أجمل صورة في تاريخ سودانيزاونلاين ...

إلتقاء أجيال .. نقاء ... صفاء .. ضحكة من القلب .. حفاوة ... إخاء ... حب ... ومودة
شكراً بكري ابوبكر ..


سيادتو عمر على حسن ، معروف حمدين ، وليد الشفت
كاميرا : أمير عمر

ماشاء الله ما نسحركم .......

تعليق عمنا عمر عجب وليد شدييد
ربنا يديم عليكم نعمة البسط والانبساط

تحياتي عمر عثمان

Quote: تعليق عمنا عمر عجب وليد شدييد ربنا يديم عليكم نعمة البسط والانبساط

اتوقع حاجة عندها علاقة بهلال مريخ ههههههه
تحياتي علي وشكري ...

تحياتي يا جنابو

الصورة معبرة جدا وتفصح عن جلسة صفاء وإخاء

معروف حمدين بين إبتسمتين وأكيد هو أطلق قفشة أو نكتة

أياديكم الأيمنى كلها مشغولة بحركات مختلفة

جعل الله أيامكم كلها هناء

Quote: حياتي يا جنابو الصورة معبرة جدا وتفصح عن جلسة صفاء وإخاء معروف حمدين بين إبتسمتين وأكيد هو أطلق قفشة أو نكتة أياديكم الأيمنى كلها مشغولة بحركات مختلفة جعل الله أيامكم كلها هناء

الف شكر الريس ابوجهينة وتقبل تحياتي .....

الصورة دي في الاربعينات سنة كم بالضبط ؟!!

هلا ناذر
ههههه اربعينات عديييل كده
فعلا هذا صفاء واريحية اصبحت عملة نادرة اليوم

جنابو .. ياخ إنت عزززااااال في الصور كمان!!
الله يديهم الصحة والعافية ياخ!
شكرا يا ريس عمر ومعروف والشفت على هكذا متعة!!

Quote: جنابو .. ياخ إنت عزززااااال في الصور كمان!!

ده من ذوقك ياودالصايم ياااااااخ

Quote: الله يديهم الصحة والعافية ياخ!

اللهم آمين .......

تحياتي جنابو عمر
الصورة فعلاً من أجمل الصور
وفيها إنسجام عالي جداً

Quote: الصورة دي في الاربعينات سنة كم بالضبط ؟!!

تحياتي ناذر
فعلاً ( الأبيض والأسود ) في الصور يعطي الإنطباع بفترة زمنية محددة ... فترة ما قبل إكتشاف التصوير الملون
أرجو أن يمر الأخ د. أمير ليوضح الأسباب التي ( إضطرته ) لإخراج هذه الصورة - وحدها - بالأبيض والأسود

فعلا صورة معبرة ...لك التحية أخ/عمر وللجميع.

فعلا صورة معبرة ...لك التحية أخ/عمر وللجميع.

<<<<<<<<<<<<<<<<<<<<<<<<<<<<

اسماعيل عباس ياراقي الف شكر لمرورك الجميل .............

تحياتي جنابو عمر
الصورة فعلاً من أجمل الصور
وفيها إنسجام عالي جداً

<<<<<<<<<<<<<<<<

هلا عاطف .......
فعلاً كلمة (إنسجام) هي ابلغ تعبير مختصر عن هذه الصورة .......

بوستاتك كلها بقت سعادتو وسيادتو وجنابو.

شوف لينا حاجة بتاعة ملكية خلينا نفرفش شوية.

(ما شايفنك فى صور المهرجان). صفوة من منازلهم وللى شنو؟؟؟؟

Quote: بوستاتك كلها بقت سعادتو وسيادتو وجنابو. شوف لينا حاجة بتاعة ملكية خلينا نفرفش شوية.

ههههههههههههه
ياعمدة الصورة ذاته فيها وااحد سعادتو واتنين ملكية
يعني الملكية اكتر (في حال انو وليد الشفت ماطلع امنجي بالجد) هههههههههه

Quote: (ما شايفنك فى صور المهرجان). صفوة من منازلهم وللى شنو؟؟؟؟

والله كنت ناوي امشي لكن اترددت خوفاً من سوء التنظيم لكن الناس المشو قالو كانت حاجة رائعة

Quote: ( إضطرته )

والله يا عاطف .. جنابو دا أنا بقيت اخاف من بوستاته
تجي تتداخل معاهو يسيب ليك البوست بما حمل وتاني ما تشوفو هههههههههههه

بالنسبة للصورة كان في مشكلة تقنية في الألوان بتاعت الصورة ولأنها مآخودة بصيغة jpg اي تعديل ممكن يخربها
وفي نفس الوقت عاجـبـانـي وما حبيت ارميها فقلبتها بلاك اند وايت عشان اتفادى مشكلة الالوان!
ــــــــــــــ
تحياتي يا جنابو ... وشكراً على اختيار الصورة دي تحديداً :)

Quote: أجمل صورة في تاريخ سودانيزاونلاين ...

تاريخ سودانيزاونلاين دي عجبتني شديد .. النصيحة لله لووول

------
التعديل عشان اصلح عا########ي

Quote: والله يا عاطف .. جنابو دا أنا بقيت اخاف من بوستاته تجي تتداخل معاهو يسيب ليك البوست بما حمل وتاني ما تشوفو هههههههههههه

ههههههههههههه
لا لا يا امير يااااااااخ جنابو شعاره (كل الناس شركاء في بوستات جنابو)
لكن بيني وبينك مرات كسل سااااااي مني ما بجي راجع البوست .... اعفو لي

ما شاء الله يا عمر

شوفت زمن الإنقليز الناس دي كانت مبسوطة كيف؟

شوف قهاوي أم درمان كانت نظيفة كيف

والرادي يملأ الدنيا بهجة بصوت الكاشف

Quote: ما شاء الله يا عمر شوفت زمن الإنقليز الناس دي كانت مبسوطة كيف؟ شوف قهاوي أم درمان كانت نظيفة كيف والرادي يملأ الدنيا بهجة بصوت الكاشف

فعلا ياكمال الصورة ممكن تعيشك في الاجواء القلتها دي .......
زمان الناس هدواة بال ...........

Quote: محمد عباس سيادتو عمر علي حسن ياخ ما شاء الله لسة صغير ساي مكبر نفسك ربنا يتولاك بالعافية ياعمر عثمان شغلك دة ما بقسم معانا عندك كذا بوست ما تميتم ووعدتنا بي محمد سلمي عطرون تعلمجي خمسة نجوم ولي يوم الليلة نحن منتظرين خلي الحركات دي يافردة واشتغل زي الناس وخلي امور البوليس دي

الصديق محمد عباس من الفيس بوك تحياتي وتقديري
هههههههههههه امور البوليس دي كان خليناها هي ما بتخلينا
بوست عمك سلمي اسباب فنية ولوجستية هي السبب في التأخير الحصل
لكن ان شاء الله خلال هذا الربع تشوفوهو اما بخصوص كريستينا فشكلي كده
ح امشي لي فكي يشوف لي القصة دي ابت تتم ليييييييه هههههههههههههه

صور من الزمن الجميل

شوف الماضي كيف كان

تحياتي لصاحب البوست و المتداخلين

الصورة دي في قهوة برمبل ( ان كانت هنالك واحدة ) سنة 1946

الموضوع وسبب الضحكة الشماته في هتلر عشان درشو

جنابو عمر
سلامات
تعرف القعدة كانت حلوة جداً
وكنا مبسوطين بفوز منتخب الأمارات بدورة كأس الخليج
وكاميرا الفنان الزول الراقي أمير بحق هو كان نجم اليوم الأحتفائي
شكرا لكل من أثري تلك الجلسة
ومنتظرين يوم ودالبشري

جنابو عمر يا جنابو

قرايتي للبوست بتقول...انو الصورة فعلا عجبتك...
وهي بتعجب بالجد...لكن ...وبما إن البوليسية
تجري في دمك...قلت...نشتغلا تحري...

ولازما حتما واحد فيهم حا يجي يقر ويعترف
وبكامل اهليته المعتبرة فرحا ويكشف سبب
الضحكة ال مع سبق الاصرار والقهقهة دي...


هسي اتنين منهم ابو يقروا...وطرطشو الموضوع
الباقي شاهد الملك جنابو الريس

** ابو عبدالرحمن..
** سلام ومساءك خير..
## قلنا نساعدك بصورة نيستا (ابونون) بالبردلوبه فى طريقه لحضور مؤتمر الخريجين 1938 ##






^
^
^

** الصور من إحتفاء بورداب الإمارات بالشفت ونيستا ودفعة التلتميه وبتسميتك (دُفـعـة الــ ......) فى الشارقه 18\01\2013
(ودام الود بيننا)
(ابو محمد فؤاد)

## المُبدع الفنان د. أمـيـر عـمـر عـلـى حـسـن ومن على البُعد الأخ أُسامه على ##