3 سودانيين يستولون على مليونَيْ ريال من سعودي بالقاهرة ( صورة ) .. !!

ويستمر مسلسل تدهور سمعة السودانيين في الخارج ..

خالد علي – سبق– جدة:
سرق 3 سودانيين في القاهرة مليونَيْ ريال من رجل أعمال سعودي، بعد أن أوهموه بقدرتهم على تحويل المبلغ من عملة الريال إلى الدولار . وقام الثري السعودي بتقديم بلاغ لدى مركز شرطة الشيخ زايد ضد المتهمين، وأحدهم يدعى أبو درغام، والآخر أبو عبدالله، في حين لا يُعلم اسم الشخص الثالث. وعليه تم تشكيل فريق بحث للقبض على المتهمين واستعادة المبلغ. وتشير التفاصيل إلى أن الأشخاص الثلاثة تعرفوا على رجل الأعمال السعودي في القاهرة بمدينة الشيخ زايد، وأوهموه بقدرتهم على تحويل المبالغ إلى عملة الدولار؛ لمضاعفة قيمتها، وقاموا بعمل تجربة بسيطة وسريعة أمامه للحصول على ثقته. وقام الطرفان بالاتفاق على تحويل مليونَيْ ريال سعودي إلى مليونَيْ دولار أمريكي، مقابل حصولهم على جزء من المبلغ، إلا أن المتهمين تمكنوا من الحصول على المبلغ والفرار من الموقع على الفور.

المصدر : http://sabq.org/aWufde

عوض عكاشة
دي ما اسمها سرقة دة اسمة رزق الهبل علي المجانيين

Quote: عوض عكاشة دي ما اسمها سرقة دة اسمة رزق الهبل علي المجانيين

زمان يا الزبير الضمير السوداني ما كان المثل ده بياكل معاهو عيش ..

سلام يا عوض،
دخلت أشوف الصورة ! وتساءلت حتكون صورة شنو؟
الحرامية شايلين ال3مليون متصورين بيها، ولاّ السعودي جيوبو منفضات؟
يا حبيب قول السودان الذي كان فيما مضى، سودان المشروع الحضاري ده نفّض ايديك منو، وأحمل البجيك منو كلو
بعدين جنس كلامك ده كنا بنقولو قبل 15 سنة واكتر!
هذا مع خالص ودي وتقديري

بكل بلد يكون هناك الطالح والصالح


ولكن :

يستاهل السعودي العبيط دا

Quote: بكل بلد يكون هناك الطالح والصالح

وانتا الصادق فى كل بيت لازم (حمام ) زمان اخوانا الارترين فى الهند يعمل حاجة بطالة يقول انا سودانى حاجة كويسة انا اريترى معظم مرتادى البهلوانيات القديمة دى من ابناء (الفلاتة )وبعض التشادين حاملى الجواز السودانى (الهامل ) لا انكر بعض العناصر سودانية ولاكن فى الاغلب من هذة (الكراتين )التى ذكرتها

فعلاً ليست أخلاق سودانيين.

بس السعودي طلع داقس برضو ومسك الماسورة ياعوض!

الاخ الباشمهندس ايمن خليفة لك التحايا

Quote: وانتا الصادق فى كل بيت لازم (حمام ) زمان اخوانا الارترين فى الهند يعمل حاجة بطالة يقول انا سودانى حاجة كويسة انا اريترى معظم مرتادى البهلوانيات القديمة دى من ابناء (الفلاتة )وبعض التشادين حاملى الجواز السودانى (الهامل ) لا انكر بعض العناصر سودانية ولاكن فى الاغلب من هذة (الكراتين )التى ذكرتها

إبدا من الأخير وصفك الفلانة و التشاديين بالكراتين أمر لا يليق وهو ينم عن عنصرية و تعالي هؤلاء الذين قلت أنهم كراتين
هم بشر مثلي و مثلك .ثانيا الفلاتا فيهم سودانيين و هم من الشعوب الأفريقية الذين يجب ان نفخر بهم و التشاديين فيهم
قبائل مشتركة تعيش بين السودان و تشاد من بينهم قبائل عربية و افريقية ومثلما قال لك احد الزملاء ان في كل بلد
هناك الصالح و الطالح .

يستاهل السعودي العبيط دا

الطمع الشديد ...

يا خوانا السرقة دي من اقدم السلوكيات التي عرفتها البشرية ، والسودانيين ديل لو مافيهم حرامية يبقوا ما بشر ..
الزميل المتقدم الذي تحدث عن الفلاتا والتشاديين عليه مراجعة نفسه والاعتذار .. السرقة عندنا نحن السودانيين كلنا بدون استثناء موجودة واشكال وانواع .. وانماط السرقة مرتبطة بالثقافات المحلية والبيئة كما ترتبط بالمستوى التعليمي والوضع الاجتماعي "للحرامي" وليست مرتبطة بالقبيلة او العنصر ، في البوادي كانت توجد الهمبتة ، في المدن يوجد النشالين ، وفي القرى توجد سرقة المحاصيل والدكاكين وهكذا ..
لكن التحدث عن عناصر معينة فهذا ما لا يستقيم .. كما يجب علينا الكف عن تصوير انفسنا كالانبياء ..
سيبك من الجماعة السرقة ليهم بس 2 مليون .. الناس القاعدة تسرق مليارات دي ملتهم شنو ؟ اليسوا سودانيين ؟

تحياتي

Quote: إبدا من الأخير وصفك الفلانة و التشاديين بالكراتين أمر لا يليق وهو ينم عن عنصرية و تعالي هؤلاء الذين قلت أنهم كراتين هم بشر مثلي و مثلك .ثانيا الفلاتا فيهم سودانيين و هم من الشعوب الأفريقية الذين يجب ان نفخر بهم و التشاديين فيهم قبائل مشتركة تعيش بين السودان و تشاد من بينهم قبائل عربية و افريقية ومثلما قال لك احد الزملاء ان في كل بلد هناك الصالح و الطالح

محمدين يا اخوى ازيك


يعنى خليت الكوم الكبير وطواااالى خشيت فى عنصرية وقبلية اى يا اخوى اكثر معتادى النهب من هذة الفصيلة او هذا النوع من الدجل من هذة الجنسيات بما فيهم الجعلين والشوايقة عشان ما ننحاز ..مهما كان التصرف فانة يدل على ان منتسبية (كراتين ) وانا زاتى كرتونة كان تابعتا البوست دة تانى

والناس السرقت الوطن سودانيين ولا فلاتة ؟

الشينة منكورة ونحن أصحاب شهامة والكرم جنده والحارة بنخوضها

Quote: وانا زاتى كرتونة كان تابعتا البوست دة تانى

من اين يأتي هؤلاء....... اخي رحمة بنا وبقراء المنبر كف عن هذا الهراء

الشينة منكورة ونحن أصحاب شهامة والكرم جنده والحارة بنخوضها

Quote: خالد علي – سبق– جدة:

لا يخلو اى شعب فى الدنيا من المجرمين واللصوص .
إذا بحثنا فى ارشيف سبق سنجد العجب العجاب من الجرائم.
بدأت اشك بأن صحيفة سبق تترصد السودانيين حتى خارج الحدود.
إرجعوا للارشيف.

اي واحد لديه 2 مليون ريال
ويريد ان يضاعفها الى خمسة ملائيين بهذه الطريقة الغبية يستاهل كل مايحدث له
ان شاء الله ما يكون عندو ريال واحد بعد ذلك
ولايبق له حتى حق الساندوتش
ولا اعتقد انه سيجد عاقلا يتعاطف معه
هذا غباء بلا حدود
وطمع لامعنى له
والمشكلة الكبرى أن الأغبياء يكررون نفس الأخطاء
غدا سنسمع بقصة مشابهة
وبعد غد ايضا
والقاسم المشترك فيها هو الغباء والبلادة
ولو سال اي حمار نفسه لماذا لايضاعف هؤلاء المبالغ الخاصة بهم ؟؟
اذا سال احدهم هذا السؤال لنفسه فلن يذهب مهما كانت المغريات
سأشرح هنا للجميع أحد طر ق مضاعفة المبالغ للعظة
أولاً : أدوات النصب :
شقة مفروشة أو فيلا وبيت يدل على ثراء المحتالين
دقن على طريقة { دعوني أعيش }
حفظ بعض الآيات من القرآن الكريم
وكذلك بعض الأدعية
بخور كاااااااااااااااااااارب !!!
وهمهمات لاتعرف هل هي لغة يابانية أم سيرلانكية 00 ولكن حتى الجن لايفهمها
غرفة الاحتيال ذات خصوصية ويغلب عليها الطابع الأحمر
دولارات مزورة !!! وكذلك دولارت اصلية من ابوصلعة !!!!

طريقة التنفيذ :
يتم فرش الغرفة بموكيت فاخر
في واحدة من زوايا الغرفة يتم حفر حفرة بمقاس أحد المحتاين { طبعاً ليس حفرة دخان } !!
يتم استقبال { ابوالقدح } الغبي صاحب الملائيين الأصلية والتي يحتاج لمضاعفتها
يستقبلونه بالبوابة مع الهمهمات والأدعية
ولزوم كرم الضيافة يتم أخذ استراحة في الغرفة المجاورة لغرفة الاحتيال
ومن ثم يدخلونه للغرفة المخصصة للعملية 00 ويكون البخور قد عطر كل المكان
الغرفة فارغة من اي مخلوق
طبعاً هو لايعرف ان أحد المحتالين متواجد بالحفرة التي بالزاويا
ولزوم التمويه يضعون اي اكسسوارات خفيفة بمكان الحفرة على الموكيت
ومن ثم يضع الغبي مبلغ الأثنين مليون ريال
ويبدأ صاحب أطول لحية من المحتالين في القراءة والأدعية وبجواره صاحب المبلغ
ومن ثم يبدأ المحتال في التخاطب مع الجن حسب زعمه
وبعدها بدقائق يتركون مبلغ المليونين ويطلبون من الرجل ان يجلس معهم بالغرفة المجاورة
يجلس ريثما يأتي الجان ليقوم بمضاعفة المبلغ
بل يطلبون من الضحية ان يغلق الغرفة بنفسه ويأخذ المفتاح معه
في تلك الأثناء يخرج صاحبنا من الحفرة وبالطبع معه الدولارات أو الريالات المزورة
وبخفة فائقة يقوم باستبدالها حيث يأخذ الريالات الأصلية ويضع مكانها المزورة
مع وضع ريالات اودولارات اصلية حتى لاتنكشف الخدعة
ومن بعد ذلك يرجع الى حفرته سالماً آمنامطمئناً
وكل ذلك يتم بمقاييس ودقائق محسوبة
بعدها يدخل ابوالقدح ليجد ان المبلغ قد تضاعف
بل يثبتوا له أن هذه ريالاته بعد ان يكونوا قد علموا على احدى الأوراق النقدية
وبعد انهاء المهمة بالمناسبة يغيرون السكن الى مكان آخر
وذلك في انتظار ضحية أخرى
بالمناسبة بعض هؤلاء المحتاين يحمل درجة الماجستير
وكثيرون منهم يحملون درجة البكالاريوس
ناس قريعتي راحت هنا لاياكلون عيش
وفي النهاية ليس هم أذكياء
إنما هناك أغبياء يجعلون من هؤلاء الأغبياء أذكياء !!!!
ضاعفوا أموالكم بالصدقة وبر الوالدين
ضاعفوها بقدراتكم العقلية في مشاريع تدر عليكم وعلى اوطانكم بالخير الوفير

Quote: والناس السرقت الوطن سودانيين ولا فلاتة ؟

قبل كده في سوداني شغال في المنطقة الغربية لحس مليون ريال لكن جابوهو من السودان حسب الاتفاقية الموقعة بين السودان والسعودية

وفي سوداني برضو المفروض يسلم مبلغ 120 الف ريال للمقاول جزء من دفعة بناء مسجد طار بيها فص ملح وذاب

وفي سووداني قام بـ 60 الف ريال

حكاوي زي دي حول الناس البعرفهم فقط وقائمة تطول


داخل السودان في بلاوي غش وتزوير ولعب في الاراضي وحتى الحرامية بتاعين تٌلب ديل انصاص الليالي


المشكلة وبكل صراحة اصبحنا نتعلل في اي كارثة اخلاقية انها دي ما اخلاق السودانيين واكيد ديل ما سودانيين طيب الناس ديل من وين ؟؟؟؟؟؟؟؟ من اين جاء هؤلاء


مودتي

الرحـــال

Quote: سرق 3 سودانيين في القاهرة مليونَيْ ريال

البعض مندهش ولكن قصة الشيوخ والتنزيل هذه اضحت كالشمس فى كبد السماء
وما خفى اعظم ـ ولا كـــــــــــــيف ؟؟؟






قاسم المهداوى

Quote: وانتا الصادق فى كل بيت لازم (حمام ) زمان اخوانا الارترين فى الهند يعمل حاجة بطالة يقول انا سودانى حاجة كويسة انا اريترى معظم مرتادى البهلوانيات القديمة دى من ابناء (الفلاتة )وبعض التشادين حاملى الجواز السودانى (الهامل ) لا انكر بعض العناصر سودانية ولاكن فى الاغلب من هذة (الكراتين )التى ذكرتها

صدقت ياايمن فالسودان بلد خالي من الفساد والسرقات والشعوذة والزنا واللواط والسكر والمخدرات ..
بلد معظمها انبياء تتخللهم بعض الملائكة ..

إحتمال السرقو ديل ما سودانيين!!

لمتين نحن نلاوي في حقيقة انو السودانيين ديل مجتمع فيهو الصالح والطالح
كل جريمة تنسب إلي سوداني نبحث عن شماعة ما لها
الشعب السوداني (كان) معروف بالكثير وحصلت تغيرات كتيرة يبقى المواجهة أرحم لينا وبتقينا شر (التنفض) الكتير دا
داخل السودان إنتشرت (بعض) الجرائم الغير معهودة من (بعض) السودانيين فهل نستطيع نفيها

لكن بصراحة السعودي يستاهل هو (وكت) عندو مليوني ريال تاني داير شنو

Quote: بكل بلد يكون هناك الطالح والصالح

في عهد الانقاذ طالحنا بقى كل يوم زايد ..

Quote: سلام يا عوض، دخلت أشوف الصورة ! وتساءلت حتكون صورة شنو؟ الحرامية شايلين ال3مليون متصورين بيها، ولاّ السعودي جيوبو منفضات؟ يا حبيب قول السودان الذي كان فيما مضى، سودان المشروع الحضاري ده نفّض ايديك منو، وأحمل البجيك منو كلو بعدين جنس كلامك ده كنا بنقولو قبل 15 سنة واكتر! هذا مع خالص ودي وتقديري

حبابك يا نادر ..
الصورة للمبلغ المسروق يا حبيب ( مرفق الصورة ) ..
مبلغ تختو قدامك وتستمتع بالنظر الى خديهو ..
برغم ما عملتو الانقاذ والنفوس الاتغيرت في عهدها ..
الا انو الواحد ظل متمسك بالخُلق الجميل للسوداني الاصيل ..
لكن الظاهر حتى الحتة دي طالها الوهن واصابها الذبول ..