Post: #1
Title: ترحيب خاص: ناس التعليق من الفيسبووك...حبابكم يا اهلنا
Author: Kabar
Date: 01-19-2013, 08:44 AM
Parent: #0
كتر خير الصديق بكري ابوبكر.. الذي قام بتوسيع ماعون المشاركة..و سمح باضافة تعليقات ناس الفيسبوك و التي تظهر تحت اي موضوع يكتب في سودانيز اونلاين..
يبدو ان بعضنن هنا القصة لسع ما واقع ليهم..و قاعدين يتعاملوا مع ردود الأعضاء فقط داخل البوست..
نرحب بكل الأصدقاء الذين يشاركون المساهمة هنا بالتعليقات من الفيسبوك..و يا ريت كل العضوية ترحب بالناس ديل ..
كبر
|
Post: #2
Title: Re: ترحيب خاص: ناس التعليق من الفيسبووك...حبابكم يا اهلنا
Author: ibrahim fadlalla
Date: 01-19-2013, 01:57 PM
Parent: #1
سلامات كبر يا عزيز ..
وشكرا على الإلتفاتة الحصيفة ....من بكري بتوسعة ماعون المشاركة ومنك بالترحيب ...
معك أرحب بالجميع ...
تسلم يا ملك ...
|
Post: #3
Title: Re: ترحيب خاص: ناس التعليق من الفيسبووك...حبابكم يا اهلنا
Author: عبد الله عبد العزيز
Date: 01-19-2013, 02:51 PM
Parent: #2
مرحب بيهم والله تعليقات جميله وفي محلها
شكرا بكري الذي جعل هذا ممكنا
وشكرا صاحب البوست
|
Post: #4
Title: Re: ترحيب خاص: ناس التعليق من الفيسبووك...حبابكم يا اهلنا
Author: حيدر حسن ميرغني
Date: 01-19-2013, 03:09 PM
Parent: #3
كبر ياحبيب
مشكور على المبادرة بالترحيب بأخواتنا واخواننا القراء في الفيس بوك
وحقيقة بكري عمل خير كثير بإتاحة هذه الفرصة التي توفر تفاعل كبير وصادق منهم جميعا
انا تابعت تعليقات كثيرة حول مواضيع في المنبر وليقيتهم بالجد احسن من ناس هنا كثير
مرحب بيهم كثير
وياريت برضو يطالبوا بكري بعضوية
شكرا كبرنا
|
Post: #5
Title: Re: ترحيب خاص: ناس التعليق من الفيسبووك...حبابكم يا اهلنا
Author: الشامي الحبر عبدالوهاب
Date: 01-19-2013, 03:43 PM
Parent: #4
شكراً يا كبر
وفعلا هؤلاء الاخوة والاخوات المشاركين معنا في اثراء النقاش
يستحقون الترحيب والشكر موصول طبعا لبكري بفتح هذه النافذة
|
Post: #6
Title: Re: ترحيب خاص: ناس التعليق من الفيسبووك...حبابكم يا اهلنا
Author: معاذ الدخري
Date: 01-19-2013, 09:03 PM
Parent: #5
العزيز / كبر .... تحية خاصة ليك .... و الله فتحت نافذة حلوة و حقيقة تعليقات الفيس التي أتاحها بكري تعتبر ضربة معلم .... دا الكلام حنشوف تعليقات مفيدة ... تشكر يا كبر و أيضاً بكري
معاذ الدخري
|
Post: #7
Title: Re: ترحيب خاص: ناس التعليق من الفيسبووك...حبابكم يا اهلنا
Author: Kabar
Date: 01-19-2013, 11:57 PM
Parent: #6
Quote:
سلامات كبر يا عزيز ..
وشكرا على الإلتفاتة الحصيفة ....من بكري بتوسعة ماعون المشاركة ومنك بالترحيب ...
معك أرحب بالجميع ...
تسلم يا ملك ...
|
العزيز ابراهيم.. حبابك يا صديقي
و كتر خيرك على المساهمة معنا هنا في الترحيب بهؤلاء الشباب و الشابات...و فعلا هي وسيلة مبتكرة للغاية لتوسيع حرية التعبير و توفير فسحة للناس تعبر عن ذاتها و رؤيتها للحاجات...
ما تنسى تسلم على قريبك حسن احمد معلا..و هو احد المتداخلين تحت..
كبر
|
Post: #8
Title: Re: ترحيب خاص: ناس التعليق من الفيسبووك...حبابكم يا اهلنا
Author: Kabar
Date: 01-19-2013, 11:59 PM
Parent: #7
Quote:
مرحب بيهم والله تعليقات جميله وفي محلها
شكرا بكري الذي جعل هذا ممكنا
وشكرا صاحب البوست
|
عبد الله... حبابك يا صديق
كتر خيرك على المرور من هنا...
و عبرك التحية لهم جميع نساءا و رجالا..و بنقول ليهم انتو معانا هنا..و هذا يكفي..
كبر
|
Post: #10
Title: Re: ترحيب خاص: ناس التعليق من الفيسبووك...حبابكم يا اهلنا
Author: Kabar
Date: 01-20-2013, 00:05 AM
Parent: #8
Quote:
كبر ياحبيب
مشكور على المبادرة بالترحيب بأخواتنا واخواننا القراء في الفيس بوك
وحقيقة بكري عمل خير كثير بإتاحة هذه الفرصة التي توفر تفاعل كبير وصادق منهم جميعا
انا تابعت تعليقات كثيرة حول مواضيع في المنبر وليقيتهم بالجد احسن من ناس هنا كثير
مرحب بيهم كثير
وياريت برضو يطالبوا بكري بعضوية
شكرا كبرنا
|
حيدر.. حبابك يا صديقي
كتر خيرك على المرور من هنا..
هو اتجاه جيد للغاية.. الإنتقال من الصفوية الى الجماهيرية عبر التفاعل الثر..و هنا بتجي الحتة القاعدين نتكلم عنها كتير.. حكاية الرأي العام الفعال..
من لحظة انتباهي للقصة دي.. دايما قاعد ابدا البوستات من الزواية الخارجية.. يعني بمشى اقرأ التعليقات دي..و شكلها مواكبة لأنها متابعة بصورة جيدة..
تعليقات الصديقات و الأصدقاء من الفيسبووك.. اللذيذة فيها انو ما عندها اجندة مسبقة.. يعني نظام تفاعل مباشر من غير حساسية مسبقة..و دي البخليها تتميز بصدقية عالية الى حد ما..
بالنسبة للمطالبة بالعضوية.. فأكيد بكري بيكون داير يعمل خانة تدريب و تمرين..و متابعه.. اكثر فعالية من حتة صفحة المقالات.. لأنو صفحة المقالات ناس كتيرة ما قاعدة تتابعها..و التفاعل هنا بيدى فرصة للناس تتداخل مباشرة..و معك نطالب لهم بالعضوية..
كتر خيرك يا حيدر..
كبر
|
Post: #9
Title: Re: ترحيب خاص: ناس التعليق من الفيسبووك...حبابكم يا اهلنا
Author: امينة عيسى
Date: 01-20-2013, 00:00 AM
Parent: #7
كبر يا صاحب
انا جاية اسلم عليك انت دا فى الاول
وبعدين نسالم الباقيين
كيفنك آزول واريتك طيب
|
Post: #11
Title: Re: ترحيب خاص: ناس التعليق من الفيسبووك...حبابكم يا اهلنا
Author: Kabar
Date: 01-20-2013, 00:07 AM
Quote:
شكراً يا كبر
وفعلا هؤلاء الاخوة والاخوات المشاركين معنا في اثراء النقاش
يستحقون الترحيب والشكر موصول طبعا لبكري بفتح هذه النافذة
|
الشامي..حبابك يا صديقي
كتر خيرك على المرور من هنا..
و هم فعلا ناس تستحق الإشادة..و كلامهم مرات مؤشر جيد لتجويد الحاجات..
كبر
|
Post: #12
Title: Re: ترحيب خاص: ناس التعليق من الفيسبووك...حبابكم يا اهلنا
Author: Kabar
Date: 01-20-2013, 00:10 AM
Parent: #11
Quote:
العزيز / كبر .... تحية خاصة ليك .... و الله فتحت نافذة حلوة و حقيقة تعليقات الفيس التي أتاحها بكري تعتبر ضربة معلم .... دا الكلام حنشوف تعليقات مفيدة ... تشكر يا كبر و أيضاً بكري
معاذ الدخري
|
ول ابا.. معاذ ..حبابك
و لينا طولة يا صديقي..
كتر خيرك على المرور من هنا..و كتر خيرك على المطايبة في بوست تراجي ...
بعد طلاطشار سنة يا قريبي.. القدم حصل ليهو رافع...و مرينا بقليصة..و مشينا ابوزبد المرين... ياخي عوالم اسكت ساكت خليها لازالت ليها القدرة تسكنك بالدهشة...
و عبرك تحية لأهلنا من الفيسبوك..و تعليقاتهم لطيفة و مباشرة...
كبر
|
Post: #13
Title: Re: ترحيب خاص: ناس التعليق من الفيسبووك...حبابكم يا اهلنا
Author: Kabar
Date: 01-20-2013, 00:12 AM
Parent: #12
Quote:
كبر يا صاحب
انا جاية اسلم عليك انت دا فى الاول
وبعدين نسالم الباقيين
كيفنك آزول واريتك طيب
|
بت ابا امينة.. حبابك يا صديقتي..
هبي نيو اير...وين الحي بيك؟.. ياخي الواحد قرب يكتب جواب عدييل...
ديل اهلنا من الفيس بووك.. قلنا نضبح ليهم بالمناسبة الحضور هنا...
كبر
|
Post: #14
Title: Re: ترحيب خاص: ناس التعليق من الفيسبووك...حبابكم يا اهلنا
Author: Kabar
Date: 01-20-2013, 00:13 AM
Parent: #13
صديقاتي و اصدقائي... من الفيسبوك.. حبابكم جميعا...
ياخي الواحد فتح بوست عشان يرحب بيكم.. لقيتكم انتو القاعدين ترحبوا بينا...
كبر
|
Post: #15
Title: Re: ترحيب خاص: ناس التعليق من الفيسبووك...حبابكم يا اهلنا
Author: امينة عيسى
Date: 01-20-2013, 00:21 AM
Parent: #14
كبر يا جميل
سبحان الله
وحاتك يا ولض امى قبل كم يوم
قلت ياربى الزول السمح دا مشى وين؟؟؟
واخيتك اجارك الله مرض وشيخوخة ههههههههه بقن على الاتنين علا الصبر سمح
شاكرة سؤالك تسأل عليك العافية
|
Post: #16
Title: Re: ترحيب خاص: ناس التعليق من الفيسبووك...حبابكم يا اهلنا
Author: Kabar
Date: 01-20-2013, 00:21 AM
Parent: #14
Quote:
AlSadeq Abdullah AlHassan
نشكرك كبيراً يا أستاذ كبر
وبخلاف الواقع الحياتي الذي يُـفتح فيه للشخص المرحب به أبواب البيوت والقلوب، فإنه ومن بدع هذا الزمان الاسفيري أن الشخص يتم الترحيب به اسفيرياً بمنحه ابتسامة عريضة إن أطل من عند الشباك (وقالي يا نونو)، وبوجه عبوس متقمطر إن أتى من عند الأبواب الشرعية.
وكشأن الصيدليات في السعودية التي تفتح أبوابها وتبتسم وترحب بزبائنها طوال ساعات النهار، بينما تكتفي بفتحة شباك زجاجي صغير و (تليشة) من الثانية عشرة مساء وحتى صباح اليوم التالي، بافتراض أن كل من يذهب للصيدلية – أي صيدلية- بعد منتصف الليل هو مشروع مجرم حتى يحدث العكس، كذلك هو الحال في منبر المهندس بكري أبوبكر.
واعتقد أن جُــل من (يتاوقون) ويحاولون القفز من شبابيك (فيسبوك) سبق لهم الطواف حول المنبر بعد أن توضأ من توضأ ، وبعد أن تجردوا من المحيط والمخيط وتقدموا للدخول للمنبر من أبوابه الشرعية.. وبالطبع فإن بعضهم استقبلته تلك (التليشة) الصارمة، والبعض الآخر صُفع الباب في وجهه وبقسوة.
نيابة عن إخوتي (من خارج الأستديو) نشكر لكم شعوركم، ونرفع أيادينا لرد التحية لتلك اليد المرفوعة التي تؤشر مرحبة بنا من بعيد.
|
صديقنا الصادق.. حبابك
الإنسان يا صديقي دايما يبحث عن الإنتماء ..و يسعد كتير حينما يجد اعتراف بهذا الإنتماء...
صديقاتنا و اصدقائنا من الفيسبوك.. اكيد عندهم اراء و افكار كتيرة تبحث عن التفاعل معها... مثلما الكتابة في المنبر هنا.. عبر العضوية .. هي برضك بتحث عن انتماء..و مشاركة..
عارف يا حبيب حكاية الإبتسامة دي.. اول مرة لمن جيت كندا.. قمت اشتغلت لي شغلانة كده..و الإبتسامة فيها بالغصب.. لازم تبتسم.. اها قام مديري قال لي كده ح تطرد الناس..ولازم تبتسم يا عم.. قلت ليهو ما بقدر على النفاق... قال نفاق شنو يا عمك.. نحن بندفع ليك قروش عشان تبتسم...!!!!
البنوك.. الصيدليات.. المكاتب.. ياخي عالم لمن تقول كده و بتبتسم ليك.. تحس انك ملكت الدنيا...!
لكن صدقني الإبتسامة ليكم هنا صادقة ..و جاية من القلب...
كتر خيرك يا الصادق..
كبر
|
Post: #17
Title: Re: ترحيب خاص: ناس التعليق من الفيسبووك...حبابكم يا اهلنا
Author: Kabar
Date: 01-20-2013, 00:28 AM
Parent: #16
الصديقات.. الأصدقاء..
Abbas Omer
Abuelgassim Mudawi Elsheikh
ابو احمد حسين
Abdulrahman Khalifa
الفاتح عمر
عالية عبدالخالق
الصادق عثمان محمد احمد
Nusrden Adam
حبابكم جميعا..
و كل سنة و الجميع بخير..
و كتر خيركم على المرور
كبر
|
Post: #18
Title: Re: ترحيب خاص: ناس التعليق من الفيسبووك...حبابكم يا اهلنا
Author: Kabar
Date: 01-20-2013, 00:34 AM
Parent: #17
Quote:
Mohand Elnajme
مشكور على الترحيب يا حبيبنا اعتبرنا زي بتاعين الراية من بره بره لو في مخالفة بكري ما شافه بنرفع الراي يعني ناس ود الباوقة البضربو تحت الحزام ديل قوليهم فتحو عيونكم بقي في ساااهر في سودانيز اون لاين ساااهر ده ود الباوقة بعرفو ممكن يشرحو ليكم
|
مهند.. حبابك يا صديق
بالطبع الرقابة مهمة يا قريبي..و الناس بتراقب بعضها البعض..و الحكاية دي مؤصلة في ثقافتنا عبر اقوال من شاكلة (الفايت الحدود واسوا)..يعني الناس من بعضها البعض..
يا ريت اخونا ود الباوقة يمر من هنا..و يقرأ تعليقك..
و اتمنى انو الناس تواصل على نهجك.. أي حاجة محتاجة راية.. طوالي ارفعوا الراية..و لو لقينا طريقة نجيب صفارة عدييل...
كتر خيرك..
كبر
|
Post: #19
Title: Re: ترحيب خاص: ناس التعليق من الفيسبووك...حبابكم يا اهلنا
Author: Kabar
Date: 01-20-2013, 00:46 AM
Parent: #18
Quote:
Sulaiman Adam Sulaiman
مشكوووور الاستاذ كبر ومشكووور صاحب الحوش وياريت لو وسع حوشو شوية حتى نستمتع بشرف المشاركة الفعليه
|
سليمان.. حبابك يا صديق
المشاركة هنا برضك ليها اثرها يا صديقي..و ما تحقر بيها تب..الصوت واصل و ح يصل اكتر..
و نتمنى ان تتوسع اكتر ..و مرحب بيك في كل الأوقات..
كبر
|
Post: #20
Title: Re: ترحيب خاص: ناس التعليق من الفيسبووك...حبابكم يا اهلنا
Author: Kabar
Date: 01-20-2013, 00:51 AM
Parent: #19
Quote:
Ahmed Dawood
الشكر لك استاذنا كبر والشكر لبكري سيد الحوش , وقد اسعدتنا هذا البادرة جداً بعد ما كنا بنتصفح ساعتين تلاتة تضاعفت الساعات حتى "توحشونا" ناس الفيس بوك وبقينا ما شغالين بالرد عليهم !!
|
احمد داؤود..حبابك يا صديق
الفيس بووك برضك عندو حاجات لذيذة..ولازم تواصل التفاعل معاهو...
كتر خيرك على الإهتمام بتصفح سودانيز اونلاين..و اكيد في حاجات كويسة بتخلي الزول يصرف فيهو وكت كتير...
و مرحب بيك على طول معانا هنا...
كبر
|
Post: #21
Title: Re: ترحيب خاص: ناس التعليق من الفيسبووك...حبابكم يا اهلنا
Author: طارق جبريل
Date: 01-20-2013, 01:29 AM
Parent: #20
كبير كيفنك ابوي
وحباب الناس التحت ديل
|
Post: #22
Title: Re: ترحيب خاص: ناس التعليق من الفيسبووك...حبابكم يا اهلنا
Author: محمد جمعه الخير
Date: 01-20-2013, 09:11 AM
Parent: #21
شكرآ لبكري لفتح هذه النافذة وشكرآ لك استاذنا كبر علي المبادرة بالترحيب الرائع لناس الفيس ( قبل ايام كنت معاهم )
واتمني من الزملاء قراءة التعليقات وادراجها في النقاش .
|
|