فيديو عقوبة جلد من داخل سجن امدرمان , لسجين قبض عليه يتحدث بالتلفون حسب قانون مدير السجن وضباطه
( يحاكم من يتحدث بالتلفون بالجلد 25 جلدة فى حضور طائفة من المؤمنين(المساجين)وحبس انفرادى5 ايام)
هذة الحادثة واخريات قضت الى تمرد كبير داخل سجن امدرمان فى الاربعة ايام الماضية .. تم بموجبه تدخل الاحتياطى المركزى وقوات الشغب .. .. هناك أخبار تقول أن مدير السجن اللواء حسن يحي تمت احالته للتقاعد..
Post: #2 Title: Re: فيديو عقوبة جلد من داخل و تمرد داخل سجن امدرمان Author: تبارك شيخ الدين جبريل Date: 01-24-2013, 12:25 PM Parent: #1
Post: #3 Title: Re: فيديو عقوبة جلد من داخل و تمرد داخل سجن امدرمان Author: نزار يوسف محمد Date: 01-24-2013, 10:26 PM Parent: #2
تسلم يا تبارك على رفع الفيديو وللأسف الإنتهاكات لا حد لها وبأسم الدين الحنيف .. والدين براء من مثل هذه الإنتهاكات المهينة للإنسان.
Post: #4 Title: Re: فيديو عقوبة جلد من داخل و تمرد داخل سجن امدرمان Author: Elhadi Date: 01-24-2013, 10:37 PM Parent: #3
الجلد ده موش حد ؟؟
و هل يُحد الود ابن أدم لأنه تحدث في التلفون ؟؟
إذن لماذا لا يرجم أو تقطع يد مدير شركة الاتصالات الذي وفر لهم الخدمة من أساسو ؟؟
وبعدين القروش البتكلم بيها المسكين ده ماشة وين ؟؟
موش ماشة جيوب الهوامير الكبيرة ؟؟
يعني يأكلوا قروشهم ويجوا يدقوهم ؟؟
Post: #7 Title: Re: فيديو عقوبة جلد من داخل و تمرد داخل سجن امدرمان Author: نزار يوسف محمد Date: 01-25-2013, 00:17 AM Parent: #4
الأخ الهادى
Quote: الجلد ده موش حد ؟؟
و هل يُحد الود ابن أدم لأنه تحدث في التلفون ؟؟
وعلماء السلطان يغضون النظر عن تقرير المراجع العام ويتحدثون عن مؤامرات خارجية تهاجم الدولة الرشيدة باسم حقوق الإنسان ! وكرامة الإنسان السودانى تنتهك يوميابإسم الدين.
Post: #5 Title: Re: فيديو عقوبة جلد من داخل و تمرد داخل سجن امدرمان Author: أحمد ابن عوف Date: 01-24-2013, 10:38 PM Parent: #3
غلبنا نعلق زاتو
Post: #6 Title: Re: فيديو عقوبة جلد من داخل و تمرد داخل سجن امدرمان Author: ابراهيم الفاضل Date: 01-24-2013, 11:33 PM Parent: #5
واين حقوق السجين الاجتماعية والنفسية؟؟!!! وحقه ايضا في الاتصال بالعالم الخارجي ، في اغلب سجون العالم بيتوفر للمساجين كباين اتصال يستخدموها للاتصال باقاربهم وادارة اعمالهم عشان برضو ليهم حقوق اقتصادية.
شي محزن ماحدث ومن حقهم يتمردوا ...
شكرا نزار واظن البحصل في السجون السودانية أسوء من ما ظهر في الفديو
Post: #10 Title: Re: فيديو عقوبة جلد من داخل و تمرد داخل سجن امدرمان Author: نزار يوسف محمد Date: 01-25-2013, 07:23 PM Parent: #6
الأخ إبراهيم الفاضل
Quote: واين حقوق السجين الاجتماعية والنفسية؟؟!!!
نظام تقصف طائراته المدنيين العزل ويشرد معارضيه ورموزه يختلسون الأموال العامة لا نتوقع منه الإعتراف بالحقوق المدنية .
Post: #8 Title: Re: فيديو عقوبة جلد من داخل و تمرد داخل سجن امدرمان Author: نزار يوسف محمد Date: 01-25-2013, 00:24 AM Parent: #5
الأخ أحمد ابن عوف
Quote: غلبنا نعلق زاتو
الظلم ظلمات .. منهم من يزيد بؤسه ومنهم من يزيد بأسه .. لقد كرم الله بنى آدم وحتما ستنفك كل العقد .. عقد اللسان وعقد اليد للقصاص.
Post: #9 Title: Re: فيديو عقوبة جلد من داخل و تمرد داخل سجن امدرمان Author: زياد جعفر عبدالله Date: 01-25-2013, 01:24 AM Parent: #8
والله غايتو الشعب السوداني مسكين الابو شايل سوطو يجلد الاستاذ في المدرسة يجلد النظام العام شغال يجلد عسكري السجون شايل سوطو يجلد المواطن ينجلد من صباحو لي مساهو في الفارغة و المشتغلة دا شعب أصلو وللا قطيع ضان ياخ والله الضان عندو حقوق حيوان وما المفروض يتجلد.. لا حول ولا قوة الا بالله
Post: #11 Title: Re: فيديو عقوبة جلد من داخل و تمرد داخل سجن امدرمان Author: نايف محمد حامد Date: 01-25-2013, 08:01 PM Parent: #9
Quote: يعني يأكلوا قروشهم ويجوا يدقوهم ؟؟
الاخ الهادى
حتى الضابط و العساكر يكونو شالوا قروشو عشان موبايلو و يجلدوهو كمان
شكرا صاحب البوست
Post: #12 Title: Re: فيديو عقوبة جلد من داخل و تمرد داخل سجن امدرمان Author: ابوحراز Date: 01-25-2013, 09:52 PM Parent: #11
تحية صاحب البوست وضيوفه
Quote: ( يحاكم من يتحدث بالتلفون بالجلد 25 جلدة فى حضور طائفة من المؤمنين(المساجين)وحبس انفرادى5 ايام)
غايتو مرات كده في مواد في القانون عجيبة جدا الظاهر الجماعة بدأوا في تطبيق الشريعة طالما الحكاية جابت ليها وليشهد عذابهما 000 !!!!
Post: #13 Title: Re: فيديو عقوبة جلد من داخل و تمرد داخل سجن امدرمان Author: نزار يوسف محمد Date: 01-26-2013, 09:28 AM Parent: #9
الأخ زياد جعفر من المفترض أن تكون السجون مؤسسات إصلاحية ليعود الشخص لأسرته وهو أكثر قابلية للإستقامة ولكن مثل هذه العقوبات المهينة ستزيد الأمر تعقيدا .
Post: #14 Title: Re: فيديو عقوبة جلد من داخل و تمرد داخل سجن امدرمان Author: مزمل خيرى Date: 01-26-2013, 10:15 AM Parent: #13
يانزار لو رجال خليهم يمشى لناس قسم الشيكات ويجلدوا واحد فيهم قسم الشيكات عالم براهو اى حاجة متوفرة عندهم بعلم مدير السجن من الديجيتال لى اى حاجة محتاج ليها النزيل فى القسم دة الموبايل دة عينك عينك وحتى بيرسلوا العساكر عشان يجيبوا ليهم اسكراتشات من برة السجن ! بقت على المسكين دة ؟؟؟
