Post: #1 Title: أغاني خادشة للحياء او كما قالوا ... ابو عفان .. ( السدنة يمتنعون ) .. Author: يحي قباني Date: 01-22-2013, 05:52 AM
منعوهم ... قالوا اغاني خادشة للحياء ... فالوا الغناء الزي ده حرام ( بالله مش حرام عليهم ) !!!
نبدا بي عثمان حسين ... صلاح احمد محمد صالح و يا ليالي الغرام ... وشكري لاخي ابو قصيصة ...
يا ليالي الغرام آه من ذكراك جن شوقي ليك مستحيل انساك في النجيله الخضراء وكنت اجلس ليهو كنت الثم شعرو وايدي في خديهو ثم افضل اراقب واشوف سحر شفتيهو والقى عينى انتهرت من بروز نهديو ثم الثم جيدو وانسجم فى ريدو واروى منو غليلى يا ليالى الغرام في ضرا الاشجار كنا نحمي هوانا تشهد الازهار كل يوم بلقانا كم نظمت الدر في جمال سيقانا وهي تنظر لي بعيون خجلانه في الخدود حمرة وهي مصدر سهدي يا ليالي الغرام حليل ايام هناي وسعدي هناك وين بين الزهور والورد اقيف قداما اشرح وجدي كعابد في الاله يستجدي ياضفاف النيل يا نجوم الليل انتو كنتو شهودي ياليالي الغرام
Post: #2 Title: Re: أغاني خادشة للحياء او كما قالوا ... ( السدنة يمتنعون ) ... Author: يحي قباني Date: 01-22-2013, 05:54 AM Parent: #1
و برضوا قالو دي خادشة للحياء ...
بالله دي ( مش قلة حيا منهم ؟ )
عثمان حسين ... و بازرعة
القبلة السَكْرَي ...
Post: #4 Title: Re: أغاني خادشة للحياء او كما قالوا ... ( السدنة يمتنعون ) ... Author: يحي قباني Date: 01-22-2013, 05:57 AM Parent: #2
وكمان دي خادشة للحياء ...
الغريبة ( اوكارهم العمرانة ما تديك الدرب )
عثمان حسين و با زرعة
الوكــــر المهجـــــور
Post: #3 Title: Re: أغاني خادشة للحياء او كما قالوا ... ( السدنة يمتنعون ) ... Author: الصادق عز الدين Date: 01-22-2013, 05:56 AM Parent: #1
لو رجعنا لغناء الحقيبة تجد أن 90% من ذلك الشعر بنفس الأسلوب بالتأكيد قد يكون هذا الأسلوب ثقافة شعرية تختص بحقبة معينة من ذاك الزمان.
Post: #5 Title: Re: أغاني خادشة للحياء او كما قالوا ... ( السدنة يمتنعون ) ... Author: يحي قباني Date: 01-22-2013, 06:01 AM Parent: #3
Quote: لو رجعنا لغناء الحقيبة تجد أن 90% من ذلك الشعر بنفس الأسلوب بالتأكيد قد يكون هذا الأسلوب ثقافة شعرية تختص بحقبة معينة من ذاك الزمان.
مرحب بيك اخي الفاضل
اذا هو تاريخنا ... و قديمنا ...
ومن فات قديمه تاه ...
او نتركه جميعاً ...
و لا يجتر احد من مغنيين زمننا الملامحة معكره ده منه شيئا ..
Post: #6 Title: Re: أغاني خادشة للحياء او كما قالوا ... ( السدنة يمتنعون ) ... Author: يحي قباني Date: 01-22-2013, 06:14 AM Parent: #5
Post: #7 Title: Re: أغاني خادشة للحياء او كما قالوا ... ( السدنة يمتنعون ) ... Author: الصادق عز الدين Date: 01-22-2013, 06:25 AM Parent: #5
هذا فن ونتاج فكري لأشخاص أثرو الساحة الثقافية والأدبية. صالوا وجالوا فيها ، وتقارعوا فيها فأصبحت مثل قصائد سوق عكاظ في زمن الجاهلية. يجب المحافظة عليها ودراستها ودراسة يلاغة الوصف الشعري فيها لتكون مرجعا ثقافيا
Post: #8 Title: Re: أغاني خادشة للحياء او كما قالوا ... ( السدنة يمتنعون ) ... Author: أبو ساندرا Date: 01-22-2013, 06:34 AM Parent: #7
و قالو شنو عن : ( يا عيوني يا عيوني أزرفي دمع الحنين هل يفيد الدمع أم يجدي الأنين )
شفناك جايب روائع عثمان حسين فقلنا نضيف عليها وياريت تنزلها هنا برضك
Post: #9 Title: Re: أغاني خادشة للحياء او كما قالوا ... ( السدنة يمتنعون ) ... Author: Musab Osman Alhassan Date: 01-22-2013, 06:40 AM Parent: #1
أستاذي قباني سلام
عاد نكضب؟؟ خادشة للحياء لكن حياء منو بالضبط؟؟ ده منتوج ثقافي وكل زول حر في أختياراتو
السؤال هو تقرير كلمة الحياء العام بيعود لمنو؟؟
في عالم مثالي بيكون تقرير مثل هذه الأمور بيعود للبرلمان المنتخب
يبقى السؤال التاني هو
منو الحيصحي أخوانا النواب ديل عشان نسألم أنتو منتخبين ولا جيتو كيري ساي؟؟
Post: #10 Title: Re: أغاني خادشة للحياء او كما قالوا ... ( السدنة يمتنعون ) ... Author: يحي قباني Date: 01-22-2013, 06:47 AM Parent: #9
Quote: هذا فن ونتاج فكري لأشخاص أثرو الساحة الثقافية والأدبية. صالوا وجالوا فيها ، وتقارعوا فيها فأصبحت مثل قصائد سوق عكاظ في زمن الجاهلية. يجب المحافظة عليها ودراستها ودراسة يلاغة الوصف الشعري فيها لتكون مرجعا ثقافيا
Post: #11 Title: Re: أغاني خادشة للحياء او كما قالوا ... ( السدنة يمتنعون ) ... Author: يحي قباني Date: 01-22-2013, 06:57 AM Parent: #10
Quote: و قالو شنو عن : ( يا عيوني يا عيوني أزرفي دمع الحنين هل يفيد الدمع أم يجدي الأنين )
شفناك جايب روائع عثمان حسين فقلنا نضيف عليها وياريت تنزلها هنا برضك
ولعيونك يا ابو ساندرا
صلاح احمد محمد صالح و عثمان حسين
يا عيوني اسكبي دمع الحنين
مجايب اخونا النصري ...
و راجنك يوم الخميس يا حبيبنا ...
Post: #12 Title: Re: أغاني خادشة للحياء او كما قالوا ... ( السدنة يمتنعون ) ... Author: يحي قباني Date: 01-22-2013, 06:59 AM Parent: #11
Quote: يبقى السؤال التاني هو
منو الحيصحي أخوانا النواب ديل عشان نسألم أنتو منتخبين ولا جيتو كيري ساي؟؟
ديل يا مصعب
نقول ليهم اصحي يا نايم وحد الدايم ....
Post: #13 Title: Re: أغاني خادشة للحياء او كما قالوا ... ( السدنة يمتنعون ) ... Author: الصادق عز الدين Date: 01-22-2013, 07:03 AM Parent: #10
مريت على المكتبة سريعا دي عاوزة ليها كباية شاي بالنعناع وقعدة كده
Post: #14 Title: Re: أغاني خادشة للحياء او كما قالوا ... ( السدنة يمتنعون ) ... Author: يحي قباني Date: 01-22-2013, 07:09 AM Parent: #13
Quote: مريت على المكتبة سريعا دي عاوزة ليها كباية شاي بالنعناع وقعدة كده
لما تسجل قول لي عوك ...
عشان اجيهك ...
Post: #15 Title: Re: أغاني خادشة للحياء او كما قالوا ... ( السدنة يمتنعون ) ... Author: محمد أبوالعزائم أبوالريش Date: 01-22-2013, 07:10 AM Parent: #10
سلام يا راجل يا فنان ......
عارف، عثمان حسين ده بكون جهجهم ليك جهجهة شديدة، لما قال مع حسين بازرعة: (لعبدتك وسجدت بين يديك) ..... الجملة دي بتكون رفعت ضغط الجماعة .... لما جو يهبشوها، لقوا قبلها (لولا ربي وجهنم).
لكن سيد خليفة ختاها ليهم تاااااخ وقال: يا سقاة الكأس من عهد الرشيد.
أبو عفان بيكون أتعب الناس ديل تعب شديد. شوف مع قرشي محمد حسن في (خمرة العشاق) قال شنو:
عندما تغفو الأزاهر في الربى والنسيم الحلو يهفو رطبا والندامى يسكبون العنبا يرشفون الكأس حببا حببا فأذكري صبا صريعا مستهاما لم تعد كأساته إلا حطاما يا سقاة الراح عن خمري سلاما نشوتي في الحب كرم قد تسامى عجزت عن عصرها أيدي الندامى فأصرفوا الكاسات عني والمدامى
Post: #17 Title: Re: أغاني خادشة للحياء او كما قالوا ... ( السدنة يمتنعون ) ... Author: محمد عوض السيد Date: 01-22-2013, 02:25 PM Parent: #16
الله عليك ياقباني
تعرف البوست ده حا يكون عامر وسوف يظهر الكثير من المدفون في ذاكرة المشاركين من الاغاني التي منعت من النشر او البث
واذكر ان الاذاعة لم تسجل اغنية الليمون للفنانة الراحلة / عائشة الفلاتية والزموها بتبديل ابيات فيها ..
وبعد عشـرات السنين قام عثمان الشفيع بتسجيل هذه الاغنية بنفس الكلمات واللحن القديم :
الله لي طيارة جات من بدري جابت الخبر تجري المدفع الجبلي خلي الجبل يغلي خلي الحوت جري
غايتو غناء زمان ده سمح خلاص وكلمات في قمة البساطة تجعلك تتمايل طرباً دونما عناء
واهم مافيه انه كان يعبر عن الحالة العامة السائدة بمعني ان الشاعر لم يكن نشازا حينها وكان الاجدر قبول النصوص كما هي لانها تعبر عن زمن بعينه وثقافة معينة وان اختلف الزمان
عمك حسين عثمان منصور قال : ليل وخمر و شفاه او عهد الرشيد ... ابو السيد و الحان برعي محمد دفع الله
أغنيات فى شفاه الحب غنّاها الجمال والمنى يا روح قلبى ليس يفنيه الدلال
أغرقتنى بين أمواج المنى والمنى شطّ على بحر الغرام وسقتنى خمر أعناب الهنا والهناهمس وكأس وإنسجام علمتنى كيف أنسى من أنا وأنا لفظ حرام فى الهيام وأنت ليلة القدر وينبوع السناء والسنا حلم على ليل الظلام
يا سقاة الكأس من عهد الرشيد
ما لكاسى ظامئا أبدا وحيد ونديمى
قد سرى نجما مع الأفق البعيد حطم الكأس وولى وانطفأ نجم تلألأ
وغدت تبكى على شفتيّ أصداء النشيد
ليل وخمر وشفاه هنّ للقلب لظاه هنّ إكسير الحياة
شعرها ليل تموّج صدرها الوثّاب هودج شفة عطشى وأخرى هى كأس خمرها نار وجمرة ليتنى لو ذقتها فى العمر مرة
Post: #19 Title: Re: أغاني خادشة للحياء او كما قالوا ... ( السدنة يمتنعون ) ... Author: محمد أبوالعزائم أبوالريش Date: 01-22-2013, 10:43 PM Parent: #18
Quote: شعرها ليل تموّج صدرها الوثّاب هودج شفة عطشى وأخرى هى كأس خمرها نار وجمرة ليتنى لو ذقتها فى العمر مرة
إنا لله
Post: #20 Title: Re: أغاني خادشة للحياء او كما قالوا ... ( السدنة يمتنعون ) ... Author: يحي قباني Date: 02-01-2013, 02:24 AM Parent: #19
Quote: غايتو غناء زمان ده سمح خلاص وكلمات في قمة البساطة تجعلك تتمايل طرباً دونما عناء
والله كلمات عميقة رغم بساطتها
يا مولانا خلينا نسوق البوست ده
Post: #21 Title: Re: أغاني خادشة للحياء او كما قالوا ... ( السدنة يمتنعون ) ... Author: يحي قباني Date: 02-01-2013, 02:26 AM Parent: #20
Quote: إنا لله
لا تعليق يا صديقي ...
Post: #22 Title: Re: أغاني خادشة للحياء او كما قالوا ... ( السدنة يمتنعون ) ... Author: heba Elmahi Date: 02-01-2013, 05:22 AM Parent: #21
بوست الموسم يا ود قباني الله يديك العافية علي تهدئة الاعصاب بأغنيات من الزمن الجميل تم جميلك معانا و أدينا لنكات الحفظ
تحياتي
Post: #23 Title: Re: أغاني خادشة للحياء او كما قالوا ... ( السدنة يمتنعون ) ... Author: يحي قباني Date: 02-01-2013, 05:35 AM Parent: #22
Quote: بوست الموسم يا ود قباني الله يديك العافية علي تهدئة الاعصاب بأغنيات من الزمن الجميل تم جميلك معانا و أدينا لنكات الحفظ