يوميات ليمونه المجنونه

يوميات ليمونه المجنونه
يوم حنة العريس الصغيره
تبرطم وتدخل تمرق وتاني تدخل الاوضه وتمرق تدخل المتبخ والولد واقف راجيها
امي امرقي بتسوي في شنو
ياولد اصبر ملكوع علي شنو
امي الحفله قربت تنتهي وانت تتمحركي
اتمحرك ياولد؟؟بحضر في العشاء يمكن مايكون في عشا ودا شنو البطلون اللابسو دا ماعندك غيرو
امي مالو مالولاد كللم لابسين زيو (يبرطم) هسه تقول لي امرقو انا اريتني كان مااتشبكت معاها كان مشيت مع الاولاد احسن من رجيانه هسسه يجي في راسه تقول امرقو و
صرخت هوي ياولد امرق بنطلونك الناصل دا والا ارفعو لفوق كدا دار تباريني بخلقتك دي وعان شعيراتو متل خيوت البابور
امي
ياولد ولاااا كلمه يا البس بنطلون اخر والا مافي حفله
امي الحفله انتهت وقميصي مابغيرو
ياولد انا سعالت من قميص ؟؟ مخصر زي الفتوات مابتخجل هسه يفرزوك من البت بشنو؟
امي
بلا امي بلا وجع راس الله ياخدك ادخل غير خلقاتك ديل
مش الحنه دي ماني ماشي
ماتمشي تمشي فيك ترله
امييييييييييين
ياولد كمان ترد علي ردت المويه في زورك ابوك شاف خلقتك المارق بها دي
ااي وراضي
يرضا عليك ملائكة جهنم ابوك كان راجل كان مرقت مايص كدي ما الحنه دي مافي مشي وعشا زاتو مافي شوف لك نوم نومو

تعرفي يا مها ..
مرات الواحد بتمنى يكون عندو سُلطة يقبض
الأولاد الزي ديل وجلِد مـن طرف .. لحدي ما يقول الروب!!



شكرا ياخ ..
ونورتي البورض!!

منورة مها


وواصلي ما تكسلي سمح

سلمات أختنا مها وحمد لله علي السلامة

تسلم

النور نورك
سمح مابكسل

سلامات
يمكن تكون دي ثقافه احنا مابنعرف فيها
شكرا
والبورد منور باهله

up