Post: #1 Title: محمود عبد العزيز: ....يابلابل بعده لاترسلى نغما ولاتترنمى Author: Balla Musa Date: 01-18-2013, 03:47 AM
سكت الهزار فيابلابل بعده لاترسلى نغما ولاتترنمى
كالنعيم ود حمد عند المجاعة أرسل فى الناس عماله يصيحون ياناس هووووووى النعيم فتح مطاميرو للمحتاج والجيعان جاء الجوعى وجاء مصاصى دم الشعب حمل الجوعى كفايتهم و المتاجرون بالكوارث حمل كل منهم حمل بعير أو يزيد
ذهب العمال مستنكرون لفعلة معدومى الضمير فأخبروا النعيم بأن التجار بشيلوا العيش عشان يبيعوه فقال لهم النعيم: عرفتوهم كيف؟ قالوا: شفناهم على ضى الفوانيس قال النعيم : أطفوا الفوانيس, العايز يشيل ياكل يشيل والعايز يشيل يبيع يشيل..
ذهب النعيم ملاقيا ربه عندما نادى المنادى: يأيتها النفس المطمئنة ارجعى الى ربك راضية مرضية.. وذهبت مطاميره للبطون والجيوب وبقيت ذكراه العطرة تتناقلها الأيام والسنون!!
وهكذا كان هذا الملامتى محمود جعل من ذهب حنجرته باب رزق للمساكين والأيتام والأرامل وشركات الإنتاج الفنى التى تحتكر عطايا الله لعباده.. وجعل من حياته مطرودا من العسس ينزلونه من كل مسرح ولايدرون أن ريع هذه الحفلة ربما تنتظره أفواه جائعة ولايهمهم إن دروا.. وجعل من ظهره شماعة تبين فيها الحكومة للرسول صلى الله عليه وسلم أننا إن سرق فينا الشريف تركناه وجلدنا بدلا عنه الفقير.. والفقر فقر النفس وهو الأغنى بها..
قيل أن إنسانا كريما لقب بحرم تملا لأنه كان لايترك الضيف ويظل يحلف حرم تملا وعندما توفاه الله سأل أحد الشيوخ: لمن هذه الجنازة فقالوا له هذه لفلان ودفلان قال الشيخ: أمشى الليلة بتلاقى محل تملا ميزانك لما يدفق..
وكان هناك عمدة سام الناس سوء العذاب فتوفاه الله, وعندما رأى نفس الشيخ الجنازة سأل: لمن هذه الجنازة؟ قيل له: دا العمدة فلان. قال له: أمشى الليلة السويتا بتلقاها..
فذاك حال محمودنا اليوم يإذن الله, وغدا حال العسس التى طاردته بمأموريها وآمريها!!
لك الرحمة والمغفرة ولمحبيك الصبر الجميل وربنا يعوض على والدتك وإخوتك وأبنائك وكل من كنت تحاننهم/ن باللقمة والهدمة!
Post: #2 Title: Re: محمود عبد العزيز: ....يابلابل بعده لاترسلى نغما ولاتترنمى Author: Balla Musa Date: 01-18-2013, 03:51 AM Parent: #1
انا مابعرفك ضمه لكن يوم سبعتاشر لقيت الكون بقى ضلمه تتوارى النجوم مكسوفة و الواطه لابسا الغمه قلت أكيد فقد أمه و سمعت القمرا قالت للشمش: الحوت رحل يايمه
Post: #3 Title: Re: محمود عبد العزيز: ....يابلابل بعده لاترسلى نغما ولاتترنمى Author: Balla Musa Date: 01-18-2013, 03:54 AM Parent: #2
2/
ابكى كان بتقدرى تبكى صح ياعين الحزن الموارب بابو فتح فد مره مصراعين على الزول القبيل بقدل سمح بين العديل والزين حياتو وطبعو كانو خريف وينبوع كرمو مليون عين
Post: #4 Title: Re: محمود عبد العزيز: ....يابلابل بعده لاترسلى نغما ولاتترنمى Author: Balla Musa Date: 01-18-2013, 03:57 AM Parent: #3
3/
كل الناس ياحودة لماعة وانت تسوى السمح بالدس وتروح تندس فى اشاعة وتعيش فى المعدن الطيب وتنسى تفاهة الباعه عملت الجد فى وقت الجد وتلقى جميلو ها الساعه
Post: #5 Title: Re: محمود عبد العزيز: ....يابلابل بعده لاترسلى نغما ولاتترنمى Author: Balla Musa Date: 01-18-2013, 04:02 AM Parent: #4
4/
الببكيك عشان غناى غناك عايش والمابعرف افعالك مع الأيتام يعيش دايش ديل الكنت فى ريدن بتنحف وانت ماجيعان وتبكى وانت بتغنى وزول غيرك يصيح طربان عشان الجارة والخوة بتنزف انت من جوه وعشان شماشى مااتعشى ودمع مسكينه ماانقش ونحيب مظلوم وماانفش تسيب ألمك وتنساه وتتب هايش تقش الدمعه من العين وتدى اللقمه للجيعان وأيضا انت ياإنسان تعيش مسكين ومابهمك كلام طايش..
Post: #6 Title: Re: محمود عبد العزيز: ....يابلابل بعده لاترسلى نغما ولاتترنمى Author: Balla Musa Date: 01-18-2013, 04:06 AM Parent: #5
5/
بى معناك بنهاتى ونقول الأجمل الآتى وتظل ذكراك يوماتى فقير غنيان ملاماتى ولما تقابل العاطى تكون فرحان تعيش فى نعمه يا انسان و تفرح وتنبسط وتروق ويبقى عطاؤك العاتى.
يرحمه الله رحمة واسعة بقدر ما أعطى وأسر وأعلن وماهو فى سريرته من الخير ولم يفعله
Post: #7 Title: Re: محمود عبد العزيز: ....يابلابل بعده لاترسلى نغما ولاتترنمى Author: حيدر حسن ميرغني Date: 01-18-2013, 05:03 AM Parent: #6
الله الله ياحبيب وكأن محمود كان ينشد عند الممات أبيات درويش العظيم "أيها الموت .. انتظرني خارج الأرض ، انتظرني في بلادك ، ريثما أنهي حديثا عابرا مع ما تبقى من حياتي" أجل ... القدر لم يمهله ليكمل انشودة الفرح التي أودعها في دواخلنا اللهم أجعل محبتنا له في مرضاتك عنه واسكنه جنات النعيم
Post: #8 Title: Re: محمود عبد العزيز: ....يابلابل بعده لاترسلى نغما ولاتترنمى Author: Rawia Date: 01-18-2013, 06:25 AM Parent: #7
بكيتو يعلم الله يابلة عرفت تبكيهو
Post: #9 Title: Re: محمود عبد العزيز: ....يابلابل بعده لاترسلى نغما ولاتترنمى Author: Abdlaziz Eisa Date: 01-18-2013, 09:32 AM Parent: #8
اللهم أرحم الفنان/ محمود عبدالعزيز وأسكنه فسيح جنّاتك
Post: #10 Title: Re: محمود عبد العزيز: ....يابلابل بعده لاترسلى نغما ولاتترنمى Author: Balla Musa Date: 01-18-2013, 01:57 PM Parent: #9
ياحنين أمس دزيت ليك رد لكن لقيت الكوتة كملت..
ياسلام ياحنين لما ربنا يديك موهبة ومحبة الفقراء.
Post: #11 Title: Re: محمود عبد العزيز: ....يابلابل بعده لاترسلى نغما ولاتترنمى Author: حيدر حسن ميرغني Date: 01-18-2013, 02:04 PM Parent: #10
Quote: أمس دزيت ليك رد لكن لقيت الكوتة كملت..
انت برضو مكوَتنك
- بقيت في سرج واحد مع الطرزانات؟
Post: #12 Title: Re: محمود عبد العزيز: ....يابلابل بعده لاترسلى نغما ولاتترنمى Author: Balla Musa Date: 01-18-2013, 02:06 PM Parent: #11
سلام ياراوية
ويبقى الحب والعمل الطيب كل ماتهب من سيرتو هبيب فى الشماشى الدمعتو حاره ومن سكليب الجار والجارة يجيك الحب من كل الحاره للفنان الفات متغيب رغما مااتعود يتضارى إلا يكون من ربو قريب!!
Post: #13 Title: Re: محمود عبد العزيز: ....يابلابل بعده لاترسلى نغما ولاتترنمى Author: Muna Khugali Date: 01-18-2013, 02:18 PM Parent: #12
وهو كما وصفته مناحتك.. قوي..كريم حنين وعفيف..
رحمه الله بقدر ما أدخل علي القلوب بهجة.. بقدر ما أطعم اليتامي والمساكين.. وبقدر ماستر من يحتاج الستر..
رحمه الله رحمة واسعه..
العزاء لك ولنا جميعا..
Post: #14 Title: Re: محمود عبد العزيز: ....يابلابل بعده لاترسلى نغما ولاتترنمى Author: Balla Musa Date: 01-18-2013, 02:40 PM Parent: #13
آمين ياعبد العزيز آمين آمين يامنى آمين وأحسن الله عزاء الجميع
رحمة ربنا تكسيه بى توب نور وينفحو من عطاياه الرحيم وغفور ياربى الحزن الفار كما التنور بى مزن الصبر اطفيه قبل الدور
Post: #15 Title: Re: محمود عبد العزيز: ....يابلابل بعده لاترسلى نغما ولاتترنمى Author: Balla Musa Date: 01-18-2013, 02:45 PM Parent: #14
بس ياخى الكوتة دى أنا وصلتها فى عمرى المنبرى تلاتة مرات ولحدى الآن ماعارف هى كم يبدو أن الجميع لديه كوتة بس نادرا مانصلها!!
Post: #16 Title: Re: محمود عبد العزيز: ....يابلابل بعده لاترسلى نغما ولاتترنمى Author: Rawia Date: 01-18-2013, 06:09 PM Parent: #15
طلب خاص بالله يابلة وأنا عارفاك بتقدر عليهو تستمر في البوست دا على الاقل لغاية نهاية الربع إت ريليفس
Post: #17 Title: Re: محمود عبد العزيز: ....يابلابل بعده لاترسلى نغما ولاتترنمى Author: Balla Musa Date: 01-18-2013, 06:22 PM Parent: #16
Quote: نسهر معاك في ليل آسي ونسير معاك درباً قسي يعوضك الله روح بالفيك منو الغير الله عاد بجزيك ..؟
محمد عبدالمنعم فلكون تشكر يامحمد واحسن الله عزاء الجميع
Post: #18 Title: Re: محمود عبد العزيز: ....يابلابل بعده لاترسلى نغما ولاتترنمى Author: Balla Musa Date: 01-18-2013, 06:25 PM Parent: #17
ياريت نقدر يا راوية نواصل لحدى ذكرى الأربعين..
Post: #19 Title: Re: محمود عبد العزيز: ....يابلابل بعده لاترسلى نغما ولاتترنمى Author: الصادق ضرار Date: 01-18-2013, 06:54 PM Parent: #18
لا يملك المال او السلطان او الجاه يملك قلباً كقلب طفل رضيع و هَم الغبش و المساكين لقد توارى جلادوه خجلاً و حزنت ان مسقط رأسي الفاشر كان مسرحاً للجريمة خرجت الجماهير طواعية تبكي و تهتف انت خالد فينا هكذا هم العظماء الف رحمة و نور على قبرك
Post: #20 Title: Re: محمود عبد العزيز: ....يابلابل بعده لاترسلى نغما ولاتترنمى Author: Balla Musa Date: 01-18-2013, 11:04 PM Parent: #19
الصادق ضرار ياصادق أحسن الله عزاء الجميع وتكفله الله مع كافلى اليتيم والمسكين.
Post: #21 Title: Re: محمود عبد العزيز: ....يابلابل بعده لاترسلى نغما ولاتترنمى Author: Balla Musa Date: 01-19-2013, 01:30 AM Parent: #20
قلنا راح مع الأيام وانت عطاك تب مابروح زى الأهيف المالان من الدمع الغزير مسفوح ومن حرة لهيب الشوق تغالب أنة المجروح وتبكى ايام صفانا تنوح تقابض للنفس والروح
Post: #22 Title: Re: محمود عبد العزيز: ....يابلابل بعده لاترسلى نغما ولاتترنمى Author: تبارك شيخ الدين جبريل Date: 01-19-2013, 03:48 AM Parent: #21
لك الله يا "مدينة جوبا" ...
لكم الله يا "راقصين التويا" ...
لك الله يا ظبية سموها "زينوبة" ... تقول من نور هي مخلوقة ...
بس غنا الوتر البيلهب ... حس نغيمات الغلابا ...
هو البياخد من ملامحك ... نغمة من طبلة وربابة ...
يصنعوا اللحن البيدوي ... يجمعوا الأرض والسحابة ...
نغمة تاخد من ملامحك ... فرحة النيل في التعابى ..
طفلة تلعب بين دموعو ... كايسة لى حرف الكتابة ...
يا محمود ... صوتك بفرّحني ... وصمتك بجرّحني ... فنّك بسمّحني ... وموتك بقمّحني ...
الله الكريم الحي ... يرحمك ويلطف بيّ ...
.... آآآآآآه ....
Post: #23 Title: Re: محمود عبد العزيز: ....يابلابل بعده لاترسلى نغما ولاتترنمى Author: Yasier Elsayed Date: 01-19-2013, 04:14 AM Parent: #22
انا لله وانا اليه راجعون.
Post: #24 Title: Re: محمود عبد العزيز: ....يابلابل بعده لاترسلى نغما ولاتترنمى Author: Balla Musa Date: 01-19-2013, 05:18 AM Parent: #23
ياسلام ياتبارك ياسلام ياسلام كلام من قلب موجوع ربنا يرحمو ويلطف بيك
Post: #25 Title: Re: محمود عبد العزيز: ....يابلابل بعده لاترسلى نغما ولاتترنمى Author: Balla Musa Date: 01-19-2013, 05:20 AM Parent: #24
ياسر السيد أحسن الله عزاءكم وجبر كسر الجميع واسكن محمود عالى الجنان
Post: #26 Title: Re: محمود عبد العزيز: ....يابلابل بعده لاترسلى نغما ولاتترنمى Author: Balla Musa Date: 01-19-2013, 02:27 PM Parent: #25
يازول وين مشيت شايل جراح وخليت نعيم الدنيا عندها نجمو لاح وين مشى الاسطول وقايدو ووين مشى فلق الصباح سالك دروب الشوق براك ومخلى حب الناس وراك وزينوبه بالحزن النبيل لبست وشاح
Post: #27 Title: Re: محمود عبد العزيز: ....يابلابل بعده لاترسلى نغما ولاتترنمى Author: jini Date: 01-19-2013, 04:51 PM Parent: #26
كفيت واوفيت يا دكتور
أغرقتني في دموعي جني
Post: #28 Title: Re: محمود عبد العزيز: ....يابلابل بعده لاترسلى نغما ولاتترنمى Author: Raja Date: 01-19-2013, 04:55 PM Parent: #27
تسلم دكتور بلة ويسلم قلمك
ويا يابلابل بعده لاترسلى نغما ولاتترنمى
Post: #29 Title: Re: محمود عبد العزيز: ....يابلابل بعده لاترسلى نغما ولاتترنمى Author: تبارك شيخ الدين جبريل Date: 01-19-2013, 05:39 PM Parent: #28
Post: #30 Title: Re: محمود عبد العزيز: ....يابلابل بعده لاترسلى نغما ولاتترنمى Author: Balla Musa Date: 01-19-2013, 10:12 PM Parent: #29
Jini ياحزين
أحسن الله عزاءك وجبر كسر الجميع وتولى محمودا برحمته
Post: #31 Title: Re: محمود عبد العزيز: ....يابلابل بعده لاترسلى نغما ولاتترنمى Author: Balla Musa Date: 01-20-2013, 04:02 AM Parent: #30
سلام يا رجاء العباسى
ضعى زهرة على قبر محمود واعرف أنك تعرفين الزهور التى تليق بمقامه..
محمود هو المشروع الوحيد الذى كان يمتلكه الفقراء والمساكين وابناء السبيل والشماشة والأيتام والأرامل.. كانت حنجرته الذهبية وقلبه الطيب هو بنكهم الذى يعطى دون ضمانات .. بكوه ويبكونه ليس لأنه اعطاهم, ولكنه أعطاهم مع حفظ الكرامة.. وكأنى به عندما يعطى يجعل يد من يتقبل منه العطاء هى العليا ويده المبسوطة هى السفلى ثم يسعد ويبتسم لأن هناك إنسانا تكرم أن يقبل عطيته!!
هذا هو المشروع الإنسانى الذى نفتقد, فلنا من الفنانين مالايحصى ولنا منهم من أطبقت شهرته الآفاق ولكن ليس بينهم محمودا الإنسان.. مع رجائى أن يستلهم هذا المشروع فنان آخر ويذهب به فى ذات الطريق هذا رجائى يا رجاء.
Post: #32 Title: Re: محمود عبد العزيز: ....يابلابل بعده لاترسلى نغما ولاتترنمى Author: Jawahir Ibrahim Date: 01-20-2013, 04:33 AM Parent: #31
كلامك فيهو يا بلة يخلى الحجر يبكى...!!
احسن الله عزائكم اخى
ربنا يجعل مقامه اعلى جنان الخلد يا رب . .
Quote: لك الله يا "مدينة جوبا" ...
لكم الله يا "راقصين التويا" ...
تبارك.... ما قدرت اقرا باقى الكلام...
انا لله وانا اليه راجعون
Post: #33 Title: Re: محمود عبد العزيز: ....يابلابل بعده لاترسلى نغما ولاتترنمى Author: Rawia Date: 01-20-2013, 05:49 AM Parent: #32
Post: #34 Title: Re: محمود عبد العزيز: ....يابلابل بعده لاترسلى نغما ولاتترنمى Author: Balla Musa Date: 01-20-2013, 08:54 AM Parent: #33
منو القال ليك تقول روحى ياسيدا ومنو القال ليك تعلق ناس غزال البر فى الريده ولى مين تقول ماتشيلى هم, زينوبة.. خلى العيش حرام.. ول الامانى العذبه فى اثواب جديده؟
Post: #35 Title: Re: محمود عبد العزيز: ....يابلابل بعده لاترسلى نغما ولاتترنمى Author: ود الباوقة Date: 01-20-2013, 09:22 AM Parent: #34
اللهم اغفر وارحم عبدك محمود وانزله الجنة مع الابرار
يا عزيز يا غفار
الدوام لله وحده
انا لله وانا اليه راجعون
Post: #36 Title: Re: محمود عبد العزيز: ....يابلابل بعده لاترسلى نغما ولاتترنمى Author: Balla Musa Date: 01-20-2013, 09:24 AM Parent: #34
عزيزى من الفيس بوك أحمد عبد الرحمن لك تحياتى وشكرى لك ممتد من بحر الحوت الواسع
وتجدنى فرحا برأيك الذى هو أوسع من مقاسى ولكنه جلباب مهدى منك على مقاس كرمك
والتحية لصديقى حيدر حسن ميرغنى (الحنين) الذى يتعهدنى دائما بعنايته وكلماته الطيبة
وزهرة أخرى على قبر الحوت
Post: #37 Title: Re: محمود عبد العزيز: ....يابلابل بعده لاترسلى نغما ولاتترنمى Author: Balla Musa Date: 01-20-2013, 06:40 PM Parent: #36
ياسلام ياتبارك هذا عمل صادق وأداء أصدق
باسم الناس والقصواء والتيمان وباسم كل اسم خصك المنان تكرم مقدم الإنسان الى الحنان..
Post: #38 Title: Re: محمود عبد العزيز: ....يابلابل بعده لاترسلى نغما ولاتترنمى Author: Balla Musa Date: 01-20-2013, 08:14 PM Parent: #37
سيب عنادك ماانت فى عز الشباب كيف تفارقنا وتقول سكت الرباب وكيف تسيب المدهشة والمفرحه وفى بالى منك للبلد مليون جواب ياغمام عز الخريف ياحقيقه وما سراب ياعمر فى بالى راجع تانى من بعد الغياب ايوة قولا وسيب عنادك أيوه فى تيمانى راجع أو على القصواء ساطع واصلو مابنحمل بعادك ونحن أيا كان ايابك ليك بنفتح الف باب!!
Post: #39 Title: Re: محمود عبد العزيز: ....يابلابل بعده لاترسلى نغما ولاتترنمى Author: Balla Musa Date: 01-21-2013, 01:43 AM Parent: #38
دم فى النعيم وصحبة المختار يامن حمى الايتام من إفقار قال الحبيب فى أطيب الآثار ياكافل الأيتام نم بجوارى
Post: #40 Title: Re: محمود عبد العزيز: ....يابلابل بعده لاترسلى نغما ولاتترنمى Author: Balla Musa Date: 01-21-2013, 01:44 AM Parent: #38
دم فى النعيم وصحبة المختار يامن حمى الايتام من إفقار قال الحبيب فى أطيب الآثار ياكافل الأيتام نم بجوارى
Post: #41 Title: Re: محمود عبد العزيز: ....يابلابل بعده لاترسلى نغما ولاتترنمى Author: Balla Musa Date: 01-21-2013, 01:44 AM Parent: #38
دم فى النعيم وصحبة المختار يامن حمى الايتام من إفقار قال الحبيب فى أطيب الآثار ياكافل الأيتام نم بجوارى
Post: #42 Title: Re: محمود عبد العزيز: ....يابلابل بعده لاترسلى نغما ولاتترنمى Author: Balla Musa Date: 01-21-2013, 01:48 AM Parent: #41
كدت أقول آسف للتكرار غير المتعمد ولكنى قلت عل الله أراد تكرار الدعاء!!
Post: #43 Title: Re: محمود عبد العزيز: ....يابلابل بعده لاترسلى نغما ولاتترنمى Author: Balla Musa Date: 01-21-2013, 01:12 PM Parent: #42
دكتورة جواهر ابراهيم
أحسن الله عزاءك وغفر لمحمود وألزم هله ومحبيه الصبر
يقول صلاح احمد ابراهيم:
يا منايا حوّمي حول الحمى واستعرضينا واصطفي كل سمح النفس بسام العشيات الوفي الحليم العف كالأنسام روحا وسجايا أريحي الوجه والكف إفتراراً وعطايا فإذا لاقاك بالباب بشوشا وحفي بضمير ككتاب الله طاهر انشبي الاظفار في أكت افه واختطفي وأمان الله منا يا منايا كلما اشتقت لميمون المحيا ذي البشائر .. شرّفي تجدينا مثلا في الناس سائر
Post: #44 Title: Re: محمود عبد العزيز: ....يابلابل بعده لاترسلى نغما ولاتترنمى Author: Balla Musa Date: 01-21-2013, 05:52 PM Parent: #43
سلام يا Patch Adam
كيف حالك يادكتور وكيف الوليدات
يازول مادام بقيت فيسبوكى ماتكمل مرة واحدة وتبقى بوردابى!
ذكرتنى البالتوك يا Patch Adam
Post: #45 Title: Re: محمود عبد العزيز: ....يابلابل بعده لاترسلى نغما ولاتترنمى Author: Balla Musa Date: 01-21-2013, 07:59 PM Parent: #44
راوية منوره جوه وبره
الصورة الجبتيها بها قلوب مكلومة ومرسومة على الوجوه.. بها حزن صادق بحجم الفراق وكصدق الموت.
الدوام لله.
Post: #46 Title: Re: محمود عبد العزيز: ....يابلابل بعده لاترسلى نغما ولاتترنمى Author: Balla Musa Date: 01-21-2013, 10:13 PM Parent: #45
سلام ياباوقة
السلوى والصبر والعزاء لإنسان السودان ولمحمود رحمة ربى فى عالى الجنان تكسيه
محمود ياباوقة
كان أيقونة وحده شمال وجنوب غرب وشرق وفوق وتحت كان صوفى فى توب عربيد ويمكن كوز فى شكل شيوعى وكان حاجاتو فريده ونوعى كان دينكاوى بيرطن نوبى وكان فوراوى وكان ادروب وكان مسطول بى حب الناس وكان فى الحاره بيملا الكاس ولما يشوف انوار الشهره يجرى بعيد وناس للشهره باحته بحت لما يشوف الناس محتاجة يرقد طينه ويكشف ضهرو للناقصين الدين والبينة ويجلد دهرو دهرو الخاين وناس بتعاين وكان مغلوب وكان الغالب وكان ايقونة وحده ونجده وامكن عدى دون يتسدى لأنو أبدا مابطالب وعارف سلفا الله الغالب.
Post: #47 Title: Re: محمود عبد العزيز: ....يابلابل بعده لاترسلى نغما ولاتترنمى Author: Balla Musa Date: 01-23-2013, 01:51 AM Parent: #46
Post: #48 Title: Re: محمود عبد العزيز: ....يابلابل بعده لاترسلى نغما ولاتترنمى Author: Balla Musa Date: 01-23-2013, 02:02 AM Parent: #47
Post: #49 Title: Re: محمود عبد العزيز: ....يابلابل بعده لاترسلى نغما ولاتترنمى Author: Balla Musa Date: 01-23-2013, 04:11 AM Parent: #48
المقطع الأخير من مرثية محمود عبد العزيز له الرحمة والمغفرة ولكم حسن العزاء والصبر والسلوان.
ياصرح الفن والإنسانيه ويابستان النفس الطيبه وحسن النية يا الخليت شتلاتك يانعة صغيرة ونية يا الخليت مشروعك لسه بنية حلوه نقيه راجيه فارسا يشبه ابوها وخايفه الناس امكن ينسوها بنيه جميله ولسه طريه عايزا تشوف الناس مستوره وعايزا تشوف معدوله الصوره عايزا الناس تتلافى الدمعه وعايزا الناس توقد كالشمعه عايزا الناس تتقسم البسمه وكل اتنين للتالت نسمه وكل انسان للتانى هديه وكل كلام مطلع اغنيه وكل اغنيه قصة ريده وكل ريده تبقى فريده وبلدنا تصير مسرح حنيه ومابنمثل بل بنأصل والمليان للفاضى يوصل تيار ريده والفه نديه.
Post: #50 Title: Re: محمود عبد العزيز: ....يابلابل بعده لاترسلى نغما ولاتترنمى Author: حبيب نورة Date: 02-01-2013, 00:49 AM Parent: #49
أجمل ما يكون يا عزيزي بلة
الأخت راوية من صاحب الصورة أعلاه ؟ أقصد من الذي ألتقطها ؟
