Post: #1 Title: قلت اخير اخطب لروحي دي Author: مها عبدالمنعم Date: 01-26-2013, 10:15 AM Parent: #0
كل يوم اجي اعاين ليه وامشي.. اقول المتخلف دا شنو بخلي يفرش يبيع في الواطه قدام ضل بيتنا :( واكون متغاااااااااايظه منو جنس قيظ شويه شويه القصه اتطورت واخدت شكل تاني مامفهوم :(بقيت اتعمد اجي داخله اشان اسلم وكان ماعاوزه اشتري شي اخش اشتري ان شاءالله عود كبريت :(والشغله ماشه كبيره اول مااشوفو افرح واتبسم واتكشم واصلح واعدل في توبي الوحيد العاجبني الازرق الشفاف المابلبسو الا للحفلات البتجي بعد كم سنه مره .... ومره مره ارفع امد كباية شاي هاك يا الصادق كبيبية الشاي دي باقي من الفطور ..وشويه شويه الصادق كباية الشاي دي عملتها ليك مخصوص ..واخيرا الصادق اعمل ليك شاي؟ والحياة في خير حال وبهجه وسعاده وهناء وسرور وانضباط ويوماتي اكنس خشم الباب ! وانا برش اسلم كيف حالك ؟ يقول الحال زين انتي كيف حالك؟ الحمدلله اها نعل بضاعتك ماشه سمح ايه وشيك فيهو الخير وفتح لي باب الرزق امرقي يوماتي اشان اغني سريع ولشنو تغني سريع اشان اشتري بيت وبعد البيت نشتري الشيله وبعد الشيله نجيب العروس ومنو العروس لسه مااخترناها سمح !!(درجة الغيظ مرتفعه هنا) والشي من فرشه عمل طبليه وكبرت الطبيليه بقت دكيكين وانا راجيه الصادق يجي يقول خلاص دار اجي لابوك اخدك مره!! يوم من الصباح لفحت توبي ومشيت شريت لي لبانه :(وسعلتو الصادق هوي بدور تاخدني والا بدور مرة تانيه الراجل فتح خشمو حتي انا ماعرفت النضم كيفن مرق من خشمي مساااااااااااافه حتي رد بسم الله الرحمن الرحيم ، اعوذ بالله من الشيطان الرجيم الصادق مالك ؟شن فيك لالا بس داير اتاكد الكلام دا قلتيهو؟ اااااي قلتو انت قلت شنو قلت لا اله الا الله المعني! المعني بجي لابوك اخطبك منو وراجيني اقول من الاول؟؟ لالا علا...يازوله ابشري تب (قد يتبع)
Post: #2 Title: Re: قلت اخير اخطب لروحي دي Author: أيمن محمود Date: 01-26-2013, 10:24 AM Parent: #1
like
Post: #5 Title: Re: قلت اخير اخطب لروحي دي Author: ABUHUSSEIN Date: 01-26-2013, 10:28 AM Parent: #2
Post: #8 Title: Re: قلت اخير اخطب لروحي دي Author: Rawia Date: 01-26-2013, 10:36 AM Parent: #3
بعرف شخصية بالاسم دا وهي الوحيدة القابلتني بالروح الجميلة الفي كتابتك دي بدور أتأكد بس إنت نفس الشخصية ولا تشابه أسماء سؤال للتأكيد بتعرفي أماني بت علوية وتينا بت فاطنة تندلتي وهويدا بت إنصاف؟
وعموما مرحب بيك حتى لو إنت ماهي
Post: #9 Title: Re: قلت اخير اخطب لروحي دي Author: النذير حجازي Date: 01-26-2013, 10:44 AM Parent: #8
شغلك نضيف يا مها
وبرافوا عليك ومفروض كل البنات يعملوا كدا في رجال بخجلوا يصاروحوا واحدة وفي رجال بشوفوا نفسهم ما قدر المقام وفي .. وفي ..
والواضح ما فاضح
بداية جميلة حتى ولو كانت من الخيال الحركة دي يا مها بسموها: "عريس من عرق جبينيك لووول"
Post: #12 Title: Re: قلت اخير اخطب لروحي دي Author: عاطف عمر Date: 01-26-2013, 10:59 AM Parent: #1
بداية مبدعة سهل ممتنع الجمال يكمن في البساطة
_________________
وحيث رأيت عنوان البوست
Quote: قلت اخير اخطب لروحي دي
ظننت أنك قادمة لتخطبي من عالم سودانيزأونلاين الذي هو عالم جميل تبسمت وقتها وكل تفكيري قد إتجه نحو صديقنا زهير أو ( أبو الزهراء ) كما يحلو له أن يدلع ( روحه ديك ) ... ما فيش حد أحسن من حد وما ذاك إلا لأنه أشهر من لاهى بالزواج وأشجع من أعلن عن خيباته المتتالية
_________________
ثم مرحب بيك تاني
Post: #13 Title: Re: قلت اخير اخطب لروحي دي Author: Amir Omer Date: 01-26-2013, 11:12 AM Parent: #12
Post: #15 Title: Re: قلت اخير اخطب لروحي دي Author: وضاحة Date: 01-26-2013, 11:22 AM Parent: #13
مرحب بيك يا مها
قصة ممتعة متابعين
Quote: ظننت أنك قادمة لتخطبي من عالم سودانيزأونلاين الذي هو عالم جميل تبسمت وقتها وكل تفكيري قد إتجه نحو صديقنا زهير أو ( أبو الزهراء ) كما يحلو له أن يدلع ( روحه ديك ) ... ما فيش حد أحسن من حد وما ذاك إلا لأنه أشهر من لاهى بالزواج وأشجع من أعلن عن خيباته المتتالية
يا عطوف
زهير دا خلاص بقى عانس
و زمانوا فات وغنايوا مات
بعد كده تانى مافى بنية بتعاين ليه
Post: #16 Title: Re: قلت اخير اخطب لروحي دي Author: رانيه محمد الشيخ Date: 01-26-2013, 11:30 AM Parent: #15
منوره يا مهويه ولاااااااااااازم تتمى لينا الحتوته العسل دى
Post: #19 Title: Re: قلت اخير اخطب لروحي دي Author: الصادق صديق سلمان Date: 01-26-2013, 11:43 AM Parent: #16
Post: #17 Title: Re: قلت اخير اخطب لروحي دي Author: حافظ انقابو Date: 01-26-2013, 11:33 AM Parent: #15
برلومة عينك قوية :-) مرحب بيك في سودانيز
انشاء الله كل البنات يفكرو كدا
Post: #18 Title: Re: قلت اخير اخطب لروحي دي Author: حجة امنة Date: 01-26-2013, 11:40 AM Parent: #17
الخِفة و نكش التفه
موبالغة و الله يا مها قلتي لي جات نظام البت دايرة تشتري لبانة و تراااااخ رمتا ليو حامضة!! عفيت منها
الحوش نور يا ست البنات.
الحوش شنو، الدكان زاتو نور، عليك الله تعالي تمي لينا البضاعة دي سريع، بلا قد يتبع بلا لمة معاك.
Post: #20 Title: Re: قلت اخير اخطب لروحي دي Author: الزبير بشير Date: 01-26-2013, 11:50 AM Parent: #18
الابنه مها سرد جميل
منافس خطير للابنه رانيه الشيخ .
ابن العوام
Post: #21 Title: Re: قلت اخير اخطب لروحي دي Author: عادل خياري Date: 01-26-2013, 12:06 PM Parent: #20
كلما اطلع من المنبر امشي واجيه راجع زي ماقال الفنان اقول يمكن بتاعة اللبان دي جات تتم لينا الحكاية الجميلة دي ووصية انا ماعارف النهاية شنو لكن قولي ليها ابقي على بتاع اللبان ده عشرة طالما عارفاه من ماكان بفرش في الواطة قبل ماتبقى عليها حكاية البت دي
اولا الف مرحب بك الاخت مها ونورتي الدار ,, وصراحة تلهفنا بشده لباقي القصة او الحكي الجميل الذي اتمنى ان يكون اصبح واقع معاش في سوداننا الحبيب لانو نحن لما طلعنا من السودان كان لسه مافي بت بتتجرا وتفكر مجرد تفكير في هذه المغامرة الجريئة الجميلة وهي حق مشروع للبنت ولكن احسب ان الظروف قد تغيرت الآن وبالتاكيد للاحسن لذا متمنى ان نرى حكيك هذا على ارض الواقع ,, وواصلي ونحن في انتظارك
بس كدي قولي لي بيتكم بي وين علشان نجيب البضاعة ونجي نفرش امكن نطلع بي عروس ,, لوووووووووولز ..
تحياتي : ياسر العيلفون
Post: #31 Title: Re: قلت اخير اخطب لروحي دي Author: رانيه محمد الشيخ Date: 01-26-2013, 02:37 PM Parent: #20
بقيت منافسه عديل كر علينا انا كنت ناويه اصاحبها كده بنبقى فى سباق :)))
Post: #38 Title: Re: قلت اخير اخطب لروحي دي Author: عمر الفاروق عبد الله الشيخ Date: 01-26-2013, 05:36 PM Parent: #20
لا حولاااااااا ديل كلهم قرو شكرا شكرا برد لكم نفرا نفرا بس يدي تقيله في الكتابه مش برلاومه وكدا
Post: #51 Title: Re: قلت اخير اخطب لروحي دي Author: عمار محمد ادريس Date: 01-27-2013, 08:52 AM Parent: #43
قد ارجع تانى
Post: #53 Title: Re: قلت اخير اخطب لروحي دي Author: علاء الدين حيموره Date: 01-27-2013, 09:06 AM Parent: #51
انا طبعا كنت بفكر بزاوية اخرى ... بقول يا ربي الزول دا ما عندو اخت تساعدو في البيع دا وتقسم معاه عشان نجهز ليها ضل بيتنا وامكن تلمح لي بخطوبتها .... كدي بالله اسأليه السؤال دا ...
Quote: كاتبة قصه وروايه صدر لي المدينه مجهولة الهويه مجموعه قصصيه قصاصات اتيه من الموت روايه تحت الطبع ثرثره خاصه جدا روايه
-----
يا المسكتوا ضنب الككو!؟
Post: #75 Title: Re: قلت اخير اخطب لروحي دي Author: Nagat Sid Ahmed Elshiekh Date: 01-27-2013, 04:11 PM Parent: #73
غايتو لو قالوا مابندور المره الحوامة وطاتك أصبحت ونحنا قلبنا وقف ههه.
Post: #76 Title: Re: قلت اخير اخطب لروحي دي Author: محمد بابكر محمد Date: 01-27-2013, 04:15 PM Parent: #73
ارفع راسك انت برلوم
سرد جميل .... استمرى
Post: #84 Title: Re: قلت اخير اخطب لروحي دي Author: وليد فتح الرحمن Date: 01-27-2013, 06:29 PM Parent: #76
يا الله سرد ممتع يخلى الواحد يقرأ بدون اى كسل دى نوعية الكتاب الما بتخلى الزول يفط سطرين ويقرأ سطر اهه يا مها الحقى اعمل ليك جردل كركدى بدل الجك فالصادق جاء ومعاهو بوكسى مليان
غايتو ياخالد قلت اخير النبدا ارد عليك في الاول فيشان مامتذكره والله وقفت وين في الردود شكرا
Post: #89 Title: Re: قلت اخير اخطب لروحي دي Author: مجاهد محمد الهادي Date: 01-29-2013, 09:19 AM Parent: #1
حكي وكتابة حلوة حد الدهشة
شكرا كتير
في انتظار البقية التي (قد تأتي)
Post: #90 Title: Re: قلت اخير اخطب لروحي دي Author: عبد الله عبد العزيز Date: 01-29-2013, 09:35 AM Parent: #89
Quote: اخدت لي قعده لامن دميعاتي كملن دخلت وانا احمد في الله واستغفر وادعي يارب ثبت علي عقلي يارب لاتفضحني
سرد جميل بس مافي فضيحه ولا حاجه السيده خديجه رضي الله عنها طلبت من الرسول صلي الله عليه وسلم للزواج وقد كان
Post: #91 Title: Re: قلت اخير اخطب لروحي دي Author: بشير جبريل علي Date: 01-29-2013, 02:27 PM Parent: #90
Quote: يمين بالله شوف عيني دي الصفحات كانن كان اربعه كان خمسه نمت وصحيت لقيت الشي رجعن تلاته حصل شنو يكون
الحصل .. مطوا الصفحة ..بدل A4 .. بقوها A3 ..كانت بتشيل عشرين مداخلة رفعوها لثلاثين مداخلة ..دا كل الخصل يا عسل .. يا مها ..سردك جميل وطاعم ..ما تقصري .. زيدينا ..
تحياتي ..
Post: #92 Title: Re: قلت اخير اخطب لروحي دي Author: د.نجاة محمود Date: 01-29-2013, 02:55 PM Parent: #91
مرحب بيك يا مها نص ممتع للغاية وموضوع يستحق الطرح في واحد من اصحابنا المستنيرين جدا كان بحب واحدة وقطع علاقته معها عشان هي صارحته اول الصادق زول صادق والله ومرحب بيك وتاني حنفتش ليك
Post: #93 Title: Re: قلت اخير اخطب لروحي دي Author: محمد طه الحبر Date: 01-29-2013, 04:09 PM Parent: #92