Post: #1
Title: لا السودان لا مصر ما لاعبين !! اها نشجع منو !!!
Author: omer osman
Date: 01-19-2013, 09:58 AM
Parent: #0
في كأس الامم الافريقية 2013م التى ستنطلق اليوم السبت الموافق 19 يناير 2013م
والتى تغيب عنها مصر للمرة الأولي في تاريخها على ما أظن !! غياب المنتخب المصري
يعني بالنسبة لي غياب فريقي الثاني بعد منتخب السودان !!! وبما أن منتخبي السودان ومصر غايبين
فلابد من اختيار فريق آخر حسب الشروط التالية :
1- ان يكون لدي الفريق القدرة على الاستمرار في المنافسة حتى النهاية (دوري الاربعة على أقل تقدير)
2- ان لايكون شعار الفريق مكون من اللونين (الابيض والازرق) هههههههههههه
3- الافضلية للفرق التى يحمل شعارها اللونين (الاحمر والاصفر)
يلا ترشيحاتكم ياشباب ............
علماً بأن الفرق المتأهلة هي :
1- جنوب افريقيا.
2- غانا.
3- مالي.
4- زامبيا
5- نيجريا
6- تونس
7- ساحل العاج
8- المغرب
9- اثيوبيا
10- الرأس الاخضر.
11- انغولا
12 النيجر
13- توغو
14 الكونغو الديمقراطية
15- بوركينا فاسو
16- الجزائر
|
Post: #2
Title: Re: لا السودان لا مصر ما لاعبين !! اها نشجع منو !!!
Author: Alshafea Ibrahim
Date: 01-19-2013, 10:03 AM
Parent: #1
حركتك ########ة ههههه
يالله شجع أنكل نافع وبس
صباح الخير جنابو ...
الشفيع إبراهيم
|
Post: #3
Title: Re: لا السودان لا مصر ما لاعبين !! اها نشجع منو !!!
Author: omer osman
Date: 01-19-2013, 10:07 AM
Parent: #2
Quote: حركتك ########ة ههههه
يالله شجع أنكل نافع وبس
صباح الخير جنابو ...
الشفيع إبراهيم |
هههههههه .......
دكتور نافع ده ماعندو في الكورة ده زول مصارعة وملاكمة ههههههه
|
Post: #4
Title: Re: لا السودان لا مصر ما لاعبين !! اها نشجع منو !!!
Author: طاهر قرشي
Date: 01-19-2013, 10:09 AM
Parent: #2
جنابو صباحاتك خير
شخصياً بتوقع الكاس ما يطلع من الرباعي
ساحل العاج، تونس، مالي، غانا
+
مافي طريقة تدخلوا لينا ألمانيا
|
Post: #6
Title: Re: لا السودان لا مصر ما لاعبين !! اها نشجع منو !!!
Author: omer osman
Date: 01-19-2013, 10:21 AM
Quote: جنابو صباحاتك خير
شخصياً بتوقع الكاس ما يطلع من الرباعي
ساحل العاج، تونس، مالي، غانا |
صباح النور ... الطاهر
ساح العاج اصلو مابشجعهم عشان دروغبا اصلو ما بدورو ..
غانا ممتازين بس مشكلتهم بلبسوا ابيض كاااامل ما حبابو هههههههه
| Quote: مافي طريقة تدخلوا لينا ألمانيا |
هههههههههه المانيا لو في ما كان المشكلة اتحلت
ده فريقي الاول والاخير في كأس العالم وبطولة اوروبا
مهما يكون تعبان بوصلك دوري الاربعة
|
Post: #5
Title: Re: لا السودان لا مصر ما لاعبين !! اها نشجع منو !!!
Author: الزبير بشير
Date: 01-19-2013, 10:20 AM
Parent: #2
الاخ جنابو عمر
البركه فيكم في مجمود عبد العزيز ( اتحادي اصل او اتحادي مسجل ) الاثنين قدما واجب العزاء في المرحوم محمود .
تعرف يا جنابو عندي في الكوره عاده سيئه دائما اخوك بشجع المزنوق .
في السبعينات كان فريق المريخ قوي جدا و كانت هنالك عناصر جديده لقبت ب ( الدماء الحاره ) و كان في ذلك الوقت بالهلال عواجيز و كان ملطشه ، اها من ديك و اخوك هلالابي .
قالو الدوري الاسباني مولع نار ، اشتريت كرت قناه الجزيره ، صاف لقاء برشلونه و ريال مدريد ، اليوم داك ريال مدريد اكل اربعه من برشلونه ، من ديك و انا مع الفريق الملكي .
حا تكون مشكلتي مع اي فريق مزنوق ، و لما يكلل بالفوز ، بكون فرحان ، ذي ما اكون فاز الهلال .
الزبير
|
Post: #7
Title: Re: لا السودان لا مصر ما لاعبين !! اها نشجع منو !!!
Author: omer osman
Date: 01-19-2013, 10:27 AM
Parent: #5
Quote:
الاخ جنابو عمر
البركه فيكم في مجمود عبد العزيز ( اتحادي اصل او اتحادي مسجل ) الاثنين قدما واجب العزاء في المرحوم محمود . |
البركة في الجميع محمود فقد عظيم للسودان كلو ربنا يرحمه ويتقبله .......
| Quote: تعرف يا جنابو عندي في الكوره عاده سيئه دائما اخوك بشجع المزنوق . |
ههههههههه ده شغل (صوفية) منك سااااي يالزبير .....
تحياتي وتقديري .....
|
Post: #8
Title: Re: لا السودان لا مصر ما لاعبين !! اها نشجع منو !!!
Author: ياسر منصور عثمان
Date: 01-19-2013, 10:43 AM
Parent: #7
غايتو انا بشجع النجوم السوداء ثم الافيال..
|
Post: #9
Title: Re: لا السودان لا مصر ما لاعبين !! اها نشجع منو !!!
Author: محمد عبد الماجد الصايم
Date: 01-19-2013, 10:58 AM
Parent: #8
| Quote: للمرة الأولي في تاريخها على ما أظن |
لا أظن!!
|
Post: #10
Title: Re: لا السودان لا مصر ما لاعبين !! اها نشجع منو !!!
Author: abuguta
Date: 01-19-2013, 11:07 AM
Parent: #9
دى شنو كمان ياجنابو
متى نزلت فى الخارطة
ودخلت بقوة,,فريقنا من سنة 70 يناطح
|
Post: #19
Title: Re: لا السودان لا مصر ما لاعبين !! اها نشجع منو !!!
Author: omer osman
Date: 01-19-2013, 11:31 AM
Parent: #10
Quote: دى شنو كمان ياجنابو
متى نزلت فى الخارطة
ودخلت بقوة,,فريقنا من سنة 70 يناطح |
والله ياابقوتة علمي علمك !!!
على ما اظن هي مجموعة جزر لكن محلها وين مابعرفو
ووصلو هنا كيف الله اعلم .......
|
Post: #11
Title: Re: لا السودان لا مصر ما لاعبين !! اها نشجع منو !!!
Author: abuguta
Date: 01-19-2013, 11:08 AM
Parent: #9
دى شنو كمان ياجنابو
متى نزلت فى الخارطة
ودخلت بقوة,,فريقنا من سنة 70 يناطح
سجل دى معاك,,,دوروقبا لازم يشيل كاس
هذه قدره كما قال فى الابطال
|
Post: #13
Title: Re: لا السودان لا مصر ما لاعبين !! اها نشجع منو !!!
Author: عبد الناصر الخطيب
Date: 01-19-2013, 11:19 AM
Parent: #11
.
جنابو / عمر عثمان
بعد التحية ,,,
حنشجع اللعبة الحلوه
| Quote: والتى تغيب عنها مصر للمرة الأولي في تاريخها على ما أظن !! |
مصر غابت في خمس نهائيات ودي السادسة _ مرفق قوقلة _
Quote: ويعتبر منتخب مصر أكثر منتخبات القارة السمراء مشاركة في العرس الإفريقي، فشمسه لم تغب عن البطولة سوى خمس مرات،
قبل النسخة الحالية، ثلاثة منها عن "طيب خاطر" من خلال الانسحاب أعوام 1965 و1968 و1982،
بينما أخفق ثلاث مرات بالتأهل خلال التصفيات أعوام 1972 و1978، و2012. |
------------------------------------
*منتخبي التاني بغياب السودان موجود ( الأمبّسة ) بس ما مستوفي شروطك الهم في ألوان الشعار ( الاصفر والاحمر والاخضر ) ...
|
Post: #20
Title: Re: لا السودان لا مصر ما لاعبين !! اها نشجع منو !!!
Author: omer osman
Date: 01-19-2013, 11:36 AM
Parent: #13
| Quote: مصر غابت في خمس نهائيات ودي السادسة _ مرفق قوقلة _ |
شكرا للمعلومة ياعبدالناصر .....
كلامك طلع صاح ياودالصايم ..........
| Quote: *منتخبي التاني بغياب السودان موجود ( الأمبّسة |
رغم أني ما عارف ديل منو !
لكن بخمن انو المنتخب الاثيوبي شايفك خبير في شئون اثيوبيا ...
سجلو غياب من النهائيات اعتقد لزمن طويل جداً
|
Post: #12
Title: Re: لا السودان لا مصر ما لاعبين !! اها نشجع منو !!!
Author: mwahib idriss
Date: 01-19-2013, 11:16 AM
Parent: #9
جنابو كيف حالك
بعيدا عن ساسا يسوس
لا ادرى باى معيار حصرت الخيار الثانى للسودان فى مصر فقط
عزيزى
المغرب مالى تونس نيجيريا الجزائر الراس الاخضر ليبيا اثيوبيا
هذه المجموعة اقرب للسود ان رحما و انتماءا ثقافيا و دينيا < مالكية >
مصر الحكم التركى ... مصر الحكم الثنائى
كأنى بك فى تظاهرة
نموت نموت و تحيا مصر
----------------------------------------------
مع كل الود
|
Post: #14
Title: Re: لا السودان لا مصر ما لاعبين !! اها نشجع منو !!!
Author: طلحة عبدالله
Date: 01-19-2013, 11:19 AM
Parent: #12
هههههه
شجع الأبيض الإماراتي وما حتندم ...... صدقني.
|
Post: #15
Title: Re: لا السودان لا مصر ما لاعبين !! اها نشجع منو !!!
Author: omer osman
Date: 01-19-2013, 11:22 AM
Parent: #14
Quote: هههههه
شجع الأبيض الإماراتي وما حتندم ...... صدقني. |
ده الاستثناء الوحيد ياطلحة ياااااخ امبارح اعصابي باظت تقول لاعب السودان
الف مبروك لعيال زايد الخير ......
|
Post: #17
Title: Re: لا السودان لا مصر ما لاعبين !! اها نشجع منو !!!
Author: احمد التجانى احمد
Date: 01-19-2013, 11:29 AM
Parent: #15
Quote: غياب المنتخب المصري
يعني بالنسبة لي غياب فريقي الثاني بعد منتخب السودان |
والله يا جنابو انا ما كنت قايل فيك اى دخنه غير انك كنت بوليس قبل كدة
اتاريك بتاكل زيت عديل كده
|
Post: #21
Title: Re: لا السودان لا مصر ما لاعبين !! اها نشجع منو !!!
Author: omer osman
Date: 01-19-2013, 11:39 AM
Parent: #17
Quote: والله يا جنابو انا ما كنت قايل فيك اى دخنه غير انك كنت بوليس قبل كدة
اتاريك بتاكل زيت عديل كده |
هههههههههههههههههههه
انت ما سمعت زميلتنا قالت لي شنو !
قالت لي انا ماشفت زول جمع السوء من اطرافه زيك ياعمر
شايقي وبوليس ومريخابي ههههههههههههه وبحب مصر كمان
|
Post: #16
Title: Re: لا السودان لا مصر ما لاعبين !! اها نشجع منو !!!
Author: omer osman
Date: 01-19-2013, 11:28 AM
Parent: #12
هلا مواهب ............. تحياتي
Quote: بعيدا عن ساسا يسوس
لا ادرى باى معيار حصرت الخيار الثانى للسودان فى مصر فقط |
بمعيار القلب وما يهوى
Quote: المغرب مالى تونس نيجيريا الجزائر الراس الاخضر ليبيا اثيوبيا
هذه المجموعة اقرب للسود ان رحما و انتماءا ثقافيا و دينيا < مالكية > |
اثيوبيا ممكن لكن مصر اقرب لنا من كل باقي الدول دي يامواهب
Quote: مصر الحكم التركى ... مصر الحكم الثنائى
كأنى بك فى تظاهرة
نموت نموت و تحيا مصر |
مصر السياحة مصر العلاج مصر التعليم مصر الثقافة وعيييييييييييك
|
Post: #23
Title: Re: لا السودان لا مصر ما لاعبين !! اها نشجع منو !!!
Author: mwahib idriss
Date: 01-19-2013, 12:22 PM
Parent: #16
| Quote: بمعيار القلب وما يهوى |
قلوب اهل السود ان تترنم وجدا مع تراتيل الزوايا بفاس الماوراها ناس
تحن الى شاذلة و تذرف دمع الشوق لعين ماضى و جبل العلم حول تطوان
هوى حبل فى الاندلس و ازداد فى مراكش و ترعرع فى تمبكتو ... ليطيب له المقام فى سنار المانجلوك
عمر لو جرى استفتاء لنكشف لك ما فى القلوب من حب و ميل للديار المغاربية ...
در بخلدك عمر و تمعن فيما قام به ودالبلد المك الهمام نمر ... نموت نموت لتبقى حلايب سودانية
| Quote: اثيوبيا ممكن لكن مصر اقرب لنا من كل باقي الدول دي يامواهب |
اعتقد انك تدرك
السود انيين من اصول مغاربية يتجاوزون ال 5 مليون اسال الادارسة و السواراب تجول فى شرق النيل
و لا تنسى ان تمر بدار مساليت و الهوارة و بنى هلال و سليم
اما السود انيين من اصول نيجيرية فى كل بندر و ريف ... كانو تردد القمر بوبا ... الشريف ما زال يغدق برضى و وله
السود ان من اهل مالى تمبكتو ازواد على الككر عند مطرح غردون..عليك بالانتباهة و الحذر .. تحسس اخى مقعدك من اللغم
اكسوم كانت حتى تندلتى و ابو دليق ... زوقهم زوقنا ... ذوقهم ذوقنا ... رحم الله سيد خليفة
| Quote: مصر السياحة مصر العلاج مصر التعليم مصر الثقافة وعيييييييييييك |
قرطاج ... جربة ... ما اروعها ... سياحة لا تفوقها سياحة
مراكش الحمراء قبلة الانظار ...
اتمنى ان لا يفوتك قضاء رمضان القادم فى اغادير بعيدا عن الكتاحة و السموم
و اكيد ودجبرين ما بقصر معاك و لا تنسى ان تصطحب معك العيال لتتيقن كم ضيعت من زمن بين الجيزة و كفر الشيخ
لتنعم بالخلابة فى طنجة و تطوان تلمسان ...
عزيزى عمر الثقافة تقف عند بن رشد .. بن خلدون .. اومليل .. الجابرى .. اركون .. جعيط
العلاج حتى من امريكا ياتون الى تونس ... تعظيم سلام بورقيبة الذى استثمر فى الموارد البشرية
اللهم اجمع بيننا و بين قريعتنا الراحت
تسلم عزيزنا جنابو
|
Post: #24
Title: Re: لا السودان لا مصر ما لاعبين !! اها نشجع منو !!!
Author: omer osman
Date: 01-19-2013, 12:49 PM
Parent: #23
| Quote: السود انيين من اصول مغاربية يتجاوزون ال 5 مليون |
يامواهب ... أنا ذاتي القدامك ده حبوبتي ام ابوي جذوره مغربية .....
لكن قالوا البعيد عن العين بعيد عن القلب ... بعد المسافة
بين السودان المغرب خلاها بعيدة عن القلب واقرب له مصر
المجاورة لينا دي كداري ممكن تمشي .......
المغرب العربي بلاشك مهد حضارة ورقي وربنا يكتب لينا شوفه
ان شاء الله ....... يمكن بعد داك نغير رأينا ونحب المغرب
طارق جبريل اركز ........ جاينكم انا والاولاد
|
Post: #27
Title: Re: لا السودان لا مصر ما لاعبين !! اها نشجع منو !!!
Author: الصادق عز الدين
Date: 01-20-2013, 05:00 AM
Parent: #16
نتفرج بدون تشجيع
كورة أمبارح تنعس وتنوم الواحد
الغريب شجعت الراس الأخضر ونمت بعد الشوط الأول
مافي حماس
|
Post: #18
Title: Re: لا السودان لا مصر ما لاعبين !! اها نشجع منو !!!
Author: omer osman
Date: 01-19-2013, 11:29 AM
Parent: #8
| Quote: غايتو انا بشجع النجوم السوداء ثم الافيال.. |
النجوم السوداء فريقه بتحبه ياياسر ....... بس لو ما شعارهم الابيض ده
|
Post: #22
Title: Re: لا السودان لا مصر ما لاعبين !! اها نشجع منو !!!
Author: عبد الناصر الخطيب
Date: 01-19-2013, 11:57 AM
Parent: #18
.
جنابو عمر عثمان
أكيد إثيوبيا والأمبّسة = الأسد
| Quote: سجلو غياب من النهائيات اعتقد لزمن طويل جداً |
وضعهم نفس وضعنا بالملي ................
هاردلك السودان ... مبروك إثيوبيا
اللهم نحنه كرويين أكتر منهم مائة صحيفة كورة وبنتكلم عن لاعبين الكورة عندنا كانهم نجوم ريال مديرد ولا برشلونه
------------------------------------------------------------------
تحياتي
|
Post: #25
Title: Re: لا السودان لا مصر ما لاعبين !! اها نشجع منو !!!
Author: طارق جبريل
Date: 01-19-2013, 11:43 PM
Parent: #22
| Quote: طارق جبريل اركز ........ جاينكم انا والاولاد |
حبابك يا سيدي
نشيلك فوق الراس
|
Post: #26
Title: Re: لا السودان لا مصر ما لاعبين !! اها نشجع منو !!!
Author: Nader Abu Kadouk
Date: 01-20-2013, 02:30 AM
Parent: #25
Quote: غياب المنتخب المصري
يعني بالنسبة لي غياب فريقي الثاني بعد منتخب السودان |
يا جنابو معقولة بس مريخابي يشجع مصر!!!!!!!!
بالمناسبة كرستينا القتلة منو؟
لك الود يا جميل
|
Post: #28
Title: Re: لا السودان لا مصر ما لاعبين !! اها نشجع منو !!!
Author: ياسر منصور عثمان
Date: 01-20-2013, 07:20 AM
Parent: #26
مناظر امبارح بتقول الفيلم حا يكون باااااااااااااايخ
الكورة الاولى امسخ من مسيخه ...والتانية مقبولة نوعاً ما..
|
Post: #29
Title: Re: لا السودان لا مصر ما لاعبين !! اها نشجع منو !!!
Author: محمد جمعه الخير
Date: 01-20-2013, 08:31 AM
Parent: #28
ياجنابو شجع الافيال الايفوارية وصدقني ما حتندم هم ما محظوظين ايوة بس بلعبو كورة تمتعك .
او بالعدم شجع زامبيا عشان خاطر اولادنا ماكسيم وباسكال واوا .
|
|