا يحدفوا الفنان بالكراسي والبيض
غايتو كتر خيرو أنو وقف الشغلانية دي قبال الفنانين ما ينسحبوا أو يعتزلوا الغناء زااااتو
|
Post: #43
Title: Re: بسسسسسسسسسم الله ... جماعة الفيسبوك مشوا وين ؟؟؟
Author: عاطف عمر
Date: 01-30-2013, 05:17 PM
Parent: #1
| Quote: المعلومة صحيحة يعني يا مني؟ |
أيوا صحيحة يا زبير
ما شايف البروف أمين بى هناك زعلان كيف ؟؟
البروف قال في واحد من أصحابو في الخرطوم وسطو عشان العضوية
البروف كلم بكري
بكري قال ليهو ما في مشكلة خليهو يرسل صورة الجواز وعليه صفحة الإقامة
البروف أمين قدر ما هرش صلعتو لسه ما فهم
زول قاعد في السودان يلقى صفحة ( إقامة ) وين ؟؟
____________________
أقول قولي هذا والعهدة على البروف أمين
|
Post: #44
Title: Re: بسسسسسسسسسم الله ... جماعة الفيسبوك مشوا وين ؟؟؟
Author: عاطف عمر
Date: 01-30-2013, 05:25 PM
Parent: #1
مراحب ريسنا بكري قدس الله سركم
والله فرحان طاير السماء بتشريفكم للبوست
ولك الشكر الجزيلQuote: شكرا يا حبيب ليك و لضيوفك الكرام
تعليقات الفيسبوك و fb spider عملت crash للسيرفا اكثر من 20 مرة لن نتخلى عنها لكن جارى البحث لحل لهذه المشكلة و العندو حل يساعدنا بيه |
الكضب خيبة
لو قلت فهمت كلامك دا بالتفصيل أكون كضبت عليك
في العموم فهمت أنو وجود الجماعة ديل سبب مشكلة تقنية لم تكن أنت متحسب لها
وأنو جاري البحث عن حل لها
لكن عليك الله بالمرة كدا
شوف لينا ضمانات لعدم إستغلال ( الخدمة ) التي تود أن تتيحها لرواد الفيسبوك عدم إستغلالها لتصفية حسابات أو ضرب الإنضباط الذي ساد لحد كبير الموقع ضربه في مقتل ( راجع مداخلات الزملاء حسين ملاسي و محمد إبراهيم علي )
|
Post: #45
Title: Re: بسسسسسسسسسم الله ... جماعة الفيسبوك مشوا وين ؟؟؟
Author: عاطف عمر
Date: 01-30-2013, 05:28 PM
Parent: #1
Quote: يعني الموضوع كراش للسيرفا ليس الأ....أها ..لو الرّيس حلاهو
وجوكم جماعة الفيس بوك هجمة مرّتدة ..الناس القالت
ديل مصاطب شعبية وسنترليق وكشّوهم وكشحوهم برة ..الخ
وآآآآويلكم وسهر ليلكم ...من حسّي كامل تضامني معاكم
ولا ياربي أقول كامل شماتي عليكم والله ح تتبلوا جنس بّل واحد
و...الناس الإتغالطت قارب لا غارب والناس الفتت ...صبرا" يبّل آبريكم مافي |
أوسكار يا أمير
والله إنما مداخلة
غايتو أنا ح آخد إجازة من المنبر تلاتة أربعة أشهر عل النفوس تصفو
|
Post: #46
Title: Re: بسسسسسسسسسم الله ... جماعة الفيسبوك مشوا وين ؟؟؟
Author: محمد البشرى الخضر
Date: 01-30-2013, 07:26 PM
Parent: #45
تعليقات الفيس بوك مجرد أداة صالحها صالح وطالحها طالح لا تستقيم الأحكام التعميمية على الجميع
بعض المشاركات كانت قيّمة جدا و على درجة عالية من الإحترام و بعضها كان سيئ و تم حذف جزء منه
ونعم في مرضى و جبناء ممكن يعملوا حسابات وهمية ليقولوا ما عجزوا عنه بأسمائهم الحقيقية ودي حاجة يستحيل محاربتها تماما
علينا ان نتعايش معها دكتور ناظم السر مثالا :)
|
Post: #48
Title: Re: بسسسسسسسسسم الله ... جماعة الفيسبوك مشوا وين ؟؟؟
Author: عاطف عمر
Date: 01-31-2013, 05:55 AM
Parent: #46
سلام يا هندسةQuote: تعليقات الفيس بوك مجرد أداة صالحها صالح وطالحها طالح لا تستقيم الأحكام التعميمية على الجميع
بعض المشاركات كانت قيّمة جدا و على درجة عالية من الإحترام و بعضها كان سيئ و تم حذف جزء منه
ونعم في مرضى و جبناء ممكن يعملوا حسابات وهمية ليقولوا ما عجزوا عنه بأسمائهم الحقيقية ودي حاجة يستحيل محاربتها تماما
علينا ان نتعايش معها دكتور ناظم السر مثالا :) |
نعم تعليقات الفيس بوك مجرد أداة صالحها صالح وطالحها طالح
مثلها ومثل سودانيزأونلاين
ومثلها ومثل الحياة ( بمعناها الكبير ) ... حلوة مش كدا ؟؟ ....
في الحياة نتخير من مع من نتعامل حتى لا يصيبنا الرذاذ
وكذلك في سودانيزأونلاين
نختار لمن نقرأ ومع من نتداخل
وإن أتت - مع ذلك - شظايا فباب الشكوى مفتوح لصاحب الموقع
لم يقصر في معظم الحالات .. شطب مداخلات .. حذف بوستات ... أوقف عضوية متفلتة
نقطة الضعف في مشاركات الفيسبوك في وجود ( مرضى و جبناء ممكن يعملوا حسابات وهمية ليقولوا ما عجزوا عنه بأسمائهم الحقيقية ) وهذا لابد من التفكير فيه وفي كيفية ضبطه ..
وكيفية ضبطه غير مستحيلة التحقيق
مواقع كثيرة تلجأ لنظام الفلترة
لا تنزل المداخلات مباشرة..
تمر على موقع الإدارة الذي يوافق عليها أو يحذفها أو يحذف منها المسئ
لا نريد أن نثقل على بكري
فكلنا يعرف أنه يعمل وحيدا .. ويستحيل عليه عملياً القيام بهذا الدور
ولا نستطيع كذلك أن نقول له كلف آخرين ليساعدوك في هذه المهمة فهو يقول أنه قد جرب الإدارة الجماعية ووصل لقناعة بعدم جدواها..
في ظل كل ذلك يبرز سؤال
هل عملية فتح الباب أمام ناس لا تتمكن من السيطرة على تعليقاتهم تماماً ، بل ويضرب الإنضباط الذي نجح في إرساؤه هل يستحق الأمر هذه المغامرة ؟؟
|
Post: #49
Title: Re: بسسسسسسسسسم الله ... جماعة الفيسبوك مشوا وين ؟؟؟
Author: صبري طه
Date: 01-31-2013, 07:43 AM
Parent: #48
Quote: نقطة الضعف في مشاركات الفيسبوك في وجود ( مرضى و جبناء ممكن يعملوا حسابات وهمية ليقولوا ما عجزوا عنه بأسمائهم الحقيقية ) وهذا لابد من التفكير فيه وفي كيفية ضبطه ..
وكيفية ضبطه غير مستحيلة التحقيق
مواقع كثيرة تلجأ لنظام الفلترة
لا تنزل المداخلات مباشرة..
تمر على موقع الإدارة الذي يوافق عليها أو يحذفها أو يحذف منها المسئ |
تحياتي .. وهذا ممكن يا باشمهندس ..
وأدناه لوحة الإعدادات العامة لهذا التطبيق .. وهي تسمح لك بالتحكّم في المُشاركات وإضافة مُشرفين من قائمة أصدقائك بالفيس بوك ...
|
Post: #47
Title: Re: بسسسسسسسسسم الله ... جماعة الفيسبوك مشوا وين ؟؟؟
Author: Amir Omer
Date: 01-30-2013, 07:37 PM
Parent: #45
أخونا وحبيبنا عاطف
في رأيي إنه أي تجربة في الدنيا دي فيها الموجب والسالب
ولو حكمنا من جانب واحد حكمنا دا ممكن يكون ما سليم.
موضوع تعليقات الفيسبوك دا فيهو جانب إيجابي وجانب سلبي
والجانب السلبي الشايف الناس ركزت عليه هو مسألة ( الإنضباط )!
ورغم إني بتفق معاهم في الحتة دي لكن خلونا نسأل أنفسنا هل كل
الناس الجاية من الفيسبوك غير منظبطة ومتفلتة؟! وهل كل الأعضاء
الموجودين في البورد منظبطين وغير متفلتين؟! بالتأكيد ... لا!!
يبقي خوفنا من عدم الإنضباط دا فيهو إجحاف لناس كلو ذنبهم
إنهم بيكتبوا في حتة ممكن يجي منها الريح ..! ونفس الإجحاف دا
بيقع لمن الناس تحكم على البورد دا بإنه مكان موبوء!
المطلوب مننا قبل ما نحكم على اي حاجة إننا نوازن بين الكفتين
الإيجابية والسلبية ونشوف ياتو واحدة فيهم بتتفوق علي الأخرى
لانه من الصعوبة بمكان إنه الكفتين يكون متساوين في كل شيء.
أعتقد أنه إرتباط تعليقات الفيسبوك بالبورد بيساهم بطريقة أو باخرى
في أنها توسع دائرة الأفكار المطروحة وبتخليها مبذولة لمجموعة أكبر من الناس
ودي فيها فائدة للناس البتكتب هنا وبهمها إنها توصل أفكارها،وبرضو فيها فائدة
للمتلقي الما بيخش البورد لكن بتجيهو المعلومة لحدي عنده عشان واحد من أصحابه
علّق عليها وبرضو بتحولوا من متلقي للفكرة لـ مشارك برأيه فيها سواء بدعمها او دحضها.
ودا معناه إنه وجود التعليقات بساهم في نشر الأفكار ونشر الوعي بصورة
أفضل وأسرع وبرضو بيساهم في إنتشار البورد على نطاق أوسع، خصوصا ونحن
عارفين إنه الفيسبوك واحد من أهم الادوات الإسفيرية الحيّة جداً وكان له دور لا يستهان به
في إحداث التغيير البتمر بيهو منطقتنا العربية سواء اجتماعياً أو سياسياً في الفترة الحالية.
من ناحية تانية، أعتقد إنه وجود التعليقات دي ممكن براحة جدا يمثِّل إستفتاء رأي حقيقي لانها
بتفسح لينا المجال نسمع آراء لمجموعة أكبر من المجموعة المتواجدة فقط داخل اسوار سودانيز
اونلاين ودا مهم عشان ما يكون المنبر نفسه منغلق على نفسه .. وغير كدا ح تقدر تتعرف على آراء
من شرائح مختلفة في المجتمع ممكن ما يكون عندها الرغبة ولا الزمن إنها ترتبط بعضوية مواقع
اسفيرية.
لو أضفنا للكلام دا الفائدة البيحققها بكري نفسه لموقعه من انتشار وعوائد مادية من خلال الإعلانات
ح نلقى الناس المستفيدة من وجود التعليقات دي أكبر بكتير من الناس المتضررة منها ( win - win )
ــــــــــــــــــــــــــــ
شايف بوستاتك بقت تجيب ( بكرينا ) شخصياً ... غايتو لو فيها كَشّة أنا اول زول ح ينكرك حطب 
|
Post: #50
Title: Re: بسسسسسسسسسم الله ... جماعة الفيسبوك مشوا وين ؟؟؟
Author: عاطف عمر
Date: 01-31-2013, 09:32 AM
Parent: #47
حبيبنا يا أمير| Quote: شايف بوستاتك بقت تجيب ( بكرينا ) شخصياً ... غايتو لو فيها كَشّة أنا اول زول ح ينكرك حطب |
لو القصة جابت ليها كشة أنا زااااتي ح أنكر ليك البوست دا زى الماحصل حاجة
أجيب ليهو خمسة قول عشرة شهود عدول أني كنت مهكور وأني..... وأني .......
______________________
أظن أنني قد غطيت النقاط الأساسية من مداخلتك في ردي على صديقنا ود البشرى
النفوس كان إتطايبت الرد الواحد بيكفى مداخلتين تلاتة
وإنت وود البشرى نفوسكم متطايبة
إتقاسموه بالحلال والبلال
|
Post: #51
Title: Re: بسسسسسسسسسم الله ... جماعة الفيسبوك مشوا وين ؟؟؟
Author: عاطف عمر
Date: 01-31-2013, 12:49 PM
Parent: #50
يا صبري ياخ يوم شكرك ما يجي
شكراً ليك
أثريتنا وأثريت البوست بالمعلومات التقنية
|
|