أهل وأحباب كســلا الجمال " ماهو شارع المليـون بليـد" ؟!

السلام عليكم اهل وابناء كسلا الخضراء مدينة الجمال..





في كسلا هناك شارع يؤدي الي سوق "هايكوتا" على ما أظن إلي الجنوب من موقف المواصلات الرئيسي لخطوط الشعبية والختمية والترعة وغصب والمربعات..الخ

اصطلح على إطلاق تسمية هذا الشارع اسم شارع المليون (غبي ) او المليـون ( بليد )..
فماهي مناسبة هذه التسمية ولماذا سمي بها..

وهل لذلك اي خلفيـة اجتماعيـة معينة لهذه التسمية..

احببت ان اسأل لأعرف للفائدة العامة.. والله من وراء القصد ،،

ولكم التحية والتقدير أهل كسلا الكرماء العظماء ..

وتجلى جمال كسلا وجمال طبيعتها وخضرتها في جمال ابنائها. وكرمهم ومعدنهم الطيب الاصيل .




لهم التحية والتقدير ..

الحبيب
حيدر الزين

نسبة لكثرة الحركة في هذا الشارع والزحمة المتواصلة فيه بالليل و بالنهار و بالصباح وصعوبة الحركة فيه .. سمي بهذا الاسم ..

ـــــــــــــــــــــــــــــ

بالزحمة كده



الزول ده الجابو الشارع ده شنو ؟؟

سلام يا حيدر ... اخوي طارق حرسي اداك الجواب بشوية دبلوماسية ..

السبب الرئيسي يا حيدر الشارع دي فيه سوق النسوان و اسواق اخرى يرتادها اهل الريف اما باعة او متسوقين, و تلقى الواحد/ة فيهم يقطع امام العربية بدون مبالة و ممكن الواحد يكون راكب حماره او اي من الدواب و يمشي في وسط الشارع و لذلك نسبة الزحام عالية ... و يمكن نعزى ذلك لقلة معرفتهم بالحياة المدنية و تدني مستواهم التعليم .... فسمي اصطلاحا بشارع المليون غبي و شارع المليون بليد ..

الاخ / حيدر ،، تحياتي

عدم مبالاة المارة واصحاب الفراشات والسلع المعروضة على الارض بالاضافة الى ان هذا الشارع اصلا كان فيه موقف عربات الكارو يعني الحكاية جايطة وزحمة لحراك الشارع وبالتالي تلقى بتاع الموتر خبط واحد وبتاع العجلة خبط ليهو واحد حتى الماشي كداري يخبط ليهو واحد وكمان عادي تسمع الفرامل الطويلة مجرورة لمسافات ، فاطلق مجازا بهذا الاسم بعفوية دون اي اعتبارات تعنيفية وعنصرية من حيث اللفظ بل اصبح معلم من معالم المدينة لو داير توصف دكان او اي موقع تجاري في هذا الشارع تقول شارع المليون بليد من غير اي حساسية من الواصف للموصوف له ده وقت كان ما في مفاهيم وتحسس وغبن وعلو وسمو عرقي وقبلي الدنيا كانت بخير زماان داك .... ولكن اعتقد الان ممكن الناس تتحسس منها لو اصلا المستهدفة بهذا الوصف شريحة معينة وهوية معينة ولكن زمان يا اخ حيدر كانت من غير تحديد زي مثلا انتا سائق ليك سيارة واحد جا مقاطع ليك مش بتقول ليهو انتا بليد يا غبي اعتقد هي كانت كده لكثرت التقاطعات والصدامات اليومية في هذا الشارع سواء بوسيلة ام كداري واخذت الان بعدها العنصري بأثر رجعي لتفشي ثقافة العنصرية الان


مودتي


الرحـــال

تحياتي اخوي حيدر
اخواني الفاروق وحرسي ادوك النجيضة نسبة الزحام وتضجر اصحاب السيارات من المارة ادي لهذه التسمية .
همسة
كامل تضامني مع صاحب الصورة

مرحبا بالفاروق .. وسعيد بطلتك الكسلاوية

Quote: السبب الرئيسي يا حيدر الشارع دي فيه سوق النسوان و اسواق اخرى يرتادها اهل الريف اما باعة او متسوقين, و تلقى الواحد/ة فيهم يقطع امام العربية بدون مبالة و ممكن الواحد يكون راكب حماره او اي من الدواب و يمشي في وسط الشارع و لذلك نسبة الزحام عالية ... و يمكن نعزى ذلك لقلة معرفتهم بالحياة المدنية و تدني مستواهم التعليم .... فسمي اصطلاحا بشارع المليون غبي و شارع المليون بليد ..

شكراً يا حبيب على هذه التعريـف الشامل الكامل.. والشكر للاخ طارق حرسي..

اول من سمعت التسمية اعتقدت جازماً ان هذا من اسباب التسمية والحمد لله ان صدق حدسي..

تحياتي

الاخ الحبيب طارق حرسي سلام وتحية

Quote: نسبة لكثرة الحركة في هذا الشارع والزحمة المتواصلة فيه بالليل و بالنهار و بالصباح وصعوبة الحركة فيه .. سمي بهذا الاسم ..

خالص الشكر على هذه الإفادة الدبلوماسية ..

Quote: الزول ده الجابو الشارع ده شنو ؟؟

شلاقتو .. مطير عويناتو كدة!
كلمناه ما يدخل الشارع دا عشان ما يضربو قطر جاء مشلق وداخل نعمل ليهو شنو ..

لكن رايك شنو في وجاهات صورتو الفي بداية التسعينات

تحياتي حيدر

أعتقد في شارع في بورتسودان بنفس الاسم


وبرضو بنفس المواصفات الذكروها الجماعة


--------------------------------
لسة ما إتعرفنا علي صاحب الصورة
وهل هو بليد مثلاً