الدولار يتخطى 7.5 جنيه .. ربنا يستر ...

الدولار يتخطى 7.5 جنيه .. ربنا يستر ...


01-29-2013, 06:54 PM


  » http://sudaneseonline.com/cgi-bin/sdb/2bb.cgi?seq=msg&board=420&msg=1359482059&rn=22

Post: #1
Title: الدولار يتخطى 7.5 جنيه .. ربنا يستر ...
Author: Dr. Ahmed Amin
Date: 01-29-2013, 06:54 PM
Parent: #0

388726_10200420454379704_446929983_n.jpg Hosting at Sudaneseonline.com
Post: #2
Title: Re: الدولار يتخطى 7.5 جنيه .. ربنا يستر ...
Author: Dr. Ahmed Amin
Date: 01-29-2013, 07:02 PM
Parent: #1

ان شاء الله الكلام ده ما يكون حقيقي ..
Post: #3
Title: Re: الدولار يتخطى 7.5 جنيه .. ربنا يستر ...
Author: محمد البشرى الخضر
Date: 01-29-2013, 07:20 PM
Parent: #2

حقيقي للأسف يا دكتور أحمد
الجنيه على شفا الإنهيار في انتظار الخاسر من لعبة عض الأصابع بين الدولتين
Post: #4
Title: Re: الدولار يتخطى 7.5 جنيه .. ربنا يستر ...
Author: Dr. Ahmed Amin
Date: 01-29-2013, 07:29 PM
Parent: #3

تحياتي يا باشمهندس ..

Quote: الجنيه على شفا الإنهيار في انتظار الخاسر من لعبة عض الأصابع بين الدولتين


للأسف الإثنين ما هم ناس سياسة ولا بفهموا سياسة .. ولا شاعرين بمعاناة الناس ..
ماكلين مجان نايمين مجان وما فيهم اي فائدة للبلد ...

حكامنا للأسف واحدة من إبتلاءات الشعب السوداني ...


ربنا يستر ...
Post: #24
Title: Re: الدولار يتخطى 7.5 جنيه .. ربنا يستر ...
Author: elhilayla
Date: 01-29-2013, 10:56 PM
Parent: #4

Quote:
للأسف الإثنين ما هم ناس سياسة ولا بفهموا سياسة .. ولا شاعرين بمعاناة الناس ..
ماكلين مجان نايمين مجان وما فيهم اي فائدة للبلد ...

دكتور أحمد
البدين ما بحس بي جوع الآخرين
____
الحليلة
Post: #5
Title: Re: الدولار يتخطى 7.5 جنيه .. ربنا يستر ...
Author: نيازي مصطفى
Date: 01-29-2013, 08:08 PM
Parent: #1

مردود طبيعي للفساد الذي نخر الامة من كل الجوانب. ونتيجة حتمية لسياسات التشبث بالحكم والعقلية الامنية والاعتماد على الفهلوة والاستهبال للسيطرة على بترول دولة الجنوب وتدمير كل ما كان يدر على البلاد دخل .. أتوقع ان يستمر مسلسل الانهيار مالم يتم إقتلاع هذا النظام الفاسد واستبداله بنظام ديمقراطي يجمع كل السودانيين فيوقف الحروب ويجتث الفساد والمفسدين ويعيد ما تم تدميره من بنيات تحتية رئيسية خاصة مشروع الجزيرة وغيره من المشاريع التي تم نهبها وتدميرها.
نسال الله تعالى ان يلطف بالسودان والسودانيين وأن ينصرهم على الظلم والمفسدين.
Post: #6
Title: Re: الدولار يتخطى 7.5 جنيه .. ربنا يستر ...
Author: خالد عبدالوهاب
Date: 01-29-2013, 08:17 PM
Parent: #5

وبعدين لاحظ في نفس الجريدة فوق في اسعار العملات
الدولار عامل 5694 !!
والله نحن المفروض يجينا هارت اتاك ونموت عشان يرتاحو
Post: #7
Title: Re: الدولار يتخطى 7.5 جنيه .. ربنا يستر ...
Author: Frankly
Date: 01-29-2013, 08:36 PM
Parent: #6

Quote: مؤشر أسعار صرف العملات الأجنبية في السوق (السوق الموازي ،السوق الأسود) مقابل الجنيه السوداني بالخرطوم الثلاثاء 29 يناير 2013م .

الدولار الأمريكي : 6.95 جنيه


حسب صحيفة النيلين
Post: #9
Title: Re: الدولار يتخطى 7.5 جنيه .. ربنا يستر ...
Author: محمد احمد القاضي
Date: 01-29-2013, 08:37 PM
Parent: #7

وليسة ماشي
Post: #15
Title: Re: الدولار يتخطى 7.5 جنيه .. ربنا يستر ...
Author: Dr. Ahmed Amin
Date: 01-29-2013, 09:39 PM
Parent: #9

Quote: وليسة ماشي


لا وين يا ودالقاضي .. ولا متين ؟؟؟!!!!!

نحن زاتو جلدنا بقى تخين خلاص .. خلي يسو فينا اكتر من كدي ....
Post: #14
Title: Re: الدولار يتخطى 7.5 جنيه .. ربنا يستر ...
Author: Dr. Ahmed Amin
Date: 01-29-2013, 09:34 PM
Parent: #7

مرحب اخونا كمال ...
Quote: حسب صحيفة النيلين


اهو كل واحد يشيل ويلصق .. ما تعرف الحقيقة وين ..

الفرق بين الصحيفتين كبير جدا ...
كان جانا نستا .... ولا ناذر الخليفة ويورينا سعر طن الحديد بكم هههههههه
Post: #11
Title: Re: الدولار يتخطى 7.5 جنيه .. ربنا يستر ...
Author: Dr. Ahmed Amin
Date: 01-29-2013, 09:30 PM
Parent: #6

اهلين خالد ...
Quote: والله نحن المفروض يجينا هارت اتاك ونموت عشان يرتاحو


انت قايل البموتوا في السودان من أمراض الــ Tension شوية ... ده غير المصحات النفسية التي امتلأت

يا راجل قول يالطيف .. غايتو بلأ الله يرفعه بس ..
Post: #38
Title: Re: الدولار يتخطى 7.5 جنيه .. ربنا يستر ...
Author: هجو الأقرع
Date: 02-01-2013, 05:15 PM
Parent: #11

يا دكتور سلام من الله و رحمة كيفك و الاسرة

يا دكتور الدولار ده شعرن ما عندنا ليهو

رقبه ، لكن بالطرف كدة فى خبر عن الجاتروفا

سوف تزرع فى السودان ، تحت خبر الدولار ، دى شنو كمان؟
Post: #39
Title: Re: الدولار يتخطى 7.5 جنيه .. ربنا يستر ...
Author: Dr. Ahmed Amin
Date: 02-01-2013, 07:11 PM
Parent: #38

والله جزاك الله خير حبيبنا هجـــو ..

نحن بخير ولله الحمد .. وعساكم كذلكـ...

والله أشكرك جداً على التنبيه للجاتروفا .. والله يعلم ما شفتها الا من خلال تنبيهك ده

خلينا نظرنا للدولار .. هههههههه

فعمنا قوقل بيقول كلام عجيب عن هذه النبته العجيبة ..
Post: #8
Title: Re: الدولار يتخطى 7.5 جنيه .. ربنا يستر ...
Author: Dr. Ahmed Amin
Date: 01-29-2013, 08:37 PM
Parent: #5

Quote: نسال الله تعالى ان يلطف بالسودان والسودانيين وأن ينصرهم على الظلم والمفسدين.


اللهــــــم آمين يا نيازي ...


شكراً
Post: #10
Title: Re: الدولار يتخطى 7.5 جنيه .. ربنا يستر ...
Author: محمد البشرى الخضر
Date: 01-29-2013, 08:42 PM
Parent: #8

يا خينا بتاع السبعة في الميّة
ناس الحاج آدم و أحمد هارون وكبر و إيلا و مثلهم الآلاف من المنتمين للمؤتمر الوطني و المتنفذين في الحكومة من خارج القبائل الثلاثة المذكورة ديل كيف؟ ما عندهم دور في الحاصل دا ولا وش القباحة يشيلوه الدناقلة و الجعليين براهم ؟
Post: #12
Title: Re: الدولار يتخطى 7.5 جنيه .. ربنا يستر ...
Author: محمد إبراهيم علي
Date: 01-29-2013, 09:31 PM
Parent: #10

يا ود البشرى
Quote: يا خينا بتاع السبعة في الميّة

محمد الزاهد مرحب بيك
انت مالك ما داير تجي بالباب عديل هنا انا بتوسط ليك عن بكري بس رسل ليهو جوازك وصورة شخصية
تعال هنا الشمس قوية واحسن ليك من هناك على الاقل توقف لينا قريبك بريمة ههههههههههههه

يا ود البشرى الاخ محمد الزاهد من اعضاء نيوسودان بتاع تراجي وهو من ناس العلاج بالصدمة او قيل بالتسفير للجزيرة العربية
اللذيذة انو لو اتعملت الحركة هو زاتو بكون راكب معانا في السفينة وحاجز لوج
Post: #16
Title: Re: الدولار يتخطى 7.5 جنيه .. ربنا يستر ...
Author: محمد البشرى الخضر
Date: 01-29-2013, 09:40 PM
Parent: #12

يعني هوب ليس كيس يا هندسة !!
كان كدا خلاص يا خينا الجلابة بي معارضتهم و مناضليهم وشرفائهم الله يسامحهم و باقي مجرمي المؤتمر الوطني من القبائل التانية فوقهم النبي
يسرقوا و ينهبوا و يظلموا و غلطاتهم عندك مغفورة, طالما جيناتهم مرضي عنّها


الطاهر عثمان ياكا الطاهر زولنا الزمان داك
حمدالله على السلامة يا عمك :)
Post: #23
Title: Re: الدولار يتخطى 7.5 جنيه .. ربنا يستر ...
Author: الطاهر عثمان
Date: 01-29-2013, 10:44 PM
Parent: #16

Quote: الطاهر عثمان ياكا الطاهر زولنا الزمان داك
حمدالله على السلامة يا عمك :)


ياهو زااااتو يا ود البشرى ... ليك وحشة والله

الله يسلمك يا حبيب ...

رجعنا براااحة كده وانته وانا عارف
Post: #13
Title: Re: الدولار يتخطى 7.5 جنيه .. ربنا يستر ...
Author: الطاهر عثمان
Date: 01-29-2013, 09:33 PM
Parent: #10

الله يكون في عون الناس
Post: #17
Title: Re: الدولار يتخطى 7.5 جنيه .. ربنا يستر ...
Author: ناصر احمد الامين
Date: 01-29-2013, 09:50 PM
Parent: #13

و ما زالت تصريحات صلاح كرار بخصوص الدولار في الذاكره




________________________________
ياخي (تبا) .... بتاعة الترجمة الفي الافلام ديك هههه
Post: #18
Title: Re: الدولار يتخطى 7.5 جنيه .. ربنا يستر ...
Author: محمد إبراهيم علي
Date: 01-29-2013, 09:57 PM
Parent: #17

للذكرى والتاريخ
156955_505687822798385_491946421_n.jpg Hosting at Sudaneseonline.com
Post: #20
Title: Re: الدولار يتخطى 7.5 جنيه .. ربنا يستر ...
Author: Dr. Ahmed Amin
Date: 01-29-2013, 10:06 PM
Parent: #18

أخي محمد أبراهيم علي ....

والله لكن بالغت في الإيصال ده .. ههههههههه
والله أحييك على التوثيق (الكارب) ..

بس يا عمك هسي قالوا وصل 7.50 بث ..

يعني برضــو أحسن من الــ 12.30 الفي الإيصال ...


____________________________
عشان ودالباوقة يرتاح وكده ......
Post: #19
Title: Re: الدولار يتخطى 7.5 جنيه .. ربنا يستر ...
Author: Dr. Ahmed Amin
Date: 01-29-2013, 10:02 PM
Parent: #17

Quote: ياخي (تبا) .... بتاعة الترجمة الفي الافلام ديك هههه


هاهاهاهاهاهاهاهاهاهاهاها

والله يا ناصـــر فشيتنا ياااخ الله ينفس كربكــ ....



تحياتنا يا سعادتكــ
Post: #21
Title: Re: الدولار يتخطى 7.5 جنيه .. ربنا يستر ...
Author: Dr. Ahmed Amin
Date: 01-29-2013, 10:11 PM
Parent: #13

Quote: الله يكون في عون الناس


اللهــم آميييين أخي الطاهر عثمان ...

كل ما نقول بكره يكون أحلى ... نلقاها وحله


الله غالب ..
Post: #22
Title: Re: الدولار يتخطى 7.5 جنيه .. ربنا يستر ...
Author: محمد البشرى الخضر
Date: 01-29-2013, 10:27 PM
Parent: #21

الهوب ليس يا ود الزاهد هو محاولة مناقشتك في منطقك العنصري, الذي يحاسب الناس على قبائلهم
Post: #25
Title: Re: الدولار يتخطى 7.5 جنيه .. ربنا يستر ...
Author: الطاهر عثمان
Date: 01-30-2013, 01:13 PM
Parent: #21

Quote: اللهــم آميييين أخي الطاهر عثمان ...

كل ما نقول بكره يكون أحلى ... نلقاها وحله


الله غالب ..


تسلم يا دكتور أحمد

مافي اي اخبار عن سعر اليوم او تاكيد للسعر ده
Post: #26
Title: Re: الدولار يتخطى 7.5 جنيه .. ربنا يستر ...
Author: Dr. Ahmed Amin
Date: 01-30-2013, 01:31 PM
Parent: #25

Quote: تسلم يا دكتور أحمد

مافي اي اخبار عن سعر اليوم او تاكيد للسعر ده


والله يالطاهر ما في زول دخل ينفي ..وهذا يعني ان الخبر صحيح ...

ويا خبر بفلوس .........



تسلم
Post: #27
Title: Re: الدولار يتخطى 7.5 جنيه .. ربنا يستر ...
Author: محمد بابكر محمد
Date: 01-30-2013, 04:11 PM
Parent: #26

Quote: ويا خبر بفلوس .........

بكره ممكن يصبح 8.5 جنيه
ربنا يستر

سلامات يادكتور أحمد
Post: #28
Title: Re: الدولار يتخطى 7.5 جنيه .. ربنا يستر ...
Author: Dr. Ahmed Amin
Date: 01-30-2013, 05:02 PM
Parent: #27

Quote: بكره ممكن يصبح 8.5 جنيه


وارد جدا ما لم تحل المشكلة بين دولتي السودان وجنوب السودان ..
كل اجتماع يفشل .. الدولار يطير ...
والمشكلة دي اكتوى منها شعبي الدولتين ..


تحياتي يا محمد بابكــر ...
Post: #29
Title: Re: الدولار يتخطى 7.5 جنيه .. ربنا يستر ...
Author: محمد بابكر محمد
Date: 01-30-2013, 07:53 PM
Parent: #28

Quote: وارد جدا ما لم تحل المشكلة بين دولتي السودان وجنوب السودان ..
كل اجتماع يفشل .. الدولار يطير ...
والمشكلة دي اكتوى منها شعبي الدولتين ..

الغريب والمحيرنى يا دكتور فى القصه دى كلها إرتباط الارتفاع والانخفاض فى اسعار العملات الاجنبيه بالناحيه الاعلاميه او الاشاعه ان صح التعبير
على سبيل المثال لا الحصر تجد عندما يعلن عن انعقاد قمه بين الرئيسين البشير وسلفا ،يحدث إنخفاض واضح فى اسعار الدولار مجرد سماع الخبر فى السوق الموازى ( الاسود )
والعكس تماماً عند فشل الاجتماع بينهما يرتفع إرتفاع جنونى ،عكس الحاله الطبيعيه من الناحيه الاقتصاديه هى التى تتحكم فى اسعار العملات
على ما اظن فالمعادله بسطه من الناحيه النظريه
صادارت اعلى من الواردات توفر لك العمله الصعبه وعليه تنخفض اسعارها نسبهً لتوفرها
على العموم ي دكتور ربنا يقوى الجنيه
تحياتى
Post: #31
Title: Re: الدولار يتخطى 7.5 جنيه .. ربنا يستر ...
Author: Dr. Ahmed Amin
Date: 01-30-2013, 09:33 PM
Parent: #29

Quote: عكس الحاله الطبيعيه من الناحيه الاقتصاديه هى التى تتحكم فى اسعار العملات


والله يا محمد بابكر ما اظن قوانيين الاقتصاد المعروفة شغالة في بلدنا دي ...

الحكاية ماشه بيالطيف ....
Post: #30
Title: Re: الدولار يتخطى 7.5 جنيه .. ربنا يستر ...
Author: ABDALLAH ABDALLAH
Date: 01-30-2013, 07:56 PM
Parent: #28

Quote: أخي محمد أبراهيم علي ....

والله لكن بالغت في الإيصال ده .. ههههههههه
والله أحييك على التوثيق (الكارب) ..

بس يا عمك هسي قالوا وصل 7.50 بث ..

يعني برضــو أحسن من الــ 12.30 الفي الإيصال ...

الأخ د. أحمد أمـين
هل هى 7.50 جنيه أم 7500 ( سبعة آلاف خمسمائه )
بسمع فى السودان الجنيه بقولولوا ألف .
وبمعادلة سعر صرف الجنيه السودانى الكانت زمان والحاليه
ناس بنك السودان - الحاليين طبعا - بقولوا ال Rate بتاع الزمن
تقسموه على ألف , بمعنى
12.30 على1000 بتعادل بسـعر اليوم 0.0123
طبعا فرق كبير جدا بين 7.50 و0.0123
مع قبول تحياتى .
Post: #32
Title: Re: الدولار يتخطى 7.5 جنيه .. ربنا يستر ...
Author: Dr. Ahmed Amin
Date: 01-30-2013, 09:37 PM
Parent: #30

Quote: وبمعادلة سعر صرف الجنيه السودانى الكانت زمان والحاليه
ناس بنك السودان - الحاليين طبعا - بقولوا ال Rate بتاع الزمن
تقسموه على ألف , بمعنى
12.30 على1000 بتعادل بسـعر اليوم 0.0123
طبعا فرق كبير جدا بين 7.50 و0.0123


ناس الحكومة بقولوا لينا احسب المرتبات بما يعادل الدولار وشوفوا الفرق بين الآن وزمان



تشكر عبدالله على المشاركة ...

وربنا يقوي جنيهنا ...
Post: #33
Title: Re: الدولار يتخطى 7.5 جنيه .. ربنا يستر ...
Author: Elhadi
Date: 01-30-2013, 09:51 PM
Parent: #30

السعر العادل والمعقول في الوضع الحالي والظروف الاقتصادية الحالية..

هو 15 جنيه إلي 19 جنيه للدولار إن لم يكن أكثر :)

هو عليك الله السودان قاعد ينتج شنو ولا يصدر شنو عشان يحافظ على سعر العملة ؟؟

ما في اقتصاد في السودان غير الجبايات والضرائب والأتاوات، وعاوزين العملة تحافظ على سعرها برضو ؟؟
Post: #34
Title: Re: الدولار يتخطى 7.5 جنيه .. ربنا يستر ...
Author: الطاهر عثمان
Date: 01-30-2013, 10:03 PM
Parent: #33

الريال بـ 1800 وتخوف شديد من تجار العملة في الخرطوم

التعامل في حذر شديد وبمعرفة
Post: #35
Title: Re: الدولار يتخطى 7.5 جنيه .. ربنا يستر ...
Author: Dr. Ahmed Amin
Date: 01-30-2013, 11:06 PM
Parent: #33

Quote: السعر العادل والمعقول في الوضع الحالي والظروف الاقتصادية الحالية..

هو 15 جنيه إلي 19 جنيه للدولار إن لم يكن أكث


أتفق معك أخي الهادي ...
يجب على الحكومة أن (تنكرب) جد جد وما هظار .. وتسابق الريح في تجويد الزراعة بكل جوانبها

وتشجع القطاع الخاص بانشاء مصانع تعبئة الخضار والفواكه ذات الجودة العالية ..
والإهتمام الجاااد بالثروة الحيوالنية وصناعاتها وتشجيع المستثمرين بتخفيض الضرائب والجبايات

وخلينا من موضوع البترول (والقروش الجاهزة) .. السودان دولة غنية بثروتها الطبيعية
وفقير جدا في ادارة موارده ..
بس شغالين لينا شكل وضرب وحاجات غريبة ..
Post: #36
Title: Re: الدولار يتخطى 7.5 جنيه .. ربنا يستر ...
Author: هاشم نوريت
Date: 02-01-2013, 02:29 AM
Parent: #35

ياجماعة انتو بتضحكوا علينا ولا اسعار بنك السودان تقهقه
الحاصل شنو وين الحقيقة
الله فرجينى
Post: #40
Title: Re: الدولار يتخطى 7.5 جنيه .. ربنا يستر ...
Author: Dr. Ahmed Amin
Date: 02-01-2013, 09:20 PM
Parent: #36

قريبي هاشم نوريت ...

لك التحية ..
Quote: ياجماعة انتو بتضحكوا علينا ولا اسعار بنك السودان تقهقه
الحاصل شنو وين الحقيقة
الله فرجينى


والله الحقيقة دي قاعدين نفتش فيها لينا زمن وما عرفناها ..

قول يالطيف بس ..
Post: #37
Title: Re: الدولار يتخطى 7.5 جنيه .. ربنا يستر ...
Author: elhilayla
Date: 02-01-2013, 04:48 PM
Parent: #35

Quote:
أتفق معك أخي الهادي ...
يجب على الحكومة أن (تنكرب) جد جد وما هظار .. وتسابق الريح في تجويد الزراعة بكل جوانبها

وتشجع القطاع الخاص بانشاء مصانع تعبئة الخضار والفواكه ذات الجودة العالية ..
والإهتمام الجاااد بالثروة الحيوالنية وصناعاتها وتشجيع المستثمرين بتخفيض الضرائب والجبايات

وخلينا من موضوع البترول (والقروش الجاهزة) .. السودان دولة غنية بثروتها الطبيعية
وفقير جدا في ادارة موارده ..
بس شغالين لينا شكل وضرب وحاجات غريبة ..


دكتور أحمد
وضيوفك الأكارم
السعر العادل هو 20 جنيه ( عشرين ألف بلغة السوق)
ليس هناك أمل لإستعدال المائل
إلا بإنجلاء البلاء
______
الحليلة