Post: #1
Title: جنوب السودان يوقع معاهدة لبيع النفط لإسرائيل بعد اكتشاف عدد من الآبار
Author: شمس الدين التوم
Date: 01-21-2013, 12:00 PM
Parent: #0
وقع وزير البترول والتعدين بجنوب السودان ستيفن ديو داو، اتفاقية تقضى ببيع النفط إلى إسرائيل، وذلك خلال زيارته الرسمية إلى إسرائيل خلال الأيام الماضية.
وكشف الملحق الاقتصادى لصحيفة "هاآرتس" الإسرائيلية "ذا ماركر" أن دولة جنوب السودان ستبيع للشركات الإسرائيلية النفط، وذلك بعد اكتشاف عدد من الآبار النفطية فى دولة جنوب السودان.
|
Post: #2
Title: Re: جنوب السودان يوقع معاهدة لبيع النفط لإسرائيل بعد اكتشاف عدد من الآ
Author: شمس الدين التوم
Date: 01-21-2013, 12:03 PM
السؤال الذي يطرح نفسة للكيزان البترول يمر بيعندكم
والله الراي شنو
|
Post: #3
Title: Re: جنوب السودان يوقع معاهدة لبيع النفط لإسرائيل بعد اكتشاف عدد من الآ
Author: شمس الدين التوم
Date: 01-21-2013, 12:11 PM
Parent: #2
هل من مفتي في هذا الموضوع ياناس فقة الضرورة
|
Post: #4
Title: Re: جنوب السودان يوقع معاهدة لبيع النفط لإسرائيل بعد اكتشاف عدد من الآ
Author: Mohamed Suleiman
Date: 01-21-2013, 12:19 PM
Parent: #3
يا شمس الدين التوم .... ليييه تحشر الإنقاذيين في جحر ضيق كدة؟
يعني إنت قاصد إنّو البترول البيمر بالأنابيب لحدِ بورتسودان حيمشي إيلات و تتزود به طائرات تأتي لقصف اليرموك .. و كدة؟؟!!
(علي قول المثل: بضاعتكم ردت لكم؟)
مع تحياتي
|
Post: #5
Title: Re: جنوب السودان يوقع معاهدة لبيع النفط لإسرائيل بعد اكتشاف عدد من الآ
Author: شمس الدين التوم
Date: 01-21-2013, 03:04 PM
Parent: #4
يا أبو سليمان ليه مايمرروا كسير تلج مثلا
|
Post: #6
Title: Re: جنوب السودان يوقع معاهدة لبيع النفط لإسرائيل بعد اكتشاف عدد من الآ
Author: ALWALEED ALSHEIKH
Date: 01-21-2013, 03:57 PM
Parent: #5
إهداء من المؤتمر الوطني لسلفاكير
عذبني و تفنن في ألوان عذابي
ما تطرالي عشرة ما ترحم شبابي
خليني في شجوني يمكن قلبي يقسى
و زى ما نساني قلبك يمكن قلبي ينسى
مع الاعتذار للراحل المقيم وردي
|
Post: #7
Title: Re: جنوب السودان يوقع معاهدة لبيع النفط لإسرائيل بعد اكتشاف عدد من الآ
Author: شمس الدين التوم
Date: 01-21-2013, 04:49 PM
Parent: #6
ياوليد الشيخ جماعتك غناهم الايام ديي ( وواب ووابين عليا والبكي ما بيجبو ا ليا ياحنان عليا)
|
Post: #8
Title: Re: جنوب السودان يوقع معاهدة لبيع النفط لإسرائيل بعد اكتشاف عدد من الآ
Author: Sabri Elshareef
Date: 01-21-2013, 04:55 PM
Parent: #7
برضو يكونو ناس دولة الجنوب اذكياء قد سبقتهم مصر وقطر والمغرب والاردن وغيرها في التعامل مع اسرائيل
|
Post: #9
Title: Re: جنوب السودان يوقع معاهدة لبيع النفط لإسرائيل بعد اكتشاف عدد من الآ
Author: شمس الدين التوم
Date: 01-21-2013, 05:11 PM
Parent: #8
الاخ صابر كفيك لكن ماثقيل شوية علي الجماعة قصة تعامل مع اسرائيل
والراي شنو في جوزاتنا (باسبورت) والمكتوب فيها يسمح السفر لجميع دول العالم عدا ,,,,,,,,,,,,,,
|
Post: #10
Title: Re: جنوب السودان يوقع معاهدة لبيع النفط لإسرائيل بعد اكتشاف عدد من الآ
Author: شمس الدين التوم
Date: 01-21-2013, 07:29 PM
Parent: #9
إسرائيل تخترق المجال الجوي السوداني مجدداً
ذكر موقع " ديبكا " الإسرائيلي أن سلاح الجو الإسرائيلي قام بمناورات سرية فردية في شرق ووسط أفريقيا خلال الأسابيع الماضية وفق إتفاقيات غيرم معلنة مع عدد من الدول التي ترتبط إسرائيل معها بعلاقات دبلوماسية أو تعاون دولي .
وجاء إسم السودان ضمن التقرير ، حيث أفاد التقرير أن سرب الطائرات الإسرائيلية إخترق المجال الجوي السوداني جيئة وذهاباً مرة أخرى في رحلته للمناورات المشار إليها دون أن تلتقط الرادارات السودانية طائراته
ودية حايكون بنزين من وين بعدين والله علية رسوم عبور مايهم
|
Post: #11
Title: Re: جنوب السودان يوقع معاهدة لبيع النفط لإسرائيل بعد اكتشاف عدد من الآ
Author: هاشم عبدالله بشير
Date: 01-21-2013, 07:35 PM
Parent: #10
شمس الدين
تحياتى
دولة الجنوب دولة قائمة بذاتها وقرارها
وهى حرة تماما تبيع لاسرائيل او غير اسرائيل
|
Post: #12
Title: Re: جنوب السودان يوقع معاهدة لبيع النفط لإسرائيل بعد اكتشاف عدد من الآ
Author: شمس الدين التوم
Date: 01-21-2013, 07:39 PM
Parent: #11
اخي هاشم تحياتي
لكن الموضوع هنا الجارة الشمالية للجنوب
حايمر من عندهم والله لا
|
Post: #13
Title: Re: جنوب السودان يوقع معاهدة لبيع النفط لإسرائيل بعد اكتشاف عدد من الآ
Author: عادل عبدالعزيز عبد الرحيم
Date: 01-21-2013, 08:17 PM
Parent: #12
يا شمس التعامل مع اسرائيل ليس ممنوع شرعا ولا رفا ودونك تعامل النبى الكريم مع يهود المدينة
هذا المنع الفطيرهو قرار سياسى من جامعة الدول العربية وشنومش عارف كده الاسلامية
وهم ديل زاتهم ما احترمو قرارهم والعديد منهم تنصل منه وتعامل مع اسرائيل جهرا وسرا
لذلك لاارى غضاضة فى تعامل دولة الجنوب مع اسرائيل او الجن الاحمر فى سبيل مصلحة شعبها
اما حكاية النقل دى انا سمعت ربما اشتروه داخل الارض او عملو ليهم معبر عبر ممباسا على الحساب على ان يخصم من الايرادات مستقبلا
وكلو وارد
احى اى حكومة بتعمل لصالح شعبها
ويالتعاسة اى حكومة تقول شئ وتعمل شئ اخر بالسر
|
Post: #14
Title: Re: جنوب السودان يوقع معاهدة لبيع النفط لإسرائيل بعد اكتشاف عدد من الآ
Author: بشير أحمد
Date: 01-21-2013, 08:22 PM
Parent: #12
إتا شايف بترول الجنوب خلاص مشا عبر انبوب الشمال خلاص؟
الجنوبيين معروفيين من زمان ؛كل ما ينزنقوا بفكوا حاجات زي دي
خليهم يصدروا لإبليس هيمسلف
علي الجنوبيين ان يغنّوا :يالليل ما أطولك.
الزول القفل البلف رمي المفتاح في البير ؛
شايف الزغاوي فرحان تب.
|
Post: #15
Title: Re: جنوب السودان يوقع معاهدة لبيع النفط لإسرائيل بعد اكتشاف عدد من الآ
Author: عبدالعزيز حسين عبدالرحيم
Date: 01-22-2013, 04:55 AM
Parent: #14
مرحب شمس الدين
الجنوبيين ديل مساكين حكامهم ما هاميهم مصلحة شعبهم ولا تنمية بلدهم بقدر ما هاميهم كيدهم للشمال
والله من المفترض يبدوا في بناء بلدهم ووقف التناحر والقتل الحاصل عندهم لو كانو عاقلين كانوا اتفقوا بي أي طريقة مع الشمال لمرور النفط وأي فرصة للربح تعتبر خسارة وتوقف النفط كل المدة الفاتت يعتبر خسارة كبيرة وربح ضائع خصوصا بعد انخفاض اسعار النفط ولسه حا ينزل لمن ليبيا والعراق يرجعوا لمستويات ضخهم العالية
ثم أسرائيل شنو ؟ اسرائيل ما عندها شركات عندها خبرة في البترول وهسع شركات البترول العالمية زي شل وبي بي وشيفرون بقت متاضيرة قدام الشركات الكورية زي سامسونج وهونداي وجي اس بالاضافة للعملاق الصيني سنوبك بالاضافة للشركات اليابانية والصين واليابان هم الدولتين البساعدوا الجنوب
ولو كان اصلا الخبر دا صحيح كان اتجهو للجنوب لكن الخبر ما هو إلا مكايدة زي غيرها من البنسمعها كل يوم فمن الاحسن حكومة الجنوب تبطل المكاواة وتلفت لتطوير شبعها
ثم بعدين حتى لو الانقاذ دي مشت ما حا تجي حكومه تمرر ليهم بترولهم مجان أو تتنازل ليهم عن شبر من الارض
فمن الافضل لحكام الجنوب وشعب الجنوب ينسوا الشمال دا ومشاكله ويشوفو مصلحتهم الحقيقية وين ويسعوا ليها فالانسان في كان ما كتله المرض او التناحر القبلي يوم برصاصة مجرم
|
Post: #16
Title: Re: جنوب السودان يوقع معاهدة لبيع النفط لإسرائيل بعد اكتشاف عدد من الآ
Author: dardiri satti
Date: 01-22-2013, 06:45 AM
Parent: #9
Quote: جنوب السودان يوقع معاهدة لبيع النفط لإسرائيلآ
|
وإنت مالك؟؟
موش نفطهم؟؟
بعدين إسرائيل دي احتلت منهم حتة إسمها
حلايب؟؟
تحياتي
|
Post: #17
Title: Re: جنوب السودان يوقع معاهدة لبيع النفط لإسرائيل بعد اكتشاف عدد من الآ
Author: شمس الدين التوم
Date: 01-22-2013, 08:20 AM
Parent: #16
الاخ الدرديري تحية طيبة
حلايب برها ونحنا شفنا حاجة ولسع
|
Post: #18
Title: Re: جنوب السودان يوقع معاهدة لبيع النفط لإسرائيل بعد اكتشاف عدد من الآ
Author: شمس الدين التوم
Date: 01-22-2013, 08:28 AM
Parent: #17
الاخ عادل كلامك صحيح شرع الله مافية كلام يمنع التجارة مع اليهود
يعني جماعتك حايقول ذي الممثل المصري (نحن خد امين الشرع)
ويلحسو التصريح الأتي
صحيفة الرأي العام
• الوطني: لن نسمح بعبور نفط الجنوب إلى إسرائيل
|
Post: #19
Title: Re: جنوب السودان يوقع معاهدة لبيع النفط لإسرائيل بعد اكتشاف عدد من الآ
Author: شمس الدين التوم
Date: 01-22-2013, 10:22 AM
Parent: #18
وهاكم التصريح ده وخليكم شاهدين شاهد ياعادل عبد العزيز شوف بأول آيه
الأخبار
أخبار إقليمية
د. قطبي المهدي : معاهدة جوبا وتل ابيب تنسف اتفاق أديس،، لن تسمح بعبور نفط الجنوب عبر الأراضي السودانية
هذه محاولة لافراغ (كرت النفط) من مفعوله،
01-22-2013 11:05 AM
الخرطوم: سنهوري عيسى:
اعتبر د. قطبي المهدي عضو المكتب القيادي للمؤتمر الوطني، اعلان دولة الجنوب عن اتفاق لبيع نفطها إلى إسرائيل في هذا التوقيت بأنه نسف لاتفاق أديس أبابا، ومحاولة من اسرائيل لنسف أي تقارب بين الخرطوم وجوبا.
وأكد قطبي - أن الحكومة لن تسمح بعبور نفط الجنوب عبر الأراضي السودانية إلى إسرائيل، وقال إن اتفاق أديس لم ينص على بيع الجنوب نفطه لمن، ولكنه لن يمنع الحكومة من صدور قرار سيادي بحظر تصديره عبر السودان إلى تل أبيب. ووصف د. قطبي إعلان جوبا الاتفاق مع اسرائيل في هذا التوقيت بأنه محاولة لدفع مفاوضي الجنوب إلى التعنت وإفراغ لـ (كرت النفط) من مفعوله، لا سيما وأن الحكومة السودانية ظلت تربط بين تصدير النفط وتنفيذ اتفاق الترتيبات الأمنية وفَك الارتباط مع قطاع الشمال بالحركة الشعبية، واستبعد د. قطبي أن يؤثر اتفاق جوبا وتل أبيب على الاقتصاد السوداني، وقال: إننا رتّبنا ميزانيتنا على عدم الاعتماد على نفط الجنوب اطلاقاً.
وفي السياق، أكد السفير العبيد أحمد مروّح الناطق باسم وزارة الخارجية، أنه حتى الآن لم يتم التأكد من صدقية الاتفاق بين جوبا وتل أبيب على بيع نفط الجنوب لاسرائيل، وأضاف لـ (الرأي العام) أمس: إذا تأكدنا من صحة الاتفاق فبعد ذلك (لكل حدث حديث).
|
|