Post: #1
Title: راجلا عظيم000 نور صلاح 12 عاما00 قصيدة للأستاذ محمود
Author: Yasir Elsharif
Date: 01-19-2013, 07:22 AM
راجلا عظيم
نور صلاح (12 عاما) -15 يناير 2013
شمر سواعدو وقف قصاد اتعس زمن
قال اللى عندو رغم المقاومة بدون كلل
عينيهو أبن شوفت الضلال وكان عمن
مابهزو خوف..عزيز شجاع..زي الجبل
***
رغم الكلام القالو فيهو ما اتنى
مهما علت فوقو الرياح ما انحنى
عمرو الطويل العاشو ابدا ما فنى
خلف وراهو ناسا يعيشو على الضنى
***
لبس سروال ابيض نضيف
راجلا تقى وراجلا عفيف
ناضل نضال زولا حريف
راجلا بسيط زولا شريف
***
دعا للنهضة الديمقراطية
وأبدى رأيو بكل عفوية
حرية الرأى أعظم حرية
لقى مقاومة عنيفة قوية
***
رغم اللى شافو ما سكن
وما رمى همو على الزمن
***
ناضل وكافح وانتصر
تعبو وشقاهو ما انهدر
شاء الغفور..حَكم القدر
نادوه فى المحكمة قام حضر
***
ما هو الفرع المحمود
من اصل اعظم الجدود
العملو للسودان حدود
ما هو العظيم..الرادى بأعظم ردود
***
راجلا عرف..راجلا درس
مسك القلم .. اخدو الفرس
واتهادى لأعظم جرس
جرس العلم الفيهو غرس
أخلاق وقيم.. ما تتلمس
***
كان جايى بفكرة وفهم
بس كان مصيرو انو انحرم
بحكومة طاغية فى الحكم
رفعوا القناع...بانت ملامح انو ابتسم
شهق الجميع.. حزنا عليهو انو انعدم
ودليلنا انو ما انهزم..
كون جيوش..رجال، نساء كملوا طريقو نحو القمم
يتشابو لأبعد جرم
راجلا حكيم..راجلا عظيم
بس كان دا حظو انو انظلم
وفكرو عم وتم فينا
وكان اتنسا فضلو انعلم
|
Post: #2
Title: Re: راجلا عظيم000 نور صلاح 12 عاما00 قصيدة للأستاذ محمود
Author: Yasir Elsharif
Date: 01-19-2013, 07:25 AM
Parent: #1
[quote="khalaf_jawahir"]التحية للإبنة الموهبة نور والتي تقرض الشعر في اللحظة. وقد كان من المفترض أن تلقي الإبنة نور هذه القصيدة في الإحتفال بالذكرى بالمركز عصر اليوم ... ولكن شاءت إرادة الله ألا يتم إحتفال الأطفال بالمركز بسبب جنود الأمن. |
|