Post: #1
Title: أيها البرالمة - لا تتخذو من السناير قدوه لكم
Author: أيمن محمود
Date: 01-28-2013, 10:01 PM
كونو قدوة أنفسكم
ترفعوا عن المهاترات والصغائر والجدالات العقيمة
المنبر يحتاجكم ليعود سيرته الاولى
والسودان يحتاجكم أكثر
برلوم مركب مكنة واعظ 8 سلندر (بنزين)  
|
Post: #2
Title: Re: أيها البرالمة - لا تتخذو من السناير قدوه لكم
Author: أيمن محمود
Date: 01-28-2013, 10:03 PM
Parent: #1
أنا ما عارف بكري جاب الاشكال دي من وين ؟! 
|
Post: #3
Title: Re: أيها البرالمة - لا تتخذو من السناير قدوه لكم
Author: أمين محمد سليمان
Date: 01-28-2013, 10:11 PM
Parent: #1
سلام يا أبو يمن ...| Quote: كونو قدوة أنفسكم ترفعوا عن المهاترات والصغائر والجدالات العقيمة المنبر يحتاجكم ليعود سيرته الاولى والسودان يحتاجكم أكثر |
بكري ظلمكم و ظلم المنبر لمن فتح العضوية لمليون نفر في يومين ... قصة الناس تتعود عليكم و تعرف الغث من السمين بتاخد وقت ... حتي التداخل معاكم بياخد وقت لانو معظم الناس هنا بتتداخل مع ناس معينة ! حسنة الموضوع ده ياهو كلامك الفوق ده لو اطبق ... المنبر ده درجة الانحطاط الفيهو وصلت 18 درجة تحت الصفر ... لعلكم تكونو عصا موسي التي تعيد المنبر لسيرته الاولي !!
|
Post: #4
Title: Re: أيها البرالمة - لا تتخذو من السناير قدوه لكم
Author: Mohammed Sedeq
Date: 01-28-2013, 10:50 PM
Parent: #3
تحياتي يا ايمن
اعتقد ان في التعميم ظلم للكثير من قدماء الكتاب هنا
فمنهم من تعلمنا ونتعلم منه الكثير
وهم قدوة حسنة لنا بإسلوبهم وعلمهم ومعرفتهم وطريقة تحاورهم واحترامهم للكتاب هنا وللاعضاء ولكل الناس
اما المهاترات
فلا اقول الا اما الزبد فيذهب جفاءً ويبقى ما ينفع الناس
|
Post: #5
Title: Re: أيها البرالمة - لا تتخذو من السناير قدوه لكم
Author: محمد جبره
Date: 01-29-2013, 01:00 AM
Parent: #4
يا دفعة
ياخ انت اكتر برلوم لقى ترحيب هنا
و انت أول برلوم اتعلق ليهو بوست في خشم الباب في زمن قياسي
والسناير اتفاعلو مع بوستاتك حتى حسبناك منهم
مالك جايب لروحك الهواء ؟
وذي ما قال ليك اخونا محمد صديق في التعمييم ظلم للكثير من السناير
ياخي في سناير هنا لمن رحبو بينا ردينا ليهم مدنقرين تقول لي لا تتخذو
ولو في سنير مارس عليك اي نوع من الحقارة مشيها ليهو واعمل فيها عندك وجع ضرس واعلم ان الحقارة حق مكفول للسناير الي حين , وصدقني الحاجة دي ما بمارسها الا من مورست علية من قبل ( سلوك الضحية)
خليك تفتيحة يا حبة .. الدقسة هنا بتكلف كتير
|
Post: #6
Title: Re: أيها البرالمة - لا تتخذو من السناير قدوه لكم
Author: صلاح عباس فقير
Date: 01-29-2013, 04:37 AM
Parent: #5
Quote: كونو قدوة أنفسكم
ترفعوا عن المهاترات والصغائر والجدالات العقيمة
المنبر يحتاجكم ليعود سيرته الاولى
والسودان يحتاجكم أكثر |
قد وعظت يا أيمن،
ومن حقك أن تفعل ما دام أن درجة الانحطاط وصلت الدرجة
اللي حددها البروف أمين العائد بعد غيبة!
يا محمد جبرة لا تثريب على أيمن،
فعلا نتمنى أن الوجوه الجديدة تعمل على ترسيخ قيم جديدة،
نحتاجها بشدة في هذا المنبر!
ما فيش هوا ولا حاجة!
|
Post: #7
Title: Re: أيها البرالمة - لا تتخذو من السناير قدوه لكم
Author: Jamal Mustafa
Date: 01-29-2013, 06:34 AM
Parent: #6
تحياتى أخ ايمن
غايتو إلا ( الريس ) إقسم حق الرد والمشاركة ذى تصنيف درجات المحامين المصرين
حسب الأقدمية عضو إبتدائى وعضو إستئناف وعضو محكمة نقض
ومع تقديرنا لكل الأعضاء والمؤسسين إلا أن القدوة على مستوى الوطن والتاريخ من حيث العطاء
والمحافظة على مقدراته محل نظر وتكفى النتائج والمآلات!!!
لا احد ينكر دور هذا المنبر ورواده الأوائل فى الإستنارة والفائدة من جهد الصاح والغلط
ومحاولات البعض التلويح بالأقدمية وممارسة الوصايا لن تمنعنا من أن قول راينا وفق مانفهم
طالما هو حق مكفول للأعضاء دون تميز لقديم وجديد
وفى كل يبقى التقدير والإحترام قائمابين الناس
|
Post: #8
Title: Re: أيها البرالمة - لا تتخذو من السناير قدوه لكم
Author: امجد الجميعابى
Date: 01-29-2013, 07:23 AM
Parent: #7
| Quote: ترفعوا عن المهاترات والصغائر والجدالات العقيمة |
نعم اخى ايمن فالكلمة امانة
و الكلمة الطيبة كالشجرة الطيبة اصلها ثابت و فرعها فى السماء
Quote: يقول النبي صلى الله عليه و سلم: "إن الرجل ليتكلم بالكلمة من سخط الله لا يلقي لها بالاً تهوي به في جهنم سبعين خريفاً"
و يقول في حديث آخر "و هل يكب الناس في النار على وجوههم إلا حصائد ألسنتهم" |
|
Post: #9
Title: Re: أيها البرالمة - لا تتخذو من السناير قدوه لكم
Author: رانيه محمد الشيخ
Date: 01-29-2013, 07:27 AM
Parent: #8
هو مين القتل مين قولتوا لى
؟!؟!؟!
مالك يا واد يا ايمن من الصباح صوتك مارق
ومتين علقوك فى حائط الشرف وثبتوا ليك موضوع
قادر الله لينا حسى سنتين وكم شهر وما علقوا لينا ضبانه حتى
:((((((
|
Post: #10
Title: Re: أيها البرالمة - لا تتخذو من السناير قدوه لكم
Author: امير طمبل
Date: 01-29-2013, 07:28 AM
Parent: #8
صراحة في سناير هنا يستاهلو رفع القبعات
درجة عالية جدا من الإحترام و الرقي بصورة تخجلك
و في عدد قليل جدا من السناير هنا بالذات دفعه 2002 ديل لا يستحقو
اي نوع من الإحترام
|
Post: #11
Title: Re: أيها البرالمة - لا تتخذو من السناير قدوه لكم
Author: محمد حامد
Date: 01-29-2013, 07:53 AM
Parent: #6
Quote: كونو قدوة أنفسكم
ترفعوا عن المهاترات والصغائر والجدالات العقيمة
المنبر يحتاجكم ليعود سيرته الاولى
والسودان يحتاجكم أكثر |
شكرا يا أيمن محمود
أبصم على دعوتك
أنا إعترف بأنو نقطة ضعفي في الهتر المن وراء حجاب
في الفيسبوك قاطعت كل الصفحات المفتوحة والتعليقات ولو بالصلاة على النبي
زول في واشنطون والتاني في مدغشقر يتناقرو ليك
بكل الألفاظ الكعبة
ماعارف بيثبتو لي روحهم شنو مثلا
عن نفسي عاهدتها على الابتعاد عن الهتر
وإنتظر موسم (الهد)
إتمنى السلامة
|
Post: #12
Title: Re: أيها البرالمة - لا تتخذو من السناير قدوه لكم
Author: showgi idriss
Date: 01-29-2013, 09:07 AM
Parent: #11
| Quote: أنا ما عارف بكري جاب الاشكال دي من وين ؟! |
سي ايمن كلامك صاح
قصدي الفوق دا "وش مبتسم"
الدفعه دي فيها ناس بالجد حيغيرو كتير في شكل الكتابة في المنبر"وش متوقع"
ابوالشوش
|
Post: #14
Title: Re: أيها البرالمة - لا تتخذو من السناير قدوه لكم
Author: Badrudeen Mousa
Date: 01-29-2013, 09:29 AM
Parent: #12
أخى أيمن سناير و برالمة ليست بالمقياس و إنما العبرة بالمحتوى فقط عليك أن تكتب و تتداخل ثم تكتب و ستجد التقدير رغم أنف من ابى
|
Post: #13
Title: Re: أيها البرالمة - لا تتخذو من السناير قدوه لكم
Author: أيمن محمود
Date: 01-29-2013, 09:24 AM
Parent: #6
أمين محمد سليمان
| Quote: المنبر ده درجة الانحطاط الفيهو وصلت 18 درجة تحت الصفر |
القول ما قلت ياسيدي ولهذا ندعو الدماء الجديدة أن لا تنجر إلى مستنقع الخصامات والمساككات وظعيط ومعيط الكلام!
علهم يكونو عصى موسى !
Mohammed Sedeq
Quote: تحياتي يا ايمن
اعتقد ان في التعميم ظلم للكثير من قدماء الكتاب هنا
فمنهم من تعلمنا ونتعلم منه الكثير
وهم قدوة حسنة لنا بإسلوبهم وعلمهم ومعرفتهم وطريقة تحاورهم واحترامهم للكتاب هنا وللاعضاء ولكل الناس
اما المهاترات
فلا اقول الا اما الزبد فيذهب جفاءً ويبقى ما ينفع الناس
|
والحديث كله عن هذا الزبد الذي نريده ان يذهب جفاءاً ليبقي ما ينفع الناس ، اما المقامات الرفيعة فهى من جذبتنا الى هذا ياصديقي ، وما دعوانا هذه الا لكي نفسح لهم ليبثونا علمهم وأدبهم ، ويعود من زهد منهم في الكتابة وسط هذا ال hurly-burly.
محمد جبره
| Quote: ياخي في سناير هنا لمن رحبو بينا ردينا ليهم مدنقرين تقول لي لا تتخذو |
ارفع راسك هيبة وجبرة يا أبو حميد ، تعلم من من هم أعلم منك ولكن... كن أنت !
صلاح عباس فقير
Quote: نتمنى أن الوجوه الجديدة تعمل على ترسيخ قيم جديدة،
نحتاجها بشدة في هذا المنبر!
|
كفيتني يا رجل عناء الشرح – قيم جديدة قديمة
أرجو ان لايفهم من دعواي هذه أنها تحريض على بني سنير، بل على العكس هي دعوة للتفاعل الايجابي معهم لتصحيح مسار البورد باتجاه أكثر موضوعية ورزانة
والكل حر في كتابة ما يراه مناسبا له ، ومن حريتنا فى كتابة ما نريد: كتبنا هذا الرأي!
|
Post: #15
Title: Re: أيها البرالمة - لا تتخذو من السناير قدوه لكم
Author: النعمان خوجلى
Date: 01-29-2013, 09:30 AM
Parent: #1
: كونو قدوة أنفسكم
ترفعوا عن المهاترات والصغائر والجدالات العقيمة
المنبر يحتاجكم ليعود سيرته الاولى
والسودان يحتاجكم أكثر
اديك العافية اخى ايمن دعوة صالحة تؤجر عليها
نعم المنبر فيه العلماء والمفكرين الذين يستفاد منهم..... وفيه ايضا المهاترين الذين يعلو صوتهم دائمالان الشيطان يتضامن معهم
نسأل الله ان نكون عونا لهولاء العلماء والمفكرين ونجلس بالقرب منهم ونستمع لهم حتى يعلو صوت الحق من اجل مصلحة السودان
|
Post: #16
Title: Re: أيها البرالمة - لا تتخذو من السناير قدوه لكم
Author: أيمن محمود
Date: 01-29-2013, 10:41 AM
Parent: #15
Jamal Mustafa
| Quote: ومحاولات البعض التلويح بالأقدمية وممارسة الوصايا لن تمنعنا من أن قول راينا وفق مانفهم طالما هو حق مكفول للأعضاء دون تميز لقديم وجديد |
يازول رش ساي - نصهم كيسو فاضي ووجودة عالة على المنبر – والنص التاني كان قبل عليك ..... انجع
امجد الجميعابى
| Quote: الكلمة الطيبة كالشجرة الطيبة اصلها ثابت و فرعها فى السماء |
الكلمة الطيبة كالشجرة الطيبة اصلها ثابت و فرعها فى السماء
نعم يا امجد الكلام القبيح دليل عجز وضعف وبدل على انو صاحبو زول قبيح ، والسمح كلامو سمح
رانيه محمد الشيخ
Quote: هو مين القتل مين قولتوا لى
؟!؟!؟!
مالك يا واد يا ايمن من الصباح صوتك مارق
ومتين علقوك فى حائط الشرف وثبتوا ليك موضوع
قادر الله لينا حسى سنتين وكم شهر وما علقوا لينا ضبانه حتى
:((((((
|
ايوه يا رانيا طلعي الجواكي وعبري عن حقدك الطبقي الدفين كلو
وبعدين عايزة يعلقوا ليكي بوست حلتو محروقة كيف ؟!!!
امير طمبل
Quote: صراحة في سناير هنا يستاهلو رفع القبعات
درجة عالية جدا من الإحترام و الرقي بصورة تخجلك
|
وده الجابنا ذاتو يا امير
محمد حامد
| Quote: عن نفسي عاهدتها على الابتعاد عن الهتر |
وخير العهد ما عاهدت في هذا المنبر يا دفعة
showgi idriss
Quote: قصدي الفوق دا "وش مبتسم"
الدفعه دي فيها ناس بالجد حيغيرو كتير في شكل الكتابة في المنبر"وش متوقع"
|
بالغت يا ابو الشوش 8 سنة في المنبر ولسا ما عرفت تعمل وش اخدر مبتسم والا متدردق – خليت شنو للبرالمة ؟ 
بس شكلك راجي الموجة الصاح عشان تركمج
Badrudeen Mousa
| Quote: أخى أيمن سناير و برالمة ليست بالمقياس و إنما العبرة بالمحتوى فقط عليك أن تكتب و تتداخل ثم تكتب و ستجد التقدير رغم أنف من ابى |
نصيحتك مقبولة عندي CC لبقية البرالمة
النعمان خوجلي
| Quote: نعم المنبر فيه العلماء والمفكرين الذين يستفاد منهم..... وفيه ايضا المهاترين |
اللهم اجعلنا من العلماء والمفكرين – يا برالمة قولو آمين
|
Post: #17
Title: Re: أيها البرالمة - لا تتخذو من السناير قدوه لكم
Author: رانيه محمد الشيخ
Date: 01-29-2013, 10:52 AM
Parent: #16
ثمح يا ايمن يا شرير
حلتى محروقه لكن اتاكلت برضو فى النهايه
:(((((
|
Post: #18
Title: Re: أيها البرالمة - لا تتخذو من السناير قدوه لكم
Author: أيمن محمود
Date: 01-29-2013, 01:05 PM
Parent: #17
الله يكون في عون الاكلها يا رانية 
لاضافة ايكونة ابتسامة اتبع/ي الاتي ايهتا البرلومة:
1- ضع مؤشر الماوس على الايكونة
2- اضغط على زر الماوس الايمن
3- اختر- نسخ -عنوان URL للصورة.
4- اذهب لمربع | اضف صورة| واختره
5- اضغط على زري CTRL ومعاهو V عشان يجيك URL بتاع الصورة العملت ليهو نسخ قبيل... ثم موافق
|
Post: #19
Title: Re: أيها البرالمة - لا تتخذو من السناير قدوه لكم
Author: قسم الفضيل مضوي محمد
Date: 01-29-2013, 02:15 PM
Parent: #18
الاخ البرلوم المهندس (اركان حرب) أيمن محمود :)
ما دام الموضوع جاب ليه اسئلة خارج سايق البوست عندي سؤال لو سمحت وتكرمت
مرات بفتح بوست بلاقي المداخلات كما في الشكل ادناه - هل المشكلة من المنبر ولا من الجهاز القاعد اتصفح منه -
واعتذر عن حرف البوست بسؤال جانبي
رابط البوست المعني هو Re: الصمغ العـــربي .. فوائد وأســرار andquot; عــلاج المستقبل andquot;
والصورة هي:
الصورة رفضت تتحمل لأنه في اعتقادي أن طريقة التحميل في سودانيزاونلاين طريقة معقدة
|
Post: #20
Title: Re: أيها البرالمة - لا تتخذو من السناير قدوه لكم
Author: أيمن محمود
Date: 01-29-2013, 02:40 PM
Parent: #19
| Quote: مرات بفتح بوست بلاقي المداخلات كما في الشكل ادناه - هل المشكلة من المنبر ولا من الجهاز القاعد اتصفح منه |
لوقصدك دي
حلها كدة
| Quote: الصورة رفضت تتحمل لأنه في اعتقادي أن طريقة التحميل في سودانيزاونلاين طريقة معقدة |
يجب ان يكون حجم الصورة او الاغنية حوالى 40 كيلو بايت
|
Post: #22
Title: Re: أيها البرالمة - لا تتخذو من السناير قدوه لكم
Author: عاطف رميتي
Date: 01-29-2013, 04:35 PM
Parent: #20
Quote: في عدد قليل جدا من السناير هنا بالذات دفعه 2002 ديل لا يستحقو
اي نوع من الإحترام |
الاخ ايمن سلامات ... خت الكورة في الواطة ..
|
Post: #21
Title: Re: أيها البرالمة - لا تتخذو من السناير قدوه لكم
Author: Wael Jabir
Date: 01-29-2013, 04:27 PM
Parent: #1
Quote: كونو قدوة أنفسكم
ترفعوا عن المهاترات والصغائر والجدالات العقيمة
المنبر يحتاجكم ليعود سيرته الاولى
والسودان يحتاجكم أكثر
برلوم مركب مكنة واعظ 8 سلندر (بنزين) |
مثال
أضبط ! Ayman Khalifa عنصري جديد بالبورد.
والتاني بتاع العمود داك الله حلاّنا منو....
|
Post: #23
Title: Re: أيها البرالمة - لا تتخذو من السناير قدوه لكم
Author: Balla Musa
Date: 01-29-2013, 05:04 PM
Parent: #21
بالمناسبة موضوع السناير والبرالمة دا تقليد جامعى راقى..
وهو عبارة عن دعابة بين القدامى والجدد ولايقصد منها التقليل من أحد..
وتصبح البرلمة بعد فترة عبارة عن ذكريات جميلة.
نحبكم جميعا واستحملوا العصر بس!!
** بالمناسبة المنبر دا كان بيكتب فيه عضو من كبار المهندسين فى وكالة ناسا, فى ناس هنا محددين بالاسم كرهوه بالاساءات الى أن ترك المنبر. كان بكتب بيوزرنيم (زول بن زول) وبيطلقوا عليه (كوز بن كوز) للتنميط مع أنه لاصلة له بالكيزان.
*** حاليا فى ناس متوقعين أنكم دفعة من جهاز الأمن ومنتظرنكم تكشفوا عن نفسكم..
ماعليكم انتو اكشفوا نفسكم والرتب من عندنا جاهزة.
|
Post: #24
Title: Re: أيها البرالمة - لا تتخذو من السناير قدوه لكم
Author: أيمن محمود
Date: 01-29-2013, 06:02 PM
Parent: #23
| Quote: المناسبة المنبر دا كان بيكتب فيه عضو من كبار المهندسين فى وكالة ناسا, فى ناس هنا محددين بالاسم كرهوه بالاساءات الى أن ترك المنبر |
الناس ديل منو يا دكتور بله؟ عشان نعمل ليهم طابور بطانية - لو بتعرفو!
| Quote: حاليا فى ناس متوقعين أنكم دفعة من جهاز الأمن ومنتظرنكم تكشفوا عن نفسكم.. |
يلقوها عند الغافل
مقدم أمن - أيمن محمود
|
Post: #27
Title: Re: أيها البرالمة - لا تتخذو من السناير قدوه لكم
Author: محمد البشرى الخضر
Date: 01-29-2013, 06:17 PM
Parent: #24
| Quote: مقدم أمن - أيمن محمود |
خايلة كيف ههههههههههه
انت اسي بتهظّر يا أيمن لكن ببقى ليك بمبي بعدين
اول رأي مخالف في بوست قطيعي* ح تتنكت ليك قصة مقدم أمن دي وما تقول مهندس كمان و قيادة الأمن دايما مهندسين
__________________________
* بوست قطيعي: نوع البوستات المفروض تكون فيها المداخلات من التانية وانت نازل عبارة عن هز رأس و تأمين على المداخلة الأولى و لا مانع من إضافة شوية بهارات ناس "معا" و " نتضامن" و ما شابه :)
|
Post: #28
Title: Re: أيها البرالمة - لا تتخذو من السناير قدوه لكم
Author: أيمن محمود
Date: 01-29-2013, 06:40 PM
Parent: #27
| Quote: انت اسي بتهظّر يا أيمن لكن ببقى ليك بمبي بعدين |
عيب لى البمبى يا ابو حميد ،،، هسا تلقى في ناس كبشرت المداخلة دي
شخصيا ما بهتم كتير باعتقدات الناس فيني طالما انو ما في ما يدعو الى تلك الاعتقادات ، البل سبيلنا الى كل من يدقس معارض كان او موالى للحكومة ، العاجبو عاجبو ...
والما عاجبو يحلق حواجبو
| Quote: اول رأي مخالف في بوست قطيعي* ح تتنكت ليك قصة مقدم أمن دي وما تقول مهندس كمان و قيادة الأمن دايما مهندسين |
وما تستبعد يجي واحد ناطي يقول الزول ده عذبني قبل كده - مع احترامي للذين تم تعذيبهم فعلا بواسطة جهاز الامن السوداني
|
Post: #25
Title: Re: أيها البرالمة - لا تتخذو من السناير قدوه لكم
Author: معاذ الدخري
Date: 01-29-2013, 06:05 PM
Parent: #23
أيمن .... تحياتي .. في بوست قريب من بوستك دا قلنا البرالمة دفعة 2013 صغار في السن لكن كبار في عقولهم ... و هم الذين يقودون التغيير الآن في المنبر و أنت مثال و دي سنة الحياة .. لازم يكو ن في جيل تغيير ... ما شايف سناير الإنقاذ بسمو أنفسهم الصف الأول و بالتالي هم سناير عجزو في الحكم و الحال ياه نفس الحال ...هذا المثل لا ينطبق علي سناير المنبر فقط قصدت أن أوضح أن التغيير و التطوير و التحديث يقوده الشباب بمساعدة السناير الذين يؤمنون بهذه النظرية ... هنا سناير كما ذكر أحد المتدخلين يستاهلوا أن نرفع لهم القبعات ... ِِششش
|
Post: #26
Title: Re: أيها البرالمة - لا تتخذو من السناير قدوه لكم
Author: أيمن محمود
Date: 01-29-2013, 06:15 PM
Parent: #25
| Quote: في بوست قريب من بوستك دا قلنا البرالمة دفعة 2013 صغار في السن لكن كبار في عقولهم |
اشكرك على حسن الظن يا معاذ ويدك معانا نرقي بالمنبر درجة درجتين
|
Post: #29
Title: Re: أيها البرالمة - لا تتخذو من السناير قدوه لكم
Author: سلمى الشيخ سلامة
Date: 01-29-2013, 06:41 PM
Parent: #26
ايمن ازيك
يا الحبيب انت زول كتااااااب
وازعم انى قلت ليك الكلام دا
خلينا نستمتع بكتابتك السمحة
انشر لينا عشان نغسل احزانا
شكرا ليك
رغم انى سينير لو صحت التسمية
لكنى ما زلت بتعلم صدقنى جد
القراية هنا "امريكا " بتعلمك كل يوم انك زول ساكت
ساكت جدا
لو لغة الجرايد لو لغة الكتب
كل يوم لها طعم خاص ولون خاص
قبل كم يوم كنت مع صديقتى الامريكية التى تشتغل على تحرير كتاب لى سيصدر الانجليزية
حسيت انى سجم ورماد لمن بدينا نشتغل فى الاعداد بتاع الكتاب وهسى قاعدة اقرا زى المجنونة
لانه فى حاجات كتيرة فايتة على
زمان فى المسرح درسونا انه "مافى "دور كبير ودور صغير " لكن فى ممثل كبير وممثل صغير
ولو شفت الممثل العبقرى مارولن براندوفى دور صغير جدا اخد بيهو الاوسكار
رغم انه مثل اعظم فيلم فى راى الضعيف " العراب"
لكن النقاد اجمعوا انه دوره الصغير دا يوازى الكثير ونفس الامر مع جاك نيكلسون اخد اوسكار عن فيلم مثل فيهو تلاته دقايق لاتزيد اعتقد انه الوطواط
الامر ليس كما تحسب لكن كما يرى النقاد وازعم انك كاتب مولود بسنونه
تحياتى وسلام مربع للناس الجديدة "كلاتهى "تقراها بالصعيدى "وصعيدى ليلتنا صعيدى "
|
Post: #30
Title: Re: أيها البرالمة - لا تتخذو من السناير قدوه لكم
Author: أيمن محمود
Date: 01-29-2013, 07:31 PM
Parent: #29
سلمى الشيخ سلامة
Quote: ايمن ازيك
يا الحبيب انت زول كتااااااب
وازعم انى قلت ليك الكلام دا
خلينا نستمتع بكتابتك السمحة
انشر لينا عشان نغسل احزانا
شكرا ليك |
غايتو من حسنات سودانيزاونلاين علي - انو خلتني اكتب حاجة اعجبت سلمى الشيخ سلامة ذاتا - ويا له من شرف
هنوني يا حبان .... هنوني
غايتو الواحد بعد ده جديا حا يفكر يربى ليهو طائر في صدره عديل كده ويتقل السحابة بتاعتو
|
Post: #31
Title: Re: أيها البرالمة - لا تتخذو من السناير قدوه لكم
Author: صلاح أبودية
Date: 01-29-2013, 07:46 PM
Parent: #30
Quote:
غايتو الواحد بعد ده جديا حا يفكر يربى ليهو طائر في صدره عديل كده ويتقل السحابة بتاعتو |
أها ...
أنا سيرة البحر دي بتوترني !!
أيمن
مرحب بيك وإن شاء تبقى قدوة لينا وللبعدكم
وفقكم الله
وتحياتي لكل الجدد
|
Post: #32
Title: Re: أيها البرالمة - لا تتخذو من السناير قدوه لكم
Author: طارق عمر مكاوي
Date: 01-29-2013, 08:07 PM
Parent: #31
أيمن يا صديقي , واحدة من مشاكل البورد إنه شايل معاهو عيوب ممارستنا السياسية , إتهامات و سباب و شتم و تخوين و عدم موضوعية أحياناً.
مع ده حقيقة في قامات هنا تشعر كثير بالإمتنان ليهم .. أضافوا لينا قيمة معرفية كبيرة .
خاتمة:
حظكـ يا أيمن , إحتفاء شديد بيك :-)
|
Post: #33
Title: Re: أيها البرالمة - لا تتخذو من السناير قدوه لكم
Author: أيمن محمود
Date: 01-29-2013, 09:22 PM
Parent: #32
صلاح أبودية
Quote: أها ...
أنا سيرة البحر دي بتوترني !!
|
وليل كموج البحر ارخى سدوله... ........... علي بانواع الهموم لبتلي
فقلت له لما تمطى بصلبه....................وأردف أعجازاً وناء بكلكل
ألا أيها الليل الطويل ألا انجل................بصبح وما الإصباح منك بأمثل
يا له من ليل ويا له من بحر ! دعونا نوقد شمعة تنير الطريق لغد افضل !
Quote: مرحب بيك وإن شاء تبقى قدوة لينا وللبعدكم
وفقكم الله
وتحياتي لكل الجدد
|
شكرا يا عزيزي صلاح على الدعوات ونتمنى التوفيق للجميع
طارق عمر مكاوي
| Quote: واحدة من مشاكل البورد إنه شايل معاهو عيوب ممارستنا السياسية , إتهامات و سباب و شتم و تخوين و عدم موضوعية أحياناً |
احيانا يصيبني شيطان القنوط بالاعتقاد ان من نراه في مشاهدنا السودانية ما هو الا انعكاس لنا في الحقيقة !
| Quote: مع ده حقيقة في قامات هنا تشعر كثير بالإمتنان ليهم .. أضافوا لينا قيمة معرفية كبيرة |
لاشك في ذلك يا صديقي قامات نرفع لها القبعات
Quote: خاتمة:
حظكـ يا أيمن , إحتفاء شديد بيك :-)
|
ان شاء الله نكون عند حسن الظن
|
Post: #34
Title: Re: أيها البرالمة - لا تتخذو من السناير قدوه لكم
Author: أيمن محمود
Date: 01-31-2013, 06:02 AM
Parent: #33
|
Post: #35
Title: Re: أيها البرالمة - لا تتخذو من السناير قدوه لكم
Author: أشرف الرحال
Date: 01-31-2013, 09:31 AM
Parent: #34
باشمهندس ايمن ،،، تحياتي يادفعة
| Quote: أيها البرالمة - لا تتخذو من السناير قدوه لكم |
ما عارف على رغم ان العين لا تعلو على الحاجب فقط من حيث الاقدمية
لكن البرالمة ديل نجاض ومستقلين والخوف انو يكونوا قدوة للسناير
مما يستوجب احد السناير يكتب بوست بعنوان
ايها السناير - لا تتخذوا من البرالمة قدوة لكم
عكســة :- انت احد مكاسب هذا المنبر
مودتي
الرحـــال
|
Post: #38
Title: Re: أيها البرالمة - لا تتخذو من السناير قدوه لكم
Author: PLAYER
Date: 01-31-2013, 05:10 PM
Parent: #30
| Quote: أيها البرالمة - لا تتخذو من السناير قدوه لكم |
حكمة اليوم
البداية من الصفر ليس بالساهل... لكن ليس مستحيل
|
Post: #40
Title: Re: أيها البرالمة - لا تتخذو من السناير قدوه لكم
Author: صبري طه
Date: 01-31-2013, 06:46 PM
Parent: #38
Quote: حكمة اليوم
البداية من الصفر ليس بالساهل... لكن ليس مستحيل |
أخونا بلير .. إنت بتركب عربيتك وهي ماشة .. ولاّ الفهم شنو ياخ ؟
|
Post: #43
Title: Re: أيها البرالمة - لا تتخذو من السناير قدوه لكم
Author: سلمى الشيخ سلامة
Date: 01-31-2013, 07:00 PM
Parent: #30
ايمن
ازيك
خليك من سكة الكلام الما بجيب وازرع لينا الدنيا كتابة بكتابتك السمحة
حقيقى اسرتنى كتابتك وكتابة زول جديد برضو اسمه الجنيد
عليك الله اقراهو
وحات سيدى الحسن قريت وبكيت
احسيت انه الدنيا دى ما وقفت على جورج امادو
جورج امادو دا الفتح عيونا على الناس الزينا
المساكين والصعاليك وابناء السبيل
اقرا معاى الجنيد حمد
متعة بالجد
شكرا لاحتفاءك بزولة تعلمجية
واعنى الكلمة فالكتابة دى وحاتك بحر
بحر ومحيط ونحن ما نزال قطرة فى متنها
ومن قال انه وصل حدها
كضاب جدا كمان
تحياتى
|
Post: #36
Title: Re: أيها البرالمة - لا تتخذو من السناير قدوه لكم
Author: جمال ود القوز
Date: 01-31-2013, 09:49 AM
Parent: #1
Quote: كونو قدوة أنفسكم
ترفعوا عن المهاترات والصغائر والجدالات العقيمة
المنبر يحتاجكم ليعود سيرته الاولى
والسودان يحتاجكم أكثر
برلوم مركب مكنة واعظ 8 سلندر (بنزين) |
هو ذلكـ يا أيمن ياأخوي ..
والزمن كفيل بتطبيب الجراح ...
ومنور والله .
|
Post: #37
Title: Re: أيها البرالمة - لا تتخذو من السناير قدوه لكم
Author: عباس فوراوى
Date: 01-31-2013, 05:02 PM
Parent: #36
الأخ أيمن وكل زملاء الحوش الكبير
سلامات
واضح جداً أن السادة المسؤولين عن ادارة هذا المنبر قد
بلغ بهم السيل الزبى من جراء الانحدار المريع لبعض الأقلام
العريقة بهذا المنبر- من حيث الأسلوب واللغة والشفافية والالتزام
بأدب المنابر الحرة - الذين أفرغوا أو كادوا أن يفرغوا هذا المنبر من مضمونه. لعلهم
قاموا بفتح أبواب هذه الفرص الذهبية على مصاريعها لينفذ من خلالها
الموهوبون والذين لديهم ملكات فطرية فى أدب الحوار المهذب المنتج والحوار المضاد
غير الخادش للحياء الوطنى والانسانى .
أظن أن أهل هذا المنبر قرروا أن يسموا ويرتقوا به جذباً لعناصر بشرية واعية ومثابرة ومطلعة
عبر اتاحة الفرصة لكل من يرغب فى أن يقول ها أنا ذا، الشئ الذى يضاعف
من مسؤولية كل من انبرى وتقدم طالباً عضوية هذا المنبر العريق .
على الأخوة الجدد أو ما يدعون ب (البرالمة) بذل قصارى جهدهم للارتقاء بلغة الحوار وانتقاء مفرداتها المعبرة والمعتبرة ليشكلوا قدوة صالحة
وليحدثوا نقلة ايجابية جاذبة للراغبين فى الانتماء لهذا المنبر من أهل الفكر والأدب والعلم والأجندة الوطنية الحقيقية .
بالتأكيد ليس هنالك من يستطيع الغاء مجهودات آباء المنبر الأولين الذين أسسوه وساهموا فى رسوخ
أقدامه كآلة اعلامية فاعلة جداً ساهمت فى تثقيف الجميع وطرقت على أمِّ مشاكل البلاد وصححت الكثير من الملتبسات وأنارت الطرق
المظلمة وأرست الفكر الثاقب وأرجعت الحقوق لأهلها ولا زالت تطرق على أبواب الحق والتنوير والتواصل الاجتماعى .
أردت القول من كل هذا بأن علينا احترام هؤلاء القدامى حتى ولو حادوا عن الطريق سهواً ويكفى أنهم من أهل (بدر) هذا المنبر .
وليس من الشهامة فى شئ التقليل من شأنهم أو حتى وضعهم فى دور أو ( منابر المسنين ) وهم فى ريعان شبابهم .
كم أنا سعيد بكم وبهم والله .
|
Post: #39
Title: Re: أيها البرالمة - لا تتخذو من السناير قدوه لكم
Author: صبري طه
Date: 01-31-2013, 06:44 PM
Parent: #37
Quote: وليل كموج البحر ارخى سدوله... ........... علي بانواع الهموم لبتلي
فقلت له لما تمطى بصلبه....................وأردف أعجازاً وناء بكلكل
ألا أيها الليل الطويل ألا انجل................بصبح وما الإصباح منك بأمثل |
أخونا أيمن ...
الأبيات دي لأنّك ما كتبت قبلها (قال الشاعر) أو وضعتها في شكل اقتباس .. ممكن يمسكوها ليك لي جنا جنا جناك .. ويقولوا ليك نسبتها لي نفسك وعيك وعوك وعاك ....
|
Post: #41
Title: Re: أيها البرالمة - لا تتخذو من السناير قدوه لكم
Author: أيمن محمود
Date: 01-31-2013, 06:53 PM
Parent: #39
صبري طه
Quote: أخونا أيمن ...
الأبيات دي لأنّك ما كتبت قبلها (قال الشاعر) أو وضعتها في شكل اقتباس .. ممكن يمسكوها ليك لي جنا جنا جناك .. ويقولوا ليك نسبتها لي نفسك وعيك وعوك وعاك .... |
اصلو دي ما خطرت ببالي - بس اظن البيعتبرني ناسبها لى نفسي اكيد بدين نفسو - لانو الابيات دي اشهر من انو يتعمل ليها citation
|
Post: #42
Title: Re: أيها البرالمة - لا تتخذو من السناير قدوه لكم
Author: احمد الأمين على إدريس
Date: 01-31-2013, 06:54 PM
Parent: #37
أيمن ازيك ياخ
ومنور المكان بالكتابة الطاعمة الفاهمة
ومراحب الف بكل الجدد والقدام والجايين لسا
________________________________
ماعارف لكن قرايتى ليك بتقول انك ابوحتوت اخر **
** طبعا ماظنيت محتاجا شرح لكن الظروف مامعروفة ياخ
ابو حتوت هو كاتبى المفضل لارباع خلت واخر قادمات ان شاءالله
واعنى المهندس محمد البشرى خضر
بس ان شاءالله تكون هلالابى يا ايمن
احتراماتى
|
|