Post: #1
Title: بوست ونـسـة
Author: Rawia
Date: 01-28-2013, 01:19 AM
Parent: #0
هو أنا مالياش نفس؟
_______
قلت ماممكن أوكازيون الونسة دا يفوتني
وأنا خير من يتونس في البورد دا
ففضلت أفترع خيط مخسوس لكي لا تضيع ونستي في خضم البوستات
أو كما قال هشام آدم قبل إعتذاراته
|
Post: #2
Title: Re: بوست ونـسـة
Author: سناء عبد السيد
Date: 01-28-2013, 01:42 AM
Parent: #1
و هو في احلى من الونسة
انا متبرعة بالتسالي عشان الونسة تكون على مستوى ههههه
تحياتي يا رووية
|
Post: #3
Title: Re: بوست ونـسـة
Author: معتز القريش
Date: 01-28-2013, 03:09 AM
Parent: #2
وأنا علي الفيشار وبنبر زيادة للضيوف ونقرشة خفيفة ع العود
أما بعد
مشتاقين يا رواية وسناء شوقا يبقصو منو وحاة شيخ وضاحة
|
Post: #4
Title: Re: بوست ونـسـة
Author: Balla Musa
Date: 01-28-2013, 03:10 AM
Parent: #2
طيب نسقط الحكومة دى كيف؟
الله فرجينى
|
Post: #5
Title: Re: بوست ونـسـة
Author: محمد المسلمي
Date: 01-28-2013, 03:25 AM
Parent: #4
المافي شنو
ــــــــــ
التحية لصاحبة البوست وضيوفها والعزيز قيقراوي
|
Post: #6
Title: Re: بوست ونـسـة
Author: معتز القريش
Date: 01-28-2013, 04:34 AM
Parent: #2
وأنا علي الفيشار وبنبر زيادة للضيوف ونقرشة خفيفة ع العود
أما بعد
مشتاقين يا رواية وسناء شوقا يبقصو منو وحاة شيخ وضاحة
|
Post: #7
Title: Re: بوست ونـسـة
Author: عاطف عمر
Date: 01-28-2013, 05:09 AM
Parent: #1
Quote: قلت ماممكن أوكازيون الونسة دا يفوتني
وأنا خير من يتونس في البورد دا |
طيب يا رايوة عشان الونسة تحلو
ما تنزلي لينا في الخلفية أغنية حلوة كدا
_________________
دا كلو من د. بلة موسى
محيل البورد ( الثوري ) إلى ساحة ونسة
|
Post: #8
Title: Re: بوست ونـسـة
Author: حيدر حسن ميرغني
Date: 01-28-2013, 05:15 AM
Parent: #7
دينق .... راوية تناديك
-
ياراو مافي خيارات
|
Post: #9
Title: Re: بوست ونـسـة
Author: ود الباوقة
Date: 01-28-2013, 05:19 AM
Parent: #7
كمان ما تقولوا اي حاجة
الشاي
الكابتشينو
وجميع انواع العصيرات علي
والرهيفة التنقد
|
Post: #10
Title: Re: بوست ونـسـة
Author: ABUHUSSEIN
Date: 01-28-2013, 05:36 AM
Parent: #9
بقيتي أمنجية و ل شنو .....؟؟؟؟
غياظة ....
|
Post: #11
Title: Re: بوست ونـسـة
Author: kamal omer
Date: 01-28-2013, 06:36 AM
Parent: #10
يا راوية
تحياتي
و الله أنا زاتي عاوز أتونس ، و نتذكر أيام ( ........ ) * من القرن الماضي ، لكن خايف بكره ألقى إسمي معنون بيهو بوست
( أقبض ، و نسنجي جديد أحذروا منو )
* يا أخوانا الـ ( .......... ) عشان ما تتطلعونا و راوية عجايز .
|
Post: #12
Title: Re: بوست ونـسـة
Author: المسافر
Date: 01-28-2013, 06:42 AM
Parent: #11
Quote:
* يا أخوانا الـ ( .......... ) عشان ما تتطلعونا و راوية عجايز .
|
قصدك الدويم ... صاح؟
ياخ اللحو ليه حق في الغنا
|
Post: #13
Title: Re: بوست ونـسـة
Author: kamal omer
Date: 01-28-2013, 06:58 AM
Parent: #12
| Quote: قصدك الدويم ... صاح؟ |
المسافر
تحياتي
يا خي دي ايام القاهرة و الجامعة ، و أول دورة تجمع بالاتحاد العام و ( كنس ) الكيزان من جميع الاتحادات الفرعية
|
Post: #14
Title: Re: بوست ونـسـة
Author: kamal omer
Date: 01-28-2013, 07:00 AM
Parent: #13
بعدين يا المسافر ، إنت بتدردق فيني عشان أقول ليك سنة كم ؟
|
Post: #15
Title: Re: بوست ونـسـة
Author: Rawia
Date: 01-28-2013, 07:57 AM
Parent: #14
أوووووه كمال الربيع
التسجيلات الجديدة جابت لينا رئيس إتحاد القاهرة بتاع التجمع سنة حاجة وتمانين (بجد مامتذكرة السنة بالظبط)
ديك كانت أيام رائعة
نتلبس كل يوم المغربية ونمشي إتحاد الدقي (الفرعي)
نعمل بروفات الكورال ونلعب تنس طاولة(محاولات)
ونشرب شاي بلبن
شكرا ليكم كلكم عشان أديتوني فرصة نرحب بكمال برلومنا
____
كمال دا كنا قاطعين ليهو غنية عديييل
تقول لي يقول لينا ماتتغزلوا فيني
و نو ون إيز بيرفكت
|
Post: #16
Title: Re: بوست ونـسـة
Author: Rawia
Date: 01-28-2013, 08:06 AM
Parent: #15
والله لو خالتكم علوية عتقتني شوية وقدرت أتوفق في شغل البيت وترتيب زمنه فعلا فعلا ناوية أتونس
والرهيفة التنقد
ميرسي ياسنوية على التسالي والحاجات الحلوة
وتشكر يامعتز القريش وود الباوقة على مجايبكم الحلوة
أنا هنا جايبة أبو فروة
بتعرف أبو فروة يادينق؟؟
خخخخ شفت كيف؟
أما الاغنية ياعاطف
جاااااهزة ومستمتعة بيها لي يومين
بس شوووية مساعدة تقنية وتكون عندك
غنية ماحصلت
__
بحبكم جميعن
|
Post: #18
Title: Re: بوست ونـسـة
Author: kamal omer
Date: 01-28-2013, 08:14 AM
Parent: #16
Quote: التسجيلات الجديدة جابت لينا رئيس إتحاد القاهرة بتاع التجمع سنة حاجة وتمانين (بجد مامتذكرة السنة بالظبط)
|
يا راوية نلحقك قبل ما يجو الجماعة و يقولو كضابين و مزورين رئيس الاتحاد كان المرحوم عبد المكرم
كان لي الشرف أن أكون سكرتير مالي لأول دورة تجمع للاتحاد العام ، و عملت مع زملاء و اشقاء و أحباب أكن لهم كل الاحترام و التقدير ،
تحياتي للخالة علوية و ليها كل الصحة و العافية .
|
Post: #19
Title: Re: بوست ونـسـة
Author: أيمن الطيب
Date: 01-28-2013, 08:18 AM
Parent: #15
| Quote: بعدين يا المسافر ، إنت بتدردق فيني عشان أقول ليك سنة كم ؟ |
غايتو فى زول جاب سيرة التمنينات ماشين كويس,,
سلامات يا رايوة,,,
|
Post: #17
Title: Re: بوست ونـسـة
Author: Hani Arabi Mohamed
Date: 01-28-2013, 08:09 AM
Parent: #1
وُنُّسُتْ
|
Post: #20
Title: Re: بوست ونـسـة
Author: Rawia
Date: 01-28-2013, 08:36 AM
تتخيل في المداخلة الفاتت يا كمال جبت سيرة مكرم الله يرحمه ومسحتها طبعا الصدفة البحتة خلتني اكون مع من دفنوا مكرم أنا وأمين احمد إسماعيل ونجاة عبدالسلام وكمال الخولي رحمه الله
طيب منو الكان رئيس الاتحاد العام؟
محمد جمال؟؟؟؟
الازهر
|
Post: #21
Title: Re: بوست ونـسـة
Author: kamal omer
Date: 01-28-2013, 08:59 AM
Parent: #20
| Quote: غايتو فى زول جاب سيرة التمنيناتماشين كويس,, |
راوية ،
أها شفتي أيمن قعد يتبسم ،
رئيس الاتحاد العام كان المرحوم عبد المكرم ، محمد جمال الدين رئيس المجلس الستيني ، محمد الأمين يوسف نائب الرئيس ، صلاح أبو جبر السكرتير العام ، نزار محجوب الثقافي ، معاوية سعد الدين ، الهادي ، أعضاء اللجنة التنفيذية وبحاول أتذكر ليك الباقين .
بالنسبة لاتحاد القاهرة الفرعي برضو بحاول أتذكر أعضاء اللجنة التنفيذية .
نزار محجوب كان كتب عن الدورتين للاتحاد العام تقريباً في بوست رفاق مصر
ليك و ليهو التحية ، وكل الشباب و ربنا يغفر لي أخونا محمد أحمد آدم عبد المكرم و يرحمو
|
Post: #22
Title: Re: بوست ونـسـة
Author: معتز القريش
Date: 01-28-2013, 09:37 AM
Parent: #21
يا راوية كدا أنا وانتي بقينا أخوان أولاد أم يا بت علوية
يعني ما ينفع أطلب إيدك 
|
Post: #23
Title: Re: بوست ونـسـة
Author: حمد عبد الغفار عمر
Date: 01-28-2013, 09:48 AM
Parent: #22
خلاس كدا المنبر انتهى تب
زمان الناس بتكتب موضوع وبتونسوا جوا البوست
هسة انت كتبتيهو عنوان عديل يا راوية
بالغتي
دا البوست التالت للونسة
1- بوست دينق
2- بوست بلة
3- بوست راوية
4-
|
Post: #24
Title: Re: بوست ونـسـة
Author: وليد محمد المبارك
Date: 01-28-2013, 09:59 AM
Parent: #22
زحي لي اقعد جمبك ..!
|
Post: #25
Title: Re: بوست ونـسـة
Author: معتز القريش
Date: 01-28-2013, 11:48 AM
Parent: #24
| Quote: زحي لي اقعد جمبك ..! |
وليد إختشي 
|
Post: #26
Title: Re: بوست ونـسـة
Author: الامين موسى البشاري
Date: 01-28-2013, 12:06 PM
Parent: #25
الامين البشاري .........
مــّر من هنا،،،،،،،،،،،
|
Post: #27
Title: Re: بوست ونـسـة
Author: قيقراوي
Date: 01-28-2013, 12:14 PM
Parent: #25
Quote:
ففضلت أفترع خيط مخسوس لكي لا تضيع ونستي في خضم البوستات
أو كما قال هشام آدم قبل إعتذاراته
|
هو انت خاشة الفلم دا .. برضو؟
-----
دي كان مفروض يفرد ليها صفحة اعتذار براااااها ..
زي ما فرز صفحة للترحيب (البيش)
ياخي بكري مسخ العضوية بي الاوراق الثبوتية دي ..
تاني وين نلقوا زي دا
لا سوركتي .. لا امنة عبد الكريم
حالتي اسي راسم خريطة بيتنا عديييل كدا .. اقع بيها وين اسي؟
|
Post: #28
Title: Re: بوست ونـسـة
Author: هشام كمال عبادي
Date: 01-28-2013, 12:36 PM
Parent: #27
والله يا راوية انت من الناس البحترما في البورد ده ..
ومن بوستك ده انت اكيد زولة حبوبة ومرحة ..
بس عليك الله ما تهابشي لينا دينق دا يقوم ينط لينا بي اختشي حقو ديك ..
انا بجيب المفارش حقت ود البشرى ديك معاي ..
|
Post: #29
Title: Re: بوست ونـسـة
Author: توفيق عيسى مكي
Date: 01-28-2013, 12:54 PM
Parent: #28
سلام يا راوية ....
وسلام لناس مصر التمانينات كلهم
|
Post: #30
Title: Re: بوست ونـسـة
Author: رانيه محمد الشيخ
Date: 01-28-2013, 01:02 PM
Parent: #29
فى كراسى فاضيه ولا اجيب بنبرى
:))))
|
Post: #31
Title: Re: بوست ونـسـة
Author: ABUHUSSEIN
Date: 01-28-2013, 01:31 PM
Parent: #30
| Quote: بس عليك الله ما تهابشي لينا دينق دا يقوم ينط لينا بي اختشي حقو ديك .. |
ها ها ها ها هنا ....؟؟؟؟؟
لا يجرؤ بل و لا يفكر حتى ......
|
Post: #32
Title: Re: بوست ونـسـة
Author: tmbis
Date: 01-28-2013, 01:32 PM
Parent: #30
| Quote: حالتي اسي راسم خريطة بيتنا عديييل كدا .. اقع بيها وين اسي؟ |
أول حاجة منتهى الانصرافية ..
نحن جايين نتونس .. انت جاي ترقمممم
..
انت يا راويـة بقيتي كوزة الايامات دي واللا شنـو ..؟
|
Post: #33
Title: Re: بوست ونـسـة
Author: طارق ميرغني
Date: 01-28-2013, 01:42 PM
Parent: #32
لحدت هسي منتظرين ونسة راويه الوعدت بيها
ودي لكم جميعا
|
Post: #34
Title: Re: بوست ونـسـة
Author: قيقراوي
Date: 01-28-2013, 01:44 PM
Parent: #32
Quote:
أول حاجة منتهى الانصرافية ..
نحن جايين نتونس .. انت جاي ترقمممم
|
عليك الله ابصلعة ما بالغ معانا؟
-------
يعني تاني مافي شخصيات وهمية؟
ما ضيع الوهم القاعدين طيب كدا!
|
Post: #35
Title: Re: بوست ونـسـة
Author: محمد حامد
Date: 01-28-2013, 04:37 PM
Parent: #34
سلام للمونساتية
وإيه الدنيا غير لمة ناس في خير
حبوبتي كانت تكافيء النسوان البيجن يونسنها بي إنو الونسة ما محسوبة في العمر.
|
Post: #36
Title: Re: بوست ونـسـة
Author: ود الباوقة
Date: 01-28-2013, 04:47 PM
Parent: #35
بالله يا شباب اذا محتاجين اي حاجة انا جاي عليكم
خلوني اجيبا معاي ..
وشكرا
|
Post: #37
Title: Re: بوست ونـسـة
Author: heba Elmahi
Date: 01-28-2013, 04:55 PM
Parent: #36
و دي قعدة معقولة تفوتني الونسة بي فشارها و عصايرها و مزيكتها دي !! أمبسبول
و ما تقولي يا راوية الليلة قالوا لينا تعالوا الشغل الساعة 12 عشان الجو العجيب دا
اها النبي ما بلقي عندكم عصيدة و ملاح حار كدة اجئ افطر معاكم ؟
تحياتي للجميع
|
Post: #40
Title: Re: بوست ونـسـة
Author: Rawia
Date: 01-28-2013, 08:43 PM
Parent: #37
يادوب ماتخرجت وأول مرة أشتغل في مدرسة خاصة في شارع الهرم تبعد من البيت مسافة سبعة لعشر دقايق مشي من البيت.. في المدرسة عملت لي سمعة مش بطالة بعد شهر شهرين وإترستقت وبقيت مطلوبة وبشدة .المهم جاتني مدرسة زميلة قالت لي عاوزنك بالاسم تدرسي لينا بتنا دروس خصوصية في البيت.. البت بت حماتها أخت زوجها وبت خالتها ..خاتين إيدهم منها في الشق ..بلادة على دلع على عدم إهتمام من الام لكن حبوبتها مهتمة جدا تنجح البت والدليل إني درست البت دي من اولى إبتدائي لغاية تانية ثانوي في بيت حبوبتها ولشديد القوي كنا بناخد احيانا حصص في بيتهم نسبة لسفر (أنا) مثلا ودا الاسم البينادوا بيهو حبوبتهم هم اصلا من الصعيد من ديروط والد أنا دي كان باشا وممثل بلدهم في المجلس وزوجها كان برضو إبن ناس وكدا بالرغم من انها فقدتو في ريعان شبابه لكن فضلت على العهد وربت تلاتة ولدين وبنت لغاية ما إتخرجوا قامت إستعملت ماتبقى من نفوذ الباشا لينالوا وظائف معتبرة ويصبحوا ارقاما في المجتمع فتم توظيف الباشمهندس أشرف البكر - وزوج الباشمهندسة مروة زميلتي مدرسة الرياضيات- في المقاولون العرب ونانسي والدة خلود تلميذتي في البنك العربي الشنو كدا وظيفة محترمة بمرتب محترم أما أصغرهم وبطلنا شريف فقد تم توظيفه في نفس شهر تخرجه في رئاسة مجلس الوزراء حتة واحدة لكن ولانه زول صعب وملول وعاوز يبقى غني بسرعة بعد سنة بس خلى الوظيفة وإتجه للعمل الحر ..بقى تاجر يجيب المواد الخام ويعبي ويوزع لتجار القطاعي ....نجي للدروس أنا زولة محترمة ومرتبة ومواعيدها مظبوطة وبتعرف تتعامل مع الكل إرتحت جدا ليها وبقيت اجي كل يوم تستقبلني في شقتها الصغيرة جدا ونجلس انا وخلود في الصالون المدهب المغطى لحين وصول الضيوف خلود بنت جميلة جدا بعيون ملونة وشعر أشقر تحتاج أن تزيحه لتجلس تهتم باناقتها وشعرها جدا أغلب الاوقات بتكون فارداهو في الكوافير..هنا بتكلم عن شابة مفعوصة عمرها ست سنوات.. المهم دروس كل يوم وأخدنا على بعض يوم جيتهم أنا قالت لي معليش يا مس راوية الليلة حتاخدو الحصة في اوضة النوم وجابت ليها عذر كدا مامتذكراهو بالظبط قلت ليها ماشي يا انا دخلت اوضة النوم والاوضة الوحيدة في الشقة الصغيرة دي لقيت سرير دبل كبير مالي تلاتة ارباع الاوضة لكن بالرغم من كدا قدرت أنا توضب لينا تربيزة نص في جزء من الغرفة ومقعدين زي البنابر الاوضة ضيقة فعلا المهم قعدنا ناخد في الحصة وفجأة أسمع (زعيق) وصريخ برة ودخل علينا مروان أخو خلود عيونه منططة وأنا تقول إلحقي ياميس راوية شريف هيضيع مني ..شريف هيدخل السجن..عاوز يموت ويموتني...أها انا لسة ما إستوعبت الحاصل دخل علينا الاوضة زي إعصار زول وهايج ومشى على ادراج الكومدينو وقعد يبحت ..لسة أنا بتستنجد بي وتقول لي الحقيهو يا ميس راوية ..المهم بسرعة أخدت لي خطوة كبيرة والتانية لقيت روحي في الباب -الكويس انا خاتة المفتاح فيهو ..طوالي قفلت الباب بالمفتاح ووقفت فيهو اديت الباب ضهري لقيت زول واقف قدامي عيونو حمرا وشرارة هنا لاول مرة أتبين ملامحو -صراحة واخر مرة- شاب في طولي وعندوصلعة وعيونو ملونة زي أهله وشايل لي مسدس في إيدو طبعا خفت لكن قويت قلبي وقلت ليهو بلهجة مصرية أحسد عليها وطريقة فاتن حمامة ماتقدر عليها ( مش هتخرج ياشريف)..سيبيني ياميس راوية أنا مش حا سيبوا ... مش هتخرج ياشريف...دي أنا لووول سيبيني أنا فلوسي برة طيب سيبيني اروح اجيبها .. إنت مش حتتنقل من مكانك وأنا هنزل أجيبهم لك المهم مع مروان وبي مساعدته طلعنا انا وهو واخته وقفلنا على أونكل شريف باب الاوضة ونزلنا نزلت الشارع لقيت شنطة هاندباق متوسطة الحجم مليانة فلوس لي عين أيمان أمها صراحة دا اكبر مبلغ أشوفو وأشيلو بايدي رفعت الشنطة لانا وقلت ليها خليهو مقفول لغاية مايهدى ومشيت البيت أتاري الحكاية شريف متشاكل مع جاروا في ركن العربية والمحل البيركنوا فيهو العربية وصاحبنا صعيدي أحمق المهم تاني يوم لما جيت للدرس أنا قالت لي شريف عاوز يكلمك إتصلت بيهو إتكلم معاي إعتذر لي على إنفعاله بتاع أمس.
|
Post: #38
Title: Re: بوست ونـسـة
Author: الصادق محمد عثمان
Date: 01-28-2013, 08:02 PM
Parent: #30
راوية يا اجمل رواية
احجزى لى مكان شكلها ونسة كاااااربة
واكثري من اللذي منوو
تحياتي
|
Post: #39
Title: Re: بوست ونـسـة
Author: امير طمبل
Date: 01-28-2013, 08:25 PM
Parent: #38
راوية و ضيوفك مساء الخير
الونسة هنا في الحوش ده تنقسم الي عدة فروع كما كان في الماضي
ونسة أنصار
ونسة شيوعيين
ونسة إتحاديين
ونسة كيزان
ونسة حنك النمل
ممكن تتحدي لينا نوعية الونسة عشان ندور ولا كيف
بالجمبه كده م ش ت ا ق ي ن
|
Post: #41
Title: Re: بوست ونـسـة
Author: Rawia
Date: 01-28-2013, 09:01 PM
Parent: #39
ونسة دي ولا ماونسة يامتعلمين يابتوع المدارس
جاياكم وياهبة تعالي للعصيدة بالنعيمية
بس قبل ماتبرد
الصادق منور والله ياوسيم
صورتك الخايف عليها النبي نزلها لينا هنا او رسلها لي
عملنا ليك بيها شغل جامد ياحليلها عزوز
|
Post: #42
Title: Re: بوست ونـسـة
Author: ABUHUSSEIN
Date: 01-28-2013, 09:28 PM
Parent: #41
| Quote: ونسة دي ولا ماونسة يامتعلمين يابتوع المدارس |
دي ما ونسة يا راوية ......
عايني لي جاي لو حا تكتبي لينا نوع المداخلة اللي بالأمتار دي ..؟؟ أديني قروشي خليني أنزل ...
الونسة خد و هات .. تنبذني و أنبذك ....
دي الونسة اللي بنعرفها نحن ....
دا بوست قصة طويلة ياراويه و ما بخارج معاي ....
|
Post: #43
Title: Re: بوست ونـسـة
Author: Rawia
Date: 01-28-2013, 09:32 PM
Parent: #41
ياقيقراوي قال ليك
كل ما أنبت الزمانو قناتون ركب المرء للقناتي سنانو
والمافي شنو
|
Post: #44
Title: Re: بوست ونـسـة
Author: وليد محمد المبارك
Date: 01-28-2013, 09:38 PM
Parent: #43
| Quote: ونسة دي ولا ماونسة يامتعلمين يابتوع المدارس |
مي الشمال لليمين
|
Post: #45
Title: Re: بوست ونـسـة
Author: Balla Musa
Date: 01-28-2013, 09:44 PM
Parent: #44
يا اخوانا
الأيام دى بعانى من حالة فط من الجنس اللطيف!!
|
Post: #46
Title: Re: بوست ونـسـة
Author: قيقراوي
Date: 01-28-2013, 09:53 PM
Parent: #43
Quote:
ياقيقراوي قال ليك
كل ما أنبت الزمانو قناتون ركب المرء للقناتي سنانو
|
صراحة انا بعجبني الزول الفارز عيشتو
---
برضو الزول الواثق من روحو شديد ..
زي الدعوهو لصلاة الاستسقاء .. جاهم شايل مظلتو في ي ي ي. ييدو!
|
Post: #47
Title: Re: بوست ونـسـة
Author: Rawia
Date: 01-28-2013, 10:15 PM
Parent: #46
ههههههههه يابلة أنا يادوب يومي إنتصف
عملت نص الشغل لو مالحقت النص التاني بتركنن لي الحاجات وبيغلبني بعدين
بعدين الزول فيري اوفروليمد وكدا كمية من المداخلات الثرة والناس الجميليين
وعلى قول سهام ذات بوست ونسة
النضال مستمر
يابو حسين بدل ما تمتر وتعبر ارفع لي من روحي المعنوية وقول لي أبدي إتفقي مع دار نشر وكدا
أصلو بورد بكري دا مسرح لولادة العباقرة والكتاب
أسألني أنا دي
عمر الفاروق
طبع ديوان شعري من ورا قفا البورد دا
وبعدين كلو موجود المافي شنو؟
|
Post: #48
Title: Re: بوست ونـسـة
Author: Rawia
Date: 01-28-2013, 10:20 PM
Parent: #47
قبل ما أغيب فترة قصيرة (ماتقلق يادينق راجعة للونسة) نطلب من أمير يفتح بوست بكل نوع من أنواع الونسات الحددها دي
دعما للنضال واملا في تغيير الحكومة
_______
بفكر الصفحة التالتة أنزل فيها سميرة دنيا
عشان زيي وأنا مستواهو
ونفتح الاوضة على البرندة ونشيل المزيرة ونخت كووولر
يلا حد واخد منها حاجة
|
Post: #49
Title: Re: بوست ونـسـة
Author: shaheen shaheen
Date: 01-28-2013, 10:41 PM
Parent: #48
الاغنية عن كمال الربيع كانت
فى طبعو هادى ووديع
يشبه كمال الربيع
والشعار لاسامة خضر كان
اسامة خضر نقابى خطر
***
ضيعنا عمرنا فى كلام لايستحق , وبعد ان ضاع اكتشفنا ان الحياة مثل كيس (شيبسى) الذ واطعم واسهل مما نتخيل .
تحياتى يا عسولة .
***
بالمناسبة قبل كم اسبوع كان فى عرس قريب (مزمل نافع) وقابلتا اساطير من نوعية (مزمل نافع) و (كوراشى الشهير بـ عاطف مختار وزوجته امال سر الختم) (الفاتح شركس) وطبعاً (كمال قسم الله) و(عزت هندسة) ورجل الاعمال غير الشهير (محمد ود الماحى) و (علاء سكر) وغاب دون عذر شرعى (زهير غندور) .
شوفتى كيف , مفيش فايدة يا صفية .
ربنا يحفظك ,ويحفظ اسرتك , ويحفظ لينا ام الدنيا مصر .
|
Post: #50
Title: Re: بوست ونـسـة
Author: سناء عبد السيد
Date: 01-29-2013, 02:15 AM
Parent: #49
Quote: وأنا علي الفيشار وبنبر زيادة للضيوف ونقرشة خفيفة ع العود
أما بعد
مشتاقين يا رواية وسناء شوقا يبقصو منو وحاة شيخ وضاحة |
شيل عودك و تعال يا ود القريش و انا بجيب الأورق بتاعي و بعزف ليكم عزة في هواك :) و مشتاقين بالأكتر
يا سلام البوست ده لامي الناس القدام بس البرلوم الاسمه عمر كمال ده ما دايرينه في الشلة دي الونسة دي للناس الكبار تسجيلات 2008 و لغادي .. بالجد يعني و القطيعة دي بيني و بينكم البرالمة ديل ما كتروا و مسخوا في المنبر ده ؟؟ .. بالله الواحد يفتح الصفحة الاولى ما بلقي لي اسم زول بعرفه لمن يستغرب يقول يا ربي انا في ياتو منتدى.. الباش مهندس شكله ناوي على السناير
|
Post: #51
Title: Re: بوست ونـسـة
Author: Balla Musa
Date: 01-29-2013, 02:30 AM
Parent: #50
سناء السيد
حرام عليك
البرالمة كلهم طلعوا بتاعين ونسة
لافيهم حداثى
ولافيهم بنيوى
ولا فيهم مفككاتى
ولافيهم عضو فى جمعية (لا لقهر الرجال)
جايين شايلين الباسويرد بنبر واليوزر نيم ضل ضحى !!
غايتو أنا لو ماخايف من فتحى البحيرى كنت عصرت طايوقى وعملت جمعية ( لا لقهر البرالمة)
وحزب (الرفق بالبرلوم )!!
|
Post: #52
Title: Re: بوست ونـسـة
Author: سناء عبد السيد
Date: 01-29-2013, 02:40 AM
Parent: #51
سناء السيد
Quote: حرام عليك
البرالمة كلهم طلعوا بتاعين ونسة
لافيهم حداثى
ولافيهم بنيوى
ولا فيهم مفككاتى
ولافيهم عضو فى جمعية (لا لقهر الرجال)
جايين شايلين الباسويرد بنبر واليوزر نيم ضل ضحى !!
غايتو أنا لو ماخايف من فتحى البحيرى كنت عصرت طايوقى وعملت جمعية ( لا لقهر البرالمة)
وحزب (الرفق بالبرلوم )!! |
ما ده المزعلني يا دكتور .. انهم كلهم بتاعين ونسة و الحكاية دي حتأثر في مستوى البورد .. اسه شوف العدوى انتقلت لينا نحن السناير و بقينا فاتحين بوست ونسة .. و بعدين شكلهم كلهم ما جايبين درجة المرور و داخلين قبول خاص .. لعن الله الواسطة :)
|
Post: #53
Title: Re: بوست ونـسـة
Author: المسافر
Date: 01-29-2013, 04:57 AM
Parent: #52
Quote:
حبوبتي كانت تكافيء النسوان البيجن يونسنها بي إنو الونسة ما محسوبة في العمر |
ياود حامد حبوبتك عندها نظرة عميقة في النسبية
هناك من يعتقد بأن العمر رايح وبرضو في مرات يعتقد في إن اللحظات الجميلة التي أودعها في أعماق إنسان آخر تظل وديعة تعاد إليه مع الذكريات في كل مرة يهفو فيها إلى ذلك الإنسان...
كم إنسان في دواخلك بودائعه الثمينة يعاد تكوينه مع اللحظات عمرا يعود مرات ومرات
|
Post: #54
Title: Re: بوست ونـسـة
Author: وليد زمبركس
Date: 01-29-2013, 05:03 AM
Parent: #52
أنا ما بشرب قهوة لكن ونستكم حلوة و عَجَبَتنى، بالله كبّو لى خمسة كبّايات نسكافيه بالحليب و لمّا الشاى يجهز نادونى .
كثرة التعديل تفضح البرالمة و إن تخفّوا فى الظلام.
|
Post: #55
Title: Re: بوست ونـسـة
Author: ود الباوقة
Date: 01-29-2013, 05:13 AM
Parent: #54
يا شباب
السحلب معاكم كيف ؟؟؟؟
|
Post: #56
Title: Re: بوست ونـسـة
Author: معتز القريش
Date: 01-29-2013, 05:40 AM
Parent: #54
أها يا سناء أنا جبت عودي وجيت إنتي أورغنك وينو ؟؟
تعرفي قصتك دي ذكرتني قصة حصلت لي في بنطون الدويم
Quote: شيل عودك و تعال يا ود القريش و انا بجيب الأورق بتاعي و بعزف ليكم عزة في هواك :) و مشتاقين بالأكتر
يا سلام البوست ده لامي الناس القدام بس البرلوم الاسمه عمر كمال ده ما دايرينه في الشلة دي الونسة دي للناس الكبار تسجيلات 2008 و لغادي ..
بالجد يعني و القطيعة دي بيني و بينكم البرالمة ديل ما كتروا و مسخوا في المنبر ده ؟؟ ..
بالله الواحد يفتح الصفحة الاولى ما بلقي لي اسم زول بعرفه لمن يستغرب يقول يا ربي انا في ياتو منتدى.. الباش مهندس شكله ناوي على السناير |
في سنة ألفين وتمانية نزلت إجازة السودان وكنت نازل بسيارة فورد إكسبلورر
أها طبعا أنا عندي عشق خاص للدويم ـ اتولدت واتربيت وقريت فيها وجيت في الآخر عرست منها
وكل ما انزل إجازة بسلم على الوالدة والوالد وبتوكل على الدويم
أها جيت البنطون الله يرحمو ويوسد روحو الجنة
حيث اغتاله كبري البشير في العام قبل الماضي
طبعا الدويم ومنذ التمانينات بدأت فيها هجرة بصورة عجيبة
كل ناس الدويم الأصليين انتقلوا للخرطوم أو ربك
ناس ماشة للمعيشة وناس اولادن كبرو ودخلو الجامعات
مشو قعدو معاهم عشان ما يعلمو الدرب ساساقة
وناس أولادهم اغتربو وبقت التلفونات صعبة عليهم من الدويم
وكذلك التحويلات المالية (الرقعة يعني)
وبعد داك البلد اتملت بناس من ضواحي الدويم ومناطق تانية
وقبائل وأجناس اول مرة نسمع بيها المهم البلد بقت ما ياها البلد
والناس ما ياها الناس إلا قليلا ممن قبضو على الجمر وظلوا في الدويم
وطبعا قبل الهجرة العجيبة دي كان الواحد يمشي في الشارع يسلم على الشارع
كلو من البيت للسوق ومن السوق للمستشفى ومن المستشفى لدار الرياضة
ولمن ندخل السينماء بتلقى الناس كللللللهم يا أهلك يا جيرانك يا زملانك
أها يا ستي وما سيدك إلا أنا هههههههههههه
كان العسكري المسؤول في البنطون ولد من أولاد الهوسا
الاتولدو واتربو معانا في الحلة التحت ـ طبعا لاقاني بكل ترحاب
ووقف معاي لما دخلت العربية البنطون ونزلت واقف بتونس معاهو
جاء واحد سلم عليهو : كيفك يا عمراية (اسم الدلع من عمر)
وواصل سلم علي وقال ليهو : الزول دا من الدويم ؟
العسكري عاين للزول عين والله أنا حنيت عليهو منها
ورد عليهو بعنف وبديهة رباطابية
قال ليهو لا ما من الدويم من الدويم انت يا عربي الهلبة
وبدا يسرد ليهو في تاريخ الدويم وفي علاقتو بي وبي أخواني
وطبعا زولكم واقف مشدود مرة يدنقر ومرة يرفع راسو
ومافي اي طريقة يتخارج البنطون اتحرك والبتكلم عسكري
يعني بقت عليهو العسكري امامكم والبحر من تحتكم
توتة توتة خلصت الحدوتة
عليكم الله ما أحلا من قصة راوية بتاعة مصر والمسدس والصعيدي
|
Post: #57
Title: Re: بوست ونـسـة
Author: Rawia
Date: 01-29-2013, 05:47 AM
Parent: #54
سناء إنت جادة؟؟؟
ياخ الدنيا دي إتبنت على التغيير والتجديد مالك مقاشرة البرالمة
بالنسبة لي كمال الربيع ياخ دا مابرلوم بالنسبة لي على الاقل
دي عشرة ومعرفة لاكتر من 25سنة ماشفنا منو الا كل خير
وما إندفقت الموية بينا
ناس حلوين وحبوبين شكلوا وساهمو في تشكيل وجداناتنا
شاهين مثلا ياخ دا علاقة عميقة وجميلة ولو شفتي كل اللستة القالها دي
مايتفضلهم عليك
ضحكنا واتونسنا وذاكرنا وفلسنا ولقينا قروش والعندو ادى الماعندو وإتزوجوا من بعض وعرفناهم أسر بعد كدا وسبحان الله الذي يوالف القلوب
وبحبهم والله وبحب أيامي في أم الدنيا
ومرحب بكل البرالمة في البورد وف البوست دا
______
هنا في فرجينيا ياشاهين موجودين أمنة أبوقصيصة ودكتور وليد أحمد مكي أزرق (بيطرة القاهرة...وليد وياسر) وأنا ... وعلاقتنا متواصلة وجميلة وفخورة بيهم وبي وقفتهم معاي .
|
Post: #58
Title: Re: بوست ونـسـة
Author: معتز القريش
Date: 01-29-2013, 06:18 AM
Parent: #57
| Quote: وبحب أيامي في أم الدنيا |
والله يا بت أمي علوية نحنا برضو بنحب ايامنا في الدويم
أها جبنا العود وجينا
بنطون الدويم ـ كانت لنا ايام
الفورد الاكسبلورر المذكور في القصة الفوق
ونواصل
|
Post: #59
Title: Re: بوست ونـسـة
Author: maia
Date: 01-29-2013, 06:43 AM
Parent: #58
صباح الخير على الورد اللي فتح في جناين مصر يا راوية وعلى ضيوف البوست اللذيذ الجميل
جبت كباية الشاي بتعتي من الصباح وقعدت استمتع بالونسة الجميلة
بقترح بمناسبة (أنا) وخلود وشريف ومصر ام الدنيا تبدوا لينا باغنية لعبدالحليم الجميل البيذكر بمصر العزيزة
نشترك يا راوية في حب مصر وشوارعها وحكاياتها
|
Post: #60
Title: Re: بوست ونـسـة
Author: وليد محمد المبارك
Date: 01-29-2013, 06:54 AM
Parent: #58
Quote: عمر الفاروق
طبع ديوان شعري من ورا قفا البورد دا |
زيو زي اسامه الخواض واااااااحد
|
Post: #61
Title: Re: بوست ونـسـة
Author: shaheen shaheen
Date: 01-29-2013, 02:24 PM
Parent: #60
اوسكار يا معتز , يا قول مرأة المرحوم (ماركس) ياريت لو كنا عملنا راس مال بدل ما نضيع عمرنا فى نقد راس المال .
|
Post: #62
Title: Re: بوست ونـسـة
Author: علي محمد الفكي
Date: 01-29-2013, 03:19 PM
Parent: #61
رونالدو ح يستمر يصفق لي ميسي
ولا ميسي ح يصفق لي رونالدو
ننتظر لي بكرة طيب
الرياضة دبلماسية شعبية
يعني كلامي دا ما ونسة
|
Post: #63
Title: Re: بوست ونـسـة
Author: عبد المجيد محمد
Date: 01-29-2013, 04:43 PM
Parent: #62
يا ست راوية ازيك ياخ
ونستكم حلوة خلاس .. علا انا جيت اسلم وماشى -
ممكن !!
|
Post: #64
Title: Re: بوست ونـسـة
Author: محمد حامد
Date: 01-29-2013, 05:08 PM
Parent: #63
Quote: ياود حامد حبوبتك عندها نظرة عميقة في النسبية
هناك من يعتقد بأن العمر رايح وبرضو في مرات يعتقد في إن اللحظات الجميلة التي أودعها في أعماق إنسان آخر تظل وديعة تعاد إليه مع الذكريات في كل مرة يهفو فيها إلى ذلك الإنسان...
كم إنسان في دواخلك بودائعه الثمينة يعاد تكوينه مع اللحظات عمرا يعود مرات ومرات |
شكرا يا المسافر
وتقريبا يقال إنو (الضحك) عموما يزيد عمر الإنسان
ومجالس حبوبة لا تخلو من الضحكات (المنتزعة) فقد كانت مرجعا ثقافيا للكثيرات ومركزا للأخبار والتحليل الموقع بإستغفر الله من طاري الناس كل خمسة دقائق
|
Post: #65
Title: Re: بوست ونـسـة
Author: Raja
Date: 01-29-2013, 10:32 PM
Parent: #64
لاولا وضيوفها جميعا... بندحرج التماسي
جابتني الونسة طبعن. وجابني سيرة الحبيبة (أم الدنيا) وكل من داس أرضها وشرب مويتها ودرس في جامعاتها..
والصدفة الحلوة هسع جيت من مشوار مشيت إستلمت الحاجات الرسلوها لي أهلي.. (حلاوة المولد) وبسكويت نشادر ولبن بدرة (نيدو) وصلوني حاااارين من أم الدنيا مع صاحبتي التونسية البتزور أهلها.
أها وبما إنه الموود اليومين دي هنا ونسة وكده.. قلت أشارككم حيرتي: أعمل كباية شاي بلبن البدرة وآكل معاه البسكويت. (أم) أكتفى بأكل حلاوة المولد الليلة؟؟ ههههههههههه
ــــ
ما يفوتكم. غير السودان ومصر مافي أي بلد بيعرف حلاوة المولد. أما لبن البدرة. فتونس عنه براء
|
Post: #66
Title: Re: بوست ونـسـة
Author: kamal omer
Date: 01-30-2013, 09:19 AM
Parent: #65
شاهين .... يا شاهين
ياخ و الله ليكم وحشة ، و ما شاء الله ذاكرتك حديد ، عيني باردة
أخبارك و أحوالك ، و الله لو ما خوفاً من سناء كنت أطلب أغنية صدفة ، شفت قوة عين البرالمة ؟
أها جاتكم رجا بي حلاوة المولد كمان ، و مشتاقين يا رجا
يا سنا عليك الله لمة زي دي كان ما حسادة منك ساي كده ، عاوزة تفوتينا ليها ؟
|
Post: #67
Title: Re: بوست ونـسـة
Author: المسافر
Date: 01-30-2013, 11:06 AM
Parent: #66
Quote:
والله يا بت أمي علوية نحنا برضو بنحب ايامنا في الدويم
|
في الدويم يملأ قلبك الإنسان قبل أن تستوي في حوافي رئتيك الهواء الطرئ
تحس بأبعاده كما تحس بالاتجاهات والشوارع وأطراف السوق
تواكله فتجد النكهة طيبة أطيب من الطعام الشهي
وتغادرها فتباريك على طول الشارع حتى تظن بأنك ممسوك بأم زي زي
|
Post: #68
Title: Re: بوست ونـسـة
Author: معتز القريش
Date: 02-14-2013, 06:06 PM
Parent: #61
اوسكار يا معتز , يا قول مرأة المرحوم (ماركس) ياريت لو كنا عملنا راس مال بدل ما نضيع عمرنا فى نقد راس المال
---------------
لازم تمسخ علي فورديني يعني ههههه
|
|