Post: #1
Title: 17 يناير يا للهول .... أبقو الصمود ما تبقوا زيف ....!
Author: خضر حسين خليل
Date: 01-17-2013, 01:57 PM
ــــــــــــــــــــــــــــــ
مرق المغني يجيب مطر
هبت عليهو العاصفة
فنت من ايديهو الوتر
والغيمة خرت نازفه
في حلقو اتعارض حجر
وهج النجيمه الشايفه
اخر نجيمه من النجوم
الخف ضوها وانطفي
قدر مايتطاير شرر
فوق راس نخلتو الناشفه
النار عديل النار قبل
حلق العطش ماكان كفي
قدر المغني علي دموعو يوقفه
قضف الحجر والعاصفه
حين لم في عضم المطر
بعد الصداعات والجفا
النخلة كانت في كبت
جمرايه ماتت واقفه
خالفالا شتلة عمر شهر
ولجنة النار اختفي
الباقي من ساق نخلتو
بي جمرو فوق كتفو انكفي
ياامة فرسانك تموت
مغدوره دايما من قفا
ياامة تقابة وفا
وخانة مشاعر مرهفه
يامدن شوارعه تستعيض
باغنياتو علي النضال
ضد الظروف المجحفه
بعضنا علي بعض الدروب
قاشرابا موضه وقندفه
ياكمبوهات بالطيبه والرحمه المحاننه مترفه
يالفارشين الارصفه
الحلمهم حلم الطيور
عيشه وحنان ومؤالفه
|
Post: #2
Title: Re: 17 يناير يا للهول .... أبقو الصمود ما تبقوا زيف ....!
Author: Amani Al Ajab
Date: 01-17-2013, 02:01 PM
Parent: #1
تتوالي أحزان الوطن
اللهم أرحم محمود عبد العزيز واغفر له واجعل الجنة مثواه
اللهم ألهم أهله ومحبيه الصبر الجميل وحسن العزاء
أحر التعازي لاسرته الكريمة وللشعب السوداني في فقدنا الأليم ..
" إنا لله وإنا إليه راجعون "
|
Post: #3
Title: Re: 17 يناير يا للهول .... أبقو الصمود ما تبقوا زيف ....!
Author: خضر حسين خليل
Date: 01-17-2013, 02:03 PM
Parent: #1
حظنا كده
مغايس بتفرم حشانا
ــــــــــــــــــــــــــ
مغايص بتفرم حشاها
وغبائن بتنفخ بطون البسفو التراب
وحايح لهيب تلهلب وتكوى الجلود
اتف القصائد
إذا مالقصائد دايره ليك البُكا
البِصاحب..رضا..السردار
واتف القصائد اذا مالقصائد
بتنزل مُريده وتسبح بحمد الذى
ابتلاك وهدانى الودار
طِريتك وأنا الكنت قايل
خيالك معشعش جواى
سكنتك ومالاقى فِجة
اخيرلك اقول البحرق حشاى
اخيرلك افضفض جراب الخبايا
أقول الكلام البفكفك سوارك
يوقف جدراك ويرفع عضايا
تضيع الرموز التغنى الكلام
أقول السكاكر أبتنى ورمتنى وكفانا
اقول العساكر تبارى الكبارى
وتفتش قلوب الجهال الشلوخهم هوية
واغنى الزيود والكنانة
|
|