Post: #1 Title: ليت الشباب ..عضو البورد نادر السوداني 1983م مع فرقة السودانيين (فيديو) Author: Kostawi Date: 01-29-2013, 10:36 AM Parent: #0
1983 تلفزيون السودان
Post: #2 Title: Re: ليت الشباب ..عضو البورد نادر السوداني 1983م مع فرقة السودانيين (في Author: Kostawi Date: 01-29-2013, 10:49 AM Parent: #1
2011 م واشنطون (تصوير kostawi)
Post: #3 Title: Re: ليت الشباب ..عضو البورد نادر السوداني 1983م مع فرقة السودانيين (في Author: Kostawi Date: 01-29-2013, 10:58 AM Parent: #2
Bass جيتار نادر السوداني Vocalst ممدوح فريد الفاتح الكردي Drums أحمد حامد Keyboard إبراهيم محمد الحسن
في تسجيل نادر سنة 1983م احتفال التلفزيون السوداني باعياد الكريسماس
Post: #5 Title: Re: ليت الشباب ..عضو البورد نادر السوداني 1983م مع فرقة السودانيين (في Author: حافظ انقابو Date: 01-29-2013, 11:06 AM Parent: #3
التحية للمبدع نادر
انت كنت وين يا خردة؟ من الابداع دا :-)
Post: #4 Title: Re: ليت الشباب ..عضو البورد نادر السوداني 1983م مع فرقة السودانيين (في Author: مصطفى توفيق Date: 01-29-2013, 11:04 AM Parent: #2
بوست ذكريات جميل فى الفديو الفوق يظهر صديقى العزيز الموسيقار ابراهيم محمد الحسن ( كان يسمى بابراهيم ويفز ) ثم بداء ظهوره مع الفنانة حنان النيل فى اول انتاج لهم فى شريط كاسيت
Post: #6 Title: Re: ليت الشباب ..عضو البورد نادر السوداني 1983م مع فرقة السودانيين (في Author: Kostawi Date: 01-29-2013, 11:18 AM Parent: #4
Quote: التحية للمبدع نادر
انت كنت وين يا خردة؟ من الابداع دا :-)
العم حافظ أنقابو كنت في روضة ماما أنجيلا لوريس
تحيتي
Post: #8 Title: Re: ليت الشباب ..عضو البورد نادر السوداني 1983م مع فرقة السودانيين (في Author: Amir Omer Date: 01-29-2013, 11:28 AM Parent: #6
Quote: ليت الشباب
هو نادر مختفي وين من البورد؟
_________
تحياتي كوستاوي
Post: #7 Title: Re: ليت الشباب ..عضو البورد نادر السوداني 1983م مع فرقة السودانيين (في Author: Kostawi Date: 01-29-2013, 11:21 AM Parent: #4
Quote: ذكريات جميل فى الفديو الفوق يظهر صديقى العزيز الموسيقار ابراهيم محمد الحسن ( كان يسمى بابراهيم ويفز ) ثم بداء ظهوره مع الفنانة حنان النيل فى اول انتاج لهم فى شريط كاسيت
شكرا الأخ مصطفى توفيق على المرور و التعليف و التحية للأخ أبرهومة
Post: #9 Title: Re: ليت الشباب ..عضو البورد نادر السوداني 1983م مع فرقة السودانيين (في Author: Kostawi Date: 01-29-2013, 12:05 PM Parent: #7
Quote: هو نادر مختفي وين من البورد؟
مرحب الأخ أمير عمر الأخ نادر بخير و عافية بس المشغوليات يا صاحب
لكن أكيد البوست دا حا يطلعو من جحرو
Post: #10 Title: Re: ليت الشباب ..عضو البورد نادر السوداني 1983م مع فرقة السودانيين (في Author: حافظ انقابو Date: 01-29-2013, 02:21 PM Parent: #9
Quote: العم حافظ أنقابو كنت في روضة ماما أنجيلا لوريس
عم يا خردة ... اخجل ياخ
تخيل انا مولود بعد الحفل دا بستة سنين
Post: #11 Title: Re: ليت الشباب ..عضو البورد نادر السوداني 1983م مع فرقة السودانيين (في Author: نادر السوداني Date: 01-29-2013, 09:55 PM Parent: #10
صديقي العزيز خردة الخرد هههههههههه شكرا كتير لتقديم هذة العمل النادر لفرقة السودانيين
وسوف نتكلم الكثير عن هذة الفرقة العملاقة من خلال هذة البوست
كما اشكر كل من بادر بالمشاركة
الاخ حافظ
الاخ مصطفي
الاخ امير لكم مني وبالانابة عن اعضاء فرقة السودانيين كل الشكر
Post: #12 Title: Re: ليت الشباب ..عضو البورد نادر السوداني 1983م مع فرقة السودانيين (في Author: نادر السوداني Date: 01-30-2013, 11:26 PM Parent: #11
الشكر والتقدير لود دفعتي ابراهيم محمد الحسن لاحتفاظة بسخة العملين اعلاة لاكثر من ثلاثين عاما لاحولا ة ثلاثين عاما مرت منز ازاعة هذة الاعمال بالتلفزيون السوداني وهوة يحتفل باعياد الكريسماس مع اخوانا الاقباط المسيحيين السودانيين يا لة من زمان شكرا اخي ابراهيم لحتفاظك لهذة الاعمال لتكون شاهد لتلك الايام وشاهد لما قدمتة هذة الفرقة الرائدة لتطوير الاغنية السودانية
Post: #13 Title: Re: ليت الشباب ..عضو البورد نادر السوداني 1983م مع فرقة السودانيين (في Author: محمد عوض السيد Date: 01-30-2013, 11:34 PM Parent: #12
توثيق جميل
Quote: وسوف نتكلم الكثير عن هذة الفرقة العملاقة من خلال هذة البوست
وليتك قمت بذلك فالتوثيق ببلادي لا يهتم به الا قلة ..
مع ودي واحترامي
Post: #15 Title: Re: ليت الشباب ..عضو البورد نادر السوداني 1983م مع فرقة السودانيين (في Author: Kostawi Date: 01-30-2013, 11:41 PM Parent: #13
يا نادر
هل في أي علاقة بين فرقة السودانيين الحالية و فرقتكم بتاعة ال 80th
* هنا شريط فيديو للفرقة الحالية
Post: #18 Title: Re: ليت الشباب ..عضو البورد نادر السوداني 1983م مع فرقة السودانيين (في Author: نادر السوداني Date: 01-31-2013, 00:50 AM Parent: #15
نعم يا خردة المبدع ممدوح طاهر فريد هوة من اساس تكوين الفرقة القديمة وهوة يحمل راية فكر فرقة السودانيين ست الاسم مع اجيال جديدة تحمل فكر الفرقة ومكونات معطيات سياغة اغانيها
جقلرة ............قدمت فرقة السودانيين بثوبها الحالي العديد من الاعمال الناجحة وانا فخور بهم وهم يحملون رايد الفرقة وتسليمها لاجيال قد تاتي من بعدنا
Post: #17 Title: Re: ليت الشباب ..عضو البورد نادر السوداني 1983م مع فرقة السودانيين (في Author: نادر السوداني Date: 01-31-2013, 00:38 AM Parent: #13
شكرا يا محمد عوض لمرورك وياريت تواصل معاي عشان نوثق اعمال هذة الفرقة
Post: #14 Title: Re: ليت الشباب ..عضو البورد نادر السوداني 1983م مع فرقة السودانيين (في Author: يحي قباني Date: 01-30-2013, 11:40 PM Parent: #12
أخي كوستاوى و الأخ نادر
تاريخ بديع من حظنا أننا عشناهو
بسأل نادر وين الجميل الفاتح كردي ( سانتانا السودان )
كنت علي علاقه وثيقة مع فاتح لما كونوا مجموعة مع كمال حمدي و جيلاني الواثق
طالت السنين آخر عهدي بيهم في بداية التمانينات
Post: #19 Title: Re: ليت الشباب ..عضو البورد نادر السوداني 1983م مع فرقة السودانيين (في Author: نادر السوداني Date: 01-31-2013, 00:58 AM Parent: #14
ياسلام يحي قباني الفاتح الكردي هوة فعلا سانتانا السودان كانت لة لمساتة الواضحة في مكونات اغاني الفنان جيلاني الواثق قبل الانضمام لفرقة ديفد قروب وبعد ذلك فرقة السودانيين
اتمني ان تواصل معنا للتوثيق لهذة الفرقة
Post: #16 Title: Re: ليت الشباب ..عضو البورد نادر السوداني 1983م مع فرقة السودانيين (في Author: نادر السوداني Date: 01-30-2013, 11:45 PM Parent: #12
تكونت فرقة السودانيين اواخر السبعينات باسم ديفد قروب بفيادة الفنان الراحل عازف الدرامس الاول احمد داؤود وكانت بدايتة مع الفنان الكبير شرحبيل احمد انفصل احمد داؤود عن شرحبيل مكونا الفرقة التي شرفت بالانضمام لها كما انضم لها احمد خليفة عازف الجيتار الزي يعرف باحمد اسكيس كما انضم للتكوين الفنان المبدع ممدوح طاهر فريد اشتهرت الفرقة بتقديم اغاني الرغي والبوب وكانت لنا محاولات في التاليف الاغاني بالقة العربية الدارجة انضم للتكوين الفنان المبدع الفاتح الكردي وهو فنان من تراز فريد يجيد العزف علي الجيتار كما كان لة صوت متميز وكان اضافة للفرقة كان للفاتح العديد من الاغاني الخاصة بة داخل برنامج الفرق .................نواصل
Post: #20 Title: Re: ليت الشباب ..عضو البورد نادر السوداني 1983م مع فرقة السودانيين (في Author: مرتضى احمد عبد القادر Date: 01-31-2013, 01:22 AM Parent: #16
متعة منقطعة النظير والله فوووووووق لعناية تبارك
Post: #21 Title: Re: ليت الشباب ..عضو البورد نادر السوداني 1983م مع فرقة السودانيين (في Author: Kostawi Date: 01-31-2013, 03:07 AM Parent: #20
طبعا واحدة من أغانيك المشهورة يا نادر هي "جور الزمان"
و طلعت في فيديو......
وكنت أتمنى أيضا أن أرى الغنية الوطنية القوية "الخيول" تحظى بنفس الإهتمام. __________________________________________ فيديو "جور الزمان"
Post: #23 Title: Re: ليت الشباب ..عضو البورد نادر السوداني 1983م مع فرقة السودانيين (في Author: نادر السوداني Date: 01-31-2013, 09:30 PM
وكنت اتمني ان اري الغنية الوطنية القوية الخيول تحظى بنفس الاهتمام
يا خردة كانت هنالك العديد من المحاولات لتسجيل الخيول كفيديو لكن كل المحاولات لا تصبوا لمستوي الغنية لكن ايدك معاي سوف ارسل لك الغنية وانا متاكد حتطلع منك فكرة عبقرية لهذة العمل
Post: #22 Title: Re: ليت الشباب ..عضو البورد نادر السوداني 1983م مع فرقة السودانيين (في Author: نادر السوداني Date: 01-31-2013, 09:14 PM Parent: #20
شكرا اخي مرتضي فانتم سميعة من طراز فريد عالي الجودة
Post: #24 Title: Re: ليت الشباب ..عضو البورد نادر السوداني 1983م مع فرقة السودانيين (في Author: نادر السوداني Date: 01-31-2013, 10:01 PM Parent: #16
انضم العديد من العازفين الجهابز في فترة ديفد قروب لابد ان ازكر دور اسامة بيكلوا وكان هذة الفنان الفريد اضافة غنية لفرقة ديفد قروب لة التحية
ياسلام لا يمكن ان انسي دور عازف الدرمس احمد حامد وعبقريتة بعد فترة ديفد قروب
والفنان كمال حمدى عازف الاورغ وانا اعني هذة كانت فرقة السودانيين تمتلك هذة الالة وسوف اتكلم لاحقا مع العلم كان عندنا كيبورد .....................
انضم لاحقا الفننان عازف الدرامس سيف عبد اللة سعيد وكان هوة العازف الزي كمل مع الفرقة حتي النهاية
لابد ان ازكر دور الفنان عازف الدرامس محمد عبدالرحمن سعد الذي تبني فرقة السودانيين ووفر لها مكان للبرفات والالات وكانت من احسن الاجهزة الموجودة في العالم هذة بدون مبالقة لة مني لة كل تقدر واجلال لما قدمة لهذة الفرقة
Post: #25 Title: Re: ليت الشباب ..عضو البورد نادر السوداني 1983م مع فرقة السودانيين (في Author: نادر السوداني Date: 02-02-2013, 08:16 PM Parent: #24
بعد انفصال الفرقة وفض الشراكة مع رحمة اللة احمد داؤد تكونت الفرقة باسم الكريسيدرس و كان هذة في بداية التكوين استعضنا باحمد داؤد باحمد حامد علي الدرامس كما اضفنا ابراهيم محمد الحسن للفرقة . رات الفرقة في ذلك الوقت اسم الكريسيدرس لا يتناسب مع ما تقدمة الفرقة من اعمال خاصة ومن هنا كان اسم فرقة السودانيين هوة الاقوى لتطوير الغنية السودانية وتقديمها للعالم الافريقي والعربي بثوبها الجديد الزي نراة كانت الفرقة في حالة بروفات بشكل يومي لتجويد ما قمنا بتاليفة وكانت المشاركة لي ولممدوح والفاتح لم تكن بالعزف فقط كان كل فرد داخل التكوين لة حق التعديل في النص الشعري للغنية او اللحن او الفورم حتي الشكل الاقاعي وخطوط الهارموني والباص كل شئ مباح لخدمة الفكرة الفنيية لم تكن عندنا واقصد انا وممدوح والفاتح اي حواجز تحول دون هدف واحد وهوة تقديم شكل جميل وجديد لقنية داخل برنامج الفرقة بقض النظر منو الالفة وهذة هوة سر نجاح كل ما قدمناة من اعمال خاصة في برنامج فرقة السودانيين في ذلك الوقت كانت الفرقة تعتمد علي فكرة الغناء الجماعي كما تاثرنا كثيرا باسلوب اغاني الحقيبة لمالها من شكل دائري يشبة اغاني الغرب التي نعشقها وكانت هنالك قناعات سوف ياتي يوم حيكون في ثلاث مغنيين او اكثر يحملون فكر فرقه السودانيين لتكملة المشوار...................
Post: #26 Title: Re: ليت الشباب ..عضو البورد نادر السوداني 1983م مع فرقة السودانيين (في Author: تبارك شيخ الدين جبريل Date: 02-02-2013, 08:30 PM Parent: #25
ما عافي ليكم يا كوستاوي ونادر السوداني ...
عزمتك يا نادر عشان ترفد ليّ البوست دا بى حقايق تاريخية ... ما اشتغلت بيّ الشغلة ... امشي اقرا:
Post: #27 Title: Re: ليت الشباب ..عضو البورد نادر السوداني 1983م مع فرقة السودانيين (في Author: نادر السوداني Date: 02-03-2013, 08:32 AM Parent: #26
ياتبارك ياخوي دي عزومة مراكبية ساكت قال عزمتك قال ههههههههههههه الجزار زول فنان لوبطل يغني غني الناس وركز مع حاجا توا ممكن يكون لة مزاق خاص بة تمنيت ان اقابلة في زيارتي الاخيره للسودان لكن كان الوقت ضيق المهم هههههههههه انت نورت البوست
Post: #28 Title: Re: ليت الشباب ..عضو البورد نادر السوداني 1983م مع فرقة السودانيين (في Author: نادر السوداني Date: 02-03-2013, 09:40 PM Parent: #27
لغة التعبير لها ضروب ودريبات كثيرة هههههههه كانت فرقة السودانيين في ذلك الزمان البديع تتعامل مع شكل الاغنية من معطيات ما اكتسبتة من خبرات تعاملها مع الاغنية الغربية داخل اطار ما يعرف مجازا بفرق الجاز تعلمنا الكثير من خلال هذة التجارب من توظيف الي اواحدث تكنيك توصل الية الغازف الغربي وهذة مما ساعدنا كثيرا في صياغة اغانينا باسلوب متطور كانت الفرقة تقدم اغانيها الخاصة جنبا الي جنب الاغاني الغربية المشهورة في ذلك الوقت والغريب كان مجتمع الخرطوم واغلب الشباب يمتلكون اسطوانات تلك الاغاني وحافظنها صم وكانوا بيطلبوها في الحفلات في ذلك الوقت ما كان في عرس في العاصمة المثلثة لم تحي حفلتة واحد من الفرق الكانت منتشرة وبقوة في ذلك الوقت المهم علي راي تبارك هههههههههه هنالك راي يري فيما نقدمة ويطلقون علية الموسيقي الصاخبة وكانوا يرو في هذة النوع من الفن كالفن السريالي للبعض يرو فية شخبطة وغير مفهوم تعودت اعينهم ان تري صورا واضحة الالوان والملامح معبرة عن الطبيعة او صورة لوجة حسن ..........وما تعودتة مسامعهم من خلال سماع ازاعة امدر خلاهم يسمعوا موسيقى ما يعرف بالجاز زي شخبطة الفن السريالي هههههههههه .......................
Post: #29 Title: Re: ليت الشباب ..عضو البورد نادر السوداني 1983م مع فرقة السودانيين (في Author: نادر السوداني Date: 02-04-2013, 07:47 PM Parent: #28
كانت ولازالت موسيقى فرقة السودانيين زي لوحات التشكيليين يراها البعض شخبطة ويستمتع بها من يري تباعد وتقارب خطوطها قمة الابداع ونجدهم يقفون امام عبقرية هذة اللوحات ويشترونها بابهظ الاثعار لا الوم المستمع في ذلك الوقت لقد فرضد ازاعة امدر لونية محددة فرضها خديوي مصر لم يكن لهم خيار الا ما يريد من يديرون الازاعة في ذلك الوقت اسماعة للناس من خلال روادي توجد في المقاهي وفي قصور اتباع الخديوي لامجال لسماع اي لونية افريقية ولا لهو خفي ههههههههه سوي التخت الشرقي المصري و السوداني وموسيقي الجاز والبلوز التي تعزف بوسطة فرق موسيقي الجيش السوداني...................
لم تتعامل فرقة السودانيين مع اي شاعر او كاتب اغاني واللاغنية الوحيدة التي لحنت بواسطة ممدوح كانت للراحل القدال بعنوا ن المدينة .........كانت الفرقة تري لابد من كتابة نصوص بطريقة جديدة تتناسب مع ما نلحنة وفي القالب الاعظم كنا نكتب نصوص لالحان كانت البرفات اليومية هي عبارة عن ورشة عمل لكتابة نصوص لالحان او تجويد اغنية او تسجيل تلك اللاغنية.............
Post: #30 Title: Re: ليت الشباب ..عضو البورد نادر السوداني 1983م مع فرقة السودانيين (في Author: Elmosley Date: 02-05-2013, 03:07 AM Parent: #1
مجموعه من اعظم الموسيقيين الذين انجبتهم ارض السودان الحبلى ملعون ابو الغربه تحية للمهاجرين منهم ومن فضلوا البقاء بارض الوطن
Post: #31 Title: Re: ليت الشباب ..عضو البورد نادر السوداني 1983م مع فرقة السودانيين (في Author: Kostawi Date: 02-05-2013, 03:29 AM Parent: #30
Quote: يا خردة كانت هنالك العديد من المحاولات لتسجيل الخيول كفيديو لكن كل المحاولات لا تصبوا لمستوي الغنية لكن ايدك معاي سوف ارسل لك الغنية وانا متاكد حتطلع منك فكرة عبقرية لهذة العمل
لقد قمنا بالواجب يا خردة و الباقي عليك
Post: #32 Title: Re: ليت الشباب ..عضو البورد نادر السوداني 1983م مع فرقة السودانيين (في Author: نادر السوداني Date: 02-05-2013, 04:02 AM Parent: #31
يا خردة معقول تكون خلصت الغنيية يلا ياخي خلينا نتفرج
Post: #33 Title: Re: ليت الشباب ..عضو البورد نادر السوداني 1983م مع فرقة السودانيين (في Author: نادر السوداني Date: 02-05-2013, 04:15 AM Parent: #30
Quote: مجموعة من اعظم الموسيقيين الذين انجبتهم ارض السودان الحبلي
شكرا يوسف الموصلي وانت خير شاهد لهذة الفرقة
Post: #34 Title: Re: ليت الشباب ..عضو البورد نادر السوداني 1983م مع فرقة السودانيين (في Author: محمد سنى دفع الله Date: 02-05-2013, 04:35 AM Parent: #33
ياخرد بوست زي ده تفوتني فيهو صفحة كاملة اصحابي الحنان كوستاوي ونادر الجميل يا كوستا نادر ده لسه شباب وراجل مبدع ومبتكر في السودان في القاهرة وهسي في امريكا رفيقو الموسيقى دايما يبحث عن الجديد ودايما مبهر ومدهش ربنا يديهو طول العمر وليكم المودة الصافية والمحبة الخالصة احبكم وبنستمع للجمال سمعونا
Post: #36 Title: Re: ليت الشباب ..عضو البورد نادر السوداني 1983م مع فرقة السودانيين (في Author: نادر السوداني Date: 02-05-2013, 05:15 AM Parent: #34
ياالسني ياخي انت انسان جميل زي كباية الشاي بلبن جنب النيل قصاد مبني اللتلفزيون ههههههه انا مقصر معاك لكن لوعرفت الحاصل شنو حتعز اخوك طبعا بدون ادني شك انتم من كنا نستسقي منهم انغام موسيقانا وكنتم خير ناصح لنا ونحن نخطو اول محاولاتنا في التاليف والعزف لقد اسعدني تواجدك معنا ونحن في زكري فرقة السودانيين يافنان يامبدع
Post: #35 Title: Re: ليت الشباب ..عضو البورد نادر السوداني 1983م مع فرقة السودانيين (في Author: نادر السوداني Date: 02-05-2013, 05:06 AM Parent: #33
كانت اقلب حفلات الفرقة في الجامعات والاندية الثقافية وطبعا حفلات الاعراس كما زكرت سابقا كان دخل الفرد يعتبر عالي بعض الشء مقارنة مع عدادات نادي الفنانين لاسباب عديدة عدد افراد الفرقة صقير مقارنة مع عداد العازفين المصاحب لمغنيين نادي الفنانيين الزي يستحوز القون هههههههه علي نصف العداد والباقي علي الفرقة التي قد يصل عدد العازفين بها للعشرة عازفيين فما يتحصل علية الفرد قليل جدا مقارنة لنصيب الاسد الذي يقبضة القون هههههههههه هذة مما افقر العازف السوداني ولم يشجعة في امتلاك الة جيدة الصنع او كتاب اومدرس يستسقي منة اسرار التة التي في النهاية تخدم قضية الفن كان العازف ولا زال في كبد تحت سندالة الحوجة وعدم الرعاية دة لسباب سياسية وقتصادية وعد من عندك للصبح ههههههههههه بعد تطبيق الشريعة في السودان تقلصت الحفلات بشكل واضح وكانت الفرقة في ذلك الوقت تعمل يوم واحد في الاسبوع في نادي ضباط المطار ومن هنا احب ان اشكر اللواء فيصل مسعود مدير النادي لفتح ابواب نادية لنا وطبعا الموضوع دة ما كان لوجة اللة فكان النادي يعاني من ركوض بعد ماهجرتة الاسر فرجع ينتعش من جديد وكان هوة المتنفس الوحيد في الخرطوم بعد قرار اقفال كل الفنادق لصالاتها ومسارحها الليلية وحالة حظر التجوال وكبت الحريات وتصلت عسكر الحكومة...........................
Post: #37 Title: Re: ليت الشباب ..عضو البورد نادر السوداني 1983م مع فرقة السودانيين (في Author: Kostawi Date: 02-05-2013, 05:57 AM Parent: #35
Quote: ياخرد بوست زي ده تفوتني فيهو صفحة كاملة اصحابي الحنان كوستاوي ونادر الجميل يا كوستا نادر ده لسه شباب وراجل مبدع ومبتكر في السودان في القاهرة وهسي في امريكا رفيقو الموسيقى دايما يبحث عن الجديد ودايما مبهر ومدهش ربنا يديهو طول العمر وليكم المودة الصافية والمحبة الخالصة احبكم وبنستمع للجمال سمعونا
Quote: يا كوستا نادر ده لسه شباب ....
شباب يا ود السني? نادر زميل أبو المسرح السوداني الحيطة بالحيطة زميلو عدييييييل
نحنا كنا طلبة فقط لخالد أبو الروس... و كمان مثلنا معه عجوبة الخربت سوبا (خراب سوبا) و نحن طلبة صغنتوتيين و لعبنا الكورة و قمنا فوزنا بالكاس و هتف معنا ضد ناظر المدرسة(المسكينة ) الذي " حلف بالطلاق إنو مدرستو حا تفوز بالكاس)..... هتفنا "حلف طلاق و طلق مرتو....موسيقى هتافية بساكسفون روسي)
لا أنسى...و لقد شقيناها في ذلك اليوم خطى المقابر من ميدان الأهلية العليا لفريق[ك] المكي
العليا دي ميدان......ما تسرح كتير
و حلف طلاق و طلق مرتو....و لن يحكمنا....
Post: #39 Title: Re: ليت الشباب ..عضو البورد نادر السوداني 1983م مع فرقة السودانيين (في Author: Kostawi Date: 02-05-2013, 06:11 AM Parent: #37
Quote: يا خردة معقول تكون خلصت الغنيية يلا ياخي خلينا نتفرج
يا عمو نادر شوف لو واحد من جماعتك ديل قال سيك ميك أنت المسعول.... و خاصة عمي العجوز الآخر عبد المنعم الجزولي
ليت الشباب ..ya3oud laikum
Be back
Post: #38 Title: Re: ليت الشباب ..عضو البورد نادر السوداني 1983م مع فرقة السودانيين (في Author: تبارك شيخ الدين جبريل Date: 02-05-2013, 06:03 AM Parent: #35
بالله يا نادر السوداني تتحامل على الجزار في انو بيقوم بى معالجات توزيع Arrangement لى غنا غيرو؟
انتو ريّحتوا "وليام اندرية"؟
ما كنتوا بتشيلو غنا غيركم زي السلام عليكم ... بعدين الأغنية تتكون من عناصر كتيرة غير التوزيع ...
هنالك الموضوع ... والنسق Genre (حيث لا يليق غنا الأعراس في قيادة السيارة أو اثناء مظاهرة) ... والكلمة بخفة ظلها وحسها الشعري ... والتطريب في الأداء والعرض والتقديم (خصوصًا في الفيديو كليب والتسجيلات التلفزيونية) ... كل ذلك إضافة للعنصر الموسيقي من الألحان والتوزيع وحرفية العزف على الآلات ومهارة العازفين ...
المسألة لا تقف عند ملكية الأغنية فقط ... ومقولة "سمح الغنا في خشم سيدو" تحمل أكثر مما تحتمل ... فالحقيقة انه "سمح الغنا في خشم الغناي الحريف" ... ومحمد جزار دا حريف غنا لو وزّع لى ناش شبكة وغيرو ولو غنا بنفسو ...
فما تبخس مجهود الراجل ... وتقول لينا "لما مشيت السودان كنت عايز الاقيهو لاكين البلد ضيقة" ... أحبطني ردك تمامًا يا نادر كما أحبطني غناءك المتأخر ... ياخي الغنا دا اديهو لى غنايين حرفا زي اسامة الشيخ وعاطف انيس ... ما بتسمع راي غيرك نهائي يا نادر ... رغم ملكاتك الموسيقية العبقرية في وجهة نظري .. بستغرب ... كيف تفكّر في الموسيقى بالعمق دا ... ويغلبك تفكّر في الغنا من وجهة "سمع" الجمهور؟
... المهم ....
Post: #40 Title: Re: ليت الشباب ..عضو البورد نادر السوداني 1983م مع فرقة السودانيين (في Author: Kostawi Date: 02-05-2013, 07:15 PM Parent: #38
جاكم بلا أسمعوا الغنية دي
كلمات عبدالمنعم الجزولي لحن و غناء نادر السوداني
"الخيول"
بي نورنا بى فانوسنا بى شمعتنا بنسوى السمح بين الشعوب احنا الخيول التنجمح وبين الخضار احنا القمح
تبت يدا حاكم سرق تبت يدا دجال مرق واستاسنا بى احلام ورق يادمنا اليوم اتحرق واستهلك اعراضنا الارق براقنا فى الاكوان برق واشرف مقاصدنا العرق
تبت يدا حاكم ظلم شعبا اذا مسك القلم مابنسج الشقا فى العلم ولا بعرف الخوف والندم لابيسرق احلامو العدم ولابقبل يسجد للصنم ولابشتهى القراصة فى ايد الامم
تبت يدا ذئبا عوى طلق كلابو ولا ارعوى تبت يدا حاكم نوى واختار طريق اللولوى اقدامنا منطلقات سوى ايدينا تنسج فى الهوا لحن الشهادة وماحوى لاعيش ولاكراس ولاحق الدوا شعبا من الذل ارتوى
Post: #41 Title: Re: ليت الشباب ..عضو البورد نادر السوداني 1983م مع فرقة السودانيين (في Author: نادر السوداني Date: 02-05-2013, 08:48 PM Parent: #40
شكرا يا خردة مجهود كبير ومقدر مع فائق تقديري واحترامي
Post: #42 Title: Re: ليت الشباب ..عضو البورد نادر السوداني 1983م مع فرقة السودانيين (في Author: نادر السوداني Date: 02-05-2013, 08:56 PM Parent: #38
يا تبارك برجع ليك بمهل ونفك عقد كلامك عقدة عقدة ههههههههههههه قال اتحاملتة علي الجزار قال
Post: #44 Title: Re: ليت الشباب ..عضو البورد نادر السوداني 1983م مع فرقة السودانيين (في Author: نادر السوداني Date: 02-06-2013, 08:12 AM Parent: #42
قول واحد يا تبارك لايمكن ان اتحامل علي فنان زي الجزار لاسباب كثيرة فنان يحمل راية التجديد داخل حديقة فرقة السودانيين لو لم يكن قدر هذة المكان لم يجد فنان واستاذ كبير زي ممدوح يقف بجانبة انا اري في هذة الفنان شئ جديد وتمنيت ان يقدم اطروحتة من خلال اغانية الخاصة حتي نستوعب ونتعرف علي علي هذة الموهبة من قرب وبعد هذة يمكنة ان يتغني ويوزع لاي فنان ودة الطبيعي والبيحصل في العالم الحولنا الحدوتة بتبتدي بحجات الفنان وبعدين حاجات الاخرين وهذة مربط الفرس
قول اتنيين ياصديقي لم تتقني فرقة السودانيين لاي فنان محلي او عاش في نفس الفترة اوتواجد في نفس المجتمع مع احترامي الشديد لكل فناني تلك الفترة قلدنا كل الاغاني الغربية واغاني الراي الجزائرية واللبنانية غنينا لسيد درويش وكان هذة في اطار العدادات فقط بحكم تواجد الفرقة في اندية للجاليات العربية كانت لنا بعض المحاولات وهي قد لات تعدي اصابع اليد الواحدة كان تركيز الفرقة في اغانيها الخاصة
بالنسبة لرايك في اسلوب غناي كل ما لحنتة من نصوص شعرية فهوةيعبر عن حالة من الثورة لا يوجد مكان للطرب والتطريب فمثل هذة الاغاني لها رسالة محددة وبعد ماتحقق ما تصبوا الية تصبح غير ثارية المفعول في فترة مايو لو بتزكرظهرت العديد من الاغاني اين هي الان...........
اما بالنسبة لفنانين واشنطون لقد ترجيتهم ان يشاركوا معي في عمل كبير مثل كجبار لم اصل لاي نتيجة كنت اتمني ان يشارك الجميع في ملحمة كجبار وكنت بحلم ان توزع اسطوانة هذة العمل في كل انحاء العالم وكل المبالق المتحصلة من بيع الاسطوانة سوف اذهب بنفسي لتسليمها لامهات الشهداء المشروع نام وانا ماشي انام ...................
Post: #43 Title: Re: ليت الشباب ..عضو البورد نادر السوداني 1983م مع فرقة السودانيين (في Author: Elmosley Date: 02-06-2013, 04:15 AM Parent: #33
Quote: شكرا يوسف الموصلي وانت خير شاهد لهذة الفرقة
طبعا يانادر وهل يخفى القمر ياخي انا عمري مابنسي لمن عزفتو معاي عازه في هواك بالقاهرة كان طعم مختلف تماما وتجربة بالنسبة لي غاية في الجدة والتشويق وانا معجب من ايام ديفيد قروب والحقيقة شرحبيل و البلوستارز وجاز الديوم ثم ديفد قروب ثم السودانيين هذه سلسة عجيبة يضاف لها اضواء بحري والاصدقاء وجاز عطبره لابد يانادر تحاولوا التوثيق كل الود يافنان
Post: #45 Title: Re: ليت الشباب ..عضو البورد نادر السوداني 1983م مع فرقة السودانيين (في Author: نادر السوداني Date: 02-06-2013, 08:19 AM Parent: #43
طبعا كانت تجربة جميلة وياريت لوصورناها فيديو
عاوز اركز في هذة البوست عن مشوا فرقة السودانيين من البداية حتي انفكاك عقدها في القاهرة
Post: #46 Title: Re: ليت الشباب ..عضو البورد نادر السوداني 1983م مع فرقة السودانيين (في Author: نادر السوداني Date: 02-06-2013, 09:15 PM Parent: #45
بعد تجارب وخبرات اكتسبتها الفرقة راينا واللة الحتة دي وقفتني كتير كلمة راينا وهي اسلوب العمل الجماعي لقد فتقدناة كثيرا بعد ما تسيطرة الفردية من قمة الدولة حتي العازف الواحد واصبح كل منا يقول انا وبس منتهي الانانيية قيمة العمل الجماعي في كل شئ قيمة عالية وبتعيش لمدة اطول بمجهود من شاركوفيها باخلاوص وحب في بنائها المهم علي راي ود شيخ الدين هههههههههه تقدمت الفرق بفكر برنامج تلفزيوني في ذلك الوقت بعنوان سبعة نقاط لتطوير الاغنية السودانية وهوة عبارة عن مجموعة حلقات في كل حلقة نقدم فيها نمازج لما نتمناة لشكل الاغنيية السودانية الحديثة من قوالب الشعر والنصوص في الغنية الشعبية مرورباشعار الاستاز الكبير محجوب شريف والاستاذ هاشم صديق والقدال حتي الشعر الحلمنتيشي هههههههه كنا حنتكلم عن قوالب التلحين واشكالها داخل نسيج الغنية الشعبية واغاني اذاعة امدر واسلب اغاني فرق الجاز المحلية والعالميةكنا حنقدم في البرنامج فكرة قديمة لفنانين كبار زي عثمان الموا وفي نفس الحلقة حنقدم معالجتها من خلال الفرقة وكنا ندعو المشاهدين داخل الاستديو من نستضيفهم بتقديم ارائهم عن الفكرة حتي الناس الفي المنازل يمكنها ان تشاركنا هذة من خلال التلفون المباشر قدمنا اول حلقة ونفاجا بالصحف اليومية تهاجم الفرقة وكانت مفاجاة ان يوقف هذة البرنامج قبل ان يبتدي كنا في حالة من الذهول ولم تجد عقولنا الشابة اي اجابات مقنعة .....................
Post: #47 Title: Re: ليت الشباب ..عضو البورد نادر السوداني 1983م مع فرقة السودانيين (في Author: نادر السوداني Date: 02-07-2013, 03:00 AM Parent: #46
اغاني الفرقة خاصة =========== وقت الرحيل غاب القمر لية يازمان عتاب نسيت حبنا يا غريب عن ديارك مستحيل انساك مابلومك طول الليل ياليل ياطويل الخريف المدينة كيف انساك عازة في هواك للراحل خليل فرح كان بدري عليك المجموعة التالية انتجتها لي شركة حصاد سنة 1988 والالبوم باسم مسدار حليل زمنا ليالي الفرحة مسدار قصة مرت امدر يلا نعمر بلدنا كل الكلام طلع قمرنا واامجموعة دي كانت في التلاجة هههههههههههه في فترة السودان قبل الزهاب للقاهرة
Post: #48 Title: Re: ليت الشباب ..عضو البورد نادر السوداني 1983م مع فرقة السودانيين (في Author: نادر السوداني Date: 02-07-2013, 03:50 AM Parent: #47
بعد تطبيق الشريعة تاثرت الفرقة كثيرا وكل الانشطة الفنية في البلد تكاد تكون توقفت تماما ونحن في هذة العهر السياسي يتصل بي رجل الاعمال فتحي الحاوي صاحب كفتريا النيل الازرق وطلب مني مقابلتة حقيقتا تعجبت وقلت في نفسي ناس الحكومة غيرو رايهم في موضوع الشريعة ورجعوا الحاجات تاني ولا شنوا قابلت الرجل وكانت مفاجاة لي عندما اخبرني بتعاقدة مع الفنان المصري محمد منير وطلب مني مشاركة الفرقة لهذة الفنان في جولتة الفنية في السودان بالمناسبة كان نجم الفنان منير يادوب طالع ولم يكن منير كما هوة الان كان في ذلك الوقت من احد اعضاء فرقة الفنان العالمي عازف الدرامس يحي خليل وبامكانيات فرقة يحي ومهارة عازفيها تجمعت مجموعة من الاعمال السودانية والحان للراحل النوبي احمد مونيب ومنها علا نجم منير .........كانت لة جولات في كل الوطن العربي والسودان كان ضمن هذة الجولات ا كتبت الكنتراتوا بمشاركة فرقة السودانيين في كل حفلاتة علي ان تستخدم فرقة يحي الالات الخاصة بالفرقة في تقديم عروضها كانت اول حفلة في نادي الضباط المطار وكان حضور غير عادي بدات فرقة السودانيين اول وصلة ونفاجا باعضاء فرقة يحي خليل في الصف الامامي ومنير يقف خلف كواليس المسرح نزلنا بعد ما قدمنا مجموعة من اغانينا الخاصة تجاوبت معنا فرقة يحي قال لي يحي انا ما كنت متوقع ان اسمع موسيقي بهذة الرغي والتقدم في السودان وطلب مني ان تذهب الفرقة للقاهرة لتوثيق هذة الاعمال ووعد بتقديمنا لمنتجين مصريين ولنتاج اول البوم يوزيع في كل انحاء العالم ودي كانت بداية الهجرة من السودان للقاهرة....................
Post: #49 Title: Re: ليت الشباب ..عضو البورد نادر السوداني 1983م مع فرقة السودانيين (في Author: Osman Musa Date: 02-07-2013, 03:53 AM Parent: #47
السلام جملة يا جماعة يا أستاذ الموصلي كان أخونا الفنان أبوعركي وفي حضور الأخ نادر قلتلو : هسع يا عركي نادر ده مازي ري تشارلز في الحضور وفي الموهبة لو ما ساكت بلدنا بلد مسكينة .؟ يا الموصلي ياخ زمن نادر ده كان حايم بي الجيتار أبو رقبة في نوادي الخرطوم بالليل الناس في أمريكا دي كانت بتركب المترو ساعة من هارلم لبروكلن عشان تشوف الجيتار أبورقبة . نادر فنان له التحية وله التقدير . بس نقول شنو يازول أهو حالو من حال البلد . .... عليك الله يا موصلي وكت جات سيرة جاز عطبرة لابد لابد يا موصلي تحاول تكتب عن الفنان وعازف الساكسفون عبدالله دينق . وبرضو تحاول تكتب عن عازف الساكسفون الخطير ود عمنا الدرديري جلال الحسن بري . الدرديري ده عجيب يا موصلي .
Post: #52 Title: Re: ليت الشباب ..عضو البورد نادر السوداني 1983م مع فرقة السودانيين (في Author: نادر السوداني Date: 02-07-2013, 05:37 PM Parent: #49
Quote: ري تشارلز
يا معلم عثمان ياخي ريتشالز حتة واحدة يا راجل ربنا يجبر بخاطرك ............لك ولصديقي عركي الف تحية
Post: #50 Title: Re: ليت الشباب ..عضو البورد نادر السوداني 1983م مع فرقة السودانيين (في Author: Azhari Nurelhuda Date: 02-07-2013, 05:02 AM Parent: #1
حليلو هو... الفوق ده... أما التحتاني ده.... تحت البوريه .... ما في صوفة والكرعين إتكجلن (عاينو للكراع اليمين دي فردة يد الذردية اليمين بس)... والباقي خلو مستور ساكت...
Post: #51 Title: Re: ليت الشباب ..عضو البورد نادر السوداني 1983م مع فرقة السودانيين (في Author: Kostawi Date: 02-07-2013, 03:50 PM Parent: #50
Post: #53 Title: Re: ليت الشباب ..عضو البورد نادر السوداني 1983م مع فرقة السودانيين (في Author: نادر السوداني Date: 02-07-2013, 05:44 PM Parent: #50
طبعا الصورة دي وقعت ليك في جرح هههههههههههههه انت يا ش ههههههههههه لامن قدمت معاي في المعهد كنت استاز ومعلم وقور منتدب من بخت الروضى ونحن ناس مكتب القبول ويادوب امتحنة الشهادة وكمان كنت دفعتي هههههههههه واخوي ممدوح يشهد هههههههههه
يا كستاوي يا خردة كدة كويس جبتة لينا الكلام انعل ابو الكمرات ظاتة ههههههههههه
Post: #54 Title: Re: ليت الشباب ..عضو البورد نادر السوداني 1983م مع فرقة السودانيين (في Author: Kostawi Date: 02-07-2013, 07:03 PM Parent: #53
Quote: يا كستاوي يا خردة كدة كويس جبتة لينا الكلام انعل ابو الكمرات ظاتة ههههههههههه
هي بالله دي صورتك أنا إفتكرتك نجيب محفوظ
Post: #55 Title: Re: ليت الشباب ..عضو البورد نادر السوداني 1983م مع فرقة السودانيين (في Author: نادر السوداني Date: 02-08-2013, 00:17 AM Parent: #54
واللة بقت الشقلانية مابتفرق كتير اتمني ان تتعلم اجيال من تجربتنا الجادة دى وتحاول وتعافر وتعمل الاحنا ماقدرنا نعملة ...........شكرا ياخرد ووبالرغم من القالو ود دفعتي جكس واشنطون بس الواحد ينزل من العربي الدنيا تقيف ههههههههههه
نرجع لموضوع الفرقة قررت الفرقة الذهاب للقاهرة وبدانا بتجهيز شرايط اغاني الفرقة لاسماع للمنتجين المصريين وتجهيز الورق الزي يسبت ان فرقة السودانيين تتكون من مجموعة من الفنانيين السودانيين تسعي لتطوير الموسيقي السودانيية وكان المكز القومي لوزارة الثقافة هوة المكان لاستخراج مثل هذة الوثائق تحصلت الفرقة علي الوثيقة علي ان تزهب الفرقة للقاهرة لتسجيل اعمالها الخاصة علي حساب نفقتها الخاصة كانت الاجرات سهلة لان حبايب الفرقة في اي مكان وعاوزين يخدموا الفرقة حبا في الفرقة في سنة 1986 وصلت الفرقة مطا رالقاهرة الدولي وكان استقبال لم انساة مدي ما حييت كنا نحمل جيتاراتنا معانا وعندة دخولنا صالة الاستقبال الظاهر لم تعجب خلقنا ضباط امن المطار ههههههههه الشعر الكتير والجنز وبدات الاسئلة سين وجيم لم ينقزنا منهم سوي ورق الثقافة الكان معانا مع العلم في ذلك الوقت كانت بيننا وبينهم اتفاقية وحدة وادي النيل قال ............
Post: #56 Title: Re: ليت الشباب ..عضو البورد نادر السوداني 1983م مع فرقة السودانيين (في Author: نادر السوداني Date: 02-08-2013, 08:53 PM Parent: #55
بعد المسرحية البايخة بتاعت ضباط جوازات مطار القاهرة طلعنا من المطار لمقر اقامة الفرقة وكانت شقة مفروشة في المنيل بدات اول ايام التعب الجد جد وطبعا اول اتصال كان بيحي خليل الراجل رحب بينا وادانا تلفونات لمنتجين لكن حياة فنانين القاهرة مختلفة عننا بكثير ليلهم نهار ونهارهم ليل يعني لوعاوز تقابل ليك فنان لازم تقابل مدير اعمالة ودة بيكون بعد الساعة ستة مساء شركات الانتاج دى عادي بالصباح وساعات العمل الرسمية كانت معاناه بكل المقايس وفي مقدمة كل هذة الكنجالات لازم ندفع ايجار للشقة والاكل وكمان المواصلات وقروشنا بدات تخلص لم تكن الامور كما توقعناها كانت اصب من الخيال والمنتج المصري متمسك بشكل ماينتجة من شرايط للاستهلاك المحلي كانت نصوص كلمات الاغاني غريبة عليهم وكانوا يتخوفون من الدخول في التجربة التي لا تشبة ما ينتجونة من شرايط وهذة اول بداية الاحباط ............زهبت ليحي خليل وشرحت لة الموقف قال لي هنالك شركة في قاردن سيتي انا اعرف صاحب هذة الشركة وهوة يحب هذة اللونية من الاغاني . ............. اللة يرحم الشاعر المصري الكبير عصام عبداللة كان رجل بجد لة الرحمة يحسسك باخوتة بدون ان يتكلم وكان هوة المدير لشركة امبير ودار بيني وبينة حوار مطول عن ما نتمناة لقيت هذة الرجل يسمعني بكل اهتمام قال لي عندك اي شريط ممكن اسمع حاجاتكم قلتة ليهوا طبعا معا ي لقيتو خطف الشريط من يدي زي ما يكون عاوز يسمع حاجة نفسوا تطلع زي ما تخيلة ومن اول غنية لقيتوا وقف الشريط وقال يا استاز نادر هذة فوق وابعد وابدع ما سمعت وبدا يتكلم عن الشركة واقصد شركة امبير قالي نحنة مجموعة من الفنانين قلتة ليهو زي منوا قال انا وعلي الحجار ومودي ا لامام ابن الراحل المخرج السنمائي حسن الامام والفنان عمر خيرت ومحمد سعد وبراهيم عنان انشانا هذة الشركة وملحقة باستوديوا لتسجيل وانتاج ما نراة ومانحبة وشركة امبير تعتبر شركة صقيرة مقارنة بحيتان سوق الكست قال لي اديني تلفون شقتك اسمع الشريط للمجموعة وسوف اتصل بك بدات حالة من الملل داخل الفرقة عندما قرر ممدوح الرجوع للسودان وكانت دوافعة مقنعة وهي لظروف اسرية تفهمتها تماما بحكم علاقتي لااسرتة رجع ممدوح السودان ونحن قبل ان نمضى كنتراتوا الشريط الاول مع شركة امبير .................
Post: #57 Title: Re: ليت الشباب ..عضو البورد نادر السوداني 1983م مع فرقة السودانيين (في Author: نادر السوداني Date: 02-08-2013, 09:38 PM Parent: #56
قبل سفر ممدوح ورجوعة السودان شاركت الفرقة في العديد من الحفلات وكانت اكثرها في الجامعات حيث سافرت الفرقة تقريبا كل محافظات مصر مشاركة الطلاب السودانيين حفلات تخرجهم من جامعات مصر كما شاركت في العديد من حفلات الجالية السودانية التي تعيش في القاهرة وهذة مما ساعدنا كثيرا في تقطية مصاريف الاعاشة في تلك الفترة قبل ما نكتب كنتراتو شركة امبير............
Post: #58 Title: Re: ليت الشباب ..عضو البورد نادر السوداني 1983م مع فرقة السودانيين (في Author: نادر السوداني Date: 02-09-2013, 08:48 PM Parent: #57
لابد لي ان اشكر فرقة عظيمة سبقتنا للسفر للقاهرة وعملت اسم وسمعة طيبة للفنان والموسيقي السوداني وهي فرقة الافارقة وهم ,,,,,,المغني العالمي طارق مصطفي وهوة حاليا في امريكا فيقاس وناجي قيلي عازف الجيتار حاليا مع فرقة البلو ستار فاروق كمبال عازف الساكس ولنا ان نترحم علي عازف الدرمس عجب وعازف الباص صلاح بني هؤلاء الفنانين استطاعو ان يقيرو شكل وفكرة السوداني الزي اظهرتة السينما والاعلام المصري بصورة اقل بكثير منما يستحق من خلال تواجدهم الجميل في ليالي القاهرة التي لا تنام لهم مني كل تقدير
Post: #59 Title: Re: ليت الشباب ..عضو البورد نادر السوداني 1983م مع فرقة السودانيين (في Author: نادر السوداني Date: 02-10-2013, 06:35 PM Parent: #58
لم يكن قرار رجوع ممدوح للسودان بالسهل علي الفرقة فممدوح من احد اعمدة فرقة السودانيين ومواسس لها كما كان تاثير ذلك اكثر علي شخصيا فعلاقتي بممدوح لم تكن من خلال الفرقة فنحن اصدقاء منز الطفولة تاثرت الفرقة ماديا بعدسفر ممدوح لتوقف الحفلات التي هي مصدر دخلنا الوحيد ونحن في هذة الحيرة يتصل بنا مدير شركة امبير لمناقشة تفاصيل العقد كتبانا العقد وكانت هنالك مشكلة كبيرة وتتمثل في من يصاحب الفرقة في الاستوديو بديلا عن ممدوح وبصراحة لم نجد .............. لان فنان بقامة هذة الرجل من الصب جدا ان تجدة في اي مكان وانا طبعا شهادتي قد تكون مجروحة بحكم علاقتي بة لكن هذة حقيقة قد لاتخفي علي اي شخص عادي خليك من ان يكون هذة الشخص فنان بعد عذاب تم اختيار الفنان مودي الامام ابن المخرج السنمائي حسن الامام المشهور فهوة عبقرية فنية بمعني الكلمة ومن امهر عازفي الكيبورد طلب مني المنتج ان تقوم الفرقة بتسجيل كل التراكات للحفاظ علي هوية ما اللفتة الفرقة من اغاني قبل دخول مودي الاستوديو لتسجيل شقل الكيبورد كما تم اختيار اغاني الشريط واستبعاد الاغاني التي اللفها ممدوح من ما اخترناة .للالبوم من اغاني .......وبالمناسبة دى كانت رقبة ممدوح بعدم تسجيل اي عمل لة في هذة الالبوم قبل سفرة للسودان..........
Post: #60 Title: Re: ليت الشباب ..عضو البورد نادر السوداني 1983م مع فرقة السودانيين (في Author: نادر السوداني Date: 02-10-2013, 07:29 PM Parent: #59
كانت تجربة التسجيل في استوديوا امبير تجربة تعلمنا منها الكثير سالت نفسي لية ازاعة امدرمان في ذلك الوقت لا تمتلك هذة التقنية ومصرين تسجيل الاغاني كما تكون لايف علي الهواء ولية من يديرونها في ذلك الوقت لم يتابعون تطور ما يدور حولهم في العالم وبالمناسبة بالرقم من امكانيات فرقة السودانيين المحدودة كان عندنا استوديوا اربعة تراكات وكان هذة الاستوديوا المتواضع ثورة في عالم التكنلوجية في ذلك الوقت في حين ازاعة امدر تتعامل بتقنية اكل منها الدهر وشرب يعني الشقلانية ما كانت محتاجة مننا لي سفر ولا لهو خفي ههههههههه كنا محتاجين بشدة لهذة التقنية في ذلك الوقت لتسجيل وطباعة وتسويق اغانينا ما كان في استوديوا واحد في السودان بجلالة قدرة يخلينا نسجل اغانينا بصورة تقنع عقولنا الموتطلعة لشكل ما يدور حولها في العالم من اغاني ادهشتنا تقنية تسجيلها .....................
Post: #61 Title: Re: ليت الشباب ..عضو البورد نادر السوداني 1983م مع فرقة السودانيين (في Author: نادر السوداني Date: 02-11-2013, 07:14 PM Parent: #60
لابد لي ان اشيد بدور الفاتح الكردي في فترة ما بعد ممدوح وفترة تسجيل الالبوم للامانة لقد بذل هذة الرجل اقصي ماعندة لتنفيز اغاني اللابوم حتي لا يحس المنتج بفرق من ما سمعة في شريط الديمو لة مني كل تقدير واحترام ناس كتير قد لا تعرف الفاتح الكردي هوة من اولاد الخرطوم لمع نجمة في اول فرقة لة باسم الصول براظر وكانت تتكون من الفاتح جيتار ومغني عاطف الشرقاوي باص صلاح باب اللة جيتار عجب سيدهم رحمة اللة درامس لم يستمر هذة التكوين طويلا ونتقلة بنفس افرادة مضاف الية كمال حمدي كعازف للباص لفرقة الفنان الكبير جيلاني الواثق كان لهذة التكوين القوي والمتميز موسيقيا دور كبير في انتشار الفنان جيلاني الواثق في ذلك الوقت كما كان من احد اعضاء فرقة الويفز وبعدها التحق بتكوين ديفيد قروب والسودانيين بجانب امكانياتة المهولة في العزف علي الجيتار فلة مكة التاليف وكانت لة العديد من الاغاني داخل برنامج الفرقة وكان لصوتة المتميز دور كبير في اتشار ونجاح فرقة السودانيين في ذلك الوقت وهوة حاليا في سويسرا لا ادري يمكن في يوم تجتمع فرقة السودانيين بتكوينها القديم في الخرطوم ويسمعها ما فاتة ذلك ........................
Post: #62 Title: Re: ليت الشباب ..عضو البورد نادر السوداني 1983م مع فرقة السودانيين (في Author: نادر السوداني Date: 02-11-2013, 09:17 PM Parent: #61
بالطبع لابد ان نزكر مجهودات عضو الفرقة سيف عيد اللة سعيد عازف الدرامس بالفرقة من ابناء الخرطوم بحري لمع نجمة في فرقة الاصدقاء التي كانت تتكون من سيف درامس صلاح باب اللة وصلاح خليل جيتارات وعلي ما ازكر كان معاهم عازف كنقولي اسمو ديفيد كما كان من احد اعضاء فرقة سامي الصلحي عازف الباص الجميل ووالدة الاعلامي والوزير السابق وصاحب البرنامج المشهور بيت الجاك في ذلك الوقت كانت الفرقة تتكون من سامي وكان معه عازف بيانوا انجليزي الجنسية بمصاحبة كمليو الجيتارست الخطير وصلاح دهب عازف الساكس كانت فرقة اكثر من رائعة كانت تقدم عروضها في ذلك الوقت في كفتريا النيل الازرق كما سافرت الفرقة لانجلترا لتسجيل اسطوتناتها رجع سيف من لندن ليلتحق بفرقة السودانيين كما كان لة دور كبير في دعم الاشكال الايقاعية و بناء الرزم سكشن لة مني كل تقدير واحترام
Post: #63 Title: Re: ليت الشباب ..عضو البورد نادر السوداني 1983م مع فرقة السودانيين (في Author: SAWO Date: 02-12-2013, 05:57 AM Parent: #62
Thanks for all you are doing
Post: #64 Title: Re: ليت الشباب ..عضو البورد نادر السوداني 1983م مع فرقة السودانيين (في Author: Kostawi Date: 02-12-2013, 06:01 AM Parent: #63
Post: #66 Title: Re: ليت الشباب ..عضو البورد نادر السوداني 1983م مع فرقة السودانيين (في Author: نادر السوداني Date: 02-12-2013, 06:55 PM Parent: #64
يوم شكرك مايجي يا خردة دة شقل نضيف
غنية قلب الصنط كلمات الشاعر الثائر عبد المنعم الجزولي
Post: #65 Title: Re: ليت الشباب ..عضو البورد نادر السوداني 1983م مع فرقة السودانيين (في Author: نادر السوداني Date: 02-12-2013, 06:50 PM Parent: #63
Quote: Thanks for all you doing
SAWO الشكر لك ولمنظمة المراة بواشنطون وما تقومون بة من مجهود مقدر لخدمة نساء بلادي
Post: #67 Title: Re: ليت الشباب ..عضو البورد نادر السوداني 1983م مع فرقة السودانيين (في Author: نادر السوداني Date: 02-12-2013, 09:13 PM Parent: #65
فرقة السودانيين كانت بالنسبة لنا المعمل وورشة العمل فكل تجربة فنية ينتجها اي واحد من المجموعة نجتمع حولها داخل ورشتنا الفنية كان البحث داخل كتب الشعر وكتب الهارموني وكتب التكنيك الالي هوة مداد يساعدنا في حل الغاز ما نالفة من اغاني وفي اغلب الاحيان نكون شقالين في غنية واحدة لمدة اسبوعين وفي النهاية ممكن تتركن علي جنب لعدم اقتناعنا بشئ ماء داخل مكوناتها كنا نسجل اغلب البروفات ونسمعة في وقت لاحق وسبحان اللة هنالك اغاني تكتمل رؤيتها من اول بروفة ومهما نحاول في تطوير فكرتها نحن للشكل الاول ونقرط علي كدة ههههههههه استمرة هذة الاسولب الذى ابتدعتة الفرقة انا في امريكا وممدوح في السودان والفاتح في سويسرا كل واحد مننا عندة استوديوا لتوثيق ما يالفة من افكار ةاغاني وبنفس اسوب فرقة السودانيين القديمة ست الاسم يمكن تجي اجيال من بعدنا وتستمع لتلك التجارب التي لم تجد طريق لها داخل الاعلام السوداني العليل لا ادري كم ما انتجة ممدوح والفاتح الكردي من ساعة ما تفارقننا عن تجربتي الخاصة الحمد للة عندي مجموعة خمسة سيديها او خمس شرايط لم تري النور بعد انا متاكد من ممدوح والفاتح عندهم اكتر وبالمناسبة اسمحو لي ان اشكر الباش مهندس بكري ابوبكر الذي فتح لي باب دارة لتقديم بعض اعمال فرقة السودانيين واعمالي الخاصة حصرييا في هذة المنبر الديمقراطي الحر لة مني كل تقدير واحترام وطبعا الخردة نصر الدين هجام الذي تحمس لفكر فرقة السودانيين بدون مقابل بل دفع من جيبة الخاص لدعم هذة الفكر له مني كل الحب والتقدير ياملك الخرد ههههههههه ..........
Post: #68 Title: Re: ليت الشباب ..عضو البورد نادر السوداني 1983م مع فرقة السودانيين (في Author: نادر السوداني Date: 02-13-2013, 11:04 PM Parent: #67
الواحد عامل زي الماسك كاميرة عمال يصور في مناسبة حلوة تجمع فيها كل الاحباب وبعد الحفلة وهوة بيتفرج علي صور الحفلة يلقي ما عندة ولا صورة مع من كانوا في هذة الحفلة هههههههههههه طيب نادر السوداني دي جات من وين !!!!!!!!!!!هذة الاسم فرض نفسة ونحن في استوديوا امبير القاهرة وكان يطلق علينا في الاستوديوا الفاتح السوداني وسيف السوداني نسبة لاسم فرقة السودانيين لم يحظي الفاتح ولا سيف بهذة اللقب لسبب تواجدي المكسف مع الادارة وفي صالة التسجيل وتقريبا في اي مكان داخل شركة امبير الاسم الحقيقي محمد نادر عبداللة احمد من مواليد امدر شارع السيد علي منز الطفولة كان عشقي الاول الموسيقي وكان في هذة الحي صديق عمري ممدوح طاهر فريد وجاري ورفيق مشواري عبد المنعم الجزولي والراحل محمد ازهري لة الرحمة وجاري واخي عازف الجيتار سليمان ابو غالب وعازف الجيتار شاكر عبد الرحيم والمغني العالمي طارق مصطفي والمرحوم عازف الباص صلاح بني رحمة اللة وحيد دينق عازف الدرامس كان اول لقاء فني بممدوح ومحمد ازهري وسليمان ابوغالب في مركز شباب امدرمان وكان اول مرة نعزف علي الالات كهربائية يا ةةةةةةةةة وبعد ذلك كونا فرقة مع الرشيد الجوهري باسم الانجلس التي كانت بدايات للمغني العالمي طارق مصطفي وممدوح وصلاح بني رحمة اللة ووحيد دينق عازف الدرامس وكمال نحتوك عازف الدرامس ونادر السوداني كمال عمر عازف الجيتار وابراهيم ياني واللة فرقة الانجاس دى كانت كلية موسيقية ههههههههههه والمستفيد الوحيد الرشيد الجوهري صاحب الفرقة ههههههه كان التواجد الكثيف في تلك الفترة لفرق مايعرفة بفرق الجاز استسمار لناس كتير اشتروالالات وكونوا فرق للمكسب المادي فقط ودة موضوع عاوز ليهو بوست لوحدو كان لي الشرف ان اكون من اعضاء فرقة الفنان الكبير شرحبيل احمد كعازف للباص وكان هذة قبل ما نكون فرقة ديفيد قروب................
Post: #69 Title: Re: ليت الشباب ..عضو البورد نادر السوداني 1983م مع فرقة السودانيين (في Author: نادر السوداني Date: 02-14-2013, 05:36 PM Parent: #68
تم اختيار مجموعة اغاني الالبوم وهي وقت الرحيل غاب القمر ميلاد حبنا لية يازمان عتاب مدينة النور عازة في هواك كان بدري عليك كما اصر المنتج ان نسجل المانبوا السوداني للراحل المقيم الفنان الكبير سيد خليفة انا ما كنت مقتنع بتسجيل اي اغاني لاي فنان في اول البوم للفرقة مع احترامي الشديد لاي قامة فنيية اقتنع الفاتح وسيف بفكرة النتج وافقت علي مضد وبدا التسجيل بدا الناس داخل الشركة يرددون اغاني الفرقة وبدات كمية من الاسئلة عن معني بعض الكلمات الغير مفهومة بالنسبة لهم استهوتهم الالحان وبدا اصدقاء الاستوديوا يتوافدون ويسمعن معنا كانت الدهشة في كل وجوة الحضور كان مابين الحضور فنانين كبار وعازفين مهرة منهم الفنان الكبير عمر خيرت وياسر عبد الرحمن الموزع الموسيقي وعازف الكمان كما كان من بين حضور جلسات الاستماع الفنان سمير الاسكندراني الفنان الراحل محمد عبد الوهاب اتفقة كل هؤلاء علي جمال الشكل الذى توصلت الية الفرقة وهذة المذيج الخماسي النغم مع هذة الشكل الغربي الطابع دون ان يطقي الطابع الغربي علي خماسية نغمة كان تحفزهم علي كلمات الاغاني وكان يري البض في تمصيرها ودة طبعا مرفوض بالثلث كانت لمسات مودي الامام علي الكيبورد كانت كما السحر داخل البناء النغمي لكل غنية في البوم وهنا تبين لي لمازا طلب المنتج مننا تسجيل كل التراكات قبل ما مودى يسجل اي تراك ودة كان خوف المنتج ان تفقد الاغاني هويتها تحت اصابع هذة المارد الفني هههههههههههه
Post: #70 Title: Re: ليت الشباب ..عضو البورد نادر السوداني 1983م مع فرقة السودانيين (في Author: ABDALLAH ABDALLAH Date: 02-15-2013, 02:59 AM Parent: #69
مـتعـه
حاليا بنقـرأ بـس بدون تعليق .
Post: #71 Title: Re: ليت الشباب ..عضو البورد نادر السوداني 1983م مع فرقة السودانيين (في Author: نادر السوداني Date: 02-15-2013, 06:20 PM Parent: #70
شكرا مولانة عبداللة لمرورك الجميل ونحن نوثق لفرقة السودانيين لاجيال قادمة يمكن تستفيد من هذة التجرب
Post: #72 Title: Re: ليت الشباب ..عضو البورد نادر السوداني 1983م مع فرقة السودانيين (في Author: نادر السوداني Date: 02-15-2013, 08:05 PM Parent: #71
بالنظر لخارطة الفن السوداني من اغاني شعبية واغاني لفنانين كبار انتجتهم ازاعة امدرمان لم تكن هنالك مشكلة في اصواتهم ولا من يتغنون بة من اشعار ونصوص كانت تري الفرقة هنالك مشكلتين الفورم................ والتوظيف الالي كنا نري ونشهد لنجاح الاغنية الشعبية من حيث الفورم واسلوب شكلها الدائري الذي يشبة لحد كبير غناء الخواجات هههههه من حيث الشكل الذى يتكون من مذهب وكوبلية وهذة الشكل يوجد عند المصريين ويسمونة الطقطوقة فلشكلها التقليدي الذى لم تصاحبة اي الة سوي الطبلة والبنقزوالرغ وصفقة الكورس والمغني نراة في منتهي العبقرية في حيث تنوع ايقاعاته كنا نري في هذة الشكل سهولة تطويرة فنيا وقد لا يحتاج ..... فهوة جميل بهذة الشكل ولا يحتاج لمصاحبة الية ولا لهو خفي هههههههههههه. من انجح الاغاني التي تغني بها كبار فنانينا ولاقت نجاحا كبيرا كانت باسلوب اغاني الحقيبة من حيث الاسلوب والفورم عندما وزع اندرية رايدر اغنية الود للفنان الراحل محمد وردي رحمة اللة يمكننا ان نلاحظ ما اعنية في ما زكرتة اعلاة عن فكرة التوظيف الالي الذى اقصدة ويتضح ذلك جليا في اغاني الفنان الكبير شرحبيل احمد في كل اعمالة فاستطاع هذة الفنان العظيم امد اللة في ايامة ان يقدم لنا شكل عظيم للاغنية السودانية وهوة من احد رواد هذة الشكل في الوطن العربي لة مني كل احترام وتقدير.....................
Post: #73 Title: Re: ليت الشباب ..عضو البورد نادر السوداني 1983م مع فرقة السودانيين (في Author: نادر السوداني Date: 02-16-2013, 09:22 AM Parent: #72
لاتزال رنة رغ الفنان محمد احمد عوض في اضاني ملكت الطرحة و غيرت بالتوب ياسلام...... ولابادي ولا منو ....عظماء فنانين بجد فهم ملوك الغنية السودانيية بدون منازع وعشان الواحد ما يظلم الناس اكيد تجربة الفنان الكبير عركي والفنان محمد الامين والفنان الكبير محمد وردي رحمة اللة دي مدارس موسيقية لازم تدرس بكليات الموسيقي تعلمت الفرقة من هؤلاء العباقرة حاجات كتيرة وكانت لنا زي الدكشنري هههههههه قاموس ومراجع نهتدي بهديها كنا نري ونتخيل مثلا اوركسترا القاهرة السنفوني كان مصاحبا لاحد هؤلاء الغباقرة حيكون في كلام كبير وحدوتة ماتخلص ولا بد ان اتوقف لشرح معني مصاحبة..... بنسمع الفنان فلان مثلا بمصاحبة الفرقة الفلانيية وبي بصاطة شديدة ....مثلا عندما يتكلم واحد منا تجدنا منصتن لما يقولة واثناء حديثة تجدنا نوافق مايقول بهز رؤسنا او بكلمة اعتراضية نختلف معة هي دي المصاحبة المفروض ان يخلقها العازف المصاحب للمطرب علي خشبة المسرح فمصاحبة الفنان بتفاصيلها الدقيقة بتخلق حالة من الابداع بترفع من قيمة العمل وادء الفنان ............. لقد شرفت اثناء تواجدي في القاهرة بمصاحبة كبار الفانين العرب كعازف للباص في العديد من المهرجانات محلية ودولية كنا نسمع انفسنا كما كلنا بنعزف الة واحدة رغم ضخامة الفرقة ومن خلال تجربتي مصاحبة بعض الفنانيين السودانيين حسيت انا في حالة حرب ههههههههههه واطررت للنزول من خشبة المسرح لان بي بصاطة ما كنت سامع صوت التي دة جن هههههههههه عديل كدة ...........
Post: #74 Title: Re: ليت الشباب ..عضو البورد نادر السوداني 1983م مع فرقة السودانيين (في Author: نادر السوداني Date: 02-17-2013, 09:23 AM Parent: #73
بالرغم من كل النجاحات التي حققتها فرقة السودانيين وقفنا في منتصف الطريق اصبحت صوت الفردية يعلوا فوق لقة الجمع حتي وصلنا لمفترق الطرق............ بعد ماخلصنا البوم السودانيين بدات حرب من نوع تاني هزت اركان الفرقة لقد طمع الجميع في الفكرة وعاوزين يستحوزوا عليها ولتاكيد كلامي هذة هنالك في الاسواق شربط للفنان الكبير علي الحجار بعنوان في قلب الليل لو تمعنت في السمع سوف تجد روح فرقة السودانيين مصيطرة علي غالبية اغاني اهذة لالبوم من حيث النغم وكنت في ذلك الوقت في حالة حرب مع ادارة امبير لنزول الشريط الاسواق وكانت عزرهم اصبر يا سوداني نحن يادوب منزلين شريط علي في السوق هم شهرين وانشاء اللة ننزلة وعييييييييك بعد شهرين نفاجا بشريط للفنان محمد منير اغاني سودانيية بنفس اسلوب الفرقة والجنني الفاتح وسيف لم يرو ما اراة وما ذاد الطين بلة افاجا بالفاتح بداء يسجل البوم خاص بة باتفاق مع شركة امبير وكمان سيف معاة في هذة الشريط كنت في غاية الاندهاش لما يدور من حولي وبدات العلاقات الشخصية تسيطر علي اي شئ حتي لو كان مخالف علي نصوص العقد سافر الفاتح وسيف للاسكندرية مكونين فرقة مع عثمان زيتوا رحمة اللة وعمر بولينوا وبدا مشواي بصورة فردية داخل مجتمع الفنانيين المصريين في القاهرة تعلمت منهم الكثير وتقريبا لفيت العالم مع كبار الفننانيين وبالرقم من كل هذة لم احس بانني قد حققت حلم حياتي وهوة تطوير الاغنيية السودانيية وتقديمها للعالم كما تمنيت ان اراها لم ينزل البوم فرقة السودانيين حتي مقادرتي للاراضي المصرية في سنة 1998 ...................
Post: #75 Title: Re: ليت الشباب ..عضو البورد نادر السوداني 1983م مع فرقة السودانيين (في Author: نادر السوداني Date: 02-17-2013, 09:34 PM Parent: #74
من سنة1986 الي 1998 في هذة الفترة سجلت البوم باسم مسدار انتجتة شركة حصاد ساعدني في صياغة اغانية وسمكرتها ههههههههههه رفيق دربي عبد المنعم الجزولي كما شاركني التنفيز بعض الموسيقيين المصريين واغاني الالبوم مسدار امدر ليالي الفرحة طلع قمرنا حليل زمنا قصة مرت يلا نعمر بلدنا كل الكلام عندة زيارتي للسودان فتشت علي الشريط دة بالفتاشة هههههههههه ما لقيتوا في اي مكان ومن هنا اناشد اي زول يلقي لي نسخة من هذة الشريط ارجوا ان يتصل بي من خلال هذة البوست
Post: #76 Title: Re: ليت الشباب ..عضو البورد نادر السوداني 1983م مع فرقة السودانيين (في Author: نادر السوداني Date: 02-19-2013, 07:12 PM Parent: #75
**************
Post: #77 Title: Re: ليت الشباب ..عضو البورد نادر السوداني 1983م مع فرقة السودانيين (في Author: نادر السوداني Date: 02-21-2013, 08:56 PM Parent: #76
معقولة .........من كل الناس البتاوقوا ديل ههههههههه مافي ولا واحد لقي لي شريط مسدار!!!!!!!!!!!! لاحولة ههههههههه
Post: #78 Title: Re: ليت الشباب ..عضو البورد نادر السوداني 1983م مع فرقة السودانيين (في Author: Kostawi Date: 02-21-2013, 09:11 PM Parent: #77
