Post: #1
Title: قتل مدير المدرسة وقطع عضو حساس لمعلم انتقاما لاغتصاب تلميذ
Author: معتصم محمد صالح
Date: 01-27-2013, 10:55 AM
قام والد احد الطلاب بقتل مدير مدرسة ابنه واستاذ بالمدرسة عقب اكتشافه ان ابنه التلميذ بالمدرسة قد تعرض لعملية اغتصاب تم اثباتها بواسطة الطبيب واشارت اصابع الاتهام الى المعلم القتيل الذي تعرض لقطع جزء حساس من جسده قبيل قتله .
حدث باحد احياء القاهرة .. بمصر ( أم الدنيا ) ومعلمة الشعوب
|
Post: #2
Title: Re: قتل مدير المدرسة وقطع عضو حساس لمعلم انتقاما لاغتصاب تلميذ
Author: Mohammed Sedeq
Date: 01-27-2013, 10:58 AM
Parent: #1
الاستاذ يستاهل المدير ذنبه شنو لكن
|
Post: #3
Title: Re: قتل مدير المدرسة وقطع عضو حساس لمعلم انتقاما لاغتصاب تلميذ
Author: فايزودالقاضي
Date: 01-27-2013, 11:18 AM
Parent: #2
يستاهل عشان يكون عبرة لغيره ..
|
Post: #5
Title: Re: قتل مدير المدرسة وقطع عضو حساس لمعلم انتقاما لاغتصاب تلميذ
Author: عادل عبدالعزيز عبد الرحيم
Date: 01-27-2013, 11:29 AM
Parent: #3
يستاهل يا نيستا
يا فائز هسسع دا لو ربك غفر لو ودخل الجنة يتعامل كيف مع بنات الحور مع قطع العضو الحساس ده
|
Post: #9
Title: Re: قتل مدير المدرسة وقطع عضو حساس لمعلم انتقاما لاغتصاب تلميذ
Author: فايزودالقاضي
Date: 01-27-2013, 12:49 PM
Parent: #5
عادل ..سلامات
Quote: يستاهل يا نيستا
يا فائز هسسع دا لو ربك غفر لو ودخل الجنة يتعامل كيف مع بنات الحور مع قطع العضو الحساس ده |
ياعادل الانسان وقت يموت جسمه كله يتحلل بالعضو بتاعه فاعتبره ياخي تحلل مع الجسد وربنا ببعثه كامل فكل جزء من جسم الانسان سينطق لحاله .
بعدين المغتصب بقى شهيد متين عشان يدوهوا حور عين ؟ انت بقيت كوز دجال ولا شنو ؟!!!
|
Post: #4
Title: Re: قتل مدير المدرسة وقطع عضو حساس لمعلم انتقاما لاغتصاب تلميذ
Author: مهدي صلاح
Date: 01-27-2013, 11:27 AM
Parent: #2
بس ان شاء الله الخبر يصل المدارس الخاصة عندنا والتي شهدت حوادث مشابهة ...
مطلوب من المعتصم عبدالرحيم وزير التربية بولاية الخرطوم انو يوصي المدرسين ممن يغتصبون تلاميذهم على اللغاليغ ، المعتصم دافع باستماتة عن من اتهموا في تلك الحوادث قائلا ان الامر لم يتعدى كونه تحرشا جنسيا
|
Post: #6
Title: Re: قتل مدير المدرسة وقطع عضو حساس لمعلم انتقاما لاغتصاب تلميذ
Author: saidahmed shami
Date: 01-27-2013, 11:30 AM
Parent: #4
نسال الله السلامه
نيستا حمدالله علي سلامة الوصول
|
Post: #7
Title: Re: قتل مدير المدرسة وقطع عضو حساس لمعلم انتقاما لاغتصاب تلميذ
Author: عادل خياري
Date: 01-27-2013, 11:35 AM
Parent: #6
والله ياريت فعلا الخبر ده يصل المدارس الخاصة في السودان
سلام صاحب البوست وضيوفه
|
Post: #8
Title: Re: قتل مدير المدرسة وقطع عضو حساس لمعلم انتقاما لاغتصاب تلميذ
Author: وليد محمد المبارك
Date: 01-27-2013, 11:36 AM
Parent: #7
عاااااااااااااااااااافي منو
راجل راضع من شطر امو تمام
|
Post: #10
Title: Re: قتل مدير المدرسة وقطع عضو حساس لمعلم انتقاما لاغتصاب تلميذ
Author: نور الدين عثمان
Date: 01-27-2013, 01:01 PM
Parent: #8
عفيت منو ..
|
Post: #11
Title: Re: قتل مدير المدرسة وقطع عضو حساس لمعلم انتقاما لاغتصاب تلميذ
Author: أحمد الشايقي
Date: 01-27-2013, 01:18 PM
Parent: #10
| Quote: مطلوب من المعتصم عبدالرحيم وزير التربية بولاية الخرطوم انو يوصي المدرسين ممن يغتصبون تلاميذهم على اللغاليغ ، المعتصم دافع باستماتة عن من اتهموا في تلك الحوادث قائلا ان الامر لم يتعدى كونه تحرشا جنسيا |
في المدارس السودانية يعتبر التعدي الجنسي في حكم الأمر الشائع ورغم ذلك فهو من المسكوت عنه وسط طغيان الافتراضات الزائفة بهيبة المعلمين وسمعة المدرسـة.
الغريبة أن إدارات التعليم وأولياء الأمور هم آخر من يعلمون والمشهورون بهذه الافعال من المعلمين يعيشون في كامل حماية مجتمع أدمن الغباء والهبـل.
أحمد الشايقي
|
Post: #13
Title: Re: قتل مدير المدرسة وقطع عضو حساس لمعلم انتقاما لاغتصاب تلميذ
Author: وضاح عبدالرحمن جابر
Date: 01-27-2013, 01:37 PM
Parent: #11
والله الواحد ما عارف يقول شنو .. الغبن مصيبه والظلم مصيبه
من جهه تقول راجل ضكر ... ومن جهه كمان قتل ليهو نفسين .. ويتم اولادو هو زاتو .. يعنى عاوز يقدم ليهم الحماية وفى الاخر تركهم بلا حماية
|
Post: #12
Title: Re: قتل مدير المدرسة وقطع عضو حساس لمعلم انتقاما لاغتصاب تلميذ
Author: كمال ادريس
Date: 01-27-2013, 01:32 PM
Parent: #10
Quote: ياعادل الانسان وقت يموت جسمه كله يتحلل بالعضو بتاعه فاعتبره ياخي تحلل مع الجسد وربنا ببعثه كامل فكل جزء من جسم الانسان سينطق لحاله .
بعدين المغتصب بقى شهيد متين عشان يدوهوا حور عين ؟ انت بقيت كوز دجال ولا شنو ؟!!!
|
أوسكار ياعمك
-------
سلام يامعتصم
|
Post: #14
Title: Re: قتل مدير المدرسة وقطع عضو حساس لمعلم انتقاما لاغتصاب تلميذ
Author: عوض محمد احمد
Date: 01-27-2013, 03:44 PM
Parent: #12
شريعة الغاب
و انتم تؤيدونها دون روية
كم من قصص يختلقها الاطفال ذوى الخيال الخصب
و ماذا ترك هذا الرجل للقضاء بمختلف درجاته
و متى كان عقاب التحرش او الاغتصاب هو القتل: و قتل اثنين و التمثيل بجثة احدهما؟؟؟؟
|
Post: #15
Title: Re: قتل مدير المدرسة وقطع عضو حساس لمعلم انتقاما لاغتصاب تلميذ
Author: وليد محمد المبارك
Date: 01-27-2013, 04:00 PM
Parent: #14
نعم عقوبة الاغتصاب هي القتل
ولا شي سواه
ويستاهل ..
|
Post: #16
Title: Re: قتل مدير المدرسة وقطع عضو حساس لمعلم انتقاما لاغتصاب تلميذ
Author: smart_ana2001
Date: 01-27-2013, 04:07 PM
Parent: #14
| Quote: عقب اكتشافه ان ابنه التلميذ بالمدرسة قد تعرض لعملية اغتصاب تم اثباتها بواسطة الطبيب واشارت اصابع الاتهام الى المعلم القتيل |
د. عوض
| Quote: كم من قصص يختلقها الاطفال ذوى الخيال الخصب |
واضح انك ما قريت ان الحادث تم إثباته بواسطة الطبيب.
و أصلا طفل خيالة يعرف حاجة ذي دي من وين؟؟؟أكيد عارف يا د. ان خيال الاطفال ما بياخذ من العدم.
يا دكتور لو الناس بتتعامل في حوادث الاغتصاب للأطفال بفهمك ده تكون مصيبة
-----------
طبعا انا ما بأيد أخد الأب لحقه بيده.
لكن ممكن افهم حجم الغضب اللي كان حاسي بيه الأب.
|
Post: #17
Title: Re: قتل مدير المدرسة وقطع عضو حساس لمعلم انتقاما لاغتصاب تلميذ
Author: احمد عثمان النور
Date: 01-27-2013, 05:11 PM
Parent: #16
سلام صاحب البوست وضيوفو
الموضوع صعب
الراجل راجل وزيادة
لو مشينا مع عواطفنا نقول الاستاذ يستاهل وزيادة ان كان بعد الموت مزيد
لو حكمنا عقلنا نلقى والد الطفل اتجاوز حده
البجرى فى البلد يا اخوانا هو الخلى الناس تمرق من طورا
لو ادين احد المعتدين على الاطفال فى محاكمة علنية واعدم امام الناس لحصل الردع
لكن يبقى تهاون المسئولين وضعف العقوبة محفزا لهؤلاء الرديئين
الامر جدا محير
|
Post: #18
Title: Re: قتل مدير المدرسة وقطع عضو حساس لمعلم انتقاما لاغتصاب تلميذ
Author: مجدي كنة
Date: 01-27-2013, 06:25 PM
Parent: #17
لا حول ولا قوة الا بالله
ما خلعتنا
قايل الخبر في السودان
|
Post: #35
Title: Re: قتل مدير المدرسة وقطع عضو حساس لمعلم انتقاما لاغتصاب تلميذ
Author: walid shingrai
Date: 01-28-2013, 09:55 AM
Parent: #18
Quote: ما خلعتنا
قايل الخبر في السودان |
الاخ استاذ??
|
Post: #19
Title: Re: قتل مدير المدرسة وقطع عضو حساس لمعلم انتقاما لاغتصاب تلميذ
Author: عوض محمد احمد
Date: 01-27-2013, 07:02 PM
Parent: #16
سمارت
شهادة الطبيب ليست حكما قضائيا واجب النفاذ, بل تتعرض لمراجعة من قبل القاضى و يمكن للمتهم الطعن فيها
لا يوجد ادنى سبب يجعل مثل هذا الاب ياخذ القانون بيده و يزهق ارواح اثنين لا زالوا فى طور المحاكمة و يمكن ان يثبت القضاء براءتهما
و حتى و لو فرضنا ان الطبيب اثبت واقعة الاغتصاب فمن اين له ان يثبت ان الفاعل هو من قتله الاب
فى الغابة وحدها يمكن ان يقتص ساكنوها من بعضهم
يمكنكم الاحتجاج على ضعف عقوبات الاغتصاب او مواقعة القاصرين و يمكنكم الاحتجاج على بطء الاجراءات القضائية اما الابتهاج باخذ القانون باليد
لدرجة قتل الناس, فهذه ليست الا الفوضى
|
Post: #20
Title: Re: قتل مدير المدرسة وقطع عضو حساس لمعلم انتقاما لاغتصاب تلميذ
Author: تبارك شيخ الدين جبريل
Date: 01-27-2013, 07:27 PM
Parent: #19
لا يسلم الشرف الرفيع من الأذى ... حتى يراق على جوانبه الدم ...
... المهم ....
|
Post: #23
Title: Re: قتل مدير المدرسة وقطع عضو حساس لمعلم انتقاما لاغتصاب تلميذ
Author: Hatim Alhwary
Date: 01-27-2013, 08:16 PM
Parent: #20
Quote: اخذ القانون باليد
لدرجة قتل الناس, فهذه ليست الا الفوضى |
ولذلك ينبغي أن تكون عقوبة. الاعتداءات الجنسية على الأطفال سريعة ورادعة
حتى لا تتحول المجتمعات الى غابة
|
Post: #21
Title: Re: قتل مدير المدرسة وقطع عضو حساس لمعلم انتقاما لاغتصاب تلميذ
Author: Frankly
Date: 01-27-2013, 08:06 PM
Parent: #19
Quote: شهادة الطبيب ليست حكما قضائيا واجب النفاذ, بل تتعرض لمراجعة من قبل القاضى و يمكن للمتهم الطعن فيها
لا يوجد ادنى سبب يجعل مثل هذا الاب ياخذ القانون بيده و يزهق ارواح اثنين لا زالوا فى طور المحاكمة و يمكن ان يثبت القضاء براءتهما
و حتى و لو فرضنا ان الطبيب اثبت واقعة الاغتصاب فمن اين له ان يثبت ان الفاعل هو من قتله الاب
فى الغابة وحدها يمكن ان يقتص ساكنوها من بعضهم
يمكنكم الاحتجاج على ضعف عقوبات الاغتصاب او مواقعة القاصرين و يمكنكم الاحتجاج على بطء الاجراءات القضائية اما الابتهاج باخذ القانون باليد
لدرجة قتل الناس, فهذه ليست الا الفوضى |
هذا هو رأيي تماماً دون زيادة أو نقصان
يجب تحكيم العقل وجعل القصاص بيد الدولة وهذ يسري على جميع الأحكام الجنائية والحدية والمدنية
حتى بعد ثبات الجريمة على الفاعل يجب أن يسود القانون
صحيح هناك من يطغى عليه الغضب ويأخذ "حقه" بيده ولكن كما قال بعض الأخوة يضيّع بصورة أخرى حقوق كثيرة له ولغيره
|
Post: #22
Title: Re: قتل مدير المدرسة وقطع عضو حساس لمعلم انتقاما لاغتصاب تلميذ
Author: مجاهد محمد الهادي
Date: 01-27-2013, 08:13 PM
Parent: #21
دي نهاية عدم سن عقوبات واضحة صارمة ورادعة لهكذا جرائم يندى لها الجبين
عندها ما كان ليتجرأ أحدهم على مثل هذه الفعلة الشنيعة
فعلاً "من أمن العقاب أساء الأدب"
لاحول ولاقوة إلا بالله
|
Post: #24
Title: Re: قتل مدير المدرسة وقطع عضو حساس لمعلم انتقاما لاغتصاب تلميذ
Author: تبارك شيخ الدين جبريل
Date: 01-27-2013, 10:56 PM
Parent: #22
| Quote: دي نهاية عدم سن عقوبات واضحة صارمة ورادعة لهكذا جرائم يندى لها الجبين |
ما هكذا تستخدم هكذا ... لعلك أردت أن تقول:
دي نهاية عدم سن عقوبات واضحة وصارمة ورادعة لجرائم يندي لها الجبين كهذه ...
(ما بحب اشتغل "مصحح إملائي" للأعضاء ... لاكين بى صراحة الجملة ضرستني اكتر من فجعة الأب في اغتصاب ولدو ... فعذرًا!)
... المهم ....
|
Post: #25
Title: Re: قتل مدير المدرسة وقطع عضو حساس لمعلم انتقاما لاغتصاب تلميذ
Author: smart_ana2001
Date: 01-28-2013, 01:06 AM
Parent: #24
د. عوض. أنا ما عندي أي اعتراض علي تعليقك بانه دي شريعة غاب. و انه ما مفروض مهما كان حجم الجرم زول يأخد حقه بيده.
انا اعتراضي ( إذا كان مسموح لي الاعتراض) علي تعليقك بان الحادث ممكن يكون من خيال الطفل. كونك طبيب و تقول كلام ذي ده، فدي مشكلة في رأيي.
الاطفال شريحة ضعيفة جداً في المجتمع. لو كنت اب و حدث تغيير ( بس تغيير ) في طبع طفلك فجاءة مفروض تحاول تعرف الحاصل شنو. لو طفلك بقي انطوائي فجاءة. او بقي يتبول في السرير. كون طفل يقول عديل كده انه تعرض لاعتداء، فدي حاجه جادة جداً و ما ظنها تكون من خيال طفل.
|
Post: #26
Title: Re: قتل مدير المدرسة وقطع عضو حساس لمعلم انتقاما لاغتصاب تلميذ
Author: saadeldin abdelrahman
Date: 01-28-2013, 01:30 AM
Parent: #25
تحسبا من مثل هذا
بح صوتنا و نحن ننادي بتفعيل عقوبات رادعة
متى سيتم اعدام مغتصبي الأطفال؟
|
Post: #27
Title: Re: قتل مدير المدرسة وقطع عضو حساس لمعلم انتقاما لاغتصاب تلميذ
Author: تبارك شيخ الدين جبريل
Date: 01-28-2013, 01:46 AM
Parent: #26
انتو أزمة الوعي التناسلي البتقابل بين الإعتداء والجنسي والإعتداء على حق الحياة مقابلة غير عادلة ... الأزمة دي جاية من وين؟
ضحية الإغتصاب يحتاج لتعامل خاص لتجاوز الأزمة البدنية والنفسية وإعادة حياتو لمجراها الطبيعي ...
هل قتل الجاني (بطريقة الأب المتهور أو بالإعدام) بيخدم أي جهة في معالجة الأزمة؟
ولاّ السمعة والعار الإجتماعي أكبر من المحنة النفسية ولا يغسله إلاّ الدم كما قال شاعر الثأر؟
ولاّ حكاية الكتل دي ماشة مع الربيع العربي والجهاد الإسلامي ... ولا الحكاية شنو بالضبط؟
بالله فهمونا يرحمكم الله ... عشان نعرف الولد الكتلو ليهو الناظر عشان اتظعط دا حا يبقى شنو غير الولد الكتلو ليهو الناظر عشان اتظعط؟
كان ارحم ليهو ظعطة في السر من الأخبار البتتناقلها الأسافير والفضائيات ... فضيحة السواد البقت عليهو ...
(معليش لى اللغة ... لاكين ما ممكن نناقش حق إنسان في الحياة بى لغة مواربة ومتحشمة للأسف!)
السؤال: انتو جاريين لى الإعدام ليه؟ جاريين لى الكتل ليه؟ التبرير شنو؟
وليد الشفت ... معاك أحلى مايك ...
... المهم ....
|
Post: #28
Title: Re: قتل مدير المدرسة وقطع عضو حساس لمعلم انتقاما لاغتصاب تلميذ
Author: saadeldin abdelrahman
Date: 01-28-2013, 02:07 AM
Parent: #27
ظعطة شنو يا هداك الله؟
ياخ غير شرح العنقريب و فلسفة الواضح دي الجاب اجلنا شنو يا تبارك؟
الشغلانة ما ظعطة وعار زي المسلسل الصعيدي الكتبتو فوق ده يا اخوي،
القصة انو في جريمة خسييسة يقوم يها نذل يستغل ظرف تواجده مع
اطهر الكائنات بحكم عمله أو باختطافهم، هل تسائلت انت عن نفسيات هؤلاء الاطفال
بعد تعرضهم للاغتصاب؟
لا طبعا، جارين تتفلسفوا لينا في حق الحياة و تتطنقعوا لينا في لا ما يستاهل!
ابدا الاعدام ما كان غاية لذاته بل هو عقوبة رادعة سيحسب لها كل من تراوده نفسه
القيام بهذه الجريمة،
بالواضح كدا يا تبارك أخوي،
في مجتمعنا لا زال هناك مثل هذا المصري و اذا لم يضمنوا عقوبة رادعة لمن اجرم في حق اطفالهم
فسيطبقون قانون الغاب المابيهو ده،
---------
التعديل لتثبيت كلمة خسييسة التي يحولها سيرفر البورد الى : انسان رخيصة
ده كلام ده؟!
|
Post: #29
Title: Re: قتل مدير المدرسة وقطع عضو حساس لمعلم انتقاما لاغتصاب تلميذ
Author: BAKTASH
Date: 01-28-2013, 03:48 AM
Parent: #28
Quote: فى الغابة وحدها يمكن ان يقتص ساكنوها من بعضهم
يمكنكم الاحتجاج على ضعف عقوبات الاغتصاب او مواقعة القاصرين و يمكنكم الاحتجاج على بطء الاجراءات القضائية اما الابتهاج باخذ القانون باليد
لدرجة قتل الناس, فهذه ليست الا الفوضى |
|
Post: #30
Title: Re: قتل مدير المدرسة وقطع عضو حساس لمعلم انتقاما لاغتصاب تلميذ
Author: تبارك شيخ الدين جبريل
Date: 01-28-2013, 04:57 AM
Parent: #29
افهم من كلامك يا سعدالدين انو نحن مفروض نعدم القمبرجية عشان اهل الشفع حا يكتلوهم بأي حال من الأحوال؟
لأنو انا سألت انو الكتل أو الإعدام بيفيد الطفل نفسيًا كيف ... وانت اتجاوزت مسألة انو الطفل بيعاني نفسيًا دي خالص ... واتهمتني انو انا الما شغال بمعاناة الأطفال نفسيًا ...
عشان الحوار ما يكون غلات وسوء تفاهم ساي ... نسأل تاني:
التبرير العقلاني لى نزعة الكتل والإعدام شنو؟
هل هو الوعي التناسلي العبّر عنه شاعر الثأر حين قال:
لا يسلم الشرف الرفيع عن الأذى ... حتى يراق على جوانبه الدم؟
لأنو لم يسلم شرف رفيع بهذا المنطق من قبل ... بدليل الجرس المدقوق في الأسافير والفضائيات للشافع المصري الإتظعط ... تاني يقولوها ليك كيف؟
يعني بالعربي كدا ... فكرة الكتل والإعدام قاعدة تجيب نتيجة عكسية ... لماذا الحرص عليها؟
من ناحية نسبة وتناسب ... مافي تناسب بين الجريمة والعقاب ...
لأنو جريمة مواقعة القصّر هي جريمة ترحيل خلل نفسي من جاني إلى ضحية ... يعني ما حاجة الإعدام بيحل فيها مشكلة أو يعبر عن عدالة ...
المثليين الما ضحايا اغتصاب ... موقعهم شنو من معادلة الإعدام دي؟
اغتصاب الأنثى الراشدة برضو يعامل معاملة اغتصاب الأطفال؟
هل هو اغتصاب قانوني بسبب قصور المجني عليه أم نتحدث عن اغتصاب مادي باستخدام القوة البدنية؟
تبرير الإعدام شنو؟
ولاّ ياهو منطق "لا لا لا ... بس اعدموهم"؟ لأنو دا ما منطق عاقل ولا مفيد ... خصوصًا لو كان المنطق "لا لا لا ... بس اعدموهم ... ما تفلسفوا لينا الموضوع" ...
... المهم ....
|
Post: #31
Title: Re: قتل مدير المدرسة وقطع عضو حساس لمعلم انتقاما لاغتصاب تلميذ
Author: محمد البشرى الخضر
Date: 01-28-2013, 05:11 AM
Parent: #30
يا تبارك ما بقدر افتي ليك على الأثر النفسي لإعدام الجاني على الضحية
لكن ممكن أأكد على الأثر الإيجابي لإعدام مغتصب الأطفال على المجتمع و إحساسه بالأمان نتيجة العقوبة المغلظة
و من ناحية تردّد المغتصبين المحتملين مستقبلا وتخوّفهم من إرتكاب جريمة ستكلّفهم حياتهم
|
Post: #32
Title: Re: قتل مدير المدرسة وقطع عضو حساس لمعلم انتقاما لاغتصاب تلميذ
Author: alsngaq
Date: 01-28-2013, 05:39 AM
Parent: #31
{red]
Quote: يمكنكم الاحتجاج على ضعف عقوبات الاغتصاب او مواقعة القاصرين و يمكنكم الاحتجاج على بطء الاجراءات القضائية اما الابتهاج باخذ القانون باليد
لدرجة قتل الناس, فهذه ليست الا الفوضى |
يا دكتور كيف يمكن الاحتجاج فى الغابة؟
|
Post: #34
Title: Re: قتل مدير المدرسة وقطع عضو حساس لمعلم انتقاما لاغتصاب تلميذ
Author: وليد محمد المبارك
Date: 01-28-2013, 08:06 AM
Parent: #32
Quote: (معليش لى اللغة ... لاكين ما ممكن نناقش حق إنسان في الحياة بى لغة مواربة ومتحشمة للأسف!)
السؤال: انتو جاريين لى الإعدام ليه؟ جاريين لى الكتل ليه؟ التبرير شنو؟
وليد الشفت ... معاك أحلى مايك ...
|
حبيبنا تبارك
انا بستلم المايك وبوريك فهمي شنو
نمسك اولا من ناحية اسلامية حسب فهمي .. وبعد داك اوريك رؤيتي الخاصة
انا بقول انو الاسلام لا يعاقب بالقتل على الممارسات الجنسية خارج الاطار
بل يعاقب بالقتل على الخيانة
وطبعا معروف انو الفعل الجنسي في الاساس وسيلة لحفظ النوع .. وباقي الحاجات ديك من متعة وتقوية علاقة وما اليه .. ناتج عرضي
نعم صحيح على المستوى الشخصي قد تكون النواتج العرضية والمحفزات هي شئ اساسي اكتر من الحفاظ على النوع .. لكن على مستوى المجتمع والانسانية .. ده ياهو غرض الجنس الاساسي
لول كان للفعل الجنسي غرض اساسي اخر خلاف حفظ النوه ... ما كان بكون في داعي لان يفعل بالادوات دي تحديدا
يعني كان ممكن الناس يتعاشروا بملامسة الاضنين
او كان ممكن تعاشر حبيبتك او زوجتك بانو تعضيها في نخرتها مثلا
طيب من نظرة مجتمعية مفروض يكون اللـــــواط خيانة للمجتمع .. لانو بستخدم المنحة الجنسية ومتعتها في غير غرضها
ونفس الشي بالنسبة للعلاقة الجنسية الطبيعية خارج الاطار
يعني الاسلام لا يعاقب على الفعل الجنسي خارج الاطار الا بعقوبة تشبه بقية العقوبات المعتمدها الاسلام
جلد ...
لكن وكت ما يبقى في ارتباط وزواج تتحول الجريمة من فعل جنسي خارج الاطار الى خيانة جنسية
ودي عقوبتها الموت
ما عاوز اتناقش معاك في عدالة العقوبة في الاسلام من عدمه
لكن عاوز اثبت نقطة انو العقوبة في الافعال الجنسية ليس للفعل الجنسي بل للخيانة المجتمعية
وده واضح في فرقة العقاب لفعل واحد لاشخاص تفاصيلهم الخاصة مختلفة
طيب نجي لي مشكلة الشافع والاستاذ دي تحديدا
المشكلة دي فيها اكتر من تعدي صارخ اعتقد انو عقوبته تستحق القتل
1. فعل جنسي خارج الاطار
2. فعل جنسي مع قاصر
3. فعل جنسي مع ذكر
4. فعل جنسي بالاكراه والغصب
5. ودي اخطرها خيانة للمجتمع من شخص يفترض انه القيم والمؤتمن رقم 2 بعد الاسرة على الاطفال
قصة الاستاذ ده تحديدا .. المسئولية فيها يتحملها وحده بدون اي شريك
يعني مثلا .. لو كان الشخص المارس مع الطفل ده شخص غير مؤتمن عليه .. يعني زول من الشارع ساكت
تتحمل الاسرة جزء من المسئولية لانو الشخص الساي ده ما بقابل الطفل ده لفترة كافية عشان يغصبه ويمارس معاه فعل جنسي الا في وجود تقصيرة من الاسرة وعدم مراقبة
برضو الطفل لو كان الشخص غريب عنه وما ليه عليه سطوه زي سطوه الاستاذ على التلميذ كان احتمال مقاومته تكون اعلى وحذرة يكون بصورة اكبر
وحتى لو كان الامر ده من شخص اخر وخارج مؤسسة زي المدرسة .. كان المجتمع بفعل دوره في الرقابة باعتبار ان اجتماع طفل صغير من شخص غريب في مكان مغلق حاجة تدعو للريبة والشك
لكن في حالة الاستاذ تسقط كل هذه الاشياء
الاسرة بتسلم طفلها لمؤسسة تربوية باعتبار ان هذه المؤسسة والعاملين فيها مؤتمنين على هؤلا الطفال .. ويجب على الاسرة ان تخصص من زمنها وزمن طفلها وقت محدد في اليوم ليكون زمن خاص بهذه المؤسسة ومنسوبيها و طفلها ..
المجتمع ذاتو مقر الزمن ده ومشرعنه في حيز مكاني معروفة بالمدرسة .. تكون فيه العلاقة مباشرة بين الاطفال والمعلمين
ونتيجة لذلك تنشاء سلطة تربوية للاستاذ على التلاميذ اقرب للسلطة الابوية على الاطفال .وهذه السلطة . تحجم التمرد والمقاومة ومراجعة القرارات والافعال تجاه الاشخاص المنتمين لهذه المؤسسة ( المدرسة )
يعني يا تبارك .. ماف طريقة لمعالجة هذا الامر الا بعقوبة صارمة تصل للقتل .. والا مؤسسة المدرسة حا تنهار .. وبعد شوية يا اما الاسرة حا تتمشي مع اطفالها للمدارس ويحجزوا لكل طفل كنبة ليه ولفرد من اسرتو يحضر معاه الحصص ويحرسو .. او حا ترفض الاسر ذهاب اطفالها للمدارس لنه تكلفة تعليمة خسارتها اعلى من فائدتها
فالتعليم بالاساس الغرض من تنمية الشخصية
موش تعقيدها وبلوتها بامراض نفسية مزمنة
مودتي
______________
لؤي قسم الله الجاك
اخو وليد قسم الله ومجتبى وايمن وضيا
اولاد الرضية
انا معاه في دبي هسع
طبعا الرضية امهم خالتي
|
Post: #33
Title: Re: قتل مدير المدرسة وقطع عضو حساس لمعلم انتقاما لاغتصاب تلميذ
Author: مجاهد محمد الهادي
Date: 01-28-2013, 07:30 AM
Parent: #24
Quote:
ما هكذا تستخدم هكذا ... لعلك أردت أن تقول:
دي نهاية عدم سن عقوبات واضحة وصارمة ورادعة لجرائم يندي لها الجبين كهذه ...
(ما بحب اشتغل "مصحح إملائي" للأعضاء ... لاكين بى صراحة الجملة ضرستني اكتر من فجعة الأب في اغتصاب ولدو ... فعذرًا!) |
هههههههههه
ماين أحلى بي كتير يا تبارك ياخي
لكن حنّاك .. بشكل
المهم..
|
Post: #36
Title: Re: قتل مدير المدرسة وقطع عضو حساس لمعلم انتقاما لاغتصاب تلميذ
Author: معتصم محمد صالح
Date: 01-28-2013, 10:01 AM
Parent: #33
تحياتي وتقديري لكم جميعا وشكرا لاثراء البوست .. وعندما فتحت هذا البوست كنت اتوقع هذه المداخلات وهذا النقاش الذي سيثمر في نهاية الامر حلاً او مؤشرات لهذه الظاهرة التي انتشرت مؤخراً واليوم بكل اسف حملت مانشيتات صحف الخرطوم ان معلما اغتصب طفلة وشرع في اغتصاب شقيقتها ..
|
Post: #37
Title: Re: قتل مدير المدرسة وقطع عضو حساس لمعلم انتقاما لاغتصاب تلميذ
Author: وليد محمد المبارك
Date: 01-29-2013, 05:55 AM
Parent: #36
وين يا تبارك
خليتنا نردح الردحي ده كله وشخت لينا
|
Post: #38
Title: Re: قتل مدير المدرسة وقطع عضو حساس لمعلم انتقاما لاغتصاب تلميذ
Author: أبو ساندرا
Date: 01-29-2013, 08:36 AM
Parent: #37
محمد البشرى الخضر :
Quote: يا تبارك ما بقدر افتي ليك على الأثر النفسي لإعدام الجاني على الضحية
لكن ممكن أأكد على الأثر الإيجابي لإعدام مغتصب الأطفال على المجتمع و إحساسه بالأمان نتيجة العقوبة المغلظة
و من ناحية تردّد المغتصبين المحتملين مستقبلا وتخوّفهم من إرتكاب جريمة ستكلّفهم حياتهم |
وبرغم عقوبة الإعدام في جرائم القتل العمد
فمازالت الجريمة اياها ترتكب
العقوبة ما بتكون سبب في احساس المجتمع بالأمان
|
Post: #39
Title: Re: قتل مدير المدرسة وقطع عضو حساس لمعلم انتقاما لاغتصاب تلميذ
Author: تبارك شيخ الدين جبريل
Date: 01-29-2013, 08:59 AM
Parent: #38
Quote: ونفس الشي بالنسبة للعلاقة الجنسية الطبيعية خارج الاطار
يعني الاسلام لا يعاقب على الفعل الجنسي خارج الاطار الا بعقوبة تشبه بقية العقوبات المعتمدها الاسلام
جلد ...
لكن وكت ما يبقى في ارتباط وزواج تتحول الجريمة من فعل جنسي خارج الاطار الى خيانة جنسية
ودي عقوبتها الموت |
بالله اشرح لينا تقصد شنو بنسبة الكلام دا للإسلام؟ تقصد انو عقوبة الزنا للمحصن هي الموت كما هو منتشر في المجتمعات الإسلامية؟
أم تقصد أن تنسب عقوبة الموت في زنا المحصن للدين الإسلامي نفسه وليس للمجتمع الإسلامي فقط؟
لأنك تستند للناحية الدينية في تبرير عقوبة الموت ... ثم تقوم بإضافة أفعال جنسية لعقوبة الموت بالقياس ...
(طيب كان نتناقش في ميدان الإخوة ... انا طبعًا فردي في الحلة البيغادي ديك حاتم عوض الله ووليد قسم الله!)
... المهم .....
|
Post: #40
Title: Re: قتل مدير المدرسة وقطع عضو حساس لمعلم انتقاما لاغتصاب تلميذ
Author: عاطف عمر
Date: 01-29-2013, 09:49 AM
Parent: #38
Quote: وبرغم عقوبة الإعدام في جرائم القتل العمد
فمازالت الجريمة اياها ترتكب
العقوبة ما بتكون سبب في احساس المجتمع بالأمان |
معقولة بس يا بركوتة ؟؟
الكلام دا يطلع منك إنت المستشار القانوني ؟؟
جريمة القتل ترتكب ورغم تطبيق عقوبة الإعدام في جرائم القتل العمد ( بالحجم الذي تراه الآن )
لكنك لم تر ... وأرجو أن تتخيل كيف كان من الممكن أن يكون ( حجم الجريمة ) في غياب عقوبة الإعدام
ذلك مغزى قول المولى عز وجل " لكم في القصاص حياة يا أولو الألباب "
العقوبة ( الرادعة ) بتقلل الجريمة حتماً، لذلك يقولون أن من أمن العقوبة أساء الأدب
إحساس المجتمع بالأمان دا مبحث كبير يشترك فيه القانوني مع السياسي مع الديني مع الإجتماعي
|
Post: #41
Title: Re: قتل مدير المدرسة وقطع عضو حساس لمعلم انتقاما لاغتصاب تلميذ
Author: تبارك شيخ الدين جبريل
Date: 01-29-2013, 10:01 AM
Parent: #40
يا عاطف عمر .. نحن هنا في ولاية ميريلاند الأمريكية ... في حملة تشريعية بصدد إلغاء عقوبة الإعدام في كل الجرائم التي تنص عقوبتها على الإعدام ...
وذلك لضعف منطق "الردع" الذي يستند عليه دعاة الإعدام ...
سأقوم بنقل بعض المناظرات هنا ... ولكنني أريد أولاً أن يخرج منطق "الردع" هذا كاملاً للعراء ...
فهاهو وليد الشفت يريد إقناعنا بمنطق أماه لا تجزعي "فالرادع" الله ..
فما هي حجة "مبحث أمان المجتمع" التي يشترك فيها الحابل مع النابل هذه؟
نرجو أن تسهب قليلاً في الشرح وإيراد ما تستند عليه ...
... المهم ....
|
Post: #42
Title: Re: قتل مدير المدرسة وقطع عضو حساس لمعلم انتقاما لاغتصاب تلميذ
Author: فايزودالقاضي
Date: 01-29-2013, 10:11 AM
Parent: #41
| Quote: .. نحن هنا في ولاية ميريلاند الأمريكية ... في حملة تشريعية بصدد إلغاء عقوبة الإعدام في كل الجرائم التي تنص عقوبتها على الإعدام ...وذلك لضعف منطق "الردع" الذي يستند عليه دعاة الإعدام ... |
وانت قايل السودان ده ولاية في امريكيا وجزء من ثقافاتها ولا شنو ؟
اى مغتصب يجب الا يصل للجهات القانونية ..
تحياتي تبارك ..
|
Post: #43
Title: Re: قتل مدير المدرسة وقطع عضو حساس لمعلم انتقاما لاغتصاب تلميذ
Author: أبو ساندرا
Date: 01-29-2013, 11:32 AM
Parent: #42
عاطف عمر :
Quote: معقولة بس يا بركوتة ؟؟
الكلام دا يطلع منك إنت المستشار القانوني ؟؟
جريمة القتل ترتكب ورغم تطبيق عقوبة الإعدام في جرائم القتل العمد ( بالحجم الذي تراه الآن )
لكنك لم تر ... وأرجو أن تتخيل كيف كان من الممكن أن يكون ( حجم الجريمة ) في غياب عقوبة الإعدام
ذلك مغزى قول المولى عز وجل " لكم في القصاص حياة يا أولو الألباب "
العقوبة ( الرادعة ) بتقلل الجريمة حتماً، لذلك يقولون أن من أمن العقوبة أساء الأدب
إحساس المجتمع بالأمان دا مبحث كبير يشترك فيه القانوني مع السياسي مع الديني مع الإجتماعي |
عارف مسألة النسبة والتناسب
لكن العقوبة ما صادرت الجريمة ، ما إنهتها
وطالما في نسبة سوف ترتكب الجريمة بالرغم من وجود العقوبة
ومعرفتهم ان اناس كثر تدلت رقابهم من حبل المشنقة
فإن الركون لوجود العقوبة فقط ليأمن المجتمع شر الجرائم امر خاطيء
حن علينا يا عاطف
وكون علينا عاطف
وطيفو طايف
|
Post: #44
Title: Re: قتل مدير المدرسة وقطع عضو حساس لمعلم انتقاما لاغتصاب تلميذ
Author: تبارك شيخ الدين جبريل
Date: 01-29-2013, 11:38 AM
Parent: #43
| Quote: اى مغتصب يجب الا يصل للجهات القانونية .. |
دي فهمناها يا فايز ... ما فهمنا الأسباب ..
انتو رايح ليكم شنو؟
... المهم ....
|
Post: #45
Title: Re: قتل مدير المدرسة وقطع عضو حساس لمعلم انتقاما لاغتصاب تلميذ
Author: فايزودالقاضي
Date: 01-29-2013, 12:49 PM
Parent: #44
| Quote: دي فهمناها يا فايز ... ما فهمنا الأسباب .. |
هو بعد اغتصاب الاطفال تاني في سبب للقتل وبتر الاعضاء ؟
| Quote: انتو رايح ليكم شنو؟ |
البتر بس ..
|
Post: #46
Title: Re: قتل مدير المدرسة وقطع عضو حساس لمعلم انتقاما لاغتصاب تلميذ
Author: Al-Shaygi
Date: 01-29-2013, 12:58 PM
Parent: #4
Quote:
مطلوب من المعتصم عبدالرحيم وزير التربية بولاية الخرطوم انو يوصي المدرسين ممن يغتصبون تلاميذهم على اللغاليغ ، المعتصم دافع باستماتة عن من اتهموا في تلك الحوادث قائلا ان الامر لم يتعدى كونه تحرشا جنسيا
|
إن صح هذا الأمر فهذا الوزير يستحق القطع ثم يترك هكذا حتى يتحرش بمزاج....
معقولة؟؟؟
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #47
Title: Re: قتل مدير المدرسة وقطع عضو حساس لمعلم انتقاما لاغتصاب تلميذ
Author: فايزودالقاضي
Date: 01-29-2013, 01:02 PM
Parent: #46
| Quote: إن صح هذا الأمر فهذا الوزير يستحق القطع ثم يترك هكذا حتى يتحرش بمزاج.... |
منو القال الشوايقة ديل غتيتين ؟!!
|
Post: #48
Title: Re: قتل مدير المدرسة وقطع عضو حساس لمعلم انتقاما لاغتصاب تلميذ
Author: تبارك شيخ الدين جبريل
Date: 02-01-2013, 06:18 AM
Parent: #47
ناس القطع والبتر ... يقول فيهم علم النفس ... ما لم يقله مالك في الخمر ...
الكلام دا صحي؟
يقال أن البيض اعتادوا بتر الأعضاء التناسلية للزنوج من الرقيق في أمريكا ... خوفًا من الفشل في منافسة فحولتهم ...
الكلام دا صحي؟
ما دايرين نصرف ديباجات لى ود القاضي والشايقي وآخرون على طريقة منعم سليمان ... دايرين نسمع منكم ...
التبرير شنو للرد على التحرش الجنسي بالقتل والبتر والتنكيل؟
... المهم ....
|
|