Post: #1
Title: استلم يا (محمد شبكة) ... اكيد ما حا تسيبنا كده ..!!
Author: وليد محمد المبارك
Date: 01-20-2013, 06:15 AM
يا زول !!
إن للناس عليك حقاً واجب السداد .. وان للموهبة عليك مثله .. وواجبك الوفاء به وتسديده .. فاخرج من محرابك وعزلتك الفنية .. وسدد لنا حقوقنا..
|
Post: #2
Title: Re: استلم يا (محمد شبكة) ... اكيد ما حا تسيبنا كده ..!!
Author: وليد محمد المبارك
Date: 01-20-2013, 06:32 AM
Parent: #1
تعرف ..!
الاجماع شي مستحيل ... لم ينله المصطفى صلى الله عليه وسلم .. ولن يناله احدا غيره
لكن الان واجب كل ذو موهبة ان يجتهد ويحاول .. عسى ولعل
كتب ليك الفاضلابي في سنة 2006 في المنبر ده رسالة ليك ولاخرين هنا دين (إلى حامد أبو سبح ,شبكة و أب راس و عمار نور الدين) قال فيها
جوايا غنا و غناي و حمول
تاعبني شديد
لو داير أشكيهم
لي مين حاقول?
و الغنا جد بوجع لو غنيتو
و أنا عارف قلبي معاهو
و ضدي..
و أنا حاسي غنايا صبح ماليني
لامن في يقيني
أنا حاسي غناي.... زي ديني
و ما بتشبع غنية إذا صليتا
و ما بتغفر ليا إذا خليتا
لو أغني
و أغني
و أغني محال أنحل
الغنا جواي ما عندو محلة
غنا زي الروح
متعب لكن ما عاوزو يروح
ما عارف وين جواي بالضبط
مرات بالليل
الغنا جوايا بيسكر لط
و يعمل جوطة
و يحميني النوم
أضطر أقوم
و أسب لصحبي و للخرطوم.
|
Post: #3
Title: Re: استلم يا (محمد شبكة) ... اكيد ما حا تسيبنا كده ..!!
Author: محمد إبراهيم علي
Date: 01-20-2013, 06:34 AM
Parent: #2
اين حسين ملاسي ههههههههه
صباح الخير يا وليد
موت الحوت كسر عمود النص
|
Post: #4
Title: Re: استلم يا (محمد شبكة) ... اكيد ما حا تسيبنا كده ..!!
Author: وليد محمد المبارك
Date: 01-20-2013, 07:10 AM
Parent: #3
والله كسرو يا محمد على
كسرو وكسر ضهرنا
لكن نعمل شنو ؟!
محمود كان مالي مساحة حا نستنهض اي زول نعتقد فيه ... عشان يغطي جزء منها ويملانا
شكبة معتكف
وحامد اب سبح لابد
عقد الجلاد مفرتقك وما بتشبه عقد الجلاد
وود النو سوا ليه فرقة .. لون شعارها سااااي ما سمح خلي غُناها
ياخ محمود مات ..
الحكومة سوت سواتها
والمعارضة سوت سواتها
والمشكلة الرئيسية ماف زول شافها لينا ؟!!!!
الحا يغني لينا منو ؟
|
Post: #5
Title: Re: استلم يا (محمد شبكة) ... اكيد ما حا تسيبنا كده ..!!
Author: الشيخ سيد أحمد
Date: 01-20-2013, 08:39 AM
Parent: #4
إستلم يا "شبكه" زي ما قال ليك وليد.
شايك خطير هههههههه... لكن غناك أخطر.كتيرين منتظرنك...بالله خلي الكسل.
تحياتي يا "شبكه"...وتحياتنا موصوله للحبيب عاطف مسخو.
سلام ولي.
|
Post: #7
Title: Re: استلم يا (محمد شبكة) ... اكيد ما حا تسيبنا كده ..!!
Author: tmbis
Date: 01-20-2013, 09:18 AM
Parent: #5
| Quote: إن للناس عليك حقاً واجب السداد .. وان للموهبة عليك مثله .. وواجبك الوفاء به وتسديده .. فاخرج من محرابك وعزلتك الفنية .. وسدد لنا حقوقنا.. |
التحية لصديقنـا شبكــة .. وطال انتظارنـا..
مع العلم أن الساحــة الفنية بعد رحيل الحوووت محفز لتغول العديد من اصحاب المواهـب .. ادركونـا قبل أن تتسع الفجـوة ويسيطر على الغناء الشتـر النشاز .. ويدخلونـا في حتات تانية نحن ما قدره ولا عندنا ليها حيل..
متين ألقاك
طول اليوم بتذكر .. في لمة معاك
لمة معاك
ريحتك مالية المكان
إلفه
يزيد الشوق .. واللهفة لفنجان قهوة
الصباح .. شربتو معاك
متين ألقاك
وأنا كنت مستني الشتاء
لامن يجي
واريدو معاك ..اريدو اريـــــــــــــــــــــــــــــــــــــــــــدو
لا جيتك جات
لا الشتاء بتراد
بقينا بعاد
متين القــــــــــــــــــــــــــــــــــــــــاك
|
Post: #12
Title: Re: استلم يا (محمد شبكة) ... اكيد ما حا تسيبنا كده ..!!
Author: وليد محمد المبارك
Date: 01-20-2013, 07:22 PM
Parent: #7
تاميا يا حبيبي
ازيك ياخ
انت وانت دايرين نسمع ..!
السمع القديم موجود لكن الجديد ده ما عاوزين يستلموه لينا الطفاشة ...
ما انتجه محمود واخرين بسمعنا .. لكن جديدنا البسويه منو ؟
ده الكايسنو
وزي ما قلت ما عندا حيل ولا عندنا عمر
|
Post: #11
Title: Re: استلم يا (محمد شبكة) ... اكيد ما حا تسيبنا كده ..!!
Author: وليد محمد المبارك
Date: 01-20-2013, 07:18 PM
Parent: #5
الشيخ ازيك ياخ
تصدق انو عاطف مسخو ده برضو غناي .. ويغني ليك لي محمد مرغني يمتعك جدا
|
Post: #6
Title: Re: استلم يا (محمد شبكة) ... اكيد ما حا تسيبنا كده ..!!
Author: الصادق صديق سلمان
Date: 01-20-2013, 09:07 AM
Parent: #4
وليد كيفك
Quote: والمشكلة الرئيسية ماف زول شافها لينا ؟!!!!
الحا يغني لينا منو ؟ |
بعد إلا ننتظر شريف الفحيل وافراح عصام في الدرك الأسفل من الفن السوداني
ولكن محمود عبد العزيز رحمة الله عليه لن يتكرررررررر في القريب العاجل
ودري عندو طعم ووداللمين عندو طعم
لكن والله يا وليد محمود دا رحمة الله عليه كان عندو طعم براهو وذوق براهو وروح براهو وعينو الكان بعاين بيها لجمهورو كانت براها وشخصيتو في المسرح كانت براها وكان محمود رحمه الله متفرد في كل شيء حتى في أدق تفاصيل حياته وتركيبته كان متفرد في المجتمع الفني السوداني ... رحمة الله عليك يا محمود ود فايزة رحمةً يتسع بها قبرك مد بصرك ورحمةً تدخل بها جنان النعيم..
|
Post: #8
Title: Re: استلم يا (محمد شبكة) ... اكيد ما حا تسيبنا كده ..!!
Author: الفاتح سليمان
Date: 01-20-2013, 09:19 AM
Parent: #6
وليد البركة فينا وفيكم
الرحمة ليه والمغفرة ليهم كلهم
طيبين جدا
كل واحد منهم بوريك انو كان طيب كيف
محمود قصة
نادر قصة
مصطفي سيداحمد قصة
العامل المشترك بينهم ما موهبة الفنية بس
لكن تواضعهم وادبهم الشديد مع البني ادم السوداني
اسامي كتيرة كتيرة جدا
يا زول والله مع الحزن الشديد كنت ح افتح بوست واعزيك فيه
السبب شنو ما عارفين ومعاك محمد السني دفع الله
بعد شوية الواحد اتراجع بدون ما يقصد لانو زي كتيرين اكتشفوا فجاءة انو الناس الاتكسرت بعد محمود ما شوية
في محمود اجماع بزيد كل يوم شفت كيف
اما ناس الحكومة
بعد ما كل ما حصل منها لمحمود ما قدرت غير انها تستسلم عديل قداموا وترفع الراية البيضاء شفت الحصل دا هزمهم ببساطة ما بمشروع سياسي
بس بغني وطيبة وزي ما كتبت انت في بوست تاني انو مننا وفينا وهم طبعا ما مننا ...
او المعارضة فعزرا لها (الاخيرة) ما ح تقدر تصل لقدر الحاجة الحصلت وبتحصل كل يوم لكن نتمني قريب توصل
شبكة وكتيرين الغناء دا مشروع كبير العايز يعرفوا يشوف كيف الناس الاتلمت حول محمود ....
سلام
|
Post: #14
Title: Re: استلم يا (محمد شبكة) ... اكيد ما حا تسيبنا كده ..!!
Author: وليد محمد المبارك
Date: 01-20-2013, 08:14 PM
Parent: #8
عزيني يا الفاتح
وخليني اعزيك
مصيبتنا كبيره .. لكن نسوي شنو ؟
محمود مات وهذه حقيقة لا فرار منها
| Quote: شبكة وكتيرين الغناء دا مشروع كبير العايز يعرفوا يشوف كيف الناس الاتلمت حول محمود .... |
ده كلام صحيح
لكن كمان محمود وضح انو الموضوع ده عنده عائد كبير لمن يصبر عليه
ياخ محمود ده شوف الصلو عليه كم؟
كلنا حا نموت .. كلن البمشو في جنازتنا كم ؟
محمود صلو عليه صلاة دولية
صلو عليه في الادرن وفي السودان وصلو عليه صلاة الغائب في البحرين
مشوا في جنازته الالاف .. وتابع اخبار الجنازة دي الملايين ..
معناتا الحكاية ما غُنا .. الحكاية اكبر من غُنا ...
انا بستنهض في شبكة لاني بعرفو .. شبكة برضو زول زينا .. ود حلة ساااااااااااااااااااااااااااااااي
اها شبكة ده فنانو محمود ومشاركنا فيه انا وانت واخرين ويمكن اكتر مننا
شبكة زول غناي .. وزول كويس .. عشان كده انا ناديتو .. والباقي عليه
الباقي صُبر .. صبُر زي حق الحوت ده ...
البعرفوا انا شبكة الموهبة عنده .. وحسن الخلق عنده .. باقي الصبر ...
ما بعرفو بقدر ينكرب ولا ما بقدر
|
Post: #9
Title: Re: استلم يا (محمد شبكة) ... اكيد ما حا تسيبنا كده ..!!
Author: الفاتح سليمان
Date: 01-20-2013, 09:30 AM
Parent: #6
وليد البركة فينا وفيكم
الرحمة ليه والمغفرة ليهم كلهم
طيبين جدا
كل واحد منهم بوريك انو كان طيب كيف
محمود قصة
نادر قصة
مصطفي سيداحمد قصة
العامل المشترك بينهم ما موهبة الفنية بس
لكن تواضعهم وادبهم الشديد مع البني ادم السوداني
اسامي كتيرة كتيرة جدا
يا زول والله مع الحزن الشديد كنت ح افتح بوست واعزيك فيه
السبب شنو ما عارفين ومعاك محمد السني دفع الله
بعد شوية الواحد اتراجع بدون ما يقصد لانو زي كتيرين اكتشفوا فجاءة انو الناس الاتكسرت بعد محمود ما شوية
في محمود اجماع بزيد كل يوم شفت كيف
اما ناس الحكومة
بعد ما كل ما حصل منها لمحمود ما قدرت غير انها تستسلم عديل قداموا وترفع الراية البيضاء شفت الحصل دا هزمهم ببساطة ما بمشروع سياسي
بس بغني وطيبة وزي ما كتبت انت في بوست تاني انو مننا وفينا وهم طبعا ما مننا ...
او المعارضة فعزرا لها (الاخيرة) ما ح تقدر تصل لقدر الحاجة الحصلت وبتحصل كل يوم لكن نتمني قريب توصل
شبكة وكتيرين الغناء دا مشروع كبير العايز يعرفوا يشوف كيف الناس الاتلمت حول محمود ....
سلام
|
Post: #10
Title: Re: استلم يا (محمد شبكة) ... اكيد ما حا تسيبنا كده ..!!
Author: الصادق صديق سلمان
Date: 01-20-2013, 09:48 AM
Parent: #9
الفاتح سليمان تحية طيبة
Quote: شبكة وكتيرين الغناء دا مشروع كبير العايز يعرفوا يشوف كيف الناس الاتلمت حول محمود ....
|
محمود جذب الضمير السوداني والقلب السوداني كما فعل مصطفى سيد احمد من قبله وكما قلت انت ببساطتهم وطيب قلبهم وتواضعهم
وبالفعل العاوز يعرف الفرق من الفنانين فلينظر ما حدث في سيرة محمود إلى الدار الآخرة ولينظر لمن شيعهم الشعب السوداني قبله محمود
فرق كبييييييير يا فاتح وكبير شديد
محمود شيعته قلوبنا نحن في الغربة
محمود شيعته القلوب السودانية في داخل وخارج الوطن
منو الما دعى لمحمود في السودان بالجنة
الله ادخله الجنة فرحاً مسروراً
|
Post: #13
Title: Re: استلم يا (محمد شبكة) ... اكيد ما حا تسيبنا كده ..!!
Author: وليد محمد المبارك
Date: 01-20-2013, 07:48 PM
Parent: #6
مرحب الصادق
محمود براهو في كل شي ....
ياخ تكوينو الجسماني براهو
ياخ عاين رقبتو دي ... طولها قدر شنو ؟
دي رقبة حقت نفرين مركبة في زول واحد
عشان كده محمود براهو في غناه وفي شخصيتو وفي تكوينو الجسماني
|
Post: #15
Title: Re: استلم يا (محمد شبكة) ... اكيد ما حا تسيبنا كده ..!!
Author: وليد محمد المبارك
Date: 01-22-2013, 06:51 AM
Parent: #13
>>>
|
|