Post: #1 Title: دجاج (الحاتي) و (البوادي)..(سرو لاسيس) Author: الامين موسى البشاري Date: 01-28-2013, 01:10 PM Parent: #0
مدخل(*)
الدعاية مطلوووووشه والهدف التســـويق لأكلاتنا الســــودانية وحاجاتنا الجميلة بدون حرج بل علينا أن نؤمن بنجاح حواء بعد أن شهد لها العالم (المرأة السودانية) بمهارتها في الطبخ والتدبير المنزلــي،،، قطعاً ســأورد نماذج وشواهد حية من السعودية .. ..
__ الدعاية الأصلية تجدونها في الاسفل
حاشية: ____ - الدعاية جزء لا يتجزأ من هذا البوست. - (سرو لاسيس) دي شنو ما عارف معناها لكن في الغالب تعني حلو ولذيذ. - اعملوا حسابكم من غداء الزميلة رانية الشيخ .. والله صحي () فهو غير مضمن في هذا العرض.
Post: #2 Title: Re: دجاج (الحاتي) و (البوادي)..(سرو لاسيس) Author: الامين موسى البشاري Date: 01-28-2013, 01:17 PM Parent: #1
أكلت الدجاج كثيراً وومطبوخ بعدة طرق
مندي مظبي عادي حراق على الفحم دجاج كنتاكي دجاج البيك دجاج هارديز دجاج من هرفي .. ..
الخ الخ
فوالله لم أجد ألذ وأطيب من دجاج الحاتي والبوادي وكل دجاج نمرة 2 ... والله صحي
Post: #3 Title: Re: دجاج (الحاتي) و (البوادي)..(سرو لاسيس) Author: علي محمد الفكي Date: 01-28-2013, 01:22 PM Parent: #2
Quote: فوالله لم أجد ألذ وأطيب من دجاج الحاتي والبوادي وكل دجاج نمرة 2 ... والله صحي
ازيك يا ود البشاري
الاسماء دي سمعتها ضمن ذكريات الوالد
يا اخ انت قديم قدم الكسرة
والله صحي
Post: #4 Title: Re: دجاج (الحاتي) و (البوادي)..(سرو لاسيس) Author: ياسر منصور عثمان Date: 01-28-2013, 01:45 PM Parent: #3
يا سلااااااااااااااااام
والله لا تقول لي كنتاكي والا هيرفي والا غيرو..
البوادي والحاتي ...شيء عجيب ياخ..
Post: #12 Title: Re: دجاج (الحاتي) و (البوادي)..(سرو لاسيس) Author: الامين موسى البشاري Date: 01-28-2013, 03:25 PM Parent: #4
Quote: يا سلااااااااااااااااام
والله لا تقول لي كنتاكي والا هيرفي والا غيرو..
البوادي والحاتي ...شيء عجيب ياخ..
مش باللاي يا ياســـر؟
ياخ ريحة الدجاج تجيك على بعد 3 ميل
وأنا اشهد انو زيها ماف في العالم كله
هســـي عمك كنتاكي دا ما بقى غنيان عدييييييييييل كدا
Post: #5 Title: Re: دجاج (الحاتي) و (البوادي)..(سرو لاسيس) Author: الامين موسى البشاري Date: 01-28-2013, 01:50 PM Parent: #3
غايتو عندنا مشكلة كبيرة في فن التســويق وفي الخليج دا بالذات مهن التسويق ومندوب المبيعات ومدير المبيعات .. الخ مسيطر عليها بواسطة العمالة المصرية والاسيوية وأهل الشام والمهن دي زي ما بقولوا أهلنا عودنا فيها عود مره .. والله صحي باختصار لا نجيد فن التســـويق مع انو عندنا حاجات كتثرة نجحت وبدون أي مجهود ابســـط مثال ياخ الكمونية الواحـــدة دي والله ضاربه الســــوق ضرب صاح والعرب ديل بقوا يأكلوها أكل السنين لامن ضايقونا فيها اها دجاج كنتاكي دا يفرق من جـــدادنا شنو عليكم الله؟ وبعدين ناس التعليم العالي ديل بدل يخرجوا اطباء ومهندسين ومحاسبين .. الخ ما يفتحوا كليات تدرس التسويق والمبيعات ياخ .. ..
__ فينا عيوب بتخلينا ما ننجح في التسويق مثلاً؟
Post: #6 Title: Re: دجاج (الحاتي) و (البوادي)..(سرو لاسيس) Author: omer osman Date: 01-28-2013, 02:10 PM Parent: #5
فوالله لم أجد ألذ وأطيب من دجاج الحاتي والبوادي وكل دجاج نمرة 2 ... والله صحي
<<<<<<<<<<<<<<<<<<<<<<
( الحاتي والبوادي + مطعم البحر الابيض) بسوق الخرطوم 2 كان يملكها نفس الشخص هو المرحوم/عبدالواحد للأسف اغلق مطعم الحاتي والبحر الابيض بعد وفاة المالك لكن البوادي لايزال يعمل بنفس النكهة والطعم القديم وماشاء الله شغال مية مية ومكتبتي (ميم) تفتح في مقابله تماماً جنابو عمر عثمان - خبير بالخرطوم 2 وسوق الخرطوم 2 منذ العام 1973م هههههههه أى سؤال
Post: #7 Title: Re: دجاج (الحاتي) و (البوادي)..(سرو لاسيس) Author: omer osman Date: 01-28-2013, 02:25 PM Parent: #6
Post: #27 Title: Re: دجاج (الحاتي) و (البوادي)..(سرو لاسيس) Author: عمران حسن صالح Date: 01-29-2013, 12:44 PM Parent: #7
قادر الله على الحديد المكوَم ده ؟؟ ولا عجلة واحدة قدام " الكريه " الإسمو الجداد ده
................................. كريه باعتبار الطعم الهنــا ، بلاستيكـ فيهو ملح عدى البيكـ عداهو العيب والله صحي سلام يا بشاري
Post: #34 Title: Re: دجاج (الحاتي) و (البوادي)..(سرو لاسيس) Author: الامين موسى البشاري Date: 01-29-2013, 05:07 PM Parent: #27
Quote: دي المشكلة الكبيييييييييييييييرة ...
والله العامل يرمي ليك الصحن زي كأنو متصدق عليك بيهو..
ابو محمد
ســـلام يا حبيب وعجلة شنو في السقط دا دي نمرة 2 يا معلم تقول لي عجلة
Quote: كريه باعتبار الطعم الهنــا ، بلاستيكـ فيهو ملح عدى البيكـ عداهو العيب والله صحي سلام يا بشاري
ما قلت الا الصدق يا ابو امانه هنا ما فيهو جنس همله
دم بخير
Post: #8 Title: Re: دجاج (الحاتي) و (البوادي)..(سرو لاسيس) Author: سليمان القرشي Date: 01-28-2013, 02:32 PM Parent: #6
تحياتي البشاري تطرقت لي موضوع مهم جدا هوالتسويق نحن كسودانيبن لاتنقصنا الخبرة بدليل نجاح شبابنا في مجال المبيعات في الشركات الكبيرة في السودان واستصحب معي مجموعة شركات دال اغلب المناديب سودانيين مميزين معناها نحن محتاجين دراسة + تدريب وتاني في مشكله تسويق في محلاتنا عدم العرض الممتاز وعدم النظافة يعني بتلقي شخص عامل بقالةكبيرة لكن اسلوب العرض صفر النظافة صفر ودي مشكله كبيرة ومعناها فشل التسويق تسلم بشاري
تحياتي لك يالبشاري وكل العابرين دجاج البوادي لا مثيل له فانا كنت ساكن نمرة (2) فكنا نشبع بدخاخين البوادي وآخر إجازة لي العام الماضي ظللت منتظر قرابة النصف ساعة حتى أجد طاولة أيضاً المكان هو نفس المكان قبل عشرات السنين والاقبال كل يوم يتزايد جابنو عمر تحياتي مكتبة ميم دي وين قصاد البوادي كان جزارة الطيب وعمك بتاع الخضار والناصية الصيدلية فنحن كنا خلف الطلمبة مباشرة نفتح شمال
Post: #10 Title: Re: دجاج (الحاتي) و (البوادي)..(سرو لاسيس) Author: Balla Musa Date: 01-28-2013, 02:50 PM Parent: #9
يهدوا فيها من المرقه تبيت بره (جداد سودانى)
Post: #19 Title: Re: دجاج (الحاتي) و (البوادي)..(سرو لاسيس) Author: الامين موسى البشاري Date: 01-28-2013, 08:37 PM Parent: #10
Quote: يهدوا فيها من المرقه تبيت بره (جداد سودانى)
يخربني كان فهمته حاجة من الهترشة الفوق دي يا بله لكن حبابك في بيت الجداد دا ياخ!
Post: #46 Title: Re: دجاج (الحاتي) و (البوادي)..(سرو لاسيس) Author: مناهل عبد الله مصطفي Date: 01-30-2013, 10:59 AM Parent: #19
أزيك يا أمين شكلك زول عضة صاح
ثم انه انا بقاتل عديل في الكنتاكي دا وما بحب يجيب سيرتو بأي سوء
اها لو جينا لي موضوع التسويق نحن صفر تعرف ليه لانه نحن للاسف بنعتبر اللباقة والحنك هم نفاق وأسلوب القناعة نوع من الذل والإهانة ههههههه
عشان كدا
ثم انه ياخ تمشي السوبر ماركت تلاقي الرفوف دي ######اااااااااااانه ولو عايز حاجة من الرف لمن ينزلوها ليك الكتاحة تقيف .. والمشكلة انه اليوم كله تاكل العنقريب في الضل ونايم
لكن شوف في أي دولة تاني بتلاقي صاحب السوبر ماركت اليوم كله شايل المنديل وطالع ينظف في البضاعة مع أنها ما ######انة ...
Post: #18 Title: Re: دجاج (الحاتي) و (البوادي)..(سرو لاسيس) Author: الامين موسى البشاري Date: 01-28-2013, 08:34 PM Parent: #9
Quote: تحياتي لك يالبشاري وكل العابرين دجاج البوادي لا مثيل له فانا كنت ساكن نمرة (2) فكنا نشبع بدخاخين البوادي وآخر إجازة لي العام الماضي ظللت منتظر قرابة النصف ساعة حتى أجد طاولة أيضاً المكان هو نفس المكان قبل عشرات السنين والاقبال كل يوم يتزايد
الأخ ابراهيم علي
تحياتي،،، طيب ياخ وقت الناس ديل جيرانكم كلموهم عليك الله يعني كنتاكي أحسن منهم في شنو؟ المشكلة عندنا الزبون هو البفتش المحل ومش المحل هو الذي يسعى لجذب الزبائن
كن بخير
Post: #40 Title: Re: دجاج (الحاتي) و (البوادي)..(سرو لاسيس) Author: omer osman Date: 01-30-2013, 08:42 AM Parent: #9
Quote: جابنو عمر تحياتي مكتبة ميم دي وين قصاد البوادي كان جزارة الطيب وعمك بتاع الخضار والناصية الصيدلية فنحن كنا خلف الطلمبة مباشرة نفتح شمال
هلا ابراهيم ومعليش للرد المتأخر انشغلت شوية اليومين الفاتو ديل ... طيب الجزارة جارتي بالحيطة من الناحية الشرقية ومحلي ده زمااان كان بتاع خضار ثم مطعم ....... الخ لحدي ما انا جيت فتحت المكتبة .... البيت خلف الطلمبة طوالي كان بيت ناس محمود توفيق الحلفاويين على ما اظن وكان فيهو دكان الغاز بتاع طلمبة عمك حسن القاضي
Post: #17 Title: Re: دجاج (الحاتي) و (البوادي)..(سرو لاسيس) Author: الامين موسى البشاري Date: 01-28-2013, 08:31 PM Parent: #8
سليمان ود القرشي
حبابك ياخ
Quote: تطرقت لي موضوع مهم جدا هوالتسويق نحن كسودانيبن لاتنقصنا الخبرة بدليل نجاح شبابنا في مجال المبيعات في الشركات الكبيرة في السودان واستصحب معي مجموعة شركات دال اغلب المناديب سودانيين مميزين معناها نحن محتاجين دراسة + تدريب
يا سليمان بصراحة لخبطته اموري كلها في السطر الأول قلت لا تنقصنا الخبرة وبعدين جيت قلته محتاجين دراسة + تدريب التسويق علم كبير ومهم جدا وطبيعتنا نحن السودانيين خلقنا ضيق وما لحوحين زي الجماعة الفوق ديل زائدا لا بزعلوا ولا بكلوا ولا يملوا يفضلوا وراك لغاية ما تشتري منهم
Quote: وتاني في مشكله تسويق في محلاتنا عدم العرض الممتاز وعدم النظافة يعني بتلقي شخص عامل بقالةكبيرة لكن اسلوب العرض صفر النظافة صفر ودي مشكله كبيرة ومعناها فشل التسويق
اها دي ام المشاكل نفسها يا سليمان اخوي هنا بجيك البنغالي ولا المصري ينظف الثلاجة ويلمعها وبعدين يرص البضاعة رصة ما تخرش الميه نحن المندوب يجي يجدع ليك البضاعة في اقرب مكان ويفوت غايتو لو في زول بتاع تسويق يجي يحكي لينا تجاربه هنا يكون كويس
تحياتي يا حبيب
Post: #14 Title: Re: دجاج (الحاتي) و (البوادي)..(سرو لاسيس) Author: الامين موسى البشاري Date: 01-28-2013, 03:38 PM Parent: #6
Quote: ( الحاتي والبوادي + مطعم البحر الابيض) بسوق الخرطوم 2 كان يملكها نفس الشخص هو المرحوم/عبدالواحد للأسف اغلق مطعم الحاتي والبحر الابيض بعد وفاة المالك لكن البوادي لايزال يعمل بنفس النكهة والطعم القديم وماشاء الله شغال مية مية ومكتبتي (ميم) تفتح في مقابله تماماً جنابو عمر عثمان - خبير بالخرطوم 2 وسوق الخرطوم 2 منذ العام 1973م هههههههه أى سؤال
أووووووووو جنابو عمر الصفوة
ياخ انا من قبييل عايز أقول هذا البوست برعاية جنابو عمر شكراً على الصورة ومنتظرين المزيد من الصور والمساهمات عمر ياخ الجماعة ديل فنانين عديل والله
Post: #11 Title: Re: دجاج (الحاتي) و (البوادي)..(سرو لاسيس) Author: الامين موسى البشاري Date: 01-28-2013, 03:15 PM Parent: #3
Quote: ازيك يا ود البشاري
الاسماء دي سمعتها ضمن ذكريات الوالد
يا اخ انت قديم قدم الكسرة
ابو علوة .. ازيك ياخ
انا غايتو شاكي في اسمك دا إن بقيت انت ياكا ولدنا علي قول عووووووووك باللاي
أما بالنسبة للقدم فأنا ما معاك في الكلام دا الكلام دا في التسعينات يا علي وأواخرها يعني عام 2000 غايتو التاريخ دا قريب وما بعيد
تحياتي ي الامين البشاري كلمة بشاري بتكيفني شديد صدقني ...
Quote:
الكمونية
ماركة مسجلة حبيبة الشعب كمو ... المنافسة شديدة عليها فى البورصة الخليجية ... واصبحت جزء لايتجزأ من المفلطح ....
بوستك طاعم ...
Post: #24 Title: Re: دجاج (الحاتي) و (البوادي)..(سرو لاسيس) Author: الامين موسى البشاري Date: 01-29-2013, 09:54 AM Parent: #15
سامي عبد الله
ســـلامي وتحياتي،،،
Quote: تحياتي ي الامين البشاري كلمة بشاري بتكيفني شديد صدقني ...
تسلم يا ســـامي
Quote: ماركة مسجلة حبيبة الشعب كمو ... المنافسة شديدة عليها فى البورصة الخليجية ... واصبحت جزء لايتجزأ من المفلطح ....
بالله شفته الجماعة بيأكلوها كيف يعلم الله ضايقوا السودانين فيها ولو ما جيت بدري ما بتلقى شئ مع انو الكمونية دي في ناس وسودانيين بقولوا ليك بنقرف منها :))))))))
تحياتي
Post: #16 Title: Re: دجاج (الحاتي) و (البوادي)..(سرو لاسيس) Author: عصام علي أحمد Date: 01-28-2013, 04:27 PM Parent: #13
دى مشكلة سودانية 100%
المطاعم السودانية فى دبي تعانى من نفس المشكلة
الديكور والنظافة والتسويق والعناية بالعملاء نحن فيها صفر كبير
تحياتى ليك البشارى
Post: #31 Title: Re: دجاج (الحاتي) و (البوادي)..(سرو لاسيس) Author: الامين موسى البشاري Date: 01-29-2013, 03:29 PM Parent: #16
Quote: المطاعم السودانية فى دبي تعانى من نفس المشكلة
الديكور والنظافة والتسويق والعناية بالعملاء نحن فيها صفر كبير
عصام علي
سلامي وتحياتي،، وعشان تكون (فير) وعادل اكلهم حلو ولذيذ يعني (سرو لاسيس) مشكلتنا دي بنحاول نعالجها بإذن الله عندنا حاجات حلوة كتيرة لو اتسوقت صاح ممكن نسكب من وراها دهب تصدق بحزن حزن شديد لما اشتري لي فول حاجات معبأ في الصين ولا مصر بالله مش حاجة تجنن؟
خليك قريب
Post: #20 Title: Re: دجاج (الحاتي) و (البوادي)..(سرو لاسيس) Author: الامين موسى البشاري Date: 01-29-2013, 08:20 AM Parent: #13
Quote: سلامات يا بشاري وفعلا دجاجنا طاعم.. اسأل ناس بحري عن فراخ (سنبلة الخضراء) في شارع المعونة..
يلحيل يا ابو اليمن جداد الستبلة الخضراء برضة سرو لاسيس أو كما قال ميســــي...
تحياتي
Post: #21 Title: Re: دجاج (الحاتي) و (البوادي)..(سرو لاسيس) Author: ياسر منصور عثمان Date: 01-29-2013, 08:34 AM Parent: #20
(دى مشكلة سودانية 100%
المطاعم السودانية فى دبي تعانى من نفس المشكلة
الديكور والنظافة والتسويق والعناية بالعملاء نحن فيها صفر كبير )
100%...
دي المشكلة الكبيييييييييييييييرة ...
والله العامل يرمي ليك الصحن زي كأنو متصدق عليك بيهو..
Post: #22 Title: Re: دجاج (الحاتي) و (البوادي)..(سرو لاسيس) Author: ولياب Date: 01-29-2013, 09:19 AM Parent: #21
الأمين البشاري وضيوفه
لكم التحية
وين دجاج تكة في القائمة بتعتك يا خي دي حاجة ما تخلص .
يا خي الحاتي ده قبل الدجاج كنا بنأكل فيه أجدع وألذ باسطة ومعجنات ، والزمن داك مطعم بستان تو ريستورانت كان عندهم بروستد ولا أحلى
والطلمبة التي ذكرها أخونا إبراهيم علي طلمبة شل سابقاً لمالكها عمنا المرحوم حسن القاضي ومجموعة كبيرة من أولادنا عملوا بها ردحاً من الزمن
رجعتنا لزمن جميل والخرطوم 2 كانت آخر روعة بناسها واسواقها حتى ستات الكسرة .
Post: #23 Title: Re: دجاج (الحاتي) و (البوادي)..(سرو لاسيس) Author: ياسر منصور عثمان Date: 01-29-2013, 09:39 AM Parent: #22
(يا خي الحاتي ده قبل الدجاج كنا بنأكل فيه أجدع وألذ باسطة ومعجنات ، والزمن داك مطعم بستان تو ريستورانت كان عندهم بروستد ولا أحلى
والطلمبة التي ذكرها أخونا إبراهيم علي طلمبة شل سابقاً لمالكها عمنا المرحوم حسن القاضي ومجموعة كبيرة من أولادنا عملوا بها ردحاً من الزمن
رجعتنا لزمن جميل والخرطوم 2 كانت آخر روعة بناسها واسواقها حتى ستات الكسرة . )
يا سلام على الخرطوم 2 وسوق 2..
طلمبة عمك القاضي...ومجمع عمك الزين عيسى وجزارة عمك عبد القادر وبقالة عمك محمد عثمان الظافر..و...
تعرف مرة يا ولياب..واحد بوصف لي عمك محل في سوق 2..قام قال ليهو على يدك اليمين جنب البار...طبعاً هو ناسي انو البارات اتقفلت من زماااااان...عمك قال ليهو ( ياااا حليل البارات يا ولدي)..
مع ودي
Post: #25 Title: Re: دجاج (الحاتي) و (البوادي)..(سرو لاسيس) Author: ولياب Date: 01-29-2013, 10:03 AM Parent: #23
Quote: تعرف مرة يا ولياب..واحد بوصف لي عمك محل في سوق 2..قام قال ليهو على يدك اليمين جنب البار...طبعاً هو ناسي انو البارات اتقفلت من زماااااان...عمك قال ليهو ( ياااا حليل البارات يا ولدي)..
مع التحية يا ياسر
طبعاً الزمن داك نحن لسه صغار وماكنا بنعرف الشراب والحمد لله حتى في الكبر بس كنا شايفين البارات والبيرات بأشكالها وناس شري ووسكي ، وأذكر قصاد الطرمبة كان في محل (بار) واللوحة كانت مكتوبة بخط الفنان إدمون منير .
عمك قال حليل زمن البارات ( وقالوا لمن نميري طبق الشريعة وأعدم الخمور في النيل الأسماك سكرت لط ووقفت سلك ) .
Quote: اسأل ناس بحري عن فراخ (سنبلة الخضراء) في شارع المعونة..
و أنت الصادق يا أيمن يا صديقي يااااااه رجعتني لي زمنا سمح بالحيل من لا يعرف سنبلة الخضراء ما عندو أساسا علاقة ببحري سر الهوي و العجب في الوقت داك صديقنا أحمد جامايكا و الحليب البارد و الساخن و الباسطة من حلواني بحري يا الله ده كلام عجيب جدا في الوقت داك . طبعا يا أيمن في حاجات كده انت ما بتكون عاصرتها مثلا عمك(ويصا) و التيمان بالقرب من البوستة بحري و عمنا الشعله الذي يجاور سوق الخضار و كافتيريا (هافانا) الشهيرة في الوقت داك قبل ما يجو الفارات من حتاتهم تحياتي الشديدة ليك و الي حبيبنا البشاري واي عودة تاني
Post: #32 Title: Re: دجاج (الحاتي) و (البوادي)..(سرو لاسيس) Author: طارق عمر مكاوي Date: 01-29-2013, 03:48 PM Parent: #30
كسودانيين عندنا مشكلة تسويق لمنتجاتنا كبيرة - في الوقت الممكن حقيقة نقدر ننافس و نجد لنفسنا مكان في السوق العالمي .. أكثر من منتج ممكن يسوقوا ,أعني المنتج بمعناه الكبير إذا كان خدمة (service) او منتج عديل او حتي ملكية فكرية خاصة بخلطات في طبخ معين (زي ماكدونالدز و KFC ).
مرة في لندن في واحد صديق إريتري كان مصر علي إننا نمشي لـ ناندوس (أشهر ماركة للدجاج المشوي في بريطانيا) و عمل لي دعاية كبيرة ليهم و بروبقندا ليهم و كان بقول لي ده أجمل دجاج ممكن تأكلوا في الدنيا ,مشيت للمطعم و في بالي دجاج نمرة اثنين و كنت بقول مين يارب بعمل دجاج أفضل من دجاج البوادي و الحاتي ؟ النتيجة وجدت الفارق واسع شديد لصالح دجاجي نمرة اثنين . حقيقة مافيش أطعم و أجمل و أشهي من دجاج نمرة اثنين :-)
(و شايف كمان معتز قريش بتكلم اليوم عن الصمغ كعلاج ), ربنا يسخر لينا ناس شطار و أذكياء يسوقوا منتجاتنا للعالم الخارجي , و ده المكن يحقق رفاعية لأهلنا و شعبنا .
Post: #37 Title: Re: دجاج (الحاتي) و (البوادي)..(سرو لاسيس) Author: الامين موسى البشاري Date: 01-29-2013, 07:31 PM Parent: #32
Quote: كسودانيين عندنا مشكلة تسويق لمنتجاتنا كبيرة - في الوقت الممكن حقيقة نقدر ننافس و نجد لنفسنا مكان في السوق العالمي .. أكثر من منتج ممكن يسوقوا ,أعني المنتج بمعناه الكبير إذا كان خدمة (service) او منتج عديل او حتي ملكية فكرية خاصة بخلطات في طبخ معين (زي ماكدونالدز و KFC ).
طارق عمر
تحيــاتي ،،، عارف الجداد دا لو تم تسويقه بطريقة حلوة وعلمية ومدروسه تاني زول ببيع جداد مشــــوي ماف في العالم دا كلو
كن بخير
Post: #51 Title: Re: دجاج (الحاتي) و (البوادي)..(سرو لاسيس) Author: عباس الدسيس Date: 01-30-2013, 07:31 PM Parent: #25
سلام يا باش ذكرته الكمونيه ونسيت الكوارع تصدق وتامن بالله واحد من الخليجين المعانا وصاني لي كوارع اجيبها ليهو مع الصباح في الفطور مسألة التسويق وما لينا فيها نصيب بجيك ليها راجع يا الحبيب بالتفصيل
Post: #35 Title: Re: دجاج (الحاتي) و (البوادي)..(سرو لاسيس) Author: الامين موسى البشاري Date: 01-29-2013, 05:46 PM Parent: #22
Quote: يا خي الحاتي ده قبل الدجاج كنا بنأكل فيه أجدع وألذ باسطة ومعجنات ، والزمن داك مطعم بستان تو ريستورانت كان عندهم بروستد ولا أحلى
والطلمبة التي ذكرها أخونا إبراهيم علي طلمبة شل سابقاً لمالكها عمنا المرحوم حسن القاضي ومجموعة كبيرة من أولادنا عملوا بها ردحاً من الزمن
رجعتنا لزمن جميل والخرطوم 2 كانت آخر روعة بناسها واسواقها حتى ستات الكسرة .
ولياب يا ابو الوليد
سلامي وتحياتي ،، ما فاضل ليك الا تقول ود الميرغني دفعتي وقرينا سوا في روضة دار الحنان
يا ســلام يا ولياب زمن جميل ليته يعود
دم بخير
Post: #33 Title: Re: دجاج (الحاتي) و (البوادي)..(سرو لاسيس) Author: الامين موسى البشاري Date: 01-29-2013, 03:53 PM Parent: #21
Quote: دي المشكلة الكبيييييييييييييييرة ...
والله العامل يرمي ليك الصحن زي كأنو متصدق عليك بيهو..
ويقول ليك لو عجبك اكل ما عجبك مع الســلامة والله صحي
Post: #36 Title: Re: دجاج (الحاتي) و (البوادي)..(سرو لاسيس) Author: الامين موسى البشاري Date: 01-29-2013, 07:22 PM Parent: #33
Quote: المطعم ده برضو يا بشاري عندو فراخ بروست حاجة عجيبة و العجب الشوربة و السلطة الخضراء موبالغه
أمير طمبل
سلامي وتحياتي،،، انت ما جاي من السودان قريب ولسه طعم الحاجات عندك غايتو السودان شكلو تطور في مسائل السفاسف دي أي مغترب يمشي هناك ولأنهم ما عندهم برنامج يقوموا يعزموا ليك قندهار ولا عوضية سمك ... الخ
كن بخير
Post: #38 Title: Re: دجاج (الحاتي) و (البوادي)..(سرو لاسيس) Author: الامين موسى البشاري Date: 01-29-2013, 07:52 PM Parent: #36
أظرف حاجة في الخليج انو ملتقى ثقافات متنوعة شعوب من كل دول العالم متواجدة هنا بعض هذه الشعوب بتروج لحاجات بلدها بطرق علمية ومدروسه وتجمع كل هذه الشعوب بتخليك تعرف عنها عاداتها ولبسها واكلها ..... الخ الخ اها نحن بالجد مقصرين في الحته دي شـــديد وساحكي لكم هذه الحكاية في مرة مشيت جدة وطبعاً كل ما ازور جدة لازم امشي الكرنتينة وباب شريف اها مرة قلت للمرافق لي من اهل جدة يلا ياخ ناكل شية سودانية اها قام قال والله في مطعم كده بهناك بعمل جنس شية ارح ليهو قلت ليهو طــوالي يا زول ارحكاكا مشينا ولما وصلنا المطعم السيارات دي ما تديك الدرب وكلها سيارات حديثة تابعة لسعوديين فقمت قلت ليهو السيارات دي شنو؟ قام مرافقي قال لي: يا معلم ديل ســـعوديين جربوا ليك شيتنا دي وضاقوا طعمها ومن ديك تاني ما فكوا دربها لي يوم الليلة دي اتوكلنا ودخلنا وكلام صاحبي دا شفقني إننا ممكن ما نلقى لينا صحن شية دخلنا جوه والله يا جماعة زحمة ألف وبالعافية طلعنا ب 3 طلبات شية اها شيتنا دي هنا برضو ما سوقناها تمام وممكن تضرب ليك الاوصال والكباب بتاع الشوام والاتراك دا البعملوه من اللحم المجمد دا مرافقي قال ياخ الزول دا يومياً بضبح 3-5 خرفان سواكني عشان الشية وشنو بتجيك شية صافية وكباية كركدي سااااقط ومن العظام بتجيك شوربة مجانية تاكل لامن تشبع ... وتشرب لامن تروى (ترمس الكركدي مجدوع هناك بلا رقيب)
كدي شوفوا النعمة عليكم الله!
Post: #39 Title: Re: دجاج (الحاتي) و (البوادي)..(سرو لاسيس) Author: محمد جبره Date: 01-30-2013, 02:40 AM Parent: #38
سلام البشاري بوست سرو لاسيس جدا
خطيبة صاحبي اتصلت عليه عشان يمر عليها بعد الشغل لاخذ دبلته واشياء اخري بعد ان وصلو لطرق مسدود وقررت هي فسخ الخطوبة
بعد ما وصلها قال ليها محتاجين نقعد نناقش اعلان فسخ الخطوبه يكون كيف قام وداها ليك الحاتي نظام الغداء الاخير وكدا و كانت اول مره ليها تجي الحاتي تعرف بعد ما ضربت الجداد وغسلت يدها ............... انقرا ما لبست الدبلة تاني ..............
التحية للحاتي و البوادي والجمري
Post: #41 Title: Re: دجاج (الحاتي) و (البوادي)..(سرو لاسيس) Author: omer osman Date: 01-30-2013, 08:46 AM Parent: #39
Quote: والطلمبة التي ذكرها أخونا إبراهيم علي طلمبة شل سابقاً لمالكها عمنا المرحوم حسن القاضي ومجموعة كبيرة من أولادنا عملوا بها ردحاً من الزمن
ديل ناس (سمير الحلفاوي) ياولياب صاح قبل فترة سألت عنه عرفت انو جاهو سكري وضعف كده ربنا يشفيهو عمك حسن القاضي ولده نزار دفعتي في المدرسة وبيتنا في نمرة 2 مقابل بيت ناس ابوهو (عمك عبدالمجيد القاضي) وجاره ونسيبه عمنا (ميرغني محجوب) ولده محمد دفعتي في المدرسة برضو ...... ناس طيبين بشكل ما معقول
Post: #42 Title: Re: دجاج (الحاتي) و (البوادي)..(سرو لاسيس) Author: الامين موسى البشاري Date: 01-30-2013, 10:09 AM Parent: #39
Quote: بعد ما وصلها قال ليها محتاجين نقعد نناقش اعلان فسخ الخطوبه يكون كيف قام وداها ليك الحاتي نظام الغداء الاخير وكدا و كانت اول مره ليها تجي الحاتي تعرف بعد ما ضربت الجداد وغسلت يدها انقرا ما لبست الدبلة تاني ..............
التحية للحاتي و البوادي والجمري
هههههههههههههههههههه محمد جبره والله انت ال (ســرو لاسيس) قلت لي صاحبك أكل بعقل البنية حلاوة دجاج الحاتي والبوادي لا يقاوم ياخ والطعم سيأخذك الى هناك
Post: #43 Title: Re: دجاج (الحاتي) و (البوادي)..(سرو لاسيس) Author: الامين موسى البشاري Date: 01-30-2013, 10:24 AM Parent: #42
جنابو يا صفوة وين باقي الصور والحكي ياخ؟!
Post: #45 Title: Re: دجاج (الحاتي) و (البوادي)..(سرو لاسيس) Author: امير طمبل Date: 01-30-2013, 10:37 AM Parent: #43
Quote: خطيبت صاحبي اتصلت عليه عشان يمر عليها بعد الشغل لاخذ دبلته واشياء اخري بعد ان وصلو لطرق مسدود وقررت هي فسخ الخطوبة
بعد ما وصلها قال ليها محتاجين نقعد نناقش اعلان فسخ الخطوبه يكون كيف قام وداها ليك الحاتي نظام الغداء الاخير وكدا و كانت اول مره ليها تجي الحاتي تعرف بعد ما ضربت الجداد وغسلت يدها انقرا ما لبست الدبلة تاني
هههههههههههههههه دي الظاهر عليها كانت ضارباها جوعه كده مكن أمها لكن صاحبك طلع مفتح ملأ ليها مصرانه
Post: #48 Title: Re: دجاج (الحاتي) و (البوادي)..(سرو لاسيس) Author: الامين موسى البشاري Date: 01-30-2013, 03:10 PM Parent: #45
Quote: هههههههههههههههه دي الظاهر عليها كانت ضارباها جوعه كده مكن أمها لكن صاحبك طلع مفتح ملأ ليها مصرانه
هههههههههههه أقرب طريق لقلب المرأة تملأ ليها مصرانها وتعزمها في جداد الحاتي والبوادي .... والله صحي
منور يا اميرنا ياخ
Post: #44 Title: Re: دجاج (الحاتي) و (البوادي)..(سرو لاسيس) Author: عباس محمود Date: 01-30-2013, 10:35 AM Parent: #42
الامين البشاري
لك التحية والسلام
افتكر الطعم بتاع الدواجن المنتجة في السودان عنده علاقة بنوع الاعلاف المستخدمة في تغذية الدجاج
في اوروبا والخليخ وامريكا والبرازيل المكون الاكبر هو فول الصويا والذرة ( عيش الريف )
بينما عندنا يتم استخدام امباز الفول والفتريتة في الغالب . وقد تكون البهارات المستخدمة عامل اخر
تخريمة : لما تزور السودان حنابو عمر تزوره بعد الساعة 3 عشان يقطع بيك الظلط القدام مكتبة ميم ويوريك الدجاج من نوع ( المافي شنو )
ما تتمقلب زيي زرته صباحا في اجازتي الفاتت
التحية ليك ولي جنابو عمر
Post: #47 Title: Re: دجاج (الحاتي) و (البوادي)..(سرو لاسيس) Author: إسماعيل حسن Date: 01-30-2013, 11:10 AM Parent: #44
الامين سلام عليك وعلى زوارك بوست طاعم طعم دجاج الحاتي والبوادي ضحكتني حكاية الريحة البتجيبك من بعيد دي لدي صديق يحب دجاج الحاتي والبوادي بجنون وهورجل بيعرف كيف يمتع نفسه بالاكل وبمزاااج في كثير من ايام الاسبوع لما الدنيا كانت بخير لازم يتحايل ويخلق لينا مشوار ويعرج بينا بنمرة اتنين وهو عارف الريحة بتجيب الرايح وما بنقدر نقاوم يا سلام زمن والله تصور انا كنت فاكر البوادي اصبح تاريخ برضو .. جميل انه لسه شغال .. يا خي عندهم دجاج عجيب
Post: #54 Title: Re: دجاج (الحاتي) و (البوادي)..(سرو لاسيس) Author: الامين موسى البشاري Date: 02-02-2013, 10:39 AM Parent: #47
Quote: بوست طاعم طعم دجاج الحاتي والبوادي ضحكتني حكاية الريحة البتجيبك من بعيد دي
اسماعيل حسن
تحياتي ،، النصيحة من الصعب تمر بنمرة 2 وما تغشـــى البوادي والحاتي ياخ الريحة بس تجذبك انجذاباً .. والله صحي
كن بخير
Post: #49 Title: Re: دجاج (الحاتي) و (البوادي)..(سرو لاسيس) Author: الامين موسى البشاري Date: 01-30-2013, 03:21 PM Parent: #44
عباس محمود
سلامي وتحياتي ،،
Quote: افتكر الطعم بتاع الدواجن المنتجة في السودان عنده علاقة بنوع الاعلاف المستخدمة في تغذية الدجاج
في اوروبا والخليخ وامريكا والبرازيل المكون الاكبر هو فول الصويا والذرة ( عيش الريف )
بينما عندنا يتم استخدام امباز الفول والفتريتة في الغالب . وقد تكون البهارات المستخدمة عامل اخر
احتمال كبير يكون كلامك صاح لكن مع ذلك حتى لو تطابق الغذاء الخاص بالدجاج دائماً بنحس إنو حاجاتنا ليها طعم تاني .. ليه ما عارف؟ وخصوصاً لما تأكلها في السودان فما عارف الحاجة نفسية ولا هي فعلاً حاجاتنا كده ....
Quote: لما تزور السودان حنابو عمر تزوره بعد الساعة 3 عشان يقطع بيك الظلط القدام مكتبة ميم ويوريك الدجاج من نوع ( المافي شنو )
ما تتمقلب زيي زرته صباحا في اجازتي الفاتت
أصبر بس خليني انزل السودان واجيهم بخطتك دي وما تنســـى حبيبنا ناذر الخليفة دا كمان تخصص قندهار وعوضية سمك وعبده كوارع
Post: #50 Title: Re: دجاج (الحاتي) و (البوادي)..(سرو لاسيس) Author: سليمان القرشي Date: 01-30-2013, 03:51 PM Parent: #49
تعرف يابشاري بوستيك دا مرقني من امدرمان للخرطوم اتنين اها وجبت ليك خبر سمح طبعا البوادي فاتحة في مكتبة جنابو وجنابو حالف اي بوردابي يضرب جداد البوادي الفاتورة تجيهو في المكتبة والمطلوبات صورة من الباسويرد + شهاده موقعة ومختومة من المهندس بكري بانك عضو +تثنية من عضوين دحين لوجاي اجازة قريب لاتنسي الاوراق هههههههههه
Post: #52 Title: Re: دجاج (الحاتي) و (البوادي)..(سرو لاسيس) Author: الامين موسى البشاري Date: 01-30-2013, 07:40 PM Parent: #50
Quote: سلام يا باش ذكرته الكمونيه ونسيت الكوارع تصدق وتامن بالله واحد من الخليجين المعانا وصاني لي كوارع اجيبها ليهو مع الصباح في الفطور مسألة التسويق وما لينا فيها نصيب بجيك ليها راجع يا الحبيب بالتفصيل
يا عبس ما تدس المداخلات ياخ هسي زي دي بعدين يلقوها كيف بالله منتظرين عودتك
Post: #53 Title: Re: دجاج (الحاتي) و (البوادي)..(سرو لاسيس) Author: الامين موسى البشاري Date: 02-02-2013, 10:35 AM Parent: #52
Quote: ذكرته الكمونيه ونسيت الكوارع تصدق وتامن بالله واحد من الخليجين المعانا وصاني لي كوارع اجيبها ليهو مع الصباح في الفطور مسألة التسويق وما لينا فيها نصيب بجيك ليها راجع يا الحبيب بالتفصيل
أهلين يا عبس ياخ منتظرين قصة الكوارع فما تغيب بالله
تحياتي
Post: #55 Title: Re: دجاج (الحاتي) و (البوادي)..(سرو لاسيس) Author: الامين موسى البشاري Date: 02-02-2013, 10:44 AM Parent: #53
Quote: تعرف يابشاري بوستيك دا مرقني من امدرمان للخرطوم اتنين اها وجبت ليك خبر سمح طبعا البوادي فاتحة في مكتبة جنابو وجنابو حالف اي بوردابي يضرب جداد البوادي الفاتورة تجيهو في المكتبة والمطلوبات صورة من الباسويرد + شهاده موقعة ومختومة من المهندس بكري بانك عضو +تثنية من عضوين دحين لوجاي اجازة قريب لاتنسي الاوراق
بالطريقة دي جنابو حيبيــع المكتبه في المزاد العلني جنابو زول ضكران وما بقصر ... والله صحي
ربنا يوسع ليهو في رزقه ويبارك ليه فيه بس أي بوردابي أول حاجة يمشي يضرب الجداد وبعدين يجي لزيارة جنابو
وتحياتي ليك ولجنابو
Post: #56 Title: Re: دجاج (الحاتي) و (البوادي)..(سرو لاسيس) Author: سيف بخيت موسي Date: 02-02-2013, 02:42 PM
---------------------------------------------------------------------------------------------- المزعلني عندنا كم دبلة كدة اتجدعن لو عارفين موضوع صاحب محمد جبرة كان لحقنا لينا دبلة دبلتين كدة
Post: #57 Title: Re: دجاج (الحاتي) و (البوادي)..(سرو لاسيس) Author: الامين موسى البشاري Date: 02-02-2013, 02:58 PM Parent: #56
قصة دجاج كنتاكي .....
Quote: اعتقد انه الاغلب يعرف شعار مطاعم كنتاكي وصورة الشايب الذي على الشعار هذا الرجل حين كان عمرة 14 سنة كان يعمل في مطعم وكان عنده خلطة دجاج وقال لصاحب المطعم عندي خلطة ممكن اجربها لزبائنك ورفض صاحب المطعم وذهب كنتاكي الى مطعم ثاني وثالث ورابع وعاشر حتى وصل عدد المطاعم الذي ذهب ايليها 1032 حتى وصل الى المطعم الاخير وقال له صاحب المطعم نجرب الخلطة بس على شرط اذا الزبائن احبو هذه الخلطة 95% من الارباح لي 5% لك وافق كنتاكي على الشرط وحتى اليوم عائلة كنتاكي تأخذ 5% من الارباح فقط وحتى الان وصل عدد فروع كنتاكي في العالم الى 1037 فرع
Post: #58 Title: Re: دجاج (الحاتي) و (البوادي)..(سرو لاسيس) Author: الامين موسى البشاري Date: 02-03-2013, 09:49 AM Parent: #57
)
