من اين تحصل الحكومة الإسرائيلية الي الجوازات السودانية الرسمية .

هنالك كمية من الاجئين السودانين بالدولة العبرية منذ سنوات فروا من جحيم الموت والدمار واستقر بهم الحال في إسرائيل ولكن الشي الغريب في الأمر ذكر لي الأخوة المتواجدين هناك بإن الحكومة الإسرائيلية تنوي في ترحيل الوافدين اليه من القارة الأفريقية ومن ضمنهم السودانين الاجئين هناك، ولكن من المعروف اغلب السودانين دخلوا متسللين عبر مصر من دون مستندات رسمية فقط أثبتوا بإنهم من السودان ، فاليوم ما فعلته الحكومة الإسرائيلية إذا تريد تذهب الي السودان أو ما تريد وانت سوداني لاجئ في أراضيه ما تفعله تأخذ منك صورة وبعد ثلاثة أيام فقط بيسلموك جواز سوداني رسمي ساري المفعول صادر من الداخلية لا مزورة ولاشي فيها كل الأختام المعتمدة وتاشيرة خروج من السودان .
الاسرائلين بيقول ليك امشي الخرطوم ومافي اي زول بيسألك ، وفعلاً الناس المشوا وصلوا الخرطوم ومافي أي حاجة حصلت زي واحد فقط مشي مصر وجاء الي السودان راجع ،في النهاية ما يهمنا الناس بتمشي ولا بتقعد واتمني عن يذهب هذا الكابوس الانقاذي الي مذبلة التاريخ ويرجع كل الطيور المهاجرة الي وطنها.
الملخص العائذ نقوله بإن الحكومة دي عندها علاقة قوية مع إسرائيل وبلاش لف ودوران بعقول الشعب السوداني المسكين وبالدليل ضربات بورتسودان واحد واثنين وثلاثة والجماعة ساكتين سكوت أهل المقابر ، لعنة الله عليكم والملائكة أجمعين يا خونة . ولولا الواحد بخاف علي حياة الأخوة الوصلوا السودان لكان نشرت صور من الجوازات وبكامل أسمائهم ولكن صبراً والزمن قرب والله العظيم تشفوا وتسمعوا العجائب بعد زوال النجاسة.

تبعا هذا الجوازات مستخرجة رسمياً من السفارة السودانية في مصر وبالتنسيق التام مع الحكومة الإسرائيلية .

جاءت الأخبار التي حملتها وكالات الأنباء في وقت سابق قريب بأن دولة ثالثة تتولى أمر إصدار وثائق سفر مؤقتة لترحيل هؤلاء. وينتهي مفعول هذه الوثائق بوصولهم إلى الخرطوم. وتجمع من حامليها. ثم يتم التصرف فيها بالطرق الرسمية وفق الاتفاق بين السودان والدولة الثالثة.

حبيب نورة وين يجي يشوف لينا موضوع الحب من طرف ثالث دا