Post: #1
Title: ما فيكم زول عندو طوب وحديد وأسمنت وأبواب وسيراميك وبوهية قنعان منهن
Author: nazar hussien
Date: 01-30-2013, 10:10 AM
Parent: #0
يا ناذر وربعه
مغروض في حديد تسليح 12 ملم (4 لينية) زي طن ونص
10 ملم (3 لينية) طنين ونص
وحديد كانات 8 ملم 2 لينية (نص طن)
وعشرين لوري طوب
و15 طن أسمنت
...
|
Post: #2
Title: Re: ما فيكم زول عندو طوب وحديد قنعان منهن
Author: ود الباوقة
Date: 01-30-2013, 10:15 AM
Parent: #1
مغروض في حديد تسليح 12 ملم (4 لينية) زي طن ونص
10 ملم (3 لينية) طنين ونص
وحديد كانات 8 ملم 2 لينية (نص طن)
وعشرين لوري طوب
...
.........................................................
نزار
ربنا يرزقك بيت في الجنة ان شاء الله
وشكرا
|
Post: #3
Title: Re: ما فيكم زول عندو طوب وحديد قنعان منهن
Author: دينا خالد
Date: 01-30-2013, 10:52 AM
Parent: #2
يا نزار فى رااااااقد واكتر من الكمية الطالبه انت دى
بس تعال ميدان التحرير بالليل ...
|
Post: #4
Title: Re: ما فيكم زول عندو طوب وحديد قنعان منهن
Author: علي محمد الفكي
Date: 01-30-2013, 11:16 AM
Parent: #3
كل طلبيتك دي متوفره يا نزار
واحنا مغروضين لينا في شوية قروش
عشان نقدر نحرك الحاجات دي من محلها لانها ما بتتحرك الا بيها
انت جيب القروش
وتعال شيل الحديد والطوب ولو حبيت اسمنت كمان
|
Post: #6
Title: Re: ما فيكم زول عندو طوب وحديد قنعان منهن
Author: nazar hussien
Date: 01-30-2013, 01:38 PM
Parent: #3
Quote: يا نزار فى رااااااقد واكتر من الكمية الطالبه انت دى
بس تعال ميدان التحرير بالليل ... |
شكرا دينا...إلا الكمية الموجودة في ميدان التحرير
ما فايتة تحرير الثوار من القبضة الحديدية...
إذا كان أخوانا نحن لا هسي قاعدين ليهم كم وعشرين
سنة باقي ليك ديك بيقعدو كم سنة؟؟
عشان كده سيخ وطوب ميدان التحرير دا مونة سنين لي قدام
|
Post: #5
Title: Re: ما فيكم زول عندو طوب وحديد قنعان منهن
Author: nazar hussien
Date: 01-30-2013, 01:34 PM
Parent: #2
Quote: نزار
ربنا يرزقك بيت في الجنة ان شاء الله
وشكرا |
يا ود الباوقة
آمين...دعوتك ما بناباها الا الفيك انعرفت
|
Post: #7
Title: Re: ما فيكم زول عندو طوب وحديد قنعان منهن
Author: nazar hussien
Date: 01-30-2013, 01:42 PM
Parent: #5
Quote: كل طلبيتك دي متوفره يا نزار
واحنا مغروضين لينا في شوية قروش
عشان نقدر نحرك الحاجات دي من محلها لانها ما بتتحرك الا بيها
انت جيب القروش
وتعال شيل الحديد والطوب ولو حبيت اسمنت كمان |
مافي مشكلة يا محمد...الاسعار كيف؟؟
والطلبية وين؟
|
Post: #8
Title: Re: ما فيكم زول عندو طوب وحديد قنعان منهن
Author: الزبير صالح الزبير
Date: 01-30-2013, 02:30 PM
Parent: #7
جيت داخل وقلت نزار دة عاوز يفلق منو بالطوب
يا نزار ما تجرب طريقة ناذر لا دايرة طوب ولا سيخ
انا غايتو اتوكلت وجربتها نص فرشة
|
Post: #9
Title: Re: ما فيكم زول عندو طوب وحديد قنعان منهن
Author: nazar hussien
Date: 01-30-2013, 02:48 PM
Parent: #8
Quote: جيت داخل وقلت نزار دة عاوز يفلق منو بالطوب
يا نزار ما تجرب طريقة ناذر لا دايرة طوب ولا سيخ
انا غايتو اتوكلت وجربتها نص فرشة |
المشكلة يا الزبير....
اني بديت بالطريقة القديمة ديك...ولمو فيني
طلب...كيس الاسمنت عندهم زي البيضة...بفقشوه
وبدوه الطوة...والسيخ بتعاملوا معاه زي
خيط الغزل...حالا حالا كملو اسمنتي وسيخي
وقعدو يدوبو...وشابكني ليك...(ها زول ها
أسمنتيك وسيخك ديل ...وينن؟؟؟
|
Post: #10
Title: Re: ما فيكم زول عندو طوب وحديد قنعان منهن
Author: سلمى الشيخ سلامة
Date: 01-30-2013, 02:59 PM
Parent: #9
قال ليك يانزار واحد مشى لست الشاى قال ليها ادينى كباية شاى
قالت ليهو ما عندى شاى اديك جبنة ؟
قال ليها لا
قالت ليهو ليه ؟
قال ليها عشان الجداد ما جاب الطوب
هسى انت الجداد لسه ما جاب الطوب ؟
ياخ تبنى شنو فى الدنيا دى اشترى ليك بيت جاهز
وشيتا عندك قروش تخليك تبنى فى السودان الفضل معناها عندك قروش كتار "ماحاسدة " لكن بقول ليك الكلام الجد
تعال اشترى ليك فيلا فى بلدنا دى جاهزة وسمحة ورخيصة
ما بوريك الا تقول موافق
وسترة وصلحة زى ما بتقول امى رحمة الله عليها
الاتنين اقراهن بضم الحرف الاول
|
Post: #11
Title: Re: ما فيكم زول عندو طوب وحديد قنعان منهن
Author: nazar hussien
Date: 01-30-2013, 03:17 PM
Parent: #10
Quote: قال ليك يانزار واحد مشى لست الشاى قال ليها ادينى كباية شاى
قالت ليهو ما عندى شاى اديك جبنة ؟
قال ليها لا
قالت ليهو ليه ؟
قال ليها عشان الجداد ما جاب الطوب
هسى انت الجداد لسه ما جاب الطوب ؟
ياخ تبنى شنو فى الدنيا دى اشترى ليك بيت جاهز
وشيتا عندك قروش تخليك تبنى فى السودان الفضل معناها عندك قروش كتار "ماحاسدة " لكن بقول ليك الكلام الجد
تعال اشترى ليك فيلا فى بلدنا دى جاهزة وسمحة ورخيصة
ما بوريك الا تقول موافق
وسترة وصلحة زى ما بتقول امى رحمة الله عليها
الاتنين اقراهن بضم الحرف الاول |
سلمي بنت الشيخ سلامة شخصيا هنا معانا وسط كسار الطوب دا
يااااااه....إلهي يعلي مقامك اكتر واكتر...
الجداد أنا زاتي يا سلمي...هسي في ذمتك
كان ماني جداد...ومباري الجداد بمشي
أكب قروشي وسط كّوش...
أبدا ما عندي قروش. كتار والحمدلله..والدليل قرعتي الماديها
هنا...عايز الاقي لي زول قنعان من البناء
وسط الكوش....
ومع ذلك بلودكم دي وين البشترو فيها طوالي بالفلل
ورخيصة دي...
|
Post: #12
Title: Re: ما فيكم زول عندو طوب وحديد قنعان منهن
Author: سلمى الشيخ سلامة
Date: 01-30-2013, 03:48 PM
Parent: #11
نزار ازيك
ياخوى زمان كان فى السودان الفضل فى مشروعات بتاعة الناس محدودى الدخل
الحكومة "كانت " بتبنى ليهم بيوت
والدفع محكوم بدخل الفرد
البرنامج دا قاعد يعمله الان الرئيس السابق للولايات المتحدة
جيمى كارتر
رغم انها بلاد راسمالية
لكنها اشتراكية كاملة الدسم
الان ياصديقى
عليك ان توكلنى ان اشترى ليك بيت بالاقساط المريحة
وحات سيدى الحسن ماشة اعمل البرنامج دا واتحكر فى بيت
زى اى زول
وبعدين فى بيوت ضربة حظ تلاقى بيت بسعر 0 3الف دولار
كامل وفيهو حديقة
فى بعض الولايات
وبالمناسبة البيوت هنا ارخص من السودان مليون مرة
|
Post: #13
Title: Re: ما فيكم زول عندو طوب وحديد قنعان منهن
Author: أيمن محمود
Date: 01-30-2013, 04:03 PM
Parent: #12
كمان عليكم الله لو في زول عندو باقي قطعة واطا ... 150-200 متر يدينا ليها لحدي ما الله يفرجا !
|
Post: #14
Title: Re: ما فيكم زول عندو طوب وحديد قنعان منهن
Author: nazar hussien
Date: 01-30-2013, 05:20 PM
Parent: #13
Quote: عليك ان توكلنى ان اشترى ليك بيت بالاقساط المريحة
وحات سيدى الحسن ماشة اعمل البرنامج دا واتحكر فى بيت
زى اى زول
وبعدين فى بيوت ضربة حظ تلاقى بيت بسعر 0 3الف دولار
كامل وفيهو حديقة
فى بعض الولايات
وبالمناسبة البيوت هنا ارخص من السودان مليون مرة |
إنت متأكدة يا بت الشيخ ببيعوا لي السودانيين الزينا ديل؟؟؟؟
ياخ الأامريكان كنتاكي الله والرسول دا محرمنو علينا
يبيعوا لينا بيوت؟؟؟
|
Post: #15
Title: Re: ما فيكم زول عندو طوب وحديد قنعان منهن
Author: الزبير صالح الزبير
Date: 01-30-2013, 05:48 PM
Parent: #14
Quote:
كمان عليكم الله لو في زول عندو باقي قطعة واطا ... 150-200 متر يدينا ليها لحدي ما الله يفرجا ! |
والله يا نزار ما دايرين نبوظ ليك البوست دة لكن ما دام جابت ليها شحدة واطا اها انا كمان مقروض لي في سبتك بالله لو في زول عندو واحد زايد يشحدنا لية
|
Post: #16
Title: Re: ما فيكم زول عندو طوب وحديد قنعان منهن
Author: nazar hussien
Date: 01-30-2013, 08:08 PM
Parent: #15
| Quote: كمان عليكم الله لو في زول عندو باقي قطعة واطا ... 150-200 متر يدينا ليها لحدي ما الله يفرجا ! |
يا ايمن انت هسي بالله عليك غالبك من الخرط البتجيك تجازف ليك 150 متر؟؟؟؟؟
انت قايل في زول فارز حاجة؟؟؟
ثم ثانيا...عشان السودانيين ديل ما يكشوا من طلبي دا....قروشي حاضرة
كان دايرنا بي عملة هنا أو هناك.....بس كل ما في الامر عايزين
زول ينزل لينا من سعر السوق الما معروف دا...ويكون هو فعلا حاليا
الطوب والسيخ ميتات في يدو...وريما صرف نظر وماشي حيث
سلمي الشيخ سلامة....
|
Post: #17
Title: Re: ما فيكم زول عندو طوب وحديد قنعان منهن
Author: الزبير صالح الزبير
Date: 01-30-2013, 08:45 PM
Parent: #16
نزار راجع الايميل
|
Post: #19
Title: Re: ما فيكم زول عندو طوب وحديد قنعان منهن
Author: nazar hussien
Date: 01-31-2013, 07:08 AM
Parent: #17
الزبير...
حاولت أكتب ليك رد بالماسنجر حلف بالتكتلو ما يمشي ليك..
فياخي شكرا جدا مقدما علي العرض...(هو أنا لاقي)
بلاي أسألهم لي طوالي...وشوف بيدوني بي كم
وعايزين قروشهم كيف ووين...(ركز لي علي التخفيض) أسهل لي من الأقساط
والمطلوب تاني:
اسمنت 15 طن
الوحدة الكمية
حديد تسليح 12 ملم ( 4 لينية) طن 1.5
حديد تسليح 10 ملم ( 3 لينية) طن 2.5
حديد كانات 8ملم ( 2 لينية) طن 0.5
|
Post: #18
Title: Re: ما فيكم زول عندو طوب وحديد قنعان منهن
Author: bob
Date: 01-30-2013, 08:48 PM
Parent: #16
نزار
سلام
راجع الماسنجر
|
Post: #20
Title: Re: ما فيكم زول عندو طوب وحديد قنعان منهن
Author: nazar hussien
Date: 01-31-2013, 07:14 AM
Parent: #18
هكذا تكون زمالة المنبر يا مصعب
فشكرا لك يا حبيب...وسأقوم بالاتصال
بالباشمهندس اليوم قبل الغد...
زمالة المنبر ولا رفيق البنبر
(مثل يطلق عند الفزع)
|
Post: #24
Title: Re: ما فيكم زول عندو طوب وحديد قنعان منهن
Author: bob
Date: 01-31-2013, 04:43 PM
Parent: #20
لا شكر على واجب يا حبيب
امسك فى الزول ده ....لواحتجته لى اى حاجه ما تتردد
التحايا
|
Post: #21
Title: Re: ما فيكم زول عندو طوب وحديد قنعان منهن
Author: أيمن محمود
Date: 01-31-2013, 07:15 AM
Parent: #18
Quote: يا ايمن انت هسي بالله عليك غالبك من الخرط البتجيك تجازف ليك 150 متر؟؟؟؟؟
انت قايل في زول فارز حاجة؟؟؟ |
|
Post: #22
Title: Re: ما فيكم زول عندو طوب وحديد قنعان منهن
Author: إسماعيل حسن
Date: 01-31-2013, 10:57 AM
Parent: #21
يانزار سلام وتحية الحال من بعضوا
عليك بناس الكسر ( تلاقيهم كراع فى الحبس وجوكية بره)
يا ايمن ما بالغت عديل (150-200 متر) امانة قرعتك ما كبيرة خلاص
|
Post: #32
Title: Re: ما فيكم زول عندو طوب وحديد قنعان منهن
Author: nazar hussien
Date: 02-03-2013, 09:07 AM
Parent: #23
يا عبدالله...
أنا بفتش لي زولا مطرف...براه...
|
Post: #25
Title: Re: ما فيكم زول عندو طوب وحديد قنعان منهن
Author: nazar hussien
Date: 02-02-2013, 04:30 PM
Parent: #22
Quote: يانزار سلام وتحية الحال من بعضوا
عليك بناس الكسر ( تلاقيهم كراع فى الحبس وجوكية بره)
يا ايمن ما بالغت عديل (150-200 متر) امانة قرعتك ما كبيرة خلاص |
إزيك يا إسماعيل وأريت حالك زين
ناس الكسر ديل يأكلوا من الناس
وأنا أجي أقعد تحت طوبهم وأسمنتيهم
عشان تجي صاقعة واحدة تلحقني أمات طه..
لا لا...حد الله ما بيني وبين الشرابك دي
ما أريده بيكون زول عندو ومشتريه زمان
وغير رأيو أو تاجر ومخزن...وبتفاهم في السعر
أي زول بفتح الراكوبة ويقول ليك اليوم الصباح الدولار بي
7...معناها بضاعتنا دي بقت بي 14 ما دايرو...
ياخ السعر العالمي دا...سعر الدنيا والعالمين قبلان بيه
السودان أصبح مخيف في البيع والشراء...كان ما لقيت ليك
زول ممكن تشتكيه لي عمو أو خاله أو بورد...ما تصمن الاشتريتو يكون ياهو
|
Post: #26
Title: Re: ما فيكم زول عندو طوب وحديد قنعان منهن
Author: nazar hussien
Date: 02-02-2013, 04:37 PM
Parent: #25
هههههههههههههههههههههههه
والله خاصية تعديل العنوان دي مريحة بشكل...
بعد ما الشباب يجتهدوا معاي
المرحلة الجاية إن شاء الله
حا أقبل علي المواسير
وتانك الموية...
وشوية شوية علي الأباريق (البتن في إطراق)
|
Post: #27
Title: Re: ما فيكم زول عندو طوب وحديد قنعان منهن
Author: على ابراهيم رفاى حمد
Date: 02-02-2013, 07:54 PM
Parent: #26
نزار سلام
ياخوى انت بعنوانك دا دائر بيت جاهز ساى تغلط تدى مقاول براك تمشى السوق
غايتو الله يعينك ياخى !!!
لكن بالجد زى ماقال ليك الزبير الجماعة يجدعوا الشوال هناك وامشوا فيهو ما تقول بغم!!
دا من غير التقديرات الضاربة فى اغلب الاحيان !!! بتخل الزول فى حيص بيص !!!
لانو التمومة صعبة يا تبيع. دهب الأولاد !!!
ولا العربية !!!
ولا تخلى البنيان واقف بدون موضوع زى بوابة عبد القيوم !!!
|
Post: #28
Title: Re: ما فيكم زول عندو طوب وحديد قنعان منهن
Author: سامى عبد المطلب
Date: 02-02-2013, 10:00 PM
Parent: #27
يا نزار بطريقتك دى حتحتاج تنقل معاك البوست ده للربع التانى والتالت ....! 
يا زول الناس كلها موقفه البنيان لحدى ما الاسعار دى ترسى ليها على بر ..... ربنا يلطف بينا ....
|
Post: #29
Title: Re: ما فيكم زول عندو طوب وحديد قنعان منهن
Author: معاوية الأرباب
Date: 02-02-2013, 10:35 PM
Parent: #28
| Quote: وشوية شوية علي الأباريق (البتن في إطراق) |
مع شخير المواسير ده مافي داعي للأباريق من أصلو ..... تيمم بس .
بالله يا نزار لو لقيت ليك فارة وكملت العمارة أنا حاجزكسار الطوب.
|
Post: #30
Title: Re: ما فيكم زول عندو طوب وحديد قنعان منهن
Author: سليمان القرشي
Date: 02-02-2013, 10:52 PM
Parent: #29
تحياتي اخوي نزار
نصيحة لوجه الله مهما كان السعر اشتري بس لانو كل يوم السوق في الطالع انا اشتريت طوب قبل اقل من شهر اللوري حموله 4الف طوبة بي 1200 بعدها اشتريت بي 1300 اليوم بعد تحانيس وملاوه بي1400ومين عارف يكون بي كم بعد شويه نفس الحكاية الاسمنت لكن الاسمنت بطلع وبنزل يعني اتوكل علي الله واشتري حتي لو مواد بسيطة مابتندم وماتتعب نفسك تفتش لي زول مخزن يبيع ليك بالرخيص الناس دي كلها مفتحة وعارفة الاسعار الزمن الواحد لو مخزن ليهو شوالين اسمنت بصحي من الصباح بضرب لي عشرين صاحب مغلق وتلاتين مورد في السجانة عشان يعرف السعر واخيرا غمض واقع وباذن الله بتم ونحن في الخدمة لو عندك اي استفسار
تسلم
|
Post: #35
Title: Re: ما فيكم زول عندو طوب وحديد قنعان منهن
Author: حاتم عثمان
Date: 02-03-2013, 03:32 PM
Parent: #29
اشتريت الحديد والاسمنت والرملة والخرصانة ومواسير الصرف الصحى ,
علما بأن كل ما ورد اعلاه تعديل للبيت الجاهز اصلا , وبمجرد بدء العمل
ظهروا لينا كابويات الشئون الهندسية , اول حاجة وقفوا الشغل مع ان الخرط
قديمة وابرزناها لهم , يعنى ما فيش مخالفة حسب علمنا المتواضع ,
وبعد مراجعتهم طلبوا رسوم تصديق خرط , ورسوم مبانى , ورسوم صرف
صحي ," ثم المعلوم " , علما بأن البيت مسكون منذ عام 2003 ,
المهم يا صاحبى عجزت عن تحصيل مبالغ الكابويات ديل , وحردت ثم ندمت
على أى طوبة جبتها , وقبل ان ارجع من حردتى دى تعال شيل ما طاب لك .
واحذر ثم احذر كل متهور مثلى فى تجنب مثل هذه الجريمة خاصة اصحاب
السكرى والضغط . تحياتى
|
Post: #39
Title: Re: ما فيكم زول عندو طوب وحديد قنعان منهن
Author: nazar hussien
Date: 02-04-2013, 05:48 PM
Parent: #29
Quote: كل طلبيتك دي متوفره يا نزار
واحنا مغروضين لينا في شوية قروش
عشان نقدر نحرك الحاجات دي من محلها لانها ما بتتحرك الا بيها
انت جيب القروش
وتعال شيل الحديد والطوب ولو حبيت اسمنت كمان |
وين يا فكي
|
Post: #40
Title: Re: ما فيكم زول عندو طوب وحديد قنعان منهن
Author: nazar hussien
Date: 02-04-2013, 05:48 PM
Parent: #29
Quote: كل طلبيتك دي متوفره يا نزار
واحنا مغروضين لينا في شوية قروش
عشان نقدر نحرك الحاجات دي من محلها لانها ما بتتحرك الا بيها
انت جيب القروش
وتعال شيل الحديد والطوب ولو حبيت اسمنت كمان |
وين يا فكي
|
Post: #33
Title: Re: ما فيكم زول عندو طوب وحديد قنعان منهن
Author: nazar hussien
Date: 02-03-2013, 09:12 AM
Parent: #28
Quote: يا نزار بطريقتك دى حتحتاج تنقل معاك البوست ده للربع التانى والتالت ....!
يا زول الناس كلها موقفه البنيان لحدى ما الاسعار دى ترسى ليها على بر
..... ربنا يلطف بينا |
الاسعار ترسي وين لي ناس مرسي ديل؟؟؟
|
Post: #31
Title: Re: ما فيكم زول عندو طوب وحديد قنعان منهن
Author: nazar hussien
Date: 02-03-2013, 08:38 AM
Parent: #27
Quote: نزار سلام
ياخوى انت بعنوانك دا دائر بيت جاهز ساى تغلط تدى مقاول براك تمشى السوق
غايتو الله يعينك ياخى !!!
لكن بالجد زى ماقال ليك الزبير الجماعة يجدعوا الشوال هناك وامشوا فيهو ما تقول بغم!!
دا من غير التقديرات الضاربة فى اغلب الاحيان !!! بتخل الزول فى حيص بيص !!!
لانو التمومة صعبة يا تبيع. دهب الأولاد !!!
ولا العربية !!!
ولا تخلى البنيان واقف بدون موضوع زى بوابة عبد القيوم !!! |
يا حبيب كان مشيت السوق براي القروش البمشيبن السوق أجيبن من وين
لازم أكون شغال عشان أحل ناس السوق ديل...
أماالعربية و دهب الأولاد داك بعناهو من زماااان...الباقي لينا الأولاد في حلقهم...
وينك يا الزبير...منتظرين فوق طوبا تهبو الريح
|
Post: #34
Title: Re: ما فيكم زول عندو طوب وحديد قنعان منهن
Author: nazar hussien
Date: 02-03-2013, 02:32 PM
Parent: #31
شكرا يا سليمان علي النصيحة...
لكن انت ما سمعت بي...
لم يستبينوا النصح الا ضحي الغد...
دا لو إستبناهو من اساسو...
جدي الله يرحمو قال الارض في المقرن دي كانت بي ....
وأنا في جيبي....كانت بتشتري خمسة أراضي,,,
باقي ليك كان إشتراهن كان بتلقاني في منبر بكري دا؟؟؟
|
Post: #36
Title: Re: ما فيكم زول عندو طوب وحديد قنعان منهن
Author: nazar hussien
Date: 02-04-2013, 08:07 AM
Parent: #34
Quote: اشتريت الحديد والاسمنت والرملة والخرصانة ومواسير الصرف الصحى ,
علما بأن كل ما ورد اعلاه تعديل للبيت الجاهز اصلا , وبمجرد بدء العمل
ظهروا لينا كابويات الشئون الهندسية , اول حاجة وقفوا الشغل مع ان الخرط
قديمة وابرزناها لهم , يعنى ما فيش مخالفة حسب علمنا المتواضع ,
وبعد مراجعتهم طلبوا رسوم تصديق خرط , ورسوم مبانى , ورسوم صرف
صحي ," ثم المعلوم " , علما بأن البيت مسكون منذ عام 2003 ,
المهم يا صاحبى عجزت عن تحصيل مبالغ الكابويات ديل , وحردت ثم ندمت
على أى طوبة جبتها , وقبل ان ارجع من حردتى دى تعال شيل ما طاب لك .
واحذر ثم احذر كل متهور مثلى فى تجنب مثل هذه الجريمة خاصة اصحاب
السكرى والضغط . تحياتى |
ياخ طيب ما تبيع لينا أسمنتيك وحديدك دا...
|
Post: #37
Title: Re: ما فيكم زول عندو طوب وحديد قنعان منهن
Author: nazar hussien
Date: 02-04-2013, 08:50 AM
Parent: #36
Quote: يازول معقول فى واحد مخزن اسمنت وحديد يكـــــوم يعطــــيه لبكـ بسعر اقل من سعر الســــوق الظاهـــر انت طولت خلاص من الســــــودان الناس بتحفظ قروشها بالحديد والاسمنت عشان قروشها ما تتأكل يازول سردب واشترى من سوق الله اكبر وربنا يتم وليك بيتك وتسكن فيه
|
دي وجهة نظر فيسبوكية من مقداد يعقوب
شكرا يا حبيب
|
Post: #38
Title: Re: ما فيكم زول عندو طوب وحديد قنعان منهن
Author: nazar hussien
Date: 02-04-2013, 01:37 PM
وين ناذر؟؟؟
|
Post: #41
Title: Re: ما فيكم زول عندو طوب وحديد قنعان منهن
Author: nazar hussien
Date: 02-05-2013, 07:58 AM
Parent: #38
المحصلة حتي الآن:
إثنين عندهم كل المطلوب...لكن ما رجعوا قالوا بي كم
|
Post: #42
Title: Re: ما فيكم زول عندو طوب وحديد وأسمنت وأبواب وسيراميك وبوهية قنعان منه
Author: رانيه محمد الشيخ
Date: 02-05-2013, 08:11 AM
Parent: #1
كان تكتب بيت عديل وتريح نفسك
:))))))))))))))
|
Post: #43
Title: Re: ما فيكم زول عندو طوب وحديد وأسمنت وأبواب وسيراميك وبوهية قنعان منه
Author: nazar hussien
Date: 02-05-2013, 08:35 AM
Parent: #42
| Quote: كان تكتب بيت عديل وتريح نفسك |
يا هلا بحبيبة سودانية...
كان كتبت بيت عديل...صحيح بريح نفسي
لكن بتعب سيد البيت القنعان منو...بي سلبطة
ناس البلدية واللجنة الشعبية...وناس
الموية...والكهرباء...والعتب...وسيد
اللبن...علي الأقل الطوب دا ما فيه سلبطة
|
Post: #44
Title: Re: ما فيكم زول عندو طوب وحديد وأسمنت وأبواب وسيراميك وبوهية قنعان منه
Author: nazar hussien
Date: 02-05-2013, 01:48 PM
Parent: #43
يعني أسمع نصيحة مقداد الفيس بوك
وأقدل حافي حالق بي الطريق الشاقي الترام
(من فتيح لي الخور لي المغالق)
تلقي سيد المغلق دقنه بيضاء مكوية ومحفحفة...ومشغل ولد بتو
محاسب معاو...وأولادو يقروا في لندن...عندو عنقريب قدام
المغلق...وبوكسي دبل قبينة...وماسورة للوضوء...كان
جيتو تشتري منو بي 40 مليون ما ينقصك تعريفة...
بس يقول ليك...إنت آآآزول ماك عارف حاجة ساكت...
البضاعة دي نحن بتصلنا بي التمن دا زاتو...
وناس الضرايب والمحلية مجننننا جن...
بلاهي عليكم هو كان بنقص ما كان ينقص من الاربعة نونات
الفوق دي.
|
Post: #45
Title: Re: ما فيكم زول عندو طوب وحديد وأسمنت وأبواب وسيراميك وبوهية قنعان منه
Author: nazar hussien
Date: 02-06-2013, 08:01 AM
Parent: #44
1200
زول تاوقوا هنا...لو كان كل زول فيهم
طالع ليه في 20 طوبة بس...
كان دربنا مرق...
معقولة كلهم شابين علي أمشاطهم وبتاوقوا؟؟؟؟
|
Post: #46
Title: Re: ما فيكم زول عندو طوب وحديد وأسمنت وأبواب وسيراميك وبوهية قنعان منه
Author: ناذر محمد الخليفة
Date: 02-06-2013, 08:17 AM
Parent: #45
يا نزار حسين أخوي أسمع كلام صحبك الزبير ..
وهو جارك في 18 .. ريح روحو من حكاية الطوب بالمرة ووقع التقنيات الجديدة ..
الرابط التحت دا بتلقى فيهو الفيديو بتاع صحبك .. بلا طوب بلا بطيخ معاك ..
خليك مع الزمن يا ...
http://nazirkhalifa.com/news/%D8%A7%D8%B3%D8%...8%AE%D8%B1%D9%89/46/
|
Post: #47
Title: Re: ما فيكم زول عندو طوب وحديد وأسمنت وأبواب وسيراميك وبوهية قنعان منه
Author: nazar hussien
Date: 02-06-2013, 08:34 AM
Parent: #46
يا ناذر
هو البوست دا من بدايته بي اسمك تقوم تجيني بعد 1230 زول
إانت فاكرني ما عايز أريح روحي...؟؟
لكن التقنية دي بتنفع في بيتي الشفتو داك؟؟؟
يعني ممكن تتعمل فوق؟؟؟
|
Post: #48
Title: Re: ما فيكم زول عندو طوب وحديد وأسمنت وأبواب وسيراميك وبوهية قنعان منه
Author: ناذر محمد الخليفة
Date: 02-06-2013, 11:54 AM
Parent: #47
طبعا ممكن !!!
لأنو لو كنت دخلت الرابط الفوق دا حا تلقى البتاعات دي معمولة فوق برضو ..!!
|
Post: #49
Title: Re: ما فيكم زول عندو طوب وحديد وأسمنت وأبواب وسيراميك وبوهية قنعان منه
Author: nazar hussien
Date: 02-06-2013, 02:05 PM
Parent: #48
دخلت الرابط...يا ناذر...وشفتكم مربط ليكم حديد فوق رأس بيت
لكن البيت الفوق رأس البيت ما شفتو...
بالفعل هو شغل جميل لما يبدأ من الأرض
زي الفيلا الكنت بتصور فيها براك وقلت
لي جماعتك السلام عليكم...وزغت من ناحية
حللهم وكفتيرة شايهم...وافتكر دا بيت
سيد النصيحة زاتو...
|
|