Post: #1
Title: فيسبوكاب سودانيز .... مبالغة
Author: عبدالمجيد الكونت
Date: 01-20-2013, 10:29 AM
Parent: #0
الوهمة بتاعة التعليقات على البوستات عبر الفيسبوك دي عجيبة ... شكرا بكري على هذا الابداع
|
Post: #2
Title: Re: فيسبوكاب سودانيز .... مبالغة
Author: الفاتح سليمان
Date: 01-20-2013, 10:33 AM
Parent: #1
كونت سلامات
عملنا تجربة هناك وجينا نعلق هنا تاني
يعني ممكن تكتب موضوع ترد عليهم هنا وفي الفيس بوك تحت
|
Post: #7
Title: Re: فيسبوكاب سودانيز .... مبالغة
Author: عبدالمجيد الكونت
Date: 01-20-2013, 10:48 AM
Parent: #4
Quote:
الناس ديل تأثرهم كبير وممكن يغيروا مسار البوست
|
لا واضح انه تاثيرهم كبير .. وحيشكلوا نقلة كبيرة للموقع ... بس الله يستر ما يقلبوها لينا هامش ومركز ويعملوا لينا جبهة ثورية هنا
تحياتي يا ايمن
|
Post: #6
Title: Re: فيسبوكاب سودانيز .... مبالغة
Author: عبدالمجيد الكونت
Date: 01-20-2013, 10:44 AM
Parent: #2
Quote: كونت سلامات
عملنا تجربة هناك وجينا نعلق هنا تاني
يعني ممكن تكتب موضوع ترد عليهم هنا وفي الفيس بوك تحت |
كيف الحال الفاتح ياصديقي
شايفك شغال جوكر ... مرة هنا ومرة هناك
لكن الناس ديل اخطر من جمهور الامل عطبرة ... اقل دقسة بلحقوك بن علي 
التحية للفيسبوكاب ... وهم يفرضون سيطرتهم من المدرجات 
|
Post: #3
Title: Re: فيسبوكاب سودانيز .... مبالغة
Author: عبدالمجيد الكونت
Date: 01-20-2013, 10:38 AM
Parent: #1
لموا ليك في عادل الباهي زعمطوه زعمطة السنين عشان قال ليهم يا سنترليق ......
Quote: Emad Siwakit
يامثقف يادرجة اولي المهندس بكري تعب وسهر الليالي عشان يضيف تعليقات الفيس بوك لكي يجد الموضوع اكبر قدر من النقاش .. يجي امثالك ويتريق ويقول سنترليق .. ياريس بكري نرفع اليك شكوى عاجلة ضد المدعو عادل الباهي ونتمنى من الله القدير ان ينزلك لهذا السنترليق ويحرمك من متعتة درجة اولى يارب .. |
Quote: حامد بدري ·
كاااااااااااااااااااااك ود الباهي ذكرني جمال مبارك مع انو الزول ده حقاني لكن الظاهر بقا يجليها واقف زمان كان الحلاقه دقن وراس هسع بقا معاها شيل بالحلاوة هههههههههههههه
|
Quote: Mohand Elnajme ·
يا الباهي ودلالة على قوة السنترليق نستطيع ان نتمكن من انحراف اي بوست عن مضمونه وانظر النتيجة الان كم 10 : صفر ويجب ان تتنبهو جيدا لقوة المنافسة .. عذرا جادات للتهميش |
Quote: Omar Adrmani
عادل الباهي
بطل إساءة يا برجوزاي...
رضينا بالهم والهم ما رضي بينا ههههههههههههههههههههههه |
Quote: Mohand Elnajme ·
عادل الباهي .. وهل اخرج السنترليق الا اصحاب المواهب الشامخة .. مش زي ناس الواسطة وجو بي تذكية |
Quote: Abdelbagi Alm Alhuda
والله ما شفت أغبى منك ... غباء مركب |
دي قوية غايتو لكن ما عرفت المقصود بيها ود الباهي ولا جادات
Quote:
Abdul Hameed
ياجماعة ما تفورو ساى - اسى كان ما سنترليق تقدرو تخشو الحوش ؟ احمدو ربكم واسكتو ياهامش انتو |
|
Post: #5
Title: Re: فيسبوكاب سودانيز .... مبالغة
Author: طارق جبريل
Date: 01-20-2013, 10:42 AM
Parent: #3
يا قريبي الواحد بقى زي العنده اسهال
كل مرة يدنقر لااااتحت هههههههههههههههه
|
Post: #8
Title: Re: فيسبوكاب سودانيز .... مبالغة
Author: عبدالمجيد الكونت
Date: 01-20-2013, 10:50 AM
Parent: #5
Quote: يا قريبي الواحد بقى زي العنده اسهال
كل مرة يدنقر لااااتحت هههههههههههههههه |
سلامات استاذ طارق
قصتك دي زكرتني نكتة ... لكن خفت من الرقيب النبطشي ...
ونبقى في الكتابة من المدرجات
|
Post: #9
Title: Re: فيسبوكاب سودانيز .... مبالغة
Author: عادل الباهي عبدالرازق
Date: 01-20-2013, 10:57 AM
Parent: #5
ياكونت سلام
يأخ التعليق بتاع والله مافي أغبي منك مقصود بيها
صلاح جادات لانو في عنوان البوست كتب الاغبياء يمتنعون
هههههههههه .
يازول والله ناس الفيس بوك الف مرحب بي كل أنسان
بيعبر عن رائه بطريقة محترمة ولكن لو التعليقات
بتحرف البوستات عن مسارها وتتنافي مع الاداب زي
موقع المشاهير زمان إحتمال صاحب الحوش يقفل الشغلانية
وتحرم ناس كتار مهذبين من المشاركة معنا .فالناس حقوا
تبتعد عن الاساءات حتي تؤتي التجربه آكلها .
|
Post: #10
Title: Re: فيسبوكاب سودانيز .... مبالغة
Author: طارق جبريل
Date: 01-20-2013, 11:07 AM
Parent: #9
Quote: ودجبريل مالك علينا
|
| Quote: ود جبرين دا اصلا مسخوووت يا ابوعيسي صابر :-) - لكن ما مشكلة نخليه يجيه جفاف الرويان ما يلحقوا :-),,, |
جبت لينا الكلام يا بكري
ازيكم يا حلوين النبي فيكم كان زعلتوا مننا ياخ
|
Post: #11
Title: Re: فيسبوكاب سودانيز .... مبالغة
Author: tmbis
Date: 01-20-2013, 11:08 AM
Parent: #9
| Quote: لموا ليك في عادل الباهي زعمطوه زعمطة السنين عشان قال ليهم يا سنترليق ...... |
. .. 
يا كونت حركتك جعانـه .. عادل الباهي دا الاخوان بي هناك ادوهو ميزتو من الصباح .. وود الصايم فرش ليهو عديل كدا وجاب عدة الشغـل .. ياخ تاااني تجي تجدد الجرح الاليم ..؟
عادل الباهي :
ما يهمك يا بن عمي يا دفعـة .. اصلو البتجيك من بره البورد دي احتماله صعب خلاص .. وطعمه حنضل ..
يوم انا في بوست طارق جبريل اب صلعتة لمت ليك فيني واحده اسمه ناهد شكيته على الله .. والله في صمة خشمي ادتني ميزتي ..
اضف لذلك ..
كان معاها كم واحد وقعوا ليك فيني من طرف ... عشان كدا طالما بكري دا فتح ليهو برنامج ما يطلبه المستمعون .. فشنو اتوقع انك كل يوم تترشى .. عشان كدا اقترح انو الواحد لما يكتب ليهو بوست يا يكتب ليهو مداخلـه .. يكتب واحده للبورداب .. وواحده للاخوان الفيسبوكاب ..
انتهى ..
بالنسبة للفسابكـه .. وانا بديكم ميزة بقوليكم ..
غايتو ضرو عيشكم .. لكن الله في
|
Post: #12
Title: Re: فيسبوكاب سودانيز .... مبالغة
Author: صبري طه
Date: 01-20-2013, 11:15 AM
Parent: #11
Quote: بالنسبة للفسابكـه .. وانا بديكم ميزة بقوليكم ..
غايتو ضرو عيشكم .. لكن الله في |
الحل الوحيد يا تمبّس .. تكسّر ليهم التلج .. وتعمل ليهم كمان شربات ليمون ...
|
Post: #13
Title: Re: فيسبوكاب سودانيز .... مبالغة
Author: tmbis
Date: 01-20-2013, 11:21 AM
Parent: #12
| Quote: الحل الوحيد يا تمبّس .. تكسّر ليهم التلج .. وتعمل ليهم كمان شربات ليمون ... |
والله ماف حل يا صبري إلا بكري يعمل ليهم مكتبة بتاعت مزرعــــة سعيدة عشان يشغلم ..
عارف السؤال شنو يا صبري ..؟
المشكلة الكبيرة انو في آخر دراسة جدوى اجريت عن الناس البره سودانيزاونلاين وليهم اهتمامات بي مواقع الكترونية أخرى وا أن كانت مواقع حوار ا, مواقع أخرى متخصصة في دونما حوارات وسياسة ..؟
اثبتت الدراسات أنو معظم الناس ديل بيعتبروا بورداب سودانيزاونلاين عبارة عن ناس فاكنها في روحم .. بالاضافة لي أنهم ما عندهم موضوع الكلام لذلك مسالة انو الواحد يفضي ليك نفسو من الفيس بوك عشان يرد ليك دي ذاتـه ميزة كويسة
سواء ان كان الرد سلبي او ايجابي او مرشوش .. فوقو طعمية بي فوق ..
لذلك :
لا تطمع في انو تكون بينك وبين اي فسابكي علاقة حميمة حتى وإن جبت ليهو مصنع بتاع تلج ومصنع شامبيون لانو الجواهم بطل ..
|
Post: #15
Title: Re: فيسبوكاب سودانيز .... مبالغة
Author: Ahmed musa
Date: 01-20-2013, 11:32 AM
Parent: #13
Quote: لذلك :
لا تطمع في انو تكون بينك وبين اي فسابكي علاقة حميمة حتى وإن جبت ليهو مصنع بتاع تلج ومصنع شامبيون لانو الجواهم بطل .. |
والله يا تمبس دس قفلة مبالغة شحمانة ضاربة سمك من الموردة
تعرف ؟ انا من جيت ليك الباب فاتح بقيت زي الماشي في قشر بيض
اعلق واخلي التعليق للمساء اجي اقراه تاني حتى اعمل رد
ومرات امششي اتفسح بالتعليق في الفيس حبة اشوف طعمه هناك حتى اجي
للحق ... الفيسبوكاب هم بورداب حقيقيين بس ظروف دخلت ناس وما دخلتهم
|
Post: #36
Title: Re: فيسبوكاب سودانيز .... مبالغة
Author: tmbis
Date: 01-21-2013, 07:32 AM
Parent: #15
Quote: والله يا تمبس دس قفلة مبالغة شحمانة ضاربة سمك من الموردة
تعرف ؟ انا من جيت ليك الباب فاتح بقيت زي الماشي في قشر بيض
اعلق واخلي التعليق للمساء اجي اقراه تاني حتى اعمل رد
ومرات امششي اتفسح بالتعليق في الفيس حبة اشوف طعمه هناك حتى اجي
للحق ... الفيسبوكاب هم بورداب حقيقيين بس ظروف دخلت ناس وما دخلتهم |
دا كلام شنـو يا مولانـا ..؟
طيب اديك ميزة ..
انت اكتب كلامك العايز تكتبو في الفيس بوك بي هناك .. وتعال حاحي بي هنـا ..
يعني بي صورة اوضح :
جرب كلامك بي هناك .. وتعال لينـا زول نجيضة ..
بالنسبة لي السمك وكدا .. عليك الله تحية خاصة جدا لمن شاركنـا وجبة السمك الشهية بصاج السمك انا وانت وداليا ..
|
Post: #19
Title: Re: فيسبوكاب سودانيز .... مبالغة
Author: صبري طه
Date: 01-20-2013, 01:39 PM
Parent: #13
| Quote: والله ماف حل يا صبري إلا بكري يعمل ليهم مكتبة بتاعت مزرعــــة سعيدة عشان يشغلم .. |
هههههههههههههههه قوية ...
السؤال: إنتو النوع دا بتجيبوهو من وين ؟
| Quote: عارف السؤال شنو يا صبري ..؟ |
السؤال شنو ياخ ؟ 
Quote: المشكلة الكبيرة انو في آخر دراسة جدوى اجريت عن الناس البره سودانيزاونلاين وليهم اهتمامات بي مواقع الكترونية أخرى وا أن كانت مواقع حوار ا, مواقع أخرى متخصصة في دونما حوارات وسياسة ..؟
اثبتت الدراسات أنو معظم الناس ديل بيعتبروا بورداب سودانيزاونلاين عبارة عن ناس فاكنها في روحم .. بالاضافة لي أنهم ما عندهم موضوع الكلام لذلك مسالة انو الواحد يفضي ليك نفسو من الفيس بوك عشان يرد ليك دي ذاتـه ميزة كويسة
سواء ان كان الرد سلبي او ايجابي او مرشوش .. فوقو طعمية بي فوق ..
لذلك :
لا تطمع في انو تكون بينك وبين اي فسابكي علاقة حميمة حتى وإن جبت ليهو مصنع بتاع تلج ومصنع شامبيون لانو الجواهم بطل .. |
من الذي أعدّ هذه الدراسة 
ـــــــ
سودانيز أونلاين اشتهر بأنّه قبلة المُعارضة في المقام الأول وقبلة السياسيين في المقام الثاني وقبلة الكُتّاب المُتميّزين في المقام الثالث
|
Post: #14
Title: Re: فيسبوكاب سودانيز .... مبالغة
Author: عادل الباهي عبدالرازق
Date: 01-20-2013, 11:30 AM
Parent: #12
Quote:
انا كان مزعلنى ودجبريل دا ...عامل راسو الزى الكفتيرة دا ... |
كاااك و كااااك ومن ثم كااااك ثالثة
ياود جبريل نحن السابقين وأنتم اللاحقين ههههههه
أنا غايتو تاني مداخلتي اليومية بحصرها في التهاني
والتعازي ونقعد نعاين للزعمطه مالنا ومالو دقوهو وشالو قروشو.
الكونت أشوف فيك يوم أنت والغواصة أيمن الفاضل
|
Post: #16
Title: Re: فيسبوكاب سودانيز .... مبالغة
Author: طارق جبريل
Date: 01-20-2013, 11:42 AM
Parent: #14
| Quote: انا كان مزعلنى ودجبريل دا ...عامل راسو الزى الكفتيرة دا |
اها نبقى في الزي دة عاد
الله في نسوي شنو نقطعها في حشانا ونسكت
وبكري الله يديهو بواسير
|
Post: #17
Title: Re: فيسبوكاب سودانيز .... مبالغة
Author: طارق جبريل
Date: 01-20-2013, 11:49 AM
Parent: #16
| Quote: حاشاك من السختة والله كتاباتك بستناها زى زمااااااان لما كنا ننتظر الزوادة الجاية من البلد نفتش لقراصة التمر والطحنية الصغيرة ام علبة صفيح 0000 |
دة الكلام الكويس ياخي
تسلم يا حبيب
|
Post: #18
Title: Re: فيسبوكاب سودانيز .... مبالغة
Author: عادل الباهي عبدالرازق
Date: 01-20-2013, 11:57 AM
Parent: #14
تمبس يادفعة الاشواق كميات
والله الواحد زاتو عنقرتو وجعتو تكون قابض ليك زول كربون فوق
يجيك واحد من تحت يفقهك بي طوبه في غفله وماتكون عامل حسابك
لكن في التجربة دي والله بتزكرني تجربة موقع المشاهير زمان
والموية تكضب الغتاس .لكن عليك الله ياتمبس أول ماتشوف ود
الصايم دا في الرياض حايم أقبضو كربون ، شاف الجماعة قابضني
كربون ماساعدتني بكلمة طيبة طوالي فتح ليك شنطة الشغل بتاعتو
ووقع ليك فيني كاااكات
Quote:
ونبقى في الكتابة من المدرجات |
ياكونت أنا بي هناك ساي قلت السنترليق الجماعة
هجمو علي هجمة رجلا واحدا والله شوية كدة كان دمي
تفرق بين القبائل . يلا تعال هنا سريع ورينا ماذا
تقصد بالاقتباس الفوق دا
|
Post: #20
Title: Re: فيسبوكاب سودانيز .... مبالغة
Author: عباس الدسيس
Date: 01-20-2013, 02:00 PM
Parent: #18
عبدالمجيد الكونت سلام يا الحبيب
شغل جميل بتاع الفيس اسفل الصفحة المشكله بجهجه باكات صاحب الموضوع
ممكن اكون في زول لابت ليك بي تار من ناس المنابر الاخري ارشك رش الجن شوف التعليق المرفق:
Quote: Abdalaziz Hussain
المصدر يا سيدنا دسيس
رد · 1 · إلغاء إعجابي · إلغاء متابعة المنشور · منذ 22 ساعة |
الرد:
Quote:
عباس الدسيس الشريف
عبدالعزيز يا حبيبنا سلام انسخ العناوين بتلقي المصدر في قوقل مع خالص تحياتي وربنا اجعل محمود من اصحاب الجنة
رد · 1 · أعجبني · منذ 22 ساعة |
المداخلة تاني:
Quote: Abdalaziz Hussain
ما تقول لي حبيبنا حباك ضب
رد · أعجبني · إلغاء متابعة المنشور · منذ 22 ساعة |
الرد الاخير:
Quote:
عباس الدسيس الشريف
والله يا عبدالعزيز انت لذيذ قلتا ليك ضب ياخ ناس الاطراف ديل اهلنا لسع ما خشيت ثقافة ((حباك برص)) الورل معاك كيف يا فردة
رد · أعجبني · منذ 7 ساعات |
شوف الراجل المعلق هنا ظريف كيف:
Quote: Abbas Omer · متابعة · يعمل لدى Al-ghad collages for health sciences.
توثيق جميل جدا أ.عباس..
رد · أعجبني · منذ 17 ساعة
Abbas Omer · متابعة · يعمل لدى Al-ghad collages for health sciences.
عباس الدسيس الشريف ..نشكر لك نزولك المصاطب الشعبية :)
رد · 1 · إلغاء إعجابي · منذ 17 ساعة |
|
Post: #21
Title: Re: فيسبوكاب سودانيز .... مبالغة
Author: محمد البشرى الخضر
Date: 01-20-2013, 02:23 PM
Parent: #20
سلامات يا كونت
الذّ تعليق واحد علّق على كلام للسيدح كررّو فوق وتحت وعاد نفس الخطأ في المحلّتين
قال - في ما معناه - يا ريس شوف صرفة للسيدح عود في اب عشرين وعود في اب خمسين وفي الاتنين غلط سجّلني محلّو :)
|
Post: #22
Title: Re: فيسبوكاب سودانيز .... مبالغة
Author: humida
Date: 01-20-2013, 02:49 PM
Parent: #21
و الله انا من زمان معجب بالحركة البتقول (لانه ما شفتها) .. اداهو كف بجاي و بجاي ..
يعني هسع الواحد كان حظروهو يجي يفلق بالحيطة يعني ..!!
|
Post: #23
Title: Re: فيسبوكاب سودانيز .... مبالغة
Author: ناذر محمد الخليفة
Date: 01-20-2013, 03:12 PM
Parent: #22
Quote: والله شغلانة سمحة خلاااس،،
وهي ممكن تكون زي "التشكيل" في الحروف الابجدية!! يعني نحن الهمزة والكسرة والضمة.. لي اللم القمرية!
أو ممكن تكون زي شخبطة الحمامات! |
هههههههههههههه
|
Post: #28
Title: Re: فيسبوكاب سودانيز .... مبالغة
Author: عبدالمجيد الكونت
Date: 01-20-2013, 04:18 PM
Parent: #22
Quote: و الله انا من زمان معجب بالحركة البتقول (لانه ما شفتها) .. اداهو كف بجاي و بجاي ..
يعني هسع الواحد كان حظروهو يجي يفلق بالحيطة يعني ..!! |
حميضة ... سلامات
يازول اعمل حسابك وما تتغش
كف بي هنا وكف بي هناك شنو قول بسم الله ... انت ما شفت طارق جبريل قال شنو
|
Post: #27
Title: Re: فيسبوكاب سودانيز .... مبالغة
Author: عبدالمجيد الكونت
Date: 01-20-2013, 04:16 PM
Parent: #21
Quote:
سلامات يا كونت
الذّ تعليق واحد علّق على كلام للسيدح كررّو فوق وتحت وعاد نفس الخطأ في المحلّتين
قال - في ما معناه - يا ريس شوف صرفة للسيدح عود في اب عشرين وعود في اب خمسين وفي الاتنين غلط سجّلني محلّو :) |
ود البشرى سلامات ياخي
صراحة السيد ح مفروض يشطبوه من زمن السروايل داك ... لكن بكري عنده فلسفته الخاصة
الزول ده بكون ماسكها لي السيد ح من الوقت داك عشان كده الزعلة خلته يكتب غلط ...
غايتو قصة الفسبكة البي تحت دي الله اعلم تنتهي علي خير ... عشان كده نحن نعمل زايغين بس
|
Post: #26
Title: Re: فيسبوكاب سودانيز .... مبالغة
Author: عبدالمجيد الكونت
Date: 01-20-2013, 04:05 PM
Parent: #12
| Quote: الحل الوحيد يا تمبّس .. تكسّر ليهم التلج .. وتعمل ليهم كمان شربات ليمون ... |
ههههههههههههههههاي
والله ياصبري التلج ما بحلك .... الناس ديل زي ما قال ليك تمبس جواهم بطل ... عادي يطقطقوك بي سبب وبلا سبب
|
Post: #25
Title: Re: فيسبوكاب سودانيز .... مبالغة
Author: عبدالمجيد الكونت
Date: 01-20-2013, 04:01 PM
Parent: #11
| Quote: يا كونت حركتك جعانـه .. عادل الباهي دا الاخوان بي هناك ادوهو ميزتو من الصباح .. وود الصايم فرش ليهو عديل كدا وجاب عدة الشغـل .. ياخ تاااني تجي تجدد الجرح الاليم ..؟ |
تامبا يافردة .... وينك والحي بيك
ياصديقي انا لي فترة من المنبر ... بالتالي اللياقة ما فل ... وجيت لقيت الجماعة مقبقبين قريبك ده ... يعني عايزني اعمل ليه شنو .... لازم اشمت ياخي مع الشامتين ... عموما الله يستر والناس ديل ما يتقرنوا فينا بلا سبب
Quote: بالنسبة للفسابكـه .. وانا بديكم ميزة بقوليكم ..
غايتو ضرو عيشكم .. لكن الله في |
دي هسة ما الرووووب عديل .... بالله يا الفسابكة ما ترحموا تمبس ده ... شايف روحه وعامل لينا فيها هنا شاويش المنبر ... اجلدوه ولحقوه ود عمه ودالباهي ده بالله عليكم
|
Post: #24
Title: Re: فيسبوكاب سودانيز .... مبالغة
Author: عبدالمجيد الكونت
Date: 01-20-2013, 03:57 PM
Parent: #9
Quote: ياكونت سلام
يأخ التعليق بتاع والله مافي أغبي منك مقصود بيها
صلاح جادات لانو في عنوان البوست كتب الاغبياء يمتنعون
هههههههههه .
|
هههههههههههههههههه سلامات ياعادل
غايتو تبريرك لي انه المقصود جادات فيه نوع من المنطق ... لكن في حالة الشماتة الحاصلة دي ما اظنه بيكون مقنع فبالتالي لازم تجيب اثبات من الزول بتاع المردجات العلق التعليق ده انه قاصد جادات والا حتكون القصة دي محمداك محمداك
غايتو يا صاحبي الجاتك من المدرجات اصله ما سامحتك
|
Post: #29
Title: Re: فيسبوكاب سودانيز .... مبالغة
Author: أبوبكر أبوالقاسم
Date: 01-20-2013, 04:53 PM
Parent: #24
سلامات للجميع
قلنا نجرِّب الشغلانة ... تعرف يا كونت ... تعليقات الفيسبكاب ما فيها مجاملة وما بكون خايف إنو " الزول" يلبِد ليك فى زقاق يتسدّى فيك
أعتقد أن الفكرة طيبة للغاية.... لكن ما عارف لو هل فى " سنسرة" أم لا ؟
|
Post: #30
Title: Re: فيسبوكاب سودانيز .... مبالغة
Author: عبدالمجيد الكونت
Date: 01-20-2013, 04:59 PM
Parent: #29
هههههههههههههههههههههه يا تمبس ... بالجنبة الفيها الحديدة
Quote: Mohammed Farah
تمبس وما ادراك !!!!! قمة الغرور في الفاضي نحن البيلزمنا في منتداك ده الاخبار العاجلة فقط وغير كدة الباقي كلو مشاط . |
|
Post: #31
Title: Re: فيسبوكاب سودانيز .... مبالغة
Author: عبدالمجيد الكونت
Date: 01-20-2013, 06:50 PM
Parent: #30
صراحة ... الفسباكة ديل قوة لا يستهان بها ومكون جديد ولكن يمتلك فاعلية كبيرة ... في تقديري ستقدم دعما كبيرا وجيدا للحوار في المنبر اذا تم توجيه هذه القوة والطاقة الى مكانها الصحيح
عن نفسي اتمنى ان تكون العلاقة بين الفسباكة والبورداب كما هي الان ... رقابة لصيقة من الفسباكة لا تخلو من بعض القفشات والمناورات وكله في اطار جميل وطيب
ساعود للرد على مداخلات الفسباكة الذين تداخلوا بالتفصيل
|
Post: #32
Title: Re: فيسبوكاب سودانيز .... مبالغة
Author: عادل الباهي عبدالرازق
Date: 01-20-2013, 07:00 PM
Parent: #31
Quote:
غايتو يا صاحبي الجاتك من المدرجات اصله ما سامحتك |
يا الكونت الناس ديل قبقبوني الصباح وأنا عديت صباحي
خنق لكن لو الوضع دا تكرر معي بقلع الجلاب وأشيل سكيني
وأنزل ليهم تحت ياقاتل يامقتول ، نحن زاتنا قبل نجي هنا
قعدنا مدرجات لمن جاتنا بواسير زاتو
|
Post: #33
Title: Re: فيسبوكاب سودانيز .... مبالغة
Author: بدرالدين الطائف
Date: 01-20-2013, 07:15 PM
Parent: #32
والله بكرى ماقصر انه اتاح للناس فرصة المشاركة فى الحوار والدلو بارائهم .
ودى فرصة جميلة جداً للاعضاء انهم يعرفوا رأى المتابعين للمنبر فى كتاباتكم.
غايتو نظام مرايه الواحد يشوف فيها نفسه فى عيون الاخرين بدون حرد كتابه.
|
Post: #34
Title: Re: فيسبوكاب سودانيز .... مبالغة
Author: محمد البشرى الخضر
Date: 01-20-2013, 10:23 PM
يا كونت صحي لياقتك تعبانة الغلط المعني كان كاتبه السيدح مرتّين فوق و تحت أو في اب عشرين واب خمسين يا قول الفيسبوكابي :)
الفكرة بالمناسبة ظريفة واظرف مافيها تاني التعليقات لايف نتفك من بوست ود جبريل و حيدر حنين القادننا بيه :)
وفيها فوايد لناس فوق كمان لو وصلت سقف مداخلات تتمها تحت أو لو وقفوك شماعة - تعبير بكري الجديد للرج - تواصل كفاحك من السنترليق
لو ما عايز ناس تحت يبروك سقف مداخلات الفيس حسب بكري خمسين ممكن تعمل لوق ان و تكتب تسعة واربعين مداخلة تحت و تشمّع البوست بتاعك هههههههههههههههههه
|
Post: #35
Title: Re: فيسبوكاب سودانيز .... مبالغة
Author: محمد عوض السيد
Date: 01-20-2013, 10:43 PM
Parent: #34
..
فكرة جيدة لاثراء النقاش بالمنبر
لكن :
لو طارق جبريل فتح ليه بوست
الا نشوف ناس المطافي من دخاخين الفيس بوك 
|
Post: #37
Title: Re: فيسبوكاب سودانيز .... مبالغة
Author: عبدالمجيد الكونت
Date: 01-21-2013, 03:29 PM
Parent: #35
شايف في بورداب داخلين مع الفسباكة ولابسين اصفر ....
ناذر وتبارك وكيكي وود الباهي ... اطلعوا ما تضايقوا الفسباكة في مكانهم
|
Post: #38
Title: Re: فيسبوكاب سودانيز .... مبالغة
Author: عبدالمجيد الكونت
Date: 01-22-2013, 09:52 AM
Parent: #37
| Quote: ياعادل الباهي اشمعني انا الزكرتني من دون الناس ماانت استعديت الفيسبوكاب عليك والبادئ اظلم هسع جاي تشكي واي واي اساءوا لي واي واي الحقوني واي واي تجربة فاشلة ومشاهير ويابكري وقفهم عشان دقوني دقوك ياكبير ... اركز ياراجل مالك بتتجرس ......احيييييييي شيل الحلاوة |
والله يا ود الباهي اخوي
الفسابكة ديل اخير تصالحهم
|
Post: #39
Title: Re: فيسبوكاب سودانيز .... مبالغة
Author: سارة علي
Date: 01-22-2013, 01:34 PM
Parent: #38
ازيكم ..
شايفة ناس ود البشرى ومن لف لفه شغالين كسير تلج لبكري ..ما عرفت دي ملاوذة من لسان كيبورد القراء ولا من بكري؟؟
اركز ارررررركز يا ابو حتحوت
كتبت في بوست المسلمي:
نتو جادين؟؟
لا بالجد جادين؟؟
يا بكري قلة احترام "بعض" الاعضاء هنا من ألفاظ واساءة وغيرو ما قادر تسيطر عليها.. كمان جابت ليها فيسبوك؟
ولا كمان حتعمل كاروهات هناك برضو ؟
مع احترامي الشديد لأعضاء الفيسبوك من المتابعين وقراء سودانيز والانا منهم... لكن التجربة دي حتقفلب الموقع دا لحاجة تانية..
لانو القراء نفسهم عارفين انو في "بعض" منهم لا يمكن السيطرة عليهم..انت يا بكري المشاكل بين الاعضاء ما قادر عليها داير تفتح ليك جبهة تانية مع القراء؟؟!
وريني حتسيطر عليهم كيف؟؟ اعمل لي عصاب وقول لي قوانين المنبر...
حتفتح طاقة لتصفية الحسابات بين البعض هنا..
ويا ريت القراء يكونو فاهمين وجهة نظري
ما ضروري بكري يفهما:)
اما قصة مملكة الفيسبوك وإسقاط الحكومات..فلا تعليق هههههههههههه
|
Post: #40
Title: Re: فيسبوكاب سودانيز .... مبالغة
Author: عادل الباهي عبدالرازق
Date: 01-22-2013, 02:02 PM
Parent: #39
Quote:
والله يا ود الباهي اخوي
الفسابكة ديل اخير تصالحهم |
الكونت ياحبيب الفسابكة ديل أنا ماعندي معاهم مشكلة
وأي زول محترم آراءه ونقده محل تقدير وإحترام لكن أي
زول زي النكره الاسمو الفاتح أحمد عباس دا ماعندي وقت
ليهو خليهو يهوهو براهو ولمن يفتر من النبيح يدينا عرض
أكتاف . عاين لنوعية كتاباتو لمعتك ، بدلتك أسع دا في
زول عاقل بيعبرو بمجرد النظر الية
|
Post: #41
Title: Re: فيسبوكاب سودانيز .... مبالغة
Author: الصادق ضرار
Date: 01-22-2013, 03:34 PM
Parent: #40
يا عبدالمجيد شوف صحبك العوض المسلمي مزنوق كيف مع الفيسبوكابي لامن جابت ليها حليفة
| Quote: يا استاذ الفيلم ده دخلناهو امس ") ") بس المخرج ما كنتا انتا |
Quote: يا مدني حبابك
يشهد الله انا ما شفت بوست اخونا سيف اليزل الا بعد فتحي للبوست
تحياتي |
المصدر : بس ياربى ست البنات دى لى اسى بتكون شربت ليها كم كباية ليمون !
|
|