Post: #1 Title: بورداب في خانات على مستطيل سودانيزاونلاين الاخضر Author: omer osman Date: 01-23-2013, 07:58 AM Parent: #0
حسين ملاسي ............. مهاجم خطير ، يجيد التمركز والتهديف لاتجدي معه محاولات المدافعين لايقافه بالخشونة الجسدية او اللفظية ويكون رده دائماً بهدف جميل
Post: #2 Title: Re: بورداب في خانات على مستطيل سودانيزاونلاين الاخضر Author: omer osman Date: 01-23-2013, 07:59 AM Parent: #1
وهبة لاعب نص متقدم يجيد قراية الملعب ومتابعة الكرة ماهر في الاستلام والمراوغة ويجيد باصات الون تو بشكل ممتاز في حال تقدمه فريقه في نتيجة المبارة يقدم فواصل من السهل الممتنع ولايتردد في تمرير الكرة (بيضة) بين رجلي خصمه ثم يعود ليصرف له جلابية مقاسو طق طرق ، وبرغم انو بالو طويل الا انه كثير ما يتعرض للانذارات او الكروت الحمراء لبعض الالعاب الخشنة.
Post: #3 Title: Re: بورداب في خانات على مستطيل سودانيزاونلاين الاخضر Author: omer osman Date: 01-23-2013, 08:00 AM Parent: #2
محمد البشرى خضر ...... لاعب نص مهول يجيد الاستلام والتمرير ولعب البص في الخانة او تسليم مفتاح ، يجيد قراة الملعب ومعرفة اتجاهات الكرة ولديه حاسة توقع جيدة لم تخنه إلا مرة واحدة في مبارة فريقه ضد الاهلي مدني هههههههههههه
Post: #4 Title: Re: بورداب في خانات على مستطيل سودانيزاونلاين الاخضر Author: omer osman Date: 01-23-2013, 08:03 AM Parent: #3
تمبس حارس مرمي من طراز رفيع يجيد التقاط كل الكرات الخطرة ومن الصعوبة بمكان ان يلج في مرماه هدف ، يجيد بناء الهجمات بالارسال الطويل ويربك دفاعات الخصوم لديه جمهور عريض يستمتع بلقطاته الساحرة والاستعراضية عند التقاط الكرات في بعض الاحيان ينفعل مع مخاشنات مهاجمي الفريق الخصم مما يعرضه لنيل البطاقات الملونة
Post: #5 Title: Re: بورداب في خانات على مستطيل سودانيزاونلاين الاخضر Author: omer osman Date: 01-23-2013, 08:04 AM Parent: #4
ودالباوقة ... جناح يمين فرفارة يربك دفاعات الخصوم ويجيد المراوغة والتوغل وينجح في اقتناص ضربة جزاء لصالح فريقه ويتسبب في طرد احد مدافعي الخصم ، تلقي انذار من الكاف واوقف لمباراة واحدة عندما احتفل باحرازه لهدف ورفع فنلته ليظهر تحتها عبارة (إهداء لسيدي الرئيس هييييييع)
Post: #6 Title: Re: بورداب في خانات على مستطيل سودانيزاونلاين الاخضر Author: omer osman Date: 01-23-2013, 08:05 AM Parent: #5
اساسي ثيردباك سجن واعي ومفتح لاتفوته شاردة ولا ورادة يقطع كل الكرات برج مراقبة ويستطيع ايقاف اعتي المهاجمين بالخشونة القانونية ويجامله الحكام باعتباره من اقدم اللاعبين وفي بعض الاحيان يتقدم لمساندة الهجوم خصوصا في الضربات الركنية او التهديف من خارج الـــ 18
Post: #7 Title: Re: بورداب في خانات على مستطيل سودانيزاونلاين الاخضر Author: omer osman Date: 01-23-2013, 08:07 AM Parent: #6
صبري طه لاعب ارتكاز ماشاء الله لياقة عالية ومجهود وافر في استخلاص الكورة ومتابعة الخصوم وبناء الهجمات مشكلته احياناً يربك الميدان حتى زملائه في الفريق وما تعرفه هو زاتو شايت وين في لقاء صحفي معه قال ان مثله الاعلي في الملاعب النجم السابق نجم الدين ابوحشيش ههههههههههه
Post: #8 Title: Re: بورداب في خانات على مستطيل سودانيزاونلاين الاخضر Author: omer osman Date: 01-23-2013, 08:08 AM Parent: #7
طلحة عبدالله .... لاعب طرف يمين يجيد الادوار الدفاعية والهجومية وعكس الكرات المقشرة امام المرمي لو حاولت المرور بمنطقته يا جات في الكورة ياجات في رجلك او تلقي نفسك مكتح جنب لاين الميدان ...
Post: #9 Title: Re: بورداب في خانات على مستطيل سودانيزاونلاين الاخضر Author: omer osman Date: 01-23-2013, 08:09 AM Parent: #8
خليل استوبر راقي وبرج مراقبة اسلوبه في اللعب هادي ويشبه اسلوب طارق احمد ادم والمرحوم شيخ ادريس كباشي يجيد تنظيف منطقته بحركات جمالية تعجب الجماهير لم ينال كرت اصفر او احمر طول مسيرته الكروية.
Post: #12 Title: Re: بورداب في خانات على مستطيل سودانيزاونلاين الاخضر Author: omer osman Date: 01-23-2013, 08:11 AM Parent: #9
وليد الشفت لاعب جوكر يمكن ان يلعب في اكثر من خانة مشكلته لايتقيد بتوجيهات المدرب ويعتبر نفسه لاعب حر. في بعض الاحيان لو ختاك في رأسو بلبت ليك ويسكك الميدان كلو يا انت يا هو في الميدان ههههههههه
Post: #13 Title: Re: بورداب في خانات على مستطيل سودانيزاونلاين الاخضر Author: omer osman Date: 01-23-2013, 08:12 AM Parent: #12
ودالصايم ... لاعب وسط فاهم وقاري الميدان كويس خالص باصاته مريحة يجيد لعب الون تو مع اكتر من لاعب من فريقه ويميل في العادة لللعب النظيف ونادر جدا ما يرتكب مخالفات خشونة يكن له كل لعيبة الفرق الاخري محبة واحترام وهو فاكهة كلية المنتخب الوطني
Post: #14 Title: Re: بورداب في خانات على مستطيل سودانيزاونلاين الاخضر Author: omer osman Date: 01-23-2013, 08:13 AM Parent: #13
محمد ابراهيم علي .. مهاجم قناص من العيار الثقيل يجيد قراية الملعب والتمركز في خطة الستة ياردات وتصويباته لاتصد ولاترد يحسب له مدافعي الخصوم الف حساب
Post: #10 Title: Re: بورداب في خانات على مستطيل سودانيزاونلاين الاخضر Author: tmbis Date: 01-23-2013, 08:10 AM Parent: #7
عن ازنك يا غارزيتـو .. انا ح انفي ليك كلامك دا كلووو واطلع ليك عيوب لعيبتك ديل .. واحد واحد ..
واحد يساعدنا بالباسطـة يا جماعة في ناس هنا دا والله لياقتم ربع ساعة ما تلعبم
Post: #16 Title: Re: بورداب في خانات على مستطيل سودانيزاونلاين الاخضر Author: tmbis Date: 01-23-2013, 08:19 AM Parent: #10
Quote: محمد البشرى خضر ...... لاعب نص مهول يجيد الاستلام والتمرير ولعب البص في الخانة او تسليم مفتاح ، يجيد قراة الملعب ومعرفة اتجاهات الكرة ولديه حاسة توقع جيدة لم تخنه إلا مرة واحدة في مبارة فريقه ضد الاهلي مدني هههههههههههه
من لعيبة الوسط الذين يعدون خصما على تشكيلة الفريق يعمد دائما إلى المراوغـة التي لا تفيد حيث انه يلف حول نفسه ويفقد الكرة بسرعة دون مراعاة لمهامه كمفتاح لعب الفريق .. طيلة مسيرة الدوري لم يقم بامداد الخط الهجومي بتمريرات يمكن تنفيذها بلمسة واحدة تجاه المرمى مباشرة لينتج عنها هدف .. من عيوبه الكبيرة كلاعـب وسط : ببيع المباريات ويتم الاتفاق فترة ما بين الشوطين تم توقيفه لاكثر من عشرة مرات من لجنـة السلوك بالفيفا وقام بلاتر البورد بتوجيه اكثر من انذار بل يقال انو ارهبـو عديل كدا .. يمكن الاستفادة منه وتطوير مستواه إذا تم توجيهه بشكل سليم من حيث الالتفات لمستقبله وترك المسالة بتاعت بيع الكور بين الشوطين دي وكلمناهو اكتر من مرة لكن ما بيسمع الكلام ..
Post: #22 Title: Re: بورداب في خانات على مستطيل سودانيزاونلاين الاخضر Author: omer osman Date: 01-23-2013, 08:31 AM Parent: #16
Quote: من لعيبة الوسط الذين يعدون خصما على تشكيلة الفريق يعمد دائما إلى المراوغـة التي لا تفيد حيث انه يلف حول نفسه ويفقد الكرة بسرعة دون مراعاة لمهامه كمفتاح لعب الفريق .. طيلة مسيرة الدوري لم يقم بامداد الخط الهجومي بتمريرات يمكن تنفيذها بلمسة واحدة تجاه المرمى مباشرة لينتج عنها هدف .. من عيوبه الكبيرة كلاعـب وسط : ببيع المباريات ويتم الاتفاق فترة ما بين الشوطين تم توقيفه لاكثر من عشرة مرات من لجنـة السلوك بالفيفا وقام بلاتر البورد بتوجيه اكثر من انذار بل يقال انو ارهبـو عديل كدا .. يمكن الاستفادة منه وتطوير مستواه إذا تم توجيهه بشكل سليم من حيث الالتفات لمستقبله وترك المسالة بتاعت بيع الكور بين الشوطين دي وكلمناهو اكتر من مرة لكن ما بيسمع الكلام ..
ههههههههههه ذكرتني كلام بعض الهلالاب عن هيثم مصطفي بعد ما وقع للمريخ ههههههههه
Post: #18 Title: Re: بورداب في خانات على مستطيل سودانيزاونلاين الاخضر Author: omer osman Date: 01-23-2013, 08:21 AM Parent: #10
Quote: عن ازنك يا غارزيتـو ..
غارزيتو الماسورة هههههههه يااااخ ما تقول مورينيو او غوارديولا ههههههه
Quote: واحد يساعدنا بالباسطـة يا جماعة في ناس هنا دا والله لياقتم ربع ساعة ما تلعبم
Post: #17 Title: Re: بورداب في خانات على مستطيل سودانيزاونلاين الاخضر Author: أسامه الكرور Date: 01-23-2013, 08:19 AM Parent: #6
عمر عثمان
هداف خطير .. إمكانياته هائله فى صناعة الأهداف لنفسه وتسديدها
يجيد اللعب باليسرى واليمنى والرأس ومن كل الزوايا
لاتستطيع تفويت مشاهدة أهدافه
يرجع أحيناً مدافعاً عن الهجمات فى مرمى الشرطه
يستبسل فى الدفاع بدون أن يتسبب فى ضربات جزاء
يخذله أحياناً حارس فريق الشرطه ( شعيريه ) فتلج الأهداف رغماً عنه
أنصحكم بعدم تفويت أى هدف (بوست ) له
نعيب عليه أنه مُقِل فى المشاركه بفريق المعاشيين من الشرطه
Post: #21 Title: Re: بورداب في خانات على مستطيل سودانيزاونلاين الاخضر Author: omer osman Date: 01-23-2013, 08:29 AM Parent: #17
Quote: نعيب عليه أنه مُقِل فى المشاركه بفريق المعاشيين من الشرطه
ههههههههههه يااااااااااخ انا ود صغير مالي ومال فريق المعاشيين هههههههههههه
Post: #20 Title: Re: بورداب في خانات على مستطيل سودانيزاونلاين الاخضر Author: tmbis Date: 01-23-2013, 08:29 AM Parent: #6
Quote: اساسي ثيردباك سجن واعي ومفتح لاتفوته شاردة ولا ورادة يقطع كل الكرات برج مراقبة ويستطيع ايقاف اعتي المهاجمين بالخشونة القانونية ويجامله الحكام باعتباره من اقدم اللاعبين وفي بعض الاحيان يتقدم لمساندة الهجوم خصوصا في الضربات الركنية او التهديف من خارج الـــ 18
ماسورة كبيرة .. من اكبر المواسير في خط الدفاع الذي يمكن ان تعتمد عليهم .. يكثر من تمريرات الباصات العرضية امام منطقة الدفاع ، يميل للمراوغـة احيانا بالرغم من وجوده كلاعب مسالك .. تقيل وعندو كرشـة لانو جنو (مشـك) .. وبقرش لينـا الكورة من نص الميدان .. وحال ان ينفرد به اي من هجوم الخصم .. بيمسك اللاعب من فنلتو ولو اللاعب اتفكه منو .. بكابس النكس ولو النكس ما لحقـو بمسك كرعين اللاعب .. يستخدم اياديه كثيرا بعد ان يتعذر عليه اللحاق بالكره مما نتج عنه احايين كثيرة ضربات من منطقة الجزاء ونال الكثير من الكروت الملونه والحمراء على وجه التحديد تقدمه للمشاركة في الركنيات والضربات الثابتة يعد خصما كبيرا على الفريق حيث انه لا يستطيع العودة واحيانا كثيرة ينبرش عند وسط الملعب ويلوح للمدرب بحركة دائرية من اصابعه أن بدلوني . يشاهد دائما في حديث جانبي مع الحكام وتبادل معهم الضحكات بعيدا عن اللاعبين .. ليس هناك اي احتمالية لتحسين مستواه حيث ان اللياقـة البدنية هي عماد كرة القدم
Post: #23 Title: Re: بورداب في خانات على مستطيل سودانيزاونلاين الاخضر Author: omer osman Date: 01-23-2013, 08:33 AM Parent: #20
Quote: وبقرش لينـا الكورة من نص الميدان .. وحال ان ينفرد به اي من هجوم الخصم .. بيمسك اللاعب من فنلتو ولو اللاعب اتفكه منو .. بكابس النكس ولو النكس ما لحقـو بمسك كرعين اللاعب ..
ده اساسي وال ابراهيم عطا هههههههههههههه
Post: #66 Title: Re: بورداب في خانات على مستطيل سودانيزاونلاين الاخضر Author: خالد العطا Date: 01-26-2013, 09:49 AM Parent: #23
Quote: ودالصايم ... لاعب وسط فاهم وقاري الميدان كويس خالص باصاته مريحة يجيد لعب الون تو مع اكتر من لاعب من فريقه ويميل في العادة لللعب النظيف ونادر جدا ما يرتكب مخالفات خشونة يكن له كل لعيبة الفرق الاخري محبة واحترام وهو فاكهة كلية المنتخب الوطني
ده لاعب ما نافع شوهد وهو يخرج من المعسكر ليتعاطى الشيشة
مع رفيق دربه العامل فيها مدرب وحرف في اسمه تمبس
Post: #74 Title: Re: بورداب في خانات على مستطيل سودانيزاونلاين الاخضر Author: بشرى مبارك ود السقاى Date: 01-26-2013, 07:07 PM Parent: #23
عمر عثمان محمد عثمان الكوكى تحليلك ظريييييف بس عايزنك تحلل لينا من (صفاقص ) شوية عشان نشوف (تمريرات سيدا الجديدة ) موديل 18 سنه كيف وموديل السنة الاولى الحمراء !!!؟؟ على العموم واصل كفاحك تحليل ظريييف وإنت القائد وإنت الرئيس !!!بس خارج دفتر المعاشييين ما تجيييب لى نفسك (أهوية ) وتعمل للرد ده إقتباس وتقشر بيهو بى هناك كم ضابط بجييبو خبرك !!!!
Post: #11 Title: Re: بورداب في خانات على مستطيل سودانيزاونلاين الاخضر Author: خالد عبدالوهاب Date: 01-23-2013, 08:11 AM Parent: #5
جنابو عمر عثمان مدافع خطير ... يدافع باستماتة اولا حتى يشوف بعد داك الهجمة كانت ليهم ولا عليهم ولو حصل هدف بينفيهو طوالي :)
تحياتي ياعمر يازول ياجميل
Post: #15 Title: Re: بورداب في خانات على مستطيل سودانيزاونلاين الاخضر Author: omer osman Date: 01-23-2013, 08:18 AM Parent: #11
Quote: جنابو عمر عثمان مدافع خطير ... يدافع باستماتة اولا حتى يشوف بعد داك الهجمة كانت ليهم ولا عليهم ولو حصل هدف بينفيهو طوالي :) تحياتي ياعمر يازول ياجميل
ياخالد يااااااااخ مدافع شنو في الحر ده ههههههههههه خليني (جمال الوالي) هههههههههههههه
Post: #19 Title: Re: بورداب في خانات على مستطيل سودانيزاونلاين الاخضر Author: فايزودالقاضي Date: 01-23-2013, 08:28 AM Parent: #11
فريق عنصري كله جلابة وحلب ..
وين محمدسليمان وهاشم نوريت وعزام وكابيلا ؟
ان شاء الله السيستم يقفل قبل تسجلوه ...
Post: #24 Title: Re: بورداب في خانات على مستطيل سودانيزاونلاين الاخضر Author: omer osman Date: 01-23-2013, 08:37 AM Parent: #19
Quote: فريق عنصري كله جلابة وحلب ..
وين محمدسليمان وهاشم نوريت وعزام وكابيلا ؟
ان شاء الله السيستم يقفل قبل تسجلوه ..
ههههههههههههه ديل لاعبين في دوري المظاليم
Post: #25 Title: Re: بورداب في خانات على مستطيل سودانيزاونلاين الاخضر Author: tmbis Date: 01-23-2013, 08:42 AM Parent: #2
Quote: وهبة لاعب نص متقدم يجيد قراية الملعب ومتابعة الكرة ماهر في الاستلام والمراوغة ويجيد باصات الون تو بشكل ممتاز في حال تقدمه فريقه في نتيجة المبارة يقدم فواصل من السهل الممتنع ولايتردد في تمرير الكرة (بيضة) بين رجلي خصمه ثم يعود ليصرف له جلابية مقاسو طق طرق ، وبرغم انو بالو طويل الا انه كثير ما يتعرض للانذارات او الكروت الحمراء لبعض الالعاب الخشنة.
قاعد ساكــت .. يجيد اللعـب على جسم الخصم خاصة عندما يجده ضعيف يا حبـة عيني ومسكين والغربة منتهية منـو .. من اللعيبة الذين يربكون المدرب حيث انه لا يتقيد بتوجيهات المدرب حسب الخطة الموضوعـة ، كثير الاحتجاج على قرارات الحكم ،، ويستخدم وسائل غير شرعية داخل الميدان بشيل معاهو موس للتشليخ وله لاعب محدد يمارس معه هذا اللاسلوب من فترة ، يعتبر ماسورة أخرى مثل زميله الماسورة اساسي إلا انـه احيانا يمكن ان يمتعك في الضربات الثابتة لو ضرب ليمون كتير بين الشوطين
Post: #26 Title: Re: بورداب في خانات على مستطيل سودانيزاونلاين الاخضر Author: صبري طه Date: 01-23-2013, 08:46 AM Parent: #25
Quote: إلا انـه احيانا يمكن ان يمتعك في الضربات الثابتة لو ضرب ليمون كتير بين الشوطين
Post: #27 Title: Re: بورداب في خانات على مستطيل سودانيزاونلاين الاخضر Author: omer osman Date: 01-23-2013, 08:47 AM Parent: #25
Quote: من اللعيبة الذين يربكون المدرب حيث انه لا يتقيد بتوجيهات المدرب حسب الخطة الموضوعـة
يااااااااخ وهبة ده زي سكسك !!! المرحوم سليمان فارس ايام كان مدرب التحرير بوري كل لاعب دوره شنو ويسوي شنو جوه الميدان لمن يجي عند سكسك بقول ليهو (انت على كيفك ياسكسك)
Post: #28 Title: Re: بورداب في خانات على مستطيل سودانيزاونلاين الاخضر Author: طلحة عبدالله Date: 01-23-2013, 09:04 AM Parent: #27
Quote: وحال ان ينفرد به اي من هجوم الخصم .. بيمسك اللاعب من فنلتو ولو اللاعب اتفكه منو .. بكابس النكس ولو النكس ما لحقـو بمسك كرعين اللاعب
كااااااك وااااااااك جاااك
Quote: تمبس في بعض الاحيان ينفعل مع مخاشنات مهاجمي الفريق الخصم مما يعرضه لنيل البطاقات الملونة
وهذا هو بالضبط ما جعل مشجعيه يستبدلون الشعارات التى كان مكتوب عليها : يا تامبا يا مدرسة لعب وفن وهندسة بلافتات مكتوب عليها : الكورة أخلاق يا ... جميل كلك ..
Post: #29 Title: Re: بورداب في خانات على مستطيل سودانيزاونلاين الاخضر Author: فايزودالقاضي Date: 01-23-2013, 09:12 AM Parent: #28
طلحة ده بكون لاعب في فريق ومشجع فريق تاني ويعمل لصالحه (في السياسة بقولوا عنهم غواصات )
Post: #30 Title: Re: بورداب في خانات على مستطيل سودانيزاونلاين الاخضر Author: omer osman Date: 01-23-2013, 12:51 PM Parent: #29
مشاركة من الصديق : Iyas Sidahmed من الفيس بوك
Quote: بوستات الكورة الشديدة المدرب منو يا جنابو؟؟ بعدين احتياطى تمبس منو؟ لأنو بعض مرات بيكون زى المعز محجوب وبيجى خاشى شايل الكرت الاحمر معاهو
المدرب اكييييييد بكري ابوبكر ... لكن حكاية المعز محجوب دي قووووووية هههههههههههههه
Post: #31 Title: Re: بورداب في خانات على مستطيل سودانيزاونلاين الاخضر Author: MOHAMMED ELSHEIKH Date: 01-23-2013, 01:01 PM Parent: #30
بالله ياجنابو بعد ماتنتهي من اللعيبة شوف لينا بالمرة معاك.... المشجعين والناس البيجبو الكرة من ورا القون
Post: #32 Title: Re: بورداب في خانات على مستطيل سودانيزاونلاين الاخضر Author: محمد عبد الله الامين Date: 01-23-2013, 01:41 PM Parent: #30
Quote: وهبة لاعب نص متقدم يجيد قراية الملعب ومتابعة الكرة ماهر في الاستلام والمراوغة ويجيد باصات الون تو بشكل ممتاز في حال تقدمه فريقه في نتيجة المبارة يقدم فواصل من السهل الممتنع ولايتردد في تمرير الكرة (بيضة) بين رجلي خصمه ثم يعود ليصرف له جلابية مقاسو طق طرق ، وبرغم انو بالو طويل الا انه كثير ما يتعرض للانذارات او الكروت الحمراء لبعض الالعاب الخشنة.
100 % ظابطه على الخال وهبة .........
واضيف ابو حسين مساك خطير ولاعب مهمات ولا علاء الدين يوسف هههههههههه
Post: #33 Title: Re: بورداب في خانات على مستطيل سودانيزاونلاين الاخضر Author: محمد البشرى الخضر Date: 01-24-2013, 09:36 PM Parent: #32
الحبشي أحسن من يجيد نصب مصيدة التسلل و إن كان بطبيعتها سلاح ذو حدين جلّت منوّ مرتين تلاتة و تسببت عليه في اهداف كارثية :) أما بلة موسى فاحسن من يضرب مصيدة التسلل سواء بي رقبته او بي باصاته وإن كان ما لاقي مهاجمين يفهموه فغالبا ما تلقاه بضرب الباص لي روحه و يجري يحصّله ههههههههههههههههههه تراجي زي بكري المدينة شوت في الكشافات و طوالي (أوف سايد) لكن لو لحقت جابت قون فغالبا ما يكون قون مغربية, زي السم بشيّل كاس طوالي تبارك انصايد ساقط, يتمركز خلف الهجوم للإستفادة من الكور (القالشة) من الدفاع و يحوّلها لهجمات غالبا ما تسفر عن اهداف رائعة ابوحسين أديه اللعب الضاغط, و المراقبة اللصيقة و المان تو مان عندو بضمير - زي ما جات في الكتاب حرفيًا المان بتاعه إلاّ يمرق يخلّي الكورة غير كدا نو واي :) أأمن على باقي توزيعاتك خاصة صبري طه وإجادته للإرتكاز بس على طريقة منقستو لأنو بخرب كورة التيم التاني :) واأمن على توزيعة تمبس لأساسي و تمبس نفسه كورته حبّة وتامّيها خرخرة و كواريك حمودي كورته ناعمة ونضيفة زي ماقلت لكنّها برضو حبّة قيقراوي بجيد خانات النص كلّها وكمان ممكن يلعب ليك في الدفاع بارتياح بس عيبه كورته لايوقه وبضيّع مجهوده و جنّو يمسك الكورة و يقعد يلف و يدوّر بيها حول نفسه وكان زملانه قالوا ليه العب الباص بحردها :)
_______________________________ يا تامبا فقعتني بالضحك في حكاية بيع الكورة, وأحمد عبدالله مصر انو ذمتي اوسع من المحيط الهادئ دي سمعة شنو دي الوقعنا فيها دي هههههههههههههههههههههههه
Post: #34 Title: Re: بورداب في خانات على مستطيل سودانيزاونلاين الاخضر Author: عبدالوهاب علي الحاج Date: 01-24-2013, 10:02 PM Parent: #33
ههههههههههههههههههههههههههههههههه اول مرة اشوف البوست دا ... لي كم يوم شغال سباق حمير مع امنة مختار والبحيري والله الواحد بقى قاعد في البورض دا ساي يا عملات تمبس
_______________ بوست في السلك يا جنابو الله يصبح الواطة هسي خلاص دومست تب
Post: #35 Title: Re: بورداب في خانات على مستطيل سودانيزاونلاين الاخضر Author: كمال سالم Date: 01-24-2013, 10:21 PM Parent: #34
Quote: يااااااااخ وهبة ده زي سكسك !!! المرحوم سليمان فارس ايام كان مدرب التحرير بوري كل لاعب دوره شنو ويسوي شنو جوه الميدان لمن يجي عند سكسك بقول ليهو (انت على كيفك ياسكسك)[/QUOTE وفعلا هذا هو وهبه ,, لكنها بت ال###### مابتدى حريف . شكرا يا جنابو .
Post: #36 Title: Re: بورداب في خانات على مستطيل سودانيزاونلاين الاخضر Author: Nazik Eltayeb Date: 01-25-2013, 11:45 AM Parent: #35
وانا ان شاء الله جاياكم بكل تفاصيل فريق النسوان بسودانيز .... و تحيا الفيفا
Post: #37 Title: Re: بورداب في خانات على مستطيل سودانيزاونلاين الاخضر Author: Nazik Eltayeb Date: 01-25-2013, 11:51 AM Parent: #36
تراجي مصطفى من قدامى اللاعبين تتميز بلياقة عالية جداً تحافظ عليها بتمارين اللياقة والمعسكرات الخارجية في كل الدول (حتى اسرائيل) يعيبها الخشونة الزائدة واللعب غير القانوني والتسرع و الاشتباك مع المشجعين تم ايقافها بواسطة الاتحاد المحلي و الدولي مرات عددا ورغم انها لاعب هجوم وراس حربة الا انها لم تحرز هدفاً صحيحاً واحداً (ما فيه شك) منذ بدء مسيرتها الطويلة قيل انها تفكر في مهرجان اعتزال و التحول للتدريب.
Post: #38 Title: Re: بورداب في خانات على مستطيل سودانيزاونلاين الاخضر Author: Nazik Eltayeb Date: 01-25-2013, 11:58 AM Parent: #37
دينا خالد لاعبة ارتكاز و صانعة هجمات من الخلف لها طريقتين ممتعتين في اللعب اولها التمريرات القصيرة المفاجئة خصوصا عندما تحول مركزها فجاءة وتندفع للامام في غفلة من الخصوم موزرعة الهجمات الي زملائها و فاتحة ثغرة في دفاع الخصم والطريقة الثانية طريقة استعراضية تميل فيها لامتاع الجميع تجيد استخدام القدمين والراس بدرجة متساوية يعيبها الخروج من معسكر الفريق و التغيب عن التمارين باستمرار خصوصا اذا كان هناك عرض ازياء بالقرب من فندق الفريق صحيفتها بيضاء ولم تتلقى اي انذارات صفرا ء كانت ام حمراء......لا ادري لماذا لم تمنح كاس اللعب النظيف
Post: #39 Title: Re: بورداب في خانات على مستطيل سودانيزاونلاين الاخضر Author: Nazik Eltayeb Date: 01-25-2013, 12:06 PM Parent: #38
سمارت انا لاعبة وسط ذات امكانات تقنية عالية جداً و مفكرة تبدع اكثر في المباريات الودية لكنها ايضا صانعة اهداف في مباريات مصيرية يبدو ان طريقتها لا تعجب المدرب كثيرا لذا يميل لحبسها في الاحتياطي كثيرا قادت حملة في نادي سودانيز من اجل ان تلعب باستمرار عرضت فيها انجازاتها مع الفريق و طالبت مدير النادي بالاعتراف بقدراتها و ذلك بتخصيص رف مكتبة تضع فيه الميداليات و الصور والتذكارات التي تخلد انجازاتها.
Post: #40 Title: Re: بورداب في خانات على مستطيل سودانيزاونلاين الاخضر Author: Nazik Eltayeb Date: 01-25-2013, 12:09 PM Parent: #39
مريم بت الحسين لاعبة وسط من الطراز الاول . دقيقة في التمرير و الاستلام و صانعة العاب دعامة من دعامات الفريق النسائي تميل للعب النظيف. لها عدت اهداف كما شاركت في صناعة العديد من الاهداف
Post: #41 Title: Re: بورداب في خانات على مستطيل سودانيزاونلاين الاخضر Author: Nazik Eltayeb Date: 01-25-2013, 12:12 PM Parent: #40
مهيرة مهاجم وراس حربة تجيد الضربات الثابتة و كذلك التهديف من خارج خط 18 تتميز باللعب الهادئ و طول البال يعيبها الجلوس كثيرا على كنبة الاحتياطي في الاونة الاخيرة بشكل يخشى مشجعوها من ان يؤثر على مستواها
Post: #42 Title: Re: بورداب في خانات على مستطيل سودانيزاونلاين الاخضر Author: Nazik Eltayeb Date: 01-25-2013, 12:18 PM
امنة مختار لاعبة مهاجمة لها لياقة عالية جدا هي من ركائز الفريق النسائي يعيبها الاشتباك العنيف مع الخصوم بشكل افقد فريقها عدة مباريات كذلك التفاتها لمقاضاة الصحف و الاشتباك مع اجهزة الاعلام و الصحفيين لها عد ة اهداف و احرزت هدف الفوز في مباراة عيد النبي هابيل في العاشر من صفر يسميها مشجعوها بالجدة الشريرة
Post: #43 Title: Re: بورداب في خانات على مستطيل سودانيزاونلاين الاخضر Author: Nazik Eltayeb Date: 01-25-2013, 12:22 PM Parent: #42
احسان فقيري لاعبة دفاع من الطراز الاول تتميز باليقظة و الحذر لا تميل ابدا لارجاع الكرة للحارس او تشتيت الكرة بل تستخدم الكرة التي استخلصتها من مهاجمي الفريق الاخر في بناءة هجمة جديدة
Post: #44 Title: Re: بورداب في خانات على مستطيل سودانيزاونلاين الاخضر Author: Nazik Eltayeb Date: 01-25-2013, 12:27 PM Parent: #43
ميادة كمال لاعبة ثيردباك ذات لياقة عالية جدا لكن يعيبها عدم التركيز لها اخطاء شهيرة تسببت في هزبمة فريقها مرات عددا يبدو ان المدرب يئس من اصلاح حالها و ابقاها في كنبة الاحتياط تقول الشائعات انها مهددة بالشطب لكن يبدو ان لها نفوذ ما مكنها م ان تنجو من مقصلة الاقصاء من الفريق. صاحبة المقولة الشهيرة للصحافة الرياضية عندما سئلت عن اخطاء فاتحة في استلام الكرة (مثلي لا يسأل عن مصدر)
Post: #45 Title: Re: بورداب في خانات على مستطيل سودانيزاونلاين الاخضر Author: Nazik Eltayeb Date: 01-25-2013, 12:33 PM Parent: #44
بيان او دكتورة نجاة لاعبة خط هجوم ذات لياقة بدنية و ذهنية عالية جدا تتميز في المباريات النسائية وتميل للرجوع للخلف في حالة لعب الفريق بخطة دفاعية فتصبح كانها احد خماسي الوسط او رباعي الدفاع في خطة 4،5،1 وهي لاعبة مثيرة للجدل اذ يعترض الكثيرون على طريقة لعبها لكن هذا لاي ينقص من مقدراتها الكبيرة
Post: #46 Title: Re: بورداب في خانات على مستطيل سودانيزاونلاين الاخضر Author: Nazik Eltayeb Date: 01-25-2013, 12:37 PM Parent: #45
كابتن سلمى الشيخ سلامة لاعبة وسط مخضرمة وهي مايسترو الفريق النسائي تجيد التمرير و الاستلام وصنع الاهداف تتميز باللعب النظيف ولا تميل للعنف رغم شراستها احياناً عند بدء الهجمة يحسب لها الخصوم الف حساب و لا يحاولون الاشتباك بها اذ تتميز ببنية منبرية قوية و تركيز شديد
Post: #47 Title: Re: بورداب في خانات على مستطيل سودانيزاونلاين الاخضر Author: علي محمد الفكي Date: 01-25-2013, 12:45 PM Parent: #46
نازك الطيب كوتش لتي تيم نسائي كامل
Post: #50 Title: Re: بورداب في خانات على مستطيل سودانيزاونلاين الاخضر Author: علي محمد الفكي Date: 01-25-2013, 01:00 PM Parent: #47
عمر عثمان بوست مميز يستحق الريشة الذهبية للربع دا
Post: #51 Title: Re: بورداب في خانات على مستطيل سودانيزاونلاين الاخضر Author: علي محمد الفكي Date: 01-25-2013, 01:00 PM Parent: #47
عمر عثمان بوست مميز يستحق الريشة الذهبية للربع دا
Post: #48 Title: Re: بورداب في خانات على مستطيل سودانيزاونلاين الاخضر Author: Nazik Eltayeb Date: 01-25-2013, 12:47 PM Parent: #46
رحاب خليفة لاعبة خط هجوم متميزة ذات قدرات ذهنية عالية و لها لياقة عالية تستطيع ان تحافظ بها على نفس الوتيرة طيلة 90 دقيقة المبارة و بل و الاشواط الاضافية ويعود ذلك لقدرتها على تركيز جهدها و عدم اهدار طاقتها في هجمات لا تجدي طاقتها العالية اربكت كل خصومها مما يجعل المدربين يهرعون للتبديل اثناء المبارة لاستبدال من يقف قبالتها اذا يكون قد انهك بصورة واضحة تميزت كثيرا في المباريات الودية التي تلعب لصالح دعم التعليم او النشاط الثقافي
Post: #49 Title: Re: بورداب في خانات على مستطيل سودانيزاونلاين الاخضر Author: سامى عبد المطلب Date: 01-25-2013, 12:55 PM Parent: #46
نسيتو واحد من اللاعبين المخضرمين فى ملاعب سودانيز الخال هشام هبانى فبعد ان بلغ من الكبر مبلغه اصبح يأتى للكوره بهدف تخريبها ومرات كتيره بتم الكوره غلاط يميل للعب الفردى علاقته المميزه مع المدرب مكنته من حجز خانه دائمه فى التشكيله الاساسيه رغم احتجاجات الجمهور
Post: #52 Title: Re: بورداب في خانات على مستطيل سودانيزاونلاين الاخضر Author: سامى عبد المطلب Date: 01-25-2013, 01:06 PM Parent: #49
وهنالك اللاعب الخطير طارق جبرين المحترف بفريق الرباط المغربى وهو لاعب مهارى من الدرجه الاولى يلقب بعجب البورد يجيد اللعب فى الوسط المهاجم يميل للعب الاستعراضى لارضاء قاعدته الكبيره من الجماهير نقطه ضعفه الكبيره حبه للطلح والشاف مما يتسبب فى فقده للياقته البدنيه
Post: #53 Title: Re: بورداب في خانات على مستطيل سودانيزاونلاين الاخضر Author: سامى عبد المطلب Date: 01-25-2013, 01:21 PM Parent: #52
حبيب نوره مهاجم مهول وفنان يجيد احراز الاهداف الصعبه تدرج من روابط السامراب الى فريق الامير البحراوى ومنه الى المريخ تمت اعارته لفريق الاهلى المصرى شهدت الملاعب المصريه ابداعاته ونبوغه الكروى يعتبر من اللاعبين القليلين الذين يتوقع لهم مستقبلاً كروياً باهراً تتحدث الانباء عن عرض سرى من السير اليكس فيرجسون لنادى المريخ لشراء بطاقه اللاعب لالحاقه بكشف الشياطين الحمر ... !
Post: #54 Title: Re: بورداب في خانات على مستطيل سودانيزاونلاين الاخضر Author: الشفيع وراق عبد الرحمن Date: 01-25-2013, 01:37 PM Parent: #53
Post: #55 Title: Re: بورداب في خانات على مستطيل سودانيزاونلاين الاخضر Author: القلب النابض Date: 01-25-2013, 02:29 PM Parent: #54
يا سلام ....يا جنابو ...
فيصل نوبي ..لاعب خفيف الحركة سريع ..يتميز بالذكاء الحاد ....لماح ... لو لم تك متابعا للكرة منذ البداية لا يمكن ان تتنبأ بتمريراته السريعة الخفيفة ....
يتحرك سريعا في الملعب ..يربك الخصم كثيراً...إذ لا يفهم الخصم مغزى تمريراته الساخرة والذكية كثيراً. مشكلته الغياب الكثير عن الملاعب والتدريب ...ينزل الملعب فجأة ..ويغيب على كيفو
شوفو لينا ناذر الخليفة ...
سلام
Post: #56 Title: Re: بورداب في خانات على مستطيل سودانيزاونلاين الاخضر Author: سامى عبد المطلب Date: 01-25-2013, 04:52 PM Parent: #55
ابو حراز من اللاعبين المخضرمين فى ملاعب سودانيز تذكرنا لمساته بلاعبى العصر الذهبى اتجه مؤخراً لمجال التدريب ورغم هذا عندما ينزل للملعب لا تملك سوى الاعجاب بلمساته الرائعه يعتبر قدوه للكثير من اللاعبين الشباب
Post: #57 Title: Re: بورداب في خانات على مستطيل سودانيزاونلاين الاخضر Author: MOHAMMED ELSHEIKH Date: 01-25-2013, 05:28 PM Parent: #56
علاء الدين يوسف هذا اللاع أمرو غريب هذا اللاعب بدأ بفريق المريخ ثم تحول فجأة للهلال وفي قمة مجده الهلال وهو لاعب الوسط الأساسي يفكر تاني في الرجوع لفريقه السابق المريخ
Post: #58 Title: Re: بورداب في خانات على مستطيل سودانيزاونلاين الاخضر Author: حافظ انقابو Date: 01-25-2013, 07:41 PM Parent: #57
غايتو يا جنابو اتلومت
Post: #59 Title: Re: بورداب في خانات على مستطيل سودانيزاونلاين الاخضر Author: عبدالعزيز الفاضلابى Date: 01-25-2013, 10:54 PM Parent: #58
سلامات ياجنابو صفوة الصفوة. بوست دبلماسي رقيق اذا كان اللعب في البورد ده زي اللعب في بطولة امم افريقيا الحالية. فبوستك ده يشبه كورة الاثيوبيون الدقاقة ـ الراقية عليك الله ياجنابو شفت كورتهم اليوم مع بوركينافاسو اول حاجة شفت النشيد الوطني بتاعهم ـ ياخ ده سهرة قائمة بذاتها ذكرني بـ عازة في هواك. ولِّا شفت اللاعب اللي آصيب في الشوط الاول فخرج ودموعه تحكي ملحمة اخري. بالله لو في طريقة تنزلوا لينا النشيد الوطني الاثيوبي في لقاء اليوم عشان تتأكدوا من كلامي. عليك الله ياعمر مش احسن الاثيوبيون طيرونا؟
Post: #60 Title: Re: بورداب في خانات على مستطيل سودانيزاونلاين الاخضر Author: omer osman Date: 01-26-2013, 08:47 AM Parent: #59
نازك الطيب ....... تحياتي خطيرة جداً لكن يانازك ماشاء الله متابعة وتحليل راقي والمام بكل فنيات اللعبة مداخلاتك كان قيمة مضافة للبوست الف شكر ياااااخ
Post: #61 Title: Re: بورداب في خانات على مستطيل سودانيزاونلاين الاخضر Author: omer osman Date: 01-26-2013, 08:51 AM Parent: #54
ياالشفيع يااخوي فريقكم ده قالوا مهدد بالهبوط للدرجة التانية ههههههه اديناكم لاعب محترف النجم عصام دهب من فريق الاتحادي الابيض فرطتو فيهو اها تاني زول بسجل ليكم مافي هههههه
Post: #62 Title: Re: بورداب في خانات على مستطيل سودانيزاونلاين الاخضر Author: khaleel Date: 01-26-2013, 08:56 AM Parent: #61
Quote: خليل استوبر راقي وبرج مراقبة اسلوبه في اللعب هادي ويشبه اسلوب طارق احمد ادم والمرحوم شيخ ادريس كباشي يجيد تنظيف منطقته بحركات جمالية تعجب الجماهير لم ينال كرت اصفر او احمر طول مسيرته الكروية.
شكرا يا سعادتك
عس ولعل ان نحل مشكلة الهلال الاساسية مع سيف مساوي البجلي الكورة كل مرة
للمسكيني
هههههههههههههههههههههههههههه
Post: #63 Title: Re: بورداب في خانات على مستطيل سودانيزاونلاين الاخضر Author: ود الباوقة Date: 01-26-2013, 09:00 AM Parent: #62
ودالباوقة ... جناح يمين فرفارة يربك دفاعات الخصوم ويجيد المراوغة والتوغل وينجح في اقتناص ضربة جزاء لصالح فريقه ويتسبب في طرد احد مدافعي الخصم ، تلقي انذار من الكاف واوقف لمباراة واحدة عندما احتفل باحرازه لهدف ورفع فنلته ليظهر تحتها عبارة (إهداء لسيدي الرئيس هييييييع)
Post: #64 Title: Re: بورداب في خانات على مستطيل سودانيزاونلاين الاخضر Author: وليد محمد المبارك Date: 01-26-2013, 09:11 AM Parent: #63
انا غايتو 4 4 2 ما بتنف معاي وبتقيدني
Post: #65 Title: Re: بورداب في خانات على مستطيل سودانيزاونلاين الاخضر Author: فايزودالقاضي Date: 01-26-2013, 09:34 AM Parent: #64
عندنا لاعب في كسلا زمان المدرب دخله في نص المبارة وقبل يخش رجع للمدرب وقال ليهو ياكوتش نحن شايتين وين ...
اها شوفوا لينا اللاعب ده منو في فريق المنبر ..
Post: #67 Title: Re: بورداب في خانات على مستطيل سودانيزاونلاين الاخضر Author: عصام دهب Date: 01-26-2013, 02:45 PM Parent: #65
سلام يا جنابو ..
و صراحة بوست رائع و رشيق ..
و تلبية لطلب النشيد الوطني الأثيوبي ..
و لك و لضيوفك التقدير و الاحترام
Post: #68 Title: Re: بورداب في خانات على مستطيل سودانيزاونلاين الاخضر Author: ود الباوقة Date: 01-26-2013, 04:39 PM Parent: #67
قريمان
بيمسك الكورة كتير
وكمان عامل مسامير حديدية في الكدارة
Post: #69 Title: Re: بورداب في خانات على مستطيل سودانيزاونلاين الاخضر Author: ود الباوقة Date: 01-26-2013, 04:41 PM Parent: #68
سيف كلوش
زيادة الوزن اثرت على حركته
وبعدين رجلو واحدة
Post: #70 Title: Re: بورداب في خانات على مستطيل سودانيزاونلاين الاخضر Author: ود الباوقة Date: 01-26-2013, 04:42 PM Parent: #69
كوستاوي
حارس مرمى هردبيس كل الاهداف التي ولجت شباكه عن طريق فتحة الرجلين
بيضة يعني .....
Post: #71 Title: Re: بورداب في خانات على مستطيل سودانيزاونلاين الاخضر Author: ود الباوقة Date: 01-26-2013, 04:46 PM Parent: #70
هشام ادم تم شطبه من فريق ام ضريوة شمال
ليلتحق بي فريق القماير جنوب ( احتياطي )
Post: #72 Title: Re: بورداب في خانات على مستطيل سودانيزاونلاين الاخضر Author: ود الباوقة Date: 01-26-2013, 04:49 PM Parent: #71
اسف المقصود هو هشام هباني
وشكرا
Post: #73 Title: Re: بورداب في خانات على مستطيل سودانيزاونلاين الاخضر Author: omer osman Date: 01-26-2013, 05:10 PM Parent: #72
اسف المقصود هو هشام هباني
وشكرا
<<<<<<<<<<<<<<<<<<<<<<
هههههههه غايتو ياودالباوقة تفلق وتداوي ...
Post: #75 Title: Re: بورداب في خانات على مستطيل سودانيزاونلاين الاخضر Author: سامى عبد المطلب Date: 01-26-2013, 09:48 PM Parent: #73
عبد الله ود البوش يمتاز باللياقه العاليه التى اكتسبها من لعبه الكثير فى " فرنغيته " الجزيره و مواظبته على اكل " العنكوليب " يميل للعب فى الاجنحه ليكون قريباً من عنكوليب الجماهير اكتسب مهارات اللعب الاساسيه من " حرينا " و " الرمه حباسه " و " كمبلت " اجمع المدربين على فطرته الكرويه السليمه اجرى اختبارات مع احد الانديه " القطريه " الا ان المدرب الاجنبى رفض تسجيله رغم المهارات العاليه التى ابرزها فى الاختبارات نسبه للغه ود البوش الموغله فى المحليه .... ليعيد قيده مع رفيق دربه الطيب شيقوق فى نادى البريدانه احد اغنى الانديه الافريقيه وصاحب ابار الغاز الطبيعى ليشكلا ثنائيه سارت بذكرها الركبان ويقودا فريق البريدانه للفوز بالبطوله الافريقيه والمشاركه فى كأس الانديه العالميه .....
Post: #76 Title: Re: بورداب في خانات على مستطيل سودانيزاونلاين الاخضر Author: محمد عبد الماجد الصايم Date: 02-13-2013, 09:27 AM Parent: #75
^_^
Post: #77 Title: Re: بورداب في خانات على مستطيل سودانيزاونلاين الاخضر Author: طارق جبريل Date: 03-02-2013, 00:52 AM Parent: #76
Quote: وهنالك اللاعب الخطير طارق جبرين المحترف بفريق الرباط المغربى وهو لاعب مهارى من الدرجه الاولى يلقب بعجب البورد يجيد اللعب فى الوسط المهاجم يميل للعب الاستعراضى لارضاء قاعدته الكبيره من الجماهير نقطه ضعفه الكبيره حبه للطلح والشاف مما يتسبب فى فقده للياقته البدنيه
