Post: #1
Title: ووب ... فت سنيي و تتحقق المتوالية الهندسيي 6 - 16 - 26
Author: Mahjob Abdalla
Date: 01-22-2013, 01:11 AM
في عام 87 ايام الديمقراطية درت حيث الكل يتحدث في السياسة حتي استاذ الرياضيات. كانت الحصة (او ايا كان اسمها في هذا الزمن) رياضيات عن المتواليات الهندسية و العددية ان كانت الذاكرة ما زالت تحتفظ بهذه المصلطحات.
عموما استاذ الرياضيات انداح في السياسة و راح يشرح عن انو لو ناس هلمجرا ديل ما وقفو اللخبطة البعملو فيها دي و نط عسكري تاني في الشغلانة دي حيمرقكم في متوالية عددية عددها 26 سنة ما تشوفو فيها درت.
يعلم الله كنت شايفها ابعد من ام قوزين لكن امس قعدت افكر و لقيت الزول ده دق ال 25 و باقي فت سنية و المتوالية تتحقق.
في الاول فرحت و قلت هانت. كلها سنية و تتحقق لحدي ما اتصلت لصديق عزيز و قلت ليهو الشغلانة هانت باقي ليها سنة و خلاص النصبر. فما كان منه الا قال لي "انت نسيت كلام الوداعية و الا شنو"
قلت ليهو لا حول الله خليك متفائل يا رجل. الحقيقة انا كنت عارف قصة الوداعية لكن اتقاضيت عنها بأعتبار انها مستحيل تكون صحيحة. عموما دعني احكي للجيل الجديد او المتشببين عن قصة الوداعية. بعد الانقلاب مباشرة في ناس مشوللوداعية. الوداعية قالت ليهم هي شايفة الرقمين (الــ 2 و الــ 6) لكن الاثنين قاعد ينطط بجاي و بجاي .. يمين و شمال الرقم 6. قدر ما حاولت تثبتو او يثبت من عندو تب ابي.
دحين بي كلام العرب الشغلانة ماشة 62 سنه و لا حتنتهي في الــ 26؟
|
Post: #2
Title: Re: ووب ... فت سنيي و تتحقق المتوالية الهندسيي 6 - 16 - 26
Author: Mahjob Abdalla
Date: 01-22-2013, 09:56 PM
Parent: #1
وووب تاني
|
Post: #3
Title: Re: ووب ... فت سنيي و تتحقق المتوالية الهندسيي 6 - 16 - 26
Author: Balla Musa
Date: 01-23-2013, 01:10 AM
Parent: #2
مهجوب يا هبيب
متواليتك الفوق دى هندوسية ماهندسية!
بوست اليرموك الحصل فيه شنو؟
قلت الروب ول لسه؟
|
Post: #4
Title: Re: ووب ... فت سنيي و تتحقق المتوالية الهندسيي 6 - 16 - 26
Author: Mahjob Abdalla
Date: 01-23-2013, 02:08 PM
Parent: #3
الهبيب بله
شكرا لمرورك الكريم بس هي الشغلانة متوالية عددية و لا هندوسية
باين المصطلحات اتلخبطت علينا بس واحدة من المتوالتين ماشة تتحقق و الله يستر ما الثانية.
اما بخصوص ناس البحير الفيهم اتعرفت تب و خايفهم يجو يقولو تشابهت علينا البقر
|
Post: #5
Title: Re: ووب ... فت سنيي و تتحقق المتوالية الهندسيي 6 - 16 - 26
Author: عبدالكريم أحمد الامين
Date: 01-23-2013, 02:49 PM
Parent: #4
| Quote: دحين بي كلام العرب الشغلانة ماشة 62 سنه و لا حتنتهي في الــ 26؟ |
** ود عبدالله..
** سلام..
## دعــك مـن الأرقــام والمتواليات ,, التسليم حيكون لعيسى كما قالوا !!!! ##
## والإحتمال الآخر إيشكوها فيما بينهم ويوزوعها تانى بإسم جـديــد ##
(اللهم أجعلو خير)
(ابو محمد فؤاد)
|
Post: #6
Title: Re: ووب ... فت سنيي و تتحقق المتوالية الهندسيي 6 - 16 - 26
Author: Mahjob Abdalla
Date: 01-23-2013, 10:26 PM
Parent: #5
| Quote: دعــك مـن الأرقــام والمتواليات ,, التسليم حيكون لعيسى كما قالوا |
الهبيب عبدالكريم احمد الامين
يا اخي انا دايما بلخبط بينك و بين كيكي
بس قلت لي قالو بسلموها لعيسي بس ما حددو المسيح الدجال و المسيح الاصلي لانو الفرق بينهم 40 سنه
عموما الله يستر و خلونا نستحملهم السنه الواحدة الفضلت و نشوف اخرتها.
|
|