استخدام بعض الاعضاء لعبارة ( منبر بكري )

كثرت في الاونة الاخيرة تعليقات الاعضاء بإستخدام عبارة ( منبر بكري ) .
الاستاذ / بكري يعتبر مصمم لموقع سودانيز اون لاين وجذب الكثير واتاح الفرصةللاعضاء للتعبير بحرية وديمقراطية . هذا في تقديري الشخصي واكن له كل احترام
فهل يرى بعض الاعضاء في بكري دكتاتورية لذلك تم استخدام ( منبر بكري ) .
نامل شرح معنى العبارة لكل من استخدمها .
مع أحترامي

لا تعني سوى أن بكري هو صاحب المنبر - مالكه - مديره.

أما أن يكون بكري ديكتاتور، فمن يرى ذلك يقولها له ... وكثيرين قالوها، لم يرسلهم بكري لبيوت أشباح أو حتى يمنع عنهم الباسوورد.

ياحبيب ولاتزعل

نخليها....

( منبر ابو صلعه )

تحياتي لصاحب البوست

لا يعني هو منبر منو مثلاً

تحياتي لي صاحب البوست والضيوف ولي بكري

Quote: ( منبر بكري )

وهو كذلك

مرحبا
المصطلح نبع من اعضاء
يعنى بكرى مالو علاقه بيه ولا هو الصرح بالمصطلح دا
عادى جدا الاشاره للمكان باسم المالك بخلاف الاسم الاصلى

شكرا رانيا
لكن هل فعلا بكري ديكتاتوري ؟
هل يفرض شخصيته على الموقع .
هل يرفض نشر بعض المواضيعع ؟

نعم ( منبر بكري )
لأنه الوحيد الذي يديره يعني لم ينتخب لجنة
ولا عمل أنتخابات
ولا نعرف غير الكتابة
ولا ما عجبو موضوع بشيلو ولا بستشير حد
والتسجيل عندو
والرفد عندو
( الدكتاتورية دى الحاجة الوحيدة ما عندو )

الاستاذ / معروف
شكرا للمداخلة الطيبة
ومن هنا نقترح بإن يوافق الاخ بكري على تكوين لجنة لرعاية منبر سودانيز اون فهل يوافق على الاقتراح
اثق بإن بكري ليس ديكتاتوري ولكن أريد استطلاع الاعضاء حول تلك المسألة .

غايتو يا معروف
بعد دا كله وتقول الديكاتوريه ما عندو
هههههههههههههههههههههههههه
عندو يعنى حمه ببرد ولا شنو
:)))))))))))))))))))))

لصراحه سياسة التسجيل ديكتاتوريه
وسياسة تثبيت المواضيع ما معروفه بتقيم على ياتو اساس
هل الكاتب ام الفكره ام المشاهده
والمكاتب شخصيا ما فاهما فكرتها شنو ولا حصل جربت ادخلها لانها كتيره شدددددددددددددددددددددددديد
طبيعة بشريه ان المالك يفرض ذاته فى حقه بما انه حقه
يعنى برغم انه منتدى عام لكن حقيقتا هو منتدى بكرى
:)))))))))))))))

من يتحمل رسوم استضافة موقع سودانيز اون لاين على الشبكة العنكبوتية .
هل يحقق المالك فائدة من الموقع عن طريق الاعلانات .

Quote: .. البوست ده بذكرني.. أيام التهكير الأخيرة.. هههه الأغنية دي سمحه لأبصلعة.. الديكتاتور.. ههههههههه

فتح العليم .سلامات ..

Quote: ومن هنا نقترح بإن يوافق الاخ بكري على تكوين لجنة لرعاية منبر سودانيز اون فهل يوافق على الاقتراح اثق بإن بكري ليس ديكتاتوري ولكن أريد استطلاع الاعضاء حول تلك المسألة .

كلامك ده زي البتقول لزول عنده بقالة حقته ومن حر ماله ياخي تعال نعمل لجنة لجرد البقالة ونشوف البيع ماشي كيف ..

Quote: من يتحمل رسوم استضافة موقع سودانيز اون لاين على الشبكة العنكبوتية . هل يحقق المالك فائدة من الموقع عن طريق الاعلانات .

صراحة ده تدخل فيما لايعنينا لو قلنا كده ...


تحياتي ،،

سلام ودالقاضي
ولكن احنا اعضاء على شنو لو ماعرفنا كل صغيرة وكبيرة عن الموقع .
ومعنى كلامك اننا ضيوف فقط وفي تلك الحالة لايحق لنا التدخل
نريد ان نعرف كل كبيرة وصغيرة .
واعتقد ان الاخ بكري راجل ديمقراطي .

Quote: واعتقد ان الاخ بكري راجل ديمقراطي .

أنا لا أعتقد !!!

استاذ / معروف
مالفرق بين الديمقراطية والديكتاتورية ؟

امد الله في عمر بكري وحفظه الله لمحبيه واطفاله واهله .
ولكن هل فكرنا يوماً ما وضع المنتدي في حالة حدث مكروه لاقدر الله لبكري أوزهج بكري وقفل المنتدي أوكبر بكري أوغيرها من الاسباب .
لماذا لاندعو لتكوين لجنة اشرافية على المنتدي مثل كافة المنتديات .

Quote: استاذ / معروف مالفرق بين الديمقراطية والديكتاتورية ؟

يازول كلامي القبيل داك
(قمة الدكتاتورية )
سجن سجن غرامة غرامة

Quote: ومعنى كلامك اننا ضيوف فقط وفي تلك الحالة لايحق لنا التدخل

يا حبيب ... إنت قايل عندك حق التدخّل؟

إذا كنت سجلت عضويتك تأسيساً على حق زي ده ..... رجّع البطاقة لي بكري.

أو أقول ليك؟ ........... أقرا لائحة المنبر، وإسمها هنا (قوانين المنبر) ........ من هنا: http://www.sudaneseonline.com/law2005.cfm
وعشان أسهّل ليك، أوّل بند في القوانين دي بيقول:

يمنع منعاً باتاً التدخل في شؤون إدارة المنتدى. ولإدارة المنتدي كامل الصلاحية في حذف , تعديل , نقل أو إغلاق أي موضوع/مداخلة أو إيقاف عضوية أي مشترك دون ذكر الأسباب.