إثيوبيا يا اخت بلادي

إثيوبيا يا اخت بلادي


01-20-2013, 08:13 AM


  » http://sudaneseonline.com/cgi-bin/sdb/2bb.cgi?seq=msg&board=420&msg=1358669598&rn=0

Post: #1
Title: إثيوبيا يا اخت بلادي
Author: ياسر منصور عثمان
Date: 01-20-2013, 08:13 AM

زيارة قصيرة للشقيقة اثيوبيا ...

وجدت فيها شعباً جميلاً مضيافا...

الجميع مقبلين على الحياة بابتسامة تصارع قساوة الاوضاع والظروف..

لا تحس بأي نوع من انواع التذمر في وجوههم ...رغم الإحساس الكامل بالفقر وهو يلف الحياة المادية ولكنه مهزوم مهزوم في حياتهم الروحية..

البساطة في كل شيء...التعامل ...البسمة ...الضيافة ..


من اين استمدوا هذه ؟؟

من قيم متجذرة ام من طقس يبعث الحياة في الروح..؟؟
Post: #2
Title: Re: إثيوبيا يا اخت بلادي
Author: ياسر منصور عثمان
Date: 01-20-2013, 08:23 AM
Parent: #1

يبدأ الترحيب بك من سلم الطائرة ...وفي المطار تجد العجب العجاب...فرعم ازدحامه ..إلا انك تجد نفسك محاصراً بكم هائل من الضيافة الاصيلة...فالجميع في خدمتك ...بل ان بعضهم يقدم خدماته دون ان تسأل حين يحس بك تأئهاً او (راسك ضارب)..مروراً بالجوازات ..حتى سائقي التاكسي وفي استقبالات الفنادق...وبكل ثقة اراهن انك لن تقابل احدهم او احداهن متجهماً او متضجراً..
Post: #3
Title: Re: إثيوبيا يا اخت بلادي
Author: محمد جمعه الخير
Date: 01-20-2013, 08:27 AM
Parent: #2

سلامنو يادفعة ومتابع معاك من المقاعد الامامية .

ماوجدته منهم من احترام لم اجده في دولة اخري .
Post: #4
Title: Re: إثيوبيا يا اخت بلادي
Author: شهاب الفاتح عثمان
Date: 01-20-2013, 08:31 AM
Parent: #3


يا خير من اخترت لكي تاخيه ,,

تاهلوا عن طريق تجاوزنا في الافريقية ’
وواتق ان تشجيعهم سيكون مميز مختلف وله نكهه ..

معك ومعهم



______________________________________________________
ليتهم يعلمون ان عمر اللحظـه في بعـدك يا خـرطـوم سنين طـوال
د شهـاب الفاتح ـ كوالالمبـور
Post: #6
Title: Re: إثيوبيا يا اخت بلادي
Author: ياسر منصور عثمان
Date: 01-20-2013, 09:44 AM
Parent: #3

الدفعة محمد جمعة..

تسلم ياخ...

وحقيقة ما وجدناه من الاخوة الاثيوبيين لم نجده في اياً من الدول التي زرناها...
Post: #5
Title: Re: إثيوبيا يا اخت بلادي
Author: الفاتح سليمان
Date: 01-20-2013, 09:38 AM
Parent: #1

شكرا ليك يا ياسر

شعب جميل جدا
Post: #7
Title: Re: إثيوبيا يا اخت بلادي
Author: ياسر منصور عثمان
Date: 01-20-2013, 09:48 AM
Parent: #5

الحبيب شهاب ود الفاتح..

لدينا تعاطف فطري معهم ...

وبالتأكيد سيشكل وجودهم في المونديال الافريقي علامة فارقة خصوصاً في ناحية التشجيع..
Post: #8
Title: Re: إثيوبيا يا اخت بلادي
Author: ياسر منصور عثمان
Date: 01-20-2013, 09:51 AM
Parent: #7

الفاتح ود سليمان ..

يستاهلوا والله ..

مشكور كتيييييييييير
Post: #9
Title: Re: إثيوبيا يا اخت بلادي
Author: الصادق ضرار
Date: 01-20-2013, 09:54 AM
Parent: #7

يا برلوم وين الصور ؟
بوست ذي ده لازم تكحلوا باروع الصور
فعلا شعب راقي و مهذب تتمنى ان تجلس في صالة المطار و تطالع الحسان كما قال الكاتب الليبرالي السعودي .

مرحب بيك
Post: #10
Title: Re: إثيوبيا يا اخت بلادي
Author: محمد علي البصير
Date: 01-20-2013, 09:58 AM
Parent: #7

كنت هناك قبل بضع سنوات
فأستقبلتني الزهرة الجديدة بأحلى إبتسامة

ياسر ــ تحياتي وتقديري
حينما زرت هذا الشعب الطيب الجميل في بلده ،

شعرت أننا نظلمه كثيراً عندما نحكم عليه بما نراه في بعض أحياء الخرطوم
Post: #11
Title: Re: إثيوبيا يا اخت بلادي
Author: زول ساكت
Date: 01-20-2013, 10:11 AM
Parent: #10

يا ابومنصور
والنبي شوفلي شقة جمبك
نلحق باقي المعسكر
في العادة الناس يتكلموا عن الصفات الحميدة لاخوتنا الاثيوبيين
لكن في الناحية حيركزوا على حاجة واحدة
Post: #12
Title: Re: إثيوبيا يا اخت بلادي
Author: أيمن محمود
Date: 01-20-2013, 10:25 AM
Parent: #11

DSC01135.JPG Hosting at Sudaneseonline.com

في مطعم ابيسينيا تجد الفلكلور الاثيوبي مبذولا بكل أناقة ،،،
تحياتي
Post: #13
Title: Re: إثيوبيا يا اخت بلادي
Author: ادم شحوتاي
Date: 01-20-2013, 10:30 AM
Parent: #11

ياسر الف مرحب بك في الحوش

الشعب الأثيوبي شعب عريق ومضياف وراقي جداً ومحب للسودان


الصور يا ياسر
Post: #14
Title: Re: إثيوبيا يا اخت بلادي
Author: ياسر منصور عثمان
Date: 01-20-2013, 11:15 AM
Parent: #13

صور شنو كمان آ ناس؟؟

ده شيتن بفكوا عكس الهواء؟؟
Post: #15
Title: Re: إثيوبيا يا اخت بلادي
Author: ياسر منصور عثمان
Date: 01-20-2013, 11:27 AM
Parent: #14

الاخ محمد ود البصير..

فعلاً نحن نظلم هذا الشعب الجميل...بسبب فئة قليلة منه اضطرتها الظروف للجوء للسودان وبسبب ترسبات تاريخية قد يكون معظمها غير صحيح..

ودي
Post: #16
Title: Re: إثيوبيا يا اخت بلادي
Author: ياسر منصور عثمان
Date: 01-20-2013, 11:30 AM
Parent: #15

زول ساكت..

الشقة علي..

بس بشرط واااااااااحد..

تجيب معاك عمر فارقو..
Post: #17
Title: Re: إثيوبيا يا اخت بلادي
Author: ياسر منصور عثمان
Date: 01-20-2013, 11:34 AM
Parent: #16

الحبيب ايمن ود محمود..

فعلاً الشعب الاثيوبي يعتز بالفلكور بصورة ملحوظة ..

مشكور على المرور الانيق..
Post: #18
Title: Re: إثيوبيا يا اخت بلادي
Author: ياسر منصور عثمان
Date: 01-20-2013, 11:39 AM
Parent: #17

الحبيب آدم شحوتاي

فعلاً الاثيوبيين مضيافين ومباشرين..

شكراً على اثراء البوست
Post: #19
Title: Re: إثيوبيا يا اخت بلادي
Author: ياسر منصور عثمان
Date: 01-20-2013, 11:49 AM
Parent: #18

يا برلوم وين الصور ؟
بوست ذي ده لازم تكحلوا باروع الصور
فعلا شعب راقي و مهذب تتمنى ان تجلس في صالة المطار و تطالع الحسان كما قال الكاتب الليبرالي السعودي .

مرحب بيك

الصادق ود ضرار..

دحين البرلوم ما بعلموا وبعدين يمسكوا الدرب؟؟

مشكوووور على البرلمة..
Post: #20
Title: Re: إثيوبيا يا اخت بلادي
Author: Adam Omer
Date: 01-23-2013, 10:30 PM
Parent: #19

up
Post: #21
Title: Re: إثيوبيا يا اخت بلادي
Author: Adam Omer
Date: 01-23-2013, 10:42 PM
Parent: #19

up
Post: #22
Title: Re: إثيوبيا يا اخت بلادي
Author: Adam Omer
Date: 01-23-2013, 10:45 PM
Parent: #21







ينصر دييييييييييينك ياخ
Post: #23
Title: Re: إثيوبيا يا اخت بلادي
Author: Adam Omer
Date: 01-24-2013, 10:13 PM
Parent: #22

p
Post: #24
Title: Re: إثيوبيا يا اخت بلادي
Author: ياسر منصور عثمان
Date: 01-26-2013, 06:23 AM
Parent: #23

حزنت لخسارتهم بالامس من بوركينا فاسو..

اثيوبيا قدمت الكرة الجميلة الممرحلة التي كادت ان تنقرض في افريقيا..
Post: #25
Title: Re: إثيوبيا يا اخت بلادي
Author: Adam Omer
Date: 01-26-2013, 11:15 PM
Parent: #24

up
Post: #26
Title: Re: إثيوبيا يا اخت بلادي
Author: حاتم محمد حاج المهدي
Date: 01-26-2013, 11:48 PM
Parent: #25

الشعب الأثيوبي شعب جميل مهذب وراقي.

هم الأقرب إلينا وما يجمعنا بهم أكثر مما يجمعنا بباقي الشعوب.

يحترموننا جداً ويعشقون الغناء السوداني وإن حللنا ضيوفاً بينهم لانحس بالغربة كأننا مازلنا في السودان لولا حاجز اللغة فقط..

جمعتني قبل فترة جلسة سمر مع صديقي الطبيب الأثيوبي وكان قد عمل لفترة في السودان مع إحدى المنظمات الدولية، تحدث
بحب كبير وتقدير عن الشعب السوداني وعن الفن السوداني وعن التاريخ المشترك الذي يجمع الدولتين.. ثم تحولت فجأة نبرة حديثه
إلى أسف وحزن عندما قال لي: السودانيين عندما يعرفوا إني أثيوبي يتهامسون فيما بينهم (ياخي ده حبشي ساكت)!

تلعثمت وإرتبكت ولم أدر كيف أرد عليه وحاولت عبثاَ أن أغير مجرى الحديث!

فعلاً يا ياسر أثيوبيا هي أخت بلادي حقاَ وليت قومي يعلمون.

تحياتي
Post: #27
Title: Re: إثيوبيا يا اخت بلادي
Author: Adam Omer
Date: 01-27-2013, 09:07 PM
Parent: #26

فعلاً يا ياسر أثيوبيا هي أخت بلادي حقاَ وليت قومي يعلمون.

تحياتي
Post: #28
Title: Re: إثيوبيا يا اخت بلادي
Author: عادل خياري
Date: 01-28-2013, 05:52 AM
Parent: #27

نحي الاخوة الاثيوبين الذين يحبونا اكثر من نرتمي في احضانهم ويشعرونا بالدونية
ودائما مايشعرونا اننا مهمين لديهم ويتغنون باغانينا
Post: #29
Title: Re: إثيوبيا يا اخت بلادي
Author: سيف الدين محجوب
Date: 01-28-2013, 06:46 AM
Parent: #28

أؤيدك بشدة
حقيقةً شعبٌ رائع وبلد أكثر روعة
يُفترض أن يتم التكامل معهم
وليس مع غيرهم !!!!
Post: #30
Title: Re: إثيوبيا يا اخت بلادي
Author: ود العجمى
Date: 01-28-2013, 07:10 AM
Parent: #29

Quote: أؤيدك بشدة
حقيقةً شعبٌ رائع وبلد أكثر روعة
يُفترض أن يتم التكامل معهم
وليس مع غيرهم !!!!



داير تنتهى منهم ولا شنو ؟؟
Post: #31
Title: Re: إثيوبيا يا اخت بلادي
Author: ياسر منصور عثمان
Date: 01-28-2013, 07:13 AM
Parent: #29

الاخ الحبيب حاتم ود محمد حاج...

شكراً على المرور الانيق..

فعلاً الاخوة الاثيوبيين هم الاقرب لنا وجدانياً وثقافياً ..

وللاسف اشديد ما ذكره الدكتور الاثيوبي صحيح ومتجذر لدى الكثيرين...لأسباب تاريخية ولكن اعتقد ان هذه النظرة ستتغير تدريجياً ...

مع ودي
Post: #32
Title: Re: إثيوبيا يا اخت بلادي
Author: ياسر منصور عثمان
Date: 01-28-2013, 07:17 AM
Parent: #31

الحبيب آدم عمر..

شكراً على الدعم والمؤازرة..
Post: #33
Title: Re: إثيوبيا يا اخت بلادي
Author: ياسر منصور عثمان
Date: 01-28-2013, 07:20 AM
Parent: #32

الاخ الحبيب عادل خياري..


صدقت..في اثيوبيا تشعر كأنك في السودان وهم ينظرون إليك كواحد منهم وليس كغريب..

بينما في بلدان اخرى نجرى خلفها ينظرون إلينا نظرة استعلائية بغيضة..

شكراً على المرور
Post: #34
Title: Re: إثيوبيا يا اخت بلادي
Author: ياسر منصور عثمان
Date: 01-28-2013, 07:23 AM
Parent: #33

الحبيب سيف الدين ود محجوب...

نؤيد وبشدة برضو ..


الاخ ود العجمي..

ليييييييييه يا اخي؟؟

اشكركم على المرور
Post: #35
Title: Re: إثيوبيا يا اخت بلادي
Author: Adam Omer
Date: 01-28-2013, 08:43 PM
Parent: #34

ألاخ

ياسر منصور عثمان

تحية لك و الى ضيوفك الكرام




الحبيب آدم عمر..

شكراً على الدعم والمؤازرة



كم يوم و أنا ما قادر أعبر عن حبى الى هذا الشعب!

أنا أحب و أحترم و أقدر هذاالشعب.
شعب جدير بى ألاحترام شعب مســــــــــــــــــالم شعب عـــــــــــــــــــاشق للحياة شعب محب للحرية.
شعب متعدد الثـــــــــــقافات. لذالك يطلق عليهم أمم و شعوب أثيوبيا. أنا مفتون بى هذا الشعب.


من أعز الخليل و من أعز عــــــــــــــــــــازة الخــــــــليل

بعد عبداللة دينق. غير

هذا الشــــــــــــــــــــعب؟
Post: #36
Title: Re: إثيوبيا يا اخت بلادي
Author: ياسر منصور عثمان
Date: 01-29-2013, 07:29 AM
Parent: #35

(أنا أحب و أحترم و أقدر هذاالشعب.
شعب جدير بى ألاحترام شعب مســــــــــــــــــالم شعب عـــــــــــــــــــاشق للحياة شعب محب للحرية.
شعب متعدد الثـــــــــــقافات. لذالك يطلق عليهم أمم و شعوب أثيوبيا. أنا مفتون بى هذا الشعب.)

صدقت والله يا آدم اخوي..
Post: #37
Title: Re: إثيوبيا يا اخت بلادي
Author: Hatim Alhwary
Date: 02-14-2013, 10:02 AM
Parent: #36

اثيوبيا يا اخت بلادي يا شقيقة

كم احب هذا الشعب الجميل المتحضر