Post: #1
Title: 197 مليون عاطل في العالم.. و برضو الرأسمالية ناجحة!......(الميدان)
Author: بدر الدين احمد موسى
Date: 01-27-2013, 00:30 AM
http://www.midan.net/almidan/wp-content/uploads/2013/01/m2619.pdf
يخرج علينا كل يوم دعاة الليبرالية الرأسمالية و التائبين الجدد بمعسول كلام عن نجاح الرأسمالية و و و
and#1633;and#1641;and#1639; مليون عاطل عن العمل ان لم يكن ذلك دليل اخر على فشل الرأسمالية مع الفقر و العوز و المرض ما عارف الفشل يكون كيف!
|
Post: #2
Title: Re: 197 مليون عاطل في العالم.. و برضو الرأسمالية ناجحة!......(الميدان
Author: وضاح عبدالرحمن جابر
Date: 01-27-2013, 06:16 AM
Parent: #1
عليهم وعلينا بالاقتصاد الاسلامي
|
Post: #3
Title: Re: 197 مليون عاطل في العالم.. و برضو الرأسمالية ناجحة!......(الميدان
Author: بدر الدين احمد موسى
Date: 01-27-2013, 06:31 AM
Parent: #2
وضاح
تحياتي
ممكن تشرح لينا كيف الاقتصاد الاسلامي ممكن يحل مشكلة العطالة?
انا عندي تجربة مع الاقتصاد المسمى اسلامي و في رأيي هو اسوأ بكثير من الاقتصاد الرأسمالي الربوي و حا اديك امثلة
اتخرجت و معاي مجموعة من كلية الزراعة زمااااان في القرن الماضي و لعدة اسباب منها اننا زراعيين و برضو لاننا ايام الجامعة كنا ضد الاخوان المسلمين كنا متأكدين اننا ما حا يشغلونا
اها اشتغلنا مزارعين
لما تمشي للبنك الزراعي عشان يمول ليك الموسم البحصل الاتي:
اولا مطلوب انك تجيب هامش جدية و هو مبلغ او نسبة من المبلغ الانت مفروض تستدينه منهم
تاني حاجة البنك يطلب ارباحه مقدما من العملية
و اذا تأخرت في سداد السلفية البوليس و ناس الامن الاقتصادي يأتوك لغاية بيتك و تمشي السجن!
يعني تاكل نارك براك
و ايضا لا توجد اية ضمانات للمزارع ففي الموسم تتدنى الاسعار و يخسر المزارع الوراهو و القدامو و يبح مطارد من البوليس و يدخل السجن
دا للناس العايزة تشتغل لنفسها
اما الناس العايزة تتعين في الحكومة "الاسلامية" فلو كنت "كافر" مفروض الحكومة تضيق عليك و تحاربك و تمنعك من الوظيفة
اما اليهود و ناس التمويل الربوي لو تعسرت ممكن يقصدوا ليك السلفية المتعسرة و يمولوك للموسم الجاي و مافي بوليس و لا يحزنون
اها الاحسن ياتو في رأيك?
يا جماعة الله يهديكم مافي حاجة اسمها اقتصاد اسلامي و لو جينا للاستغلال و البشاعة و الله العظيم اليهود و الكفار ارحم!
انت جديد و من باب الترحيب اقول ليك: قوم لف هههههههه
|
Post: #4
Title: Re: 197 مليون عاطل في العالم.. و برضو الرأسمالية ناجحة!......(الميدان
Author: وضاح عبدالرحمن جابر
Date: 01-27-2013, 06:43 AM
Parent: #3
ههههههههههههه
يازول ما بلف
كبعا اتوقعت اول كلامك حا يكون سؤالك شنو هو الاقتصاد الاسلامي
طبعا ما عندى ليك اجابه --- ما تتفاجأ
واذا ما عجبك الاقتصاد الاسلامى عليك .. بالنظرية العالمية التالته .. ههههههههه
....................
بعدين عن المسميات وبكل جدية قصدى .. نظرة الاسلام المعروفة فى التكافل ومنع الربا ومنع الاحتكار والزكاة وووووووووو وكل القيم الجميله اللقيناها فى التعاليم الاسلامية لحفظ حقوق الاغنياء والفقراء
اما كيف تستنبط القيم دى وتطبيقها كقوانين ونظريات صالحه للتطبيق .. فده طبعا شغل عاوز ناس جهابذه يغوصوا فى بطن المعانى عشان يطلعوها
اما الحاجات البطبقوا فيها دى .. ياخدو حته هنا ويتموها مويه .. زى ما قلت انت بتكون اسوأ من الموجود
|
Post: #5
Title: Re: 197 مليون عاطل في العالم.. و برضو الرأسمالية ناجحة!......(الميدان
Author: وضاح عبدالرحمن جابر
Date: 01-28-2013, 05:56 AM
Parent: #4
وينك يا بدر الدين
ياريت تواصل ياخى فى الموضوع ده
|
|