شريف الفحيل يفند ويرد على ما نسب اليه من اكاذيب الخلافة والقيادة

Quote: السلام عليكم انا عايز اقول ان الكلام الانتشر اليومين الفاتوا و مضمونه انه انا قلت اني ح اكون خليفة الفنان محمود عبدالعزيز ، ده كلام غير صحيح اطلاقا والصحيفه النشرت الكلام ده انا فتحت فيها بلاغ لانهم ناس ما عندهم ضمير و ما راعو لروح محمود ولا حرمة الميت و بدل ما يدعو ليه قاعدين يتاجروا بإسمه، و الحوت ده تاريخ كبير مافي فنان يقدر يقرب منه و بحب أكد اني قبل ما اغني انا كنت ولازلت من محبي الحوت وفنه الراقي و هو كان فنان بمعني الكلمة ،و من اطيب الناس الأنا شفتهم في حياتي ، و ما بملك غير اني ادعي ليه ربنا يرحمه و يغفر ليه ، و احب اكد انه انا ماعندي اي صفحة في الفيس بوك غير الصفحة دي ,واي كلام او تصريح حيكون من الصفحة دى ... اتمني من كل الناس تعمل شير للبوست دا للاهميه والتوضيح.... شريف الفحيل

المصدر :- صفحة شريف في الفيسبوك

مودتي

الرحـــال

مودتي

الرحــال

شريف ما محتاج تنفى شان لو قلتو و لا ما قلتو ما بركبلو فوق راس زول

Quote: شريف ما محتاج تنفى شان لو قلتو و لا ما قلتو ما بركبلو فوق راس زول

امجد ،، تحياتي

لازم ينفي طالما انه لم يتفوه بما تم نشره على لسانه لاسباب كثيرة اهمها واقواها انه لم يجف الدمع على الخد لفراق الحوت


مودتي


الرحـــال

تسلم شريف للتوضيح الشجاع
ونتمنى ليك التقدم فى المجال الفنى وانت ليك مستقبل مزهر انشاء الله بس شد حيلك
و اجتهد و ماتنتبه لسفاسف الامور و سوف تجد متاريس جمَ فى طريقك انتبه

حقيقة انا لا اطرب للمغني شريف الفحيل, ورائيي ان اضواء اعلامية كثيفة
سلطت عليه في فترة وجيزة , فخلقت حوله هالات مصطنعه, ومع ذلك
اعتقد ان له حقا يلزم كل من تسرع وامطره بالشتم والاستهزاء باعتذار
مستحق...

شكراً يا أشرف

كنت متأكد من أنه شريف مستحيل يكون الكلام دا شريف شاب مهذب وراقي ، المشكلة في المتاجرين بي موت محمود الله يرحمه

Quote: شريف ما محتاج تنفى شان لو قلتو و لا ما قلتو ما بركبلو فوق راس زول

ليه ما محتاج ينفي يخلي الاشاعة دي ممكن تنهي مستقبلة أو تخليه مكروه خصوصا في ناس بحبوه وبسمع وهم نفسهم الكانو بسمعوا لمحمود

في ناس نكرت نفسها عديل عشان تنفي الكلام القالته وقاعد مافي زول سالها

شريف الفحيل من الأصوات الواعدة ، وأحسب أنه سوف يكون له شأنا كبيرا في فن الغناء
أتمنى أن يتبنى أشعار وألحان تعيد لنا الزمن الجميل للغناء.
وما ساقه من توضيح يوضح أدبه الجم وإحترامه للجميع

والله يا إبنى كبرت فى نظرى
وشكرا على هذا النفى القاطع

وشكرا أشرف
ودمت إضافة فى مساحة الصدق فى هذا المنبر.

أعتقد انه من اسرة فنانة ومهذبة كمان
لايمكن أن أصدق أن يصدر من أحدها مثل هذا الحديث
اتشرف بأخوة عمه عازف العود والأكورديون عثمان الفحيل حيث عشنا سويا لعدة سنوات وتعرفنا على هذه الأسرة الكريمة الفنانة.
اتمنى لهذا الشاب مستقبلا واعدا

تااااااااااااااااااااااااني ......؟

الاخ / بله موسى ،،، تحياتي

Quote: والله يا إبنى كبرت فى نظرى وشكرا على هذا النفى القاطع

بالجد لقد اراح الكثيرين بنفيه السريع وابراء ذمته مما الصق به

Quote: وشكرا أشرف ودمت إضافة فى مساحة الصدق فى هذا المنبر

ان شاء الله اكون قدر هذا التوقع الجميل بشخصي

مودتي


الرحـــال

Quote: شكراً يا أشرف

الاخ عبدالعزيز ،،، تحياتي

نعم لشريف الحق والواجب ان ينفي ما لٌصق به من تصريح طالما انه كذب وله ضرر على مستقبله الفني ، وهو من القادمين الجدد لهذا المجال لذلك لا بد ان يحتاط لمثل هذه الاشاعات ويتصد لها بكل قوة

مودتي


الرحـــال